Глава 
14

показать остальные стихи главы...

28
Уведав же о сих Никанор, смятеся и тяжко терпяше завещанная отринути, ни чимже его мужу обидевшу.


29
Но понеже царю сопротивитися не бе возможно, благовременства наблюдаше хитростию военною сие совершити.


30
Маккавей же видя над собою грознее деюща Никанора и обыкновенное сретение свирепее имуща, уразумев не от блага быти суровству сему, собрав не мало сущих окрест себе, скрыся от Никанора.


31
Познав же другий, яко добльственно от мужа хитростию предварен, пришед к великому и святому храму, священником подобающыя жертвы приносящым повеле предати мужа.


32
Сим же с клятвою рекшым, яко не ведят, где есть искомый, простер десницу на церковь, сими клятся:


33
аще не предадите ми связана Иуду, то Божий храм равен со землею сотворю, и олтарь раскопаю, и капище Дионису славное возставлю зде.


34
И сия рек отиде. Жерцы же воздеюще руце на небо, призываху Сущаго всегда Споборника языку Своему, сия рекуще:

показать остальные стихи главы...