Глава 
9

1Цар.9  с толкованием

1
И бе муж от сынов Вениаминовых, емуже имя Кис, сын Авиилов, сына Иаредова, сына Вахирова, сына Афекова, сына мужа Иеминеова, муж силен крепостию.

1Цар.9:1  с толкованием

2
И сему бе сын, имя ему Саул, добровеличен, муж благ: и не бе в сынех Израилевых благ паче его, от рамен и выше высок паче всех людий.

1Цар.9:2  с толкованием

3
И заблудиша ослята Киса отца Саулова. И рече Кис к Саулу сыну своему: возми с собою единаго от отрок, и воставше идите и поищите ослят.

1Цар.9:3  с толкованием

4
И проидоша гору Ефремлю, и проидоша землю Селха, и не обретоша: и проидоша землю Сегалимлю, и не бе: и проидоша землю Иаминю, и не обретоша.

1Цар.9:4  с толкованием

5
И пришедшым им в землю Сифову, и рече Саул ко отроку своему иже с ним: гряди и возвратимся, да не како отец мой оставя ослята, печется о нас.

1Цар.9:5  с толкованием

6
И рече ему отрок: се, зде человек Божий во граде сем, и человек славен: все еже аще речет приходящым к нему, будет им: и ныне пойдем тамо, да возвестит нам путь наш, имже пойдем.

1Цар.9:6  с толкованием

7
И рече Саул отроку своему иже с ним: се, пойдем, и что принесем к человеку Божию? Яко хлебы оскудеша от вретищ наших, и ктому несть у нас, еже внести к человеку Божию от имения нашего.

1Цар.9:7  с толкованием

8
И приложи отрок отвещати Саулу и рече: се, обретается в руце моей четвертая часть сикля сребра, и даси человеку Божию, и возвестит нам путь наш.

1Цар.9:8  с толкованием

9
Прежде бо во Израили сице глаголаше кийждо, егда кто идяше вопрошати Бога: гряди, да идем к прозорливцу: яко пророка нарицаху людие прежде прозорливцем.

1Цар.9:9  с толкованием

10
И рече Саул отроку своему: добр глагол твой: гряди, да идем. И идоша во град, идеже бе человек Божий.

1Цар.9:10  с толкованием

11
Восходящым же им на восход града, и се, обретоша девиц изшедших почерпсти воды, и реша им: есть ли зде прозорливец?

1Цар.9:11  с толкованием

12
И отвещаша им девицы, глаголющя: есть, се пред лицем вашим: ныне же потщитеся, яко дне ради грядет во град, яко жертва днесь людем в ваме:

1Цар.9:12  с толкованием

13
и егда внидете во град, тако обрящете его во граде, прежде неже взыти ему в ваму ясти: яко не имут ясти людие, дондеже внидет сей, яко той благословит жертву, и по сих ядят страннии: и ныне взыдите, яко дне ради обрящете его.

1Цар.9:13  с толкованием

14
И взыдоша во град. Имже входящым среди града, и се, Самуил изыде во сретение им, еже взыти в ваму.

1Цар.9:14  с толкованием

15
И Господь откры во ухо Самуилу днем единым прежде пришествия к нему Сауля, глаголя:

1Цар.9:15  с толкованием

16
якоже время сие, утро послю к тебе мужа от племене Вениаминова, и да помажеши его царя над людьми Моими Израилем, и спасет люди Моя от руки иноплеменничи: яко призрех на смирение людий Моих, яко взыде вопль их ко Мне.

1Цар.9:16  с толкованием

17
И виде Самуил Саула, и Господь рече к нему: се, человек, о немже рекох ти: сей будет в людех Моих царствовати.

1Цар.9:17  с толкованием

18
И приближися Саул к Самуилу посреде града и рече: возвести ми, который дом прозорливца.

1Цар.9:18  с толкованием

19
И отвеща Самуил Саулу и рече: аз сам есмь: взыди предо мною в ваму, и яждь со мною днесь, и отпущу тя заутра, и вся яже в сердцы твоем возвещу ти:

1Цар.9:19  с толкованием

20
и о ослятех твоих заблудивших днесь третий день, не помышляй в сердцы своем о них, ибо обретошася: и кому красная Израилева? Не тебе ли и дому отца твоего?

1Цар.9:20  с толкованием

21
И отвеща Саул и рече: не сын ли есмь аз мужа иеминеа, меншаго скиптра племене Израилева? И племене малейшаго от всего скиптра Вениаминова? И отечество мое меншее паче всех отечеств Вениаминовых? И вскую глаголал еси ко мне по глаголу сему?

1Цар.9:21  с толкованием

22
И поят Самуил Саула и отрока его, и введе я во обиталище, и даде им тамо место в первых званых, яко в седмидесяти мужех.

1Цар.9:22  с толкованием

23
И рече Самуил повару: даждь ми часть, юже дах ти, и о нейже рех ти положити ю у себе.

1Цар.9:23  с толкованием

24
И взя повар плече, и предложи е Саулови. И рече Самуил Саулу: се, избыток, предложи пред ся и яждь, яко во свидетелство предложися тебе паче иных, прикоснися. И яде Саул с Самуилом в той день.

1Цар.9:24  с толкованием

25
И сниде от вамы во град, и постлаша Саулови на горнице, и спа.

1Цар.9:25  с толкованием

26
И бысть егда приближашеся утро, и воззва Самуил Саула на горнице, и рече: востани, и отпущу тя. И воста Саул, и изыде сам и Самуил вон.

1Цар.9:26  с толкованием

27
Имже исходящым в часть града, и рече Самуил к Саулу: рцы юноши, да предидет пред нами: а ты стани якоже днесь, и слышан сотворю тебе глаголгол Божий.

1Цар.9:27  с толкованием

Толкования на главу 1Цар.9
этой книги Священного Писания


Толкование блаженного Феодорита Кирского
 

Блж. Феодорит Кирский. Толкование на Первую книгу Царств

1Цар.9

Глава 
9

1Цар.9  с толкованием

Вопрос 15. Почему писатель назвал Саула мужем благим?(1Цар.9:2)

Не о душевной доблести в Сауле засвидетельствовал сим, а о внешности и росте. Сие самое подтверждает он: не бе в сынех Израилевых благ паче его, от рамен, и выше высок по всей земле.
 


Вопрос 16. Иные говорят, что Самуил пророчествовал за деньги, заключая сие из сказанного Саулом: се пойдем, и что принесем к человеку Божию, яко хлебы оскудеша... у нас? (1Цар.9:7)

Это - указание на Саулово предположение, а не на мздоимство Пророка. Саул думал, что надобно принести что-либо Самуилу, как начальнику и Пророку, однакоже ничего не принес, между тем принят им с великою благосклонностию. А немздоимство Пророка показывают слова его, сказанные всему народу. Ибо говорит: еда у кого из вас телца взях,... или кого от вас насильствовах, или кого утесних, или от руку некоего приях мзду или обущу, и закрыл очи мои для него? Скажите мне, и возвращу вам (1Цар.12:3). И сии слова Пророка подтверждены свидетельством народа.
 


Вопрос 17. Почему Пророка называли прозорливцем? (1Цар.9:4)

Потому что предвидит будущее. Слово сие употребляется не о телесных очах, а о духовном зрении. Слово: Вама (1Цар.9:12) Акила перевел: высокое, слово: Гаваа (1Цар.10:26) - Холм, слово: страннии (1Цар.9:13) - приглашенные на пиршество, и слово: плече (1Цар.9:24) - нога. Самуил предложил плече Саулу, как имеющему царствовать и подвергаться опасностям за народ. Ибо присовокупил следующее: се свидетельство; предложи пред ся и яждь, яко во свидетельство предложися тебе от народа (1Цар.9:24).