Глава 
14

показать остальные стихи главы...

5
И со всею славою своею взя Июппию в пристанище и сотвори вход островом морским,


6
и распростре пределы языку своему, и одержа страну,


7
и собра пленение много, и господствова над Газары и Вефсуры и краеградием, и отят нечистоты от него, и не бысть противляющагося ему.


8
И кийждо делаше землю свою с миром, и земля даяше жита своя, и древеса польская плод свой.


9
Старейшины на стогнах седяху и вси о благих беседоваху, и юноши облачахуся славою и ризами ратными.


10
Градом даяше пищы и вчиняше их в сосуды утверждения, донележе именовася имя славы его даже до края земли.


11
Сотвори мир на земли, и возвеселися Израиль веселием велиим.

показать остальные стихи главы...