Глава 
10

показать остальные стихи главы...

16
И сотвори царь Соломон триста копий златых кованных, по триста златых во едино копие вдела:


17
и триста щитов кованных златых, по три литры злата бяше на коемждо щите: и даде я царь во храм дубравы Ливанския.


18
И сотвори царь престол от костей слоновых велий и позлати его златом искушеным:


19
шесть степеней престолу, и образы телцов престолу созади, и верх престола кругл бе созади его, и руце сюду и сюду на престоле седалища, и два льва стояща при руках,


20
и дванадесять львы стояще ту на шести степенех сюду и сюду: не бяше тако во всяком царстве.


21
И вси сосуди, иже бяху при царе Соломоне, злати беша, и умывалницы златы и вси сосуди в храме дубравы Ливанския златокованны: не бяше сребра, понеже за ничто бе сребро во дни Соломони:


22
корабль бо Фарсийский царю Соломону на мори с корабли Хирамлими, единою во триех летех прихождаше цареви корабль из Фарсиса и приношаше злато и сребро, и зубы слоновы, и пифики и павы, и камение точеное и тесаное.

показать остальные стихи главы...