Глава 
1

показать остальные стихи главы...

11
Во днех тех изыдоша от Израиля сынове беззаконнии и наустиша многих глаголюще: пойдем и завещаем завет с языки, иже окрест нас, яко отнележе отлучихомся от них, обретоша нас многа злая.


12
И благоувидеся слово во очию их:


13
и предизбрашася нецыи от людий и идоша ко царю: и даде им власть творити оправдания языческая.


14
И создаша (себе) училище во Иерусалиме по законом языческим.


15
И сотвориша себе необрезание, и отступиша от завета святаго, и сопрягошася языком, и продашася еже творити лукавое.


16
И уготовася царство пред Антиохом: и умысли царствовати во Египте, яко да царствует над двема царствома.


17
И вниде во Египет в народе тяжце, на колесницах и на слонех, и на всадниках и на кораблех многих.

показать остальные стихи главы...