Глава 
6

показать остальные стихи главы...

37
И пирги древяни на них крепцы защищающии на коемждо звери, препоясани на нем миханами, и на коемждо мужей силы тридесять два воюющих на них, и Индианин управитель его.


38
И прочыя конники сюду и сюду поставиша на две части полка, побуждающе и заграждающе в дебрех.


39
Егда же возсия солнце на щиты златыя и медяныя, обсияша горы от них и облисташа яко лампады огненныя.


40
И отлучися часть некая от полка царева на горы высоки, и нецыи на нижшая, и идяху крепце и чинно.


41
И поколебашася вси слышащии глас множества их, и путьшествия многих, и сражения оружий: бе бо ополчение велико зело и крепко.


42
И приближися Иуда и полк его на брань, и падоша от полка царева шесть сот мужей.


43
И увиде Елеазар сын Саварань единаго от зверей облечена в броню царску, и бяше выше прочиих зверей, и возмнеся ему, яко на нем есть царь:

показать остальные стихи главы...