Глава 
8

показать остальные стихи главы...

11
елицы убо вожделеют, да соберутся и пойдут с тобою, якоже угодно мне и седми другом моим советником:


12
да увидят деемая во Иудеи и Иерусалиме, якоже есть в законе Господни,


13
и да вносят дары Господу Израилеву, ихже обещах аз и друзи во Иерусалим, и все злато и сребро, еже обретено будет во стране Вавилонстей, Господу во Иерусалим, с дарованным от языка во святилище Господа Бога их, еже во Иерусалим:


14
да соберется злато и сребро на юнцы и овны и агнцы, и яже тем последуют,


15
да приносят жертвы Господу на олтарь Господа Бога их, иже во Иерусалиме:


16
и вся елика хощеши с братиею твоею сотворити златом и сребром, соверши по воли Бога твоего,


17
и священныя сосуды Господни, иже даны суть тебе, к делу дому Господа Бога твоего, иже во Иерусалиме, да положиши пред Господем Богом твоим, иже во Иерусалиме:

показать остальные стихи главы...