Глава 
1

1Ин.1  с толкованием

1
Еже бе исперва, еже слышахом, еже видехом очима нашима, еже узрехом, и руки нашя осязаша, о Словеси животнем:

1Ин.1:1  с толкованием

2
и живот явися, и видехом, и свидетелствуем, и возвещаем вам живот вечный, иже бе у Отца и явися нам:

1Ин.1:2  с толкованием

3
еже видехом и слышахом, поведаем вам, да и вы общение имате с нами: общение же наше со Отцем и с Сыном Его Иисусом Христом.

1Ин.1:3  с толкованием

4
И сия пишем вам, да радость ваша будет исполнена.

1Ин.1:4  с толкованием

5
И сие есть обетование, еже слышахом от Него и поведаем вам, яко Бог свет есть, и тмы в Нем несть ни единыя.

1Ин.1:5  с толкованием

6
Аще речем, яко общение имамы с Ним, и во тме ходим, лжем и не творим истины:

1Ин.1:6  с толкованием

7
аще же во свете ходим, якоже Сам Той есть во свете, общение имамы друг ко другу, и Кровь Иисуса Христа Сына Его очищает нас от всякаго греха.

1Ин.1:7  с толкованием

8
Аще речем, яко греха не имамы, себе прельщаем, и истины несть в нас.

1Ин.1:8  с толкованием

9
Аще исповедаем грехи нашя, верен есть и праведен да оставит нам грехи нашя и очистит нас от всякия неправды.

1Ин.1:9  с толкованием

10
Аще речем, яко не согрешихом, лжа творим Его, и слово Его несть в нас.

1Ин.1:10  с толкованием

Глава 
2

1Ин.2  с толкованием

1
Чадца моя, сия пишу вам, да не согрешаете: и аще кто согрешит, ходатая имамы ко Отцу, Иисуса Христа праведника:

1Ин.2:1  с толкованием

2
и Той очищение есть о гресех наших, не о наших же точию, но и о всего мира.

1Ин.2:2  с толкованием

3
И о сем разумеем, яко познахом Его, аще заповеди Его соблюдаем.

1Ин.2:3  с толкованием

4
Глаголяй, яко познах Его, и заповеди Его не соблюдает, ложь есть, и в сем истины несть:

1Ин.2:4  с толкованием

5
а иже аще соблюдает слово Его, поистинне в сем любы Божия совершенна есть: о сем разумеем, яко в Нем есмы.

1Ин.2:5  с толкованием

6
Глаголяй, в Нем пребывати, должен есть, якоже Он ходил есть, и сей такожде да ходит.

1Ин.2:6  с толкованием

7
Возлюбленнии, не заповедь нову пишу вам, но заповедь ветху, юже иместе исперва. Заповедь ветха есть слово, еже слышасте исперва.

1Ин.2:7  с толкованием

8
Паки заповедь нову пишу вам, еже есть поистинне в Нем и в вас: яко тма мимоходит и свет истинный сей уже сияет.

1Ин.2:8  с толкованием

9
Глаголяй себе во свете быти, а брата своего ненавидяй, во тме есть доселе.

1Ин.2:9  с толкованием

10
Любяй брата своего во свете пребывает, и соблазна в нем несть.

1Ин.2:10  с толкованием

11
А ненавидяй брата своего во тме есть, и во тме ходит, и не весть, камо идет, яко тма ослепи очи ему.

1Ин.2:11  с толкованием

12
Пишу вам, чадца, яко оставляются вам греси имене Его ради.

1Ин.2:12  с толкованием

13
Пишу вам, отцы, яко познасте Безначалнаго. Пишу вам, юноши, яко победисте лукаваго. Пишу вам, дети, яко познасте Отца.

1Ин.2:13  с толкованием

14
Писах вам, отцы, яко познасте Исконнаго: писах вам, юноши, яко крепцы есте, и слово Божие в вас пребывает, и победисте лукаваго.

1Ин.2:14  с толкованием

15
Не любите мира, ни яже в мире: аще кто любит мир, несть любве Отчи в нем:

1Ин.2:15  с толкованием

16
яко все, еже в мире, похоть плотская и похоть очима и гордость житейская, несть от Отца, но от мира сего есть.

1Ин.2:16  с толкованием

17
И мир преходит, и похоть его, а творяй волю Божию пребывает во веки.

1Ин.2:17  с толкованием

18
Дети, последняя година есть. И якоже слышасте, яко антихрист грядет, и ныне антихристи мнози быша, от сего разумеваем, яко последний час есть.

1Ин.2:18  с толкованием

19
От нас изыдоша, но не беша от нас: аще бы от нас были, пребыли убо быша с нами: но да явятся, яко не суть вси от нас.

1Ин.2:19  с толкованием

20
И вы помазание имате от Святаго, и весте вся.

1Ин.2:20  с толкованием

21
Не писах вам, яко не весте истины, но яко весте ю и яко всяка лжа от истины несть.

1Ин.2:21  с толкованием

22
Кто есть лживый, точию отметаяйся, яко Иисус несть Христос? Сей есть антихрист, отметаяйся Отца и Сына.

1Ин.2:22  с толкованием

23
Всяк отметаяйся Сына, ни Отца имать: а исповедаяй Сына, и Отца имать.

1Ин.2:23  с толкованием

24
Вы убо еже слышасте исперва, в вас да пребывает: (и) аще в вас пребудет, еже исперва слышасте, и вы в Сыне и Отце пребудете.

1Ин.2:24  с толкованием

25
И сие есть обетование, еже Сам обеща нам, живот вечный.

1Ин.2:25  с толкованием

26
Сия писах вам о льстящих вас.

1Ин.2:26  с толкованием

27
И вы еже помазание приясте от Него, в вас пребывает, и не требуете, да кто учит вы: но яко то само помазание учит вы о всем, и истинно есть, и несть ложно: и якоже научи вас, пребывайте в нем.

1Ин.2:27  с толкованием

28
И ныне, чадца, пребывайте в Нем, да егда явится, имамы дерзновение и не посрамимся от Него в пришествии Его.

1Ин.2:28  с толкованием

29
Аще весте, яко праведник есть, разумейте, яко всяк творяй правду от Него родися.

1Ин.2:29  с толкованием

Глава 
3

1Ин.3  с толкованием

1
Видите, какову любовь дал есть Отец нам, да чада Божия наречемся, и будем. Сего ради мир не знает нас, зане не позна Его.

1Ин.3:1  с толкованием

2
Возлюбленнии, ныне чада Божия есмы, и не у явися, что будем: вемы же, яко, егда явится, подобни Ему будем, ибо узрим Его, якоже есть.

1Ин.3:2  с толкованием

3
И всяк имеяй надежду сию Нань, очищает себе, якоже Он чист есть.

1Ин.3:3  с толкованием

4
Всяк творяй грех, и беззаконие творит: и грех есть беззаконие.

1Ин.3:4  с толкованием

5
И весте, яко Он явися, да грехи нашя возмет, и греха в Нем несть.

1Ин.3:5  с толкованием

6
Всяк, иже в Нем пребывает, не согрешает: всяк согрешаяй не виде Его, ни позна Его.

1Ин.3:6  с толкованием

7
Чадца, никтоже да льстит вас. Творяй правду праведник есть, якоже Он праведен есть.

1Ин.3:7  с толкованием

8
Творяй грех от диавола есть, яко исперва диавол согрешает. Сего ради явися Сын Божий да разрушит дела диаволя.

1Ин.3:8  с толкованием

9
Всяк рожденный от Бога греха не творит, яко семя Его в нем пребывает: и не может согрешати, яко от Бога рожден есть.

1Ин.3:9  с толкованием

10
Сего ради явлена суть чада Божия и чада диаволя: всяк не творяй правды несть от Бога, и не любяй брата своего.

1Ин.3:10  с толкованием

11
Яко се есть завещание, еже слышасте исперва, да любим друг друга,

1Ин.3:11  с толкованием

12
не якоже Каин от лукаваго бе и закла брата своего. И за кую вину закла его? Яко дела его лукава беша, а брата его праведна.

1Ин.3:12  с толкованием

13
Не чудитеся, братие моя, аще ненавидит вас мир.

1Ин.3:13  с толкованием

14
Мы вемы, яко преидохом от смерти в живот, яко любим братию: не любяй бо брата пребывает в смерти.

1Ин.3:14  с толкованием

15
Всяк ненавидяй брата своего человекоубийца есть: и весте, яко всяк человекоубийца не имать живота вечнаго в себе пребывающа.

1Ин.3:15  с толкованием

16
О сем познахом любовь, яко Он по нас душу Свою положи: и мы должни есмы по братии душы полагати.

1Ин.3:16  с толкованием

17
Иже убо имать богатство мира сего, и видит брата своего требующа, и затворит утробу свою от него, како любы Божия пребывает в нем?

1Ин.3:17  с толкованием

18
Чадца моя, не любим словом ниже языком, но делом и истиною.

1Ин.3:18  с толкованием

19
И о сем разумеем, яко от истины есмы, и пред Ним смиряем сердца наша:

1Ин.3:19  с толкованием

20
зане аще зазирает нам сердце наше, яко болий есть Бог сердца нашего и весть вся.

1Ин.3:20  с толкованием

21
Возлюбленнии, аще сердце наше не зазрит нам, дерзновение имамы к Богу,

1Ин.3:21  с толкованием

22
и егоже аще просим, приемлем от Него, яко заповеди Его соблюдаем и угодная пред Ним творим.

1Ин.3:22  с толкованием

23
И сия есть заповедь Его, да веруем во имя Сына Его Иисуса Христа и любим друг друга, якоже дал есть заповедь нам.

1Ин.3:23  с толкованием

24
И соблюдаяй заповеди Его в Нем пребывает, и Той в нем. И о сем разумеем, яко пребывает в нас, от духа, егоже дал есть нам.

1Ин.3:24  с толкованием

Глава 
4

1Ин.4  с толкованием

1
Возлюбленнии, не всякому духу веруйте, но искушайте духи, аще от Бога суть: яко мнози лжепророцы изыдоша в мир.

1Ин.4:1  с толкованием

2
О сем познавайте Духа Божия и духа лестча: всяк дух, иже исповедует Иисуса Христа во плоти пришедша, от Бога есть:

1Ин.4:2  с толкованием

3
и всяк дух, иже не исповедует Иисуса Христа во плоти пришедша, от Бога несть: и сей есть антихристов, егоже слышасте, яко грядет, и ныне в мире есть уже.

1Ин.4:3  с толкованием

4
Вы от Бога есте, чадца, и победисте тех: яко болий есть Иже в вас, нежели иже в мире.

1Ин.4:4  с толкованием

5
Они от мира суть: сего ради от мира глаголют, и мир тех послушает.

1Ин.4:5  с толкованием

6
Мы от Бога есмы: иже знает Бога, послушает нас, и иже несть от Бога, не послушает нас. О сем познаваем духа истины и духа лестча.

1Ин.4:6  с толкованием

7
Возлюбленнии, возлюбим друг друга, яко любы от Бога есть, и всяк любяй от Бога рожден есть, и знает Бога:

1Ин.4:7  с толкованием

8
а не любяй не позна Бога, яко Бог любы есть.

1Ин.4:8  с толкованием

9
О сем явися любы Божия в нас, яко Сына Своего Единороднаго посла Бог в мир, да живи будем Им.

1Ин.4:9  с толкованием

10
О сем есть любы, не яко мы возлюбихом Бога, но яко Той возлюби нас, и посла Сына Своего очищение о гресех наших.

1Ин.4:10  с толкованием

11
Возлюбленнии, аще сице возлюбил есть нас Бог, и мы должни есмы друг друга любити.

1Ин.4:11  с толкованием

12
Бога никтоже нигдеже виде. Аще друг друга любим, Бог в нас пребывает, и любы Его совершенна есть в нас.

1Ин.4:12  с толкованием

13
О сем разумеем, яко в Нем пребываем, и Той в нас, яко от Духа Своего дал есть нам.

1Ин.4:13  с толкованием

14
И мы видехом и свидетелствуем, яко Отец посла Сына Спасителя миру.

1Ин.4:14  с толкованием

15
Иже аще исповесть, яко Иисус есть Сын Божий, Бог в нем пребывает, и той в Бозе.

1Ин.4:15  с толкованием

16
И мы познахом и веровахом любовь, юже имать Бог к нам. Бог любы есть, и пребываяй в любви в Бозе пребывает, и Бог в нем пребывает.

1Ин.4:16  с толкованием

17
О сем совершается любы с нами, да дерзновение имамы в день судный, зане, якоже Он есть, и мы есмы в мире сем.

1Ин.4:17  с толкованием

18
Страха несть в любви, но совершенна любы вон изгоняет страх, яко страх муку имать: бояйся же не совершися в любви.

1Ин.4:18  с толкованием

19
Мы любим Его, яко Той первее возлюбил есть нас.

1Ин.4:19  с толкованием

20
Аще кто речет, яко люблю Бога, а брата своего ненавидит, ложь есть: ибо не любяй брата своего, егоже виде, Бога, Егоже не виде, како может любити?

1Ин.4:20  с толкованием

21
И сию заповедь имамы от Него, да любяй Бога любит и брата своего.

1Ин.4:21  с толкованием

Глава 
5

1Ин.5  с толкованием

1
Всяк веруяй, яко Иисус есть Христос, от Бога рожден есть: и всяк любяй Рождшаго любит и Рожденнаго от Него.

1Ин.5:1  с толкованием

2
О сем вемы, яко любим чада Божия, егда Бога любим и заповеди Его соблюдаем.

1Ин.5:2  с толкованием

3
Сия бо есть любы Божия, да заповеди Его соблюдаем: и заповеди Его тяжки не суть.

1Ин.5:3  с толкованием

4
Яко всяк рожденный от Бога побеждает мир: и сия есть победа, победившая мир, вера наша.

1Ин.5:4  с толкованием

5
Кто есть побеждаяй мир, токмо веруяй, яко Иисус есть Сын Божий?

1Ин.5:5  с толкованием

6
Сей есть пришедый водою и кровию и Духом, Иисус Христос, не водою точию, но водою и кровию: и Дух есть свидетелствуяй, яко Дух есть истина.

1Ин.5:6  с толкованием

7
Яко трие суть свидетелствующии на небеси, Отец, Слово и Святый Дух: и Сии три едино суть.

1Ин.5:7  с толкованием

8
И трие суть свидетелствующии на земли, дух и вода и кровь: и трие во едино суть.

1Ин.5:8  с толкованием

9
Аще свидетелство человеческое приемлем, свидетелство Божие более есть: яко сие есть свидетелство Божие, еже свидетелствова о Сыне Своем.

1Ин.5:9  с толкованием

10
Веруяй в Сына Божия имать свидетелство в себе: не веруяй Богови лжа сотворил есть Его, яко не верова во свидетелство, еже свидетелствова Бог о Сыне Своем.

1Ин.5:10  с толкованием

11
И сие есть свидетелство, яко живот вечный дал есть нам Бог, и сей живот в Сыне Его есть.

1Ин.5:11  с толкованием

12
Имеяй Сына Божия имать живот: а не имеяй Сына Божия живота не имать.

1Ин.5:12  с толкованием

13
Сия писах вам верующым во имя Сына Божия, да весте, яко живот вечный имате, и да веруете во имя Сына Божия.

1Ин.5:13  с толкованием

14
И сие есть дерзновение, еже имамы к Нему, яко аще чесо просим по воли Его, послушает нас:

1Ин.5:14  с толкованием

15
и аще вемы, яко послушает нас, еже аще просим, вемы, яко имамы прошения, ихже просихом от Него.

1Ин.5:15  с толкованием

16
Аще кто узрит брата своего согрешающа грех не к смерти, да просит, и даст ему живот, согрешающым не к смерти. Есть грех к смерти: не о том, глаголю, да молится.

1Ин.5:16  с толкованием

17
Всяка неправда грех есть, и есть грех не к смерти.

1Ин.5:17  с толкованием

18
Вемы, яко всяк рожденный от Бога не согрешает: но рожденный от Бога блюдет себе, и лукавый не прикасается ему.

1Ин.5:18  с толкованием

19
Вемы, яко от Бога есмы, и мир весь во зле лежит.

1Ин.5:19  с толкованием

20
Вемы же, яко Сын Божий прииде и дал есть нам (свет и) разум, да познаем Бога истиннаго и да будем во истиннем Сыне Его Иисусе Христе: Сей есть истинный Бог и живот вечный.

1Ин.5:20  с толкованием

21
Чадца, храните себе от треб идолских. Аминь.

1Ин.5:21  с толкованием