показать остальные стихи главы...
1
И царь Египетский собра силу многу аки песок, иже вскрай моря, и корабли многи: и искаше обладати царство Александрово лестию и приложити е к царству своему.
2
И изыде в Сирию словесы мирными, и отверзаху ему иже от градов и сретаху его, яко заповедь бе Александра царя сретати его, зане бяше тесть его.
4
Егда же приближися ко Азоту, показаша ему капище Дагоново сожжено, и Азот и окрестныя грады его разорены, и телеса повержена, и побиеных, ихже поби во брани: сметаша бо я в купы их при пути его.
8
Царь же Птоломей огосподствова грады приморскими даже до Селевкии приморския и размышляше на Александра советы лукавы.
9
И посла старейшин к Димитрию царю, глаголя: прииди, составим между нама завет, и дам тебе дщерь мою, юже имать Александр, и царствовати имаши во царствии отца твоего:
13
И вниде Птоломей во Антиохию и возложи две диадимы на главу свою, Асийскую и Египетскую.
15
И слыша Александр и прииде нань бранию: и изведе Птоломей силу, и срете его рукою крепкою, и прогна его.
18
И царь Птоломей умре в третий день, и сущии в твердынех погибоша от сущих в твердынех.
20
Во дни оны собра Ионафан сущих от Иудеи, да воюют краеградие, еже во Иерусалиме, и сотвори на оное миханы многи.
21
И идоша нецыи ненавидящии языка их, мужие беззаконницы, ко царю Димитрию и возвестиша ему, яко Ионафан обстоит краеградие.
22
И слышав разгневася: егда же слыша, скоро прииде во Птолемаиду и написа ко Ионафану, да не обстоит краеградия, но да идет во сретение ему тщателно во Птолемаиду, еже беседовати с ним.
23
Егда же услыша Ионафан, повеле обстояти, и избра от старейшин Израилевых и иереев, и вдадеся в бедство:
24
и взяв злато и сребро и ризы и ины дары многи, иде ко царю во Птолемаиду и обрете благодать пред ним.
26
И сотвори ему царь, якоже сотвориша ему, иже прежде его быша, и возвыси его пред всеми други своими,
27
и постави его началника священству, и елика ина имеяше прежде честная, и сотвори его в первых друзех быти.
28
И моли Ионафан царя сотворити Иудею безданну, и три топархии, и Самарию, и обеща ему триста талант.
31
списание епистолии, юже писахом Ласфену сроднику нашему о вас, писахом и к вам, да весте:
33
языку Иудейску другом нашым и сохраняющым яже к нам праведная судихом благосотворити, ради благоприятства их к нам:
34
уставихом убо им пределы Иудейския и три страны, Аферему, Лидду и Рамафем, иже приложишася Иудеи от Самарии, и вся надлежащая к ним, всем жрущым во Иерусалиме, вместо царских, ихже взимаше царь от них первее на всяко лето от жит земли и от овощей древесных,
35
и ина надлежащая нам отныне десятин и даней надлежащих нам, и соли точила, и принадлежащих нам венцев,
37
ныне убо прилежите сотворити сих списание, и да дастся Ионафану и да положится в горе святей в месте честне.
38
И виде Димитрий царь, яко утишися земля пред ним, и ничто ему противится, и отпусти вся вои своя коегождо в место свое, кроме чуждих сил, ихже собра от островов языческих, и враждоваху ему вся силы отцев его.
39
Трифон же бе от Александровых первее, и виде, яко вся силы ропщут на Димитриа, и иде ко Емалкую Аравитину, иже воспита Антиоха детище Александрово:
40
и прилежаше ему, яко да даст ему е, да воцарит вместо отца его: и возвести ему, елика сотвори Димитрий, и вражду, еюже враждуют нань силы его, и пребысть ту дни многи.
41
И посла Ионафан ко Димитрию царю, да ижденет сущих во краеградии из Иерусалима и иже в твердынех: бяху бо воююще Израиля.
42
И посла Димитрий ко Ионафану глаголя: не токмо сия сотворю тебе и языку твоему, но и славою прославлю тя и язык твой, аще благовременство получу:
43
ныне убо право сотвориши, аще послеши ми мужей споборающих, яко отступиша вси вои мои.
44
И посла ему Ионафан три тысящы мужей сильных крепостию во Антиохию, и приидоша ко царю, и возвеселися царь о пришествии их.
45
И собрашася иже от града в средину града сто двадесять тысящ мужей и совещахуся убити царя.
47
И призва царь Иудеов на помощь, и собрашася вси вкупе к нему: и расточишася вси по граду,
48
и убиша во граде в той день сто тысящ мужей, и сожгоша град, и взяша корысти многи во он день и избавиша царя.
49
И видеша иже бяху от града, яко одержаша Иудее град, якоже хотеша, и изнемогоша мысльми своими, и возопиша ко царю с молением, глаголюще:
показать остальные стихи главы...
51
И повергоша оружия своя и сотвориша мир. И прославишася Иудее пред царем и пред всеми иже во царствии его, и возвратишася во Иерусалим имеюще корысти многи.
53
И солга вся елика рече, и отчуждися Ионафана, и не воздаде ему по благотворением, яже воздаде ему, и оскорби его зело.
54
По сих же возвратися Трифон и Антиох с ним отрочищь юный: и воцарися и возложи диадиму.
55
И собрашася к нему вси вои, ихже расточи Димитрий, и ратоваша противу его, и побеже и побежден бысть.
57
И писа Антиох юный Ионафану, глаголя: уставляю тебе архиерейство и поставляю тебе над четырми странами, и будеши в друзех царских.
58
И посла ему сосуды златыя и служение, и даде ему власть пити из злата и быти в порфире и имети гривну злату.
60
И изыде Ионафан и прохождаше об ону страну реки и во градех, и собрашася к нему вся силы Сирския в помощь, и прииде во Аскалон, и сретоша его честно от града.
61
И иде оттуду в Газу, и заключишася иже в Газе, и обстояше ю, и пожже окрестныя грады ея огнем, и плени я.
62
И молиша Ионафана иже от Газы, и даде им десницу, и взя сыны началников их в залог, и посла их во Иерусалим, и пройде страну даже до Дамаска.
63
И слыша Ионафан, яко суть началницы Димитриевы в Кадисе, иже в Галилеи, с силою многою, хотяще изринути его от страны.
66
И просиша у него десницу прияти, и даде им, и изгна их оттуду, и взя град, и постави в нем стражу.
68
и идоша утро рано на поле насор, и се, полк иноплеменников срете его на поли, и поставиша нань ловителство в горах, сами же сретоша отсупротиву.
70
и побегоша иже со Ионафаном вси, и ни един остася от них, токмо Маттафиа сын Авессаломов, и Иуда сын Халфиев, началницы воинских сил.
73
И видеша свои бежавшии от него, и обратишася к нему, и гнаша с ним даже до Кадиса, даже до полка их, и ополчишася тамо.
74
И падоша от иноплеменник в день той три тысящы мужей. И возвратися Ионафан во Иерусалим.