Глава 
23

Быт.23  с толкованием

1
Бысть же житие Саррино лет сто двадесять седмь.

Быт.23:1  с толкованием

2
И умре Сарра во граде Арвоце, иже есть в раздолии: сей есть Хеврон в земли Ханаанстей. Прииде же Авраам рыдати по Сарре и плакати.

Быт.23:2  с толкованием

3
И воста Авраам от мертвеца своего и рече сыном Хеттеовым, глаголя:

Быт.23:3  с толкованием

4
преселник и пришлец аз есмь у вас, дадите ми убо стяжание гроба между вами, да погребу мертвеца моего от мене.

Быт.23:4  с толкованием

5
Отвещаша же сынове Хеттеовы ко Аврааму, глаголюще: ни, господине:

Быт.23:5  с толкованием

6
послушай же нас: царь от Бога ты еси в нас: во избранных гробех наших погреби мертвеца твоего: никтоже бо от нас возбранит гроба своего от тебе, еже погребсти мертвеца твоего тамо.

Быт.23:6  с толкованием

7
Востав же Авраам поклонися народу земли, сыном Хеттеовым,

Быт.23:7  с толкованием

8
и рече к ним Авраам, глаголя: аще имате в души вашей, яко погребсти мертвеца моего от лица моего, послушайте мене и рцыте о мне Ефрону Саарову:

Быт.23:8  с толкованием

9
и да даст ми пещеру Сугубую, яже есть его, сущую на части села его: сребром достойным да даст ми ю у вас в стяжание гроба.

Быт.23:9  с толкованием

10
Ефрон же седяше посреде сынов Хеттеовых. Отвещав же Ефрон Хеттейский ко Аврааму, рече слышащым сыном Хеттеовым и всем приходящым во град, глаголя:

Быт.23:10  с толкованием

11
у мене буди, господине, и послушай мене: село и пещеру яже в нем, тебе даю: пред всеми гражданы моими дах тебе, погреби мертвеца твоего.

Быт.23:11  с толкованием

12
И поклонися Авраам пред народом земли

Быт.23:12  с толкованием

13
и рече Ефрону во ушеса пред всем народом земли: понеже по мне еси, послушай мене: сребро села возми у мене, и погребу мертвеца моего тамо.

Быт.23:13  с толкованием

14
Отвеща же Ефрон Аврааму, глаголя:

Быт.23:14  с толкованием

15
ни, господине: слышах бо, яко земля четырех сот дидрахм сребра: но что было бы сие между мною и тобою? Ты же мертвеца твоего погреби.

Быт.23:15  с толкованием

16
И послуша Авраам Ефрона, и даде Авраам Ефрону сребро, еже глагола во ушеса сынов Хеттеовых, четыре ста дидрахм сребра искушена купцами.

Быт.23:16  с толкованием

17
И бысть село Ефроново, еже бе в Сугубей пещере, еже есть лицем к Мамврии, село и пещера яже бе в нем, и всякое древо, иже бе на селе, и все еже есть в пределех его окрест,

Быт.23:17  с толкованием

18
Аврааму (бысть) в стяжание пред сыны Хеттеовыми и пред всеми приходящими во град.

Быт.23:18  с толкованием

19
По сих погребе Авраам Сарру жену свою в пещере селней Сугубей, яже есть противу Мамврии: сия есть Хеврон в земли Ханаанстей.

Быт.23:19  с толкованием

20
И утверждено есть село и пещера, яже бе на нем, Аврааму в стяжание гроба от сынов Хеттеовых.

Быт.23:20  с толкованием

Толкования на главу Быт.23
этой книги Священного Писания


Библия Толкования на Бытие прп. Ефрем Сирин Глава  23

Толкование преподобного Ефрема Сирина
 

Преподобный Ефрем Сирин. Толкование на первую книгу, то есть на книгу Бытия

Быт.23

Глава 
23

Быт.23  с толкованием
После сего Сарра умерла в Хевроне, ста двадцати семи лет, и погребена в пещере, купленной у сынов Хеттеовых.
 


Библия Толкования на Бытие блж. Феодорит Кирский Глава  23

Толкование блаженного Феодорита Кирского
 

Блж. Феодорит Кирский. Толкование на книгу Бытия

Быт.23