Глава 
1

2Пет.1  с толкованием

1
Симон Петр, раб и посланник Иисус Христов, равночестную с нами получившими веру в правде Бога нашего и Спаса Иисуса Христа:

2Пет.1:1  с толкованием

2
благодать вам и мир да умножится в познании Бога, и Христа Иисуса Господа нашего.

2Пет.1:2  с толкованием

3
Яко вся нам Божественныя силы Его, яже к животу и благочестию, подана разумом Призвавшаго нас славою и добродетелию.

2Пет.1:3  с толкованием

4
Имиже честная нам и великая обетования даровашася, да сих ради будете Божественнаго причастницы естества, отбегше, яже в мире, похотныя тли:

2Пет.1:4  с толкованием

5
и в самое же сие, тщание все привнесше, подадите в вере вашей добродетель, в добродетели же разум,

2Пет.1:5  с толкованием

6
в разуме же воздержание, в воздержании же терпение, в терпении же благочестие,

2Пет.1:6  с толкованием

7
во благочестии же братолюбие, в братолюбии же любовь.

2Пет.1:7  с толкованием

8
Сия бо сущая в вас и множащаяся, не праздных ниже безплодных сотворят вы в Господа нашего Иисуса Христа познание:

2Пет.1:8  с толкованием

9
емуже бо несть сих, слеп есть, мжай, забвение приемь очищения древних своих грехов.

2Пет.1:9  с толкованием

10
Темже паче, братие, потщитеся известно ваше звание и избрание творити: сия бо творяще, не имате согрешити никогдаже,

2Пет.1:10  с толкованием

11
сице бо обилно приподастся вам вход в вечное Царство Господа нашего и Спаса Иисуса Христа.

2Пет.1:11  с толкованием

12
Сего ради не обленюся воспоминати присно вам о сих, аще и ведите, и утверждени есте в настоящей истине.

2Пет.1:12  с толкованием

13
Праведно бо мню, донележе есмь в сем телеси, возставляти вас воспоминанием,

2Пет.1:13  с толкованием

14
ведый, яко скоро есть отложение телесе моего, якоже и Господь наш Иисус Христос сказа мне.

2Пет.1:14  с толкованием

15
Потщуся же и всегда имети вас по моем исходе память о сих творити.

2Пет.1:15  с толкованием

16
Не ухищренным бо баснем последовавше сказахом вам силу и пришествие Господа нашего Иисуса Христа, но самовидцы бывше величествия Онаго.

2Пет.1:16  с толкованием

17
Прием бо от Бога Отца честь и славу, гласу пришедшу к Нему от велелепныя славы. Сей есть Сын Мой возлюбленный, о Немже Аз благоизволих.

2Пет.1:17  с толкованием

18
И сей глас мы слышахом с небесе сшедшь, с Ним суще на горе святей.

2Пет.1:18  с толкованием

19
И имамы известнейшее пророческое слово: емуже внимающе якоже светилу сияющу в темнем месте, добре творите, дондеже день озарит, и денница возсияет в сердцах ваших,

2Пет.1:19  с толкованием

20
сие прежде ведуще, яко всяко пророчество книжное по своему сказанию не бывает.

2Пет.1:20  с толкованием

21
Ни бо волею бысть когда человеком пророчество, но от Святаго Духа просвещаеми глаголаша святии Божии человецы.

2Пет.1:21  с толкованием

Глава 
2

2Пет.2  с толкованием

1
Быша же и лживии пророцы в людех, якоже и в вас будут лживии учителие, иже внесут ереси погибели, и искупльшаго их Владыки отметающеся, приводяще себе скору погибель.

2Пет.2:1  с толкованием

2
И мнози последствуют их нечистотам, ихже ради путь истинный похулится.

2Пет.2:2  с толкованием

3
И в преумножении льстивых словес вас уловят: ихже суд искони не коснит, и погибель их не дремлет.

2Пет.2:3  с толкованием

4
Аще бо Бог аггелов согрешивших не пощаде, но пленицами мрака связав, предаде на суд мучимых блюсти:

2Пет.2:4  с толкованием

5
и перваго мира не пощаде, но осмаго Ноа правды проповедника сохрани, потоп миру нечествовавших наведе:

2Пет.2:5  с толкованием

6
и грады Содомския и Гоморрския сжег, разорением осуди, образ хотящым нечествовати положив:

2Пет.2:6  с толкованием

7
и праведнаго Лота, обидима от беззаконных в нечистоте сожития, избави.

2Пет.2:7  с толкованием

8
Видением бо и слухом праведный, живый в них, день от дне душу праведну беззаконными делы мучаше:

2Пет.2:8  с толкованием

9
весть Господь благочестивыя от напасти избавляти, неправедники же на день судный мучимы блюсти,

2Пет.2:9  с толкованием

10
наипаче же вслед плотския похоти сквернения ходящыя и о господстве нерадящыя: продерзателе, себе угодницы, славы не трепещут хуляще:

2Пет.2:10  с толкованием

11
идеже Ангели крепостию и силою больши суще, не терпят на ся от Господа укоризнен суд.

2Пет.2:11  с толкованием

12
Сии же, яко скоти животни естеством бывше в погибель и тлю, в нихже не разумеют хуляще, во истлении своем истлеют,

2Пет.2:12  с толкованием

13
приемлюще мзду неправедну, сласть мняще вседневное насыщение, сквернители и порочницы, питающеся лестьми своими, ядуще с вами,

2Пет.2:13  с толкованием

14
очи имуще исполнь блудодеяния и непрестаемаго греха, прельщающе душы неутверждены, сердце научено лихоимству имуще, клятвы чада:

2Пет.2:14  с толкованием

15
оставльше правый путь заблудиша, последовавше пути Валаама Восорова, иже мзду неправедну возлюби,

2Пет.2:15  с толкованием

16
обличение же име своего беззакония: подъяремник безгласен, человеческим гласом провещавшь, возбрани пророка безумие.

2Пет.2:16  с толкованием

17
Сии суть источницы безводни, облацы и мглы от ветр преносими, имже мрак темный во веки блюдется.

2Пет.2:17  с толкованием

18
Прегордая бо суеты вещающе, прельщают в скверны плотския похоти, отбегающих всячески от них живущих во льсти,

2Пет.2:18  с толкованием

19
свободу им обещавающе, сами раби суще тления: имже бо кто побежден бывает, сему и работен есть.

2Пет.2:19  с толкованием

20
Аще бо отбегше скверн мира в разум Господа и Спаса нашего Иисуса Христа, сими же паки сплетшеся побеждаеми бывают, быша им последняя горша первых.

2Пет.2:20  с толкованием

21
Лучше бо бе им не познати пути правды, нежели познавшым возвратитися вспять от преданныя им святыя заповеди.

2Пет.2:21  с толкованием

22
Случися бо им истинная притча: пес возвращься на свою блевотину, и: свиния, омывшися, в кал тинный.

2Пет.2:22  с толкованием

Глава 
3

2Пет.3  с толкованием

1
Сие уже, возлюбленнии, второе вам пишу послание, в нихже возбуждаю воспоминанием ваш чистый смысл,

2Пет.3:1  с толкованием

2
помянути прежде реченныя глаголы от святых пророк, и Апостол ваших заповедь Господа и Спаса:

2Пет.3:2  с толкованием

3
сие прежде ведяще, яко приидут в последния дни ругателе, по своих похотех ходяще

2Пет.3:3  с толкованием

4
и глаголюще: где есть обетование пришествия Его, отнележе бо отцы успоша, вся тако пребывают от начала создания.

2Пет.3:4  с толкованием

5
Таится бо им сие хотящым, яко небеса беша исперва, и земля от воды и водою составлена, Божиим словом:

2Пет.3:5  с толкованием

6
темже тогдашний мир, водою потоплен быв, погибе.

2Пет.3:6  с толкованием

7
А нынешняя небеса и земля темже Словом сокровена суть, огню блюдома на день суда и погибели нечестивых человек.

2Пет.3:7  с толкованием

8
Едино же сие да не утаится вас, возлюбленнии, яко един день пред Господем яко тысяща лет, и тысяща лет яко день един.

2Пет.3:8  с толкованием

9
Не коснит Господь обетования, якоже нецыи коснение мнят: но долготерпит на нас, не хотя да кто погибнет, но да вси в покаяние приидут.

2Пет.3:9  с толкованием

10
Приидет же день Господень яко тать в нощи, в оньже небеса убо с шумом мимо идут, стихии же сжигаемы разорятся, земля же и яже на ней дела сгорят.

2Пет.3:10  с толкованием

11
Сим убо всем разоряемым, кацем подобает быти вам во святых пребываниих и благочестиих,

2Пет.3:11  с толкованием

12
чающым и скорее быти желающым пришествия Божияго дне, егоже ради небеса жегома разорятся, и стихии опаляемы растаются?

2Пет.3:12  с толкованием

13
Нова же небесе и новы земли по обетованию Его чаем, в нихже правда живет.

2Пет.3:13  с толкованием

14
Темже, возлюбленнии, сих чающе, потщитеся нескверни и непорочни Тому обрестися в мире,

2Пет.3:14  с толкованием

15
и Господа нашего долготерпение спасение непщуйте, якоже и возлюбленный наш брат Павел по данней ему премудрости написа вам,

2Пет.3:15  с толкованием

16
якоже и во всех своих посланиих, глаголя в них о сих: в нихже суть неудобь разумна некая, яже ненаучени и неутверждени развращают, якоже и прочая Писания, к своей погибели им.

2Пет.3:16  с толкованием

17
Вы же убо, возлюбленнии, предведяще хранитеся, да не лестию беззаконных сведени бывше, отпадете своего утверждения.

2Пет.3:17  с толкованием

18
Но да растете во благодати и разуме Господа нашего и Спаса Иисуса Христа. Тому слава и ныне и в день века. Аминь.

2Пет.3:18  с толкованием