Глава 
1

1Цар.1  с толкованием

1
И бысть человек от Армафем Сифы, от горы Ефремли, и имя ему Елкана сын Иеремииль, сына Илиина, сына Фокеля в Насиве от Армафема от горы Ефремли:

1Цар.1:1  с толкованием

2
и сему две жены (быша): имя единей Анна и имя вторей Феннана: и бяху Феннане дети, Анне же не бяше отрочате.

1Цар.1:2  с толкованием

3
И восхождаше человек от дне до дне из града своего Армафема покланятися и жрети Господу Богу Саваофу в Силом. И тамо бе Илий и два сына его Офни и Финеес, жерцы Господни.

1Цар.1:3  с толкованием

4
И бысть день, и пожре Елкана и даде Феннане жене своей и сыном ея и дщерем ея части:

1Цар.1:4  с толкованием

5
Анне же даде часть едину, яко не бе ей чада, обаче Анну любляше Елкана паче Феннаны. И Господь затвори ложесна ея:

1Цар.1:5  с толкованием

6
занеже не даде ей Господь чада по скорби ея и по сетованию оскорбления ея, и сетоваше сего ради, яко затвори Господь утробу ея не дати ей чада.

1Цар.1:6  с толкованием

7
Тако творяше от года до года, внегда приходити ей в дом Господень: (укоряше ея тако,) и сетоваше, и плакаше, и не ядяше.

1Цар.1:7  с толкованием

8
И рече ей Елкана муж ея: Анна. И рече ему: се, аз, господи. И рече ей: что ти есть, яко плачешися? И почто не яси? И почто биеши сердце твое? Несмь ли аз тебе добрее паче десяти чад?

1Цар.1:8  с толкованием

9
И воставши Анна по ядении их в Силоме, и ста пред Господем. Илий же жрец седяше на престоле, при празе двери храма Господня.

1Цар.1:9  с толкованием

10
И та умиленна душею, и помолися Господу и плачущи проплака,

1Цар.1:10  с толкованием

11
и обеща обет Господу, глаголющи: Адонаи Господи Елои Саваоф, аще призирая призриши на смирение рабы Твоея и помянеши мя, и даси рабе Твоей семя мужеско, то дам е пред Тобою в дар до дне смерти его: и вина и пиянственнаго не испиет, и железо не взыдет на главу его.

1Цар.1:11  с толкованием

12
И бысть егда умножи молящися пред Господем, Илий же жрец смотряше на уста ея.

1Цар.1:12  с толкованием

13
И та глаголаше в сердцы своем, токмо устне ея двизастеся, а глас ея не слышашеся: и мняше ю Илий пияну сущу.

1Цар.1:13  с толкованием

14
И рече ей Илий: доколе пияна будеши? Отими вино твое и иди от места Господня.

1Цар.1:14  с толкованием

15
И отвеща Анна и рече: ни, господи: жена в жесток день аз есмь, вина и пиянства не пих, но изливаю пред Господем душу мою:

1Цар.1:15  с толкованием

16
не даждь рабы твоея во дщерь погибели, яко от множества глумления моего и от множества сетования моего истаях даже доселе.

1Цар.1:16  с толкованием

17
И отвеща Илий и рече к ней: иди с миром, Бог Израилев да даст ти все прошение твое, еже просила еси от Него.

1Цар.1:17  с толкованием

18
И рече Анна: обрете раба твоя благодать пред очима твоима. И иде жена в путь свой, и вниде во обитель свою, и яде с мужем своим и пи, и лице ея не испаде ктому.

1Цар.1:18  с толкованием

19
И утреневаша заутра, и поклонишася Господу, и идоша путем своим. И вниде Елкана в дом свой во Армафем и позна Елкана жену свою Анну: и помяне ю Господь, и зачат.

1Цар.1:19  с толкованием

20
И бысть во время дний, и роди Анна сына и нарече имя ему Самуил: и рече: яко от Господа Бога Саваофа испросих его.

1Цар.1:20  с толкованием

21
И взыде человек Елкана и весь дом его в Силом пожрети жертву дний и обеты своя и вся десятины земли своея.

1Цар.1:21  с толкованием

22
Анна же не взыде с ним, яко рече мужеви своему: дондеже взыдет отроча, и аще отдою е, тогда явится лицу Господню и пребудет тамо до века.

1Цар.1:22  с толкованием

23
И рече ей Елкана муж ея: твори благое пред очима твоима, седи дондеже отдоиши е: но да утвердит Господь (слово твое), изшедшее из уст твоих. И седе жена, и млеком питаше сына своего, дондеже отдои его.

1Цар.1:23  с толкованием

24
И взыде с ним в Силом, егда отдои его, с телцем трилетным и с хлебы и со ефи муки пшеничны и мехом вина: и внидоша в дом Господень в Силом, и отроча с ними.

1Цар.1:24  с толкованием

25
И приведоша е пред Господа: и закла отец его жертву, юже творяше от дний на дни Господеви: и приведоша отроча, и закла телца. И приведе Анна мати отроча ко Илию

1Цар.1:25  с толкованием

26
и рече: во мне, господи, да живет душа твоя, господине мой, аз жена стоявшая пред тобою, о сем помолитися Господу:

1Цар.1:26  с толкованием

27
о отрочати сем молихся, и даде ми Господь прошение мое, еже просих у Него:

1Цар.1:27  с толкованием

28
и аз отдаю е Господеви во вся дни живота его на служение Господеви. И поклонися тамо Господеви.

1Цар.1:28  с толкованием

Глава 
2

1Цар.2  с толкованием

1
И помолися Анна и рече: утвердися сердце мое в Господе, вознесеся рог мой в Бозе моем, разширишася уста моя на враги моя, возвеселихся о спасении Твоем:

1Цар.2:1  с толкованием

2
яко несть свят яко Господь, и несть праведен яко Бог наш, и несть свят паче Тебе:

1Цар.2:2  с толкованием

3
не хвалитеся и не глаголите высокая в гордыни, ниже да изыдет велеречие из уст ваших: яко Бог разумов Господь, и Бог уготовляяй начинания Своя:

1Цар.2:3  с толкованием

4
лук сильных изнеможе, и немощствующии препоясашася силою:

1Цар.2:4  с толкованием

5
исполненнии хлеба лишишася, и алчущии пришелствоваша землю: яко неплоды роди седмь, и многая в чадех изнеможе:

1Цар.2:5  с толкованием

6
Господь мертвит и живит, низводит во ад и возводит,

1Цар.2:6  с толкованием

7
Господь убожит и богатит, смиряет и высит,

1Цар.2:7  с толкованием

8
возставляет от земли убога и от гноища воздвизает нища посадити его с могущими людий, и престол славы дая в наследие им:

1Цар.2:8  с толкованием

9
даяй молитву молящемуся и благослови лета праведнаго, яко не в крепости силен муж:

1Цар.2:9  с толкованием

10
Господь немощна сотвори сопостата Его, Господь свят: да не хвалится премудрый премудростию своею, и да не хвалится сильный силою своею, и да не хвалится богатый богатством своим: но о сем да хвалится хваляйся, еже разумети и знати Господа, и творити суд и правду посреде земли: Господь взыде на небеса и возгреме: той судит концем земли, праведен сый, и даст крепость царем нашым и вознесет рог христа Своего.

1Цар.2:10  с толкованием

11
И оставиша его тамо пред Господем и отидоша во Армафем в дом свой: отроча же бе служа лицу Господню пред лицем Илии жерца.

1Цар.2:11  с толкованием

12
Сынове же Илии жерца (быша) сынове погибелнии, не ведуще Господа,

1Цар.2:12  с толкованием

13
ни оправдания жреческа пред людьми всеми жрущими. И прихождаше отрок жреческ, егда варятся мяса, и удица трезубна в руку его,

1Цар.2:13  с толкованием

14
и влагаше ю в коноб великий, или в медяный сосуд, или горнец, и все еже вонзеся на удицу, взимаше е себе жрец: и тако творяху всему Израилеви приходящему пожрети Господеви в Силоме.

1Цар.2:14  с толкованием

15
И прежде каждения тука, прихождаше отрок жреческ и глаголаше мужеви жрущему: даждь мяса испещи жерцу, и не возму от тебе мяса варенаго от коноба.

1Цар.2:15  с толкованием

16
И глаголаше муж жряй: да покадится первее тук, якоже подобает, и тогда возмеши себе от всех, еже хощет душа твоя. И рече: ни, ныне даждь: аще же не даси, возму силою.

1Цар.2:16  с толкованием

17
И бе пред Господем грех отроков велий зело, яко отметаху жертву Господню.

1Цар.2:17  с толкованием

18
И Самуил бе служа пред Господем, отрочищь сый опоясан во ефуд льнян.

1Цар.2:18  с толкованием

19
И хламиду малу сотвори ему мати его, и приношаше ему от дний во дни, егда восхождаше с мужем своим пожрети жертву дний.

1Цар.2:19  с толкованием

20
И благослови Илий Елкану и жену его, глаголя: да воздаст ти Господь семя от жены сея за дар, егоже даровал еси Господеви. И отиде человек в место свое.

1Цар.2:20  с толкованием

21
И посети Господь Бог Анну, и зача, и роди еще три сыны и дщери две. И возвеличися отрок Самуил пред Господем.

1Цар.2:21  с толкованием

22
Илий же состареся зело: и услыша, яже творяху сынове его всем сыном Израилевым, и яко бываху с женами предстоящими у дверий скинии свидения,

1Цар.2:22  с толкованием

23
и рече им: почто творите по глаголу сему, егоже аз слышу из уст всех людий Господних (о вас)?

1Цар.2:23  с толкованием

24
Ни, чада, ни: яко не благ слух, егоже аз слышу о вас: не творите тако, яко не добры слухи, яже аз слышу, еже не работати людем Богу:

1Цар.2:24  с толкованием

25
аще согрешая согрешит муж мужеви, помолятся о нем ко Господу: аще же Господеви согрешит, кто помолится о нем? И не послушаста гласа отца своего, яко хотяй восхоте Господь погубити я.

1Цар.2:25  с толкованием

26
Отрок же Самуил хождаше предуспевая, и бе благ пред Господем и человеки.

1Цар.2:26  с толкованием

27
И прииде человек Божий ко Илию и рече: сия глаголет Господь: открываяся открыхся в дому отца твоего, сущым им в земли Египетстей рабом в дому фараони,

1Цар.2:27  с толкованием

28
и избрах дом отца твоего от всех домов Израилевых Мне служити, еже восходити ко олтарю Моему и кадити кадилом и носити ефуд, и дах дому отца твоего вся, яже огня жертвенная сынов Израилевых, в снедь:

1Цар.2:28  с толкованием

29
и почто ты воззрел еси на фимиам Мой и на жертву Мою безстудным оком, и прославил сыны твоя паче Мене, еже благословляти начаток всякия жертвы Израилевы предо Мною?

1Цар.2:29  с толкованием

30
Сего ради сия глаголет Господь Бог Израилев, глаголя: рекох, дом твой и дом отца твоего прейдет предо Мною до века: а ныне глаголет Господь: никакоже Мне, зане токмо прославляющыя Мя прославлю, и уничижаяй Мя безчестен будет:

1Цар.2:30  с толкованием

31
се, дние идут, и потреблю семя твое и семя дому отца твоего, и не будет старца в дому твоем во вся дни,

1Цар.2:31  с толкованием

32
и узриши державу Мою во всех, имиже разблажает Израиля, и не будет старца в дому твоем во вся дни:

1Цар.2:32  с толкованием

33
и мужа не истреблю тебе от олтаря Моего, во еже оскудети очесем его и истаяти души его: и вси прочии дому твоего падут оружием мужеским:

1Цар.2:33  с толкованием

34
и сие тебе знамение, еже приидет на оба сына твоя сия Офни и Финееса: в день един умрут оба:

1Цар.2:34  с толкованием

35
и возставлю Себе жерца верна, иже вся яже в сердцы Моем и яже в души Моей сотворит, и созижду ему дом верен, и предидет пред христом Моим во вся дни:

1Цар.2:35  с толкованием

36
и будет всяк оставшийся в дому твоем приидет поклонитися ему с цатою сребра и хлебом единым, глаголя: приими мя к единому от священнослужений твоих, еже ясти хлеб.

1Цар.2:36  с толкованием

Глава 
3

1Цар.3  с толкованием

1
И отрочищь Самуил бе служа Господеви пред Илием иереем, и глаголгол Господень бе честен в тыя дни, не бе видение посылаемо.

1Цар.3:1  с толкованием

2
И бысть в день он, и Илий спаше на месте своем, и очи его начаста тяжце быти, и не можаше зрети:

1Цар.3:2  с толкованием

3
и прежде неже угасе светилник Божий, и Самуил спаше в церкви Господни, идеже кивот Божий,

1Цар.3:3  с толкованием

4
и воззва Господь: Самуиле, Самуиле. И рече: се, аз.

1Цар.3:4  с толкованием

5
И тече ко Илию и рече: се, аз, яко звал мя еси. И рече (Илий): не звах тебе, возвратися и спи. И возвратися и спа.

1Цар.3:5  с толкованием

6
И приложи Господь и воззва еще: Самуиле, Самуиле. И воста Самуил и иде ко Илию вторицею, и рече: се, аз, яко звал мя еси. И рече: не звах тебе, чадо мое, возвратися, спи.

1Цар.3:6  с толкованием

7
Самуил же в то время еще не познаваше Бога, прежде откровения ему гласа Господня.

1Цар.3:7  с толкованием

8
И приложи Господь призвати Самуила третицею: и востав, и иде ко Илию и рече: се, аз, яко звал мя еси. И разуме Илий, яко Господь призывает отрочища, и рече: возвратися и спи, чадо:

1Цар.3:8  с толкованием

9
и будет аще воззовет тя Зовый, и речеши: глаголи, Господи, яко слышит раб Твой. И иде Самуил, и спа на месте своем.

1Цар.3:9  с толкованием

10
И прииде Господь и ста и воззва его якоже первое и второе: Самуиле, Самуиле. И рече Самуил: глаголи (Господи), яко слышит раб Твой.

1Цар.3:10  с толкованием

11
И рече Господь к Самуилу: се, Аз творю глаголголы Моя во Израили, яко всякому слышащему сия пошумит во обоих ушесех его:

1Цар.3:11  с толкованием

12
в день той воздвигну на Илиа вся, елика глаголах на дом его: начну и скончаю:

1Цар.3:12  с толкованием

13
и возвестих ему, яко отмщу Аз на доме его до века в неправдах сынов его, о нихже ведяше, яко злословиста Бога сынове его, и не наказа их:

1Цар.3:13  с толкованием

14
и сего ради кляхся дому Илиину, яко не очистится неправда дому Илиина в кадилах и жертвах его до века.

1Цар.3:14  с толкованием

15
И спа Самуил до утра, и утренева заутра, и отверзе двери храма Господня. Самуил же убояся поведати видения Илию.

1Цар.3:15  с толкованием

16
И рече Илий к Самуилу: Самуиле чадо. И рече: се, аз.

1Цар.3:16  с толкованием

17
И рече (Илий): что глаголгол глаголголанный к тебе? Не скрый убо от мене: сия да сотворит тебе Бог и сия да приложит, аще утаиши от мене слово от всех словес глаголголанных к тебе во ушеса твоя.

1Цар.3:17  с толкованием

18
И поведа Самуил Илию вся словеса, и не утаи от него (ни единаго глаголгола). И рече Илий: Господь Сам, еже благо пред Ним, да сотворит.

1Цар.3:18  с толкованием

19
И возвеличен бысть Самуил, и Господь бе с ним, и не паде от всех словес его на земли (ни един глагол).

1Цар.3:19  с толкованием

20
И разумеша вси Израилтяне от Дана даже и до Вирсавии, яко верен Самуил Господу во пророцех.

1Цар.3:20  с толкованием

21
И приложи Господь явитися в Силоме, яви бо Ся Господь Самуилу: и уверися Самуил пророк быти Господеви во всем Израили, от конца до конца земли. Илий же состареся зело, и сынове его ходяще хождаху, и лукав путь их пред Господем.

1Цар.3:21  с толкованием

Глава 
4

1Цар.4  с толкованием

1
И бысть во дни оны, и собрашася иноплеменницы противу Израиля на брань: и изыде Израиль во сретение им на брань, и ополчишася во Авенезере, и иноплеменницы ополчишася во Афеце:

1Цар.4:1  с толкованием

2
и сразишася иноплеменницы на брани со Израилтяны, и преклонися брань, и падоша мужие Израилевы пред иноплеменники, и убиени быша в брани на селе четыри тысящы мужей.

1Цар.4:2  с толкованием

3
И приидоша людие в полк, и реша старейшины Израилевы: почто порази нас Господь днесь пред иноплеменники? Возмем кивот Бога нашего от Силома, и изыдет посреде нас и спасет ны от руки враг наших.

1Цар.4:3  с толкованием

4
И послаша людие в Силом, и взяша оттуду кивот Господа седящаго на херувимех: и (быша) тамо оба сына Илиина с кивотом Божиим, Офни и Финеес.

1Цар.4:4  с толкованием

5
И бысть егда прииде кивот Господень в полк, и возопи весь Израиль гласом великим, и возшуме земля.

1Цар.4:5  с толкованием

6
И услышаша иноплеменницы глас вопля и реша: что сей вопль великий в полце Еврейсте? И уразумеша, яко кивот Господень прииде в полк.

1Цар.4:6  с толкованием

7
И убояшася иноплеменницы и реша: сии бози приидоша к ним в полк: горе нам, изми ны, Господи, днесь: яко не бысть тако вчера и третияго дне:

1Цар.4:7  с толкованием

8
горе нам, кто ны измет от руки богов крепких сих? Сии суть бози, побившии Египта всякими язвами и в пустыни:

1Цар.4:8  с толкованием

9
укрепитеся и будите в мужы, иноплеменницы, яко да не поработаете Евреом, якоже поработаша нам, будите убо в мужы и бийтеся с ними.

1Цар.4:9  с толкованием

10
И бишася с ними: и падоша мужие Израилевы пред иноплеменники, и побеже кийждо в селение свое, и бысть язва велика зело: и паде от Израиля тридесять тысящ чинов:

1Цар.4:10  с толкованием

11
и кивот Божий взят бысть, и оба сыны Илиины умроша, Офни и Финеес.

1Цар.4:11  с толкованием

12
И тече муж от брани Иеминей, и прииде в Силом в день он, и ризы своя растерзав, и персть бе на главе его.

1Цар.4:12  с толкованием

13
И прииде, и се, Илий седяше на престоле своем у дверий, смотря на путь, яко бе сердце его во ужасе (велице) о кивоте Божии. И человек вниде во град возвещая: и возопи весь град гласом великим:

1Цар.4:13  с толкованием

14
и слыша Илий глас вопля и рече: что есть глас вопля сего? И человек потщався вниде и поведа Илию.

1Цар.4:14  с толкованием

15
И бе Илий девятидесяти осми лет, и очи его изнемогоста, и не видяше.

1Цар.4:15  с толкованием

16
И рече Илий мужем предстоящым себе: что глас вопля сего? И муж потщався вниде ко Илию и рече ему: аз есмь пришедый из полка, и аз прибежах от брани днесь. И рече Илий: что бывший глагол, чадо?

1Цар.4:16  с толкованием

17
И отвеща отрочищь и рече: побежаша мужие Израилевы от лица иноплеменников, и язва велия бысть в людех, и оба сыны твоя умроша, и кивот Божий взят есть.

1Цар.4:17  с толкованием

18
И бысть егда помяну о кивоте Божии, и паде (Илий) с престола взнак близ дверий, и сокрушися хребет его, и умре, яко стар бе человек и тяжек: и той суди Израилеви четыредесять лет.

1Цар.4:18  с толкованием

19
И сноха его жена Финеесова заченшая родити, и слыша весть, яко взят бысть кивот Божий и яко умре свекор ея и муж ея, и восплакася (горько), и роди, яко обратишася на ню болезни ея.

1Цар.4:19  с толкованием

20
И во время, внегда умираше, реша ей жены предстоящыя ей: не бойся, яко сына родила еси. И не отвеща, и не разуме сердце ея.

1Цар.4:20  с толкованием

21
И нарече отрочища Уехавоф: и реша о кивоте Божии и о свекре ея и о мужи ея: преселися слава от Израиля, яко взятся кивот Господень, и яко умре свекор ея и муж ея.

1Цар.4:21  с толкованием

22
И рече: преселися слава Израилева, яко взят бысть кивот Божий.

1Цар.4:22  с толкованием

Глава 
5

1Цар.5  с толкованием

1
И взяша иноплеменницы кивот Божий и изнесоша его от Авенезера во Азот:

1Цар.5:1  с толкованием

2
и взяша иноплеменницы кивот Господень и внесоша его в храм Дагонов, и поставиша его близ Дагона.

1Цар.5:2  с толкованием

3
И обутреневаша Азотяне наутрие и внидоша в храм Дагонов: и увидеша, и се, Дагон паде на землю на лице свое пред кивотом Божиим. И воздвигоша Дагона, и поставиша его на месте своем.

1Цар.5:3  с толкованием

4
И бысть егда восташа заутра, и се, Дагон лежаше лицем на земли пред кивотом завета Господня: глава же Дагонова и обе плесне ног его отяты на празе особо каяждо, и обе длани рук его лежаще при дверех, точию труп Дагонов остася.

1Цар.5:4  с толкованием

5
Того ради не вступают жерцы Дагоновы и вси входящии в храм Дагонов на праг дому Дагонова во Азоте даже до дне сего: яко преступающе преступают.

1Цар.5:5  с толкованием

6
И отяготе рука Господня на Азоте, и наведе на них, и воскипе им на седалищах их, во Азоте и в пределех Его, и посреде страны его умножишася мышы: и бысть смущение смерти велико во граде.

1Цар.5:6  с толкованием

7
И видеша мужие Азотстии, яко тако (бысть), и глаголаша: яко не пребудет кивот Бога Израилева с нами, яко жестока рука Его на ны и на Дагона бога нашего.

1Цар.5:7  с толкованием

8
И пославше собраша воевод иноплеменничих к себе и глаголаша: что сотворим кивоту Бога Израилева? И реша Гефее: да прейдет кивот Бога Израилева к нам в Геф. И прейде кивот Бога Израилева в Геф.

1Цар.5:8  с толкованием

9
И бысть по прешествии его, и бысть рука Господня на граде, мятеж велий зело: и порази мужы града от мала до велика, и порази их на седалищах их. И сотвориша Гефее себе седалища (злата),

1Цар.5:9  с толкованием

10
и отпустиша кивот Божий во Аскалон. И бысть егда вниде кивот Бога Израилева во Аскалон, и возопиша Аскалонитяне глаголюще: почто возвратисте кивот Бога Израилева к нам, уморити ны и люди нашя?

1Цар.5:10  с толкованием

11
И послаша и собраша вся воеводы иноплеменничи и реша: отпустите кивот Бога Израилева, и да поставится на месте своем, и да не уморит нас и людий наших. Яко бысть мятеж смерти во всем граде тяжек зело, егда вниде кивот Бога Израилева тамо.

1Цар.5:11  с толкованием

12
И живущии и не умершии уязвишася на седалищах, и взыде вопль града до небесе.

1Цар.5:12  с толкованием

Глава 
6

1Цар.6  с толкованием

1
И бе кивот Господень на селе иноплеменников седмь месяц: и воскипе земля их мышами.

1Цар.6:1  с толкованием

2
И призваша иноплеменницы жерцев и волхвов и обаянников своих, глаголюще: что сотворим кивоту Господню? Скажите нам, како послем его на место его?

1Цар.6:2  с толкованием

3
И реша: аще отпущаете вы кивот завета Господа Бога Израилева, да не послете его тща, но отдающе отдадите Ему за муки (дары), и тогда исцелитеся, и умилостивится вам: еда ли не отступит рука Его от вас?

1Цар.6:3  с толкованием

4
И глаголаша: что Ему за муки отдадим? И реша: по числу воевод и иноплеменничих пять седалищ златых и пять мышей златых, яко прегрешения в вас и в князех ваших и в людех:

1Цар.6:4  с толкованием

5
и сотворите подобие седалищ ваших и подобие мышей ваших, растлевающих землю, и воздадите славу Богу (Израилеву), яко да облегчит руку Свою от вас и от богов ваших и от земли вашея:

1Цар.6:5  с толкованием

6
и почто отягощаете сердца ваша, якоже отягчи Египет и фараон сердце свое? Не егда ли поругася им, отпусти их, и отидоша?

1Цар.6:6  с толкованием

7
И ныне возмите и сотворите колесницу нову едину и две кравы первородившыя без телят, на нихже не бяше ярмо: и впрязите кравы в колесницу, а телята их возвратите вспять в дом:

1Цар.6:7  с толкованием

8
и возмите кивот Господень, и возложите и на колесницу, и сосуды златыя отдадите Ему за муки, и положите в ковчежце от страны его: и отпустите его, да идет:

1Цар.6:8  с толкованием

9
и узрите, аще путем пределов своих пойдет в Вефсамис, той сотвори нам зло великое сие: аще же ни, то уразумеем, яко не рука его прикоснуся нас, но приключение сие бысть нам.

1Цар.6:9  с толкованием

10
И сотвориша иноплеменницы тако, и взяша две кравы первородившыя, и впрягоша я в колесницу, телята же их затвориша в доме:

1Цар.6:10  с толкованием

11
и возложиша кивот Господень на колесницу, и ковчежец, и мышы златыя, и подобия седалищ своих:

1Цар.6:11  с толкованием

12
и управишася кравы на пути в путь Вефсамский, на пути имже идяху, и труждахуся, и не совращахуся на десно, ниже на шуе: и воеводы иноплеменничи идяху вслед его даже до предел Вефсамских.

1Цар.6:12  с толкованием

13
И иже в Вефсамисе жняху жатву пшеницы во юдоли: и возведоша очи свои, и видеша кивот Господень, и возвеселишася во сретение ему.

1Цар.6:13  с толкованием

14
И колесница вниде в село Осиево сущее в Вефсамисе, (и ста тамо,) и поставиша тамо при нем камень велий: и иссекоша древеса колесничная, и кравы вознесоша на всесожжение Господу.

1Цар.6:14  с толкованием

15
Левити же вознесоша кивот Господень, и ковчежец иже с ним, и яже в нем сосуды златы, и положиша на камени велицем: мужие же Вефсамстии вознесоша всесожжения и пожроша жертву в той день Господу.

1Цар.6:15  с толкованием

16
И пять воевод иноплеменничи зряху, и возвратишася во Аккарон в день той.

1Цар.6:16  с толкованием

17
И сия седалища златая, яже воздаша иноплеменницы за муку Господу: Азотско едино, Газско едино, Аскалонско едино, Гефско едино, Аккаронско едино.

1Цар.6:17  с толкованием

18
И златыя мышы по числу всех градов иноплеменничих пяти воевод, от града утвержена и даже до веси ферезеовы и до камене великаго, на немже положиша кивот завета Господня, иже есть даже до сего дне, на селе Осии Вефсамиситянина.

1Цар.6:18  с толкованием

19
И не порадовашася сынове Иехониины в мужех Вефсамских, яко видеша кивот Господень: и уби в них пятьдесят тысящ и седмьдесят мужей. И плакашася людие, яко порази Господь людий язвою великою зело.

1Цар.6:19  с толкованием

20
И реша мужие иже от Вефсамиса: кто возможет поити пред Господем Богом святым сим? И к кому взыдет кивот завета Господня от нас?

1Цар.6:20  с толкованием

21
И послаша послы к живущым в Кариафиариме, глаголюще: возвратиша иноплеменницы кивот Господень, снидите и вознесите его к себе.

1Цар.6:21  с толкованием

Глава 
7

1Цар.7  с толкованием

1
И приидоша мужие Кариафиаримстии и взяша кивот завета Господня, и внесоша его в дом Аминадавль иже на холме: и Елеазара сына его освятиша сохраняти кивот завета Господня.

1Цар.7:1  с толкованием

2
И бысть от негоже дне бе кивот в Кариафиариме, умножишася дние, и быти двадесять лет: и воззре весь дом Израилев вслед Господа.

1Цар.7:2  с толкованием

3
И рече Самуил ко всему дому Израилеву, глаголя: аще всем сердцем вашим вы обращаетеся ко Господу, отимите боги чуждыя от среды вас, и Дубравы, и уготовайте сердца ваша ко Господу, и поработайте Ему единому, и избавит вас от руки иноплеменничи.

1Цар.7:3  с толкованием

4
И отвергоша сынове Израилевы Ваалима и дубравы Астарофа, и поработаша Господу единому.

1Цар.7:4  с толкованием

5
И рече Самуил: соберите ко мне всего Израиля в Массифаф, и помолюся о вас ко Господу.

1Цар.7:5  с толкованием

6
И собрашася людие в Массифаф, и почерпаху воду и проливаху пред Господем на землю: и постишася в той день, и реша: согрешихом пред Господем. И судяше Самуил сыны Израилевы в Массифафе.

1Цар.7:6  с толкованием

7
И услышаша иноплеменницы, яко собрашася вси сынове Израилевы в Массифаф, и взыдоша воеводы иноплеменничи на Израиля. И слышаша сынове Израилевы и убояшася от лица иноплеменник:

1Цар.7:7  с толкованием

8
и реша сынове Израилевы к Самуилу: не премолчи о нас вопия ко Господу Богу нашему, да избавит ны от руки иноплеменничи. И рече Самуил: не буди мне еже отступити от Господа Бога моего и не вопити о вас с молением.

1Цар.7:8  с толкованием

9
И взя Самуил ягня едино ссущее, и принесе е на всесожжение со всеми людьми Господеви: и возопи Самуил ко Господу о Израили, и послуша его Господь.

1Цар.7:9  с толкованием

10
И бяше Самуил возносяй всесожжение, и иноплеменницы приближишася на брань на Израиля: и возгреме Господь гласом велиим в день он на иноплеменники, и смятошася и падоша пред Израилем:

1Цар.7:10  с толкованием

11
и изыдоша мужие Израилевы от Массифафа, и погнаша иноплеменников, и биша их даже до подолия Вефхор.

1Цар.7:11  с толкованием

12
И взя Самуил камень един и постави его между Массифафом и между Ветхим: и нарече имя ему Авенезер, сиречь камень помощи, и рече: до зде поможе нам Господь.

1Цар.7:12  с толкованием

13
И смири Господь иноплеменники, и не приложиша ктому ити в пределы Израилевы: и бысть рука Господня на иноплеменников во вся дни Самуиловы.

1Цар.7:13  с толкованием

14
И отдашася грады, ихже взяша иноплеменницы от сынов Израилевых, и отдаша их Израилю, от Аккарона даже до Гефа, и пределы Израиля свободишася от руки иноплеменничи: и бе мир между Израилем и между Аморреем.

1Цар.7:14  с толкованием

15
И судяше Самуил Израилю во вся дни живота своего.

1Цар.7:15  с толкованием

16
И хождаше от года до года, и окрест Вефиля и Галгалы и Массифафа, и суждаше Израиля во всех священных сих.

1Цар.7:16  с толкованием

17
Бяше же ему возвращение во Армафем, яко тамо бяше дом его: и судяше тамо Израиля, и созда тамо олтарь Господеви.

1Цар.7:17  с толкованием

Глава 
8

1Цар.8  с толкованием

1
И бысть егда состареся Самуил, и постави сыны своя судити Израилеви.

1Цар.8:1  с толкованием

2
И сия имена сыном его: первенец Иоиль, и имя второму Авиа, судии в Вирсавеи.

1Цар.8:2  с толкованием

3
И не поидоша сынове его путем его: и уклонишася вслед лихоимания, и приимаху дары, и развращаху суды.

1Цар.8:3  с толкованием

4
И собрашася мужие Израилевы, и приидоша к Самуилу во Армафем

1Цар.8:4  с толкованием

5
и реша ему: се, ты состарелся еси, сынове же твои не ходят по пути твоему: и ныне постави над нами царя, да судит ны, якоже и прочии языки.

1Цар.8:5  с толкованием

6
И бысть лукав глагол пред очима Самуиловыма, яко реша: даждь нам царя, да судит ны. И помолися Самуил ко Господу.

1Цар.8:6  с толкованием

7
И рече Господь Самуилу: послушай гласа людий, якоже глаголют к тебе, яко не тебе уничижиша, но Мене уничижиша, еже не царствовати Ми над ними:

1Цар.8:7  с толкованием

8
по всем делом, яже сотвориша Ми, от негоже дне изведох их из земли Египетски до днешняго дне, и оставиша Мя, и послужиша богом иным, тако тии творят и тебе:

1Цар.8:8  с толкованием

9
и ныне послушай гласа их: обаче засвидетелствуя засвидетелствуеши им и возвестиши им правду цареву, иже царствовати будет над ними.

1Цар.8:9  с толкованием

10
И рече Самуил вся словеса Господня к людем просящым от него царя,

1Цар.8:10  с толкованием

11
и глагола (им): сие будет оправдание царево, иже царствовати имать над вами: сыны вашя возмет и поставит я колесничники своя, и на кони всадит их, и предтекущих пред колесницами его:

1Цар.8:11  с толкованием

12
и поставит я себе сотники и тысящники и жателми жатвы своея, и оымут оыманием гроздия его, и творити орудия воинская его и орудия колесниц его:

1Цар.8:12  с толкованием

13
и дщери вашя возмет в мироварницы и в поварницы и в хлебницы:

1Цар.8:13  с толкованием

14
и села ваша и винограды вашя и масличины вашя благия возмет и даст рабом своим:

1Цар.8:14  с толкованием

15
и семена ваша и винограды вашя одесятствует и даст скопцем своим и рабом своим:

1Цар.8:15  с толкованием

16
и рабы вашя и рабыни вашя и стада ваша благая и ослы вашя отимет и одесятствует на дела своя:

1Цар.8:16  с толкованием

17
и пажити вашя одесятствует, и вы будете ему раби:

1Цар.8:17  с толкованием

18
и возопиете в день он от лица царя вашего, егоже избрасте себе, и не услышит вас Господь в день он, яко вы сами избрасте себе царя.

1Цар.8:18  с толкованием

19
И не восхотеша людие послушати Самуила и реша ему: ни, но царь да будет над нами,

1Цар.8:19  с толкованием

20
и будем и мы якоже вси языцы: и судити имать нас царь наш, и изыдет пред нами, и поборет поборением о нас.

1Цар.8:20  с толкованием

21
И слыша Самуил вся глаголы людий и глагола я во ушы Господеви.

1Цар.8:21  с толкованием

22
И рече Господь к Самуилу: послушай гласа их, и постави им царя. И рече Самуил к мужем Израилевым: да идет кийждо вас во свой град.

1Цар.8:22  с толкованием

Глава 
9

1Цар.9  с толкованием

1
И бе муж от сынов Вениаминовых, емуже имя Кис, сын Авиилов, сына Иаредова, сына Вахирова, сына Афекова, сына мужа Иеминеова, муж силен крепостию.

1Цар.9:1  с толкованием

2
И сему бе сын, имя ему Саул, добровеличен, муж благ: и не бе в сынех Израилевых благ паче его, от рамен и выше высок паче всех людий.

1Цар.9:2  с толкованием

3
И заблудиша ослята Киса отца Саулова. И рече Кис к Саулу сыну своему: возми с собою единаго от отрок, и воставше идите и поищите ослят.

1Цар.9:3  с толкованием

4
И проидоша гору Ефремлю, и проидоша землю Селха, и не обретоша: и проидоша землю Сегалимлю, и не бе: и проидоша землю Иаминю, и не обретоша.

1Цар.9:4  с толкованием

5
И пришедшым им в землю Сифову, и рече Саул ко отроку своему иже с ним: гряди и возвратимся, да не како отец мой оставя ослята, печется о нас.

1Цар.9:5  с толкованием

6
И рече ему отрок: се, зде человек Божий во граде сем, и человек славен: все еже аще речет приходящым к нему, будет им: и ныне пойдем тамо, да возвестит нам путь наш, имже пойдем.

1Цар.9:6  с толкованием

7
И рече Саул отроку своему иже с ним: се, пойдем, и что принесем к человеку Божию? Яко хлебы оскудеша от вретищ наших, и ктому несть у нас, еже внести к человеку Божию от имения нашего.

1Цар.9:7  с толкованием

8
И приложи отрок отвещати Саулу и рече: се, обретается в руце моей четвертая часть сикля сребра, и даси человеку Божию, и возвестит нам путь наш.

1Цар.9:8  с толкованием

9
Прежде бо во Израили сице глаголаше кийждо, егда кто идяше вопрошати Бога: гряди, да идем к прозорливцу: яко пророка нарицаху людие прежде прозорливцем.

1Цар.9:9  с толкованием

10
И рече Саул отроку своему: добр глагол твой: гряди, да идем. И идоша во град, идеже бе человек Божий.

1Цар.9:10  с толкованием

11
Восходящым же им на восход града, и се, обретоша девиц изшедших почерпсти воды, и реша им: есть ли зде прозорливец?

1Цар.9:11  с толкованием

12
И отвещаша им девицы, глаголющя: есть, се пред лицем вашим: ныне же потщитеся, яко дне ради грядет во град, яко жертва днесь людем в ваме:

1Цар.9:12  с толкованием

13
и егда внидете во град, тако обрящете его во граде, прежде неже взыти ему в ваму ясти: яко не имут ясти людие, дондеже внидет сей, яко той благословит жертву, и по сих ядят страннии: и ныне взыдите, яко дне ради обрящете его.

1Цар.9:13  с толкованием

14
И взыдоша во град. Имже входящым среди града, и се, Самуил изыде во сретение им, еже взыти в ваму.

1Цар.9:14  с толкованием

15
И Господь откры во ухо Самуилу днем единым прежде пришествия к нему Сауля, глаголя:

1Цар.9:15  с толкованием

16
якоже время сие, утро послю к тебе мужа от племене Вениаминова, и да помажеши его царя над людьми Моими Израилем, и спасет люди Моя от руки иноплеменничи: яко призрех на смирение людий Моих, яко взыде вопль их ко Мне.

1Цар.9:16  с толкованием

17
И виде Самуил Саула, и Господь рече к нему: се, человек, о немже рекох ти: сей будет в людех Моих царствовати.

1Цар.9:17  с толкованием

18
И приближися Саул к Самуилу посреде града и рече: возвести ми, который дом прозорливца.

1Цар.9:18  с толкованием

19
И отвеща Самуил Саулу и рече: аз сам есмь: взыди предо мною в ваму, и яждь со мною днесь, и отпущу тя заутра, и вся яже в сердцы твоем возвещу ти:

1Цар.9:19  с толкованием

20
и о ослятех твоих заблудивших днесь третий день, не помышляй в сердцы своем о них, ибо обретошася: и кому красная Израилева? Не тебе ли и дому отца твоего?

1Цар.9:20  с толкованием

21
И отвеща Саул и рече: не сын ли есмь аз мужа иеминеа, меншаго скиптра племене Израилева? И племене малейшаго от всего скиптра Вениаминова? И отечество мое меншее паче всех отечеств Вениаминовых? И вскую глаголал еси ко мне по глаголу сему?

1Цар.9:21  с толкованием

22
И поят Самуил Саула и отрока его, и введе я во обиталище, и даде им тамо место в первых званых, яко в седмидесяти мужех.

1Цар.9:22  с толкованием

23
И рече Самуил повару: даждь ми часть, юже дах ти, и о нейже рех ти положити ю у себе.

1Цар.9:23  с толкованием

24
И взя повар плече, и предложи е Саулови. И рече Самуил Саулу: се, избыток, предложи пред ся и яждь, яко во свидетелство предложися тебе паче иных, прикоснися. И яде Саул с Самуилом в той день.

1Цар.9:24  с толкованием

25
И сниде от вамы во град, и постлаша Саулови на горнице, и спа.

1Цар.9:25  с толкованием

26
И бысть егда приближашеся утро, и воззва Самуил Саула на горнице, и рече: востани, и отпущу тя. И воста Саул, и изыде сам и Самуил вон.

1Цар.9:26  с толкованием

27
Имже исходящым в часть града, и рече Самуил к Саулу: рцы юноши, да предидет пред нами: а ты стани якоже днесь, и слышан сотворю тебе глаголгол Божий.

1Цар.9:27  с толкованием

Глава 
10

1Цар.10  с толкованием

1
И взя Самуил сосуд с елеем, и возлия на главу его, и лобыза его, и рече ему: не помаза ли тебе Господь на царство людем Своим иже во Израили? И ты царствовати будеши в людех Господних, и ты спасеши я от руки враг их окрест: и сие тебе знамение, яко помаза тя Господь над наследием Своим в князя:

1Цар.10:1  с толкованием

2
егда отидеши днесь от мене, обрящеши два мужа при гробех Рахилиных в пределех Вениаминих в Силоме, в Вакалафе скачущих зелно, и рекут тебе: обретошася ослята, ихже ходисте искати: и се, отец твой отверже глагол о ослятех и зело печется вас ради, глаголя: что сотворю о сыне моем?

1Цар.10:2  с толкованием

3
И отидеши оттуду, и далее приидеши до дубравы Фавора, и обрящеши тамо три мужы восходящыя к Богу в Вефиль, единаго ведуща трое козлят, а другаго несуща три вретища хлебов, а третияго несуща мех вина:

1Цар.10:3  с толкованием

4
и вопросят тя яже о мире, и дадут ти два начатка хлебов, и возмеши от рук их:

1Цар.10:4  с толкованием

5
и по сих да взыдеши на холм Божий, идеже есть собрание иноплеменник, тамо началницы иноплеменничи: и будет егда внидеши тамо во град, срящеши лик пророков исходящих от вамы, и пред ними свирели и тимпаны, и сопели и гусли, и тии прорицающии:

1Цар.10:5  с толкованием

6
и снидет на тя Дух Господень, и воспророчествуеши с ними, и обратишися в мужа иного:

1Цар.10:6  с толкованием

7
и будет егда приидут знамения сия на тя, твори вся, елика обрящет рука твоя, яко Бог с тобою:

1Цар.10:7  с толкованием

8
и снидеши прежде мене в Галгалы, и се, аз сниду к тебе вознести всесожжение и пожрети жертвы мирны: седмь дний пождеши, дондеже прииду к тебе, и покажу ти, что сотвориши.

1Цар.10:8  с толкованием

9
И бысть внегда отвратити ему плещы своя отити от Самуила, преложи ему Бог сердце на ино. И приидоша вся знамения сия в день он.

1Цар.10:9  с толкованием

10
И взыде оттуду на холм, и се, лик пророческий противу ему: и взыде нань Дух Божий, и прорицаше среде их.

1Цар.10:10  с толкованием

11
И быша вси видевшии его вчера и третияго дне, и видеша, и се, той посреде пророк прорицаяй. И реша людие кийждо ко искреннему своему: что сие бывшее сыну Кисову? Еда и Саул во пророцех?

1Цар.10:11  с толкованием

12
И отвеща некто от них и рече: и кто отец ему? Не Кис ли? И сего ради бысть в притчу: еда и Саул во пророцех?

1Цар.10:12  с толкованием

13
И сконча пророчествуя, и прииде оттуду на холм.

1Цар.10:13  с толкованием

14
И рече ужик его к нему и ко отрочищу его: камо ходисте? И реша: ослят искати, и видехом, яко несть их, и внидохом к Самуилу.

1Цар.10:14  с толкованием

15
И рече ужик к Саулу: возвести ми ныне, что ти рече Самуил?

1Цар.10:15  с толкованием

16
И рече Саул ужику своему: вестию возвести ми, яко обретошася ослята. Словесе же о царстве не возвести ему, еже рече Самуил.

1Цар.10:16  с толкованием

17
И заповеда Самуил всем людем приити ко Господу в Массифаф.

1Цар.10:17  с толкованием

18
И рече Самуил к сыном Израилевым: сия рече Господь Бог Израилев, глаголя: Аз изведох отцы вашя сыны Израилевы из Египта, и изях вы от руки фараона царя Египетскаго и от всех царств оскорбляющих вы:

1Цар.10:18  с толкованием

19
и вы днесь уничижисте Бога вашего, Иже Сам есть спасаяй вы от всех зол ваших и скорбей ваших, и ресте: ни, но царя да поставиши над нами: и ныне станите пред Господем по хоругвам вашым и по племенем вашым и по тысящам вашым.

1Цар.10:19  с толкованием

20
И приведе Самуил вся колена Израилева, и паде жребий на хоругвь Вениаминю.

1Цар.10:20  с толкованием

21
И приведе хоругвь Вениаминю по племенам, и паде жребий на племя Маттариино: и приведоша племя Маттариино по мужем, и паде жребий на Саула сына Кисова: и искаху его, и не обреташеся.

1Цар.10:21  с толкованием

22
И вопроси Самуил еще Господа, глаголя: аще приидет семо муж еще? И рече Господь: се, той сокрыся в сосудех.

1Цар.10:22  с толкованием

23
И тече Самуил, и взя его оттуду, и постави его посреде людий: и бысть вышше всех людий, от рамен и вышше.

1Цар.10:23  с толкованием

24
И рече Самуил ко всем людем: видесте ли, егоже избра себе Господь, яко несть подобен ему во всех вас? И познаша вси людие и реша: да живет царь.

1Цар.10:24  с толкованием

25
И рече Самуил к людем оправдания царствия, и написа в книзе, и положи пред Господем.

1Цар.10:25  с толкованием

26
И отпусти Самуил вся люди, и идоша кийждо во своя си, и Саул иде в дом свой в Гаваю: и идоша с ним сынове сил, ихже коснеся Господь сердец их, с Саулом.

1Цар.10:26  с толкованием

27
Сынове же погибелнии реша: кто спасет нас, сей ли? И безчествоваша его, и не принесоша ему даров.

1Цар.10:27  с толкованием

Глава 
11

1Цар.11  с толкованием

1
И бысть аки по месяце, и взыде Наас Аманитянин, и ополчися на Иавис Галаадский. И реша вси мужие Иависстии к Наасу аманитянину: положи нам завет, и поработаем ти.

1Цар.11:1  с толкованием

2
И рече к ним Наас Аманитянин: сей завет положу вам, изверчу комуждо вас око десное, и положу поношение на Израиля.

1Цар.11:2  с толкованием

3
И реша ему мужие Иависа Галаадскаго: остави нам седмь дний, да послем вестники во вся пределы Израилевы: и аще не будет спасающаго нас, изыдем к вам.

1Цар.11:3  с толкованием

4
И приидоша вестницы в Гаваю к Саулу и поведаша словеса сия во ушы людий: и воздвигоша вси людие глас свой и плакашася.

1Цар.11:4  с толкованием

5
И се, Саул прииде по заутрии от села, и рече Саул: что яко плачут людие? И поведаша ему глаголы мужей Иависских.

1Цар.11:5  с толкованием

6
И сниде Дух Господень на Саула, егда услыша словеса сия, и разгневася на них зело:

1Цар.11:6  с толкованием

7
и взя две кравы, и раздроби я на уды, и посла во вся пределы Израилевы руками вестников, глаголя: иже не будет идый вслед Саула и вслед Самуила, по сему сотворят говядом его. И сниде ужас Господень на Израилтян, и изыдоша яко един муж.

1Цар.11:7  с толкованием

8
И сочте их в Везеце, в ваме, и бысть всех мужей Израилтеских шесть сот тысящ, и мужей Иудиных седмьдесят тысящ.

1Цар.11:8  с толкованием

9
И рече вестником пришедшым: сия поведите мужем Иависа Галаадскаго: заутра будет вам спасение восходящу солнцу. И приидоша вестницы во град и возвестиша мужем Иависским: и возрадовашася,

1Цар.11:9  с толкованием

10
и реша мужие Иависстии к Наасу аманитянину: утро изыдем к вам, и сотворите нам, еже благо пред очима вашима.

1Цар.11:10  с толкованием

11
И бысть по заутрии, и Саул раздели люди на три начала: и внидоша посреде полка в стражу утреннюю, и бияху сынов Аммонитских, дондеже разогреся день: и бысть, и оставшиися разбегошася, и не осташася ни два от них вкупе.

1Цар.11:11  с толкованием

12
И реша людие к Самуилу: кто есть рекий, яко да Саул не воцарится над нами? Предаждь мужей, и избием их.

1Цар.11:12  с толкованием

13
И рече Саул: да не умрет ни един в днешний день, яко днесь сотвори Господь спасение во Израили.

1Цар.11:13  с толкованием

14
И рече Самуил к людем, глаголя: приидите да идем в Галгалы и обновим тамо царство.

1Цар.11:14  с толкованием

15
И идоша вси людие в Галгалы, и помаза тамо Самуил Саула на царство пред Господем в Галгалех. И пожроша тамо жертвы и мирная пред Господем, и возвеселися тамо Саул и вси мужие Израилевы зело.

1Цар.11:15  с толкованием

Глава 
12

1Цар.12  с толкованием

1
И рече Самуил ко всем мужем Израилевым: се, послушах гласа вашего о всех, елика ми ресте, и поставих над вами царя:

1Цар.12:1  с толкованием

2
и се, ныне царь предходит пред вами, аз же состарехся и седети буду, и сынове мои се с вами: и аз се, ходих пред вами от юности моея и даже до днешняго дне:

1Цар.12:2  с толкованием

3
се, аз, отвещайте на мя пред Господем и пред христом Его, еда у кого телца взях, или осля, или кого от вас насилствовах, или кого утесних, или от руку некоего приях мзду, или обущу? Извещайте на мя, и возвращу вам.

1Цар.12:3  с толкованием

4
И реша к Самуилу: не обидел еси нас, ниже насилствовал еси нам, ниже утеснил еси нас, ниже взял еси от руки чиея что.

1Цар.12:4  с толкованием

5
И рече Самуил к людем: свидетель есть Господь в вас, и свидетель христос Его днесь в сей день, яко ничтоже обретосте в руку моею. И реша людие: свидетель.

1Цар.12:5  с толкованием

6
И рече Самуил к людем, глаголя: свидетель Господь сотворивый Моисеа и Аарона и изведый от земли Египетския отцы нашя:

1Цар.12:6  с толкованием

7
и ныне предстаните, и разсуждуся с вами пред Господем и возвещу вам вся оправдания Господня, яже сотвори вам и отцем вашым:

1Цар.12:7  с толкованием

8
егда вниде Иаков и сынове его во Египет, и смириша их Египтяне: и возопиша отцы наши ко Господу, и посла Господь Моисеа и Аарона, и изведе отцы нашя из Египта и всели их на месте сем:

1Цар.12:8  с толкованием

9
и забыша Господа Бога своего, и вдаде я в руце Сисаре архистратигу Иавина царя Асорска, и в руки иноплеменничи, и в руки царя Моавска, и воеваша их:

1Цар.12:9  с толкованием

10
и возопиша ко Господу и реша: согрешихом, яко оставихом Господа и поработахом Ваалиму и Дубравам, и ныне изми ны от рук враг наших, и поработаем Тебе:

1Цар.12:10  с толкованием

11
и посла Господь Иероваала и Варака и Иеффая и Самуила, и изъят вы из рук враг ваших окрестных, и обитасте уповающе:

1Цар.12:11  с толкованием

12
и весте, яко Наас царь сынов Аммоних прииде на вы, и ресте: ни, но царь да царствует над нами: егда Господь Бог царствова над вами:

1Цар.12:12  с толкованием

13
и се, ныне царь, егоже избрасте и егоже просисте: и се, даде Господь над вами царя:

1Цар.12:13  с толкованием

14
аще убоитеся Господа и поработаете Ему, и послушаете гласа Его и не воспротивитеся устом Господним, и будете и вы и царь царствуяй над вами вслед Господа ходяще: то рука Господня не будет на вас:

1Цар.12:14  с толкованием

15
аще же не послушаете гласа Господня и воспротивитеся устом Господним, будет рука Господня на вас и на царя вашего:

1Цар.12:15  с толкованием

16
и ныне станите и видите глаголгол сей великий, егоже сотворит Господь пред очима вашима:

1Цар.12:16  с толкованием

17
несть ли жатва пшеницы днесь? Призову Господа, и даст громы и дождь, и уразумеете и увидите, яко злоба ваша велика, юже сотвористе пред Господем, испросивше себе царя.

1Цар.12:17  с толкованием

18
И призва Самуил Господа, и даде Господь гром и дождь в той день: и убояшася вси людие зело Господа и Самуила,

1Цар.12:18  с толкованием

19
и реша вси людие к Самуилу: помолися о рабех твоих ко Господу Богу твоему, да не умрем: яко приложихом ко всем грехом нашым злобу, просяще себе царя.

1Цар.12:19  с толкованием

20
И рече Самуил к людем: не бойтеся: вы сотвористе всю злобу сию: токмо не уклонитеся от последования Господня и поработайте Господу всем сердцем вашим,

1Цар.12:20  с толкованием

21
и не преступите вслед ничтоже сущих, иже не пособствуют и не изимут, яко ничтоже суть:

1Цар.12:21  с толкованием

22
понеже не отринет Господь людий Своих имене ради Своего великаго, яко кротце Господь прият вас Себе в люди:

1Цар.12:22  с толкованием

23
и да никакоже ми согрешити Господу, оставити еже молитися о вас ко Господу, и поработаю Господеви и покажу вам путь благ и прав,

1Цар.12:23  с толкованием

24
токмо бойтеся Господа и работайте Ему во истине и всем сердцем вашим, яко видите яже великая сотвори Господь с вами:

1Цар.12:24  с толкованием

25
и аще злобою зло сотворите, то вы и царь ваш погибнете.

1Цар.12:25  с толкованием

Глава 
13

1Цар.13  с толкованием

1
Сын единаго лета Саул, егда нача царствовати, и два лета царствова над Израилем.

1Цар.13:1  с толкованием

2
И избра себе Саул три тысящы мужей от мужей Израилевых, и быша с Саулом две тысящы в Махмасе и в горе Вефили, и тысяща беша со Ионафаном в Гаваи Вениаминове: и останок людий отпусти коегождо во своя селения.

1Цар.13:2  с толкованием

3
И порази Ионафан насива иноплеменника иже в холме. И услышаша иноплеменницы, и Саул воструби трубою во всю землю, глаголя: отвергошася раби.

1Цар.13:3  с толкованием

4
И слыша весь Израиль глаголющих, яко порази Саул насива иноплеменника, и омерзе Израиль во иноплеменницех. И собрашася людие вслед Саула в Галгалех.

1Цар.13:4  с толкованием

5
И иноплеменницы собрашася на брань на Израиля: и приидоша на Израиля тридесять тысящ колесниц и шесть тысящ конник и множество людий, яко песок иже при мори: и шедше ополчишася в Махмасе противу Вефорону на юг.

1Цар.13:5  с толкованием

6
И видеша мужие Израилевы, яко не могоша противу стати, и скрышася людие в вертепех и в оградех и в камениих и в пропастех и во рвах:

1Цар.13:6  с толкованием

7
и преходяще преидоша Иордан в землю Гадову и Галаадску. И Саул бяше еще в Галгалех, и вси людие ужасошася, иже бяху с ним.

1Цар.13:7  с толкованием

8
И ждаше седмь дний по свидетелству, якоже рече Самуил, и не прииде Самуил в Галгалы: и разсеяшася людие его от него.

1Цар.13:8  с толкованием

9
И рече Саул: приведите, яко да сотворю всесожжение и мирная. И вознесе всесожжение.

1Цар.13:9  с толкованием

10
И бысть егда соверши вознося всесожжение, и се, Самуил прииде: и Саул изыде на сретение ему благословитися им.

1Цар.13:10  с толкованием

11
И рече Самуил: что сотворил еси? И рече Саул: видех, яко отидоша людие от мене, и ты не пришел еси, якоже определил еси свидетелством дний, иноплеменницы же собрашася в Махмас,

1Цар.13:11  с толкованием

12
и рех: ныне приидут иноплеменницы ко мне в Галгалы, и лица Господня не умолих: и не удержахся, и вознесох всесожжение.

1Цар.13:12  с толкованием

13
И рече Самуил к Саулу: безумие бысть тебе, понеже не сохранил еси заповеди моея, юже заповеда ти Господь: яко ныне уготовал бы Господь царство твое во Израили до века:

1Цар.13:13  с толкованием

14
и ныне царство твое не станет тебе, и изыщет Господь Себе человека по сердцу Своему, и повелит ему Господь властелину быти над людьми Своими, яко не сохранил еси, елика заповеда тебе Господь.

1Цар.13:14  с толкованием

15
И воста Самуил и иде от Галгал в путь свой: и останок людий идоша вслед Саула на сретение людем ратным. Имже приходящым от Галгал в Гаваю Вениаминову, и сочте Саул люди обретшыяся с ним яко шесть сот мужей.

1Цар.13:15  с толкованием

16
Саул же и Ионафан сын его и людие обретшиися с ними седоша в Гаваи Вениаминове и плакашася: иноплеменницы же ополчишася в Махмасе.

1Цар.13:16  с толкованием

17
И изыдоша губящии от села иноплеменников тремя началы: начало едино зрящее путь Гофера на землю Совалю:

1Цар.13:17  с толкованием

18
и начало едино зрящее путь Вефоронь: и начало едино зрящее путь Гаваи, клонящийся к Гаисавим пустыни.

1Цар.13:18  с толкованием

19
И ковачь железа не обреташеся во всей земли Израилеве, яко реша иноплеменницы, да не сотворят Еврее меча и копия.

1Цар.13:19  с толкованием

20
И хождаху вси сынове Израилевы в землю иноплеменничу ковати кийждо своя косы и орудия своя, и кийждо секиры своя и серпы своя.

1Цар.13:20  с толкованием

21
И притупишася вся орудия приспевшей жатве, секиры и серпы, поправления же има не бысть.

1Цар.13:21  с толкованием

22
И бысть во дни брани Махмасския, и не обретеся меча и копия в руках всех людий, иже с Саулом и со Ионафаном: точию у Саула и Ионафана сына его.

1Цар.13:22  с толкованием

23
И изыдоша от стана иноплеменнича об ону страну Махмаса.

1Цар.13:23  с толкованием

Глава 
14

1Цар.14  с толкованием

1
И бысть во един день, и рече Ионафан сын Саулов отрочищу носящему оружие его: гряди, и прейдем в мессаву иноплеменников иже на оней стране. И отцу своему не возвести сего.

1Цар.14:1  с толкованием

2
И Саул седяше на верху холма под древом яблонным еже в Магдоне, и бяше с ним яко шесть сот мужей.

1Цар.14:2  с толкованием

3
И Ахиа сын Ахитов, брата Иохаведова, сына Финеесова, сына Илии, иерей Божий в Силоме нося ефуд: и людие не ведяху, яко отиде Ионафан.

1Цар.14:3  с толкованием

4
Посреде же прехода, идеже хотяше Ионафан прейти в стан иноплеменничь, бысть камень острый отсюду и камень острый отонуду: имя единому Васес и другому Сенна:

1Цар.14:4  с толкованием

5
камень един стояше от севера противу Махмаса, и камень вторый от юга противу Гаваи.

1Цар.14:5  с толкованием

6
И рече Ионафан ко отрочищу носящему оружие его: гряди, прейдем в мессаву необрезанных сих, негли что сотворит нам Господь, яко несть Господу не удобно спасти во многих или в малых.

1Цар.14:6  с толкованием

7
И рече ему носяй оружие его: твори все, на неже сердце твое склоняется: се, аз с тобою есмь, якоже сердце твое сердце мое.

1Цар.14:7  с толкованием

8
И рече Ионафан: се, мы прейдем к мужем и явимся к ним:

1Цар.14:8  с толкованием

9
аще сия рекут к нам: помедлите тамо, дондеже возвестим вам: то постоим сами на месте своем и не пойдем к ним:

1Цар.14:9  с толкованием

10
аще же к нам сице рекут: взыдите к нам: то взыдем, яко предаде их Господь в руки нашя: сие нам знамение (да будет).

1Цар.14:10  с толкованием

11
И внидоста оба в мессаву иноплеменников. И глаголаша иноплеменницы: се, Еврее исходят из разселин своих, идеже скрышася.

1Цар.14:11  с толкованием

12
И отвещаша мужие мессавли ко Ионафану и к носящему оружие его, и реша: взыдите к нам, и явим вам глагол. И рече Ионафан к носящему оружие его: гряди по мне, яко предаде их Господь в руки Израилевы.

1Цар.14:12  с толкованием

13
И взыде Ионафан (ползущь) на руках и на ногах своих, и носяй оружие его за ним. И узреша иноплеменницы лице Ионафане, и порази их: и носяй оружие его идяше вслед его.

1Цар.14:13  с толкованием

14
И бысть язва первая, еюже порази Ионафан и носяй оружие его, яко двадесять мужей копийцами и каменовержением и кремением полевым.

1Цар.14:14  с толкованием

15
И бысть ужас в полце и на селе: и вси людие иже в мессаве и губящии ужаснушася, и тии не хотяху братися: и вострепета земля, и бысть ужас от Господа.

1Цар.14:15  с толкованием

16
И видеша соглядатае Сауловы в Гаваи Вениамини, и се, полк смятеся семо и онамо.

1Цар.14:16  с толкованием

17
И рече Саул людем сущым с ним: разсмотрите ныне и видите, кто отиде от вас. И разсмотриша, и се, не обретеся Ионафан и носяй оружие его.

1Цар.14:17  с толкованием

18
И рече Саул ко Ахии: принеси ефуд, яко бе кивот Божий в той день с сынми Израилевыми.

1Цар.14:18  с толкованием

19
И бысть егда глаголаше Саул ко иерею, и шум в полце иноплеменничи ходя идяше и множашеся. И рече Саул ко иерею: пригни руки твоя.

1Цар.14:19  с толкованием

20
И изыде Саул и вси людие иже с ним, и изыдоша до сечи. И се, бысть оружие коегождо на ближняго своего, (и бысть) мятеж велик зело.

1Цар.14:20  с толкованием

21
Но и раби, иже быша со иноплеменники вчера и третияго дне, вшедшии в полк, обратишася и тии еже быти им со Израилтяны сущими с Саулом и со Ионафаном.

1Цар.14:21  с толкованием

22
И вси Израилтяне скрывшиися в горе Ефремли услышаша, яко отбегоша иноплеменницы: приложишася и тии вслед их на брань.

1Цар.14:22  с толкованием

23
И спасе Господь в той день Израиля: брань же пройде даже до Вамофа: и вси людие бяху с Саулом, яко десять тысящ мужей, и бе брань разсыпана во весь град на горе Ефремли.

1Цар.14:23  с толкованием

24
И Саул сотвори безумие велие в день той, и закля люди, глаголя: проклят человек, иже ясти будет хлеб даже до вечера, дондеже отмщу врагом моим. И не вкусиша людие вси хлеба:

1Цар.14:24  с толкованием

25
и вся земля обедаше: и се, бяше дубрава пчелная пред лицем села:

1Цар.14:25  с толкованием

26
и внидоша людие во пчелник, и се, исхождаху глаголюще: (яко истече мед,) и не бе возвращающаго руки своея ко устом своим, яко убояшася людие клятвы Господни.

1Цар.14:26  с толкованием

27
Ионафан же не слышаше, егда заклинаше отец его люди: и простре конец жезла своего, иже в руку ему, и омочи его в соте медвене, и обрати руку свою во уста своя, и прозреша очи его.

1Цар.14:27  с толкованием

28
И рече един от людий, глаголя: кленый прокля отец твой люди, глаголя: проклят человек, иже ясти будет хлеб в день сей: и изнемогоша людие.

1Цар.14:28  с толкованием

29
И уразуме Ионафан и рече: смути отец мой землю: виждь, яко прозреша очи мои, егда вкусих мало от меда сего:

1Цар.14:29  с толкованием

30
о, дабы яли ядуще днесь людие от корыстей врагов своих, ихже обретоша, множайшая бы днесь язва была во иноплеменницех.

1Цар.14:30  с толкованием

31
И поразиша в день той от иноплеменников множае нежели в Махмасе: и утрудишася людие зело.

1Цар.14:31  с толкованием

32
И устремишася людие на корысти, и пояша людие стада и буйволы и говяда: и закалаху на земли, и ядоша людие с кровию.

1Цар.14:32  с толкованием

33
И возвестиша Саулу, глаголюще: согрешиша людие ко Господу, ядуще с кровию. И рече Саул: от гефема привалите мне семо камень велий.

1Цар.14:33  с толкованием

34
И рече Саул: шедше к людем рцыте им: да принесет кийждо семо телца своего и кийждо овцу свою, и да заколют на камени сем, и ядите я, и не согрешайте Господу ядуще с кровию. И приведоша нощию вси людие свое кийждо, еже имяше в руце своей, и закалаху тамо.

1Цар.14:34  с толкованием

35
И созда Саул тамо олтарь Господу: сей нача Саул созидати олтарь Господу.

1Цар.14:35  с толкованием

36
И рече Саул: снидем вслед иноплеменник нощию, и расхитим их, дондеже заря будет, и не оставим от них мужа. И реша: все еже благо пред очима твоима, твори. И рече иерей: приступим семо к Богу.

1Цар.14:36  с толкованием

37
И вопроси Саул Бога: сниду ли вслед иноплеменников? Предаси ли их в руки Израилтяном? И не отвеща ему Господь в день той.

1Цар.14:37  с толкованием

38
И рече Саул: приведите семо вся колена Израилева, и уразумейте и увеждьте, на ком бысть грех сей днесь,

1Цар.14:38  с толкованием

39
яко жив Господь спасый Израиля, яко аще ответ будет на Ионафана сына моего, смертию да умрет. И не бе отвещающаго от всех людий.

1Цар.14:39  с толкованием

40
И рече Саул всему Израилю: вы станите на едину страну, аз же и Ионафан сын мой станем на другую страну. И реша людие к Саулу: еже благо пред тобою, твори.

1Цар.14:40  с толкованием

41
И рече Саул: Господи Боже Израилев, что яко не отвещал еси рабу Твоему днесь? Или моя есть, или сына моего Ионафана неправда? Господи Боже Израилев, даждь знамение: и аще речеши сия, даждь ныне людем Твоим Израилю, даждь ныне преподобие. И паде жребий на Ионафана и Саула, и людие изыдоша.

1Цар.14:41  с толкованием

42
И рече Саул: верзите жребий на мя и на Ионафана сына моего: егоже объявит Господь, смертию да умрет. И реша людие к Саулу: несть сей глагол. И преможе Саул люди, и вергоша о нем и Ионафане сыне его, и паде на Ионафана жребий.

1Цар.14:42  с толкованием

43
И рече Саул ко Ионафану: возвести ми, что сотворил еси? И возвести ему Ионафан и рече: вкушая вкусих мало меду омочив конец жезла, иже в руку моею, и се, аз умираю.

1Цар.14:43  с толкованием

44
И рече ему Саул: сия да сотворит ми Бог, и сия да приложит ми, яко смертию умреши днесь.

1Цар.14:44  с толкованием

45
И реша людие к Саулу: еда днесь умрет сотворивый спасение сие велие во Израили? Не буди то, жив Господь, аще падет влас главы его на землю, яко милость Божию сотвори в день сей. И помолишася людие о Ионафане в день той, и не умре.

1Цар.14:45  с толкованием

46
И не иде Саул вслед иноплеменников: иноплеменницы же отидоша в место свое.

1Цар.14:46  с толкованием

47
И Саул укрепися царствовати во Израили, и побеждаше окрест вся враги своя в Моаве и в сынех Аммоних и в сынех Едомлих и в Вефоре и в царствии Сувани и во иноплеменницех: и аможе аще обращашеся, спасашеся.

1Цар.14:47  с толкованием

48
И сотвори силу, и победи Амалика, и избави Израиля из руки попирающих его.

1Цар.14:48  с толкованием

49
И беша сынове Сауловы Ионафан и Иисуй и Мелхисуе: имена же двою дщерию его, имя первородней Мерова и имя вторей Мелхола:

1Цар.14:49  с толкованием

50
имя же жене его Ахиноома, дщерь Ахимаасова: и имя старейшине вой его Авенир сын Нира сына ужика Саулова:

1Цар.14:50  с толкованием

51
Кис же отец Саулов, и Нир отец Авениров сын иамина сына Авиилева.

1Цар.14:51  с толкованием

52
И бе брань крепка на иноплеменники во вся дни Сауловы: и видев Саул всяка мужа сильна и всяка мужа сына силы, собираше их к себе.

1Цар.14:52  с толкованием

Глава 
15

1Цар.15  с толкованием

1
И рече Самуил к Саулу: посла мя Господь помазати тя на царство в людех Его во Израили: и ныне послушай гласа словес Господних:

1Цар.15:1  с толкованием

2
сия рече Господь Саваоф: ныне отмщу, яже сотвори Амалик Израилю, егда срете его на пути, восходящу ему от Египта:

1Цар.15:2  с толкованием

3
и ныне ты иди, и поразиши Амалика и Иерима, и вся яже суть его, и не снабдиши от них (ничтоже), и искорениши его: и прокленеши его и вся сущая его, и не пощадиши его: и да убиеши от мужеска полу и до женска и от юнош и до ссущих млеко, и от говяд до овец и от велблюд до ослят.

1Цар.15:3  с толкованием

4
И собра люди Саул и сочте я в Галгалех двесте тысящ пеших и десять тысящ от Иуды в полцех:

1Цар.15:4  с толкованием

5
и прииде Саул до градов Амаликовых и засяде в потоце.

1Цар.15:5  с толкованием

6
И рече Саул ко Кинеови: иди и уклонися от среды Амалика, да не погублю тя с ним, ты бо сотворил еси милость с сынми Израилевыми, егда исхождаху из Египта. И уклонися Киней от среды Амалика.

1Цар.15:6  с толкованием

7
И порази Саул Амалика от Евилы даже до Сура, иже пред лицем Египта:

1Цар.15:7  с толкованием

8
и ят Агага царя Амаликова жива, и вся люди изби, и Иерима уби мечем.

1Цар.15:8  с толкованием

9
И сохрани Саул и вси людие Агага царя жива и благая от стад и буйволов, и снедей (и одежд), и виноградов и от всех благих: и не хотяху искоренити я, точию хуждшее и уничиженое истребиша.

1Цар.15:9  с толкованием

10
И бысть глаголгол Господень к Самуилу, глаголя:

1Цар.15:10  с толкованием

11
раскаяхся, яко помазах Саула на царство, понеже отвратися от Мене и словес Моих не соблюде. И опечалися Самуил и вопияше ко Господу всю нощь.

1Цар.15:11  с толкованием

12
И воста рано Самуил, и идяше на сретение Израилтяном рано. И возвестиша Самуилу, глаголюще: идет Саул в Кармил, и се, воздвиже руку себе, и возврати колесницу, и сниде в Галгалы. И прииде Самуил к Саулу, и се, той возношаше всесожжение Господу, первая от корыстей, ихже взя от Амаликов.

1Цар.15:12  с толкованием

13
И прииде Самуил к Саулу, и рече ему Саул: благословен ты Господу, сотворих бо вся, елика (ми) глагола Господь.

1Цар.15:13  с толкованием

14
И рече Самуил: и кий глас стад сих во ушию моею, и глас говяд, егоже аз слышу?

1Цар.15:14  с толкованием

15
И рече Саул: от Амалика пригнах я, ихже сохраниша людие лучшая от стад и от волов, еже пожрети я Господу Богу твоему, прочая же избих.

1Цар.15:15  с толкованием

16
И рече Самуил к Саулу: потерпи, и возвещу ти, яже глагола Господь ко мне нощию.

1Цар.15:16  с толкованием

17
И рече ему (Саул): глаголи. И рече Самуил к Саулу: еда не мал был еси ты пред Ним, и не властелина ли тя постави хоругви колена Израилева? И помаза тя Господь на царство Израилево:

1Цар.15:17  с толкованием

18
и посла тя Господь путем и рече тебе: иди и искорени Амалика, и погуби согрешших предо Мною, и воюй их, дондеже скончаеши их:

1Цар.15:18  с толкованием

19
и почто не послушал еси гласа Господня по всему, елико глагола тебе, но устремился еси на корысти и сотворил еси лукавое пред Господем?

1Цар.15:19  с толкованием

20
И рече Саул к Самуилу: послушах гласа людий и идох путем, имже посла мя Господь, и приведох Агага царя Амаликова, и Амалики искорених:

1Цар.15:20  с толкованием

21
и взяша людие корысти от стад и буйволы, первая от истребляемых на пожрение Господу Богу нашему в Галгалех.

1Цар.15:21  с толкованием

22
И рече Самуил: еда угодны Господу всесожжения и жертвы, якоже послушати гласа Господня? Се, послушание паче жертвы благи, и покорение паче тука овня:

1Цар.15:22  с толкованием

23
якоже грех есть чарование, тако (грех есть) противление, и якоже грех есть идолопоклонение, тако непокорение: понеже уничижил еси глаголгол Господень, и уничижит тя Господь не быти тебе царем во Израили.

1Цар.15:23  с толкованием

24
И рече Саул к Самуилу: согреших, яко преступих слово Господне и глагол твой, убояхся бо людий и послушах гласа их:

1Цар.15:24  с толкованием

25
и ныне возми грех мой и возвратися со мною, да поклонюся Господу Богу твоему.

1Цар.15:25  с толкованием

26
И рече Самуил к Саулу: не возвращуся с тобою, яко уничижил еси глаголгол Господень, и уничижит тя Господь не быти тебе царем во Израили.

1Цар.15:26  с толкованием

27
И отврати Самуил лице свое еже отити: и ят Саул за воскрилие ризы его и раздра е.

1Цар.15:27  с толкованием

28
И рече ему Самуил: раздра Господь царство Израилево от руку твоею днесь, и даст е ближнему твоему, лучшему паче тебе,

1Цар.15:28  с толкованием

29
и разделится Израиль на двое: и не обратится, ниже раскается Святый Израилев, занеже не яко человек есть, еже раскаятися Ему, запретит, и не пребудет.

1Цар.15:29  с толкованием

30
И рече Саул: согреших, но прослави мя ныне пред старейшины Израилевы и пред людьми моими, и возвратися со мною, и поклонюся Господу Богу твоему.

1Цар.15:30  с толкованием

31
И возвратися Самуил вслед Саула, и поклонися Саул Господу.

1Цар.15:31  с толкованием

32
И рече Самуил: приведите ми Агага царя Амаликова. И прииде к нему Агаг трепеща, и рече Агаг: тако ли горька смерть?

1Цар.15:32  с толкованием

33
И рече Самуил ко агагу: якоже обезчадствова жен оружие твое, тако обезчадится в женах мати твоя. И закла Самуил Агага пред Господем в Галгалех.

1Цар.15:33  с толкованием

34
И отиде Самуил во Армафем: и Саул отиде в дом свой в Гаваю.

1Цар.15:34  с толкованием

35
И не приложи Самуил ктому видети Саула даже до дне смерти своея, понеже плакаше Самуил о Сауле, занеже раскаяся Господь, яко постави Саула царя во Израили.

1Цар.15:35  с толкованием

Глава 
16

1Цар.16  с толкованием

1
И рече Господь к Самуилу: доколе ты плачеши о Сауле, Аз же уничижих его, не царствовати во Израили? Наполни рог твой елеа и прииди, послю тя ко Иессею до Вифлеема, яко узрех в сынех его Себе царя.

1Цар.16:1  с толкованием

2
И рече Самуил: како пойду? И услышит Саул, и убиет мя. И рече Господь: юницу от волов возми в руце твои и речеши: пожрети Господеви иду:

1Цар.16:2  с толкованием

3
и призовеши Иессеа и сыны его к жертве: и Аз ти покажу, яже сотвориши, и помажеши Ми, егоже ти реку.

1Цар.16:3  с толкованием

4
И сотвори Самуил вся, елика рече ему Господь: и прииде в Вифлеем, и ужасошася старейшины града о пришествии его и реша: мир ли вход твой, о, прозорливче?

1Цар.16:4  с толкованием

5
И рече: мир: пожрети Господу приидох: освятитеся и возвеселитеся днесь со мною. И освяти Иессеа и сыны его, и призва я к жертве.

1Цар.16:5  с толкованием

6
И бысть внегда внити им, и виде Елиава и рече: сей ли пред Господем помазанник Его?

1Цар.16:6  с толкованием

7
И рече Господь Самуилу: не зри на лице его, ниже на возраст величества его, яко уничижих его: понеже не тако зрит человек, яко зрит Бог: яко человек зрит на лице, Бог же зрит на сердце.

1Цар.16:7  с толкованием

8
И призва Иессей Аминадава и представи его пред лице Самуила. И рече (Самуил): ниже сего избра Господь.

1Цар.16:8  с толкованием

9
И приведе Иессей Саммаа. И рече: и сего не избра Господь.

1Цар.16:9  с толкованием

10
И приведе Иессей седмь сынов своих пред Самуила. И рече Самуил ко Иессею: не избра Господь от сих.

1Цар.16:10  с толкованием

11
И рече Самуил ко Иессею: не достало ли уже детей? И рече Иессей: еще есть един мал, и сей пасет на пажити. И рече Самуил ко Иессею: посли и приведи его, яко не возляжем, дондеже приидет той семо.

1Цар.16:11  с толкованием

12
И посла, и введе его: и той чермен, добрыма очима, и благ взором Господеви. И рече Господь к Самуилу: востани и помажи Давида, яко сей благ есть.

1Цар.16:12  с толкованием

13
И прия Самуил рог со елеем и помаза его посреде братии его. И ношашеся Дух Господень над Давидом от того дне и потом. И воста Самуил и отиде во Армафем.

1Цар.16:13  с толкованием

14
И Дух Господень отступи от Саула, и давляше его дух лукавый от Господа.

1Цар.16:14  с толкованием

15
И реша отроцы Сауловы к нему: се, ныне дух лукавый от Господа давит тя:

1Цар.16:15  с толкованием

16
да рекут раби твои ныне пред тобою, и взыщут господину нашему мужа знающа пети в гусли: и внегда будет дух лукавый на тебе, и тогда да поет в гусли своя, и благо ти будет, и упокоит тя.

1Цар.16:16  с толкованием

17
И рече Саул ко отроком своим: посмотрите ми мужа добре поюща и введите его ко мне.

1Цар.16:17  с толкованием

18
И отвеща един от отрок его и рече: се, видех сына Иессеова из Вифлеема, и той весть пение, и муж разумен, и борец, и мудр в словеси, и муж благ видом, и Господь с ним.

1Цар.16:18  с толкованием

19
И посла Саул вестники ко Иессею, глаголя: отпусти ко мне Давида сына твоего, иже у стада твоего.

1Цар.16:19  с толкованием

20
И взя Иессей бремя хлебов и мех вина и козля от коз едино, и посла к Саулу рукою Давида сына своего.

1Цар.16:20  с толкованием

21
И вниде Давид к Саулу, и предстояше пред ним, и возлюби его зело Саул, и бысть ему носяй оружие его.

1Цар.16:21  с толкованием

22
И посла Саул ко Иессею, глаголя: да предстоит Давид предо мною, яко обрете благодать пред очима моима.

1Цар.16:22  с толкованием

23
И бысть внегда быти духу лукаву на Сауле, и взимаше Давид гусли и играше рукою своею, и отдыхаше Саул, и благо ему бяше, и отступаше от него дух лукавый.

1Цар.16:23  с толкованием

Глава 
17

1Цар.17  с толкованием

1
И собираша иноплеменницы полки своя на брань, и собрашася в Сокхофе Иудейстем, и ополчишася среде Сокхофа и среди Азика во Афесдоммине.

1Цар.17:1  с толкованием

2
Саул же и мужие Израилевы собрашася и ополчишася во удоли Теревинфа и устрояхуся на брань противу иноплеменником.

1Цар.17:2  с толкованием

3
И иноплеменницы стояху на горе отсюду особь, Израиль же стояше на горе отонуду, и удоль между ими бяше.

1Цар.17:3  с толкованием

4
И изыде муж силен из полка иноплеменнича, имя ему Голиаф от Гефа, высота его шесть лакот и пядь:

1Цар.17:4  с толкованием

5
и шлем медян на главе его, и в броню кольчату той оболчен бяше: и вес брони его пять тысящ сикль меди и железа:

1Цар.17:5  с толкованием

6
и поножы медяны верху голений его, и щит медян на плещах его:

1Цар.17:6  с толкованием

7
и ратовище копия его аки орудие ткущих, и копие его шесть сот сикль железа: и носяй оружие его идяше пред ним.

1Цар.17:7  с толкованием

8
И ста и возопи пред полки Израилевыми и рече им: почто изыдосте, ополчитися ли на брань противу нам? Несмь ли аз иноплеменник, вы же Еврее Сауловы? Изберите себе мужа, и да снидет ко мне:

1Цар.17:8  с толкованием

9
и аще возможет со мною братися и одолеет ми, будем вам раби: аще же аз возмогу одолети ему, будете вы нам раби и поработаете нам.

1Цар.17:9  с толкованием

10
И рече иноплеменник: се, аз днесь уничижих полк Израилев в сей день: дадите ми мужа, иже поборется со мною един.

1Цар.17:10  с толкованием

11
И слыша Саул и весь Израиль глаголы иноплеменничи сия и ужасошася и убояшася зело.

1Цар.17:11  с толкованием

12
Давид же Ефрафеев, сей бе от Вифлеема Иудина, имя же отцу его Иессей, емуже бе осмь сынов. Во дни же Сауловы бе муж той состареся в мужех.

1Цар.17:12  с толкованием

13
И идоша три сыны Иессеевы старейшии на брань с Саулом: имена же сынов его пошедших на брань, Елиав первородный его, и вторый Аминадав, и третий Самма.

1Цар.17:13  с толкованием

14
Давид же бе юнейший, и три болшии его идоша вслед Саула.

1Цар.17:14  с толкованием

15
Давид же возвратився от Саула, отиде пасти овцы отца своего в Вифлеем.

1Цар.17:15  с толкованием

16
И прихождаше иноплеменник утро и в вечер, являяся пред Израилем четыредесять дний.

1Цар.17:16  с толкованием

17
И рече Иессей Давиду сыну своему: возми убо братиям твоим меру ефи муки и десять хлеб сих, и иди в полк, и даждь братиям твоим:

1Цар.17:17  с толкованием

18
и десять сыров от млека сего, и даждь тысящнику: и братию свою посети в мире, и еликих аще требуют, увеси, субботствовати же будеши со мною.

1Цар.17:18  с толкованием

19
Саул же и вси людие бяху во удоли дуба ратующеся со иноплеменники.

1Цар.17:19  с толкованием

20
И воста Давид рано, овцы же остави со стражею, и взя, и отиде, якоже заповеда ему отец его Иессей: и прииде на место, идеже исхождаху сильнии на брань и вопияху в полцех.

1Цар.17:20  с толкованием

21
Занеже вооружашеся Израиль противу иноплеменником, и иноплеменницы вооружахуся противу Израиля.

1Цар.17:21  с толкованием

22
И положи Давид бремя свое в руках стража, и тече в полк, и пришед вопроси братию свою в мире.

1Цар.17:22  с толкованием

23
Глаголющу же ему с ними, и се, муж месейский, емуже имя Голиаф, Филистимлянин от Гефы, изыде от полков иноплеменничих и глагола по словесем сим, и услыша Давид.

1Цар.17:23  с толкованием

24
И вси мужие Израилевы егда увидеша мужа, и бежаша от лица его и убояшася зело.

1Цар.17:24  с толкованием

25
И реша мужие Израилтестии: видесте ли мужа сего восходяща, яко поносити Израиля прииде? И аще будет муж, иже убиет его, обогатит его царь богатством велиим, и дщерь свою даст ему, и дом отца его сотворит свободен во Израили.

1Цар.17:25  с толкованием

26
И рече Давид к мужем стоящым с ним, глаголя: что сотворите мужу, иже убиет иноплеменника онаго и отимет поношение от Израиля? Яко кто есть иноплеменник необрезанный сей, иже поносит полку Бога живаго?

1Цар.17:26  с толкованием

27
И рекоша ему людие по словеси сему, глаголюще: тако сотворится мужу, иже убиет его.

1Цар.17:27  с толкованием

28
И услыша Елиав брат его болший, внегда глаголати ему к мужем: и разгневася яростию Елиав на Давида и рече: почто семо пришел еси? И кому оставил еси малыя овцы оны в пустыни? Вем аз гордость твою и злобу сердца твоего, яко видения ради брани пришел еси.

1Цар.17:28  с толкованием

29
И рече Давид: что сотворих ныне? Несть ли речь?

1Цар.17:29  с толкованием

30
И отвратися от него ко иному и рече по словеси сему. И отвещаша ему людие по словеси прежнему.

1Цар.17:30  с толкованием

31
И слышаны быша глаголы, ихже глагола Давид, и возвестиша пред Саулом: и пояша его людие и приведоша его пред Саула.

1Цар.17:31  с толкованием

32
И рече Давид к Саулу: да не ужасается сердце господину моему о сем, раб твой пойдет и поборется со иноплеменником сим.

1Цар.17:32  с толкованием

33
И рече Саул к Давиду: не возможеши пойти ко иноплеменнику сему братися с ним, яко ты детищь еси, сей же муж борец есть от юности своея.

1Цар.17:33  с толкованием

34
И рече Давид к Саулу: егда пасяше раб твой отца своего стадо, и егда прихождаше лев или медведица и восхищаше от стада овцу едину:

1Цар.17:34  с толкованием

35
и аз вслед его исхождах и поражах его, и исторгах из уст его (взятое): и аще воспротивляшеся ми, то взем за гортань его, поражах и умерщвлях его:

1Цар.17:35  с толкованием

36
и льва и медведицу бияше раб твой, и будет иноплеменник необрезанный сей яко един от сих: не поиду ли, и поражу его, и отиму днесь поношение от Израиля? Понеже кто необрезанный сей, иже уничижи полк Бога жива?

1Цар.17:36  с толкованием

37
И рече Давид: Господь иже изъят мя от руки львовы и от руки медведицы, той измет мя от руки иноплеменника сего необрезаннаго. И рече Саул к Давиду: иди, и да будет Господь с тобою.

1Цар.17:37  с толкованием

38
И облече Саул Давида одеждею, и шлем медян возложи на главу его,

1Цар.17:38  с толкованием

39
и препояса Давида оружием своим верху одежды его. Давид же походив (во оружии) семо и овамо, утрудися, яко не обыче. И рече Давид Саулу: не могу ити в сих, яко не обыкох. И взяша от него сия.

1Цар.17:39  с толкованием

40
И взя палицу свою в руку свою, и избра себе пять камений гладких от потока, и вложи я в тоболец пастырский егоже ношаше, и пращу свою имый в руце своей, и иде к мужу иноплеменнику.

1Цар.17:40  с толкованием

41
И идяше иноплеменник приближаяся к Давиду, и носяй оружие его пред ним (идяше).

1Цар.17:41  с толкованием

42
И виде Голиаф иноплеменник Давида и обезчествова его, зане той детищь бе, и чермен и леп очима.

1Цар.17:42  с толкованием

43
И рече иноплеменник к Давиду: еда пес аз есмь, яко ты идеши противу мене с палицею и камением? И рече Давид: ни, но и хуждший пса. И прокля иноплеменник Давида боги своими.

1Цар.17:43  с толкованием

44
И рече иноплеменник к Давиду: гряди ко мне, и дам плоть твою птицам небесным и зверем земным.

1Цар.17:44  с толкованием

45
И рече Давид иноплеменнику: ты идеши на мя с мечем и с копием и щитом, аз же иду на тя во имя Господа Бога Саваофа, Бога ополчения Израилева, егоже ты уничижил еси днесь:

1Цар.17:45  с толкованием

46
и предаст тя Господь днесь в руце мои, и убию тя, и отиму главу твою от тебе, и дам тело твое и телеса полка иноплеменнича в день сей птицам небесным и зверем земным: и уразумеет вся земля, яко есть Господь Бог во Израили,

1Цар.17:46  с толкованием

47
и уразумеет весь сонм сей, яко не мечем ни копием спасает Господь, яко Господня брань, и предаст Господь вас в руки нашя.

1Цар.17:47  с толкованием

48
И воста иноплеменник и иде во сретение Давиду. И ускори Давид и тече на сражение во сретение иноплеменнику.

1Цар.17:48  с толкованием

49
И простре Давид руку свою в тоболец, и изя из него камень един, (и вложи в пращу,) и верже пращею, и порази иноплеменника в чело его, и унзе камень под шлемом его в чело его, и паде (Голиаф) на лицы своем на землю.

1Цар.17:49  с толкованием

50
И укрепися Давид над иноплеменником пращею и каменем, и порази иноплеменника, и умертви его: оружия же не бе в руце Давидове.

1Цар.17:50  с толкованием

51
И тече скоро Давид, и ста над ним, и взя мечь его, и извлече его от недр его, и умертви его, и отсече им главу его. И видеша иноплеменницы, яко умре сильный их, и бежаша.

1Цар.17:51  с толкованием

52
И восташа мужие Израилевы и Иудины и воскликнуша, и погнаша созади их даже до входа Гефова и до врат Аскалонских: и падоша уязвленни (мнози) иноплеменницы по пути врат и даже до Гефа и Аккарона.

1Цар.17:52  с толкованием

53
И возвратишася мужие Израилевы гнавшии вслед иноплеменник, и потопташа полки их.

1Цар.17:53  с толкованием

54
И взя Давид главу иноплеменника и внесе ю во Иерусалим, и оружие его положи во храмине своей.

1Цар.17:54  с толкованием

55
И егда виде Саул Давида исходяща во сретение иноплеменника, рече ко Авениру князю силы: чий есть сын юноша сей, Авенире? И рече Авенир: да живет душа твоя, царю, яко не вем.

1Цар.17:55  с толкованием

56
И рече царь: вопроси убо ты, чий есть сын юноша сей?

1Цар.17:56  с толкованием

57
Егда же возвратися Давид по убиении иноплеменника, взя его Авенир и приведе его пред Саула: глава же иноплеменнича бе в руце его.

1Цар.17:57  с толкованием

58
И рече к нему Саул: чий еси сын, юноше? И рече Давид: сын раба твоего Иессеа от Вифлеема.

1Цар.17:58  с толкованием

Глава 
18

1Цар.18  с толкованием

1
И бысть егда преста глаголати к Саулу, и душа Ионафана с душею Давидовою спряжеся, и возлюби его Ионафан от души своея.

1Цар.18:1  с толкованием

2
И поят его Саул во дни оны и не даде ему возвратитися в дом отца его.

1Цар.18:2  с толкованием

3
И завеща Ионафан и Давид завет, понеже возлюби его от души своея:

1Цар.18:3  с толкованием

4
и совлече Ионафан ризу свою верхнюю и даде ю Давиду, и ины одежды своя даже до меча своего и до лука своего и до пояса своего.

1Цар.18:4  с толкованием

5
И хождаше Давид разумно во всех, аможе аще посылаше его Саул: постави же его Саул над мужи воинскими, и угоден бе пред очима всех людий и пред слугами Сауловыми.

1Цар.18:5  с толкованием

6
И бысть, внегда входити им, егда возвратися Давид от победы над иноплеменником: и изыдоша (девы) ликовствующыя во сретение Саула царя от всех градов Израилевых поющя и скачущя в тимпанех с радостию и с гусльми.

1Цар.18:6  с толкованием

7
И исхождаху жены ликующя и глаголющя: победи Саул с тысящами своими, а Давид со тмами своими.

1Цар.18:7  с толкованием

8
И разгневася Саул зело, и лукавы явишася глаголы пред очима сауловыма о словеси сем. И рече Саул: Давиду даша тмы, мне же даша тысящы: и чего ему (несть), точию царства?

1Цар.18:8  с толкованием

9
И бе Саул подзирая Давида от дне онаго и потом.

1Цар.18:9  с толкованием

10
И бысть от утрешняго дне, и нападаше дух лукавый от Бога на Саула, и прорицаше посреде дому своего: и Давид пояше рукою своею (в гусли), якоже и по вся дни: копие же в руце Саули:

1Цар.18:10  с толкованием

11
и взя Саул копие и рече: поражу Давида к стене. И уклонися Давид от лица его дважды.

1Цар.18:11  с толкованием

12
И убояся Саул от лица Давидова, яко Господь бе с ним, а от Саула отступи:

1Цар.18:12  с толкованием

13
и отстави его Саул от себе, и постави его себе тысященачалника: и исхождаше и вхождаше пред людьми.

1Цар.18:13  с толкованием

14
И бе Давид во всех путех своих смысля, и Господь бе с ним.

1Цар.18:14  с толкованием

15
И виде Саул, яко той смыслит зело, и бояшеся от лица его.

1Цар.18:15  с толкованием

16
Весь же Израиль и Иуда любляху Давида, яко той вхождаше и исхождаше пред лицем людий.

1Цар.18:16  с толкованием

17
И рече Саул к Давиду: се, дщи моя болшая Меров, сию тебе дам в жену, токмо буди ми в сына силы и поборай брани Господни. И Саул рече: да не будет рука моя на нем, но да будет рука иноплеменнича.

1Цар.18:17  с толкованием

18
И рече Давид к Саулу: кто аз есмь? И кое житие сродства отца моего во Израили, яко да буду зять царский?

1Цар.18:18  с толкованием

19
И бысть во время, егда даней быти подобаше Мерове дщери Саулове Давиду, сия дадеся Адриилу Молафитскому в жену.

1Цар.18:19  с толкованием

20
И возлюби Мелхола дщерь Саулова Давида: и возвестися Саулу, и угодно бысть пред очима его слово.

1Цар.18:20  с толкованием

21
И рече Саул: дам ему ю, и будет ему в соблазн. И бе на Саула рука иноплеменнича. И рече Саул к Давиду: в силах будеши ми зять днесь.

1Цар.18:21  с толкованием

22
И заповеда Саул отроком своим, глаголя: рцыте вы тайно Давиду, глаголюще: се, благоволит о тебе царь, и вси отроцы его любят тя, и ты буди зять царю.

1Цар.18:22  с толкованием

23
И глаголаша отроцы Сауловы во ушы Давиду глаголы сия. И рече Давид: еда легко пред очима вашима, еже быти (ми) зятем царю? Аз бо есмь муж смирен и не славен.

1Цар.18:23  с толкованием

24
И возвестиша отроцы Саулу сия словеса, яже глагола Давид.

1Цар.18:24  с толкованием

25
И рече Саул: тако рцыте Давиду: не хощет царь с богатством (зятя), но токмо во сте краенеобрезаний иноплеменнических отмстити врагом царевым. Саул бо мысляше вдати Давида в руце иноплеменником.

1Цар.18:25  с толкованием

26
И возвестиша отроцы Сауловы глаголы сия Давиду, и угодна быша словеса сия пред очима Давидовыма, еже быти в зятя царю.

1Цар.18:26  с толкованием

27
И не по мнозех днех, воста Давид и иде сам и мужие его с ним, и уби от иноплеменник двести мужей: и принесе краенеобрезания их царю и вдаде я ему, и бысть зять царю, и вдаде ему царь Мелхолу дщерь свою в жену.

1Цар.18:27  с толкованием

28
И виде Саул, яко Господь есть с Давидом, и весь Израиль любит его:

1Цар.18:28  с толкованием

29
и приложи Саул оттоле паче боятися Давида. И бысть Саул враждуя на Давида во вся дни.

1Цар.18:29  с толкованием

30
И исхождаху князи иноплеменничи, и бысть от начала исхождения их, Давид разумен бе паче всех слуг Сауловых, и почтеся имя его зело.

1Цар.18:30  с толкованием

Глава 
19

1Цар.19  с толкованием

1
И глагола Саул к Ионафану сыну своему и ко всем отроком своим, да умертвят Давида. Ионафан же сын Саулов любяше Давида зело.

1Цар.19:1  с толкованием

2
И возвести Ионафан Давиду, глаголя: отец мой Саул ищет тя убити: сохранися убо заутра рано, и скрыйся, и сяди втайне:

1Цар.19:2  с толкованием

3
и аз изыду, и стану при отце моем на селе, идеже еси ты: и аз возглаголю отцу моему о тебе, и узрю, что будет, и возвещу тебе.

1Цар.19:3  с толкованием

4
И глагола Ионафан о Давиде благая к Саулу отцу своему, и рече к нему: да не согрешает царь на раба своего Давида, яко не согреши пред тобою, и дела его блага суть зело:

1Цар.19:4  с толкованием

5
и положи душу свою в руце своей и победи иноплеменника, и сотвори Господь спасение велико всему Израилю, и вси видеша и возрадовашася: и почто согрешаеши в кровь неповинну, еже убити Давида туне?

1Цар.19:5  с толкованием

6
И послуша Саул гласа Ионафаня: и клятся Саул, глаголя: жив Господь, яко не умрет (Давид).

1Цар.19:6  с толкованием

7
И призва Ионафан Давида и возвести ему вся глаголы сия, и введе Ионафан Давида к Саулу, и бе пред ним яко вчера и третияго дне.

1Цар.19:7  с толкованием

8
И приложися брань быти на Саула, и укрепися Давид, и победи иноплеменники, и изби язвою великою зело, и бежаша от лица его.

1Цар.19:8  с толкованием

9
И бысть от Бога дух лукавый на Сауле, и той в дому своем седяше, и копие в руце его, Давид же играше руками своими:

1Цар.19:9  с толкованием

10
и искаше Саул копием поразити Давида, и отступи Давид от лица Сауля, и удари Саул копием в стену: Давид же отшед спасеся в нощь ту.

1Цар.19:10  с толкованием

11
И посла Саул вестники в дом Давидов стрещи его, еже убити его рано. И возвести Давиду Мелхола жена его, глаголющи: аще ты не спасеши души твоея в нощь сию, заутра умреши.

1Цар.19:11  с толкованием

12
И свеси Мелхола Давида оконцем, и отиде, и убежа, и спасеся:

1Цар.19:12  с толкованием

13
и прият Мелхола тщепогребалная, и положи на одре, и печень козию положи на возглавии его, и покры я ризами.

1Цар.19:13  с толкованием

14
И посла Саул вестники, да имут Давида, и рекоша, яко болен есть.

1Цар.19:14  с толкованием

15
И посла Саул, да оглядают Давида, глаголя: принесите его на одре ко мне, еже умертвити его.

1Цар.19:15  с толкованием

16
И приидоша слуги, и се, тщепогребалная на одре и козия печень при возглавии его.

1Цар.19:16  с толкованием

17
И рече Саул к Мелхоле: почто тако обманула мя еси, и отпустила еси врага моего, и гонзе мене? И рече Мелхола Саулу: сам ми рече: отпусти мя: аще же ни, погублю тя.

1Цар.19:17  с толкованием

18
И Давид убежа и спасеся, и иде к Самуилу во Армафем и поведа ему вся, елика сотвори ему Саул. И идоста Давид и Самуил и седоста в Навафе в Раме.

1Цар.19:18  с толкованием

19
И возвестиша Саулу, глаголюще: се, Давид в Навафе в Раме.

1Цар.19:19  с толкованием

20
И посла слуги Саул яти Давида, и видеша собор пророков, и Самуил стояше настоятель над ними: и бысть Дух Божий на слугах Саулих, и начаша прорицати.

1Цар.19:20  с толкованием

21
И возвестиша Саулу, и посла другия слуги, и прорицати начаша и тии. И приложи Саул послати слуги третия, и начаша и тии прорицати.

1Цар.19:21  с толкованием

22
И разгневася гневом Саул, и иде и сам во Армафем, и прииде даже до кладязя гумна, еже есть в Сефе, и вопроси и рече: где есть Самуил и Давид? И реша: се, в Навафе в Раме.

1Цар.19:22  с толкованием

23
И иде оттуду в Наваф (иже) в Раме: и бысть и на нем Дух Божий, и идяше идый и прорицая, дондеже приити ему в Наваф иже в Раме.

1Цар.19:23  с толкованием

24
И совлече ризы своя и прорицаше пред ними: и паде наг весь день той и всю нощь. Того ради глаголаху: еда и Саул во пророцех?

1Цар.19:24  с толкованием

Глава 
20

1Цар.20  с толкованием

1
И отбеже Давид от Навафа (иже) в Раме и прииде ко Ионафану и рече: что сотворих? И что неправда моя? И что согреших пред отцем твоим, яко ищет души моея?

1Цар.20:1  с толкованием

2
И рече ему Ионафан: никакоже, ты не умреши: се, не имать сотворити отец мой глагола велика, или мала, и не открыет уха моего: и что яко скрыет отец мой глагол сей от мене? Не буди сие.

1Цар.20:2  с толкованием

3
И отвеща Давид Ионафану и рече: ведая ведает отец твой, яко обретох благодать пред очима твоима, и глаголет: да не познает сего Ионафан, негли не восхощет: но жив Господь и жива душа твоя, зане якоже рекох, исполнися между мною и между отцем твоим даже до смерти.

1Цар.20:3  с толкованием

4
И рече паки Ионафан к Давиду: чесого желает душа твоя, и что сотворю тебе?

1Цар.20:4  с толкованием

5
И рече Давид ко Ионафану: се, новомесячие заутра, и аз седя не сяду с царем ясти, и послеши мя, и скрыюся на поли до вечера дне третияго:

1Цар.20:5  с толкованием

6
и аще смотря усмотрит мя отец твой, и речеши: прося упросися от мене Давид отити до Вифлеема града своего, яко жертва дний тамо всему племени:

1Цар.20:6  с толкованием

7
аще тако речет: благо: мир рабу твоему: аще же жестоко отвещает тебе, разумей, яко совершися злоба от него:

1Цар.20:7  с толкованием

8
и да сотвориши милость с рабом твоим, яко ввел еси в завет Господень раба твоего с собою: и аще есть неправда в рабе твоем, умертви мя ты, а ко отцу твоему почто тако имаши мя вводити?

1Цар.20:8  с толкованием

9
И рече Ионафан: никакоже (буди) тебе: егда аще разумевая уразумею, яко совершися злоба отца моего, еже приити на тебе, аще и не будеши во градех твоих, аз возвещу тебе.

1Цар.20:9  с толкованием

10
И рече Давид ко Ионафану: кто возвестит ми, аще отвещает отец твой жестоко?

1Цар.20:10  с толкованием

11
И рече Ионафан к Давиду: иди, и пребуди на поли. И идоста оба на поле.

1Цар.20:11  с толкованием

12
И рече Ионафан к Давиду: Господь Бог Израилев весть, яко искушу отца моего во время (сие) заутра, или третияго дне, и сие, аще благо будет о Давиде, и не имам послати к тебе на поле и возвестити сия во ушы твои:

1Цар.20:12  с толкованием

13
сия да сотворит Бог Ионафану и сия да приложит, аще не возвещу злая на тя, и открыю ухо твое, и отпущу тя, и отидеши в мире: и будет Господь с тобою, якоже бе со отцем моим:

1Цар.20:13  с толкованием

14
и аще убо еще жив буду аз, да сотвориши милость со мною:

1Цар.20:14  с толкованием

15
и аще смертию умру, да не отимеши милости твоея от дому моего до века:

1Цар.20:15  с толкованием

16
аще же ни, егда искоренит Господь враги Давидовы, коегождо от лица земли, да обрящется имя Ионафане в дому Давидове, и изыщет Господь враги Давидовы.

1Цар.20:16  с толкованием

17
И приложи Ионафан еще клятися Давиду, яко возлюби душу любящаго его.

1Цар.20:17  с толкованием

18
И рече Ионафан к нему: заутра новомесячие, и присмотрен будеши, яко праздно усмотрено будет место твое:

1Цар.20:18  с толкованием

19
ты же премедлиши три дни и пребудеши на месте твоем, идеже скрыешися в день делания, и сядеши при Ергаве онем:

1Цар.20:19  с толкованием

20
и аз утрою стрелами стреляя, и стрелю вергая до амаггариа:

1Цар.20:20  с толкованием

21
и се, послю отрока, глаголя: иди и обрящи ми стрелу: и аще реку отроку: зде стрела от тебе, и зде, возми ю: и ты гряди ко мне, яко мир тебе, и несть о тебе слова, жив Господь:

1Цар.20:21  с толкованием

22
аще же тако реку юноши: тамо стрела от тебе и далее: иди, яко отсла тя Господь:

1Цар.20:22  с толкованием

23
и глагол егоже аз и ты глаголахом, се, Господь свидетель между тобою и мною до века.

1Цар.20:23  с толкованием

24
И скрыся Давид на поли, и прииде новомесячие, и прииде царь на трапезу ясти,

1Цар.20:24  с толкованием

25
и седе царь на месте своем якоже и всегда на престоле при стене, и предвари Ионафана, и седе Авенир от страны Сауловы, и усмотрено бысть (праздно) место Давидово.

1Цар.20:25  с толкованием

26
И не глагола Саул ничтоже в той день, помысли бо, случай видится, нечисту быти, яко не очистися.

1Цар.20:26  с толкованием

27
И бысть наутрие месяца в день вторый, и усмотрено бысть праздно место Давидово, и рече Саул ко Ионафану сыну своему: что яко не прииде сын Иессеев ни вчера, ни днесь на трапезу?

1Цар.20:27  с толкованием

28
И отвеща Ионафан к Саулу и рече ему: упросися от мене Давид до Вифлеема града своего ити,

1Цар.20:28  с толкованием

29
и рече: отпусти мя ныне (в Вифлеем), яко жертва колена нашего во граде, и заповедаша мне братия моя: и ныне аще обретох благодать пред очима твоима, да пойду ныне и узрю братию мою: сего ради не прииде на трапезу цареву.

1Цар.20:29  с толкованием

30
И разгневася гневом Саул на Ионафана зело и рече ему: сыне девок блудниц, не вем ли, яко сообщник еси ты сыну Иессееву в срамоту твою и в срамоту откровения матере твоея?

1Цар.20:30  с толкованием

31
Яко во вся дни, в няже сын Иессеев жити имать на земли, не уготовится царство твое: ныне убо послав, поими юношу, яко сын смерти есть сей.

1Цар.20:31  с толкованием

32
И отвеща Ионафан Саулу отцу своему и рече: за что умирает? Что сотвори?

1Цар.20:32  с толкованием

33
И верже Саул копием на Ионафана, еже умертвити его. И позна Ионафан, яко совершися злоба сия от отца его, да умертвит Давида:

1Цар.20:33  с толкованием

34
и вскочи Ионафан от трапезы во гневе ярости, и не яде хлеба в день вторый месяца, яко сокрушися о Давиде, зане соверши (злобу) на него отец его.

1Цар.20:34  с толкованием

35
И бысть заутра, и изыде Ионафан на село, якоже совещася о свидении с Давидом, и отрок мал с ним.

1Цар.20:35  с толкованием

36
И рече отроку: тецы, и обрящи ми стрелы, имиже аз стреляю. И отрок тече, и он стрели стрелою за него.

1Цар.20:36  с толкованием

37
И прииде отрок до места стрелы, идеже стрелил Ионафан. И возопи Ионафан вслед отрока и рече: тамо стрела от тебе и далее.

1Цар.20:37  с толкованием

38
И паки возопи Ионафан вслед отрока своего, глаголя: потщися скоро, и не стой. И собра отрок Ионафану стрелы и принесе их к господину своему.

1Цар.20:38  с толкованием

39
Отрок же не уведе ничесоже, токмо Ионафан и Давид ведеста вещь.

1Цар.20:39  с толкованием

40
И отда Ионафан оружие свое отроку своему и рече отроку своему: поиди и отнеси во град.

1Цар.20:40  с толкованием

41
И егда отиде отрок, и Давид воста от Ергава, и паде на лице свое, и поклонися ему трижды, и облобыза кийждо друг друга, и плакася кийждо о друг друзе до скончания велика.

1Цар.20:41  с толкованием

42
И рече Ионафан Давиду: иди с миром, и якоже кляхомся мы оба именем Господним, глаголюще: Господь да будет свидетель между мною и тобою и между семенем моим и между семенем твоим до века.

1Цар.20:42  с толкованием

43
И воста Давид и отиде. Ионафан же вниде во град.

1Цар.20:43  с толкованием

Глава 
21

1Цар.21  с толкованием

1
И прииде Давид в Номву ко Авимелеху иерею: и ужасеся Авимелех о пришествии его и рече ему: что яко ты един, и никтоже с тобою?

1Цар.21:1  с толкованием

2
И рече Давид иерею: царь заповеда ми глагол днесь и рече ко мне: никтоже да уразумеет глагола, егоже ради аз посылаю тя и о немже аз заповедаю ти: и отроки оставих на месте глаголемем еммоним:

1Цар.21:2  с толкованием

3
и ныне аще суть у тебе пять хлебы, даждь ми елико имаши.

1Цар.21:3  с толкованием

4
И отвеща иерей Давиду и рече: не суть хлебы прости у мене, но точию хлебы у мене священнии: аще сохранени отроцы суть токмо от жены, снедят.

1Цар.21:4  с толкованием

5
И отвеща Давид иерею и рече ему: и (мы) от жен воздержахомся вчера и третияго дне: отнележе изыдох аз на путь, быша вси отроцы очищени, и сей путь нечист, но освятится днесь сосуд ради моих.

1Цар.21:5  с толкованием

6
И даде ему Авимелех иерей хлебы предложения, яко тамо не бе хлеба, но токмо хлебы лица, иже взяты от лица Господня, еже предложитися хлебу теплому, в оньже день взя их.

1Цар.21:6  с толкованием

7
И бе тамо един от отрок Сауловых в день он удержан пред Господем, и имя ему Доик Сирин, (старейшина от пастырь Сауловых,) пасый мски Сауловы.

1Цар.21:7  с толкованием

8
И рече Давид ко Авимелеху: виждь, аще есть зде у тебе копие или мечь, яко меча моего и оружия моего не взях с собою, яко царево повеление внезапу ми бысть.

1Цар.21:8  с толкованием

9
И рече иерей: се, мечь Голиафа иноплеменника, егоже ты убил еси во юдоли Ила, и той обвит бяше в ризу за ефудом: аще той хощеши взяти, возми себе, несть бо инаго зде кроме сего. И рече Давид: се, несть якоже той: даждь ми его. И даде его ему.

1Цар.21:9  с толкованием

10
И воста Давид, и убеже в той день от лица Саулова, и прииде Давид ко Анхусу царю Гефску.

1Цар.21:10  с толкованием

11
И реша отроцы Анхусовы к нему: не сей ли Давид царь земли? Не сему ли изыдоша (жены) ликующыя, глаголющя: победи Саул с тысящами своими, и Давид со тмами своими?

1Цар.21:11  с толкованием

12
И положи Давид глаголы сия в сердцы своем, и убояся зело от лица Анхуса царя Гефска.

1Цар.21:12  с толкованием

13
И измени лице свое пред ним, и притворися в день той, и бияше во врата града, яко в тимпан, и падаше на руки своя, и паде у врат града, и слины своя точаше по браде своей.

1Цар.21:13  с толкованием

14
И рече Анхус ко отроком своим: се, видесте мужа неистова, почто его введосте ко мне?

1Цар.21:14  с толкованием

15
Еда не имею аз неистовых, яко введосте его, да беснуется предо мною? Сей да не внидет в дом мой.

1Цар.21:15  с толкованием

Глава 
22

1Цар.22  с толкованием

1
И отиде Давид оттуду, и спасеся, и прииде в пещеру Одолламску: и слышавше братия его и дом отца его, приидоша к нему тамо.

1Цар.22:1  с толкованием

2
И собрашася к нему всяк иже в нужде, и всяк должник, и всяк печальный душею, и бе ими обладаяй, и бяше с ним яко четыреста мужей.

1Цар.22:2  с толкованием

3
И отиде Давид оттуду в Массифаф Моавитский и рече к царю Моавитску: да будут ныне отец мой и мати моя у тебе, дондеже познаю, что сотворит мне Бог.

1Цар.22:3  с толкованием

4
И умоли лице царя Моавитска, и пребываху у него по вся дни, сущу Давиду во области той.

1Цар.22:4  с толкованием

5
И рече Гад пророк к Давиду: не седи во области сей: иди, и да внидеши в землю Иудину. И иде Давид и пришед седе в граде Сарих.

1Цар.22:5  с толкованием

6
И слыша Саул, яко познан бысть Давид, и мужие иже с ним: и Саул седяше на холме под дубравою яже в Раме, и копие в руку его, и вси отроцы его предстояху ему.

1Цар.22:6  с толкованием

7
И рече Саул ко отроком своим предстоящым ему: слышите ныне, сынове Вениаминовы, аще воистинну всем вам даст сын Иессеев села и винограды и поставит вас всех в сотники и тысящники:

1Цар.22:7  с толкованием

8
яко вси согласистеся на мя, и несть открываяй во ухо мое, егда положи завет сын мой с сыном Иессеовым, и несть от вас ни един боляй о мне и возвещаяй во ушы мои, яко воздвиже сын мой раба моего на мя врага, якоже день сей?

1Цар.22:8  с толкованием

9
И отвеща Доик Сирин приставленый над мсками Сауловыми и рече: видех сына Иессеева пришедша в Номву ко Авимелеху сыну Ахитову иерею:

1Цар.22:9  с толкованием

10
и вопрошаше о нем Бога, и брашно вдаде ему, и мечь Голиафа иноплеменника вдаде ему.

1Цар.22:10  с толкованием

11
И посла царь призвати Авимелеха сына Ахитова, и вся сыны отца его иереи от Номвы. И приидоша вси к царю.

1Цар.22:11  с толкованием

12
И рече Саул: слыши ныне, сыне Ахитов. И рече: се, аз, глаголи, господине.

1Цар.22:12  с толкованием

13
И рече ему Саул: почто совещался еси на мя ты и сын Иессеев, яко вдал еси ему хлеб и мечь, и вопрошал еси о нем Бога положити его на мя во врага, якоже день сей?

1Цар.22:13  с толкованием

14
И отвеща Авимелех царю и рече: и кто во всех рабех твоих верен якоже Давид, и зять царев, и князь всем заповедем твоим, и славен в дому твоем?

1Цар.22:14  с толкованием

15
Еда днесь начах вопрошати о нем Бога? Никако: да не возложиши, царю, на раба твоего словесе сего, и на весь дом отца моего, яко не ведяше раб твой во всех сих словесе мала, или велика.

1Цар.22:15  с толкованием

16
И рече царь Саул: смертию умреши, Авимелех, ты и весь дом отца твоего.

1Цар.22:16  с толкованием

17
И рече царь скороходцем предстоящым пред ним: приведите и избийте иереи Господни, яко рука их с Давидом, и понеже познаша, яко бежит той, и не возвестиша во ушию моею. И не хотяху отроцы царевы возложити рук своих на иереи Господни.

1Цар.22:17  с толкованием

18
И рече царь Доику: обратися ты, и устремися на иереи. И обратися Доик Сирин, и уби иереев Господних в той день, триста пять мужей, всех носящих ефуд:

1Цар.22:18  с толкованием

19
и Номву град иерейский погуби острием оружия от мужеска полу и до женска, от отрока и до ссущаго, и телца и осла и овчате.

1Цар.22:19  с толкованием

20
И угонзе един сын Авимелеха сына Ахитова, имя ему Авиафар, и бежа вслед Давида.

1Цар.22:20  с толкованием

21
И возвести Авиафар Давиду, яко изби Саул вся иереи Господни.

1Цар.22:21  с толкованием

22
И рече Давид ко Авиафару: ведях в день той, яко тамо бе Доик Сирин, яко возвещая возвестит Саулу: аз есмь виновен о душах дому отца твоего:

1Цар.22:22  с толкованием

23
седи со мною, не бойся, яко идеже аще взыщу души моей место, взыщу и души твоей, яко сохранен будеши ты у мене.

1Цар.22:23  с толкованием

Глава 
23

1Цар.23  с толкованием

1
И возвестиша Давиду, глаголюще: се, иноплеменницы облегоша Кеиль, и расхищают и попирают плоды.

1Цар.23:1  с толкованием

2
И вопроси Давид Господа, глаголя: аще пойду и избию иноплеменники сия? И рече Господь: иди, и победиши иноплеменники сия, и спасеши Кеиль.

1Цар.23:2  с толкованием

3
И реша мужие Давидовы к нему: се, мы зде во Иудеи боимся, и како будет, аще идем в Кеиль, в плен иноплеменников внидем?

1Цар.23:3  с толкованием

4
И приложи еще Давид вопросити Господа. И отвеща ему Господь и рече ему: востани и сниди в Кеиль, яко Аз предаю иноплеменники в руце твои.

1Цар.23:4  с толкованием

5
И иде Давид и мужие его с ним в Кеиль, и брашася со иноплеменники: и бежаша (иноплеменницы) от лица его, и взя скоты их, и порази их язвою великою, и спасе Давид живущыя в Кеиле.

1Цар.23:5  с толкованием

6
И бысть егда бежа Авиафар сын Авимелехов к Давиду, и той с Давидом в Кеиль сниде, имый ефуд в руце своей.

1Цар.23:6  с толкованием

7
И возвестися Саулу, яко прииде Давид в Кеиль. И рече Саул: предаде его Бог в руце мои, яко заключися вшед в град (имущь) врата и вереи.

1Цар.23:7  с толкованием

8
И заповеда Саул всем людем на брань снити в Кеиль, яти Давида и мужы его.

1Цар.23:8  с толкованием

9
И уведе Давид, яко не премолкает злобы о нем Саул, и рече Давид ко Авиафару жерцу: принеси ефуд Господень.

1Цар.23:9  с толкованием

10
И рече Давид: Господи Боже Израилев, слышав услыша раб Твой, яко ищет Саул приити на Кеиль растлити град мене ради:

1Цар.23:10  с толкованием

11
аще заключится? И ныне аще снидет Саул, якоже слыша раб Твой? Господи Боже Израилев, возвести рабу Твоему. И рече Господь: заключится.

1Цар.23:11  с толкованием

12
И рече Давид: аще предадят мя иже в Кеиле, и мужы моя в руки Саули? И рече Господь: предадят.

1Цар.23:12  с толкованием

13
И воста Давид и мужие его с ним, яко четыреста, и изыдоша из Кеилы, и идоша, аможе хотяху. И возвестиша Саулу, яко угонзе Давид из Кеилы: и остави ити.

1Цар.23:13  с толкованием

14
И седе Давид в Масереме в пустыни во узинах, и седяше в пустыни на горе Зиф, в земли знойне: и искаше его Саул во вся дни, и не предаде его Бог в руце его.

1Цар.23:14  с толкованием

15
И виде Давид, яко исходит Саул искати его: и Давид бяше на горе знойне, в дубраве Зиф.

1Цар.23:15  с толкованием

16
И воста Ионафан сын Саулов и иде к Давиду в дубраву, и утверди руце его во Господе,

1Цар.23:16  с толкованием

17
и рече к нему: не бойся, яко не имать обрести тебе рука отца моего Саула, и ты имаши царствовати во Израили, и аз буду по тебе другий, и Саул отец мой уведа тако.

1Цар.23:17  с толкованием

18
И положиста оба завет пред Господем: и седяше Давид в дубраве, а Ионафан отиде в дом свой.

1Цар.23:18  с толкованием

19
И изыдоша Зифее от знойныя земли к Саулу на холм, глаголюще: не се ли Давид скрыся у нас в Мессаре во узинах в дубраве на холме Ехелатсте, иже одесную Иесемона?

1Цар.23:19  с толкованием

20
И ныне все еже по души цареве ко исхождению, да снидет (убо) к нам: заключиша бо его в руки царевы.

1Цар.23:20  с толкованием

21
И рече им Саул: благословени вы Господеви, яко поболесте о мне:

1Цар.23:21  с толкованием

22
идите ныне, и уготовите еще, и познайте место его, идеже будет нога его вскоре, тамо идеже ресте, да не како прехитрит:

1Цар.23:22  с толкованием

23
и видите и уразумейте о всех местех, идеже той крыется, и возвратитеся ко мне на готово, и иду с вами: и будет, аще есть на земли, изыскати имам его во всех тысящах Иудиных.

1Цар.23:23  с толкованием

24
И восташа Зифее, и идоша пред Саулом: Давид же и мужие его бяху в пустыни Маон к западу одесную Иесемона.

1Цар.23:24  с толкованием

25
И иде Саул и мужие его искати Давида. И возвестиша Давиду, и сниде ко каменю иже в пустыни Маон. И услыша Саул, и погна вслед Давида в пустыню Маон.

1Цар.23:25  с толкованием

26
И идяше Саул и мужие его от страны горы отсюду, Давид же бе и мужие его от страны горы отонуду: и бе Давид укрываяся ити от лица Сауля, а Саул и мужие его ополчишася на Давида и на мужы его яти их.

1Цар.23:26  с толкованием

27
И прииде вестник к Саулу глаголя: потщися и иди, яко нападоша иноплеменницы на землю твою.

1Цар.23:27  с толкованием

28
И возвратися Саул не гнати вслед Давида, и иде противу иноплеменником: сего ради наречеся место оно Камень Разделенный.

1Цар.23:28  с толкованием

Глава 
24

1Цар.24  с толкованием

1
И воста Давид оттуду и седе во узинах Енгадди.

1Цар.24:1  с толкованием

2
И бысть егда возвратися Саул вспять от иноплеменник, и возвестиша ему, глаголюще: се, Давид в пустыни Енгадстей.

1Цар.24:2  с толкованием

3
И взя Саул с собою три тысящы мужей избранных от всего Израиля и иде искати Давида и мужей его прямо лицу саддеем:

1Цар.24:3  с толкованием

4
и прииде до стад пасомых на пути, и бе тамо вертеп: и Саул вниде испразднитися, Давид же и мужие его во внутренних вертепа седяху.

1Цар.24:4  с толкованием

5
И реша мужие Давидовы к нему: се, день сей, о немже рече Господь тебе предати врага твоего в руце твои, и сотвориши ему якоже угодно пред очима твоима. И воста Давид, и отреза воскрилие одежды Саули отай.

1Цар.24:5  с толкованием

6
И бысть по сих, и вострепета Давиду сердце его, яко отреза воскрилие одежды Саули:

1Цар.24:6  с толкованием

7
и рече Давид к мужем своим: никакоже ми от Господа, аще сотворю глагол сей господину моему христу Господню, еже нанести руку мою нань, яко христос Господень есть сей.

1Цар.24:7  с толкованием

8
И увеща Давид мужы своя словесы и не даде им воставшым убити Саула. И воста Саул, и сниде на путь.

1Цар.24:8  с толкованием

9
И изыде Давид вслед его из вертепа: и возопи Давид вслед Саула, глаголя: господине царю. И озреся Саул вслед себе, и преклонися Давид лицем своим до земли, и поклонися ему.

1Цар.24:9  с толкованием

10
И рече Давид к Саулу: почто слушаеши словес людий глаголющих: се, Давид ищет души твоея?

1Цар.24:10  с толкованием

11
Се, днесь видеста очи твои, яко предаде тя Господь днесь в руце мои в вертепе, и не восхотех убити тебе, и пощадех тя, и рех: не нанесу руки моея на господа моего, яко помазанник Господень сей есть:

1Цар.24:11  с толкованием

12
и се, воскрилие одежды твоея в руце моей, аз отях воскрилие одежды твоея, и не убих тебе: и уразумей, и виждь днесь, яко несть злобы в руце моей, ниже нечестия и презорства, ниже согреших к тебе, а ты ищеши души моея изъяти ю:

1Цар.24:12  с толкованием

13
да судит Господь между мною и тобою, и да защитит мя Господь от тебе: рука же моя не будет на тя,

1Цар.24:13  с толкованием

14
якоже глаголется притча древняя: от беззаконник изыдет преступление: рука же моя не будет на тя:

1Цар.24:14  с толкованием

15
и ныне ты, царю Израилев, вслед кого исходиши? Кого ты гониши? Вслед ли пса умерша и вслед блохи единыя?

1Цар.24:15  с толкованием

16
Да будет Господь судия и отмститель между мною и тобою, да видит Господь и судит суд мой, и осудит мя от руки твоея.

1Цар.24:16  с толкованием

17
И бысть, егда сконча Давид глаголы сия, глаголя к Саулу, и рече Саул: твой ли глас сей, чадо Давиде? И воздвиже Саул глас свой и восплакася.

1Цар.24:17  с толкованием

18
И рече Саул к Давиду: праведен еси ты паче мене, яко ты воздал ми еси благая, аз же тебе воздах злая:

1Цар.24:18  с толкованием

19
и ты возвестил ми еси днесь, яже сотворил ми благая, яко заключи мя Господь в руки твоя днесь, и не убил мя еси:

1Цар.24:19  с толкованием

20
и якоже аще кто обрел бы врага своего в печали, и отпустил бы его в путь благ, и Господь воздаст ему благая, якоже ты сотворил еси днесь:

1Цар.24:20  с толкованием

21
и ныне се, аз вем, яко царюя царствовати имаши, и стати имать в руце твоей царство Израилево:

1Цар.24:21  с толкованием

22
и ныне кленися ми Господем, яко не искорениши семене моего по мне и не погубиши имене моего от дому отца моего.

1Цар.24:22  с толкованием

23
И клятся Давид Саулу. И отиде Саул на место свое, Давид же и мужие его взыдоша в мессеру тесную.

1Цар.24:23  с толкованием

Глава 
25

1Цар.25  с толкованием

1
И умре Самуил, и собрашася весь Израиль, и плакашася его, и погребоша его в дому его во Армафеме. И воста Давид, и сниде в пустыню Маоню.

1Цар.25:1  с толкованием

2
И бе человек в Маоне и стада его на Кармиле, и человек велик зело: и сему овец три тысящы и коз тысяща: и бысть егда стрижаше стада своя на Кармиле:

1Цар.25:2  с толкованием

3
имя же человеку Навал и имя жене его Авигеа: и жена его блага смыслом и добра взором зело, муж же ея человек жесток и лукав в начинаниих и человек зверонравен.

1Цар.25:3  с толкованием

4
И услыша Давид в пустыни, яко стрижет Навал на Кармиле стада своя.

1Цар.25:4  с толкованием

5
И посла Давид десять отроков и рече отроком: взыдите на Кармил и идите к Навалу и вопросите его именем моим с миром,

1Цар.25:5  с толкованием

6
и рцыте сия: здрав ли еси ты и дом твой, и вся твоя здрава ли суть?

1Цар.25:6  с толкованием

7
И ныне се, услышах, яко стригут тебе ныне пастуси твои, иже беша с нами в пустыни, и не возбранихом им, и не повелехом им ничесоже во вся дни, егда беша на Кармиле:

1Цар.25:7  с толкованием

8
вопроси отроков твоих и возвестят ти: и да обрящут отроцы твои благодать пред очима твоима, яко в день благ приидохом: даждь убо ныне еже обрящет рука твоя отроком твоим и сыну твоему Давиду.

1Цар.25:8  с толкованием

9
И приидоша отроцы Давидовы и глаголаша словеса сия к Навалу, по всем глаголом сим именем Давидовым.

1Цар.25:9  с толкованием

10
И возскочи Навал и отвеща отроком Давидовым и рече: кто Давид? И кто сын Иессеов? Днесь умножени суть раби отходяще кийждо от лица господина своего:

1Цар.25:10  с толкованием

11
и возму ли хлебы моя и вино мое и закланая моя, яже заклах стригущым моя овцы, и дам ли оная мужем, ихже не вем откуду суть?

1Цар.25:11  с толкованием

12
И возвратишася отроцы Давидовы путем своим, и возвращшеся приидоша и возвестиша Давиду по глаголом сим.

1Цар.25:12  с толкованием

13
И рече Давид мужем своим: препояшитеся кийждо оружием своим. И препоясашася оружием своим, и сам Давид препоясася мечем своим, и идоша вслед Давида, яко четыреста мужей, а двести их осташася у сосудов.

1Цар.25:13  с толкованием

14
И Авигеи жене Навалове поведа един отрок, глаголя: се, присыла Давид послы от пустыни благословити господина нашего, он же отвратися от них:

1Цар.25:14  с толкованием

15
мужие же блази (беша) нам зело, не возбраняху нам, ниже повелеваху нам что во вся дни, в няже бехом с ними:

1Цар.25:15  с толкованием

16
и сущым нам на селе, аки стена беша окрест нас, и в нощи и во дни, по вся дни в няже бехом с ними пасуще стада:

1Цар.25:16  с толкованием

17
и ныне разумей и виждь ты, что сотвориши, яко совершися злоба на господина нашего и на дом его, и сей сын губитель, и не возможно глаголати к нему.

1Цар.25:17  с толкованием

18
И потщася Авигеа, и взя двести хлебов и два сосуда вина и пять овец устроеных и пять мер муки чистыя и кошницу гроздия и двести вязаниц смоквей, и возложи на ослята,

1Цар.25:18  с толкованием

19
и рече ко отроком своим: поидите предо мною, и се, аз вслед вас иду. Мужу же своему не возвести.

1Цар.25:19  с толкованием

20
И бысть, вседшей ей на ослицу и сходящей в подгорие, и се, Давид и мужие его идяху сопротиву ея, и срете их.

1Цар.25:20  с толкованием

21
И рече Давид: воистинну всуе вся навалова сохраних в пустыни, и ничесоже повелех взяти от всех яже его, и воздаде ми злая за благая:

1Цар.25:21  с толкованием

22
сия да сотворит Бог Давиду и сия да приложит, аще до утра оставлю от всех Наваловых даже до мочащагося к стене.

1Цар.25:22  с толкованием

23
И увиде Авигеа Давида, и потщася и скочи со осляте, и паде пред Давидом на лице свое, и поклонися ему до земли,

1Цар.25:23  с толкованием

24
и паде на ноги его и рече: во мне, господине мой, неправда моя: да глаголет ныне раба твоя во ушы твои, и послушай словес рабы твоея:

1Цар.25:24  с толкованием

25
да не возложит ныне господин мой сердца своего на человека гибелнаго сего, яко по имени своему той есть: Навал имя ему, и безумие с ним: аз же раба твоя не видех отроков господина моего, ихже послал еси:

1Цар.25:25  с толкованием

26
и ныне, господине мой, жив Господь и жива душа твоя, якоже возбрани тебе Господь еже не приити на кровь неповинну и спасти тебе руку твою: и ныне да будут якоже Навал врази твои и ищущии господину моему зла:

1Цар.25:26  с толкованием

27
и ныне возми благословение сие, еже принесе раба твоя господину моему, и даждь отроком предстоящым господину моему:

1Цар.25:27  с толкованием

28
отими ныне неправду рабы твоея, яко творя сотворит Господь дом верен господину моему, яко на брани господина моего Господь споборет, и злоба не обрящется в тебе никогдаже:

1Цар.25:28  с толкованием

29
и аще востанет человек гоняй тя и ищай души твоея, и будет душа господина моего привязана соузом жизни у Господа Бога, и душу врагов твоих поразиши пращею посреде пращи:

1Цар.25:29  с толкованием

30
и будет егда сотворит Господь господину моему вся, елика глаголаше благая о тебе, и повелит тебе Господь (быти) вождем во Израили,

1Цар.25:30  с толкованием

31
и не будет тебе сие мерзость и соблазн сердцу господина моего, еже излияти кровь неповинную туне и спасти руку свою себе: и да благо сотворит Господь господину моему, и воспомянеши рабу твою, еже благосотворити ей.

1Цар.25:31  с толкованием

32
И рече Давид ко Авигеи: благословен Господь Бог Израилев, иже посла тя днесь на сретение ми,

1Цар.25:32  с толкованием

33
и благословен совет твой, и благословена ты удержавшая мя в день сей ити на пролитие крове, и спасти ми руку мою:

1Цар.25:33  с толкованием

34
обаче жив Господь Бог Израилев, иже возбрани ми днесь зло сотворити тебе: зане аще бы не потщалася и не пришла еси на сретение мне, тогда рех: аще останется Навалу до утренняго света мочащийся к стене.

1Цар.25:34  с толкованием

35
И прия Давид от руку ея вся, яже принесе ему, и рече ей: иди с миром в дом свой: виждь, послушах гласа твоего и приях лице твое.

1Цар.25:35  с толкованием

36
И прииде Авигеа к Навалу: и се, у него пир в дому его, яко пир царев: и сердце навалово весело в нем, и той пиян до зела. И не возвести Авигеа Навалу глагола ни велика ни мала до света утренняго.

1Цар.25:36  с толкованием

37
И бысть заутра, егда истрезвися Навал от вина, поведа ему жена его вся глаголы сия, и умре сердце его в нем, и той бысть яко камень.

1Цар.25:37  с толкованием

38
И бысть яко десять дний, и порази Господь Навала, и умре.

1Цар.25:38  с толкованием

39
И услыша Давид и рече: благословен Господь, иже суди суд поношения моего от руки Навали, и раба Своего удержа от руки злых, и злобу Навалю обрати Господь на главу его. И посла Давид и глагола ко Авигеи пояти ю себе в жену.

1Цар.25:39  с толкованием

40
И приидоша отроцы Давидовы ко Авигеи в Кармил, и реша ей, глаголюще: Давид посла нас к тебе, да тя поймет себе в жену.

1Цар.25:40  с толкованием

41
И воста и поклонися до земли лицем и рече: се, раба твоя в рабыню умывати ноги отроком твоим.

1Цар.25:41  с толкованием

42
И воста Авигеа, и вседе на осля, и пять девиц идяху вслед ея, и пойде вслед отроков Давидовых, и бысть ему в жену.

1Цар.25:42  с толкованием

43
И Ахинааму поят Давид от Иезраеля, и бесте ему обе жены.

1Цар.25:43  с толкованием

44
Саул же даде Мелхолу дщерь свою жену Давидову Фалтию сыну Амисову иже от Роммы.

1Цар.25:44  с толкованием

Глава 
26

1Цар.26  с толкованием

1
И приидоша Зифее от знойныя к Саулу на холм, глаголюще: се, Давид скрыся у нас на холме Ехелаф, прямо Иессемону.

1Цар.26:1  с толкованием

2
И воста Саул, и сниде в пустыню Зиф, и с ним три тысящы мужей избранных от Израиля, искати Давида в пустыни Зиф.

1Цар.26:2  с толкованием

3
И ополчися Саул на холме Ехелаф иже прямо Иессемону при пути, Давид же седяше в пустыни. И виде Давид, яко идет Саул вслед его в пустыню,

1Цар.26:3  с толкованием

4
и посла Давид соглядатаи, и разуме, яко идет Саул готов из Кеиля:

1Цар.26:4  с толкованием

5
и воста Давид отай, и вниде в место, идеже почиваше Саул, и тамо бяше Авенир сын Ниров, первый воевода его, и Саул спаше в колеснице царстей, и людие ополчившеся окрест его.

1Цар.26:5  с толкованием

6
И отвеща Давид и рече ко Авимелеху Хеттеину и ко Авессе сыну Саруину брату Иоавлю, глаголя: кто внидет со мною к Саулу в полк? И рече Авесса: аз вниду с тобою.

1Цар.26:6  с толкованием

7
И внидоста Давид и Авесса в люди нощию: и се, Саул спяй сном в колеснице царстей, и копие его водружено в землю при главе его, Авенир же и воини его спаху окрест его.

1Цар.26:7  с толкованием

8
И рече Авесса к Давиду: заключи Господь днесь врага твоего в руце твои, и ныне поражу его копием в землю единожды, и не повторю ему.

1Цар.26:8  с толкованием

9
И рече Давид ко Авессе: не убивай его, яко кто прострет руку свою на христа Господня, и неповинен будет?

1Цар.26:9  с толкованием

10
И рече Давид: жив Господь, аще не Господь поразит его, или день его приидет, и умрет, или на брань снидет и погибнет:

1Цар.26:10  с толкованием

11
да не будет ми от Господа нанести руку мою на христа Господня: и ныне возми копие от возглавия его и сосуд водный, и отидем мы о себе.

1Цар.26:11  с толкованием

12
И взя Давид копие и сосуд водный от возглавия его, и отидоста о себе: и не бе иже бы видел или разумел, и не бяше востающаго, вси бо спаху, яко сон крепок от Господа нападе на ня.

1Цар.26:12  с толкованием

13
И прейде Давид на он пол и ста на версе горы издалеча, и мног бе путь между ими.

1Цар.26:13  с толкованием

14
И воззва Давид к людем, и Авениру рече глаголя: не отвещаеши ли, Авенире? И отвеща Авенир и рече: кто ты еси зовый мя?

1Цар.26:14  с толкованием

15
И рече Давид ко Авениру: не муж ли еси ты? И кто, якоже ты, во Израили? И почто не храниши господина твоего царя? Яко вниде един от людий убити господина твоего царя:

1Цар.26:15  с толкованием

16
и не благо сие (зело), еже сотворил еси: жив Господь, яко сынове смерти вы, не хранящии господа своего царя христа Господня: и ныне виждь, где есть копие царево и сосуд водный, яже беша при главе его?

1Цар.26:16  с толкованием

17
И позна Саул глас Давидов и рече: твой ли глас сей, чадо Давиде? И рече Давид: аз раб твой, господи царю.

1Цар.26:17  с толкованием

18
И рече Давид: почто гониши раба твоего, господи царю? Яко что (ти) согреших? И кая обретеся во мне неправда?

1Цар.26:18  с толкованием

19
И ныне да послушает господь мой царь глаголов раба своего: аще Бог поощряет тя на мя, да будет благовонна жертва твоя: аще же сынове человечестии, прокляти сии пред Господем, яко изгнаша мя днесь не утвердитися в жребии Господни, глаголюще: пойди, работай богом чуждим:

1Цар.26:19  с толкованием

20
и ныне да не падет кровь моя на землю пред лицем Господним, яко изыде царь Израилев искати души моея, и гонит якоже нощный вран по горам.

1Цар.26:20  с толкованием

21
И рече Саул: согреших: возвратися, чадо Давиде, яко ктому не сотворю ти зла, зане честна душа моя пред очима твоима в день сей: безумно сотворих, и погреших много зело.

1Цар.26:21  с толкованием

22
И отвеща Давид и рече: се, копие царево, да приидет отрок един и возмет е:

1Цар.26:22  с толкованием

23
и Господь да возвратит коемуждо по правде его и по вере его: якоже предаде тя Господь днесь в руце мои, и не восхотех нанести руки моея на христа Господня:

1Цар.26:23  с толкованием

24
и се, якоже возвеличися душа твоя днесь во очию моею, тако да возвеличится душа моя пред Господем, и да покрыет мя и измет мя от всякия печали.

1Цар.26:24  с толкованием

25
И рече Саул к Давиду: благословен ты, чадо, и творяй сотвориши и могий возможеши. И отиде Давид в путь свой, а Саул возвратися на место свое.

1Цар.26:25  с толкованием

Глава 
27

1Цар.27  с толкованием

1
И рече Давид в сердцы своем, глаголя: ныне впаду в день един в руки Саули, и не будет ми благо, аще не спасуся в земли иноплеменничи, и престанет Саул искати мене во всяком пределе Израилеве, и спасуся из руки его.

1Цар.27:1  с толкованием

2
И воста Давид и шесть сот мужей иже с ним, и иде ко Агхусу сыну Аммахову царю Гефску.

1Цар.27:2  с толкованием

3
И пребысть Давид у Агхуса в Гефе, сам и мужие его вси и дом его, и Давид и обе жены его, Ахинаам Иезраилитыня и Авигеа жена Навала Кармилскаго.

1Цар.27:3  с толкованием

4
И возвестиша Саулу, яко отбеже Давид в Геф, и не приложи ктому (Саул) искати его.

1Цар.27:4  с толкованием

5
И рече Давид ко Агхусу: аще обрете раб твой благодать пред очима твоима, да даси ми место во единем от градов иже на селе, и сяду тамо: и вскую седит раб твой во граде царственнем с тобою?

1Цар.27:5  с толкованием

6
И даде ему Агхус в день той Секелаг: сего ради бысть царю Иудейску Секелаг до днешняго дне.

1Цар.27:6  с толкованием

7
И бысть число дний, в няже седяше Давид на селе иноплеменничи, четыри месяцы.

1Цар.27:7  с толкованием

8
И восхождаше Давид и мужие его и нападаху на всякаго Гессера и на Амаликита, и се, земля населяшеся от Ламсура и до земли Египетския:

1Цар.27:8  с толкованием

9
и поражаше Давид землю, и не оставляше в живых мужеска полу и женска: и взимаху стада, и буйволицы и ослята, и велблюды и ризы, и возвращающеся прихождаху ко Агхусу.

1Цар.27:9  с толкованием

10
И рече Агхус к Давиду: на кого нападосте ныне? И рече Давид ко Агхусу: к югу Иудеи и к югу Иесмеги и к югу Кенезиа:

1Цар.27:10  с толкованием

11
и мужеска полу и женска не оставлях в живых еже вводити в Геф, глаголя: да не возвестят в Гефе на нас, глаголюще: сия творит Давид. И сие оправдание его во вся дни, в няже седяше Давид на селе иноплеменничи.

1Цар.27:11  с толкованием

12
И уверися Давид Агхусу зело, глаголя: омерзением омерзе в людех своих во Израили, и будет ми раб во веки.

1Цар.27:12  с толкованием

Глава 
28

1Цар.28  с толкованием

1
И бысть во дни оны, и собрашася иноплеменницы в полки своя изыти братися со Израилтяны. И рече Агхус к Давиду: разумея разумей, яко со мною изыдеши на брань ты и мужие твои.

1Цар.28:1  с толкованием

2
И рече Давид ко Агхусу: тако ныне уразумееши, яже сотворит раб твой. И рече Агхус к Давиду: темже началника хранителей телу (моему) поставлю тя во вся дни.

1Цар.28:2  с толкованием

3
И Самуил умре, и рыдаше по нем весь Израиль, и погребоша его во Армафеме во граде его: и Саул изби чревобасники и волхвы земли своея.

1Цар.28:3  с толкованием

4
И собрашася иноплеменницы и приидоша и ополчишася в Сонаме: и собра Саул вся мужы Израилевы, и ополчишася в Гелвуе.

1Цар.28:4  с толкованием

5
И виде Саул полки иноплеменничи, и убояся, и ужасеся сердце его зело.

1Цар.28:5  с толкованием

6
И вопроси Саул Господа, и не отвеща ему Господь ни во сне, ни во явлениих, ни во пророцех.

1Цар.28:6  с толкованием

7
И рече Саул отроком своим: поищите ми жены волшебницы, и пойду к ней, и вопрошу ея. И реша отроцы его к нему: се, жена волшебница во Аендоре.

1Цар.28:7  с толкованием

8
И прикрыся Саул и облечеся в ризы ины, и иде сам и два мужа с ним, и прииде нощию к жене и рече ей: поволхвуй ми чревоволшебством, и возведи ми, егоже реку ти.

1Цар.28:8  с толкованием

9
И рече ему жена: се, ныне ты сам веси, елика сотвори Саул, како истреби чревобасники и волхвы от земли, и вскую ты ловиши душу мою, еже умертвити ю?

1Цар.28:9  с толкованием

10
И клятся ей Саул, глаголя: жив Господь, аще срящет тя неправда о словеси сем.

1Цар.28:10  с толкованием

11
И рече жена Саулу: кого возведу ти? И рече Саул: Самуила возведи ми.

1Цар.28:11  с толкованием

12
И виде жена Самуила, и возгласи гласом велиим, и рече жена к Саулу: почто мя прельстил еси? И ты еси Саул.

1Цар.28:12  с толкованием

13
И рече ей царь: не бойся, рцы кого видела еси? И рече ему жена: боги видех восходящыя от земли.

1Цар.28:13  с толкованием

14
И рече ей: что познала еси? И рече ему (жена): (видех) мужа стара восходяща от земли, и сей оболчен одеянием долгим. И уразуме Саул, яко сей Самуил (есть), и преклони лице свое на землю и поклонися ему.

1Цар.28:14  с толкованием

15
И рече ему Самуил: почто понудил еси мя взыти ми? И рече Саул: скорблю зело, яко иноплеменницы воюют на мя, и Бог отступи от мене, и не услыша мене ктому ни в руках пророческих, ни во снех, ни во явлениих: и ныне призвах тя, да скажеши ми, что сотворю.

1Цар.28:15  с толкованием

16
И рече Самуил: почто вопрошаеши мя, а Господь отступи от тебе и бысть со ближним твоим?

1Цар.28:16  с толкованием

17
И сотвори Господь тебе, якоже глагола Господь рукою моею, и исторгнет Господь царство твое из руку твоею и вдаст е ближнему твоему Давиду,

1Цар.28:17  с толкованием

18
понеже не послушал еси гласа Господня и не исполнил еси гнева ярости Его на Амалике, глагола ради того сотвори тебе Господь в день сей:

1Цар.28:18  с толкованием

19
и предаст Господь Израиля с тобою в руки иноплеменничи, и заутра ты и сынове твои падут с тобою, и полк Израилев предаст Господь в руки иноплеменничи.

1Цар.28:19  с толкованием

20
И потщася Саул, и паде стоящь на землю, и убояся зело от словес Самуиловых, и не бысть ктому крепости в нем: яко не яде хлеба во весь день той и во всю нощь ту.

1Цар.28:20  с толкованием

21
И вниде жена к Саулу, и виде его, яко смятеся зело, и рече к нему: се, ныне послуша раба твоя гласа твоего, и положих душу мою в руце мои, и послушах словес, яже ми глаголал еси:

1Цар.28:21  с толкованием

22
и ныне послушай гласа рабы твоея, и положу пред тобою укрух хлеба, и яждь, и будет в тебе крепость, яко идеши в путь.

1Цар.28:22  с толкованием

23
И не хотяше ясти: и понудиша его отроцы его и жена, и послуша гласа их, и воста от земли, и седе на седалищи.

1Цар.28:23  с толкованием

24
Жене же бяше юница питомая в дому: и потщася, и закла ю: и взя муку и смеси, и испече опресноки,

1Цар.28:24  с толкованием

25
и принесе пред Саула и пред отроки его: и ядоша, и восташа и отидоша в нощь ону.

1Цар.28:25  с толкованием

Глава 
29

1Цар.29  с толкованием

1
И собраша иноплеменницы вся полки своя во Афек, Израилтяне же ополчишася во Аендоре иже во Иезраели.

1Цар.29:1  с толкованием

2
И воеводы иноплеменничи предидяху со стами и тысящами, Давид же и мужие его идяху в последних со Агхусом.

1Цар.29:2  с толкованием

3
И реша воеводы иноплеменничи кто суть идущии сии? И рече Агхус к воеводам иноплеменничим: не сей ли Давид раб Саула царя Израилева, иже бысть с нами дний сие второе лето? И не обретох в нем ничтоже, от дне в оньже прииде ко мне даже до сего дне.

1Цар.29:3  с толкованием

4
И прискорбни быша о нем воеводы иноплеменничи и глаголаша ему: возврати мужа, и да возвратится на место свое, идеже поставил еси его тамо, и да не идет с нами на брань, и да не будет наветник в полцех: и чим примирится сей господину своему? Не главами ли мужей сих?

1Цар.29:4  с толкованием

5
Не сей ли есть Давид, емуже изыдоша с лики, глаголюще: победи Саул с тысящами своими, и Давид со тмами своими?

1Цар.29:5  с толкованием

6
И призва Агхус Давида и рече ему: жив Господь, яко прав ты и благ пред очима моима, и вход твой и исход твой со мною в полце, и яко не обретох в тебе злобы, отнележе еси пришел ко мне до днешняго дне, но пред очима воевод не благ еси ты:

1Цар.29:6  с толкованием

7
и ныне возвратися и иди с миром, и да не сотвориши зла пред очима воевод иноплеменничих.

1Цар.29:7  с толкованием

8
И рече Давид ко Агхусу: что сотворих ти? И что обрел еси в рабе твоем, от негоже дне бех пред тобою, и даже до сего дне, да не иду воевати врагов господина моего царя?

1Цар.29:8  с толкованием

9
И отвеща Агхус Давиду: вем, яко благ ты пред очима моима яко Ангел Божий, но воеводы иноплеменничи глаголют: да не идет с нами на брань:

1Цар.29:9  с толкованием

10
и ныне востани рано ты и отроцы господина твоего ходящии с тобою и идите на место, идеже поставих вас, и словесе пагубна да не положиши на сердцы твоем, яко благ еси ты предо мною: и востаните рано в путь, егда разсветает вам, и идите.

1Цар.29:10  с толкованием

11
И урани Давид сам и мужие его отити и стрещи земли иноплеменничи, и иноплеменницы взыдоша на брань во Иезраель.

1Цар.29:11  с толкованием

Глава 
30

1Цар.30  с толкованием

1
И бысть приходящу Давиду и мужем его к Секелагу в день третий, и Амалик нападе на южную страну и на Секелаг, и порази Секелаг и сожже его огнем:

1Цар.30:1  с толкованием

2
жен же и всех сущих в нем от мала до велика не умертвиша мужа ни жены, но плениша, и отидоша в путь свой.

1Цар.30:2  с толкованием

3
И прииде Давид и мужие его во град, и се, сожжен бяше огнем, жены же их и сынове их и дщери их пленени быша.

1Цар.30:3  с толкованием

4
И воздвиже Давид и мужие его глас свой и плакашася дондеже не бе в них силы ктому плакатися.

1Цар.30:4  с толкованием

5
И жены обе Давидовы пленени быша, Ахинаам Иезраилитыня, и Авигеа бывшая жена Навала Кармилскаго.

1Цар.30:5  с толкованием

6
И оскорбе Давид зело, яко совещашася людие камением побити его, яко скорбна бяше душа всех людий коегождо о сынех своих и о дщерех своих. И укрепися Давид о Господе Бозе своем,

1Цар.30:6  с толкованием

7
и рече Давид ко Авиафару иерею сыну Авимелехову: принеси ефуд. И принесе Авиафар ефуд к Давиду.

1Цар.30:7  с толкованием

8
И вопроси Давид Господа, глаголя: пожену ли вслед полчища сего? И постигну ли их? И рече Господь: гони, яко постизая постигнеши их и избавляя избавиши.

1Цар.30:8  с толкованием

9
И иде Давид сам и шесть сот мужей с ним, и приидоша даже до потока Восорска, прочии же осташася:

1Цар.30:9  с толкованием

10
и гна с четырми сты мужей, двести же мужей осташася, иже седоша об он пол потока Восорска.

1Цар.30:10  с толкованием

11
И обретоша мужа Египтянина на селе, и яша его, и приведоша его к Давиду, и даша ему хлеба, и яде, и напоиша его водою:

1Цар.30:11  с толкованием

12
и даша ему часть смоквей, и яде, и укрепися дух его в нем, яко не яде хлеба и не пи воды три дни и три нощы.

1Цар.30:12  с толкованием

13
И рече ему Давид: откуду еси, и чий еси ты? И рече отрок Египтянин: аз есмь раб мужа Амаликитянина, и остави мя господин мой, яко изнемогох днесь уже третий день:

1Цар.30:13  с толкованием

14
и мы ходихом на юг до Хелефи и на Иудейския страны и на Гелвуй, и Секелагу пожгохом огнем.

1Цар.30:14  с толкованием

15
И рече ему Давид: доведеши ли мя до полчища сего? И рече: кленися ми Богом, яко не убиеши мя и не предаси мя в руце господину моему, и доведу тя до полчища сего.

1Цар.30:15  с толкованием

16
(И клятся ему Давид:) и приведе его онамо, и се, тии разсеяни быша по лицу всея земли, ядуще и пиюще и празднующе о всех корыстех великих, яже взяша от земли иноплеменничи и от земли Иудины.

1Цар.30:16  с толкованием

17
И прииде на них Давид, и изби их от утра даже до вечера и наутрие: и не спасеся от них муж, разве четыреста отрок, иже вседоша на велблюды и убежаша.

1Цар.30:17  с толкованием

18
И отя Давид вся елика взяша Амаликиты, и обе жены своя отя,

1Цар.30:18  с толкованием

19
и не погибе им от мала даже до велика, и от корыстей, и даже до сынов и дщерей и даже до всех, яже взяша, и вся возврати Давид:

1Цар.30:19  с толкованием

20
и взя Давид вся стада и паствины, и погна пред пленом: и плен оный нарицашеся сей плен Давидов.

1Цар.30:20  с толкованием

21
И прииде Давид к двема стом мужем оставшымся ити вслед Давида, ихже посади на потоце Восорсте, и изыдоша на сретение Давиду и на сретение людем иже с ним: и прииде Давид до людий, и вопросиша его о мирных.

1Цар.30:21  с толкованием

22
И отвещаша вси мужие пагубнии и лукавнии от мужей ратных ходивших с Давидом и реша: яко не гониша с нами, не дадим им от плена, егоже взяхом, но токмо кийждо жену свою и чада своя да возмут и возвратятся.

1Цар.30:22  с толкованием

23
И рече Давид: не сотворите, братия моя, тако, повнегда предаде Господь нам и сохрани нас, и предаде Господь полчище сие нашедшее на ны в руки нашя:

1Цар.30:23  с толкованием

24
и кто послушает ваших словес сих? Яко не менши нас суть: понеже по части исходящаго на брань, тако будет часть седящаго при сосудех, по томужде разделятся.

1Цар.30:24  с толкованием

25
И бысть от дне того и выше, и бысть в повеление и на оправдание Израилю даже до дне сего.

1Цар.30:25  с толкованием

26
И прииде Давид в Секелаг, и посла старейшинам от корыстей Иудиных и искренним своим, глаголя: се, вам благословение от корыстей врагов Господних,

1Цар.30:26  с толкованием

27
сущым в Вефсуре и в Раме южней и в Гефоре,

1Цар.30:27  с толкованием

28
и во Ароире и во Аммаде, и во Сафе и во Есфифе и в Гефе,

1Цар.30:28  с толкованием

29
и в Кинане и в Сафеце, и в Фимафе и в Кармиле, и сущым во градех Иеремиила и во градех Кенезия,

1Цар.30:29  с толкованием

30
и сущым во Иеримуфе и во Вирсавеи и в Номве,

1Цар.30:30  с толкованием

31
и сущым в Хевроне, и во вся места, яже пройде Давид тамо сам и мужие его.

1Цар.30:31  с толкованием

Глава 
31

1Цар.31  с толкованием

1
И иноплеменницы воеваху на Израиля, и бежаша мужие Израилевы от лица иноплеменнича, и падаху язвеннии на горе Гелвуе.

1Цар.31:1  с толкованием

2
И снидошася иноплеменницы с Саулом и с сынми его, и убиша иноплеменницы Ионафана и Аминадава и Мелхисуа, сыны Сауловы.

1Цар.31:2  с толкованием

3
И отяготе брань на Саула, и обретоша его копейницы мужие стрелцы, и уязвен бысть (Саул) во утробу.

1Цар.31:3  с толкованием

4
И рече Саул к носящему оружие его: изсуни мечь твой и прободи мя им, да не приидут необрезаннии сии и избодут мя, и поругаются мне. И не хотяше носяй оружие его, яко убояся зело. И взя Саул мечь свой и паде на него.

1Цар.31:4  с толкованием

5
И виде носяй оружие его, яко умре Саул, и паде и той на мечь свой и умре с ним.

1Цар.31:5  с толкованием

6
И умре Саул и трие сынове его, и носяй оружие его, и вси мужие его в день той купно.

1Цар.31:6  с толкованием

7
И видеша мужие Израилстии, иже об он пол юдоли и иже об он пол Иордана, яко бежаша мужие Израилстии, и яко умре Саул и сынове его, и оставиша грады своя и бежаша: и приидоша иноплеменницы и вселишася в них.

1Цар.31:7  с толкованием

8
И бысть на утрие, и приидоша иноплеменницы обнажити мертвых, и обретоша Саула и три сыны его падшыя на горе Гелвуе,

1Цар.31:8  с толкованием

9
и обратиша его, и сняша оружие его, и отсекоша главу его, и послаша в землю иноплеменничу окрест возвещающе идолом их и людем их:

1Цар.31:9  с толкованием

10
и положиша оружие его у Астарта, тело же его воткнуша на стене Вефсамли.

1Цар.31:10  с толкованием

11
И услышаша живущии во Иависе Галаадитийстем, яже сотвориша иноплеменницы Саулу,

1Цар.31:11  с толкованием

12
и восташа вси мужие сильнии, и идоша всю нощь, и взяша тело Саулово и тело Ионафана сына его с стены Вефсамски, и принесоша я во Иавис, и сожгоша я тамо:

1Цар.31:12  с толкованием

13
и взяша кости их, и погребоша я в дубраве яже во Иависе, и постишася седмь дний.

1Цар.31:13  с толкованием