Глава 
22

показать остальные стихи главы...

35
И умножися брань в той день, и царь бе стоя на колеснице противу Сириан от утра даже до вечера, и лияшеся кровь из язвы в недра колесницы, и умре в вечер, и изливашеся кровь от язвы даже до недр колесницы.


36
И ста проповедник о западе солнца, глаголя: кийждо вас да идет во свой град и во свою землю, яко умре царь.


37
И приидоша в Самарию, и погребоша в Самарии царя.


38
И омыша кровь с колесницы на источнице Самарийстем, и полизаша свинии и пси кровь его, и блудницы измышася в крови его, по глаголу Господню, егоже глагола.


39
Прочая же словес Ахаавлих, и вся яже сотвори, и храм слоновый, егоже созда, и вся грады, яже сотвори, не се ли, сия писана быша в книзе словес дний царей Израилевых?


40
И успе Ахаав со отцы своими, и воцарися Охозиа сын его вместо его.


41
И Иосафат сын Асы воцарися над Иудою в четвертое лето Ахаава царя Израилева.

показать остальные стихи главы...