Глава 
1

2Кор.1  с толкованием

1
Павел, посланник Иисус Христов волею Божиею, и Тимофей брат, церкви Божией сущей в Коринфе, со святыми всеми сущими во всей Ахаии:

2Кор.1:1  с толкованием

2
благодать вам и мир от Бога Отца нашего, и Господа Иисуса Христа.

2Кор.1:2  с толкованием

3
Благословен Бог и Отец Господа нашего Иисуса Христа, Отец щедрот и Бог всякия утехи,

2Кор.1:3  с толкованием

4
утешаяй нас о всяцей скорби нашей, яко возмощи нам утешити сущыя во всяцей скорби, утешением, имже утешаемся сами от Бога.

2Кор.1:4  с толкованием

5
Зане якоже избыточествуют страдания Христова в нас, тако Христом избыточествует и утешение наше.

2Кор.1:5  с толкованием

6
Аще ли же скорбим, о вашем утешении и спасении, действующемся в терпении техже страданий, яже и мы страждем:

2Кор.1:6  с толкованием

7
и упование наше известно о вас. Аще ли утешаемся, о вашем утешении и спасении, ведяще, зане якоже общницы есте страстем нашым, такожде и утешению.

2Кор.1:7  с толкованием

8
Не бо хощем вас, братие, не ведети о скорби нашей бывшей нам во Асии, яко по премногу и паче силы отяготихомся, яко не надеятися нам и жити.

2Кор.1:8  с толкованием

9
Но сами в себе осуждение смерти имехом, да не надеющеся будем на ся, но на Бога возставляющаго мертвыя,

2Кор.1:9  с толкованием

10
Иже от толикия смерти избавил ны есть и избавляет, Наньже и уповахом, яко и еще избавит,

2Кор.1:10  с толкованием

11
споспешествующым и вам по нас молитвою, да от многих лиц, еже в нас дарование, многими благодарится о вас.

2Кор.1:11  с толкованием

12
Похваление бо наше сие есть, свидетельство совести нашея, яко в простоте и чистоте Божией, а не в мудрости плоти, но благодатию Божиею жихом в мире, множае же у вас.

2Кор.1:12  с толкованием

13
Не иная бо пишем вам, но яже чтете и разумеваете: уповаю же, яко и до конца уразумеете,

2Кор.1:13  с толкованием

14
якоже и разуместе нас от части, яко похваление вам есмы, якоже и вы нам, в день Господа нашего Иисуса Христа.

2Кор.1:14  с толкованием

15
И сим упованием хотех к вам приити прежде, да вторую благодать имате,

2Кор.1:15  с толкованием

16
и вами проити в Македонию, и паки от Македонии приити к вам, и вами проводитися во Иудею.

2Кор.1:16  с толкованием

17
Сие же хотя, еда что убо легкотою деях? Или яже совещаваю, по плоти совещаваю, да будет у мене еже ей, ей, и еже ни, ни.

2Кор.1:17  с толкованием

18
Верен же Бог, яко слово наше, еже к вам, не бысть ей и ни.

2Кор.1:18  с толкованием

19
Ибо Божий Сын Иисус Христос, иже у вас нами проповеданный, мною и Силуаном и Тимофеем, не бысть ей и ни, но в Нем Самем ей бысть:

2Кор.1:19  с толкованием

20
елика бо обетования Божия, в Том ей и в Том аминь: Богу к славе нами.

2Кор.1:20  с толкованием

21
Извествуяй же нас с вами во Христа и помазавый нас, Бог,

2Кор.1:21  с толкованием

22
Иже и запечатле нас, и даде обручение Духа в сердца наша.

2Кор.1:22  с толкованием

23
Аз же свидетеля Бога призываю на мою душу, яко щадя вас, ктому не приидох в Коринф,

2Кор.1:23  с толкованием

24
не яко обладаем верою вашею, но (яко) споспешницы есмы вашей радости: верою бо стоите.

2Кор.1:24  с толкованием

Глава 
2

2Кор.2  с толкованием

1
Судих же в себе сие, не паки скорбию к вам приити.

2Кор.2:1  с толкованием

2
Аще бо аз скорбь творю вам, то кто есть веселяяй мя, точию приемляй скорбь от мене?

2Кор.2:2  с толкованием

3
И писах вам сие истое, да не пришед скорбь на скорбь прииму, о нихже подобаше ми радоватися, надеяся на вся вы, яко моя радость всех вас есть.

2Кор.2:3  с толкованием

4
От печали бо многия и туги сердца написах вам многими слезами, не яко да оскорбитеся, но любовь да познаете, юже имам изобильно к вам.

2Кор.2:4  с толкованием

5
Аще ли кто оскорбил мене, не мене оскорби, но от части, да не отягчу, всех вас.

2Кор.2:5  с толкованием

6
Довольно бо таковому запрещение сие, еже от многих:

2Кор.2:6  с толкованием

7
темже сопротивное паче вы да даруете и утешите, да не како многою скорбию пожерт будет таковый:

2Кор.2:7  с толкованием

8
темже молю вы, утвердите к нему любовь.

2Кор.2:8  с толкованием

9
На сие бо и писах, да разумею искусство ваше, аще во всем послушливи есте.

2Кор.2:9  с толкованием

10
Емуже аще что даруете, и аз: ибо аз аще что даровах, емуже даровах, вас ради, о лицы Иисус Христове,

2Кор.2:10  с толкованием

11
да не обидими будем от сатаны: не не разумеваем бо умышлений его.

2Кор.2:11  с толкованием

12
Пришед же в Троаду во благовестие Христово, и двери отверзене ми бывшей о Господе,

2Кор.2:12  с толкованием

13
не имех покоя духу моему, не обретшу ми Тита брата моего: но отрекся им, изыдох в Македонию.

2Кор.2:13  с толкованием

14
Богу же благодарение, всегда победители нас творящему о Христе Иисусе и воню разума Его являющу нами во всяцем месте.

2Кор.2:14  с толкованием

15
Яко Христово благоухание есмы Богови в спасаемых и в погибающих.

2Кор.2:15  с толкованием

16
Овем убо воня смертная в смерть, овем же воня животная в живот. И к сим кто доволен?

2Кор.2:16  с толкованием

17
Несмы бо, якоже мнози, нечисто проповедающии слово Божие, но яко от чистоты, но яко от Бога, пред Богом, во Христе глаголем.

2Кор.2:17  с толкованием

Глава 
3

2Кор.3  с толкованием

1
Зачинаем ли паки нас самех извещавати вам? Или требуем, якоже нецыи, извещавательных посланий к вам, или от вас известительных?

2Кор.3:1  с толкованием

2
Послание бо наше вы есте, написаное в сердцах наших, знаемое и прочитаемое от всех человек:

2Кор.3:2  с толкованием

3
являеми, яко есте послание Христово служеное нами, написано не чернилом, но Духом Бога жива, не на скрижалех каменных, но на скрижалех сердца плотяных.

2Кор.3:3  с толкованием

4
Надеяние же таково имамы Христом к Богу,

2Кор.3:4  с толкованием

5
не яко довольни есмы от себе помыслити что, яко от себе, но доволство наше от Бога:

2Кор.3:5  с толкованием

6
иже и удоволи нас служители быти Нову Завету, не писмени, но духу: писмя бо убивает, а дух животворит.

2Кор.3:6  с толкованием

7
Аще ли служение смерти писмены, образовано в каменех, бысть в славу, яко не мощи взирати сыном Израилевым на лице Моисеово, славы ради лица его престающия.

2Кор.3:7  с толкованием

8
Како не множае паче служение духа будет в славе?

2Кор.3:8  с толкованием

9
Аще бо служение осуждения, слава, много паче избыточествует служение правды в славе.

2Кор.3:9  с толкованием

10
Ибо не прославися прославленное в части сей, за превосходящую славу.

2Кор.3:10  с толкованием

11
Аще бо престающее, славою: много паче пребывающее, в славе.

2Кор.3:11  с толкованием

12
Имуще убо таково упование, многим дерзновением действуем,

2Кор.3:12  с толкованием

13
и не якоже Моисей полагаше покрывало на лицы своем, за еже не мощи взирати сыном Израилевым на конец престающаго.

2Кор.3:13  с толкованием

14
Но ослепишася помышления их: даже бо до сего дне тожде покрывало во чтении Ветхаго Завета пребывает не откровено, зане о Христе престает.

2Кор.3:14  с толкованием

15
Но даже до днесь, внегда чтется Моисей, покрывало на сердце их лежит:

2Кор.3:15  с толкованием

16
внегда же обратятся ко Господу, взимается покрывало.

2Кор.3:16  с толкованием

17
Господь же Дух есть: а идеже Дух Господень, ту свобода.

2Кор.3:17  с толкованием

18
Мы же вси откровенным лицем славу Господню взирающе, в тойже образ преобразуемся от славы в славу, якоже от Господня Духа.

2Кор.3:18  с толкованием

Глава 
4

2Кор.4  с толкованием

1
Сего ради имуще служение сие, якоже помиловани быхом, не стужаем си:

2Кор.4:1  с толкованием

2
но отрекохомся тайных срама, не в лукавствии ходяще, ни льстяще словесе Божия, но явлением истины представляюще себе ко всяцей совести человечестей, пред Богом.

2Кор.4:2  с толкованием

3
Аще ли же есть покровено благовествование наше, в гибнущих есть покровено,

2Кор.4:3  с толкованием

4
в нихже бог века сего ослепи разумы неверных, во еже не возсияти им свету благовествования славы Христовы, Иже есть образ Бога невидимаго.

2Кор.4:4  с толкованием

5
Не себе бо проповедаем, но Христа Иисуса Господа: себе же самех рабов вам Иисуса Господа ради:

2Кор.4:5  с толкованием

6
яко Бог рекий из тмы свету возсияти, иже возсия в сердцах наших, к просвещению разума славы Божия о лицы Иисус Христове.

2Кор.4:6  с толкованием

7
Имамы же сокровище сие в скудельных сосудех, да премножество силы будет Божия, а не от нас:

2Кор.4:7  с толкованием

8
во всем скорбяще, но не стужающе си: нечаеми, но не отчаяваеми:

2Кор.4:8  с толкованием

9
гоними, но не оставляеми: низлагаеми, но не погибающе:

2Кор.4:9  с толкованием

10
всегда мертвость Господа Иисуса в теле носяще, да и живот Иисусов в теле нашем явится.

2Кор.4:10  с толкованием

11
Присно бо мы живии в смерть предаемся Иисуса ради, да и живот Иисусов явится в мертвенней плоти нашей:

2Кор.4:11  с толкованием

12
темже смерть убо в нас действует, а живот в вас.

2Кор.4:12  с толкованием

13
Имуще же тойже дух веры, по писанному: веровах, темже возглаголах: и мы веруем, темже и глаголем,

2Кор.4:13  с толкованием

14
ведяще, яко Воздвигий Господа Иисуса, и нас со Иисусом воздвигнет, и предпоставит с вами.

2Кор.4:14  с толкованием

15
Вся бо вас ради, да благодать умножившаяся, множайшими благодарении избыточествит в славу Божию.

2Кор.4:15  с толкованием

16
Темже не стужаем си: но аще и внешний наш человек тлеет, обаче внутренний обновляется по вся дни.

2Кор.4:16  с толкованием

17
Еже бо ныне легкое печали нашея, по преумножению в преспеяние тяготу вечныя славы соделовает нам,

2Кор.4:17  с толкованием

18
не смотряющым нам видимых, но невидимых: видимая бо временна, невидимая же вечна.

2Кор.4:18  с толкованием

Глава 
5

2Кор.5  с толкованием

1
Вемы бо, яко аще земная наша храмина тела разорится, создание от Бога имамы, храмину нерукотворену, вечну на небесех.

2Кор.5:1  с толкованием

2
Ибо о сем воздыхаем, в жилище наше небесное облещися желающе:

2Кор.5:2  с толкованием

3
аще точию и облекшеся, не нази обрящемся.

2Кор.5:3  с толкованием

4
Ибо сущии в теле сем воздыхаем отягчаеми, понеже не хощем совлещися, но пооблещися, да пожерто будет мертвенное животом.

2Кор.5:4  с толкованием

5
Сотворивый же нас в сие истое Бог, Иже и даде нам обручение Духа.

2Кор.5:5  с толкованием

6
Дерзающе убо всегда и ведяще, яко живуще в теле отходим от Господа:

2Кор.5:6  с толкованием

7
верою бо ходим, а не видением:

2Кор.5:7  с толкованием

8
дерзаем же и благоволим паче отити от тела и внити ко Господу:

2Кор.5:8  с толкованием

9
темже и тщимся, аще входяще, аще отходяще, благоугодни Ему быти:

2Кор.5:9  с толкованием

10
всем бо явитися нам подобает пред судищем Христовым, да приимет кийждо, яже с телом содела, или блага, или зла.

2Кор.5:10  с толкованием

11
Ведуще убо страх Господень, человеки увещаваем, Богови же явлени есмы: уповаем же, яко и в совестех ваших явлени есмы.

2Кор.5:11  с толкованием

12
Не паки бо себе хвалим пред вами, но вину даем вам похвалению о нас, да имате к хвалящымся в лицы, а не в сердцы.

2Кор.5:12  с толкованием

13
Аще бо изумихомся, Богови: аще ли целомудрствуем, вам.

2Кор.5:13  с толкованием

14
Ибо любы Божия обдержит нас суждших сие: яко аще един за всех умре, то убо вси умроша.

2Кор.5:14  с толкованием

15
Христос же за всех умре, да живущии не ктому себе живут, но умершему за них и воскресшему.

2Кор.5:15  с толкованием

16
Темже и мы отныне ни единаго вемы по плоти: аще же и разумехом по плоти Христа, но ныне ктому не разумеем.

2Кор.5:16  с толкованием

17
Темже аще кто во Христе, нова тварь: древняя мимоидоша, се быша вся нова:

2Кор.5:17  с толкованием

18
всяческая же от Бога, примирившаго нас Себе Иисус Христом и давшаго нам служение примирения:

2Кор.5:18  с толкованием

19
зане Бог бе во Христе мир примиряя Себе, не вменяя им согрешений их и положив в нас слово примирения.

2Кор.5:19  с толкованием

20
По Христе убо молим, яко Богу молящу нами, молим по Христе: примиритеся с Богом.

2Кор.5:20  с толкованием

21
Не ведевшаго бо греха по нас грех сотвори, да мы будем правда Божия о Нем.

2Кор.5:21  с толкованием

Глава 
6

2Кор.6  с толкованием

1
Споспешствующе же и молим, не вотще благодать Божию прияти вам.

2Кор.6:1  с толкованием

2
Глаголет бо: во время приятно послушах тебе, и в день спасения помогох ти. Се ныне время благоприятно, се ныне день спасения.

2Кор.6:2  с толкованием

3
Ни едино ни в чемже дающе претыкание, да служение безпорочно будет,

2Кор.6:3  с толкованием

4
но во всем представляюще себе якоже Божия слуги, в терпении мнозе, в скорбех, в бедах, в теснотах,

2Кор.6:4  с толкованием

5
в ранах, в темницах, в нестроениих, в трудех, во бдениих, в пощениих,

2Кор.6:5  с толкованием

6
во очищении, в разуме, в долготерпении, в благости, в Дусе Святе, в любви нелицемерне,

2Кор.6:6  с толкованием

7
в словеси истины, в силе Божией, оружии правды десными и шуими,

2Кор.6:7  с толкованием

8
славою и безчестием, гаждением и благохвалением: яко лестцы, и истинни:

2Кор.6:8  с толкованием

9
яко незнаеми, и познаваеми: яко умирающе, и се живи есмы: яко наказуеми, а не умерщвляеми:

2Кор.6:9  с толкованием

10
яко скорбяще, присно же радующеся: яко нищи, а многи богатяще: яко ничтоже имуще, а вся содержаще.

2Кор.6:10  с толкованием

11
Уста наша отверзошася к вам, Коринфяне, сердце наше распространися.

2Кор.6:11  с толкованием

12
Не тесно вмещаетеся в нас, утесняетеся же во утробах ваших.

2Кор.6:12  с толкованием

13
Тожде же возмездие, якоже чадом глаголю, распространитеся и вы.

2Кор.6:13  с толкованием

14
Не бывайте удобь преложни ко иному ярму, якоже невернии. Кое бо причастие правде к беззаконию? Или кое общение свету ко тьме?

2Кор.6:14  с толкованием

15
Кое же согласие Христови с Велиаром? Или кая часть верну с неверным?

2Кор.6:15  с толкованием

16
Или кое сложение церкви Божией со идолы? Вы бо есте церкви Бога жива, якоже рече Бог: яко вселюся в них и похожду, и буду им Бог, и тии будут Мне людие.

2Кор.6:16  с толкованием

17
Темже изыдите от среды их и отлучитеся, глаголет Господь, и нечистоте не прикасайтеся, и Аз прииму вы:

2Кор.6:17  с толкованием

18
и буду вам во Отца, и вы будете Мне в сыны и дщери, глаголет Господь Вседержитель.

2Кор.6:18  с толкованием

Глава 
7

2Кор.7  с толкованием

1
Сицева убо имуще обетования, о возлюбленнии, очистим себе от всякия скверны плоти и духа, творяще святыню в страсе Божии.

2Кор.7:1  с толкованием

2
Вместите ны: ни единаго обидехом, ни единаго истлихом, ни единаго лихоимствовахом.

2Кор.7:2  с толкованием

3
Не на осуждение глаголю: прежде бо рех, яко в сердцах наших есте, во еже умрети с вами и сожити.

2Кор.7:3  с толкованием

4
Много ми дерзновение к вам, многа ми похвала о вас: исполнихся утехи, преизбыточествую радостию о всяцей печали нашей.

2Кор.7:4  с толкованием

5
Ибо пришедшым нам в Македонию, ни единаго име покоя плоть наша, но во всем скорбяще: внеуду брани, внутрьуду боязни.

2Кор.7:5  с толкованием

6
Но утешаяй смиренныя, утеши нас Бог пришествием Титовым,

2Кор.7:6  с толкованием

7
не токмо же пришествием его, но и утешением, имже утешися о вас, поведая нам ваше желание, ваше рыдание, вашу ревность по мне, яко ми паче возрадоватися.

2Кор.7:7  с толкованием

8
Яко аще и оскорбих вас посланием, не раскаюся, аще и раскаял бых ся: вижду бо, яко послание оно, аще и к часу, оскорби вас.

2Кор.7:8  с толкованием

9
Ныне радуюся, не яко скорбни бысте, но яко оскорбистеся в покаяние: оскорбесте бо по Бозе, да ни в чемже отщетитеся от нас.

2Кор.7:9  с толкованием

10
Печаль бо, яже по Бозе, покаяние нераскаянно во спасение соделовает, а сего мира печаль смерть соделовает.

2Кор.7:10  с толкованием

11
Се бо сие самое, еже по Бозе оскорбитися вам, колико содела в вас тщание? Но ответ? Но негодование, но страх, но вожделение, но ревность, но отмщение? Во всем представисте себе чисты быти в вещи.

2Кор.7:11  с толкованием

12
Аще бо и писах вам, не обидевшаго ради, ниже обидимаго ради, но за еже явитися в вас тщанию нашему, еже о вас пред Богом.

2Кор.7:12  с толкованием

13
Сего ради утешихомся о утешении вашем: лишше же паче возрадовахомся о радости Титове, яко покоися дух его от всех вас:

2Кор.7:13  с толкованием

14
яко аще что ему о вас похвалихся, не посрамихся: но яко вся воистинну глаголахом вам, тако и похваление наше, еже к Титу, истинно бысть:

2Кор.7:14  с толкованием

15
и утроба его излиха к вам есть, воспоминающаго всех вас послушание, яко со страхом и трепетом приясте его.

2Кор.7:15  с толкованием

16
Радуюся убо, яко во всем дерзаю в вас.

2Кор.7:16  с толкованием

Глава 
8

2Кор.8  с толкованием

1
Сказуем же вам, братие, благодать Божию, данную в церквах Македонских:

2Кор.8:1  с толкованием

2
яко во мнозем искушении скорбей избыток радости их, и яже во глубине нищета их избыточествова в богатство простоты их:

2Кор.8:2  с толкованием

3
яко по силе их, свидетельствую, и паче силы доброхотни,

2Кор.8:3  с толкованием

4
со многим молением моляще нас, благодать и общение служения, еже ко святым, прияти нам:

2Кор.8:4  с толкованием

5
и не якоже надеяхомся, но себе вдаша первее Господеви, и нам волею Божиею:

2Кор.8:5  с толкованием

6
во еже умолити нам Тита, да якоже прежде начат, такожде и скончает в вас и благодать сию.

2Кор.8:6  с толкованием

7
Но якоже во всем избыточествуете, верою и словом, и разумом, и всяцем тщанием, и любовию, яже от вас к нам, да и в сей благодати избыточествуете.

2Кор.8:7  с толкованием

8
Не по повелению глаголю, но за иных тщание и вашея любве истинное искушая.

2Кор.8:8  с толкованием

9
Весте бо благодать Господа нашего Иисуса Христа, яко вас ради обнища богат сый, да вы нищетою Его обогатитеся.

2Кор.8:9  с толкованием

10
И совет даю о сем: се бо вам есть на пользу, иже не точию, еже творити, но и еже хотети, прежде начасте от прешедшаго лета.

2Кор.8:10  с толкованием

11
Ныне же и сие творити скончайте, да якоже бысть усердие хотети, тако будет и исполнити от сего, еже имате.

2Кор.8:11  с толкованием

12
Аще бо усердие предлежит, по елику аще кто имать, благоприятен есть, а не по елику не имать.

2Кор.8:12  с толкованием

13
Не бо да иным убо отрада, вам же скорбь: но по изравнению.

2Кор.8:13  с толкованием

14
В нынешнее время ваше избыточествие во онех лишение, да и онех избыток будет в ваше лишение, яко да будет равенство,

2Кор.8:14  с толкованием

15
якоже есть писано: иже многое, не преумножил есть: и иже малое, не умалил.

2Кор.8:15  с толкованием

16
Благодарение же Богови, давшему тожде тщание о вас в сердце Титово:

2Кор.8:16  с толкованием

17
яко моление убо прият, тщаливейший же сый, своею волею изыде к вам.

2Кор.8:17  с толкованием

18
Послахом же с ним и брата, егоже похвала во евангелии по всем церквам:

2Кор.8:18  с толкованием

19
не точию же, но и освящен от церквей с нами ходити, со благодатию сею, служимою нами к Самого Господа славе и усердию вашему:

2Кор.8:19  с толкованием

20
блюдущеся того, да не кто нас поречет во обилии сем служимем нами:

2Кор.8:20  с толкованием

21
промышляюще добрая не токмо пред Богом, но и пред человеки.

2Кор.8:21  с толкованием

22
Послахом же с ними и брата нашего, егоже искусихом во многих многащи встанлива суща, ныне же зело встанливейша, надеянием многим на вас.

2Кор.8:22  с толкованием

23
Аще ли же о Тите, общник мне и к вам споспешник: аще ли братия наша, посланницы церквей, слава Христова.

2Кор.8:23  с толкованием

24
Показание убо любве вашея и нашего хваления о вас, к ним покажите, и в лице церквей.

2Кор.8:24  с толкованием

Глава 
9

2Кор.9  с толкованием

1
О службе бо, яже ко святым, лишше ми есть писати вам,

2Кор.9:1  с толкованием

2
вем бо усердие ваше, имже о вас хвалюся Македоняном, яко Ахаиа приготовися от мимошедшаго лета: и яже от вас ревность раздражи множайших.

2Кор.9:2  с толкованием

3
Послах же братию, да не похваление наше, еже о вас, испразднится в части сей, но да, якоже глаголах, приготовани будете:

2Кор.9:3  с толкованием

4
да не како, аще приидут со мною Македоняне и обрящут вас неприготованных, постыдимся мы, да не глаголем вы, в части сей похваления.

2Кор.9:4  с толкованием

5
Потребно убо умыслих умолити братию, да прежде приидут к вам и предуготовят прежде возвещенное благословение ваше, сие готово быти тако, якоже благословение, а не яко лихоимство.

2Кор.9:5  с толкованием

6
Се же глаголю: сеяй скудостию, скудостию и пожнет: а сеяй о благословении, о благословении и пожнет.

2Кор.9:6  с толкованием

7
Кийждо якоже изволение имать сердцем, не от скорби, ни от нужды: доброхотна бо дателя любит Бог.

2Кор.9:7  с толкованием

8
Силен же Бог всяку благодать изюбиловати в вас, да о всем всегда всяко довольство имуще, избыточествуете во всяко дело благо,

2Кор.9:8  с толкованием

9
якоже есть писано: расточи, даде убогим: правда его пребывает во век века.

2Кор.9:9  с толкованием

10
Даяй же семя сеющему и хлеб в снедь, да подаст и умножит семя ваше, и да возрастит жита правды вашея,

2Кор.9:10  с толкованием

11
да о всем богатящеся во всяку простоту, яже содевает нами благодарение Богу.

2Кор.9:11  с толкованием

12
Яко работа сего служения не токмо есть исполняющая лишения святых, но и избыточествующая многими благодареньми Богови:

2Кор.9:12  с толкованием

13
искушением служения сего славяще Бога о покорении исповедания вашего в Благовествовании Христове, и о простоте сообщения к ним и ко всем,

2Кор.9:13  с толкованием

14
и о тех молитве о вас, возжелеющих вас за премногую благодать Божию на вас.

2Кор.9:14  с толкованием

15
Благодарение же Богови о неисповедимем Его даре.

2Кор.9:15  с толкованием

Глава 
10

2Кор.10  с толкованием

1
Сам же аз Павел молю вы кротостию и тихостию Христовою, иже в лице убо смирен в вас, не сый же у вас дерзаю в вас.

2Кор.10:1  с толкованием

2
Молю же, да не присущ дерзаю надеянием, имже помышляю смети на некия непщующыя нас яко по плоти ходящих.

2Кор.10:2  с толкованием

3
Во плоти бо ходяще, не по плоти воинствуем:

2Кор.10:3  с толкованием

4
оружия бо воинства нашего не плотская, но сильна Богом на разорение твердем: помышления низлагающе,

2Кор.10:4  с толкованием

5
и всяко возношение взимающееся на разум Божий, и пленяюще всяк разум в послушание Христово,

2Кор.10:5  с толкованием

6
и в готовости имуще отмстити всяко преслушание, егда исполнится ваше послушание.

2Кор.10:6  с толкованием

7
Иже ли пред лицем, зрите? Аще кто надеется себе Христова быти, да помышляет паки от себе, зане, якоже он Христов, такожде и мы Христовы.

2Кор.10:7  с толкованием

8
Аще бо и лишше что похвалюся о власти нашей, юже даде нам Господь в создание, а не на разорение ваше, не постыжуся.

2Кор.10:8  с толкованием

9
Но да не явлюся, яко страшя вас посланьми.

2Кор.10:9  с толкованием

10
Яко послания убо, рече, тяжка и крепка, а пришествие тела немощно, и слово уничиженно:

2Кор.10:10  с толкованием

11
сие да помышляет таковый, яко яцы же есмы словом посланий, отстояще, таковии и ту суще есмы делом.

2Кор.10:11  с толкованием

12
Не смеем бо судити, или прикладовати себе иным хвалящым себе самех: но сами в себе себе измеряюще, и прилагающе себе самим себе, не разумевают.

2Кор.10:12  с толкованием

13
Мы же не в безмерная похвалимся, но по мере правила, егоже раздели нам Бог меру, достизати даже и до вас.

2Кор.10:13  с толкованием

14
Не яко бо не досяжуще до вас, паче простираем себе, даже бо и до вас достигохом благовестием Христовым:

2Кор.10:14  с толкованием

15
не в безмерная хвалящеся в чуждих трудех, упование же имуще, растущей вере вашей, в вас величатися по правилу нашему изобильно,

2Кор.10:15  с толкованием

16
во еже и в дальших вас странах благовестити, не чужим правилом в готовых похвалитися.

2Кор.10:16  с толкованием

17
Хваляйся же, о Господе да хвалится:

2Кор.10:17  с толкованием

18
не хваляй бо себе сей искусен, но егоже Бог восхваляет.

2Кор.10:18  с толкованием

Глава 
11

2Кор.11  с толкованием

1
О, да бысте мало потерпели безумию моему! Но и потерпите мя.

2Кор.11:1  с толкованием

2
Ревную бо по вас Божиею ревностию: обручих бо вас единому мужу деву чисту представити Христови.

2Кор.11:2  с толкованием

3
Боюся же, да не како, якоже змий Еву прельсти лукавством своим, тако истлеют и разумы ваши от простоты, яже о Христе.

2Кор.11:3  с толкованием

4
Аще бо грядый инаго Иисуса проповедает, егоже не проповедахом, или Духа инаго приемлете, егоже не приясте, или благовествование ино, еже не приясте, добре бысте потерпели.

2Кор.11:4  с толкованием

5
Непщую бо ничимже лишитися предних Апостол:

2Кор.11:5  с толкованием

6
аще бо и невежда словом, но не разумом: но везде явльшеся о всем в вас.

2Кор.11:6  с толкованием

7
Или грех сотворих себе смиряя, да вы вознесетеся, яко туне Божие Благовествование благовестих вам?

2Кор.11:7  с толкованием

8
От иных церквей уях, приим оброк к вашему служению: и пришед к вам, и в скудости быв, не стужих ни единому:

2Кор.11:8  с толкованием

9
скудость бо мою исполниша братия, пришедше от Македонии: и во всем без стужения вам себе соблюдох и соблюду.

2Кор.11:9  с толкованием

10
Есть истина Христова во мне, яко похваление сие не заградится о мне в странах Ахайских.

2Кор.11:10  с толкованием

11
Почто? Зане не люблю ли вас? Бог весть. А еже творю, и сотворю,

2Кор.11:11  с толкованием

12
да отсеку вину хотящым вины, да, о немже хвалятся, обрящутся якоже и мы.

2Кор.11:12  с толкованием

13
Таковии бо лживи апостоли, делателе льстивии, преобразующеся во Апостолы Христовы.

2Кор.11:13  с толкованием

14
И не дивно: сам бо сатана преобразуется во Ангела светла:

2Кор.11:14  с толкованием

15
не велие убо, аще и служителие его преобразуются яко служители правды: имже кончина будет по делом их.

2Кор.11:15  с толкованием

16
Паки глаголю: да никтоже мнит мя безумна быти: аще ли ни, поне яко безумна приимите мя, да и аз мало что похвалюся.

2Кор.11:16  с толкованием

17
А еже глаголю, не глаголю по Господе, но яко в безумии в сей части похвалы:

2Кор.11:17  с толкованием

18
понеже мнози хвалятся по плоти, и аз похвалюся.

2Кор.11:18  с толкованием

19
Любезно бо приемлете безумныя, мудри суще:

2Кор.11:19  с толкованием

20
приемлете бо, аще кто вас порабощает, аще кто поядает, аще кто не влепоту проторит, аще кто по лицу биет вы, аще кто величается.

2Кор.11:20  с толкованием

21
По досаждению глаголю, зане аки мы изнемогохом. О немже аще дерзает кто, несмысленно глаголю, дерзаю и аз.

2Кор.11:21  с толкованием

22
Еврее ли суть? И аз. Израилите ли суть? И аз. Семя Авраамле ли суть? И аз.

2Кор.11:22  с толкованием

23
Служителие ли Христовы суть? Не в мудрости глаголю, паче аз. В трудех множае, в ранах преболе, в темницах излиха, в смертех многащи.

2Кор.11:23  с толкованием

24
От Иудей пять краты четыредесять разве единыя приях:

2Кор.11:24  с толкованием

25
трищи палицами биен бых, единою каменьми наметан бых, трикраты корабль опровержеся со мною: нощь и день во глубине сотворих:

2Кор.11:25  с толкованием

26
в путных шествиих множицею: беды в реках, беды от разбойник, беды от сродник, беды от язык, беды во градех, беды в пустыни, беды в мори, беды во лжебратии:

2Кор.11:26  с толкованием

27
в труде и подвизе, во бдениих множицею, во алчбе и жажди, в пощениих многащи, в зиме и наготе.

2Кор.11:27  с толкованием

28
Кроме внешних, нападение еже по вся дни, и попечение всех церквей.

2Кор.11:28  с толкованием

29
Кто изнемогает, и не изнемогаю? Кто соблазняется, и аз не разжизаюся?

2Кор.11:29  с толкованием

30
Аще хвалитися ми подобает, о немощи моей похвалюся.

2Кор.11:30  с толкованием

31
Бог и Отец Господа нашего Иисуса Христа весть, сый благословен во веки, яко не лгу.

2Кор.11:31  с толкованием

32
В Дамасце языческий князь Арефы царя стрежаше Дамаск град, яти мя хотя: и оконцем в кошнице свешен бых по стене, и избегох из руку его.

2Кор.11:32  с толкованием

Глава 
12

2Кор.12  с толкованием

1
Похвалитися же не пользует ми: прииду бо в видения и откровения Господня.

2Кор.12:1  с толкованием

2
Вем человека о Христе, прежде лет четыренадесяти: аще в теле, не вем, аще ли кроме тела, не вем, Бог весть: восхищена бывша таковаго до третияго небесе.

2Кор.12:2  с толкованием

3
И вем такова человека: аще в теле, или кроме тела, не вем: Бог весть:

2Кор.12:3  с толкованием

4
яко восхищен бысть в рай, и слыша неизреченны глаголголы, ихже не леть есть человеку глаголати.

2Кор.12:4  с толкованием

5
О таковем похвалюся: о себе же не похвалюся, токмо о немощех моих.

2Кор.12:5  с толкованием

6
Аще бо восхощу похвалитися, не буду безумен, истину бо реку: жажду же, да не како кто вознепщует о мне паче, еже видит мя, или слышит что от мене.

2Кор.12:6  с толкованием

7
И за премногая откровения да не превозношуся, дадеся ми пакостник плоти, аггел сатанин, да ми пакости деет, да не превозношуся.

2Кор.12:7  с толкованием

8
О сем трикраты Господа молих, да отступит от мене,

2Кор.12:8  с толкованием

9
и рече ми: довлеет ти благодать Моя: сила бо Моя в немощи совершается. Сладце убо похвалюся паче в немощех моих, да вселится в мя сила Христова.

2Кор.12:9  с толкованием

10
Темже благоволю в немощех, в досаждениих, в бедах, во изгнаниих, в теснотах по Христе: егда бо немощствую, тогда силен есмь.

2Кор.12:10  с толкованием

11
Бых несмыслен хваляся: вы мя понудисте. Аз бо должен бех от вас хвалимь бывати: ничимже бо лишихся первейших Апостол, аще и ничтоже есмь:

2Кор.12:11  с толкованием

12
знамения бо Апостолова содеяшася в вас во всяцем терпении, в знамениих и чудесех и силах.

2Кор.12:12  с толкованием

13
Что бо есть, егоже лишистеся паче прочих церквей, разве точию яко аз сам не стужих вам? Дадите ми неправду сию.

2Кор.12:13  с толкованием

14
Се третие готов есмь приити к вам, и не стужу вам: не ищу бо ваших, но вас. Не должна бо суть чада родителем снискати имения, но родителе чадом.

2Кор.12:14  с толкованием

15
Аз же в сладость иждиву и иждивен буду по душах ваших, аще и излишше вас любя, менше любимь есмь.

2Кор.12:15  с толкованием

16
Буди же, аз не отягчих вас, но коварен сый, лестию вас приях.

2Кор.12:16  с толкованием

17
Еда коим от посланных к вам лихоимствовах вас?

2Кор.12:17  с толкованием

18
Умолих Тита, и с ним послах брата: еда лихоимствова чим вас Тит? Не темже ли духом ходихома? Не темиже ли стопами?

2Кор.12:18  с толкованием

19
Паки ли мните, яко ответ вам творим? Пред Богом, о Христе глаголем: вся же, возлюбленнии, о вашем созидании и утверждении.

2Кор.12:19  с толкованием

20
Боюся же, еда како пришед, не яцех же хощу, обрящу вас, и аз обрящуся вам, якова же не хощете: да не како будут рвения, зависти, ярости, рети, клеветы, шептания, кичения, нестроения:

2Кор.12:20  с толкованием

21
да не паки пришедша мя смирит Бог мой у вас, и восплачуся многих прежде согрешших и не покаявшихся о нечистоте и блужении и студоложствии, яже содеяша.

2Кор.12:21  с толкованием

Глава 
13

2Кор.13  с толкованием

1
Третицею се гряду к вам: при устех двою или триех свидетелей станет всяк глагол.

2Кор.13:1  с толкованием

2
Прежде рех и предглаголю, яко у вас быв второе, и отсутствуя ныне пишу прежде согрешившым и прочым всем, яко аще прииду паки, не пощажду:

2Кор.13:2  с толкованием

3
понеже искушения ищете глаголющаго во мне Христа, Иже в вас не изнемогает, но может в вас:

2Кор.13:3  с толкованием

4
ибо аще и распят бысть от немощи, но жив есть от силы Божия: ибо и мы немощствуем в Нем, но живи будем с Ним от силы Божия в вас:

2Кор.13:4  с толкованием

5
себе искушайте, аще есте в вере: себе искушайте. Или не знаете себе, яко Иисус Христос в вас есть? Разве точию чим неискусни есте.

2Кор.13:5  с толкованием

6
Уповаю же, яко разумети имате, яко мы несмы неискусни.

2Кор.13:6  с толкованием

7
Молимся же к Богу, не сотворити вам ни единаго зла, не яко да мы искусни явимся, но да вы доброе сотворите, мы же яко неискусни будем.

2Кор.13:7  с толкованием

8
Ничтоже бо можем на истину, но по истине.

2Кор.13:8  с толкованием

9
Радуемся бо, егда мы немощствуем, вы же сильни бываете: о сем же и молимся, о вашем совершении.

2Кор.13:9  с толкованием

10
Сего ради не сый у вас сия пишу, да не пришед безщадно сотворю по власти, юже Господь дал ми есть в создание, а не на разорение.

2Кор.13:10  с толкованием

11
Прочее же, братие, радуйтеся, совершайтеся, утешайтеся, тожде мудрствуйте, мир имейте. И Бог любве и мира будет с вами.

2Кор.13:11  с толкованием

12
Целуйте друг друга лобзанием святым.

2Кор.13:12  с толкованием

13
Целуют вы святии вси.

2Кор.13:13  с толкованием

14
Благодать Господа нашего Иисуса Христа, и любы Бога и Отца, и общение Святаго Духа со всеми вами. Аминь.

2Кор.13:14  с толкованием