Глава 
1

Числ.1  с толкованием

1
И глагола Господь к Моисею в пустыни Синайстей, в скинии свидения, в первый день месяца втораго, втораго лета изшедшым им от земли Египетския, глаголя:

Числ.1:1  с толкованием

2
возмите сочтение всего сонма сынов Израилевых по сродством их, по домом отечества их, по числу имен их, по главам их:

Числ.1:2  с толкованием

3
всяк мужеск пол от двадесяти лет и вышше, всяк исходяй с силою Израилевою, соглядайте их с силою их, ты и Аарон созирайте их:

Числ.1:3  с толкованием

4
и с вами да будут с силою своею кийждо, кийждо по племени коегождо от князей, по домом отечеств да будут.

Числ.1:4  с толкованием

5
И сия имена мужей, иже станут с вами: от Рувима Елисур сын Седиуров,

Числ.1:5  с толкованием

6
от Симеона Саламиил сын Сурисадаев,

Числ.1:6  с толкованием

7
от Иуды Наассон сын Аминадавль,

Числ.1:7  с толкованием

8
от Иссахара Нафанаил сын Согаров,

Числ.1:8  с толкованием

9
от Завулона Елиав сын Хелонь,

Числ.1:9  с толкованием

10
от сынов Иосифовых, иже от Ефрема, Елисам сын Семиудов, от Манассии Гамалиил сын Фадассуров,

Числ.1:10  с толкованием

11
от Вениаминя Авидан сын Гадеониев,

Числ.1:11  с толкованием

12
от Дана Ахиезер сын Амисадаев,

Числ.1:12  с толкованием

13
от Асира Фагаиил сын Ехранов,

Числ.1:13  с толкованием

14
от Гада Елисаф сын Рагуилов,

Числ.1:14  с толкованием

15
от Неффалима Ахирей сын Енань.

Числ.1:15  с толкованием

16
Сии нареченнии сонма князи от племен, по отечествам их, тысященачалницы Израилевы суть.

Числ.1:16  с толкованием

17
И поя Моисей и Аарон мужы сия нареченныя именем.

Числ.1:17  с толкованием

18
И весь сонм собраша в первый день месяца втораго лета, и соглядаша я по родом их, по отечествам их, по числу имен их, от двадесяти лет и вышше, всяк мужеск пол по главам их,

Числ.1:18  с толкованием

19
якоже повеле Господь Моисею: и соглядашася сии в пустыни Синайстей.

Числ.1:19  с толкованием

20
И быша сынове Рувима, первенца Израилева, по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою,

Числ.1:20  с толкованием

21
соглядание их от племене Рувимля четыредесять шесть тысящ и пять сот.

Числ.1:21  с толкованием

22
Сынов Симеоновых по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою,

Числ.1:22  с толкованием

23
соглядание их от племене Симеоня пятьдесят девять тысящ и триста.

Числ.1:23  с толкованием

24
Сынов Иудиных по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою,

Числ.1:24  с толкованием

25
соглядание их от племене Иудина седмьдесят четыри тысящы и шесть сот.

Числ.1:25  с толкованием

26
От сынов Иссахаровых по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою,

Числ.1:26  с толкованием

27
соглядание их от племене Иссахарова пятьдесят и четыри тысящы и четыре ста.

Числ.1:27  с толкованием

28
От сынов Завулоних по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою,

Числ.1:28  с толкованием

29
соглядание их от племене Завулоня пятьдесят седмь тысящ и четыре ста.

Числ.1:29  с толкованием

30
От сынов Иосифовых, сынов Ефремлих по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою,

Числ.1:30  с толкованием

31
соглядание их от племене Ефремля четыредесять тысящ и пять сот.

Числ.1:31  с толкованием

32
От сынов Манассииных по сродством их, по сонмом их, по домом отечеств их, по числу имен их, по главам их, всяк мужеск пол их от двадесяти лет и вышше, всяк исходяй с силою,

Числ.1:32  с толкованием

33
соглядание их от племене Манассиина тридесять и две тысящи и двести.

Числ.1:33  с толкованием

34
От сынов Вениаминовых по сродством их, по сонмом их, по домом отечеств их, по числу имен их, по главам их, всяк мужеск пол их от двадесяти лет и вышше, всяк исходяй с силою,

Числ.1:34  с толкованием

35
соглядание их от племене Вениаминя тридесять и пять тысящ и четыре ста.

Числ.1:35  с толкованием

36
От сынов Гадовых, по сродством их, по сонмом их, по домом отечеств их, по числу имен их, по главам их, всяк мужеский пол их от двадесяти лет и вышше, всяк исходяй с силою,

Числ.1:36  с толкованием

37
соглядание их от племене Гадова четыредесять пять тысящ и шесть сот пятьдесят.

Числ.1:37  с толкованием

38
От сынов Дановых по сродством их, по сонмом их, по домом отечеств их, по числу имен их, по главам их, всяк мужеск пол их от двадесяти лет и вышше, всяк исходяй с силою,

Числ.1:38  с толкованием

39
соглядание их от племене Данова шестьдесят и две тысящы и седмь сот.

Числ.1:39  с толкованием

40
От сынов Асировых по сродством их, по сонмом их, по домом отечеств их, по числу имен их, по главам их, всяк мужеск пол их от двадесяти лет и вышше, всяк исходяй с силою,

Числ.1:40  с толкованием

41
соглядание их от племене Асирова четыредесять едина тысяща и пять сот.

Числ.1:41  с толкованием

42
От сынов Неффалимлих по сродством их, по сонмом их, по домом отечеств их, по числу имен их, по главам их, всяк мужеск пол их от двадесяти лет и вышше, всяк исходяй с силою,

Числ.1:42  с толкованием

43
соглядание их от племене Неффалимля пятьдесят и три тысящы и четыре ста.

Числ.1:43  с толкованием

44
Сие сочисление, еже соглядаша Моисей и Аарон и князи Израилевы, дванадесять мужей, муж един от племене единаго, по племени домов отечества их быша.

Числ.1:44  с толкованием

45
И бысть всего соглядания сынов Израилевых с силою их, от двадесяти лет и вышше, всяк исходяй ополчатися во Израили,

Числ.1:45  с толкованием

46
шесть сот тысящ и три тысящы и пять сот и пятьдесят.

Числ.1:46  с толкованием

47
Левити же от племене отечества их не сочислишася в сынех Израилевых.

Числ.1:47  с толкованием

48
И рече Господь к Моисею, глаголя:

Числ.1:48  с толкованием

49
виждь, племене Левиина да на сочислиши, и числа их да не приимеши среди сынов Израилевых:

Числ.1:49  с толкованием

50
и ты пристави левиты к скинии свидения и ко всем сосудом ея, и ко всем, елика суть в ней: да носят сии скинию и вся сосуды ея, и тии да служат в ней, и окрест скинии да ополчаются:

Числ.1:50  с толкованием

51
и внегда воздвизати скинию, да снимают ю левити, и внегда поставити скинию, да возставят: и иноплеменник приступаяй да умрет.

Числ.1:51  с толкованием

52
И да ополчаются сынове Израилевы, всяк в своем чине и всяк по своему старейшинству, с силою своею:

Числ.1:52  с толкованием

53
левити же да ополчаются сопротив, окрест скинии свидения, и не будет согрешения в сынех Израилевых, и да стрегут левити сами стражу скинии свидения.

Числ.1:53  с толкованием

54
И сотвориша сынове Израилевы по всем, елика заповеда Господь Моисею и Аарону, тако сотвориша.

Числ.1:54  с толкованием

Глава 
2

Числ.2  с толкованием

1
И рече Господь к Моисею и Аарону, глаголя:

Числ.2:1  с толкованием

2
человек держайся по чину своему, по знамениям, по домом отечеств своих, да ополчаются сынове Израилевы пред Господем, окрест скинии свидения да ополчаются сынове Израилевы.

Числ.2:2  с толкованием

3
И ополчающиися первии на восток чин полка Иудина с силою их, и князь от сынов Иудиных Наассон сын Аминадавль:

Числ.2:3  с толкованием

4
сила его согляданая седмьдесят и четыри тысящы и шесть сот.

Числ.2:4  с толкованием

5
И ополчающиися близ от племене Иссахарова, и князь сынов Иссахаровых Нафанаил сын Согаров:

Числ.2:5  с толкованием

6
сила его согляданая пятьдесят и четыри тысящы и четыре ста.

Числ.2:6  с толкованием

7
И ополчающиися близ от племене Завулоня, и князь сынов Завулоних Елиав сын Хелонь:

Числ.2:7  с толкованием

8
сила его согляданая пятьдесят седмь тысящ и четыре ста.

Числ.2:8  с толкованием

9
Всех сочтеных от полка Иудина сто осмьдесят шесть тысящ и четыре ста, с силою их первии да воздвизаются.

Числ.2:9  с толкованием

10
Чины полка Рувимля к югу с силою его, и князь сынов Рувимлих Елисур сын Седиуров:

Числ.2:10  с толкованием

11
сила его согляданая четыредесять и шесть тысящ и пять сот.

Числ.2:11  с толкованием

12
И ополчающиися близ его от племене Симеоня, и князь сынов Симеоних Саламииль сын Сурисадаин:

Числ.2:12  с толкованием

13
сила его сочтеная пятьдесят и девять тысящ и три ста.

Числ.2:13  с толкованием

14
И ополчающиися близ его от племене Гадова, и князь сынов Гадовых Елисаф сын Рагуиль:

Числ.2:14  с толкованием

15
сила его согляданая четыредесять и пять тысящ и шесть сот и пятьдесят.

Числ.2:15  с толкованием

16
Всех же сочтеных полка Рувимля сто пятьдесят едина тысяща и четыре ста и пятьдесят, с силою их втории да воздвизаются.

Числ.2:16  с толкованием

17
И да воздвигнется скиния свидения и полк левитский посреде полков: якоже ополчатся, тако и да воздвигнутся, кийждо держася по чину своему.

Числ.2:17  с толкованием

18
Чин полка Ефремля к морю с силою их, и князь сынов Ефремлих Елисама сын Емиудов:

Числ.2:18  с толкованием

19
сила его сочтеная четыредесять тысящ и пять сот.

Числ.2:19  с толкованием

20
И ополчающиися близ племя Манассиино, и князь сынов Манассииных Гамалиил сын Фадассуров:

Числ.2:20  с толкованием

21
сила его согляданая тридесять две тысящы и двести.

Числ.2:21  с толкованием

22
И ополчающиися близ от племене Вениаминя, и князь сынов Вениаминих Авидан сын Гадеониев:

Числ.2:22  с толкованием

23
сила его сочтеная тридесять пять тысящ и четыре ста.

Числ.2:23  с толкованием

24
Всех сочтеных полка Ефремля сто осмь тысящ и сто, с силою их гретии да воздвизаются.

Числ.2:24  с толкованием

25
Чин полка Данова к северу с силою их, и князь сынов Дановых Ахиезер сын Амисадаин:

Числ.2:25  с толкованием

26
сила его согляданая шестьдесят две тысящы и седмь сот.

Числ.2:26  с толкованием

27
И ополчающиися близ его племя Асирово, и князь сынов Асировых Фагаиил сын Ехранов:

Числ.2:27  с толкованием

28
сила его согляданая четыредесять едина тысяща и пять сот.

Числ.2:28  с толкованием

29
И ополчающиися близ племя Неффалимле, и князь сынов Неффалимлих Ахирей сын Енань:

Числ.2:29  с толкованием

30
сила его согляданая пятьдесят три тысящы и четыре ста.

Числ.2:30  с толкованием

31
Всех сочтеных полка Данова сто пятьдесят седмь тысящ и шесть сот, с силою их последнии да воздвизаются по чину своему.

Числ.2:31  с толкованием

32
Сие сочтение сынов Израилевых по домом отечеств их: вся соглядания полков с силами их шесть сот три тысящы и пять сот пятьдесят.

Числ.2:32  с толкованием

33
Левити же не соглядашася среди сынов Израилевых, якоже заповеда Господь Моисею.

Числ.2:33  с толкованием

34
И сотвориша сынове Израилевы вся, елика заповеда Господь Моисею: тако ополчахуся по чином своим, и тако воздвизахуся кийждо близ по сонмом своим, по домом отечеств своих.

Числ.2:34  с толкованием

Глава 
3

Числ.3  с толкованием

1
И сия рождения Аарона и Моисеа, в день в оньже глагола Господь Моисею на горе Синайстей:

Числ.3:1  с толкованием

2
и сия имена сынов Аароних: первенец Надав и Авиуд, и Елеазар и Ифамар:

Числ.3:2  с толкованием

3
сия имена сынов Аароних, жерцы помазаныя, имже совершишася руце их жрети:

Числ.3:3  с толкованием

4
и скончашася Надав и Авиуд пред Господем, приносящым им огнь чуждь пред Господем в пустыни Синайстей, и чад не бе им: и жречествоваху Елеазар и Ифамар со Аароном, отцем своим.

Числ.3:4  с толкованием

5
И рече Господь к Моисею, глаголя:

Числ.3:5  с толкованием

6
поими племя Левиино, и поставиши я пред Аароном жерцем, и да служат ему:

Числ.3:6  с толкованием

7
и да стрегут стражбы его и стражбы сынов Израилевых пред скиниею свидения, делати дела скинии:

Числ.3:7  с толкованием

8
и да хранят вся сосуды скинии свидения и стражбы сынов Израилевых по всем делом скинии:

Числ.3:8  с толкованием

9
и да даси левиты Аарону брату твоему и сыном его жерцем: в дар даны сии Мне суть от сынов Израилевых:

Числ.3:9  с толкованием

10
и Аарона и сыны его поставиши над скиниею свидения, и да хранят жречество свое, и вся яже у олтаря и внутрь завесы: иноплеменник же прикасаяйся умрет.

Числ.3:10  с толкованием

11
И рече Господь к Моисею, глаголя:

Числ.3:11  с толкованием

12
и се, Аз взях левиты от среды сынов Израилевых, вместо всякаго первенца, отверзающаго ложесна от сынов Израилевых: искупления их будут, и да будут Мне левити:

Числ.3:12  с толкованием

13
Мне бо всяк первенец: в оньже день побих всякаго первенца в земли Египетстей, освятих Себе всякаго первенца во Израили, от человека до скота Мне да будут: Аз Господь.

Числ.3:13  с толкованием

14
И рече Господь к Моисею в пустыни Синайстей, глаголя:

Числ.3:14  с толкованием

15
соглядай сынов Левииных по домом отечеств их по сонмом их, по рождению их: всяк мужеск пол от месяца единаго и вышше да соглядаете их.

Числ.3:15  с толкованием

16
И сочте их Моисей и Аарон повелением Господним, якоже повеле им Господь.

Числ.3:16  с толкованием

17
И бяху сии сынове Левиины от имен их: Гирсон, Кааф и Мерари.

Числ.3:17  с толкованием

18
И сия имена сынов Гирсоних по сонмом их: Ловени и Семей.

Числ.3:18  с толкованием

19
И сынове Каафовы по сонмом их: Амрам и Иссаар, Хеврон и Озиил.

Числ.3:19  с толкованием

20
И сынове Мерарины по сонмом их: Мооли и Муси: сии суть сонми Левитстии по домом отечеств их.

Числ.3:20  с толкованием

21
От Гирсона сонм Ловениин и сонм Семеинь: сии суть сонми Гирсоновы.

Числ.3:21  с толкованием

22
Соглядание их по числу всего мужеска полу, от месяца единаго и вышше, соглядание их седмь тысящ и пять сот.

Числ.3:22  с толкованием

23
И сынове Гирсоновы за скиниею да ополчаются к морю.

Числ.3:23  с толкованием

24
И князь дому отечества сонма Гирсоня Елисаф сын Даиль.

Числ.3:24  с толкованием

25
И стражба сынов Гирсоновых в скинии свидения, скиния и покров ея, и покров дверий скинии свидения,

Числ.3:25  с толкованием

26
и опоны двора, и завеса дверий двора, иже есть у скинии, и прочая всех дел его.

Числ.3:26  с толкованием

27
От Каафа сонм Амрамль един и сонм Иссааров един, и сонм Хевронь един и сонм Озиил един: сии суть сонми Каафовы:

Числ.3:27  с толкованием

28
по числу всяк мужеск пол от месяца единаго и вышше осмь тысящ и шесть сот, стрегущии стражбы Святых.

Числ.3:28  с толкованием

29
Сонми сынов Каафовых да ополчаются от страны скинии к югу,

Числ.3:29  с толкованием

30
и князь дому отечеств сонмов Каафовых Елисафан сын Озиил:

Числ.3:30  с толкованием

31
и стражба их кивот и трапеза, и светилник и олтари, и сосуды святаго, в нихже служат, и покров, и вся дела их.

Числ.3:31  с толкованием

32
И князь над князи левитскими Елеазар сын Аарона жерца, поставлен стрещи стражбы святых.

Числ.3:32  с толкованием

33
От Мерара же сонм Мооли и сонм Муси: сии суть сонми Мерарины,

Числ.3:33  с толкованием

34
соглядание их по числу, всяк мужеск пол от месяца единаго и вышше, шесть тысящ и двести.

Числ.3:34  с толкованием

35
И князь дому отечеств сонма Мерарина Суриил сын Авихеов: от страны скинии да ополчаются к северу,

Числ.3:35  с толкованием

36
соглядание стражбы сынов Мерариных главицы скинии и вереи ея, и столпы ея и стояла ея, и вся сосуды их и вся дела их,

Числ.3:36  с толкованием

37
и столпы двора окрест и стояла их, и колки их и верви их.

Числ.3:37  с толкованием

38
Ополчающиися сопреди скинии свидения на востоки Моисей и Аарон и сынове его, стрегуще стражбы святаго, в стражбах сынов Израилевых: и иноплеменник прикасаяйся да умрет.

Числ.3:38  с толкованием

39
Все соглядание левитов, ихже согляда Моисей и Аарон повелением Господним по сонмом их, всяк мужеск пол от месяца единаго и вышше, двадесять и две тысящы.

Числ.3:39  с толкованием

40
И рече Господь к Моисею, глагола: соглядай всякаго первенца мужеска полу сынов Израилевых от месяца единаго и вышше, и возми число их по имени,

Числ.3:40  с толкованием

41
и да поймеши Мне левиты за вся первенцы сынов Израилевых: Аз Господь: и скоты левитски вместо всех первенцев в скотех сынов Израилевых.

Числ.3:41  с толкованием

42
И согляда Моисей, якоже заповеда ему Господь, всякаго первенца в сынех Израилевых.

Числ.3:42  с толкованием

43
И быша вси первенцы мужескаго полу, по числу имен от месяца единаго и вышше, от соглядания их двадесять две тысящы двести и седмьдесят три.

Числ.3:43  с толкованием

44
И рече Господь к Моисею, глаголя:

Числ.3:44  с толкованием

45
поими левиты вместо всех первенцев сынов Израилевых, и скоты левитски вместо скотов их, и будут Мне левиты: Аз Господь:

Числ.3:45  с толкованием

46
и искуп дву сот седмидесяти трех, иже преизбывают сверх левитов от первенцов сынов Израилевых:

Числ.3:46  с толкованием

47
и да возмеши по пяти сикль на главу, по сиклю святому возмеши двадесять пенязей сикль,

Числ.3:47  с толкованием

48
и даси сребро Аарону и сыном его искуп от преизбывающих в них.

Числ.3:48  с толкованием

49
И взя Моисей сребро искупное от преизбывающих в них на искуп левитом:

Числ.3:49  с толкованием

50
от первенец сынов Израилевых взя сребра тысящу три ста шестьдесят пять сиклев, по сиклю святому.

Числ.3:50  с толкованием

51
И даде Моисей окуп от преизбывших Аарону и сыном его, повелением Господним, якоже заповеда Господь Моисею.

Числ.3:51  с толкованием

Глава 
4

Числ.4  с толкованием

1
И рече Господь к Моисею и Аарону, глаголя:

Числ.4:1  с толкованием

2
возми сочисление сынов Каафовых от среды сынов Левииных, по сонмом их, по домом отечеств их,

Числ.4:2  с толкованием

3
от двадесяти и пяти лет и вышше, даже до пятидесяти лет, всяк входяй служити, творити вся дела в скинии свидения.

Числ.4:3  с толкованием

4
И сия дела сынов Каафовых от среды сынов Левииных, по сонмом их, по домом отечеств их, в скинии свидения Святое Святых.

Числ.4:4  с толкованием

5
И да внидут Аарон и сынове его, егда воздвигнется полк, и да снимут завесу осеняющую, и да обвиют в ню кивот свидения,

Числ.4:5  с толкованием

6
и да покрыют его покровом кожаным синим, и да возложат нань одежду всю синетную сверху, и да вложат носила:

Числ.4:6  с толкованием

7
и на трапезе предложения да положат на ней одежду всю багряную и блюда, и кадилницы и чашы, и возливалницы, имиже возливают, и хлебы на ней всегда да будут:

Числ.4:7  с толкованием

8
и да возложат на ню одежду червлену, и да покрыют ю покровом кожаным синим, и да вложат носила ея:

Числ.4:8  с толкованием

9
и да возмут одежду синю, и покрыют светилник светящий и свещы его, и щипцы его и очищала его, и вся сосуды елеа его, имиже служат в них:

Числ.4:9  с толкованием

10
и да вложат его и вся сосуды его в покров кожан синий, и да возложат его на носила:

Числ.4:10  с толкованием

11
и на олтарь златый да положат одежду синю, и да покрыют его покровом кожаным синим, и да вложат носила его:

Числ.4:11  с толкованием

12
и да возмут вся сосуды служебныя, еликими служат в них во святых, и вложат во одежду синю, и да покрыют их покровом кожаным синим, и да возложат на носила:

Числ.4:12  с толкованием

13
и покров да возложат на олтарь, и покрыют его одеждою всею багряною:

Числ.4:13  с толкованием

14
и да возложат на него вся сосуды его, еликими служат на нем в них, и кадилники, и вилицы и чашы, и покров и вся сосуды олтаря, и да возложат на него покров кожан синь и да вложат носила его: и да возмут одежду багряну, и да покрыют умывалницу и стояла ея: и да вложат ю в покров кожаный синий, и да возложат на носила.

Числ.4:14  с толкованием

15
И совершат Аарон и сынове его, покрывающе святая и вся сосуды святыя, внегда воздвизатися полку: и по сих да внидут сынове Каафовы воздвизати, и да не прикоснутся святых, да не умрут. Сия да воздвизают сынове Каафовы в скинии свидения.

Числ.4:15  с толкованием

16
Надсмотритель Елеазар, сын Аарона жерца, елей светилный, и фимиам сложения, и жертва яже по вся дни, и елей помазания, надсмотрение всея скинии и елика суть в ней во святем, во всех делех.

Числ.4:16  с толкованием

17
И рече Господь к Моисею и Аарону, глаголя:

Числ.4:17  с толкованием

18
не потребите сонм племене Каафова от среды левитов:

Числ.4:18  с толкованием

19
сие сотворите им, и живи будут и не умрут: приходящым им ко Святым Святых, Аарон и сынове его да внидут и да устроят их коегождо по ношению его,

Числ.4:19  с толкованием

20
и да не внидут внезапу видети святая, и умрут.

Числ.4:20  с толкованием

21
И рече Господь к Моисею, глаголя:

Числ.4:21  с толкованием

22
возми сочисление сынов Гирсоних, и иже по домом отечеств их, по сонмом их и по племенем их,

Числ.4:22  с толкованием

23
от двадесяти и пяти лет и вышше, даже до пятидесяти лет, соглядайте я, всяк входяй служити и творити дела в скинии свидения.

Числ.4:23  с толкованием

24
Сия служба сонма Гирсонова, служити и воздвизати.

Числ.4:24  с толкованием

25
И да воздвигнет опоны скинии и скинию свидения, и покров ея и покров синий сущий сверх ея, и опону дверий скинии свидения,

Числ.4:25  с толкованием

26
и опоны двора, и завесу дверий двора, елика над скиниею свидения, и яже окрест олтаря, и прочая их, и вся сосуды служебныя, еликими служат в них, да сотворят.

Числ.4:26  с толкованием

27
По слову Аарона и сынов его да будет вся служба сынов Гирсоновых по всем службам их и по всем делам их: и да соглядаеши их по именам, вся носимая ими.

Числ.4:27  с толкованием

28
Сия служба сонма сынов Гирсоновых в скинии свидения, и стражба их рукою Ифамара, сына Аароня жерца.

Числ.4:28  с толкованием

29
Сынове Мерарины по сонмом их, по домом отечеств их, соглядайте их,

Числ.4:29  с толкованием

30
от двадесяти и пяти лет и вышше, даже до пятидесяти лет, соглядайте их, всяк входяй служити дела скинии свидения.

Числ.4:30  с толкованием

31
И сия хранения воздвизаемых ими, по всем делом их в скинии свидения: главицы скинии и вереи ея, и столпы ея и стояла ея, и покров и стояла их, и столпы их, и покров дверий скинии,

Числ.4:31  с толкованием

32
и столпы двора окрест и стояла их, и столпы завесы дверий двора и стояла их, и колки их и верви их, и вся сосуды их и вся служения их: по именам соглядайте их и вся сосуды стражбы воздвизаемых ими.

Числ.4:32  с толкованием

33
Сия служба сонма сынов Мерариных во всех делех их, в скинии свидения рукою Ифамара, сына Аароня жерца.

Числ.4:33  с толкованием

34
И согляда Моисей и Аарон и князи Израилевы сыны Каафовы по сонмом их, по домом отечеств их,

Числ.4:34  с толкованием

35
от двадесяти и пяти лет и вышше, даже до пятидесяти лет, всяк входяй служити и творити дела в скинии свидения.

Числ.4:35  с толкованием

36
И бысть соглядание их по сонмом их, две тысящы седмь сот пятьдесят.

Числ.4:36  с толкованием

37
Сие сочтение сонма Каафова, всех служащих в скинии свидения, якоже согляда Моисей и Аарон повелением Господним, рукою Моисеовою.

Числ.4:37  с толкованием

38
И соглядани быша сынове Гирсони по сонмом своим, по домом отечеств своих,

Числ.4:38  с толкованием

39
от двадесяти и пяти лет и вышше, даже до пятидесяти лет, всяк входяй служити и творити дела в скинии свидения.

Числ.4:39  с толкованием

40
И бысть соглядание их по сонмом их, по домом отечеств их, две тысящы шесть сот тридесять.

Числ.4:40  с толкованием

41
Сие соглядание сонма сынов Гирсоновых, всех служащих в скинии свидения, ихже соглядаша Моисей и Аарон по глаголу Господню, рукою Моисеовою.

Числ.4:41  с толкованием

42
Соглядани же быша сынове Мерарины по сонмом своим, по домом отечеств своих,

Числ.4:42  с толкованием

43
от двадесяти и пяти лет и вышше, даже до пятидесяти лет, всяк входяй служити на дела скинии свидения.

Числ.4:43  с толкованием

44
И бысть сочтение их по племеном их, по сонмом их, по домом отечеств их, три тысящы и двести.

Числ.4:44  с толкованием

45
Сие сочисление сонма сынов Мерариных, ихже согляда Моисей и Аарон по глаголу Господню, рукою Моисеовою.

Числ.4:45  с толкованием

46
Вси согляданнии левиты, ихже согляда Моисей и Аарон и князи сынов Израилевых, по сонмом их и по домом отечеств их,

Числ.4:46  с толкованием

47
от двадесяти и пяти лет и вышше, даже до пятидесяти лет, всяк входяй на дело дел, и к делам воздвизаемым в скинии свидения.

Числ.4:47  с толкованием

48
И быша согляданнии осмь тысящ пять сот осмьдесят.

Числ.4:48  с толкованием

49
Повелением Господним соглядаше их Моисей, мужа по мужу над делы их, и яже воздвизаху сии, и соглядани суть, якоже повеле Господь Моисею.

Числ.4:49  с толкованием

Глава 
5

Числ.5  с толкованием

1
И рече Господь к Моисею, глаголя:

Числ.5:1  с толкованием

2
повели сыном Израилевым, и да изгонят из полка всякаго прокаженнаго, и всякаго проливающаго семя, и всякаго нечистаго душею:

Числ.5:2  с толкованием

3
от мужеска полу до женска, изгоните вне полка, и да не осквернят полков своих, в нихже Аз пребываю.

Числ.5:3  с толкованием

4
И сотвориша сынове Израилевы тако, и изгнаша их вне полка: якоже глагола Господь Моисею, тако сотвориша сынове Израилевы.

Числ.5:4  с толкованием

5
И рече Господь к Моисею, глаголя:

Числ.5:5  с толкованием

6
рцы сыном Израилевым, глаголя: муж или жена, иже аще сотворит от всех грехов человеческих и презирая презрит Господа, и преступит душа она:

Числ.5:6  с толкованием

7
да исповесть грех, егоже сотвори, и да отдаст преступление истое, пятую часть его да приложит к тому, и да отдаст, емуже согреши.

Числ.5:7  с толкованием

8
Аще же несть человеку ужика, яко отдати ему преступление, преступление отдаемое Господу, жерцу да будет, кроме овна очищения, имже помолится о нем.

Числ.5:8  с толкованием

9
И всяк начаток, и вся освящаемая в сынех Израилевых, елика аще приносят Господу, жерцу самому да будут:

Числ.5:9  с толкованием

10
и коегождо освященая, тому да будут и муж аще даст жерцу, тому да будет.

Числ.5:10  с толкованием

11
И рече Господь к Моисею, глаголя:

Числ.5:11  с толкованием

12
глаголи сыном Израилевым и речеши к ним: мужа, мужа аще преступит жена его, и презирающи презрит его,

Числ.5:12  с толкованием

13
и будет кто с нею ложем семене, и утаится от очию мужа ея, и укрыется, она же будет осквернена, и свидетеля не будет на ню и сия несть ята,

Числ.5:13  с толкованием

14
и приидет на него дух ревнования, и возревнует к жене своей, она же осквернена есть, или приидет ему дух ревнования, и возревнует к жене своей, она же не будет осквернена,

Числ.5:14  с толкованием

15
и да приведет муж жену свою к жерцу, и да принесет дар за ню, десятую часть меры ефи муки ячныя: да не возлиет на ню елеа, ниже да возложит на ню ливана: жертва бо ревнования есть, жертва памяти воспоминающая грех.

Числ.5:15  с толкованием

16
И приведет ю жрец и поставит ю пред Господем:

Числ.5:16  с толкованием

17
и да возмет жрец воду живу чисту в сосуде глиняне, и от персти на земли сущия у скинии свидения, и взем жрец да всыплет в воду:

Числ.5:17  с толкованием

18
и да поставит жрец жену пред Господем, и да открыет главу жене, и да даст в руце ея жертву памяти, жертву ревнования: в руце же жерца да будет вода обличения клятвенная сия.

Числ.5:18  с толкованием

19
И да закленет ю жрец и речет жене: аще никтоже бысть с тобою, и неси преступила осквернитися под мужем твоим, невинна буди от воды обличения клятвенныя сея:

Числ.5:19  с толкованием

20
аще же преступила еси, мужата сущи, или осквернена еси, и даде кто тебе ложе свое, кроме мужа твоего.

Числ.5:20  с толкованием

21
И закленет жрец жену клятвами клятвы сея, и речет жрец жене: да даст тя Господь в клятву и проклятие среди людий твоих, внегда дати Господу стегну твоему отпасти и чреву твоему разсестися:

Числ.5:21  с толкованием

22
и внидет вода клятвенная сия во чрево твое, еже расторгнути утробу твою, и отпасти стегну твоему. И отвещает жена:

Числ.5:22  с толкованием

23
и да напишет жрец клятвы сия в книзе, и изгладит в воде обличения клятвеннаго:

Числ.5:23  с толкованием

24
и напоит жену водою обличения клятвенною, и внидет в ню вода клятвенная обличения.

Числ.5:24  с толкованием

25
И да возмет жрец от руки женски жертву ревнования, и да возложит жертву пред Господем, и да принесет ю ко олтарю:

Числ.5:25  с толкованием

26
и да возмет жрец горстию от жертвы память ея, и да принесет ю на олтарь, и по сем напоит водою жену.

Числ.5:26  с толкованием

27
И будет аше есть осквернена, и аще утаением утаися от мужа своего, и внидет в ню вода клятвенная обличения, и надмет чрево ея, и отпадет стегно ея, и будет жена в проклятие в людех своих:

Числ.5:27  с толкованием

28
аще же не будет осквернена жена, и чиста есть, и невинна будет, и плодствовати будет семя.

Числ.5:28  с толкованием

29
Сей закон ревнования, комулибо аще преступит жена, мужата сущи, и осквернится:

Числ.5:29  с толкованием

30
или человек, емуже аще найдет нань дух ревнования, и возревнует к жене своей, и поставит жену свою пред Господем, и да сотворит ей жрец весь закон сей:

Числ.5:30  с толкованием

31
и чист будет человек от греха, и жена та возмет грех свой.

Числ.5:31  с толкованием

Глава 
6

Числ.6  с толкованием

1
И рече Господь к Моисею, глаголя:

Числ.6:1  с толкованием

2
глаголи сыном Израилевым и речеши к ним: муж или жена, иже аше обещается зело обетом, еже очиститися чистотою Господу,

Числ.6:2  с толкованием

3
да воздержится от вина и сикера, и оцта винна и оцта от сикера да не пиет: и, елика делаются от грозд винных, да не пиет, и гроздия свежаго и сухаго да не снест.

Числ.6:3  с толкованием

4
Во вся дни обета своего от всех, елика бывают от винничины вина, от кости и до скорлупы да не пиете, ниже ясте от всего.

Числ.6:4  с толкованием

5
Во вся дни обета очищения своего бритва да не взыдет на главу его, дондеже скончаются дние, елики обещал есть Господу: свят будет растяй власы главы своея.

Числ.6:5  с толкованием

6
Во вся дни обета своего Господу, ко всякой душе скончавшейся да не внидет.

Числ.6:6  с толкованием

7
Над отцем и над материю, и над братом и над сестрою, да не осквернится над ними, умершым им, яко обет Бога его на главе его.

Числ.6:7  с толкованием

8
Вся дни обета его свят будет Господу.

Числ.6:8  с толкованием

9
Аше же кто смертию внезапу умрет у него, абие осквернится глава обета его, и обриет главу свою, в оньже день очистится, в день седмый да обриется,

Числ.6:9  с толкованием

10
и в день осмый да принесет два горличища или два птенца голубина к жерцу пред двери скинии свидения:

Числ.6:10  с толкованием

11
и да сотворит жрец едину греха ради, и другую во всесожжение, и да помолится о нем жрец, о нихже согреши, о души, и освятит главу свою в той день, в оньже освятися Господу, во дни обета своего.

Числ.6:11  с толкованием

12
И да приведет агнца единолетна в преступление, и дние прежнии да не будут ему в число, понеже осквернися глава обета его.

Числ.6:12  с толкованием

13
И сей закон обещавшагося, в оньже день скончает дни обета своего, да принесет сам к дверем скинии свидения:

Числ.6:13  с толкованием

14
и да приведет дар свой Господу агнца единолетна непорочна единаго во всесожжение, и агницу единолетну едину непорочну греха ради, и овна единаго непорочна во спасение,

Числ.6:14  с толкованием

15
и кош опресноков от муки пшеничны, хлебы смешаны с елеем, и опресноки помазаны елеем, и жертву их и возлияние их.

Числ.6:15  с толкованием

16
И да принесет жрец пред Господа, и да сотворит еже греха ради его, и всесожжение его,

Числ.6:16  с толкованием

17
и овна сотворит жертву спасения Господу на кошнице опресноков, и да сотворит жрец жертву его и возлияние его.

Числ.6:17  с толкованием

18
И да обриет обещавый пред дверми скинии свидения главу обета своего, и да возложит власы на огнь, иже есть под жертвою спасения:

Числ.6:18  с толкованием

19
и да возмет жрец рамо варено от овна, и хлеб един опресночный от кошницы, и опреснок един, и да возложит на руки обещавшемуся, по обритии главы его,

Числ.6:19  с толкованием

20
и да принесет я жрец возложение пред Господа: свято да будет жерцу на грудех возложения и на раме участия: и по сих обещавыйся да пиет вино.

Числ.6:20  с толкованием

21
Сей закон обещавшагося, иже аще обещает дар Господу о обете, кроме сих яже обрящет рука его: по силе обета его, егоже аще обещает, по закону очищения.

Числ.6:21  с толкованием

22
И рече Господь к Моисею, глаголя.

Числ.6:22  с толкованием

23
Рцы Аарону и сыном его, глаголя: сице благословите сыны Израилевы, глаголюще им:

Числ.6:23  с толкованием

24
да благословит тя Господь и сохранит тя:

Числ.6:24  с толкованием

25
да просветит Господь лице Свое на тя и помилует тя:

Числ.6:25  с толкованием

26
да воздвигнет Господь лице Свое на тя и даст ти мир:

Числ.6:26  с толкованием

27
и да возложат имя Мое на сыны Израилевы, и Аз Господь благословлю я.

Числ.6:27  с толкованием

Глава 
7

Числ.7  с толкованием

1
И бысть в день в оньже сконча Моисей, якоже поставити скинию, и помаза ю, и освяти ю и вся сосуды ея, и олтарь и вся сосуды его, и помаза я.

Числ.7:1  с толкованием

2
И приведоша князи Израилтестии дванадесять, князи домов отечеств своих, сии князи коегождо племене, сии предстоящии над согляданием:

Числ.7:2  с толкованием

3
и приведоша дары своя пред Господа шесть колесниц покрытых и дванадесять волов: колесницу едину от двоих князей, и телца от коегождо и приведоша пред скинию.

Числ.7:3  с толкованием

4
И рече Господь к Моисею, глаголя:

Числ.7:4  с толкованием

5
возми от них, и да будут на дела служебная скинии свидения: и даси я левитом, коемуждо по его служению.

Числ.7:5  с толкованием

6
И взем Моисей колесницы и волы, даде я левитом:

Числ.7:6  с толкованием

7
две колесницы и четыри волы даде сыном Гирсоним по службам ихже,

Числ.7:7  с толкованием

8
и четыри колесницы и осмь волов даде сыном Мерариным по службам их, чрез Ифамара, сына Аарона жерца:

Числ.7:8  с толкованием

9
и сыном Каафовым не даде, яко службы святаго имеют: на раменах да воздвизают я.

Числ.7:9  с толкованием

10
И принесоша князи на обновление олтаря в день, в оньже помаза его, и принесоша князи дары своя пред олтарь.

Числ.7:10  с толкованием

11
И рече Господь к Моисею: князь един на день, князь на день да принесут дары своя на обновление олтаря.

Числ.7:11  с толкованием

12
И бяше приносяй дар свой в первый день Наассон сын Аминадавль, князь племене Иудина:

Числ.7:12  с толкованием

13
и принесе дар свой, блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву:

Числ.7:13  с толкованием

14
фимиамник един десяти златник, полн фимиама:

Числ.7:14  с толкованием

15
телца единаго от волов, овна единаго, агнца единаго единолетна во всесожжение:

Числ.7:15  с толкованием

16
и козла от коз единаго греха ради:

Числ.7:16  с толкованием

17
и на жертву спасения юницы две, овнов пять, козлов пять, агниц единолетных пять: сей дар Наассона сына Аминадавля.

Числ.7:17  с толкованием

18
Во вторый день принесе Нафанаил сын Согаров, князь племене Иссахаря:

Числ.7:18  с толкованием

19
и принесе дар свой, блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву:

Числ.7:19  с толкованием

20
фимиамник един десяти златник, полн фимиама:

Числ.7:20  с толкованием

21
телца единаго от волов, овна единаго, агнца единаго единолетна во всесожжение:

Числ.7:21  с толкованием

22
и козла от коз единаго греха ради:

Числ.7:22  с толкованием

23
и на жертву спасения юницы две, овнов пять, козлов пять, агниц единолетных пять: сей дар Нафанаила сына Согарова.

Числ.7:23  с толкованием

24
В третий день князь сынов Завулоних, Елиав сын Хелонов:

Числ.7:24  с толкованием

25
дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву:

Числ.7:25  с толкованием

26
фимиамник един десяти златник, полн фимиама:

Числ.7:26  с толкованием

27
телца единаго от волов, овна единаго, агнца единаго единолетна во всесожжение:

Числ.7:27  с толкованием

28
и козла от коз единаго греха ради:

Числ.7:28  с толкованием

29
и на жертву спасения юницы две, овнов пять, козлов пять, агниц единолетных пять: сей дар Елиава сына Хелонова.

Числ.7:29  с толкованием

30
В четвертый день князь сынов Рувимлих, Елисур сын Седиуров:

Числ.7:30  с толкованием

31
дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву:

Числ.7:31  с толкованием

32
фимиамник един десяти златник, полн фимиама:

Числ.7:32  с толкованием

33
телца единаго от волов, овна единаго, агнца единаго единолетна во всесожжение:

Числ.7:33  с толкованием

34
и козла от коз единаго греха ради:

Числ.7:34  с толкованием

35
и на жертву спасения юницы две, овнов пять, козлов пять, агниц единолетных пять: сей дар Елисура сына Седиурова.

Числ.7:35  с толкованием

36
В пятый день князь сынов Симеоних, Саламиил сын Сурисадаиль:

Числ.7:36  с толкованием

37
дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву:

Числ.7:37  с толкованием

38
фимиамник един десяти златник, полн фимиама:

Числ.7:38  с толкованием

39
телца единаго от волов, овна единаго, агнца единаго единолетна во всесожжение:

Числ.7:39  с толкованием

40
и козла от коз единаго греха ради:

Числ.7:40  с толкованием

41
и на жертву спасения юницы две, овнов пять, козлов пять, агниц единолетных пять: сей дар Саламиила сына Сурисадаиля.

Числ.7:41  с толкованием

42
В шестый день князь сынов Гадовых, Елисаф сын Рагуилев:

Числ.7:42  с толкованием

43
дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву:

Числ.7:43  с толкованием

44
фимиамник един десяти златник, полн фимиама:

Числ.7:44  с толкованием

45
телца единаго от волов, овна единаго, агнца единаго единолетна во всесожжение:

Числ.7:45  с толкованием

46
и козла от коз единаго греха ради:

Числ.7:46  с толкованием

47
и на жертву спасения юницы две, овнов пять, козлов пять, агниц единолетных пять: сей дар Елисафа сына Рагуилева.

Числ.7:47  с толкованием

48
В седмый день князь сынов Ефремлих, Елисама сын Емиудов:

Числ.7:48  с толкованием

49
дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву:

Числ.7:49  с толкованием

50
фимиамник един десяти златник, полн фимиама:

Числ.7:50  с толкованием

51
телца единаго от волов, овна единаго, агнца единаго единолетна во всесожжение:

Числ.7:51  с толкованием

52
и козла от коз единаго греха ради:

Числ.7:52  с толкованием

53
и на жертву спасения юницы две, овнов пять, козлов пять, агниц единолетных пять: сей дар Елисамы сына Емиудова.

Числ.7:53  с толкованием

54
В осмый день князь сынов Манассииных, Гамалиил сын Фадассуров:

Числ.7:54  с толкованием

55
дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву:

Числ.7:55  с толкованием

56
фимиамник един десяти златник, полн фимиама:

Числ.7:56  с толкованием

57
телца единаго от волов, овна единаго, агнца единаго единолетна во всесожжение:

Числ.7:57  с толкованием

58
и козла от коз единаго греха ради:

Числ.7:58  с толкованием

59
и на жертву спасения юницы две, овнов пять, козлов пять, агниц единолетных пять: сей дар Гамалиила сына Фадассурова.

Числ.7:59  с толкованием

60
В девятый день князь сынов Вениаминих, Авидан сын Гадеонин:

Числ.7:60  с толкованием

61
дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву:

Числ.7:61  с толкованием

62
фимиамник един десяти златник, полн фимиама:

Числ.7:62  с толкованием

63
телца единаго от волов, овна единаго, агнца единаго единолетна во всесожжение:

Числ.7:63  с толкованием

64
и козла от коз единаго греха ради:

Числ.7:64  с толкованием

65
и на жертву спасения юницы две, овнов пять, козлов пять, агниц единолетных пять: сей дар Авидана, сына Гадеонина.

Числ.7:65  с толкованием

66
В десятый день князь сынов Дановых, Ахиезер сын Амисадаин:

Числ.7:66  с толкованием

67
дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву:

Числ.7:67  с толкованием

68
фимиамник един десяти златник, полн фимиама:

Числ.7:68  с толкованием

69
телца единаго от волов, овна единаго, агнца единаго единолетна во всесожжение:

Числ.7:69  с толкованием

70
и козла от коз единаго греха ради:

Числ.7:70  с толкованием

71
и на жертву спасения юницы две, овнов пять, козлов пять, агниц единолетных пять: сей дар Ахиезера сына Амисадаина.

Числ.7:71  с толкованием

72
В первыйнадесять день князь сынов Асировых, Фагаиил сын Ехрань:

Числ.7:72  с толкованием

73
дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву:

Числ.7:73  с толкованием

74
фимиамник един десяти златник, полн фимиама:

Числ.7:74  с толкованием

75
телца единаго от волов, овна единаго, агнца единаго единолетна во всесожжение:

Числ.7:75  с толкованием

76
и козла от коз единаго греха ради:

Числ.7:76  с толкованием

77
и на жертву спасения юницы две, овнов пять, козлов пять, агниц единолетных пять: сей дар Фагаиила сына Ехраня.

Числ.7:77  с толкованием

78
Во вторыйнадесять день князь сынов Неффалимлих, Ахирей сын Енань:

Числ.7:78  с толкованием

79
дар его блюдо сребряно едино, вес его сто и тридесять сикль: чашу едину сребряну седмьдесят сикль, по сиклю святому: обоя полны муки пшеничны спряжены с елеем на жертву:

Числ.7:79  с толкованием

80
фимиамник един десяти златник, полн фимиама:

Числ.7:80  с толкованием

81
телца единаго от волов, овна единаго, агнца единаго единолетна во всесожжение:

Числ.7:81  с толкованием

82
и козла от коз единаго греха ради:

Числ.7:82  с толкованием

83
и на жертву спасения юницы две, овнов пять, козлов пять, агниц единолетных пять: сей дар Ахиреа сына Енаня.

Числ.7:83  с толкованием

84
Сие обновление олтаря, в оньже день помаза его, от князей сынов Израилевых, блюд сребряных дванадесять, чаш сребряных дванадесять, фимиамников златых дванадесять:

Числ.7:84  с толкованием

85
по святу и тридесяти сикль в коемждо блюде, и по седмидесяти сикль чаша едина: всего сребра в сосудех две тысящы четыреста сиклев, по сиклю святому:

Числ.7:85  с толкованием

86
фимиамников златых дванадесять полных фимиама, по десяти златник в коемждо фимиамнике, по сиклю святому: всего злата в фимиамницех сто и двадесять златник.

Числ.7:86  с толкованием

87
Всех говяд во всесожжение, телцов дванадесять, овнов дванадесять, агнцев единолетных дванадесять, и жертвы их и возлияния их: и козлов от коз дванадесять, греха ради:

Числ.7:87  с толкованием

88
всех говяд на жертву спасения, юниц двадесять четыре, овнов шестьдесят, козлов единолетных шестьдесят, агниц единолетных непорочных шестьдесят. Сие обновление олтаря, по исполненнии рук его и по помазании его.

Числ.7:88  с толкованием

89
Егда вхождаше Моисей в скинию свидения глаголати ему, и услыша глас Господа, глаголюща к нему свыше очистилища, еже есть над ковчегом свидения между двема херувимы: и глаголаше к нему.

Числ.7:89  с толкованием

Глава 
8

Числ.8  с толкованием

1
И рече Господь к Моисею, глаголя:

Числ.8:1  с толкованием

2
глаголи Аарону и речеши к нему: егда поставиши светила, от страны спреди светилника да светят седмь светила.

Числ.8:2  с толкованием

3
И сотвори тако Аарон: от единыя страны спреди светилника возжже светила его, якоже повеле Господь Моисею.

Числ.8:3  с толкованием

4
И сие устроение светилника: слияно злато стебль его и крины его, слияно все: по образу, егоже показа Господь Моисею, тако сотвори светилник.

Числ.8:4  с толкованием

5
И рече Господь к Моисею, глаголя:

Числ.8:5  с толкованием

6
поими левиты от среды сынов Израилевых, и да очистиши я:

Числ.8:6  с толкованием

7
и сице да сотвориши им очищение их: покропиши на них воду очищения, и да взыдет бритва на все тело их, и исперут ризы своя, и чисти будут:

Числ.8:7  с толкованием

8
и да возмут телца единаго от волов, и сего жертву муки пшеничны, спряжены с елеем, и телца единолетна от волов да возмеши греха ради:

Числ.8:8  с толкованием

9
и да приведеши левиты пред скинию свидения, и собереши весь сонм сынов Израилевых:

Числ.8:9  с толкованием

10
и приведеши левиты пред Господа, и да возложат сынове Израилстии руки своя на левиты:

Числ.8:10  с толкованием

11
и да отлучит Аарон левиты отдание пред Господа от сынов Израилевых, и да служат службы Господви:

Числ.8:11  с толкованием

12
левити же да возложат руки на главы телцев: и да сотвориши единаго от гресе и единаго во всесожжение Господу, умилостивити о них:

Числ.8:12  с толкованием

13
и поставиши левиты пред Господем и пред Аароном и пред сынми его, и отдаси я отдание Господу:

Числ.8:13  с толкованием

14
и да отлучиши левиты от среды сынов Израилевых, и будут Мне:

Числ.8:14  с толкованием

15
и по сих да внидут левиты делати дела скинии свидения: и да очистиши их, и отдаси я пред Господем: яко отдание отданы сии Мне суть от среды сынов Израилевых:

Числ.8:15  с толкованием

16
вместо отверзающих всяка ложесна первенцев всех от сынов Израилевых, приях я Себе:

Числ.8:16  с толкованием

17
яко Мне есть всяк первенец от сынов Израилевых, от человека до скота: в день в оньже поразих всякаго первенца в земли Египетстей, освятих я Себе,

Числ.8:17  с толкованием

18
и взях левиты вместо всякаго первенца сынов Израилевых,

Числ.8:18  с толкованием

19
и отдах левиты отданием Аарону и сыном его от среды сынов Израилевых делати дела сынов Израилевых в скинии свидения и умилостивляти о сынех Израилевых: да не будет язва на сынех Израилевых, внегда приступати им к святым.

Числ.8:19  с толкованием

20
И сотвори Моисей и Аарон и весь сонм сынов Израилевых левитом, якоже заповеда Господь Моисею о левитех, тако сотвориша им сынове Израилевы.

Числ.8:20  с толкованием

21
И очистишася левити и испраша ризы своя: и отдаде я Аарон отдание пред Господем, и помолися о них Аарон, очищения ради их.

Числ.8:21  с толкованием

22
И но сих внидоша левити служити службы своя в скинии свидения пред Аароном и пред сыны его: якоже повеле Господь Моисею о левитех, тако сотвориша им.

Числ.8:22  с толкованием

23
И рече Господь к Моисею глаголя:

Числ.8:23  с толкованием

24
сие есть еже о левитех: от двадесяти пяти лет и вышше, да внидут служити служение в скинии свидения:

Числ.8:24  с толкованием

25
и от пятидесяти лет да отстанут от служения и не служат ктому.

Числ.8:25  с толкованием

26
И да служат братия его в скинии свидения еже стрещи стражи, дел же да не делают. Тако сотвориши левитом в стражах их.

Числ.8:26  с толкованием

Глава 
9

Числ.9  с толкованием

1
И глагола Господь к Моисею в пустыни Синайстей, во второе лето изшедшым им из земли Египетския, в первый месяц, глаголя:

Числ.9:1  с толкованием

2
рцы да сотворят сынове Израилстии Пасху во время ея,

Числ.9:2  с толкованием

3
в четвертыйнадесять день месяца перваго к вечеру, и сотвориши ю во время ея: по закону ея и по уставу ея сотвориши ю.

Числ.9:3  с толкованием

4
И рече Моисей сыном Израилтеским сотворити Пасху.

Числ.9:4  с толкованием

5
И сотвориша Пасху, начинающуся первому месяцу в четвертыйнадесять день в пустыни Синайстей: якоже повеле Господь Моисею, тако сотвориша сынове Израилевы.

Числ.9:5  с толкованием

6
И приидоша мужие, иже бяху нечисти о души человечи, и не можаху сотворити Пасхи в той день: и приидоша пред Моисеа и Аарона в той день.

Числ.9:6  с толкованием

7
И рекоша мужие Онии к нему: мы нечисти есмы о души человечи: еда убо лишимся принести дар Господу во время свое посреде сынов Израилевых?

Числ.9:7  с толкованием

8
И рече Моисей к ним: станите ту, да яслышу, что повелит Господь о вас.

Числ.9:8  с толкованием

9
И рече Господь к Моисею, глаголя:

Числ.9:9  с толкованием

10
рцы сыном Израилевым, глаголя: человек человек, иже аще будет нечист о души человечи, или на пути далече, или в вас, или в родех ваших, и да сотворит Пасху Господу,

Числ.9:10  с толкованием

11
в месяц вторый, в четвертыйнадесять день (месяца) к вечеру да сотворят ю, со опресноки и с горьким зелием да снедят ю:

Числ.9:11  с толкованием

12
да не оставят от нея на утрие, и кости да не сокрушат от нея, по всему закону Пасхи да сотворят ю.

Числ.9:12  с толкованием

13
И человек, иже аще чист будет, и на пути далече несть, и оставит сотворити Пасху, потребится душа та от людий своих: яко дара Господви не принесе во время свое, грех свой приимет человек той.

Числ.9:13  с толкованием

14
Аще же приидет к вам пришлец в землю вашу и сотворит Пасху Господу, по закону Пасхи и по чину ея, тако сотворит ю: закон един да будет вам и пришелцу и туземцу.

Числ.9:14  с толкованием

15
И в день, в оньже поставися скиния, покры облак скинию и дом свидения: от вечера же бяше над скиниею аки вид огнен до заутрия:

Числ.9:15  с толкованием

16
тако бываше всегда: облак покрываше ю в день, и вид огнен нощию:,

Числ.9:16  с толкованием

17
и егда восхождаше облак от скинии, и по сих воздвизахуся сынове Израилтестии: и на месте, на немже стояше облак, тамо ополчахуся сынове Израилевы.

Числ.9:17  с толкованием

18
По повелению Господню да ополчаются сынове Израилевы и повелением Господним да воздвизаются: во вся дни, в няже осеняет облак над скиниею, да ополчаются сынове Израилевы:

Числ.9:18  с толкованием

19
и егда премедлит облак над скиниею дни многи, да стрегут сынове Израилтестии стражу Господню и да не воздвижутся:

Числ.9:19  с толкованием

20
и будет егда покрыет облак дни числа над скиниею, глаголголом Господним да ополчаются и повелением Господним да воздвижутся:

Числ.9:20  с толкованием

21
и будет егда пребудет облак от вечера до заутрия, и аще воздвигнется облак заутра, да воздвигнутся днем или нощию,

Числ.9:21  с толкованием

22
и аще воздвигнется облак, да пойдут: или день или месяц дний умножит облак осеняющь над нею, да ополчатся сынове Израилевы, и да не воздвизаются: во отступлении его, воздвизахуся:

Числ.9:22  с толкованием

23
яко повелением Господним да ополчаются и повелением Господним да воздвизаются: стражу Господню стрежаху по повелению Господню рукою Моисеовою.

Числ.9:23  с толкованием

Глава 
10

Числ.10  с толкованием

1
И рече Господь к Моисею, глаголя:

Числ.10:1  с толкованием

2
сотвори себе две трубы сребряны: кованы сотвориши я, и будут тебе на созвание сонма и возставляти полки:

Числ.10:2  с толкованием

3
и да вострубиши ими, и да соберется к тебе весь сонм пред двери скинии свидения

Числ.10:3  с толкованием

4
аще же единою трубою вострубят, да приидут к тебе вси князи и тысященачалники Израилтестии:

Числ.10:4  с толкованием

5
и вострубите в знамение, и воздвигнутся полцы ополчающиися на востоки:

Числ.10:5  с толкованием

6
и вострубите в знамение второе, и воздвигнутся полцы ополчающиися от юга: и вострубите в знамение третие, и да воздвигнутся полцы ополчающиися от моря: и вострубите в знамение четвертое, и воздвигнутся полцы ополчающиися от севера: знамением да вострубят в воздвижение их.

Числ.10:6  с толкованием

7
И егда соберете сонм, вострубите, не в знамение.

Числ.10:7  с толкованием

8
И сынове Аарони жерцы да вострубят трубами: и да будет вам законно вечно в роды вашя.

Числ.10:8  с толкованием

9
Аще же изыдете на брань в земли вашей к супостатом супротивящымся вам, и вострубите и назнаменуйте трубами, и воспомянетеся пред Господем и избавитеся от враг ваших.

Числ.10:9  с толкованием

10
И во днех веселия вашего и в праздницех ваших и в новомесячиих ваших вострубите трубами на всесожжения и на жертвы спасений ваших, и будет вам воспоминание пред Богом вашим: Аз Господь Бог ваш.

Числ.10:10  с толкованием

11
И бысть во второе лето, во вторый месяц, в двадесятый месяца, вознесеся облак от скинии свидения,

Числ.10:11  с толкованием

12
и воздвигошася сынове Израилевы со имениями своими от пустыни Синайския, и ста облак в пустыни Фарани.

Числ.10:12  с толкованием

13
И воздвигошася первии по гласу Господню рукою Моисеовою:

Числ.10:13  с толкованием

14
и воздвигоша знамя полка сынов Иудиных первии с силою своею: и над силою их Наассон сын Аминадавль:

Числ.10:14  с толкованием

15
и над силою племене сынов Иссахаровых Нафанаил сын Согаров:

Числ.10:15  с толкованием

16
и над силою племене сынов Завулоних Елиав сын Хелонь.

Числ.10:16  с толкованием

17
И сложиша скинию, и воздвигоша сынове Гирсони и сынове Мерарины, носящии скинию.

Числ.10:17  с толкованием

18
И воздвигоша знамя полка Рувимля с силою своею: и над силою их Елисур сын Седиуров:

Числ.10:18  с толкованием

19
и над силою племене сынов Симеоних Саламиил сын Сурисадаев:

Числ.10:19  с толкованием

20
и над силою племене сынов Гадовых Елисаф сын Рагуилев:

Числ.10:20  с толкованием

21
и воздвигошася сынове Каафовы, воздвизающии святая: и поставиша скинию, дондеже приидоша.

Числ.10:21  с толкованием

22
И воздвигоша знамя полка Ефремля с силою своею: и над силою их Елисама сын Емиудов:

Числ.10:22  с толкованием

23
и над силою племене сынов Манассииных Гамалиил сын Фадассуров:

Числ.10:23  с толкованием

24
и над силою племене сынов Вениаминих Авидан сын Гадеонин.

Числ.10:24  с толкованием

25
И воздвигоша знамя полка сынов Дановых, последнии всех полков с силою своею: и над силою их Ахиезер сын Амисадаев:

Числ.10:25  с толкованием

26
и над силою племене сынов Асировых Фагаиил сын Ехрань:

Числ.10:26  с толкованием

27
и над силою племене сынов Неффалимлих Ахирей сын Енань.

Числ.10:27  с толкованием

28
Сии полцы сынов Израилевых, и воздвигошася с силою своею.

Числ.10:28  с толкованием

29
И рече Моисей Иоваву сыну Рагуилеву Мадианитину, тестю Моисеову: воздвизаемся мы на место, о немже Господь рече: сие дам вам: пойди с нами, и сотворим тебе добро, яко Господь добрая глагола о Израили.

Числ.10:29  с толкованием

30
И отвеща к нему: не пойду, но в землю мою и в род мой иду.

Числ.10:30  с толкованием

31
И рече: не остави нас, понеже был еси с нами в пустыни, и будеши в нас старейшина:

Числ.10:31  с толкованием

32
и будет аще пойдеши с нами, и будут благая оная, елика благосотворит Господь нам, благосотворим и тебе.

Числ.10:32  с толкованием

33
И отидоша от горы Господни в путь трех дний: и кивот завета Господня предидяше пред ними в путь трех дний, соглядати им стана.

Числ.10:33  с толкованием

34
И бысть егда воздвизаху кивот, и рече Моисей: востани, Господи, и да разсыплются врази Твои, и да бежат вси ненавидящии Тебе.

Числ.10:34  с толкованием

35
И в поставлении (кивота) рече: возвращай, Господи, тысящы тем во Израили.

Числ.10:35  с толкованием

36
И облак Господнь бысть осеняющь над ними в день, егда воздвизахуся из полка.

Числ.10:36  с толкованием

Глава 
11

Числ.11  с толкованием

1
И быша людие ропщуще злая пред Господем: и слыша Господь и разгневася гневом, и разгореся в них огнь от Господа и потреби часть некую от полка.

Числ.11:1  с толкованием

2
И возопиша людие к Моисею: и помолися Моисей к Господу, и преста огнь.

Числ.11:2  с толкованием

3
И прозвася имя месту тому Запаление: яко разгореся в них огнь от Господа.

Числ.11:3  с толкованием

4
И общий народ иже в них похотеша похотением: и седше плакахуся сынове Израилевы и рекоша: кто ны напитает мясы?

Числ.11:4  с толкованием

5
Помянухом рыбы, яже ядохом в земли Египетстей туне, и огурцы и дыни, лук и червленый лук и чеснок:

Числ.11:5  с толкованием

6
ныне же душа наша изсохла, ничтоже точию манна пред очима нашима.

Числ.11:6  с толкованием

7
Манна же бяше аки семя кориандрово, и вид ея яко вид кристалла:

Числ.11:7  с толкованием

8
и исхождаху людие и собираху, и меляху в жерновах и толцаху в ступах, и варяху в горшках и творяху из нея потребники: и бяше вкус ея, яко вкус муки пряжены с елеем:

Числ.11:8  с толкованием

9
и егда схождаше роса на полк нощию, схождаше манна нань.

Числ.11:9  с толкованием

10
И услыша Моисей плачущихся их в сонмех своих, коегождо их пред своими дверми: и разгневася Господь гневом зело, и пред Моисеом бяше зло.

Числ.11:10  с толкованием

11
И рече Моисей ко Господу: вскую озлобил еси раба Твоего? И почто не обретох благодати пред Тобою, еже возложити устремление людий сих на мя?

Числ.11:11  с толкованием

12
Еда аз во утробе зачах вся люди сия? Или аз родих я? Яко глаголеши ми: возми их в недра твоя, якоже доилица носит доимыя, в землю, еюже клялся еси отцем их:

Числ.11:12  с толкованием

13
откуду мне мяса дати всем людем сим? Яко плачут на мя, глаголюще: даждь нам мяса, да ядим:

Числ.11:13  с толкованием

14
не возмогу аз един водити людий сих, яко тяжко мне есть слово сие:

Числ.11:14  с толкованием

15
аще же тако Ты твориши мне, то убий мя убиением, аще обретох благодать пред Тобою, да не вижу озлобления моего.

Числ.11:15  с толкованием

16
И рече Господь к Моисею: собери Ми седмьдесят мужей от старец Израилевых, ихже ты сам веси, яко тии суть старцы людстии и книгочия их: и да приведеши я ко скинии свидения, и да станут тамо с тобою:

Числ.11:16  с толкованием

17
и сниду и возглаголю тамо с тобою, и уйму от Духа, иже в тебе, и возложу на ня: да подимут с тобою устремление людий, и не будеши водити их ты един:

Числ.11:17  с толкованием

18
и людем речеши: очиститеся наутрие, и снесте мяса, яко плакастеся пред Господем, глаголюще: кто ны напитает мясы? Яко добро нам бысть во Египте: и даст Господь вам мяса ясти, и снесте мяса:

Числ.11:18  с толкованием

19
не един день ясти будете, ни два, ни пять дний, ни десять дний, ниже двадесять дний:

Числ.11:19  с толкованием

20
до месяца дний ясти будете, дондеже изыдет из ноздрий ваших: и будет вам в мерзость, яко не покористеся Господу, Иже есть в вас, и плакастеся пред Ним, глаголюще: вскую бе нам изыти из Египта?

Числ.11:20  с толкованием

21
И рече Моисей: шесть сот тысящ пеших людий, в нихже Аз есмь, и Ты рекл еси: мяса им дам ясти, и будут ясти месяц дний:

Числ.11:21  с толкованием

22
еда овцы и волы заколются им, и доволно будет им? Или вся рыбы морския соберутся им, и доволно будет им?

Числ.11:22  с толкованием

23
И рече Господь к Моисею: еда рука Господня не доволна будет? Ныне уразумееши, аще постигнет тя слово Мое, или ни.

Числ.11:23  с толкованием

24
И изыде Моисей и глагола людем словеса Господня: и собра седмьдесят мужей от старец людских, и постави я окрест скинии.

Числ.11:24  с толкованием

25
И сниде Господь во облаце и глагола к нему: и уя от Духа, иже на нем, и возложи на седмьдесят мужей старец: егда же препочи Дух на них, и пророчествоваша, и ктому не приложиша.

Числ.11:25  с толкованием

26
И осташася два мужа в полце: имя единому Елдад, и имя второму Модад: и препочи на них Дух. И сии беша от вписанных, и не приидоша ко скинии, и пророчествоваша в полце.

Числ.11:26  с толкованием

27
И притек юноша возвести Моисею, и рече, глаголя: Елдад и Модад пророчествуют в полцех.

Числ.11:27  с толкованием

28
И отвещав Иисус Навин, предстояй Моисею избранный ему, рече господи мой Моисею, запрети им.

Числ.11:28  с толкованием

29
И рече ему Моисей: еда ревнуеши ты мне? И кто даст всем людем Господним (быти) пророки, егда даст Господь Духа Своего на них?

Числ.11:29  с толкованием

30
И иде Моисей в полк сам и старцы Израилтестии.

Числ.11:30  с толкованием

31
И дух изыде от Господа, и изведе крастели из моря и наведе на полк день ходу отсюду и день ходу отонуду, окрест полка яко на два лактя от земли.

Числ.11:31  с толкованием

32
И воставше людие весь день и всю нощь, и весь день наутрие, и собраша крастели: иже мало, собра десять спуд: и иссушиша себе сушаницы окрест полка.

Числ.11:32  с толкованием

33
И мяса бяху им еще в зубех их, прежде оскудения, и Господь разгневася зело на люди, и порази Господь люди язвою великою зело:

Числ.11:33  с толкованием

34
и прозвася имя месту тому Гробы Похотения: яко тамо погребоша людий похотевших.

Числ.11:34  с толкованием

35
(И) воздвигошася людие от Гробов Похотения во Асироф, и быша людие во Асирофе.

Числ.11:35  с толкованием

Глава 
12

Числ.12  с толкованием

1
И возглаголаста Мариам и Аарон на Моисеа жены ради Ефиопляныни, юже поя Моисей, ибо жену поя Ефиопляныню,

Числ.12:1  с толкованием

2
и рекоста: еда Моисею единому глагола Господь? Еда и нам не глаголаше? И услыша Господь.

Числ.12:2  с толкованием

3
И человек Моисей кроток зело паче всех человек сущих на земли.

Числ.12:3  с толкованием

4
И рече Господь внезапу к Моисею и Аарону и Мариаме: изыдите вы трие в скинию свидения.

Числ.12:4  с толкованием

5
И изыдоша трие в скинию свидения. И сниде Господь в столпе облачне ста над дверми скинии свидения: и призва Аарона и Мариам. И изыдоста оба.

Числ.12:5  с толкованием

6
И рече к ним: послушайте словес Моих: аще будет в вас пророк Господнь, в видении ему познаюся, и во сне возглаголю ему:

Числ.12:6  с толкованием

7
не тако якоже раб Мой Моисей, во всем дому Моем верен есть:

Числ.12:7  с толкованием

8
усты ко устом возглаголю ему яве, и не гаданием, и славу Господню виде: и почто не убоястеся глаголати на раба Моего Моисеа?

Числ.12:8  с толкованием

9
И гнев ярости Господни (бысть) на них. И отиде.

Числ.12:9  с толкованием

10
И облак отступи от скинии, и се, Мариам прокажена бысть яко снег: и воззре Аарон на Мариам, и се, прокажена.

Числ.12:10  с толкованием

11
И рече Аарон к Моисею: молю тя, господи, не возлагай на ны греха, понеже не ведяхом, яко согрешихом:

Числ.12:11  с толкованием

12
да не будет сия яко мертва, яко изверг извержен из ложесн матерних, и (се, уже) пояде пол плоти ея.

Числ.12:12  с толкованием

13
И возопи Моисей ко Господу, глаголя: Боже, молютися, исцели ю.

Числ.12:13  с толкованием

14
И рече Господь к Моисею: аще бы отец ея плюя заплевал в лице ея, не посрамится ли седмь дний? Да отлучится седмь дний вне полка, и по сих да внидет.

Числ.12:14  с толкованием

15
И отлучися Мариам вне полка на седмь дний: и людие не воздвигошася, дондеже очистися Мариам.

Числ.12:15  с толкованием

Глава 
13

Числ.13  с толкованием

1
И по сих воздвигошася людие от Асирофа и ополчишася в пустыни Фарани.

Числ.13:1  с толкованием

2
И рече Господь к Моисею, глаголя:

Числ.13:2  с толкованием

3
посли от себе мужы, и да соглядают землю Ханаанску, юже Аз даю сыном Израилевым во одержание: мужа единаго от племене, по сонмом отечеств их, да послеши их всякаго старейшину от них.

Числ.13:3  с толкованием

4
И посла я Моисей от пустыни Фарани глаголголом Господним: вси мужи старейшины сынов Израилевых сии, и сия имена их:

Числ.13:4  с толкованием

5
от племене Рувимля Самуил сын Закхуров:

Числ.13:5  с толкованием

6
от племене Симеоня Сафат сын Сурин:

Числ.13:6  с толкованием

7
от племене Иудина Халев сын Иефонниин:

Числ.13:7  с толкованием

8
от племене Иссахаря Игал сын Иосифль:

Числ.13:8  с толкованием

9
от племене Ефремля Авсис сын Навин:

Числ.13:9  с толкованием

10
от племене Вениаминя Фалтий сын Рафуов:

Числ.13:10  с толкованием

11
от племене Завулоня Гудиил сын Судин:

Числ.13:11  с толкованием

12
от племене Иосифля сынов Манассииных Гадди сын Сусин:

Числ.13:12  с толкованием

13
от племене Данова Амиил сын Гамалин:

Числ.13:13  с толкованием

14
от племене Асирова Сафур сын Михаиль:

Числ.13:14  с толкованием

15
от племене Неффалимля Навий сын Савинь:

Числ.13:15  с толкованием

16
от племене Гадова Гудиил сын Махииль.

Числ.13:16  с толкованием

17
Сия имена мужей, ихже посла Моисей соглядати землю: и прозва Моисей Авсиа сына Навина Иисус.

Числ.13:17  с толкованием

18
И посла я Моисей от пустыни Фарани соглядати земли Ханаанския, и рече к ним: взыдите пустынею сею, и взыдете на гору.

Числ.13:18  с толкованием

19
И узрите землю, какова есть, и люди седящыя на ней, аще сильни суть, или немощни, мало ли их есть, или много?

Числ.13:19  с толкованием

20
И какова земля, на нейже сии седят, добра ли есть, или зла? И какови гради, в нихже живут сии, ограждени ли суть, или не ограждени?

Числ.13:20  с толкованием

21
И какова земля, изюбилна ли, или не изюбилна? Суть ли на ней древеса, или ни? И укрепившеся, возмите от плодов земли. Дние же бяху весенни, предваряющии ягоды.

Числ.13:21  с толкованием

22
И шедше соглядаша землю от пустыни Син даже да Роова, до входов Емаф.

Числ.13:22  с толкованием

23
И идоша по пустыни, и приидоша до Хеврона: и тамо (живяше) Ахиман и Сессий и Феламин, роды Енаковы: и Хеврон создася седмию леты прежде Танина (града) Египетскаго.

Числ.13:23  с толкованием

24
И приидоша до дебри Гроздныя, и соглядаша ю: и урезаша оттуду ветвь, и грозд винограда един на ней, и воздвигоша ю на жердь, и от шипков, и от смоквей.

Числ.13:24  с толкованием

25
И место оно назваша дебрь Гроздная, грозда ради, егоже урезаша оттуду сынове Израилтестии.

Числ.13:25  с толкованием

26
И возвратишася оттуду, соглядавше землю по четыредесяти днех.

Числ.13:26  с толкованием

27
И ходивше приидоша к Моисею и Аарону и ко всему сонму сынов Израилевых в пустыню Фараню в Кадис: и поведаша им слово и всему сонму, и показаша им плод земный.,

Числ.13:27  с толкованием

28
и поведаша ему, и рекоша: ходихом на землю, на нюже посылал еси нас, на землю кипящую млеком и медом, и сий плод ея:

Числ.13:28  с толкованием

29
кроме яко людие сильни зело, иже на ней живут, и гради утверждени ограждением велицы зело, и род Енаков видехом тамо:

Числ.13:29  с толкованием

30
и Амалик живет в земли к югу: и Хеттей и Евей, и Иевусей и Аморрей живут в горах: и Хананей живет при мори и при Иордане реце.

Числ.13:30  с толкованием

31
И утиши Халев люди пред Моисеом, и рече ему: никакоже, на восходя взыдем и приимем ю в наследие, яко сильни есмы преодолети им.

Числ.13:31  с толкованием

32
И человецы ходившии с ним рекоша: не идем, яко не можем изыти противу языку (сему), яко крепльший есть паче нас.

Числ.13:32  с толкованием

33
И изнесоша ужас земли, юже соглядаша, к сыном Израилевым, глаголюще: землю юже проидохом соглядающе, земля есть поядающи живущыя на ней, и вси люди, ихже видехом на ней, мужи превысоцыи:

Числ.13:33  с толкованием

34
и тамо видехом исполины, сыны Енаковы, и бехом пред ними яко прузи, и тако бехом пред ними.

Числ.13:34  с толкованием

Глава 
14

Числ.14  с толкованием

1
И взем весь сонм, даде глас: и плакахуся людие всю нощь ту:

Числ.14:1  с толкованием

2
и роптаху на Моисеа и Аарона вси сынове Израилтестии, и рекоша к ним весь сонм:

Числ.14:2  с толкованием

3
о дабы умерли быхом в земли Египетстей, или в пустыни сей да быхом умерли: и вскую вводит нас Господь в землю сию, еже пасти на брани? Жены нашя и дети наша будут в разграбление: ныне убо лучше есть нам возвратитися во Египет.

Числ.14:3  с толкованием

4
И рече друг ко другу: поставим себе старейшину, и возвратимся бо Египет.

Числ.14:4  с толкованием

5
И падоста Моисей и Аарон ниц пред всем сонмом сынов Израилевых.

Числ.14:5  с толкованием

6
Иисус же сын Навин и Халев сын Иефонниин от соглядавших землю, растерзаста ризы своя.

Числ.14:6  с толкованием

7
И рекоста ко всему сонму сынов Израилевых, глаголюще: земля, юже соглядахом, добра есть зело зело:

Числ.14:7  с толкованием

8
аще любит нас Господь, введет нас в землю ту и даст ю нам: земля же есть кипящая медом и млеком:

Числ.14:8  с толкованием

9
но от Господа не будите отступницы: вы же не убойтеся людий земли тоя, понеже в снедь нам есть: отступило бо время от них, Господь же с нами: не убойтеся их.

Числ.14:9  с толкованием

10
И рече весь сонм побити их камением: и слава Господня явися во облаце над скиниею свидения всем сыном Израилевым.

Числ.14:10  с толкованием

11
И рече Господь к Моисею: доколе преогорчевают Мя людие сии? И доколе не веруют Мне во всех знамениих, яже сотворих в них?

Числ.14:11  с толкованием

12
Поражу их смертию и погублю их: и сотворю тя и дом отца твоего в язык велик и мног паче нежели сей.

Числ.14:12  с толкованием

13
И рече Моисей ко Господу: иуслышат Египтяне, яко возвел еси крепостию Твоею люди Твоя сия от них:

Числ.14:13  с толкованием

14
но и вси живущии на земли сей слышаша, яко Ты еси Господь в людех сих, иже очима ко очесем являешися, Господи, и облак Твой ста над ними, и столпом облачным идеши Ты пред ними в день, и столпом огненным в нощи:

Числ.14:14  с толкованием

15
и потребиши люди сия аки единаго человека: и рекут вси языцы, елицы слышаша имя Твое, глаголюще:

Числ.14:15  с толкованием

16
занеже не возможе Господь людий Своих ввести в землю, о нейже клятся им, погуби их в пустыни:

Числ.14:16  с толкованием

17
и ныне да вознесется рука Твоя, Господи, якоже рекл еси, глаголя:

Числ.14:17  с толкованием

18
Господь долготерпелив и многомилостив и истинен, отемляй беззакония и неправды и грехи, и очищением не очистит повиннаго, отдая грехи отцев на чада, до третияго и четвертаго рода:

Числ.14:18  с толкованием

19
остави грех людем сим по велицей милости Твоей, якоже милостив был еси им от Египта даже до ныне.

Числ.14:19  с толкованием

20
И рече Господь к Моисею: милостив им есмь по словеси твоему:

Числ.14:20  с толкованием

21
но живу Аз, и присно живет имя Мое, и наполнит слава Господня всю землю:

Числ.14:21  с толкованием

22
яко вси мужие видящии славу Мою и знамения, яже сотворих во Египте и в пустыни сей, и искусиша Мя, се, десятое, и не послушаша гласа Моего,

Числ.14:22  с толкованием

23
истинно не узрят земли, еюже кляхся отцем их: разве чадом их, яже суть со Мною зде, иже не ведят добра и зла, всяк юноша не ведый, сим дам землю: вси же разгневавшии Мя не узрят ю:

Числ.14:23  с толкованием

24
раб же Мой Халев, яко бысть дух ин в нем, и возследова Мне, введу его в землю, в нюже ходил тамо, и семя его наследит ю:

Числ.14:24  с толкованием

25
Амалик же и Хананей живут во юдоли: утре возвратитеся и подвигнитеся вы в пустыню путем моря Чермнаго.

Числ.14:25  с толкованием

26
И рече Господь к Моисею и Аарону, глаголя:

Числ.14:26  с толкованием

27
доколе сонм сей злый? Яже они ропщут противу Мне, роптание сынов Израилевых, имже возропташа о вас, слышах:

Числ.14:27  с толкованием

28
рцы им: живу Аз, глаголет Господь: истинно, якоже глаголасте во ушы Мои, тако сотворю вам:

Числ.14:28  с толкованием

29
в пустыни сей падут телеса ваша, и все соглядание ваше, и сочтения ваша, от двадесяти лет и вышше, елицы ропташа на Мя:

Числ.14:29  с толкованием

30
аще вы внидете в землю, на нюже прострох руку Мою, вселити вас на ней, разве Халев сын Иефонниин и Иисус сын Навин:

Числ.14:30  с толкованием

31
и чада ваша, ихже ресте в разграблении быти, введу Я в землю, и наследят землю, от неяже вы отвергостеся:

Числ.14:31  с толкованием

32
и телеса ваша падут в пустыни сей:

Числ.14:32  с толкованием

33
сынове же ваши пасоми будут в пустыни четыредесять лет, и носити имут блужение ваше, дондеже потребятся телеса ваша в пустыни:

Числ.14:33  с толкованием

34
по числу дний, в нихже соглядасте землю, четыредесять дний, за день лето целое, понесете грехи вашя четыредесять лет, и увесте ярость гнева Моего:

Числ.14:34  с толкованием

35
Аз Господь глаголах вам: истинно тако сотворю сонму сему злому, воставшему на Мя: в пустыни сей потребятся, и тамо измрут.

Числ.14:35  с толкованием

36
И мужие, ихже посыла Моисей соглядати землю, и пришедше возропташа на ню к сонму, еже бы изнести словеса зла о земли,

Числ.14:36  с толкованием

37
и изомроша мужи, глаголавшии о земли зло, язвою пред Господем:

Числ.14:37  с толкованием

38
и Иисус сын Навин и Халев сын Иефонниин живы остастася от мужей тех ходивших соглядати землю.

Числ.14:38  с толкованием

39
И глагола Моисей словеса сия ко всем сыном Израилевым: и восплакашася людие зело,

Числ.14:39  с толкованием

40
и воставше заутра, взыдоша на верх горы, глаголюще: се, мы взыдем на место, еже рече Господь, яко согрешихом.

Числ.14:40  с толкованием

41
И рече Моисей: вскую вы преступаете слово Господне? Не благопоспешно будет вам:

Числ.14:41  с толкованием

42
не восходите: несть бо Господь с вами: и падете пред лицем враг ваших:

Числ.14:42  с толкованием

43
зане Амалик и Хананей тамо пред вами, и падете мечем, понеже отвратистеся, не покаряющеся Господу, и не будет Господь с вами.

Числ.14:43  с толкованием

44
И понудившеся взыдоша на верх горы: кивот же завета Господня и Моисей не двигнушася из среды полка.

Числ.14:44  с толкованием

45
И сниде Амалик и Хананей седяй в горе той, и сотроша их, и изсекоша их даже до Ермана: и возвратишася в полк.

Числ.14:45  с толкованием

Глава 
15

Числ.15  с толкованием

1
И рече Господь к Моисею, глаголя:

Числ.15:1  с толкованием

2
глаголи сыном Израилевым и речеши к ним: егда внидете в землю вселения вашего, юже Аз даю вам,

Числ.15:2  с толкованием

3
и сотворите принос Господу во всесожжение или жертву, еже возвеличити мольбу, или благовольну, или в праздники вашя в воню благовония Господу, аще убо от волов, или от овец:

Числ.15:3  с толкованием

4
и да принесет приносяй дар свой Господу жертву, муки пшеничны десятую часть ефи (меры), вмешены в елей четвертыя части ина (меры):

Числ.15:4  с толкованием

5
и вина на возлияние четвертую часть ина сотворите во всесожжение или в жертву: агнцу единому да сотвориши толико, принос воню благовония Господу.

Числ.15:5  с толкованием

6
И овну, егда творите его во всесожжение или в жертву, да сотвориши жертву муки пшеничны две десятины вмешаны в елеи, третию часть ина (меры):

Числ.15:6  с толкованием

7
и вина на возлияние третию часть ина принесете в воню благовония Господу.

Числ.15:7  с толкованием

8
Аще же творите от волов во всесожжение или в жертву, еже возвеличити мольбу, или во спасителное Господу,

Числ.15:8  с толкованием

9
и принесет с телцем принос муки пшеничны три десятины вмешаны в елей, пол ина (меры):

Числ.15:9  с толкованием

10
и вина на возлияние пол ина (меры), принос в воню благовония Господу.

Числ.15:10  с толкованием

11
Тако да сотвориши телцу единому, или овну единому, или агнцу единому от овец или от коз:

Числ.15:11  с толкованием

12
по числу их, яже аще сотворите, тако сотворите единому по числу их.

Числ.15:12  с толкованием

13
Всяк туземец да сотворит тако сицевая принести приношения в воню благовония Господу:

Числ.15:13  с толкованием

14
аще же пришлец в вас прибудет в земли вашей, или иже аще будет в вас в родех ваших, и сотворит принос в воню благовония Господу, якоже творите вы, тако да сотворит.

Числ.15:14  с толкованием

15
Сонме Господнь, закон един да будет вам и пришелцем прилежащым в вас, закон вечный в роды вашя: якоже вы, (тако) и пришлец да будет пред Господем:

Числ.15:15  с толкованием

16
закон един да будет и оправдание едино да будет вам и пришелцу прилежащему в вас.

Числ.15:16  с толкованием

17
И рече Господь к Моисею, глаголя:

Числ.15:17  с толкованием

18
глаголи сыном Израилевым и речеши к ним: егда внидете в землю, в нюже Аз ввожду вас тамо,

Числ.15:18  с толкованием

19
и будет егда ясте от хлебов земли (тоя), отложите участие во отделение Господу: начаток теста вашего,

Числ.15:19  с толкованием

20
хлеб отлучите участие оное: якоже участие от гумна,

Числ.15:20  с толкованием

21
тако отделите той хлеб, начаток теста вашего, и дадите Господу участие в роды вашя.

Числ.15:21  с толкованием

22
Егда же согрешите и не сотворите всех заповедий сих, ихже глагола Господь Моисею,

Числ.15:22  с толкованием

23
якоже повеле Господь Бог к вам рукою Моисеовою, от дне в оньже повеле Господь к вам, и потом в роды вашя,

Числ.15:23  с толкованием

24
и будет аще от очес сонма сотворится неволею, и да сотворит весь сонм телца единаго непорочна от волов во всесожжение, в воню благовония Господу, и жертву сего, и возлияние его по уставлению, и козла единаго от коз греха ради:

Числ.15:24  с толкованием

25
и да помолится жрец от всем сонме сынов Израилевых, и оставится им, яко нехотение есть: и сии принесоша дар свой, принесение Господу греха ради своего пред Господем, нехотений ради своих,

Числ.15:25  с толкованием

26
и оставится всему сонму сынов Израилевых и пришелцу прилежащему в вас, яко всем людем нехотенное.

Числ.15:26  с толкованием

27
Аще же душа едина не хотящи согрешит, да приведет козу едину единолетну греха ради:

Числ.15:27  с толкованием

28
и да помолится жрец о души нехотевшей и согрешшей нехотением пред Господем, и да помолится о ней, и оставится ей.

Числ.15:28  с толкованием

29
Населнику (земли) сынов Израилевых и пришелцу прилежащему в них, закон един да будет им, иже аще сотворит не хотящь.

Числ.15:29  с толкованием

30
И душа яже сотворит рукою гордости от туземец или от пришелцев, Бога сия разгневает, и потребится душа та от людий своих:

Числ.15:30  с толкованием

31
яко слово Господне презре и заповеди Его разсыпа, сотрением да сотрется душа та: и грех ея на ней.

Числ.15:31  с толкованием

32
И бяху сынове Израилевы в пустыни, и обретоша мужа собирающа дрова в день субботный,

Числ.15:32  с толкованием

33
и приведоша его обретшии собирающа дрова в день субботный к Моисею и Аарону и ко всему сонму сынов Израилевых,

Числ.15:33  с толкованием

34
и ввергоша его в темницу: не совещаша бо, что сотворят ему.

Числ.15:34  с толкованием

35
И рече Господь к Моисею, глаголя: смертию да умрет человек сей, да побиете его камением весь сонм вне полка.

Числ.15:35  с толкованием

36
И изведоша его весь сонм вне полка, и побиша его камением весь сонм вне полка, якоже глагола Господь Моисею.

Числ.15:36  с толкованием

37
И рече Господь к Моисею, глаголя:

Числ.15:37  с толкованием

38
глаголи сыном Израилевым и речеши им: и да сотворят себе рясны на воскрилиих риз своих в роды своя: и возложите на рясны воскрилий прядение синее,

Числ.15:38  с толкованием

39
и будет вам на ряснах: и узрите их, и воспомянете вся заповеди Господни и сотворите я, и не развратитеся вслед мыслей своих и вслед очес ваших, имиже вы соблудисте вслед их:

Числ.15:39  с толкованием

40
яко да помянете и сотворите вся заповеди Моя, и будете святи Богу вашему:

Числ.15:40  с толкованием

41
Аз Господь Бог ваш, изведый вас из земли Египетския, быти вам Бог: Аз Господь Бог ваш.

Числ.15:41  с толкованием

Глава 
16

Числ.16  с толкованием

1
И глагола Корей, сын Иссаара сына Каафа сына Левиина, и Дафан и Авирон, сынове Елиавли, и Авнан сын Фалефа сына Рувимля:

Числ.16:1  с толкованием

2
и восташа на Моисеа, и мужи сынов Израилевых двести и пятьдесят началницы сонма, сигклитики совета и мужи именити.

Числ.16:2  с толкованием

3
Совосташа на Моисеа и Аарона и реша к ним: довлеет вам, яко весь сонм вси святи, и в них Господь: и чесо ради востаете на сонм Господнь?

Числ.16:3  с толкованием

4
И слышав Моисей, паде ниц.

Числ.16:4  с толкованием

5
И глагола к Корею и ко всему сонму его, глаголя: согляда и позна Господь сущих Его и святых, и приведе к Себе: и ихже не избра Себе, не приведе к себе:

Числ.16:5  с толкованием

6
сие сотворите: возмите себе сами кадилники, Корей и весь сонм его,

Числ.16:6  с толкованием

7
и вложите огнь в ня, и вложите в ня фимиам пред Господем утре: и будет муж, егоже аще изберет Господь, сей свят: да довлеют вам сынове Левиины.

Числ.16:7  с толкованием

8
И рече Моисей Корею: послушайте мене, сынове Левиини:

Числ.16:8  с толкованием

9
еда мало есть сие вам, яко отлучи вас Бог от сонма Израилева и приведе вас к Себе служити службы в скинии Господни и стояти пред сонмом Господним, еже служити им?

Числ.16:9  с толкованием

10
И приведе тя и всю братию твою, сыны Левиины с тобою, и просите священствовати?

Числ.16:10  с толкованием

11
Тако ты и весь сонм твой собравшийся на Бога: и Аарон кто есть, яко ропщете нань?

Числ.16:11  с толкованием

12
И посла Моисей призвати Дафана и Авирона, сыны Елиавли. И реша: не идем:

Числ.16:12  с толкованием

13
еда мало се, яко извел еси ны из земли кипящия млеком и медом, еже погубити нас в пустыни, яко владееши нами? Князь еси:

Числ.16:13  с толкованием

14
и ты ли в землю кипящую медом и млеком ввел еси нас и дал еси нам часть села и винограда? Очи человек тех изткнул еси: не идем.

Числ.16:14  с толкованием

15
И отягча Моисей гневом зело и рече к Господу: не внемли на жертву их: ни единаго похотения от них приях, ниже озлобих кого от них.

Числ.16:15  с толкованием

16
И рече Моисей к Корею: освяти сонм твой, и будите готови пред Господа ты и Аарон и они заутра:

Числ.16:16  с толкованием

17
и возмите кийждо кадилник свой, и возложите на ня фимиам, и принесите пред Господа кийждо кадилник свой, двести и пятьдесят кадилников, и ты и Аарон кийждо кадилник свой.

Числ.16:17  с толкованием

18
И взяша кийждо свой кадилник, и возложиша на ня огнь, и вложиша в ня фимиам, и сташа пред дверми скинии свидения Моисей и Аарон.

Числ.16:18  с толкованием

19
И собра на ня Корей весь сонм свой пред дверми скинии свидения: и явися слава Господня всему сонму.

Числ.16:19  с толкованием

20
И рече Господь к Моисею и Аарону, глаголя:

Числ.16:20  с толкованием

21
отступите кийждо от среды сонма сего, и потреблю Я абие.

Числ.16:21  с толкованием

22
И падоста на лица своя и рекоста: Боже, Боже духов и всякия плоти: аще человек един согреши, на весь ли сонм гнев Господнь?

Числ.16:22  с толкованием

23
И рече Господь к Моисею, глаголя:

Числ.16:23  с толкованием

24
рцы сонму, глаголя: отступите окрест от сонма Кореева и Дафаня и Авироня.

Числ.16:24  с толкованием

25
И воста Моисей, и иде к Дафану и Авирону: и идоша с ним вси старцы Израилтестии.

Числ.16:25  с толкованием

26
И рече к сонму, глаголя: отступите от кущ человек жестокосердых сих, и не прикоснитеся ко всем, елика суть им, да не погибнете купно во всем гресе их.

Числ.16:26  с толкованием

27
И отступиша от кущ Кореа и Дафана и Авирона окрест: Дафан же и Авирон изыдоста и стаста пред дверми кущ своих, и жены их, и дети их и имение их.

Числ.16:27  с толкованием

28
И рече Моисей: в сем познаете, яко Господь посла мя сотворити вся дела сия, яко не от себе (аз творю сия):

Числ.16:28  с толкованием

29
аще смертию всех людий умрут сии, и аще по присещению всех человек посещение будет их, то не Господь посла мене:

Числ.16:29  с толкованием

30
но явно покажет Господь, и отверзши земля уста своя пожрет я и домы их, и кущы их и вся, елика суть их, и снидут живи во ад, и уведите, яко разгневаша человецы сии Господа.

Числ.16:30  с толкованием

31
Егда же преста глаголя вся словеса сия, разседеся земля под ногами их:

Числ.16:31  с толкованием

32
и разверзеся земля, и пожре я и домы их, и вся люди сущыя с Кореом, и скоты их:

Числ.16:32  с толкованием

33
и снидоша тии, и вся, елика суть их, живи во ад, и покры их земля, и погибоша от среды сонма:

Числ.16:33  с толкованием

34
и весь Израиль, и иже окрест их, отбегоша от вопля их, зане рекоша, глаголюще: да не пожрет нас земля.

Числ.16:34  с толкованием

35
И огнь изыде от Господа и пояде двести и пятьдесят мужей принесших фимиам.

Числ.16:35  с толкованием

36
И рече Господь к Моисею.

Числ.16:36  с толкованием

37
И ко Елеазару сыну Ааронову жерцу: соберите кадилники медяныя от среды изгоревших, и огнь чуждий сей разсыплите тамо, яко освятишася кадилницы грешных сих в душах их:

Числ.16:37  с толкованием

38
и сотворите я дщицы кованы, обложение у олтаря, яко принесошася пред Господа и освятишася, и быша в знамение сыном Израилевым.

Числ.16:38  с толкованием

39
И взя Елеазар сын Аарона жерца кадилники медяныя, елики принесоша изгоревшии, и обложиша я во обложение олтаря,

Числ.16:39  с толкованием

40
в память сыном Израилевым яко да никтоже приидет иноплеменник, иже несть от семене Аароня, еже возложити фимиам пред Господем, и да не будет, якоже Корей и советницы его, якоже глагола ему Господь рукою Моисеовою.

Числ.16:40  с толкованием

41
И возропташа сынове Израилтестии на утрие на Моисеа и Аарона, глаголюще: вы избисте люди Господни.

Числ.16:41  с толкованием

42
И бысть егда нападе сонм на Моисеа и Аарона, и устремишася к скинии свидения:

Числ.16:42  с толкованием

43
и покры оную облак, и явися слава Господня: и вниде Моисей и Аарон пред скинию свидения.

Числ.16:43  с толкованием

44
И рече Господь к Моисею и Аарону, глаголя:

Числ.16:44  с толкованием

45
уступите от среды сонма сего и потреблю я единицею . И падоста на лица своя.

Числ.16:45  с толкованием

46
И рече Моисей ко Аарону: возми кадилник, и вложи в него огнь от олтаря, и возложи нань фимиам, и понеси скоро в полк, и помолися о них: изыде бо гнев от лица Господня, и нача губити люди.

Числ.16:46  с толкованием

47
И взя Аарон, якоже глагола ему Моисей, и тече в сонм, уже бо начася пагуба в людех: и возложи фимиам, и помолися о людех:

Числ.16:47  с толкованием

48
и ста между мертвыми и живыми, и преста пагуба.

Числ.16:48  с толкованием

49
И бысть умерших в пагубе четыренадесять тысящ и седмь сот кроме умерших Кореа ради.

Числ.16:49  с толкованием

50
И возвратися Аарон к Моисею, к дверем скинии свидения, и преста пагуба.

Числ.16:50  с толкованием

Глава 
17

Числ.17  с толкованием

1
И рече Господь к Моисею, глаголя:

Числ.17:1  с толкованием

2
глаголи сыном Израилевым, и возми от них но единому жезлу, жезл от всех князей их, по домом отечества их, дванадесять жезлов, имя же коегождо напиши на жезле его,

Числ.17:2  с толкованием

3
и имя Аароне напиши на жезле Левиине: есть бо жезл един: по племени дому отечеств своих да дадят:

Числ.17:3  с толкованием

4
и да положиши их в скинии свидения, прямо свидению, в нихже явлюся тебе ту:

Числ.17:4  с толкованием

5
и будет человек, егоже аще изберу, жезл его прозябнет: и отиму от мене роптание сынов Израилевых, елика сии ропщут на вы.

Числ.17:5  с толкованием

6
И глагола Моисей сыном Израилевым: и даша ему вси князи их по жезлу, князя единаго жезл, по княжению, по домом отечеств их, дванадесять жезлов: и жезл Ааронь посреде жезлов их.

Числ.17:6  с толкованием

7
И положи Моисей жезлы пред Господем в скинии свидения.

Числ.17:7  с толкованием

8
И бысть на утрие, и вниде Моисей и Аарон в скинию свидения: и се, прозябе жезл Ааронь в дому Левиине, и израсти ветвь, и процветоша цвети, и израсти орехи:

Числ.17:8  с толкованием

9
и изнесе Моисей вся жезлы от лица Господня ко всем сыном Израилевым: и видеша, и взя кийждо жезл свой.

Числ.17:9  с толкованием

10
И рече Господь к Моисею: отложи жезл Ааронь пред свидением в сохранение, в знамение сынов ослушливых: и да престанет роптание их от Мене, и не измрут.

Числ.17:10  с толкованием

11
И сотвори Моисей и Аарон, якоже повеле Господь Моисею, тако сотвориша.

Числ.17:11  с толкованием

12
И рекоша сынове Израилевы к Моисею, глаголюще: се, потребихомся, погибохом, исчезохом:

Числ.17:12  с толкованием

13
всяк прикасаяйся ко скинии свидения Господня умирает: даже до конца ли умирающе погибнем?

Числ.17:13  с толкованием

Глава 
18

Числ.18  с толкованием

1
И рече Господь ко Аарону, глаголя: ты и сынове твои, и дом отца твоего с тобою, возмите грехи святых, ты же и сынове твои возмите грехи жречества вашего:

Числ.18:1  с толкованием

2
и братию твою, племя Левиино, сонм отца твоего приведи к себе, и да приложатся к тебе, и да служат тебе, и ты и сынове твои с тобою пред скиниею свидения,

Числ.18:2  с толкованием

3
и да блюдут стражбы твоя и стражбы скинии: токмо к сосудом святым и ко олтарю да не приступают, да не измрут и сии, и вы:

Числ.18:3  с толкованием

4
и приложатся к тебе и да блюдут стражбы скинии свидения по всем службам скинии, и иноплеменник да не приступит к тебе,

Числ.18:4  с толкованием

5
и соблюдете стражбы святых и стражбы олтаря, и не будет ктому гнева на сынех Израилевых:

Числ.18:5  с толкованием

6
и Аз взях братию вашу левиты от среды сынов Израилевых в дар данный Господу служити службы скинии свидения.

Числ.18:6  с толкованием

7
И ты и сынове твои с тобою сохраните жречество ваше по всему образу олтаря, и еже внутрь завесы, и да служите службы в дар жречества вашего: и иноплеменник приступаяй умрет.

Числ.18:7  с толкованием

8
И рече Господь ко Аарону: и се, Аз дах вам снабдение начатков моих от всех освященных Мне от сынов Израилевых: тебе дах я в честь, и сыном твоим по тебе законно вечно:

Числ.18:8  с толкованием

9
и сие да будет вам от освященных святых приношений, от всех даров их и от всех жертв их, и от всякаго преступления их и от всех грех их, елика отдают Мне, от всех святынь, тебе да будут и сыном твоим.

Числ.18:9  с толкованием

10
Во святем святых ядите я: всяк мужеский пол да яст я, ты и сынове твои: свята будут тебе.

Числ.18:10  с толкованием

11
И сие да будет вам от начатков даяний их, от всех возложений сынов Израилевых: тебе дах я, и сыном твоим и дщерем твоим с тобою, законно вечно: всяк чистый в дому твоем да яст я.

Числ.18:11  с толкованием

12
Всяк начаток елеа, и всяк начаток вина и пшеницы, начаток их, елика аще отдадят Господу, тебе дах я: первородная вся елика в земли их, елика аще принесут Господу, тебе да будут:

Числ.18:12  с толкованием

13
всяк чистый в дому твоем да яст я.

Числ.18:13  с толкованием

14
Всяко освященное в сынех Израилевых тебе да будет,

Числ.18:14  с толкованием

15
и всякое разверзающее всяка ложесна от всякия плоти, елика приносят Господу, от человека до скота, тебе да будут: но токмо искуплением искупятся первенцы человечестии, и первенцы скотов нечистых да искупятся:

Числ.18:15  с толкованием

16
и искуп его от единаго месяца, сценение пять сикль, по сиклю святому: двадесять медниц есть:

Числ.18:16  с толкованием

17
обаче первородная телцев и первородная овец и первородная коз да не искупятся: свята суть: и кровь их пролиеши у олтаря, и тук принесеши принос в воню благовония Господу.

Числ.18:17  с толкованием

18
И мяса тебе да будут, якоже и груди возложения: и по раму десному тебе да будут.

Числ.18:18  с толкованием

19
Всяко участие святых, елика аще отлучат сынове Израилтестии Господу, тебе дах и сыном твоим и дщерем твоим с тобою, законно вечно: завет соли вечныя есть пред Господем, тебе и семени твоему по тебе.

Числ.18:19  с толкованием

20
И рече Господь ко Аарону: в земли их да не наследиши наследия, и части да не будет тебе в них: яко Аз часть твоя и наследие твое посреде сынов Израилевых.

Числ.18:20  с толкованием

21
И сыном Левииным, се, дах всю десятину во Израили в жребий за службы их, елико служат тии служение в скинии свидения:

Числ.18:21  с толкованием

22
и да не приступают по сем сынове Израилтестии к скинии свидения прияти грех смертоносный:

Числ.18:22  с толкованием

23
и да служат левити сами службу скинии свидения, и тии возмут грехи их: законно вечно в роды их: и посреде сынов Израилевых да не наследят наследия:

Числ.18:23  с толкованием

24
яко десятины сынов Израилевых, елики аще отлучат Господу, участие дах левитом в жребий: сего ради рекох им: среди сынов Израилевых да не наследят жребия.

Числ.18:24  с толкованием

25
И рече Господь к Моисею, глаголя:

Числ.18:25  с толкованием

26
и левитом да глаголеши и речеши к ним: аще возмете десятину от сынов Израилевых, юже дах вам от них во жребий, и отделите вы от нея участие Господу, десятину от десятины ея,

Числ.18:26  с толкованием

27
и вменятся вам участия ваша яко пшеница от гумна и яко участие от точила:

Числ.18:27  с толкованием

28
тако отделите их и вы от всех участий Господних, от всех десятин ваших, елики аще возмете от сынов Израилевых, и дадите от них участие Господу, Аарону жерцу:

Числ.18:28  с толкованием

29
от всех даяний ваших отделите участие Господу, или от всех начатков освященное от него,

Числ.18:29  с толкованием

30
и речеши к ним: егда отделите начаток от него, и вменится левитом аки жито от гумна и яко участие от точила:

Числ.18:30  с толкованием

31
и ядите то во всяком месте вы и сынове ваши и домове ваши, яко мзда сия вам есть за службы вашя, яже в скинии свидения:

Числ.18:31  с толкованием

32
и не приимете за сие греха, яко аще отлучите начаток от него: и святынь сынов Израилевых не оскверните, да не умрете.

Числ.18:32  с толкованием

Глава 
19

Числ.19  с толкованием

1
И рече Господь к Моисею и Аарону, глаголя:

Числ.19:1  с толкованием

2
се, расположение закона, елика заповеда Господь, глаголя: глаголи сыном Израилевым, и да приведут к тебе юницу рыжу непорочну, яже не имать на себе порока, и на нюже не бе возложено иго:

Числ.19:2  с толкованием

3
и даси ю ко Елеазару жерцу: и да изведут ю вне полка на место чисто, и да заколют ю пред ним:

Числ.19:3  с толкованием

4
и да возмет Елеазар от крове ея и да покропит спреди скинии свидения от крове ея седмижды:

Числ.19:4  с толкованием

5
и да сожгут ю пред ним, и кожу ея и мяса ея и кровь ея с мотылы ея да сожгут:

Числ.19:5  с толкованием

6
и да возмет жрец древо кедрово, и иссоп, и соскание червленое, и да вложат в средину сожжения юницы:

Числ.19:6  с толкованием

7
и да измыет ризы своя жрец и да омыет тело свое водою, и потом да внидет в полк, и нечист будет жрец до вечера:

Числ.19:7  с толкованием

8
и иже сожигает ю, да исперет ризы своя и да омыет тело свое водою, и нечист будет до вечера:

Числ.19:8  с толкованием

9
и да соберет чистый человек пепел юницы и да изнесет вне полка на место чисто, и да будет сонму сынов Израилевых в сохранение: вода окропления очищение есть:

Числ.19:9  с толкованием

10
и собираяй пепел юницы да исперет ризы своя, и нечист будет до вечера: и да будет сыном Израилевым и пришелцем прилежащым посреде вас законно вечно.

Числ.19:10  с толкованием

11
Прикасаяйся мертвому всякия души человечи нечист будет седмь дний:

Числ.19:11  с толкованием

12
сей да очистится (сею водою) в день третий и в день седмый, и чист будет: аще же не очистится ею в день третий и в день седмый, нечист будет.

Числ.19:12  с толкованием

13
Всяк прикасаяйся мертвому от всякия души человечи, аще умрет, и не очистится, скинию Господню оскверни: потребится душа та от Израиля, яко вода окропления не воскропися нань, нечист есть, еще нечистота его на нем есть.

Числ.19:13  с толкованием

14
И сей закон: человек аще умрет в дому, всяк входяй в дом, и елика суть в дому, нечиста будут седмь дний.

Числ.19:14  с толкованием

15
И всяк сосуд непокровен, и елики обвязанием не обвязаны, нечисти суть.

Числ.19:15  с толкованием

16
И всяк иже аще прикоснется на поли язвенному, или мертвому, или кости человечи, или гробу, седмь дний нечист будет:

Числ.19:16  с толкованием

17
и да возмут нечистому от пепела сожженнаго очищения, и да возлиют нань воду живу в сосуд:

Числ.19:17  с толкованием

18
и да возмет иссоп и омочит в воду муж чист, и да воскропит на дом и на сосуды и на душы, елики суть тамо, и на коснувшася кости человечей, или язвенному, или мертвечине, или гробу:

Числ.19:18  с толкованием

19
и да воскропит чистый на нечистаго в день третий и в день седмый, и очистится седмаго дне: и да исперет ризы своя и да омыет тело свое водою, и нечист будет до вечера.

Числ.19:19  с толкованием

20
И человек, иже аше осквернится, и не очистит себе, потребится душа та от среды сонма, яко святая Господня осквернави , яко вода окропления не воскропися Нань, нечист есть.

Числ.19:20  с толкованием

21
И да будет вам законно вечно, и окропляяй водою окропления да исперет ризы своя, и прикасаяся воде окропления нечист будет до вечера.

Числ.19:21  с толкованием

22
И всякое, емуже прикоснется нечистый, нечисто будет: и душа прикасающаяся нечиста будет до вечера.

Числ.19:22  с толкованием

Глава 
20

Числ.20  с толкованием

1
И приидоша сынове Израилтестии, весь сонм, в пустыню Син, в месяц первый, и пребываху людие в Кадисе: и скончася ту Мариам, и погребеся тамо.

Числ.20:1  с толкованием

2
И не бяше воды сонму: и собрашася на Моисеа и Аарона,

Числ.20:2  с толкованием

3
и ропташа людие на Моисеа, глаголюще: о , дабы умерли быхом в погибели братии нашея пред Господем:

Числ.20:3  с толкованием

4
и вскую введосте сонм Господнь в пустыню сию, погубити ны и скоты нашы?

Числ.20:4  с толкованием

5
И вскую сие? Изведосте ны из Египта, еже приити (нам) на место злое сие, место, в немже не сеется, ни смокви, ни винограды, ниже яблоки, ниже вода есть пити.

Числ.20:5  с толкованием

6
И прииде Моисей и Аарон от лица сонма пред двери скинии свидения, и падоста ниц: и явися слава Господня над ними.

Числ.20:6  с толкованием

7
И рече Господь к Моисею, глаголя:

Числ.20:7  с толкованием

8
возми жезл твой и созови сонм ты и Аарон, брат твой, и рцыте ко каменю пред ними, и даст воды своя: и изведете им воды из камене, и напойте сонм и скоты их.

Числ.20:8  с толкованием

9
И взя Моисей жезл иже пред Господем, якоже повеле Господь.

Числ.20:9  с толкованием

10
И созва Моисей и Аарон сонм пред камень, и рече к ним: послушайте мене, непокоривии: еда из камене сего изведем вам воду?

Числ.20:10  с толкованием

11
И воздвиг Моисей руку свою, удари в камень жезлом дважды: и изыде вода многа, и напися сонм (весь) и скоты их.

Числ.20:11  с толкованием

12
И рече Господь к Моисею и Аарону: понеже не веровасте освятити Мя пред сынми Израилтескими, сего ради не введете вы сонма сего в землю, юже дах им:

Числ.20:12  с толкованием

13
сия вода Пререкания, яко возропташа сынове Израилтестии пред Господем, и освятися в них.

Числ.20:13  с толкованием

14
И посла Моисей послы от Кадиса к Царю Едомскому, глаголя: тако глаголет брат твой Израиль: ты веси весь труд обретший нас:

Числ.20:14  с толкованием

15
и снидоша отцы наши в Египет, и жихом во Египте дни многи, и озлобиша нас Египтяне и отцев наших:

Числ.20:15  с толкованием

16
и возопихом ко Господу, и услыша Господь глас наш, и послав Ангела, изведе ны из Египта: и ныне есмы в Кадисе граде, на конце предел твоих:

Числ.20:16  с толкованием

17
да прейдем сквозе землю твою: не пройдем сквозе села, ни сквозе винограды, ни пием воды в потоцех твоих: путем царским пойдем, не совратимся ни на десно, ни на лево, дондеже прейдем пределы твоя.

Числ.20:17  с толкованием

18
И рече к ним Едом: не пройдеши сквозе мене: аще же ни, ратию изыду противу тебе.

Числ.20:18  с толкованием

19
И рекоша к нему сынове Израилевы: под горою пройдем: аще же от воды твоея испием аз и скоты моя, дам цену тебе: но вещь сия ничтоже есть, под горою да пройдем.

Числ.20:19  с толкованием

20
Он же рече: не пройдеши сквозе мене. И изыде противу им Едом с народом тяжким и рукою крепкою.

Числ.20:20  с толкованием

21
И не восхоте Едом дати Израилю проити сквозе пределы своя, и уклонися Израиль от него.

Числ.20:21  с толкованием

22
И воздвигошася от Кадиса, и приидоша сынове Израилтестии, весь сонм, в гору Ор.

Числ.20:22  с толкованием

23
И рече Господь к Моисею и Аарону в горе Ор у предел земли Едомли, глаголя:

Числ.20:23  с толкованием

24
да приложится Аарон к людем своим, яко не внидете в землю, юже дах сыном Израилевым в наследие, понеже преогорчисте Мя у воды Пререкания:

Числ.20:24  с толкованием

25
возми Аарона брата твоего и Елеазара сына его, и возведи я на Ор гору пред всем сонмом:

Числ.20:25  с толкованием

26
и совлецы Аарону ризы его и облецы Елеазара сына его, и Аарон приложився да умрет тамо.

Числ.20:26  с толкованием

27
И сотвори Моисей, якоже повеле ему Господь: и возведе я на Ор гору пред всем сонмом,

Числ.20:27  с толкованием

28
и совлече Аарона с риз его, и облече в ня Елеазара сына его:

Числ.20:28  с толкованием

29
и умре Аарон тамо на версе горы: и сниде Моисей и Елеазар с горы.

Числ.20:29  с толкованием

30
И виде весь сонм, яко умре Аарон: и плакашася по Аароне тридесять дний весь дом Израилев.

Числ.20:30  с толкованием

Глава 
21

Числ.21  с толкованием

1
И услыша Хананей царь Арадский живый при пустыни, яко прииде Израиль путем Афаримским, и ратова противу Израиля, и взя от них плен.

Числ.21:1  с толкованием

2
И обещася Израиль обетом Господу и рече: аще мне предаси люди сия подручны, погублю их и грады их.

Числ.21:2  с толкованием

3
И услыша Господь глас Израилев и предаде Хананеа подручна ему: и опустоши его и грады его, и прозва има месту тому Запустение.

Числ.21:3  с толкованием

4
И воздвигшеся от Ора горы путем иже к морю Чермному, обыдоша землю Едомлю: и малодушествоваша людие на пути,

Числ.21:4  с толкованием

5
и роптаху людие на Бога и на Моисеа, глаголюще: вскую извел еси ны из Египта убити нас в пустыни, яко несть хлеба, ни воды? И душа наша негодует о хлебе сем тщем.

Числ.21:5  с толкованием

6
И посла Господь на люди змиев умерщвляющих, и угрызаху людий: и умроша люди мнози от сынов Израилевых.

Числ.21:6  с толкованием

7
И пришедше людие к Моисеови глаголаша: согрешихом, яко роптахом на Господа и на тя: помолися убо ко Господу, да отженет от нас змии. И помолися Моисей ко Господу о людех.

Числ.21:7  с толкованием

8
И рече Господь к Моисею: сотвори себе змию (медяну) и положи ю на знамя: и будет аще угрызет змия человека, всяк угрызенный видев ю жив будет.

Числ.21:8  с толкованием

9
И сотвори Моисей змию медяну и постави ю на знамени: и бысть егда угрызаше змия человека, и взираше на змию медяну, и оживаше.

Числ.21:9  с толкованием

10
И воздвигошася сынове Израилевы, и ополчишася во Овофе:

Числ.21:10  с толкованием

11
и воздвигшеся от Овофа, ополчишася во Ахалгеи об ону страну пустыни, яже есть пред лицем Моавитским, на восток солнца:

Числ.21:11  с толкованием

12
и оттуду воздвигошася, и ополчишася в дебри Заред:

Числ.21:12  с толкованием

13
и оттуду воздвигшеся, ополчишася об ону страну Арнона в пустыни, яже исходит от предел Аморрейских: есть бо Арнон предел Моавль между Моавом и между Аморреом.

Числ.21:13  с толкованием

14
Сего ради глаголется в книзе брань Господня: Зоову попали, и потоки Арнони,

Числ.21:14  с толкованием

15
и потоки устрои в селение Ир, и прилежит пределом Моавлим.

Числ.21:15  с толкованием

16
И оттуду (воздвигошася) ко Кладязю: сей есть кладязь, о немже рече Господь к Моисею: собери люди, и дам им воду пити.

Числ.21:16  с толкованием

17
Тогда воспе Израиль песнь сию у кладязя: начинайте ему:

Числ.21:17  с толкованием

18
кладязь, ископаша его князи, изсекоша его царие язычестии во царствии их, внегда обладати ими. И от кладязя (воздвигошася) в Манфанаил:

Числ.21:18  с толкованием

19
и от Манфанаила в Наадиил, и от Наадиила в Вамоф:

Числ.21:19  с толкованием

20
и от Вамофа в Напин, иже есть на поли Моавли, от верха Изсеченаго, зрящаго пред лице пустыни.

Числ.21:20  с толкованием

21
И посла Моисей послы к Сиону царю Аморрейску, словесы мирными глаголя:

Числ.21:21  с толкованием

22
да пройдем сквозе землю твою, путем пойдем: не уклонимся ни на села, ни на винограды, не испием воды от кладязь твоих: путем царским пойдем, дондеже пройдем пределы твоя.

Числ.21:22  с толкованием

23
И не даде Сион Израилю проити сквозе пределы своя: и собра Сион вся люди своя, и изыде ополчитися на Израиля в пустыню: и прииде во Иассан, и ополчися на Израиля.

Числ.21:23  с толкованием

24
И порази его Израиль убийством меча, и обладаше землею его от Арнона до Иавока, даже до сынов Амманих: яко Иазир пределы сынов Амманих суть.

Числ.21:24  с толкованием

25
И взя Израиль вся грады сия: и вселися Израиль во всех градех Аморрейских, во Есевоне и во всех подлежащих ему:

Числ.21:25  с толкованием

26
есть бо Есевон град Сиона царя Аморрейска: и сей повоева царя Моавля прежде и взя всю землю его от Ароира даже до Арнона.

Числ.21:26  с толкованием

27
Сего ради рекут приточницы: приидите во Есевон, да соградится и созиждется град Сион:

Числ.21:27  с толкованием

28
яко огнь изыде от Есевона и пламень от града Сиона, и пояде даже до Моава, и пожре столпы Арнонския:

Числ.21:28  с толкованием

29
горе тебе, Моаве, погибосте, людие Хамосовы: продани быша сынове их в заключение и дщери их пленницы царю Аморрейскому Сиону:

Числ.21:29  с толкованием

30
и семя их погибнет, Есевон даже до Девона: и жены их еще разожгоша огнь на Моава.

Числ.21:30  с толкованием

31
Вселися же Израиль во вся грады Аморрейски:

Числ.21:31  с толкованием

32
и посла Моисей соглядати Иазира: и взяша его и села его, и изгнаша Аморреа живущаго тамо:

Числ.21:32  с толкованием

33
и возвратившеся, приидоша путем в Васан. И изыде Ог, царь Васанский, противу им и вси людие его на брань во Едраин.

Числ.21:33  с толкованием

34
И рече Господь к Моисею: не убойся его, яко в руце твои предах его и вся люди его и всю землю его: и сотвориши ему, якоже сотворил еси Сиону царю Аморрейску, иже живяше во Есевоне.

Числ.21:34  с толкованием

35
И порази его и сыны его и вся люди его, даже не оста в них живый: и наследиша землю его.

Числ.21:35  с толкованием

Глава 
22

Числ.22  с толкованием

1
И воздвигшеся сынове Израилтестии, ополчишася на запады Моава у Иордана ко Иерихону.

Числ.22:1  с толкованием

2
И видев Валак сын Сепфоров вся, елика сотвори Израиль Аморрею,

Числ.22:2  с толкованием

3
и убояся Моав людий зело, яко мнози бяху, и оскорбе Моав от лица сынов Израилевых,

Числ.22:3  с толкованием

4
и рече Моав старейшинам Мадиамлим: ныне потребит сонм сей всех, иже окрест нас, якоже потребляет телец злак на поли. И Валак, сын Сепфоров, бяше царь Моавль в то время,

Числ.22:4  с толкованием

5
и посла послы к Валааму, сыну Веорову, во Фафуру яже есть у реки земли сынов людий его, призвати его, глаголя: се, людие изыдоша из Египта, и се, покрыша лице земли, и сии седят при одержании моем:

Числ.22:5  с толкованием

6
и ныне прииди, проклени мне люди сия, понеже крепльшии суть паче нас, аше возможем сих избити, и изжену их из земли: яко вем, ихже аще благословиши ты, благословени суть, и ихже аще прокленеши ты, прокляти.

Числ.22:6  с толкованием

7
И идоша старейшины Моавли и старейшины Мадиамли, и волхвования в руках их: и приидоша к Валааму и глаголаша ему словеса Валакова.

Числ.22:7  с толкованием

8
И рече к ним: препочийте зде нощь (сию), и отвещаю вам деяния, яже аще возглаголет Господь ко мне. И пребыша князи Моавли у Валаама.

Числ.22:8  с толкованием

9
И прииде Бог к Валааму и рече ему: что человецы сии у тебе?

Числ.22:9  с толкованием

10
И рече Валаам к Богу: Валак сын Сепфоров, царь Моавль, посла их ко мне, глаголя:

Числ.22:10  с толкованием

11
се, людие изыдоша из Египта и покрыша лице земли, и сии седят при одержании моем: и ныне прииди, проклени ми их, негли возмогу избити их и изгнати я от земли.

Числ.22:11  с толкованием

12
И рече Бог к Валааму: да не идеши с ними, ниже да кленеши людий: суть бо благословени.

Числ.22:12  с толкованием

13
И востав Валаам заутра, рече князем Валаковым: возвратитеся к господину своему: не попущает ми Бог ити с вами.

Числ.22:13  с толкованием

14
И воставше князи Моавли приидоша к Валаку и рекоша ему: не хощет Валаам приити с нами.

Числ.22:14  с толкованием

15
И приложи Валак еще послати князи множайшии и честнейшии сих.

Числ.22:15  с толкованием

16
И приидоша к Валааму и глаголаша ему: сия глаголет Валак, сын Сепфоров: молю тя, не обленися приити ко мне:

Числ.22:16  с толкованием

17
честне бо тя почту, и вся, елика аще речеши ми, сотворю тебе: и прииди, и проклени ми люди сия.

Числ.22:17  с толкованием

18
И отвеща Валаам и рече князем Валаковым: аще ми даст Валак полну храмину свою злата и сребра, не могу преступити слова Господа Бога, еже сотворити то мало или велико в разуме моем:

Числ.22:18  с толкованием

19
и ныне потерпите зде и вы нощь сию, и увем, что приложит Господь глаголати ко мне.

Числ.22:19  с толкованием

20
И прииде Бог к Валааму нощию и рече ему: аще звати тя приидоша человецы сии, востав иди вслед их, но слово, еже аше реку тебе, то да сотвориши.

Числ.22:20  с толкованием

21
И востав Валаам заутра, оседла осля свое и иде со князи Моавли.

Числ.22:21  с толкованием

22
И разгневася яростию Бог, яко иде сей: и воста Ангел Божий препяти ему на пути. Сей же седяше на осляти своем и два раба его с ним.

Числ.22:22  с толкованием

23
И узрев осел Ангела Божия супротив стояща на пути, и мечь извлечен в руце его, и совратися осел с пути и идяше на поле: и бияше (Валаам) осля жезлом своим, еже направити е на путь:

Числ.22:23  с толкованием

24
и ста Ангел Божий на броздах виноградных: ограждение отсюду, и ограждение отонуду:

Числ.22:24  с толкованием

25
и узрев осел Ангела Божия, приложися ко ограде и прижме ногу Валааму ко ограде, и приложи еще бити его:

Числ.22:25  с толкованием

26
и приложи Ангел Божий, и шед свята в месте узком, в немже не бяше уклонитися ни на десно, ни на лево:

Числ.22:26  с толкованием

27
и видя осля Ангела Божия, паде под Валаамом: и разгневася Валаам, и бияше осля жезлом.

Числ.22:27  с толкованием

28
И отверзе Бог уста осляти, и рече Валааму: что сотворих тебе, яко се, в третие биеши мя?

Числ.22:28  с толкованием

29
И рече Валаам осляти: яко поругалося ми еси: и аще бых мечь имел в руку моею, пробол бых тя.

Числ.22:29  с толкованием

30
И рече осля Валааму: не аз ли ослица твоя, на нейже ты ездиши от юности своея до днешняго дне? Еда презорством презревши сотворих тебе сие? Он же рече: ни.

Числ.22:30  с толкованием

31
Отверзе же Бог очи Валааму, и узре Ангела Божия противостояща на пути, и мечь извлечен в руце его: и приклонився поклонися ему лицем своим.

Числ.22:31  с толкованием

32
И рече ему Ангел Божий: почто биеши осля твое сие в третие? И се, Аз приидох на препятие твое, яко неприятен путь твой предо Мною: и видя мя ослица, совратися от Мене се третие:

Числ.22:32  с толкованием

33
и аще бы не уклонилася от Мене, ныне тя убо убил бых, сию же сохранил бых.

Числ.22:33  с толкованием

34
И рече Валаам ко Ангелу Господню: согреших, не ведех бо, яко Ты мне противостоял еси на пути: и ныне аще Тебе не угодно, возвращуся.

Числ.22:34  с толкованием

35
И рече Ангел Божий к Валааму: иди ты с человеки: обаче слово, еже аще реку тебе, сие сохрани глаголати. И иде Валаам со князи Валаковы.

Числ.22:35  с толкованием

36
И услышав Валак, яко приходит Валаам, изыде во сретение ему во град Моавль, иже есть в пределех Арноних, иже есть на краи пределов.

Числ.22:36  с толкованием

37
И рече Валак к Валааму: не послах ли к тебе звати тя? Почто не пришел еси ко мне? Или не возмогу почтити тебе?

Числ.22:37  с толкованием

38
И рече Валаам к Валаку: се, прихожду к тебе ныне: мощен ли буду глаголати что? Слово, еже аще вложить Бог во уста моя, сие реку.

Числ.22:38  с толкованием

39
И иде Валаам с Валаком, и внидоша во Грады Селныя.

Числ.22:39  с толкованием

40
И закла Валак телцы и овцы, и посла Валааму и князем иже с ним.

Числ.22:40  с толкованием

41
И бысть заутра, и взяв Валак Валаама, возведе его на столп Ваалов, и показа ему оттуду часть некую людий.

Числ.22:41  с толкованием

Глава 
23

Числ.23  с толкованием

1
И рече Валаам к Валаку: созижди мне зде седмь требищ, и уготовай мне зде седмь телцев и седмь овнов.

Числ.23:1  с толкованием

2
И сотвори Валак, якоже рече ему Валаам: и вознесе телца и овна на требище.

Числ.23:2  с толкованием

3
И рече Валаам к Валаку: стани у требы своея, и пойду, аще явится мне Бог в сретение, и слово, еже мне укажет, повем тебе. И ста Валак у требы своея.

Числ.23:3  с толкованием

4
И Валаам иде вопросити Бога, и иде прямо: и явися Бог Валааму. И рече к нему Валаам: седмь требищ изготових и возложих телца и овна на требище.

Числ.23:4  с толкованием

5
И вложи Бог слово во уста Валааму и рече: возвратився к Валаку тако глаголи.

Числ.23:5  с толкованием

6
И возвратися к нему: он же стояше у всесожжений своих, и вси князи Моавли с ним: и бысть Дух Божий на нем.

Числ.23:6  с толкованием

7
И восприим притчу свою рече: от Месопотамии приведе мя Валак царь Моавль, от гор восточных, глаголя: гряди, проклени ми Иакова, и гряди, проклени ми Израиля:

Числ.23:7  с толкованием

8
что проклену, егоже не кленет Господь? Или что зло реку, егоже не злословит Бог?

Числ.23:8  с толкованием

9
Яко от верха гор узрю его и от холм проуразумею его: се, людие едини населятся и со языки не вменятся:

Числ.23:9  с толкованием

10
кто изследит семя Иаковле? И кто изочтет сонмы Израиля? Да умрет душа моя в душах праведных, и буди семя мое, якоже семя их.

Числ.23:10  с толкованием

11
И рече Валак к Валааму: что сотворил еси ми? На проклятие враг моих призвах тя, и се, благословил еси (я) благословением.

Числ.23:11  с толкованием

12
И рече Валаам к Валаку: не елика ли вложит Бог во уста моя, сие сохраню глаголати?

Числ.23:12  с толкованием

13
И рече к нему Валак: пойди еще со мною на место ино, с негоже не узриши их оттуду, но разве часть некую их узриши, всех же не узриши, и проклени ми их оттуду.

Числ.23:13  с толкованием

14
И поя его на стражу села, на верх Истесанаго, и созда тамо седмь требищ, и возложи телца и овна на требище.

Числ.23:14  с толкованием

15
И рече Валаам к Валаку: стани у требы своея, аз же пойду вопросити Бога.

Числ.23:15  с толкованием

16
И срете Бог Валаама, и вложи слово во уста ему и рече: возвратися к Валаку, и речеши сия.

Числ.23:16  с толкованием

17
И возвратися к нему: он же стояше у всесожжений своих, и вси князи Моавли с ним. И рече ему Валак: что глагола Господь?

Числ.23:17  с толкованием

18
И восприим притчу свою, рече: востани, Валак, и послушай, внуши свидетель, сыне Сепфоров:

Числ.23:18  с толкованием

19
не яко человек Бог колеблется, ниже яко сын человеческий изменяется: Той глаголаше, не сотворит ли? Речет, и не пребудет ли?

Числ.23:19  с толкованием

20
Се, благословляти приведен есмь: благословлю, и не отвращу:

Числ.23:20  с толкованием

21
не будет труда во Иакове, ниже узрится болезнь во Израили: Господь Бог его с ним, слава царская на нем:

Числ.23:21  с толкованием

22
Бог изведый его из Египта, якоже слава единорога в нем:

Числ.23:22  с толкованием

23
несть бо вражбы во Иакове, ниже волхвования во Израили: во время наречется Иакову и Израилю, что совершит Бог:

Числ.23:23  с толкованием

24
се, людие яко львичища востанут, и яко лев вознесется: не уснет, дондеже снест лов и кровь посеченых испиет.

Числ.23:24  с толкованием

25
И рече Валак к Валааму: ни клятвами мне клени их, ниже благословением благослови их.

Числ.23:25  с толкованием

26
И отвещав Валаам, рече к Валаку: не рех ли ти, глаголя: слово, еже аще возглаголет Бог, сие сотворю?

Числ.23:26  с толкованием

27
И рече Валак к Валааму: гряди, пойму тя на место ино, аще угодно будет Богу, и проклени ми их оттуду.

Числ.23:27  с толкованием

28
И поя Валак Валаама на верх Фогора, простирающася в пустыню.

Числ.23:28  с толкованием

29
И рече Валаам к Валаку: созижди мне зде седмь требищ, и уготовай мне зде седмь телцев и седмь овнов.

Числ.23:29  с толкованием

30
И сотвори Валак, якоже рече ему Валаам: и вознесе телца и овна на требище.

Числ.23:30  с толкованием

Глава 
24

Числ.24  с толкованием

1
И видев Валаам, яко добро есть пред Господем благословляти Израиля, не иде по обычаю своему в сретение волхвованием, и возврати лице свое в пустыню.

Числ.24:1  с толкованием

2
И возвед Валаам очи свои, узре Израиля ополчившася по племеном: и бысть Дух Божий на нем.

Числ.24:2  с толкованием

3
И восприим притчу свою рече: глаголет Валаам, сын Веоров, глаголет человек истинно зряй,

Числ.24:3  с толкованием

4
глаголет слушаяй словеса Крепкаго, иже видение Божие виде во сне: отверсты очи его:

Числ.24:4  с толкованием

5
коль добри доми твои, Иакове, и кущы твоя, Израилю:

Числ.24:5  с толкованием

6
яко дубравы осеняющыя и яко садие при реках, и яко кущы, яже водрузи Господь, и яко кедри при водах:

Числ.24:6  с толкованием

7
изыдет человек от семене его, и обладает языки многими: и возвысится паче Гога царство его, и возрастет царство его:

Числ.24:7  с толкованием

8
Бог изведе его из Египта, якоже слава единорога ему: пояст языки враг своих и толщы их измождит, и стрелами своими устрелит врага:

Числ.24:8  с толкованием

9
возлег почи яко лев и яко скимен: кто возбудит его? Благословящии тя благословени, и проклинающии тя прокляти.

Числ.24:9  с толкованием

10
И разгневася Валак на Валаама, и плесну руками своими, и рече Валак к Валааму: кляти тя врага моего призвах, и се, благословил еси их в третие:

Числ.24:10  с толкованием

11
ныне убо бежи на место свое: рекох, почту тя: и ныне лиши тя Господь славы.

Числ.24:11  с толкованием

12
И рече Валаам к Валаку: и послом твоим, ихже послал еси ко мне, не рекох ли, глаголя:

Числ.24:12  с толкованием

13
аще ми даст Валак храмину свою полну сребра и злата, не могу преступити слова Божия, еже сотворити е зло или добро от мене самаго: елика аще речет ми Бог, сия возглаголю?

Числ.24:13  с толкованием

14
И ныне, се, иду до места своего: гряди, присоветую тебе, что сотворят людие сии людем твоим, в последняя дни.

Числ.24:14  с толкованием

15
И восприим притчу свою рече: глаголет Валаам сын Веоров, глаголет человек истинно зряй,

Числ.24:15  с толкованием

16
слышай словеса Божия, умея умение Вышняго и видение Божие видевый во сне: отверсты очи его:

Числ.24:16  с толкованием

17
покажу ему, и не ныне: ублажаю, и не приближается: возсияет звезда от Иакова, и востанет человек от Израиля и погубит князи Моавитския, и пленит вся сыны Сифовы:

Числ.24:17  с толкованием

18
и будет Едом наследие, и будет наследие Исав враг его, и Израиль сотвори крепость:

Числ.24:18  с толкованием

19
и востанет от Иакова, и погубит спасаемаго от града.

Числ.24:19  с толкованием

20
И видев Амалика и восприим притчу свою, рече: начало языков Амалик, и семя их погибнет.

Числ.24:20  с толкованием

21
И видев Кенеона и восприим притчу свою, рече: сильно селение твое: и аще положиши на камени гнездо твое,

Числ.24:21  с толкованием

22
и аще будет Веору гнездо коварства, Ассириане пленят тя.

Числ.24:22  с толкованием

23
И видев Ога и восприим притчу свою, рече: горе, горе, кто жив будет, егда положит Бог сия?

Числ.24:23  с толкованием

24
И изыдут из рук Китиейских, и озлобят Ассура, и озлобят Евреов, и сами вкупе погибнут.

Числ.24:24  с толкованием

25
И востав Валаам отиде, возвратився на место свое: и Валак отиде к себе.

Числ.24:25  с толкованием

Глава 
25

Числ.25  с толкованием

1
И живяше Израиль в Саттиме, и осквернишася людие блужением со дщерми Моавли:

Числ.25:1  с толкованием

2
и призваша я в требы кумир своих, и ядоша людие требы их и поклонишася кумиром их:

Числ.25:2  с толкованием

3
и причастися Израиль Веельфегору, и разгневася яростию Господь на Израиля.

Числ.25:3  с толкованием

4
И рече Господь к Моисею: поими вся князи людския, и обличи я Господу прямо солнцу, и отвратится гнев ярости Господни от Израиля.

Числ.25:4  с толкованием

5
И рече Моисей к племенем Израилским: избийте кийждо ужика своего служившаго Веельфегору.

Числ.25:5  с толкованием

6
И се, человек от сынов Израилевых пришед приведе брата своего к Мадианитыне пред Моисеем и пред всем сонмом Израилевым: сии же плакахуся пред дверми скинии свидения.

Числ.25:6  с толкованием

7
И видев Финеес, сын Елеазара сына Аарона жерца, воста из среды сонма, и взем сулицу в руку,

Числ.25:7  с толкованием

8
вниде вслед человека Израилтянина в блудилище, и прободе обоих, и человека Израилтянина, и жену сквозе ложесна ея: и преста вред от сынов Израилевых.

Числ.25:8  с толкованием

9
И быша умершии язвою двадесять четыри тысящы.

Числ.25:9  с толкованием

10
И рече Господь к Моисею, глаголя:

Числ.25:10  с толкованием

11
Финеес сын Елеазара сына Аарона жерца утоли гнев Мой от сынов Израилевых, егда возревнова ревность Моя в них, и не потребих сынов Израилевых в ревности Моей:

Числ.25:11  с толкованием

12
тако рцы: се, Аз даю ему завет Мой мирный,

Числ.25:12  с толкованием

13
и будет ему и семени его по нем завет жречества вечный, понеже возревнова по Бозе своем и умилостиви о сынех Израилевых.

Числ.25:13  с толкованием

14
Имя же человеку Израилтянину, егоже уби с Мадианитынею, Замврий сын Салмонь, князь дому отечества сынов Симеоних:

Числ.25:14  с толкованием

15
и имя жене Мадианитыне прободеной Хазви, дщи Сура, князя рода Соммофова, дому отечества есть Мадиамля.

Числ.25:15  с толкованием

16
И рече Господь к Моисею, глаголя: рцы сыном Израилевым, глаголя:

Числ.25:16  с толкованием

17
враждуйте Мадианитом и бийте я:

Числ.25:17  с толкованием

18
зане враждуют вам сии лестию, елико прельщают вас Фогором и Хазвиею дщерию князя Мадиамля, сестрою своею прободеною, в день язвы Фогора ради.

Числ.25:18  с толкованием

Глава 
26

Числ.26  с толкованием

1
И бысть но язве, и рече Господь к Моисею и Елеазару жерцу, глаголя:

Числ.26:1  с толкованием

2
возми начало всего сонма сынов Израилевых от двадесяти лет и вышше, но домом отечеств их, всяк исходяй вооружитися во Израили.

Числ.26:2  с толкованием

3
И глагола Моисей и Елеазар жрец к ним во Аравофе Моавли при Иордане у Иерихона, глаголя:

Числ.26:3  с толкованием

4
от двадесяти лет и вышше, якоже заповеда Господь Моисею: и сынове Израилтестии изшедшии из Египта:

Числ.26:4  с толкованием

5
Рувим первенец Израилев. Сынове же Рувимли: Енох и сонм Енохов, Фаллу сонм Фаллов,

Числ.26:5  с толкованием

6
Асрону сонм Асронов, Харму сонм Хармиин.

Числ.26:6  с толкованием

7
Сии сонми Рувимли: и бысть соглядание их четыредесять три тысящы и шесть сот и тридесять.

Числ.26:7  с толкованием

8
И сынове Фалловы Елиав.

Числ.26:8  с толкованием

9
И сынове Елиавли Намуил и Дафан и Авирон: сии нарочитии сонму: сии суть воставше на Моисеа и Аарона в сонме Кореове в крамоле на Господа:

Числ.26:9  с толкованием

10
и отверзши земля уста своя пожре их и Кореа в смерти сонма его, егда пояде огнь двести и пятьдесят, и быша в знамение.

Числ.26:10  с толкованием

11
Сынове же Кореовы не измроша.

Числ.26:11  с толкованием

12
И сынове Симеони, сонм сынов Симеоних: Намуилу сонм Намуилов, Иамину сонм Иаминов, Иахину сонм Иахинов,

Числ.26:12  с толкованием

13
Заре сонм Зарин, Саулу сонм Саулов.

Числ.26:13  с толкованием

14
Сии сонми Симеони от соглядания их двадесять две тысящы и двести.

Числ.26:14  с толкованием

15
Сынове же Иудины Ир и Авнан и Силом, и Фарес и Зара: и умре Ир и Авнан в земли Ханаани.

Числ.26:15  с толкованием

16
И быша сынове Иудины по сонмом своим: Силому сонм Силомль, Фаресу сонм Фаресов, Заре сонм Зарин.

Числ.26:16  с толкованием

17
И быша сынове Фаресовы: Асрону сонм Асронов, Иамуилу сонм Иамуилов.

Числ.26:17  с толкованием

18
Сии сонми Иудины по согляданию их седмьдесят шесть тысящ и пять сот.

Числ.26:18  с толкованием

19
И сынове Иссахаровы по сонмом своим: Фоле сонм Фолин Фуеви сонм Фуин,

Числ.26:19  с толкованием

20
Иасуву сонм Иасувин, Амвраму сонм Амврамль.

Числ.26:20  с толкованием

21
Сии сонми Иссахаровы но согляданию их шестьдесят и четыри тысящы и четыреста.

Числ.26:21  с толкованием

22
Сынове Завулони по сонмом своим: Сареду сонм Саредин, Аллону сонм Аллонин, Аллилу сонм Аллилин.

Числ.26:22  с толкованием

23
Сии сонми Завулони по согляданию их шестьдесят тысящ и пять сот.

Числ.26:23  с толкованием

24
Сынове Гадовы по сонмом их: Сафону сонм Сафонин, Аггину сонм Аггинов, Сунину сонм Сунинов,

Числ.26:24  с толкованием

25
Азену сонм Азенин, Адду сонм Аддин,

Числ.26:25  с толкованием

26
Ароаду сонм Ароадин, Ариилу сонм Арииль.

Числ.26:26  с толкованием

27
Сии сонми сынов Гадовых но согляданию их четыредесять и четыри тысящы и пять сот.

Числ.26:27  с толкованием

28
Сынове Асировы по сонмом их: Иамину сонм Иаминов, Иесую сонм Иесуинь,

Числ.26:28  с толкованием

29
Вариаю сонм Вариаинь, Ховеру сонм Ховерин, Мелхиилу сонм Мелхиилин,

Числ.26:29  с толкованием

30
имя же дщери Асирове Сара,

Числ.26:30  с толкованием

31
сии сонми Асировы но согляданию их четыредесять три тысящи и четыреста.

Числ.26:31  с толкованием

32
Сынове Иосифли по сонмом их: Манассиа и Ефрем.

Числ.26:32  с толкованием

33
Сынове Манассиины: Махиру сонм Махирин: и Махир роди Галаада, Галааду сонм Галаадин.

Числ.26:33  с толкованием

34
И сии сынове Галаадины: Ахиезеру сонм Ахиезеров, Хелеку сонм Хелеков,

Числ.26:34  с толкованием

35
Есриилу сонм Есриилов, Сихему сонм Сихемль,

Числ.26:35  с толкованием

36
Симаеру сонм Симаерин, и Оферу сонм Оферов.

Числ.26:36  с толкованием

37
И Салпааду сыну Оферову не быша ему сынове, но токмо дщери. И сия имена дщерем Салпаадовым: Маала и Нуа, и Егла и Мелха и Ферса.

Числ.26:37  с толкованием

38
Сии сонми Манассиины по согляданию их пятьдесят и две тысящы и седмь сот.

Числ.26:38  с толкованием

39
И сии сынове Ефремли: Суфалу сонм Суфалин, Танаху сонм Танахин.

Числ.26:39  с толкованием

40
Сии сынове Суфаловы: Едену сонм Еденин.

Числ.26:40  с толкованием

41
Сии сонми Ефремли по согляданию их тридесять две тысящы и пять сот. Сии сонми сынов Иосифовых по сонмом их.

Числ.26:41  с толкованием

42
Сынове Вениамини по сонмом их: Валу сонм Валин, Асивиру сонм Асивиров, Иахирану сонм Иахиранин, Софану сонм Софанин.

Числ.26:42  с толкованием

43
И быша сынове Валу Адерь и Ноеман:

Числ.26:43  с толкованием

44
Адеру сонм Адерин, и Ноеману сонм Ноеманин.

Числ.26:44  с толкованием

45
Сии сынове Вениамини по сонмом их по согляданию их четыредесять и пять тысящ и шесть сот.

Числ.26:45  с толкованием

46
И сынове Дановы по сонмом их: Самею сонм Самеин: сии сонми Дановы но сонмом их.

Числ.26:46  с толкованием

47
Вси сонми Самеини по согляданию их шестьдесят четыри тысящы и четыреста.

Числ.26:47  с толкованием

48
Сынове Неффалимли по сонмом их: Асиилу сонм Асиилев, Гоину сонм Гоинин,

Числ.26:48  с толкованием

49
Иесрию сонм Иесриев, Селлиму сонм Селлимов.

Числ.26:49  с толкованием

50
Сии сонми Неффалимли по согляданию их четыредесять пять тысящ и четыреста.

Числ.26:50  с толкованием

51
Сие соглядание сынов Израилевых шесть сот едина тысяща и седмь сот тридесять.

Числ.26:51  с толкованием

52
И рече Господь к Моисею, глаголя:

Числ.26:52  с толкованием

53
сим разделится земля в наследие по числу имен:

Числ.26:53  с толкованием

54
множайшым да умножиши наследие, и малейшым да умалиши наследие их: коемуждо, якоже суть соглядани, да дастся наследие их:

Числ.26:54  с толкованием

55
по жребием да разделится земля именам, по племенем отечеств своих да наследят:

Числ.26:55  с толкованием

56
от жребия да разделиши наследие их между многими и малыми.

Числ.26:56  с толкованием

57
И сынове Левиини но сонмом их: Гирсону сонм Гирсонов, Каафу сонм Каафов, Мераре сонм Мерарин.

Числ.26:57  с толкованием

58
Сии сонми сынов Левииных: сонм Ловенин, сонм Хевронин, и сонм Мусин, и сонм Кореов. И Кааф роди Амрама.

Числ.26:58  с толкованием

59
Имя же жене Амрамли Иохавеф, дщи Левиина, яже роди сих Левии во Египте, и роди Амраму Аарона и Моисеа и Мариам сестру их.

Числ.26:59  с толкованием

60
И родишася Аарону Надав и Авиуд, и Елеазар и Ифамар.

Числ.26:60  с толкованием

61
И умре Надав и Авиуд, егда принесоста огнь чуждий пред Господем в пустыни Синайстей.

Числ.26:61  с толкованием

62
И быша от соглядания их двадесять три тысящы, всяк мужеск пол от единаго месяца и вышше: не быша бо соглядани посреде сынов Израилевых, яко не дадеся им жребий посреде сынов Израилевых.

Числ.26:62  с толкованием

63
И сие соглядание Моисеа и Елеазара жерца, иже соглядаша сынов Израилевых во Аравофе Моавли, у Иордана при Иерихоне.

Числ.26:63  с толкованием

64
И в сих не бяше человек от согляданых Моисеом и Аароном, ихже соглядаша сынов Израилевых в пустыни Синайстей.

Числ.26:64  с толкованием

65
Понеже рече Господь им: смертию измрут в пустыни. И не остася от них ни един, кроме Халева сына Иефонниина и Иисуса сына Навина.

Числ.26:65  с толкованием

Глава 
27

Числ.27  с толкованием

1
И пришедшя дщери Салпаада сына Оферова, сына Галаадова, сына Махирова, сонма Манассиина, сынов Иосифовых, и сия имена их: Маала и Нуа, и Егла и Мелха и Ферса,

Числ.27:1  с толкованием

2
и ставшя пред Моисеом и пред Елеазаром жерцем, и пред князи и пред всем сонмом у дверий скинии свидения, глаголаша:

Числ.27:2  с толкованием

3
отец наш умре в пустыни, и сей не бе среде сонма воставшаго на Господа в сонме Кореове, яко греха ради своего умре, и сынове не быша ему:

Числ.27:3  с толкованием

4
да не погибнет имя отца нашего от среды сонма своего, яко несть сына ему: дадите нам наследие посреде братии отца нашего.

Числ.27:4  с толкованием

5
И принесе Моисей суд их пред Господа.

Числ.27:5  с толкованием

6
И рече Господь к Моисею, глаголя:

Числ.27:6  с толкованием

7
право глаголаша дщери Салпаадовы: даяние да даси им одержание наследия посреде братий отца их, и да приложиши им жребий отца их:

Числ.27:7  с толкованием

8
и сыном Израилевым да речеши, глаголя: человек аще умрет, и не будет сына ему, дадите наследие его дщери его:

Числ.27:8  с толкованием

9
аще же дщери не будет ему, дадите наследие его брату его:

Числ.27:9  с толкованием

10
аще же не будут ему братия, дадите наследие брату отца его:

Числ.27:10  с толкованием

11
аще же не будут братия отца его, дадите наследие ужику ближнему его от племене его наследити яже его: и да будет сие сыном Израилевым оправдание суда, якоже заповеда Господь Моисею.

Числ.27:11  с толкованием

12
И рече Господь к Моисею: взыди на гору, яже об ону страну Иордана, сия гора Навав, и виждь землю Ханааню, юже Аз даю сыном Израилевым во одержание:

Числ.27:12  с толкованием

13
и узриши ю, и приложишися к людем своим и ты, якоже приложися Аарон брат твой на горе Ор:

Числ.27:13  с толкованием

14
понеже преступисте слово Мое в пустыни Син, внегда супротивитися сонму освятити Мя, не освятисте Мене у воды пред ними: сия есть вода Пререкания в Кадисе в пустыни Син.

Числ.27:14  с толкованием

15
И рече Моисей ко Господу:

Числ.27:15  с толкованием

16
да изберет Господь Бог духов и всякия плоти человека над сонмом сим,

Числ.27:16  с толкованием

17
иже изыдет пред лицем их, иже внидет пред лицем их, и иже изведет их и иже введет их, и да не будет сонм Господень, яко овцы не имущя пастыря.

Числ.27:17  с толкованием

18
И рече Господь к Моисею, глаголя: поими к себе Иисуса сына Навина, человека, иже имать Духа в себе: и да возложиши руце твои на него:

Числ.27:18  с толкованием

19
и поставиши его пред Елеазаром жерцем, и заповеждь ему пред всем сонмом, и заповеждь о нем пред ними:

Числ.27:19  с толкованием

20
и даси на него от славы твоея, яко да послушают его вси сынове Израилевы:

Числ.27:20  с толкованием

21
и пред Елеазаром жерцем да станет, и да вопросят от него суда явленных пред Господем: по словеси его да исходят, и по словеси его да входят сам и сынове Израилевы вкупе, и весь сонм.

Числ.27:21  с толкованием

22
И сотвори Моисей, якоже повеле ему Господь Бог: и взем Иисуса постави его пред Елеазаром жерцем и пред всем сонмом:

Числ.27:22  с толкованием

23
и возложи руце свои на него, и устрои его, якоже повеле Господь Моисею.

Числ.27:23  с толкованием

Глава 
28

Числ.28  с толкованием

1
И рече Господь к Моисею, глаголя:

Числ.28:1  с толкованием

2
заповеждь сыном Израилевым, и речеши к ним, глаголя: дары Моя, даяния Моя, приносы Моя, в воню благовония соблюдите приносити Мне на праздники Моя.

Числ.28:2  с толкованием

3
И да речеши к ним: сия приношения, яже принесете Господу, агнцев единолетных непорочных два на день во всесожжение выну:

Числ.28:3  с толкованием

4
агнца единаго сотворите рано, и агнца втораго сотворите в вечер:

Числ.28:4  с толкованием

5
и да сотвориши десятую часть ефи (меры) муки пшеничны на жертву, вмешану в елеи четвертую часть (меры) ина:

Числ.28:5  с толкованием

6
всесожжение непрестанное, якоже бысть в горе Синайстей, в воню благовония Господу.

Числ.28:6  с толкованием

7
И возлияние его четвертую часть (меры) ина агнцу единому: во святем да возлиеши возлияние сикеру Господу:

Числ.28:7  с толкованием

8
и агнца втораго сотвориши к вечеру: по жертве его и по возлиянию его да сотвориши, в воню благовония Господу.

Числ.28:8  с толкованием

9
И в день суббот приведете два агнца единолетна непорочна и две десятины муки пшеничны вмешаны в елеи на жертву и возлияние,

Числ.28:9  с толкованием

10
всесожжения субботы в субботах, на всесожжение всегдашнее и возлияние его.

Числ.28:10  с толкованием

11
И в новомесячиих да принесете во всесожжение Господу телца два от говяд и овна единаго, агнцев единолетных седмь непорочных:

Числ.28:11  с толкованием

12
три десятины муки пшеничны вмешаны в елеи телцу единому, и две десятины муки пшеничны вмешаны в елеи овну единому,

Числ.28:12  с толкованием

13
по десятине муки пшеничны вмешаны в елеи агнцу единому: жертву в воню благовония принос Господу.

Числ.28:13  с толкованием

14
Возлияние их от вина пол (меры) ина да будет телцу единому: и третия часть (меры) ина да будет овну единому: и четвертая часть (меры) ина да будет агнцу единому: сие всесожжение от месяца до месяца в месяцы лета.

Числ.28:14  с толкованием

15
И козла единаго от коз греха ради Господу на всесожжение присное сотворите и возлияние его.

Числ.28:15  с толкованием

16
И в месяце первем в четвертыйнадесять день месяца Пасха Господу:

Числ.28:16  с толкованием

17
и в пятыйнадесять день месяца сего праздник: седмь дний опресноки да ясте.

Числ.28:17  с толкованием

18
И день первый нарочит свят да будет вам: всякаго дела служебна да не сотворите.

Числ.28:18  с толкованием

19
И принесете всесожжения принос Господу, телца от волов два, овна единаго, агнцев единолетных седмь: непорочни будут вам.

Числ.28:19  с толкованием

20
И жертва их мука пшенична вмешана в елеи: три десятины телцу единому и две десятины овну единому да сотворите:

Числ.28:20  с толкованием

21
по десятине сотвориши агнцу единому, седми агнцем:

Числ.28:21  с толкованием

22
и козла единаго от коз греха ради, во еже умолити о вас.

Числ.28:22  с толкованием

23
Кроме всесожжения всегдашняго утренняго, еже есть всесожжение всегдашнее, сотворите сия.

Числ.28:23  с толкованием

24
По сему сотворите на (всяк) день, в седмь дний, дар, принос в воню благовония Господу: на всесожжение всегдашнее сотвориши возлияние его.

Числ.28:24  с толкованием

25
И день седмый нарочит свят да будет вам: всякаго дела служебнаго да не сотворите в онь.

Числ.28:25  с толкованием

26
И день новых (плодов), егда принесете Господеви жертву нову седмиц, нарочит свят будет вам: всякаго дела служебна да не сотворите.

Числ.28:26  с толкованием

27
И да принесете всесожжения в воню благовония Господу, телца от волов два, овна единаго, агнцев единолетных седмь непорочных.

Числ.28:27  с толкованием

28
Жертва их мука пшенична вмешана в елеи: три десятины телцу единому и две десятины овну единому:

Числ.28:28  с толкованием

29
по десятине агнцу единому, седми агнцем:

Числ.28:29  с толкованием

30
и козла единаго от коз греха ради, во еже умолити о вас.

Числ.28:30  с толкованием

31
Кроме всесожжения всегдашняго, и жертву их сотворите Мне, непорочни да будут вам, и возлияния их.

Числ.28:31  с толкованием

Глава 
29

Числ.29  с толкованием

1
И в месяц седмый, первый (день) месяца нарочит свят да будет вам: всякаго дела служебна да не сотворите: день знамения будет вам.

Числ.29:1  с толкованием

2
И сотворите всесожжения в воню благовония Господу, телца от волов единаго, овна единаго, агнцев единолетных седмь непорочных:

Числ.29:2  с толкованием

3
жертва их мука пшенична вмешана в елеи: три десятины телцу единому и две десятины овну единому:

Числ.29:3  с толкованием

4
по десятине агнцу единому, седми агнцем:

Числ.29:4  с толкованием

5
и козла от коз единаго греха ради, во еже умолити о вас:

Числ.29:5  с толкованием

6
кроме всесожжений новомесячия и жертвы их, и возлияния их, и всесожжение всегдашнее: и жертвы их и возлияния их, по уставу их, в воню благовония Господу.

Числ.29:6  с толкованием

7
И десятый день месяца сего нарочит свят да будет вам: и озлобите душы вашя, и всякаго дела служебна да не сотворите,

Числ.29:7  с толкованием

8
и принесете всесожжение в воню благовония Господу, приносы Господу: телца единаго от говяд, овна единаго, агнцев единолетных седмь: непорочны да будут вам:

Числ.29:8  с толкованием

9
жертва их мука пшенична вмешана в елеи: три десятины телцу единому и две десятины овну единому:

Числ.29:9  с толкованием

10
по десятине агнцу единому, на седмь агнцев:

Числ.29:10  с толкованием

11
и козла единаго от коз греха ради, во еже умолити о вас: кроме еже греха ради очищения, и всесожжение всегдашнее: жертва его и возлияние его, по уставу его в воню благовония принос Господу.

Числ.29:11  с толкованием

12
И пятыйнадесять день седмаго месяца сего нарочит свят да будет вам: всякаго дела служебна да не сотворите, и празднуйте той праздник Господеви седмь дний,

Числ.29:12  с толкованием

13
и принесите всесожжения принос в воню благовония Господу: в первый день телцев от говяд тринадесять, овна два, агнцев единолетных четыренадесять: непорочны да будут вам:

Числ.29:13  с толкованием

14
жертвы их мука пшенична вмешана в елеи: три десятины телцу единому, тремнадесяти телцем, и две десятины овну единому, на два овна:

Числ.29:14  с толкованием

15
по десятине агнцу единому, на четыренадесять агнцев:

Числ.29:15  с толкованием

16
и козла единаго от коз греха ради: кроме всесожжения всегдашняго, жертвы их и возлияния их.

Числ.29:16  с толкованием

17
И в день вторый телцев дванадесять, овна два, агнцев единолетных четыренадесять непорочных:

Числ.29:17  с толкованием

18
жертва их и возлияния их телцем и овном и агнцем по числу их, по уставу их:

Числ.29:18  с толкованием

19
и козла единаго от коз греха ради: кроме всесожжения всегдашняго, жертвы их и возлияния их.

Числ.29:19  с толкованием

20
В день третий телцев единнадесять, овна два, агнцев единолетных четыренадесять непорочных:

Числ.29:20  с толкованием

21
жертва их и возлияния их телцем и овном и агнцем по числу их, по уставу их:

Числ.29:21  с толкованием

22
и козла от коз единаго греха ради: кроме всесожжения всегдашняго, жертвы их и возлияния их.

Числ.29:22  с толкованием

23
В день четвертый телцев десять, овна два, агнцев единолетных четыренадесять непорочных:

Числ.29:23  с толкованием

24
жертвы их и возлияния их телцем и овном и агнцем по числу их, по уставу их:

Числ.29:24  с толкованием

25
и козла от коз единаго греха ради: кроме всесожжения всегдашняго, жертвы их и возлияния их.

Числ.29:25  с толкованием

26
В день пятый телцев девять, овна два, агнцев единолетных четыренадесять непорочных:

Числ.29:26  с толкованием

27
жертвы их и возлияния их телцем и овном и агнцем но числу их, по уставу их:

Числ.29:27  с толкованием

28
и козла от коз единаго греха ради: кроме всесожжения всегдашняго, жертвы их и возлияния их.

Числ.29:28  с толкованием

29
В день шестый телцев осмь, овна два, агнцев единолетных четыренадесять непорочных:

Числ.29:29  с толкованием

30
жертвы их и возлияния их телцем и овном и агнцем по числу их, по уставу их:

Числ.29:30  с толкованием

31
и козла от коз единаго греха ради: кроме всесожжения всегдашняго, жертвы их и возлияния их.

Числ.29:31  с толкованием

32
В день седмый телцев седмь, овна два, агнцев единолетных четыренадесять непорочных:

Числ.29:32  с толкованием

33
жертвы их и возлияния их телцем и овном и агнцем по числу их, по уставу их:

Числ.29:33  с толкованием

34
и козла от коз единаго греха ради: кроме всесожжения всегдашняго, жертвы их и возлияния их.

Числ.29:34  с толкованием

35
И в день осмый исход будет вам: всякаго дела служебна да не сотворите в онь,

Числ.29:35  с толкованием

36
и да принесете всесожжения в воню благовония Господу, телца единаго, овна единаго, агнцев единолетных седмь непорочных:

Числ.29:36  с толкованием

37
жертвы их и возлияния их телцу и овну и агнцем по числу их, по уставу их:

Числ.29:37  с толкованием

38
и козла от коз единаго греха ради: кроме всесожжения всегдашняго, жертвы их и возлияния их.

Числ.29:38  с толкованием

39
Сия сотворите Господу в праздники вашя, кроме обетов ваших, и вольная ваша, и всесожжения ваша, и жертвы вашя, и возлияния ваша, и спасителная ваша.

Числ.29:39  с толкованием

Глава 
30

Числ.30  с толкованием

1
И глагола Моисей сыном Израилевым по всем, елика заповеда Господь Моисею:

Числ.30:1  с толкованием

2
и глагола Моисей князем племен сынов Израилевых, глаголя: сие слово, еже повеле Господь.

Числ.30:2  с толкованием

3
Человек человек, иже аще обещает обет Господу, или закленется клятвою, или определит пределом о души своей, не осквернавит словесе своего: вся, елика изыдут из уст его, да сотворит.

Числ.30:3  с толкованием

4
Аще же обещает жена обет Господу, или определит определение в дому отца своего в юности своей,

Числ.30:4  с толкованием

5
и услышит отец ея обеты ея и определения ея, яже определи на душу свою, и премолчит отец ея, и да состоятся вся обеты ея, и вся определения, яже определи на душу свою, да пребудут ей.

Числ.30:5  с толкованием

6
Аще же возбранением возбранит отец ея, в оньже день услышит вся обеты ея и определения, яже определи на душу свою, не состоятся: и Господь очистит ю, яко возбрани отец ея.

Числ.30:6  с толкованием

7
Аще же посягла за мужа, и обеты ея на ней, по определении уст ея, елика определи на душу свою,

Числ.30:7  с толкованием

8
и услышит муж ея, и премолчит ей, в оньже день услышит, и тако состоятся вся обеты ея, и определения ея, яже определи на душу свою, да состоятся.

Числ.30:8  с толкованием

9
Аще же возбранением возбранит муж ея, в оньже день услышит вся обеты ея и определения ея, яже определи на душу свою, да не пребудут, яко муж возбрани ей: и Господь очистит ю.

Числ.30:9  с толкованием

10
И обет вдовицы и пущеницы, елика аще обещают на душу свою, да пребудут им.

Числ.30:10  с толкованием

11
Аще же в дому мужа ея обет ея или определение, еже на душу ея с клятвою,

Числ.30:11  с толкованием

12
и услышит муж ея, и премолчит ей, и не возбранит ей, и состоятся вся обеты ея, и вся определения ея, яже определи на душу свою да состоятся на ню.

Числ.30:12  с толкованием

13
Аще же отлучая отлучит муж ея, в оньже день услышит, вся елика изыдоша из уст ея по обетом ея и по определением ея яже на душу ея, не пребудут ей: муж бо ея отлучил есть, и Господь очистит ю.

Числ.30:13  с толкованием

14
Всяк обет и всяка клятва соуза во еже озлобити душу, муж ея поставит ей, и муж ея отимет.

Числ.30:14  с толкованием

15
Аще же молча премолчит ей день от дне, и поставит ей вся обеты ея, и определения яже на ней, поставит ей, яко умолча ей в день, в оньже услыша.

Числ.30:15  с толкованием

16
Аще же отлучая отлучит муж ея по дни, в оньже услыша, и приимет грех свой.

Числ.30:16  с толкованием

17
Сия оправдания, елика заповеда Господь Моисею, между мужем и между женою его, и между отцем и дщерию в юности ея, в дому отчи.

Числ.30:17  с толкованием

Глава 
31

Числ.31  с толкованием

1
И рече Господь к Моисею, глаголя:

Числ.31:1  с толкованием

2
отмсти месть сынов Израилевых от Мадианитов, и последи приложишися к людем своим.

Числ.31:2  с толкованием

3
И рече Моисей к людем, глаголя: вооружите от вас мужы и ополчитеся пред Господем на Мадиама, отдати отмщение от Господа Мадиаму:

Числ.31:3  с толкованием

4
тысящу от племене и тысящу от племене, от всех племен сынов Израилевых, послите ополчитися.

Числ.31:4  с толкованием

5
И сочтоша от тысящ Израилевых, по тысящи от племене, дванадесять тысящ вооруженых на брань.

Числ.31:5  с толкованием

6
И посла я Моисей тысящу от племене и тысящу от племене с силою их, и Финееса сына Елеазарова сына Аарона жерца: и сосуды святыя, и трубы знаменныя в руках их.

Числ.31:6  с толкованием

7
И ополчишася на Мадиама, якоже повеле Господь Моисею, и избиша весь мужеск пол:

Числ.31:7  с толкованием

8
и царей Мадиамских убиша вкупе с язвеными их, и Евина и Рокома, и Сура и Ура и ровока, пять царей Мадиамлих: и Валаама сына Веорова убиша мечем с язвеными их:

Числ.31:8  с толкованием

9
и плениша жен Мадиамлих и имения их, и скоты их и вся притяжания их, и силу их плениша:

Числ.31:9  с толкованием

10
и вся грады их, яже во обитаниих их, и веси их пожгоша огнем,

Числ.31:10  с толкованием

11
и взяша весь плен их и вся корысти их, от человека до скота:

Числ.31:11  с толкованием

12
и приведоша к Моисею и ко Елеазару жерцу и ко всем сыном Израилевым плен и корысти и имение в полк, во аравоф Моавль, иже есть у Иордана при Иерихоне.

Числ.31:12  с толкованием

13
И изыде Моисей и Елеазар жрец и вси князи сонма в сретение им вне полка.

Числ.31:13  с толкованием

14
И разгневася Моисей на надзирателей силы, тысященачалников и стоначалников идущих от ополчения брани.

Числ.31:14  с толкованием

15
И рече им Моисей: вскую жив остависте весь женск пол?

Числ.31:15  с толкованием

16
Тыя бо быша сыном Израилевым, по словеси Валаамлю, еже отступити и презрети слово Господне Фогора ради, и бысть язва в сонме Господни:

Числ.31:16  с толкованием

17
и ныне избийте всяк мужеск пол во всяком возрасте, и всяку жену, яже позна ложе мужеско, избийте:

Числ.31:17  с толкованием

18
и всяк возраст женск, яже не познаша ложа мужеска, живых оставите я:

Числ.31:18  с толкованием

19
и вы станите вне полка седмь дний: всяк убивый душу и прикоснувыйся убиеному да очистится в третий день и в день седмый, вы и плен ваш:

Числ.31:19  с толкованием

20
и всяку одежду, и всяк сосуд кожан, и всяко соделаное от козличины, и всяк сосуд древян очистите.

Числ.31:20  с толкованием

21
И рече Елеазар жрец к мужем силы приходящым от ополчения ратнаго: сие оправдание закона, еже заповеда Господь Моисею:

Числ.31:21  с толкованием

22
кроме сребра и злата, и меди и железа, и касситера и олова,

Числ.31:22  с толкованием

23
всяка вещь, яже пройдет сквозе огнь, и (огнем) очистится, но и водою очищения очистится: и вся, елика аще не пройдут сквозе огнь, да пройдут сквозе воду:

Числ.31:23  с толкованием

24
и исперите ризы вашя в день седмый, и очиститеся: и по сих внидете в полк.

Числ.31:24  с толкованием

25
И рече Господь к Моисею, глаголя:

Числ.31:25  с толкованием

26
возмите сочисление корыстей плена от человека до скота, ты и Елеазар жрец и князи отечеств сонма,

Числ.31:26  с толкованием

27
и разделите корысти между воины ходившими на брань и между всем сонмом,

Числ.31:27  с толкованием

28
и отлучите дань Господу от людий военных ходивших на брань, едину душу от пяти сот, от человек и от скотов, и от волов и от овец и от ослят,

Числ.31:28  с толкованием

29
и от половины их да возмете, и даси Елеазару жерцу начатки Господни:

Числ.31:29  с толкованием

30
и от половины сынов Израилевых да возмеши едино от пятидесяти человек, и от волов и от овец, и от ослят и от всех скотов, и даси я левитом, иже стрегут стражбы в скинии Господни.

Числ.31:30  с толкованием

31
И сотвори Моисей и Елеазар жрец, якоже повеле Господь Моисею.

Числ.31:31  с толкованием

32
И бысть множество плена, егоже плениша мужи воинстии, от овец шесть сот седмьдесят пять тысящ,

Числ.31:32  с толкованием

33
и волов седмьдесят две тысящы,

Числ.31:33  с толкованием

34
и ослов шестьдесят едина тысяща,

Числ.31:34  с толкованием

35
и душ человеческих от женска полу, яже не познаша ложа мужеска, всех душ тридесять две тысящы:

Числ.31:35  с толкованием

36
и бысть половина часть ходивших на брань, от числа овец триста тридесять седмь тысящ и пять сот:

Числ.31:36  с толкованием

37
и бысть дань Господу от овец шесть сот седмьдесят пять:

Числ.31:37  с толкованием

38
и волов тридесять шесть тысящ, и дань Господу седмьдесят и два:

Числ.31:38  с толкованием

39
и ослов тридесять тысящ пять сот, и дань Господу шестьдесят един:

Числ.31:39  с толкованием

40
и душ человеческих шестьнадесять тысящ, и дань от сих Господу тридесять две души.

Числ.31:40  с толкованием

41
И даде Моисей дань Господу, участие Божие Елеазару жерцу, якоже повеле Господь Моисею.

Числ.31:41  с толкованием

42
От половины сынов Израилевых, ихже раздели Моисей от мужей военных:

Числ.31:42  с толкованием

43
и бысть половина от сонма, от овец триста и тридесять седмь тысящ и пять сот:

Числ.31:43  с толкованием

44
и волов тридесять шесть тысящ:

Числ.31:44  с толкованием

45
ослов тридесять тысящ и пять сот:

Числ.31:45  с толкованием

46
и человечих душ шестьнадесять тысящ:

Числ.31:46  с толкованием

47
и взя Моисей от половины сынов Израилевых, едино от пятидесяти, от человек и от скотов, и даде я левитом стрегущым стражбы скинии Господни, якоже повеле Господь Моисею.

Числ.31:47  с толкованием

48
И приидоша к Моисею вси поставленнии над тысящами силы, тысященачалники и стоначалники,

Числ.31:48  с толкованием

49
и рекоша к Моисею: отроцы твои взяша сочтение от мужей воинских, иже суть у нас, и никтоже погибе от них:

Числ.31:49  с толкованием

50
и принесохом дар Господу, муж еже обрете, сосуд злат и обручие, и гривну и перстень, и усерязи и чепь златую, умолити о нас пред Господем.

Числ.31:50  с толкованием

51
И взя Моисей и Елеазар жрец злато от них, всяк сосуд соделан.

Числ.31:51  с толкованием

52
И бысть всего злата участие, еже отлучися Господу, шестьнадесять тысящ и седмь сот и пятьдесят сикль от тысященачалников и от стоначалников.

Числ.31:52  с толкованием

53
И мужи воинстии плениша кийждо себе.

Числ.31:53  с толкованием

54
И взяша Моисей и Елеазар жрец злато от тысященачалников и от стоначалников и внесоша е в скинию свидения, в память сынов Израилевых пред Господем.

Числ.31:54  с толкованием

Глава 
32

Числ.32  с толкованием

1
И скота множество бяше сыном Рувимлим и сыном Гадовым, много зело. И видеша страну Иазирову и страну Галаадову, и бяше место, место скотно.

Числ.32:1  с толкованием

2
И пришедше сынове Рувимли и сынове Гадовы рекоша к Моисею и ко Елеазару жерцу и ко князем сонма, глаголюще:

Числ.32:2  с толкованием

3
Атароф и Девон, и Иазир и Намра, и Есевон и Елеали, и Севама и Навав и Веан,

Числ.32:3  с толкованием

4
земля, юже предаде Господь пред сыны Израилевыми, земля скотопитателна есть, рабом же твоим скот есть.

Числ.32:4  с толкованием

5
И реша: аще обретохом благодать пред тобою, да дастся нам земля сия рабом твоим во одержание, и не преводи нас чрез Иордан.

Числ.32:5  с толкованием

6
И рече Моисей сыном Гадовым и сыном Рувимлим: братия вашя пойдут на брань, и вы ли сядете ту?

Числ.32:6  с толкованием

7
И вскую развращаете сердце сынов Израилевых, не прейти на землю, юже дает Господь им?

Числ.32:7  с толкованием

8
Не тако ли сотвориша отцы ваши, егда послах я от Кадис-Варни соглядати землю?

Числ.32:8  с толкованием

9
И взыдоша до дебри Грезновныя, и соглядаша землю, и отвратиша сердце сынов Израилевых, яко да не внидут в землю, юже даде им Господь?

Числ.32:9  с толкованием

10
И разгневася яростию Господь в день Он и клятся, глаголя:

Числ.32:10  с толкованием

11
аще узрят человецы сии изшедшии из Египта, от двадесяти лет и вышше, ведущии добро и зло, землю, еюже кляхся Аврааму и Исааку и Иакову: не последоваша бо вслед Мене,

Числ.32:11  с толкованием

12
точию Халев сын Иефонниин Отлученный и Иисус сын Навин, яко последоваша вслед Господа.

Числ.32:12  с толкованием

13
И разгневася яростию Господь на Израиля, и томи я в пустыни четыредесять лет, дондеже потребися весь род творящий злая пред Господем.

Числ.32:13  с толкованием

14
Се, востасте вместо отец ваших, сокрушение человек грешников, приложити еще к ярости гнева Господня на Израиля:

Числ.32:14  с толкованием

15
яко отвратитеся от Него, приложити еще оставити его в пустыни, и возбеззаконнуете на весь сонм сей.

Числ.32:15  с толкованием

16
И приидоша к нему и глаголаша: ограды овцам да соградим зде скотом своим, и грады имением нашым:

Числ.32:16  с толкованием

17
и мы вооружени пойдем на стражбу первии сыном Израилевым, дондеже введем я в место их: и да вселятся имения наша во градех утвержденых ради живущих на земли:

Числ.32:17  с толкованием

18
не возвратимся в домы нашя, дондеже разделятся сынове Израилтестии, кийждо в наследие свое:

Числ.32:18  с толкованием

19
и ктому не наследим в них об ону страну Иордана и далее, яко прияхом жребия нашя сию страну Иордана на востоки.

Числ.32:19  с толкованием

20
И рече к ним Моисей: аще сотворите по словеси сему, аще вооружитеся пред Господем на брань,

Числ.32:20  с толкованием

21
и прейдет всяк оружник ваш Иордан пред Господем на брань, дондеже потребится враг Его от лица Его,

Числ.32:21  с толкованием

22
и обладана будет земля пред Господем, и посем возвратитеся, и будете безвинни пред Господем и от Израиля: и будет земля сия вам во одержание пред Господем:

Числ.32:22  с толкованием

23
аще же не сотворите тако, согрешите пред Господем, и увесте грех ваш, егда вас постигнут злая:

Числ.32:23  с толкованием

24
и соградите вы себе грады имению вашему и ограды скотом вашым: и исходящее из уст ваших сотворите.

Числ.32:24  с толкованием

25
И рекоша сынове Рувимли и сынове Гадовы к Моисею, глаголюще: раби твои сотворят, якоже Господь наш повелел есть:

Числ.32:25  с толкованием

26
имение наше, и жены наши, и весь скот наш да будут во градех Галаадовых:

Числ.32:26  с толкованием

27
раби же твои прейдут вси вооружени и уготовани пред Господем на брань, якоже глаголет Господь.

Числ.32:27  с толкованием

28
И пристави им Моисей Елеазара жерца и Иисуса сына Навина, и князи отечеств племен сынов Израилевых.

Числ.32:28  с толкованием

29
И рече к ним Моисей: аще прейдут сынове Рувимли и сынове Гадовы с вами чрез Иордан, всяк вооружен на брань пред Господем, и обладаете землею пред собою, и дадите им землю Галаадову во одержание.

Числ.32:29  с толкованием

30
Аще ли не прейдут вооружени с вами на брань пред Господем, то предпослите имение их и жены их и скоты их прежде вас на землю Ханааню, и да наследят купно с вами в земли Ханаани.

Числ.32:30  с толкованием

31
И отвещаша сынове Рувимли и сынове Гадовы, глаголюще: елика глаголет Господь рабом Своим, тако сотворим мы:

Числ.32:31  с толкованием

32
прейдем вооружени пред Господем в землю Ханааню, и дадите нам во одержание страну сию Иордана.

Числ.32:32  с толкованием

33
И даде им Моисей сыном Гадовым и сыном Рувимлим и полуплемени Манассиину сынов Иосифовых царство Сиона царя Аморрейска и царство Ога царя Васанска, землю и грады с пределы ея, грады окрестныя земли.

Числ.32:33  с толкованием

34
И соградиша сынове Гадовы Девон и Атароф и Ароир,

Числ.32:34  с толкованием

35
и Софан и Иазир, и вознесоша их,

Числ.32:35  с толкованием

36
и Намрам и Вефаран грады тверды, и ограды овцам.

Числ.32:36  с толкованием

37
И сынове Рувимли соградиша Есевон и Елеали и Кариафаим,

Числ.32:37  с толкованием

38
и Навон и Веельмеон ограждены, и Севама: и прозваша по именом своим имена градом, яже соградиша.

Числ.32:38  с толкованием

39
И иде ур сын Махиров, внук Манассиев, в Галаад, и взя его, и погуби Аморреа живущаго в нем:

Числ.32:39  с толкованием

40
и даде Моисей Галаад Махиру сыну Манассиину, и вселися ту.

Числ.32:40  с толкованием

41
И Иаир сын Манассиев иде и взя села их, и прозваша я села Иаирова.

Числ.32:41  с толкованием

42
И Навав иде и взя Каафа и села его, и именова я Навоф от имене своего.

Числ.32:42  с толкованием

Глава 
33

Числ.33  с толкованием

1
И сии станове сынов Израилевых, егда изыдоша из земли Египетския с силою своею рукою Моисеовою и Ааронею.

Числ.33:1  с толкованием

2
И написа Моисей воздвижения их и станы их, по словеси Господню. И сии станове шествия их:

Числ.33:2  с толкованием

3
воздвигошася от Рамессы в месяц первый, в пятыйнадесять день перваго месяца: наутрие Пасхи изыдоша сынове Израилтестии рукою высокою пред всеми Египтяны:

Числ.33:3  с толкованием

4
и Египтяне погребаху умершыя от них вся, яже изби Господь всякаго первенца в земли Египетстей: и в бозех их сотвори отмщение Господь.

Числ.33:4  с толкованием

5
И воздвигшеся сынове Израилевы от Рамессы, ополчишася в Сокхофе:

Числ.33:5  с толкованием

6
и воздвигшеся от Сокхофа, ополчишася в Вуфане, иже есть часть некая пустыни:

Числ.33:6  с толкованием

7
и воздвигошася от Вуфана, и ополчишася во устии Ирофа, иже есть прямо Веельсепфону, и ополчишася прямо Магдолу:

Числ.33:7  с толкованием

8
и воздвигошася прямо Ирофу, и проидоша среди моря в пустыню: и идоша путем три дни в пустыни тии, и ополчишася в Горькостех.

Числ.33:8  с толкованием

9
И воздвигошася от Горькостей и приидоша в Елим: и в Елиме (быша) дванадесять источники вод, и седмьдесят стеблий фиников, и ополчишася у воды тамо.

Числ.33:9  с толкованием

10
И воздвигошася от Елима и ополчишася у моря Чермнаго:

Числ.33:10  с толкованием

11
и воздвигошася от моря Чермнаго и ополчишася в пустыни Син:

Числ.33:11  с толкованием

12
и воздвигошася от пустыни Син и ополчишася в Рафаке:

Числ.33:12  с толкованием

13
и воздвигошася от Рафака и ополчишася в Елусе:

Числ.33:13  с толкованием

14
и воздвигошася от Елуса и ополчишася в Рафидине: и не бысть тамо воды людем пити.

Числ.33:14  с толкованием

15
И воздвигошася от Рафидина и ополчишася в пустыни Сина:

Числ.33:15  с толкованием

16
и воздвигошася от пустыни Сина и ополчишася во гробех Похотения:

Числ.33:16  с толкованием

17
и воздвигошася от Гробов Похотения и ополчишася во Асирофе:

Числ.33:17  с толкованием

18
и воздвигошася от Асирофа и ополчишася в Рафаме:

Числ.33:18  с толкованием

19
и воздвигошася от Рафама и ополчишася в Ремнон-Фаресе:

Числ.33:19  с толкованием

20
и воздвигошася от Ремнон-Фареса и ополчишася в Лемвоне:

Числ.33:20  с толкованием

21
и воздвигошася от Лемвона и ополчишася в Рессане:

Числ.33:21  с толкованием

22
и воздвигошася от Рессана и ополчишася в Макеллафе:

Числ.33:22  с толкованием

23
и воздвигошася от Макеллафа и ополчишася во Арсафафе:

Числ.33:23  с толкованием

24
и воздвигошася от Арсафафа горы и ополчишася в Харадафе:

Числ.33:24  с толкованием

25
и воздвигошася от Харадафа и ополчишася в Макидофе:

Числ.33:25  с толкованием

26
и воздвигошася от Макидофа и ополчишася в Катаафе:

Числ.33:26  с толкованием

27
и воздвигошася от Катаафа и ополчишася во Фарафе:

Числ.33:27  с толкованием

28
и воздвигошася от Фарафа и ополчишася в Мафекке:

Числ.33:28  с толкованием

29
и воздвигошася от Мафекка и ополчишася во Аселмоне:

Числ.33:29  с толкованием

30
и воздвигошася от Аселмона и ополчишася в Масуруфе:

Числ.33:30  с толкованием

31
и воздвигошася от Масуруфа и ополчишася в Ванаккане:

Числ.33:31  с толкованием

32
и воздвигошася от Ванаккана и ополчишася в горе Гаддад:

Числ.33:32  с толкованием

33
и воздвигошася от горы Гаддад и ополчишася во Етевафе:

Числ.33:33  с толкованием

34
и воздвигошася от Етевафа и ополчишася во Евроне:

Числ.33:34  с толкованием

35
и воздвигошася от Еврона и ополчишася в Гесион-Гавере:

Числ.33:35  с толкованием

36
и воздвигошася от Гесион-Гавера и ополчишася в пустыни Син: и воздвигошася от пустыни Син и ополчишася в пустыни Фарани, яже есть Кадис:

Числ.33:36  с толкованием

37
и воздвигошася от Кадиса и ополчишася в горе Ор близ земли Едомли.

Числ.33:37  с толкованием

38
И взыде Аарон жрец на гору Ор повелением Господним, и умре тамо в четыредесятое лето изшествия сынов Израилевых из земли Египетския, месяца пятаго в первый день месяца.

Числ.33:38  с толкованием

39
И Аарон бяше ста двадесяти трех лет, егда умре в горе Ор.

Числ.33:39  с толкованием

40
И услыша Хананей царь Арадский, и сей живяше в земли Ханаани, егда вхождаху сынове Израилевы.

Числ.33:40  с толкованием

41
И воздвигошася от горы Ор и ополчишася в Селмоне:

Числ.33:41  с толкованием

42
и воздвигошася от Селмона и ополчишася в Финоне:

Числ.33:42  с толкованием

43
и воздвигошася от Финона и ополчишася во Овофе:

Числ.33:43  с толкованием

44
и воздвигошася от Овофа и ополчишася в Гаи, об ону страну предел Моавлих:

Числ.33:44  с толкованием

45
и воздвигошася от Гаи и ополчишася в Девон-Гаде:

Числ.33:45  с толкованием

46
и воздвигошася от Девон-Гада и ополчишася в Гелмон-Девлафаиме:

Числ.33:46  с толкованием

47
и воздвигошася от Гелмон-Девлафаима и ополчишася в горах Аваримлих прямо Нававу:

Числ.33:47  с толкованием

48
и воздвигошася от гор Аваримлих и ополчишася на западе Моавли, у Иордана при Иерихоне:

Числ.33:48  с толкованием

49
и воздвигошася от запада Моавля и ополчишася у Иордана, между Есимофом, до Велсаттима на запады Моава.

Числ.33:49  с толкованием

50
И рече Господь к Моисею в западе Моава у Иордана при Иерихоне, глаголя:

Числ.33:50  с толкованием

51
глаголи сыном Израилевым и речеши к ним: вы преходите Иордан в землю Ханааню,

Числ.33:51  с толкованием

52
и погубите вся живущыя на земли от лица вашего, и разрушите стражбы их, и вся идолы излиянныя их сокрушите я, и вся капища их разрушите,

Числ.33:52  с толкованием

53
и погубите вся живущыя на земли, и вселитеся в ню: вам бо дах землю их по жребию:

Числ.33:53  с толкованием

54
и наследите землю их жребием по племенам вашым: многим умножите одержание их, и малым умалите одержание их: в неже изыдет имя его, тамо да будет жребий его: по племенам отечествий ваших наследите:

Числ.33:54  с толкованием

55
аще же не погубите живущих на земли от лица вашего, будут, ихже оставите от них, остны во очесех ваших и стрелы в ребрах ваших, и совраждуют вам на земли, на нейже вы вселитеся:

Числ.33:55  с толкованием

56
и будет якоже умыслих сотворити онем, то сотворю вам.

Числ.33:56  с толкованием

Глава 
34

Числ.34  с толкованием

1
И рече Господь к Моисею, глаголя:

Числ.34:1  с толкованием

2
заповеждь сыном Израилевым, и речеши к ним: вы входите в землю Ханааню, сия будет вам в наследие, земля Ханааня с пределы ея:

Числ.34:2  с толкованием

3
и будет вам страна, яже к ливе от пустыни Син даже до Едома: и будут вам пределе к ливе, от края моря Сланаго от востоков,

Числ.34:3  с толкованием

4
и обыдут вас пределы от ливы до возшествия Акравиня, и пройдут Еннак, и будет исход его к ливе Кадис-Варни, и изыдет на село Арад, и пройдет Аселмона:

Числ.34:4  с толкованием

5
и обыдут пределы от Аселмона водотечу Египетскую, и будет исход море (великое):

Числ.34:5  с толкованием

6
и пределы морстии будут вам, море великое определит, сие будет вам пределы морстии:

Числ.34:6  с толкованием

7
и сие будет вам предел к северу: от моря великаго измерите сами себе при горе Гору:

Числ.34:7  с толкованием

8
и от горы Гору измерите сами себе, входяще во Емаф, и будут преход его пределы Садада:

Числ.34:8  с толкованием

9
и изыдут пределы Зефрона, и будет исход его Арсенаин: сие будет вам пределы от севера:

Числ.34:9  с толкованием

10
и измерите сами себе пределы восточныя от Арсенаина до Сепфамара:

Числ.34:10  с толкованием

11
и снидут пределы от Сепфамар-Вила от восток на источники, и снидут пределы Вилы, и пройдут на хребет моря Хенереф, от восток:

Числ.34:11  с толкованием

12
и снидут пределы на Иордан, и будет преход его море Сланое: сия будет земля вам, и пределы ея окрест.

Числ.34:12  с толкованием

13
И заповеда Моисей сыном Израилевым, глаголя: сия земля, юже приимете в наследие по жребию, якоже повеле Господь, дати ю девяти племеном и полуплемени Манассиину:

Числ.34:13  с толкованием

14
яко взя племя сынов Рувимлих и племя сынов Гадовых, по домом отечеств их, и пол племене Манассиина восприяша жребия своя:

Числ.34:14  с толкованием

15
два племена и пол племене прияша жребия своя за Иорданом при Иерихоне от полудня на востоки.

Числ.34:15  с толкованием

16
И рече Господь к Моисею, глаголя:

Числ.34:16  с толкованием

17
сия имена мужей, иже разделят вам землю: Елеазар жрец и Иисус Навин:

Числ.34:17  с толкованием

18
и по князю единому от племене возмете разделити вам землю.

Числ.34:18  с толкованием

19
И сия имена мужем: племене Иудина Халев сын Иефонниин,

Числ.34:19  с толкованием

20
племене Симеоня Саламиил сын Семиудов,

Числ.34:20  с толкованием

21
племене Вениаминя Елдад сын Хаслонь,

Числ.34:21  с толкованием

22
племене Данова князь Воккор сын Иеклинин,

Числ.34:22  с толкованием

23
сынов Иосифовых племене сынов Манассииных князь Аниил сын Суфидов,

Числ.34:23  с толкованием

24
племене сынов Ефремлих князь Камуил сын Сафтанов,

Числ.34:24  с толкованием

25
племене Завулоня князь Елисафан сын Харнахов,

Числ.34:25  с толкованием

26
племене сынов Иссахаровых князь Фалтиил сын Озаин,

Числ.34:26  с толкованием

27
племене сынов Асировых князь Ахиор сын Селемиин,,

Числ.34:27  с толкованием

28
племене Неффалимля князь Фадаил сын Амиудов.

Числ.34:28  с толкованием

29
Сим заповеда Господь разделити сыном Израилевым в земли Ханаани.

Числ.34:29  с толкованием

Глава 
35

Числ.35  с толкованием

1
И рече Господь к Моисею на западе Моавли у Иордана при Иерихоне, глаголя:

Числ.35:1  с толкованием

2
заповеждь сыном Израилевым, да дадят левитом от жребий одержания своего грады вселитися, и предградия градская окрест их да дадят левитом:

Числ.35:2  с толкованием

3
и будут им грады вселятися, и участия их да будут скотом их и всем четвероножным их:

Числ.35:3  с толкованием

4
и прилежащая градом, ихже дадите левитом, от стены града и вне, две тысящы лакот окрест:

Числ.35:4  с толкованием

5
и да измериши страну вне града, яже на восток, две тысящы лакот, и страну, яже к ливе, две тысящы лакот, и страну, яже к морю, две тысящы лакот, и страну, яже к северу, две тысящы лакот, и град посреде сего будет вам, и пределы градов:

Числ.35:5  с толкованием

6
и грады яже дадите левитом, шесть градов (да будут) убежных, ихже дадите убегати в ня убившему, и к сим четыредесять и два града:

Числ.35:6  с толкованием

7
всех градов дадите левитом четыредесять и осмь градов, сия и предградия их:

Числ.35:7  с толкованием

8
и грады, ихже дадите от одержания сынов Израилевых, от многих многа, а от малых мала: кийждо по наследию своему, еже наследят, да дадят от градов левитом.

Числ.35:8  с толкованием

9
И рече Господь к Моисею, глаголя:

Числ.35:9  с толкованием

10
глаголи сыном Израилевым и речеши к ним: вы преходите Иордан в землю Ханааню:

Числ.35:10  с толкованием

11
и разделите сами себе грады убежища да будут вам убегати в ня убийце, всяк убивый душу нехотяй:

Числ.35:11  с толкованием

12
и будут гради вам убежища от ужика крове, и да не умрет убивый, дондеже станет пред сонмом на суде:

Числ.35:12  с толкованием

13
и грады, яже дадите, шесть градов, убежища да будут вам.

Числ.35:13  с толкованием

14
Три грады дадите об ону страну Иордана, и три грады дадите в земли Ханаани:

Числ.35:14  с толкованием

15
убежище да будет сыном Израилевым, и пришелцу, и обиталнику иже в вас, да будут гради сии во убежище убегати тамо всякому убившему душу нехотением.

Числ.35:15  с толкованием

16
Аще же орудием железным убиет его, и умрет, убийца есть: смертию да умрет убийца.

Числ.35:16  с толкованием

17
Аще же камением из руки убиет его, и умрет от него, убийца есть: смертию да умрет убийца.

Числ.35:17  с толкованием

18
Аще же орудием древяным из руки, от негоже умрет, убиет его, и умрет, убийца есть: смертию да умрет убийца.

Числ.35:18  с толкованием

19
Ужик крове, сей да убиет убившаго: егда усрящет его, сей да убиет его.

Числ.35:19  с толкованием

20
Аще же вражды ради ринет его и вержет на него всяк сосуд по навету, и умрет,

Числ.35:20  с толкованием

21
или от ненависти поразил его рукою, и умрет, смертию да умрет убивый, убийца есть: смертию да умрет убиваяй: ужик крове да убиет убийцу, егда сретится с ним.

Числ.35:21  с толкованием

22
Аще же внезапу не вражды ради ринет его, или вержет на него всяк сосуд не по навету,

Числ.35:22  с толкованием

23
или всяким каменем, имже вержет не ведый, и падет на него, и умрет, он же враг его не бе, ниже ищяй зла ему творити,

Числ.35:23  с толкованием

24
и да судит сонм между убившим и между ужиком крове, по судбам сим,

Числ.35:24  с толкованием

25
и избавит сонм убившаго от ужика крове, и да возвратит его сонм во град убежища его, в оньже убежа, и да поживет тамо, дондеже умрет жрец великий, егоже помазаша елеем святым.

Числ.35:25  с толкованием

26
Аще же исходом изыдет убивый вне предел града, в оньже убежа тамо,

Числ.35:26  с толкованием

27
и обрящет его ужик крове вне предел града убежища его, и убиет ужик крове убившаго, несть повинен:

Числ.35:27  с толкованием

28
во граде бо убежания да живет, дондеже умрет жрец великий, и по умертвии жерца великаго да возвратится убивый в землю одержания своего.

Числ.35:28  с толкованием

29
И да будут сия вам во оправдание суда в роды вашя во всех селениих ваших.

Числ.35:29  с толкованием

30
Всякаго убившаго душу, пред свидетелми да убиеши убившаго: и свидетель един да не свидетелствует на смерть души.

Числ.35:30  с толкованием

31
И да не возмете искупа за душу от убившаго, повинна суща убиению: смертию бо умрет:

Числ.35:31  с толкованием

32
ниже да возмете искупа убежания во град убежища, да паки живет на земли, дондеже умрет жрец великий.

Числ.35:32  с толкованием

33
И да не убиете земли, на нейже вы обитаете: кровь бо сия убивает землю, и не очистится земля от крове пролиянныя на ней, но токмо кровию проливающаго:

Числ.35:33  с толкованием

34
и да не оскверните земли, на нейже живете, на нейже Аз вселяюся посреде вас: Аз бо есмь Господь вселяяйся посреде сынов Израилевых.

Числ.35:34  с толкованием

Глава 
36

Числ.36  с толкованием

1
И приидоша князи племене сынов Галаадовых, сына Махирова сына Манассиина от племене сынов Иосифовых, и глаголаша пред Моисеом и пред Елеазаром жерцем и пред князи домов отечеств сынов Израилевых,

Числ.36:1  с толкованием

2
и рекоша: господину нашему повеле Господь отдати землю наследия по жребию сыном Израилевым: и господину нашему заповеда Господь дати наследие Салпаада брата нашего дщерем его:

Числ.36:2  с толкованием

3
и будут единому от племен сынов Израилевых в жены, и отлучится жребий их от одержания отец наших, и приложится к наследию племене, имже будут в жены, и от жребия наследия нашего отлучится:

Числ.36:3  с толкованием

4
аще же будет оставление сынов Израилевых, и приложится наследие их к наследию племене, имже аще будут в жены, и от наследия племене отечества нашего отимется наследие их.

Числ.36:4  с толкованием

5
И заповеда Моисей сыном Израилевым по повелению Господню, глаголя: сице племя сынов Иосифовых глаголют:

Числ.36:5  с толкованием

6
сие слово, еже заповеда Господь дщерем Салпаадовым, глаголя: идеже угодно им, да будут в жены, токмо от сонма отечества своего да будут в жены,

Числ.36:6  с толкованием

7
и не превратится наследие сынов Израилевых от племене в племя ино: яко кийждо в наследии племене отечества своего женитися имут сынове Израилевы:

Числ.36:7  с толкованием

8
и всяка дщи, ужичествующая наследие от племен сынов Израилевых, единому сущих от сонма отца ея да будет жена: да ужичествуют сынове Израилевы кийждо наследие отца своего:

Числ.36:8  с толкованием

9
и не превратится жребий от племене в племя ино, но кийждо в наследии своем да женятся сынове Израилевы.

Числ.36:9  с толкованием

10
Якоже повеле Господь Моисею, тако сотвориша дщери Салпаадовы.

Числ.36:10  с толкованием

11
И быша Маала и Ферса, и Егла и Мелха и Нуа, дщери Салпаадовы, сыном братии своея, от сонма Манассиина сынов Иосифовых, быша в жены:

Числ.36:11  с толкованием

12
и бысть наследие их в племени сонма отца их.

Числ.36:12  с толкованием

13
Сия заповеди и оправдания и суды, яже заповеда Господь рукою Моисеовою на западе Моавли при Иордане прямо Иерихону.

Числ.36:13  с толкованием