Глава 
3

Дан.3  с толкованием

1
В лето осмонадесятое Навуходоносор царь сотвори тело злато, высота его лактий шестидесяти и широта его лактий шести, и постави е на поли Деире во стране Вавилонстей.

Дан.3:1  с толкованием

2
И посла (Навуходоносор царь) собрати ипаты и воеводы и местоначалники, вожди же и мучители, и сущыя на властех и вся князи стран, приити на обновление кумира, егоже постави Навуходоносор царь.

Дан.3:2  с толкованием

3
И собрашася местоначалницы, ипатове, воеводы, вождеве, мучителие велицыи, иже над властьми, и вси началницы стран на обновление тела, еже постави Навуходоносор царь: и сташа пред телом, еже постави Навуходоносор царь.

Дан.3:3  с толкованием

4
И проповедник вопияше со крепостию: вам глаголется, народи, людие, племена, языцы:

Дан.3:4  с толкованием

5
в оньже час аще услышите глас трубы, свирели же и гусли, самвики же и псалтири и согласия, и всякаго рода мусикийска, падающе покланяйтеся телу златому, еже постави Навуходонсор царь:

Дан.3:5  с толкованием

6
и иже аще не пад поклонится, в той час ввержен будет в пещь огнем горящую.

Дан.3:6  с толкованием

7
И бысть егда услышаша людие глас трубы, свирели же и гусли, самвики же и псалтири и согласия, и всякаго рода мусикийска, падающе вси людие, племена, языцы, покланяхуся телу златому, еже постави Навуходоносор царь.

Дан.3:7  с толкованием

8
Тогда приступиша мужие Халдейстии и оболгаша Иудеев,

Дан.3:8  с толкованием

9
отвещавше реша Навуходоносору цареви: царю, во веки живи:

Дан.3:9  с толкованием

10
ты, царю, положил еси повеление, да всяк человек, иже аще услышит глас трубы, свирели же и гусли, самвики же и псалтири и согласия, и всякаго рода мусикийска,

Дан.3:10  с толкованием

11
и не пад поклонится телу златому, ввержен будет в пещь огнем горящую.

Дан.3:11  с толкованием

12
Суть убо мужие Иудее, ихже поставил еси над делы страны Вавилионския, Седрах, Мисах и Авденаго, иже не послушаша заповеди твоея, царю, и богом твоим не служат и телу златому, еже поставил еси, не покланяются.

Дан.3:12  с толкованием

13
Тогда Навуходоносор в ярости и гневе рече привести Седраха, Мисаха и Авденаго. И приведени быша пред царя.

Дан.3:13  с толкованием

14
И отвеща Навуходоносор и рече им: аще воистинну, Седрах, Мисах и Авденаго, богом моим не служите и телу златому, еже поставих, не покланяетеся?

Дан.3:14  с толкованием

15
Ныне убо аще есте готови, да егда услышите глас трубы, свирели же и гусли, самвики же и псалтири и согласия, и всякаго рода мусикийска, падше поклонитеся телу златому, еже сотворих: аще же не поклонитеся, в той час ввержени будете в пещь огнем горящую: и кто есть Бог, иже измет вы из руки моея?

Дан.3:15  с толкованием

16
И отвещаша Седрах, Мисах и Авденаго, глаголюще царю Навуходоносору: не требе нам о глаголе сем отвещати тебе:

Дан.3:16  с толкованием

17
есть бо Бог наш на небесех, Емуже мы служим, силен изъяти нас от пещи огнем горящия и от руку твоею избавити нас, царю:

Дан.3:17  с толкованием

18
аще ли ни, ведомо да будет тебе, царю, яко богом твоим не служим и телу златому, еже поставил еси, не кланяемся.

Дан.3:18  с толкованием

19
Тогда Навуходоносор исполнися ярости, и зрак лица его изменися на Седраха, Мисаха и Авденаго, и рече: разжжите пещь седмерицею, дондеже до конца разгорится.

Дан.3:19  с толкованием

20
И мужем сильным крепостию рече: оковавше Седраха, Мисаха и Авденаго, вверзите в пещь огнем горящую.

Дан.3:20  с толкованием

21
Тогда мужие онии оковани быша с гащами своими и покрывалы, и сапогми и со одеждами своими, и ввержени быша посреде пещи огнем горящия.

Дан.3:21  с толкованием

22
Понеже глагол царев превозможе, и пещь разжжена бысть преизлишше: и мужей оных, иже ввергоша Седраха, Мисаха и Авденаго, уби пламень огненный.

Дан.3:22  с толкованием

23
И мужие тии трие, Седрах, Мисах и Авденаго, падоша посреде пещи огнем горящия оковани,

Дан.3:23  с толкованием

24
и хождаху посреде пламене поюще Бога и благословяще Господа.

Дан.3:24  с толкованием

25
И став с ними Азариа помолися сице и отверз уста своя посреде огня рече:

Дан.3:25  с толкованием

26
Благословен еси, Господи, Боже отец наших, хвально и прославлено имя Твое во веки,

Дан.3:26  с толкованием

27
яко праведен еси о всех, яже сотворил еси нам, и вся дела Твоя истинна, и прави путие Твои, и вси суди Твои истинни:

Дан.3:27  с толкованием

28
и судбы истинны сотворил еси по всем, яже навел еси на ны и на град святый отец наших Иерусалим: яко истиною и судом навел еси сия вся на ны грех ради наших.

Дан.3:28  с толкованием

29
Яко согрешихом и беззаконновахом отступивше от Тебе, и прегрешихом во всех,

Дан.3:29  с толкованием

30
и заповедий Твоих не послушахом, ниже соблюдохом, ниже сотворихом, якоже заповедал еси нам, да благо нам будет.

Дан.3:30  с толкованием

31
И вся, елика сотворил еси нам, и вся, елика навел еси на ны, истинным судом сотворил еси,

Дан.3:31  с толкованием

32
и предал еси нас в руки врагов беззаконных, мерзких отступников, и царю неправедну и лукавнейшу паче всея земли.

Дан.3:32  с толкованием

33
И ныне несть нам отверзти уст: студ и поношение быхом рабом Твоим и чтущым Тя.

Дан.3:33  с толкованием

34
Не предаждь убо нас до конца имене Твоего ради, и не разори завета Твоего,

Дан.3:34  с толкованием

35
и не отстави милости Твоея от, нас, Авраама ради возлюбленнаго от Тебе, и за Исаака раба Твоего и Израиля святаго Твоего,

Дан.3:35  с толкованием

36
имже глаголал еси умножити семя их, яко звезды небесныя и яко песок вскрай моря.

Дан.3:36  с толкованием

37
Яко, Владыко, умалихомся паче всех язык, и есмы смирени по всей земли днесь грех ради наших,

Дан.3:37  с толкованием

38
и несть во время сие князя и пророка и вожда, ниже всесожжения, ниже жертвы, ниже приношения, ниже кадила ни места, еже пожрети пред Тобою

Дан.3:38  с толкованием

39
и обрести милость: но душею сокрушенною и духом смиренным да прияти будем.

Дан.3:39  с толкованием

40
Яко во всесожжениих овних и юнчих и яко во тмах агнец тучных, тако да будет жертва наша пред Тобою днесь, и да совершится по Тебе, яко несть студа уповающым на Тя.

Дан.3:40  с толкованием

41
И ныне возследуем всем сердцем и боимся Тебе и ищем лица Твоего:

Дан.3:41  с толкованием

42
не посрами нас, но сотвори с нами по кротости Твоей и по множеству милости Твоея,

Дан.3:42  с толкованием

43
и изми нас по чудесем Твоим, и даждь славу имени Твоему, Господи.

Дан.3:43  с толкованием

44
И да посрамятся вси являющии рабом Твоим злая, и да постыдятся от всякия силы, и крепость их да сокрушится,

Дан.3:44  с толкованием

45
и да разумеют, яко Ты еси Господь Бог един и славен по всей вселенней.

Дан.3:45  с толкованием

46
И не престаша ввергшии их слуги царевы, жгуще пещь наффою и смолою, и изгребьими и хврастием:

Дан.3:46  с толкованием

47
и разливащеся пламень над пещию на лактий четыредесять девять,

Дан.3:47  с толкованием

48
и обыде и пожже, ихже обрете окрест пещи Халдейския.

Дан.3:48  с толкованием

49
Ангел же Господень сниде купно с сущими со Азариею в пещь

Дан.3:49  с толкованием

50
и оттрясе пламень огненный от пещи и сотвори среднее пещи яко дух росы шумящь: и не прикоснуся их отнюд огнь и не оскорби, ниже стужи им.

Дан.3:50  с толкованием

51
Тогда тии трие яко едиными усты пояху и благословляху и славляху Бога в пещи, глаголюще:

Дан.3:51  с толкованием

52
Благословен еси, Господи, Боже отец наших, и препетый и превозносимый во веки, и благословено имя славы Твоея святое, и препетое и превозносимое во веки.

Дан.3:52  с толкованием

53
Благословен еси во храме святыя славы Твоея, и препетый и превозносимый во веки.

Дан.3:53  с толкованием

54
Благословен еси, видяй бездны, седяй на Херувимех, и препетый и првозносимый во веки.

Дан.3:54  с толкованием

55
Благословен еси на престоле славы царствия Твоего, и препетый и превозносимый во веки.

Дан.3:55  с толкованием

56
Благословен еси на тверди небесней, и препетый и превозносимый во веки.

Дан.3:56  с толкованием

57
Благословите, вся дела Господня, Господа, пойте и превозносите Его во веки.

Дан.3:57  с толкованием

58
Благословите, Ангели Господни, Господа, пойте и превозносите Его во веки.

Дан.3:58  с толкованием

59
Благословите, небеса, Господа, пойте и превозносите Его во веки.

Дан.3:59  с толкованием

60
Благословите, воды вся, яже превыше небес, Господа, пойте и превозносите Его во веки.

Дан.3:60  с толкованием

61
Благословите, вся силы Господни, Господа, пойте и превозносите Его во веки.

Дан.3:61  с толкованием

62
Благословите, солнце и луна, Господа, пойте и превозносите Его во веки.

Дан.3:62  с толкованием

63
Благословите, звезды небесныя, Господа, пойте и превозносите Его во веки.

Дан.3:63  с толкованием

64
Благословите, всяк дождь и роса, Господа, пойте и превозносите Его во веки.

Дан.3:64  с толкованием

65
Благословите, вси дуси, Господа, пойте и превозносите Его во веки.

Дан.3:65  с толкованием

66
Благословите, огнь и вар, Господа, пойте и превозносите Его во веки.

Дан.3:66  с толкованием

67
Благословите, студь и зной, Господа, пойте и превозносите Его во веки.

Дан.3:67  с толкованием

68
Благословите, росы и иней, Господа, пойте и превозносите Его во веки.

Дан.3:68  с толкованием

69
Благословите, нощи и дние, Господа, пойте и превозносите Его во веки.

Дан.3:69  с толкованием

70
Благословите, свет и тма, Господа, пойте и превозносите Его во веки.

Дан.3:70  с толкованием

71
Благословите, лед и мраз, Господа, пойте и превозносите Его во веки.

Дан.3:71  с толкованием

72
Благословите, сланы и снези, Господа, пойте и превозносите Его во веки.

Дан.3:72  с толкованием

73
Благословите, молния и облацы, Господа, пойте и превозносите Его во веки.

Дан.3:73  с толкованием

74
Да благословит земля Господа, да поет и превозносит Его во веки.

Дан.3:74  с толкованием

75
Благословите, горы и холми, Господа, пойте и превозносите Его во веки.

Дан.3:75  с толкованием

76
Благословите, вся прозябающая на земли, Господа, пойте и превозносите Его во веки.

Дан.3:76  с толкованием

77
Благословите, источницы, Господа, пойте и превозносите Его во веки.

Дан.3:77  с толкованием

78
Благословите, моря и реки, Господа, пойте и превозносите Его во веки.

Дан.3:78  с толкованием

79
Благословите, кити и вся движущаяся в водах, Господа, пойте и превозносите Его во веки.

Дан.3:79  с толкованием

80
Благословите, вся птицы небесныя, Господа, пойте и превозносите Его во веки.

Дан.3:80  с толкованием

81
Благословите, зверие и вси скоти, Господа, пойте и превозносите Его во веки.

Дан.3:81  с толкованием

82
Благословите, сынове человечестии, Господа, пойте и превозиосите Его во веки.

Дан.3:82  с толкованием

83
Да благословит Израиль Господа, пойте и превозносите Его во веки.

Дан.3:83  с толкованием

84
Благословите, иерее Господни, Господа, пойте и превозносите Его во веки.

Дан.3:84  с толкованием

85
Благословите, раби Господни, Господа, пойте и превозносите Его во веки.

Дан.3:85  с толкованием

86
Благословите, дуси и души праведных, Господа, пойте и превозносите Его во веки.

Дан.3:86  с толкованием

87
Благословите, преподобнии и смиреннии сердцем, Господа, пойте и превозносите Его во веки.

Дан.3:87  с толкованием

88
Благословите, Ананиа, Азариа и Мисаил, Господа, пойте и превозносите Его во веки: яко изъят ны от ада и спасе ны от руки смерти, и избави ны от среды пещи и горяща пламене, и от среды огня избави ны.

Дан.3:88  с толкованием

89
Исповедайтеся Господеви, яко благ, яко в век милость Его.

Дан.3:89  с толкованием

90
Благословите, вси чтущии Господа, Бога богов, пойте и исповедайтеся, яко во век милость Его.

Дан.3:90  с толкованием

91
Навуходоносор же слыша поющих их, и почудися, и воста со тщанием, и рече вельможам своим: не триех ли мужей ввергохом среде огня связаных? И реша цареви: воистинну, царю.

Дан.3:91  с толкованием

92
И рече царь: се, аз вижду мужы четыри разрешены и ходящя среде огня, и истления несть в них, и зрак четвертаго подобен сыну Божию.

Дан.3:92  с толкованием

93
Тогда прииде Навуходоносор ко устию пещи огнем разжженныя и рече: Седрах, Мисах, Авденаго, раби Бога Вышняго, изыдите и приидите. И изыдоша Седрах, Мисах, Авденаго от среды огня.

Дан.3:93  с толкованием

94
И собрашася князи и воеводы, и местоначалницы и вельможи царевы, и видяху мужей, яко не одоле огнь телесем их и власа главы их не опали, и ризы их не изменишася, и вони огненны не бяше в них.

Дан.3:94  с толкованием

95
И поклонися пред ними царь Богу, и отвеща Навуходоносор царь и рече: благословен Бог Седрахов, Мисахов и Авденаго, Иже посла Ангела Своего и изя отроки Своя, яко уповаша на Него: и слово царево премениша, и предаша телеса своя во огнь, яко да не послужат, ни поклонятся всякому богу иному, но точию Богу своему:

Дан.3:95  с толкованием

96
и аз заповедаю заповедь: вси людие, племя, язык, аще речет хулу на Бога Седрахова и Мисахова и Авденаго, в пагубу будут, и домове их в разграбление: понеже несть бога другаго, иже возможет избавити сице.

Дан.3:96  с толкованием

97
Тогда царь постави Седраха, Мисаха и Авденаго во стране Вавилонстей, и возвеличи их, и сподоби их старейшинства Иудеев всех сущих во царстве его.

Дан.3:97  с толкованием

98
Навуходоносор царь всем людем, племеном и языком сущым во всей земли, мир вам да умножится.

Дан.3:98  с толкованием

99
Знамения и чудеса, яже сотвори со мною Бог Вышний, угодно бысть предо мною возвестити вам,

Дан.3:99  с толкованием

100
коль великая и крепкая: царство Его царство вечное, и власть Его в роды и роды.

Дан.3:100  с толкованием

Толкования на главу Дан.3
этой книги Священного Писания


Толкование преподобного Ефрема Сирина
 

Преподобный Ефрем Сирин. Толкование на книгу пророчества Даниила

Дан.3

Глава 
3

Дан.3  с толкованием

1
Навуходоносор царь сотвори тело златое великое: и постави е на поли Деире, во стране Вавилонстей: т.е. поставил на таком месте, которое было бы достаточно для множества народа, собранного на праздник в честь сооруженного тела.

Дан.3:1  с толкованием

2
И посла собрати воеводы, то есть, собрать все народы, которые готовы были богов своих заменить сим кумиром, и поклоняться ему так же, как и своим идолам.

Дан.3:2  с толкованием

20
И царь повелел мужем сильным крепостию

Дан.3:20  с толкованием

21
и окова Седраха, Мисаха и Авденаго. Царю было донесено, что Данииловы товарищи не поклоняются кумиру; и тот, кто сказал Даниилу: Бог ваш, Той есть Бог богов (2:47), теперь угрожает отрокам, что ввергнет их в огонь, и говорит:

Дан.3:21  с толкованием

15
и кто есть Бог ваш, Иже измет вы из руки моея? Товарищи Данииловы были уверены, что избавятся от огня и меча, как уверен был Даниил, что будут ему открыты и сон и значение оного. И как Даниил просил дать ему время, будучи уверен, что возвестит царю значение сна: так товарищи его говорят:

Дан.3:15  с толкованием

17
Бог наш, Емуже мы служим, силен изъяти нас от пещи огнем горящия, и от руку твоею избавити нас, царю, то есть ни меч, ни другое какое-либо мучение не могут лишить нас жизни и сделать нам вред.

Дан.3:17  с толкованием

92
Се Аз вижду мужи разрешенны, и ходящи среди огня. Повеление царя скоро исполнено: юноши во всей одежде их связаны и брошены в пещь. Но огонь отступил от них, по повелению Четвертого, снизшедшего к ним, Который разрешил связанные чресла их и восставил юношей не для того, чтобы поспешили выйти из огня, как бы опасающиеся губительных действий его, но чтобы оставались в огне, как исполненные упования. И четвертый подобен Сыну Божию. Четвертого царь увидел уже после, но юноши видели Его, как скоро были брошены в огонь. Он принял их, когда их ввергли; Он сопровождал их, когда выходили; там и нашли Его юноши, там и оставили. Он предварил их, чтобы изменить пожигающее естество огня, Он остался после них, чтобы возвратить огню собственное его естество; и потом уже сделался невидим. Огнь, исшедший из пещи, пожигает тех, которые обвиняли юношей; он попаляет злокозненных, но не вредит народа ими собранного; внутри пещи не вредит троим, и вне оной - тысячам и тьмам, но истребляет оболгавших.

Дан.3:92  с толкованием

95
Благословен Бог Седрахов, Мисахову, и Авденаго, Иже изъя отроки своя из пламени, сохранил тех, которые предавали тело свое огню, чтобы служение Богу своему не заменить поклонением идолам.

Дан.3:95  с толкованием

96
Всяк, иже речет хулу на Бога их, будет разсечен на части. Кто после такого совершенного Им чуда похулит Его, отрицая, что Он истинный Бог, тот будет рассечен на части.

Дан.3:96  с толкованием

Толкование блаженного Феодорита Кирского
 

Блж. Феодорит Кирский. Толкование на видения пророка Даниила (отрывок)

Дан.3