Глава 
1

Дан.1  с толкованием

1
В лето третие царства Иоакима царя Иудина, прииде Навуходоносор царь Вавилонск на Иерусалим и воеваше нань.

Дан.1:1  с толкованием

2
И даде Господь в руце его Иоакима царя Иудина и от части сосудов храма Божия. И принесе я в землю Сеннаар в дом бога своего и сосуды внесе в дом сокровищный бога своего.

Дан.1:2  с толкованием

3
И рече царь ко Асфанезу, старейшине евнухов своих, ввести от сынов плена Израилева и от племене царска и от князей

Дан.1:3  с толкованием

4
юношы, на нихже несть порока, и добры зраком и смыслены во всяцей премудрости, и ведущыя умение и размышляющыя разум, и имже есть крепость в них, еже предстояти в дому пред царем и научити я книгам и языку Халдейску.

Дан.1:4  с толкованием

5
И повеле им (даяти) царь по вся дни от трапезы царевы и от вина пития своего и кормити их лета три, и потом стати пред царем.

Дан.1:5  с толкованием

6
И бысть в них от сынов Иудиных Даниил и Ананиа, и Азариа и Мисаил.

Дан.1:6  с толкованием

7
И возложи им имена старейшина евнухов: Даниилу Валтасар, и Анании Седрах, и Мисаилу Мисах, Азарии же Авденаго.

Дан.1:7  с толкованием

8
И положи Даниил на сердцы своем, еже не осквернитися от трапезы царевы и от вина пития его, и моли старейшину евнухов, яко да не осквернится.

Дан.1:8  с толкованием

9
И вдаде Бог Даниила в милость и в щедроты пред старейшиною евнухов.

Дан.1:9  с толкованием

10
И рече старейшина евнухов Даниилу: боюся аз господина моего царя, заповедавшаго о пищи вашей и питии вашем, да не когда увидит лица ваша уныла паче отроков сверстников ваших, и осудите главу мою царю.

Дан.1:10  с толкованием

11
И рече Даниил ко Амелсару, егоже пристави старейшина евнухов к Даниилу и Анании, и Азарии и Мисаилу:

Дан.1:11  с толкованием

12
искуси отроки твоя до десяти дний, и да дадят нам от семен земных, да ядим, и воду да пием:

Дан.1:12  с толкованием

13
и да явятся пред тобою лица наша и лица отроков ядущих от трапезы царевы, и якоже узриши, сотвори со отроки твоими.

Дан.1:13  с толкованием

14
И послуша их и искуси я до десяти дний.

Дан.1:14  с толкованием

15
По скончании же десятих дний, явишася лица их блага и крепка плотию паче отроков ядущих от трапезы царевы.

Дан.1:15  с толкованием

16
И бысть Амелсар отемля яди их и вино пития их и даяше им семена.

Дан.1:16  с толкованием

17
И четырем отроком сим им даде им Бог смысл и мудрость во всяцей книжней премудрости: Даниил же разумен бысть во всяцем видении и сониих.

Дан.1:17  с толкованием

18
И по скончании тех дний, в няже рече царь привести я, введе я старейшина евнухов пред Навуходоносора.

Дан.1:18  с толкованием

19
И беседова с ними царь, и не обретошася от всех их подобни Даниилу и Анании, и Азарии и Мисаилу: и сташа пред царем.

Дан.1:19  с толкованием

20
И во всяцем глаголе премудрости и умения, о нихже вопрошаше от них царь, обрете я десятерицею паче всех обаятелей и волхвов сущих во всем царстве его.

Дан.1:20  с толкованием

21
И бысть Даниил даже до перваго лета Кира царя.

Дан.1:21  с толкованием

Глава 
2

Дан.2  с толкованием

1
В лето второе царства Навуходоносорова, соние виде Навуходоносор, и ужасеся дух его, и сон его отступи от него:

Дан.2:1  с толкованием

2
и рече царь призвати обаятелей и волхвов, и чародеев и Халдеев, еже возвестити царю сон его. И приидоша и сташа пред царем.

Дан.2:2  с толкованием

3
И рече им царь: видех сон, и ужасеся дух мой, еже уразумети сон.

Дан.2:3  с толкованием

4
И глаголаше Халдее сирски цареви: царю, во веки живи: ты повеждь сон рабом твоим, и сказание его возвестим ти.

Дан.2:4  с толкованием

5
Отвеща же царь Халдеом и рече: слово отступило есть от мене: аще убо не возвестите ми сна и сказания его, в пагубу будете, и домове ваши разграбятся:

Дан.2:5  с толкованием

6
аще же сон и сказание его возвестите мне, даяния и дары и честь многу приимете от мене: точию сон и сказание его возвестите мне.

Дан.2:6  с толкованием

7
И отвещаша второе и реша: царь да повесть сон рабом своим, и сказание его возвестим ему.

Дан.2:7  с толкованием

8
И отвеща царь и рече: поистинне вем аз, яко время вы (точию) искупуете, понеже видите, яко отступило есть слово от мене:

Дан.2:8  с толкованием

9
аще убо сна не возвестите мне, вем, яко слово ложно и растленно совещастеся рещи предо мною, дондеже время минет: сон мой поведите мне, и увем, яко и сказание его возвестите мне.

Дан.2:9  с толкованием

10
Отвещаша же паки Халдее пред царем и реша: несть человека на земли, иже слово царево возможет возвестити, яко всяк царь великий и князь не вопрошает ссиеваго словесе обаятеля, волхва и Халдеа:

Дан.2:10  с толкованием

11
понеже слово, егоже вопрошает царь, тяжко, и несть другаго, иже возвестит е пред царем, но точию бози, ихже несть житие со всякою плотию.

Дан.2:11  с толкованием

12
Тогда царь в ярости и во гневе мнозе рече погубити вся мудрыя Ваввилонския.

Дан.2:12  с толкованием

13
И изыде повеление, и мудрии убивахуся: и взыскаша Даниила и другов его убити я.

Дан.2:13  с толкованием

14
Тогда Даниил отвеща совет и разум Ариоху архимагиру царску, иже изыде убити мудрых Вавилонских,

Дан.2:14  с толкованием

15
и вопрошаше и глаголя: княже царев, о чесом изыде изречение безстудное от лица царева? Возвести же Ариох слово Даниилу.

Дан.2:15  с толкованием

16
Даниил же вниде и моли царя, яко да время даст ему, и сказание его возвестит царю.

Дан.2:16  с толкованием

17
И вниде Даниил в дом свой и возвести слово Анании и Азарии и Мисаилу, другом своим:

Дан.2:17  с толкованием

18
и щедрот прошаху у Бога небеснаго отайне сей, яко да не погибнут Даниил и друзие его со прочиими мудрыми Вавилонскими.

Дан.2:18  с толкованием

19
Тогда Даниилу во сне нощию тайна открыся: и благослови Даниил Бога небеснаго

Дан.2:19  с толкованием

20
и рече: буди имя Господа Бога благословено от века и до века, яко премудрость и смысл и крепость Его есть,

Дан.2:20  с толкованием

21
и Той пременяет времена и лета, поставляет цари и преставляет, даяй премудрость мудрым и разум ведущым смышление:

Дан.2:21  с толкованием

22
Той открывает глубокая и сокровенная, сведый сущая во тме и свет с Ним есть:

Дан.2:22  с толкованием

23
Тебе, Боже отцев моих, исповедаюся и хвалю, яко премудрость и силу дал ми еси и возвестил ми еси, яже просихом у Тебе, и видение царево возвестил ми еси.

Дан.2:23  с толкованием

24
И прииде Даниил ко Ариоху егоже пристави царь погубити мудрыя Вавилонския, и рече ему: мудрых Вавилонских не погубляй, но введи мя пред царя, и сказание сна возвешу ему.

Дан.2:24  с толкованием

25
Тогда Ариох с потщанием введе Даниила пред царя и рече ему: обретох мужа от пленник жидовских, иже сказание царю возвестит.

Дан.2:25  с толкованием

26
И отвеща царь и рече Даниилу, емуже имя Валтасар: можеши ли ми возвестити сон, егоже видех, и сказание его?

Дан.2:26  с толкованием

27
И отвеща Даниил пред царем и рече: тайны, еяже царь вопрошает, несть мудрых, волхвов, ниже обаятелей газаринов (сила) возвестити царю:

Дан.2:27  с толкованием

28
но есть Бог на небеси открываяй тайны и возвести царю Навуходоносору, имже подобает быти в последния дни. Сон твой и видение главы твоея на ложи твоем сие есть, царю:

Дан.2:28  с толкованием

29
помышления твоя на ложи твоем взыдоша, чесому подобает быти по сих, и Открываяй тайны яви тебе, имже подобает быти:

Дан.2:29  с толкованием

30
и мне не премудростию сущею во мне паче всех живущих тайна сия открыся, но ради того, яко да возвещу сказание царю, да уразумееши размышления сердца твоего.

Дан.2:30  с толкованием

31
Ты, царю видел еси: и се, тело едино, велие тело оно, и обличие его высоко, стоящо пред лицем твоим, и образ его страшен:

Дан.2:31  с толкованием

32
тело, егоже глава от злата чиста, руце и перси и мышцы его сребряны, чрево и стегна медяна,

Дан.2:32  с толкованием

33
голени железны, нозе, часть убо некая железна и часть некая скудельна:

Дан.2:33  с толкованием

34
видел еси, дондеже отторжеся камень от горы без рук, и удари тело в нозе железны и скудельны, и истни их до конца:

Дан.2:34  с толкованием

35
тогда сотрошася вкупе скудель, железо, медь, сребро и злато, и бысть яко прах от гумна летня: и взят я премногий ветр, и место не обретеся им: камень же поразивый тело бысть гора велика и наполни всю землю.

Дан.2:35  с толкованием

36
Сей есть сон, а сказание его речем пред царем.

Дан.2:36  с толкованием

37
Ты, царю, царь царей, емуже Бог небесный царство даде крепко и державно и честно:

Дан.2:37  с толкованием

38
во всяцем месте, идеже живут сынове человечи и зверие польстии, и птицы небесныя и рыбы морския дал есть в руку твою и поставил тя властелина всем: ты еси глава златая.

Дан.2:38  с толкованием

39
И последи тебе востанет царство другое меншее тебе, еже есть сребро, царство же третие, еже есть медь, еже соодолеет всей земли,

Дан.2:39  с толкованием

40
и царство четвертое, еже будет крепко аки железо: якоже железо стончевает и умягчает вся, такожде и то истончит и истнит вся.

Дан.2:40  с толкованием

41
А яко видел еси нозе и персты, часть убо некую железну, часть же некую глиняну, царство разделено будет, и от корене железна будет в нем, якоже видел еси железо смешено с глиною:

Дан.2:41  с толкованием

42
и персты ножнии, часть убо некая железна, часть же некая глиняна, часть некая царства будет крепка и от него будет сокрушена.

Дан.2:42  с толкованием

43
Яко видел еси железо смешено со глиною, смешены будут во племени человечи, и не будут прилепляющеся сей к сему, якоже железо не смешается со глиною.

Дан.2:43  с толкованием

44
И во днех царей тех возставит Бог небесный царство, еже во веки не разсыплется, и царство Его людем инем не останется, истнит и развеет вся царства, тое же станет во веки,

Дан.2:44  с толкованием

45
якоже видел еси, яко отсечеся от горы камень без рук и истни глину, железо, медь, сребро, злато. Бог великий возвести царю, имже подобает быти по сих: и истинен сон, и верно сказание его.

Дан.2:45  с толкованием

46
Тогда царь Навуходоносор паде на лице и поклонися Даниилу, и рече дары и благовония возлияти ему.

Дан.2:46  с толкованием

47
И отвещав царь рече Даниилу: поистинне Бог ваш Той есть Бог богов и Господь господей и Царь царей, открываяй тайны, понеже возмогл еси открыти тайну сию.

Дан.2:47  с толкованием

48
И возвеличи царь Даниила, и дары велики и многи даде ему, и постави его над всею страною Вавилонскою и князя воеводам, над всеми мудрыми Вавилонскими.

Дан.2:48  с толкованием

49
И Даниил проси у царя и пристави над делы страны Вавилонския Седраха, Мисаха и Авденаго. Даниил же бяше во дворе цареве.

Дан.2:49  с толкованием

Глава 
3

Дан.3  с толкованием

1
В лето осмонадесятое Навуходоносор царь сотвори тело злато, высота его лактий шестидесяти и широта его лактий шести, и постави е на поли Деире во стране Вавилонстей.

Дан.3:1  с толкованием

2
И посла (Навуходоносор царь) собрати ипаты и воеводы и местоначалники, вожди же и мучители, и сущыя на властех и вся князи стран, приити на обновление кумира, егоже постави Навуходоносор царь.

Дан.3:2  с толкованием

3
И собрашася местоначалницы, ипатове, воеводы, вождеве, мучителие велицыи, иже над властьми, и вси началницы стран на обновление тела, еже постави Навуходоносор царь: и сташа пред телом, еже постави Навуходоносор царь.

Дан.3:3  с толкованием

4
И проповедник вопияше со крепостию: вам глаголется, народи, людие, племена, языцы:

Дан.3:4  с толкованием

5
в оньже час аще услышите глас трубы, свирели же и гусли, самвики же и псалтири и согласия, и всякаго рода мусикийска, падающе покланяйтеся телу златому, еже постави Навуходонсор царь:

Дан.3:5  с толкованием

6
и иже аще не пад поклонится, в той час ввержен будет в пещь огнем горящую.

Дан.3:6  с толкованием

7
И бысть егда услышаша людие глас трубы, свирели же и гусли, самвики же и псалтири и согласия, и всякаго рода мусикийска, падающе вси людие, племена, языцы, покланяхуся телу златому, еже постави Навуходоносор царь.

Дан.3:7  с толкованием

8
Тогда приступиша мужие Халдейстии и оболгаша Иудеев,

Дан.3:8  с толкованием

9
отвещавше реша Навуходоносору цареви: царю, во веки живи:

Дан.3:9  с толкованием

10
ты, царю, положил еси повеление, да всяк человек, иже аще услышит глас трубы, свирели же и гусли, самвики же и псалтири и согласия, и всякаго рода мусикийска,

Дан.3:10  с толкованием

11
и не пад поклонится телу златому, ввержен будет в пещь огнем горящую.

Дан.3:11  с толкованием

12
Суть убо мужие Иудее, ихже поставил еси над делы страны Вавилионския, Седрах, Мисах и Авденаго, иже не послушаша заповеди твоея, царю, и богом твоим не служат и телу златому, еже поставил еси, не покланяются.

Дан.3:12  с толкованием

13
Тогда Навуходоносор в ярости и гневе рече привести Седраха, Мисаха и Авденаго. И приведени быша пред царя.

Дан.3:13  с толкованием

14
И отвеща Навуходоносор и рече им: аще воистинну, Седрах, Мисах и Авденаго, богом моим не служите и телу златому, еже поставих, не покланяетеся?

Дан.3:14  с толкованием

15
Ныне убо аще есте готови, да егда услышите глас трубы, свирели же и гусли, самвики же и псалтири и согласия, и всякаго рода мусикийска, падше поклонитеся телу златому, еже сотворих: аще же не поклонитеся, в той час ввержени будете в пещь огнем горящую: и кто есть Бог, иже измет вы из руки моея?

Дан.3:15  с толкованием

16
И отвещаша Седрах, Мисах и Авденаго, глаголюще царю Навуходоносору: не требе нам о глаголе сем отвещати тебе:

Дан.3:16  с толкованием

17
есть бо Бог наш на небесех, Емуже мы служим, силен изъяти нас от пещи огнем горящия и от руку твоею избавити нас, царю:

Дан.3:17  с толкованием

18
аще ли ни, ведомо да будет тебе, царю, яко богом твоим не служим и телу златому, еже поставил еси, не кланяемся.

Дан.3:18  с толкованием

19
Тогда Навуходоносор исполнися ярости, и зрак лица его изменися на Седраха, Мисаха и Авденаго, и рече: разжжите пещь седмерицею, дондеже до конца разгорится.

Дан.3:19  с толкованием

20
И мужем сильным крепостию рече: оковавше Седраха, Мисаха и Авденаго, вверзите в пещь огнем горящую.

Дан.3:20  с толкованием

21
Тогда мужие онии оковани быша с гащами своими и покрывалы, и сапогми и со одеждами своими, и ввержени быша посреде пещи огнем горящия.

Дан.3:21  с толкованием

22
Понеже глагол царев превозможе, и пещь разжжена бысть преизлишше: и мужей оных, иже ввергоша Седраха, Мисаха и Авденаго, уби пламень огненный.

Дан.3:22  с толкованием

23
И мужие тии трие, Седрах, Мисах и Авденаго, падоша посреде пещи огнем горящия оковани,

Дан.3:23  с толкованием

24
и хождаху посреде пламене поюще Бога и благословяще Господа.

Дан.3:24  с толкованием

25
И став с ними Азариа помолися сице и отверз уста своя посреде огня рече:

Дан.3:25  с толкованием

26
Благословен еси, Господи, Боже отец наших, хвально и прославлено имя Твое во веки,

Дан.3:26  с толкованием

27
яко праведен еси о всех, яже сотворил еси нам, и вся дела Твоя истинна, и прави путие Твои, и вси суди Твои истинни:

Дан.3:27  с толкованием

28
и судбы истинны сотворил еси по всем, яже навел еси на ны и на град святый отец наших Иерусалим: яко истиною и судом навел еси сия вся на ны грех ради наших.

Дан.3:28  с толкованием

29
Яко согрешихом и беззаконновахом отступивше от Тебе, и прегрешихом во всех,

Дан.3:29  с толкованием

30
и заповедий Твоих не послушахом, ниже соблюдохом, ниже сотворихом, якоже заповедал еси нам, да благо нам будет.

Дан.3:30  с толкованием

31
И вся, елика сотворил еси нам, и вся, елика навел еси на ны, истинным судом сотворил еси,

Дан.3:31  с толкованием

32
и предал еси нас в руки врагов беззаконных, мерзких отступников, и царю неправедну и лукавнейшу паче всея земли.

Дан.3:32  с толкованием

33
И ныне несть нам отверзти уст: студ и поношение быхом рабом Твоим и чтущым Тя.

Дан.3:33  с толкованием

34
Не предаждь убо нас до конца имене Твоего ради, и не разори завета Твоего,

Дан.3:34  с толкованием

35
и не отстави милости Твоея от, нас, Авраама ради возлюбленнаго от Тебе, и за Исаака раба Твоего и Израиля святаго Твоего,

Дан.3:35  с толкованием

36
имже глаголал еси умножити семя их, яко звезды небесныя и яко песок вскрай моря.

Дан.3:36  с толкованием

37
Яко, Владыко, умалихомся паче всех язык, и есмы смирени по всей земли днесь грех ради наших,

Дан.3:37  с толкованием

38
и несть во время сие князя и пророка и вожда, ниже всесожжения, ниже жертвы, ниже приношения, ниже кадила ни места, еже пожрети пред Тобою

Дан.3:38  с толкованием

39
и обрести милость: но душею сокрушенною и духом смиренным да прияти будем.

Дан.3:39  с толкованием

40
Яко во всесожжениих овних и юнчих и яко во тмах агнец тучных, тако да будет жертва наша пред Тобою днесь, и да совершится по Тебе, яко несть студа уповающым на Тя.

Дан.3:40  с толкованием

41
И ныне возследуем всем сердцем и боимся Тебе и ищем лица Твоего:

Дан.3:41  с толкованием

42
не посрами нас, но сотвори с нами по кротости Твоей и по множеству милости Твоея,

Дан.3:42  с толкованием

43
и изми нас по чудесем Твоим, и даждь славу имени Твоему, Господи.

Дан.3:43  с толкованием

44
И да посрамятся вси являющии рабом Твоим злая, и да постыдятся от всякия силы, и крепость их да сокрушится,

Дан.3:44  с толкованием

45
и да разумеют, яко Ты еси Господь Бог един и славен по всей вселенней.

Дан.3:45  с толкованием

46
И не престаша ввергшии их слуги царевы, жгуще пещь наффою и смолою, и изгребьими и хврастием:

Дан.3:46  с толкованием

47
и разливащеся пламень над пещию на лактий четыредесять девять,

Дан.3:47  с толкованием

48
и обыде и пожже, ихже обрете окрест пещи Халдейския.

Дан.3:48  с толкованием

49
Ангел же Господень сниде купно с сущими со Азариею в пещь

Дан.3:49  с толкованием

50
и оттрясе пламень огненный от пещи и сотвори среднее пещи яко дух росы шумящь: и не прикоснуся их отнюд огнь и не оскорби, ниже стужи им.

Дан.3:50  с толкованием

51
Тогда тии трие яко едиными усты пояху и благословляху и славляху Бога в пещи, глаголюще:

Дан.3:51  с толкованием

52
Благословен еси, Господи, Боже отец наших, и препетый и превозносимый во веки, и благословено имя славы Твоея святое, и препетое и превозносимое во веки.

Дан.3:52  с толкованием

53
Благословен еси во храме святыя славы Твоея, и препетый и превозносимый во веки.

Дан.3:53  с толкованием

54
Благословен еси, видяй бездны, седяй на Херувимех, и препетый и првозносимый во веки.

Дан.3:54  с толкованием

55
Благословен еси на престоле славы царствия Твоего, и препетый и превозносимый во веки.

Дан.3:55  с толкованием

56
Благословен еси на тверди небесней, и препетый и превозносимый во веки.

Дан.3:56  с толкованием

57
Благословите, вся дела Господня, Господа, пойте и превозносите Его во веки.

Дан.3:57  с толкованием

58
Благословите, Ангели Господни, Господа, пойте и превозносите Его во веки.

Дан.3:58  с толкованием

59
Благословите, небеса, Господа, пойте и превозносите Его во веки.

Дан.3:59  с толкованием

60
Благословите, воды вся, яже превыше небес, Господа, пойте и превозносите Его во веки.

Дан.3:60  с толкованием

61
Благословите, вся силы Господни, Господа, пойте и превозносите Его во веки.

Дан.3:61  с толкованием

62
Благословите, солнце и луна, Господа, пойте и превозносите Его во веки.

Дан.3:62  с толкованием

63
Благословите, звезды небесныя, Господа, пойте и превозносите Его во веки.

Дан.3:63  с толкованием

64
Благословите, всяк дождь и роса, Господа, пойте и превозносите Его во веки.

Дан.3:64  с толкованием

65
Благословите, вси дуси, Господа, пойте и превозносите Его во веки.

Дан.3:65  с толкованием

66
Благословите, огнь и вар, Господа, пойте и превозносите Его во веки.

Дан.3:66  с толкованием

67
Благословите, студь и зной, Господа, пойте и превозносите Его во веки.

Дан.3:67  с толкованием

68
Благословите, росы и иней, Господа, пойте и превозносите Его во веки.

Дан.3:68  с толкованием

69
Благословите, нощи и дние, Господа, пойте и превозносите Его во веки.

Дан.3:69  с толкованием

70
Благословите, свет и тма, Господа, пойте и превозносите Его во веки.

Дан.3:70  с толкованием

71
Благословите, лед и мраз, Господа, пойте и превозносите Его во веки.

Дан.3:71  с толкованием

72
Благословите, сланы и снези, Господа, пойте и превозносите Его во веки.

Дан.3:72  с толкованием

73
Благословите, молния и облацы, Господа, пойте и превозносите Его во веки.

Дан.3:73  с толкованием

74
Да благословит земля Господа, да поет и превозносит Его во веки.

Дан.3:74  с толкованием

75
Благословите, горы и холми, Господа, пойте и превозносите Его во веки.

Дан.3:75  с толкованием

76
Благословите, вся прозябающая на земли, Господа, пойте и превозносите Его во веки.

Дан.3:76  с толкованием

77
Благословите, источницы, Господа, пойте и превозносите Его во веки.

Дан.3:77  с толкованием

78
Благословите, моря и реки, Господа, пойте и превозносите Его во веки.

Дан.3:78  с толкованием

79
Благословите, кити и вся движущаяся в водах, Господа, пойте и превозносите Его во веки.

Дан.3:79  с толкованием

80
Благословите, вся птицы небесныя, Господа, пойте и превозносите Его во веки.

Дан.3:80  с толкованием

81
Благословите, зверие и вси скоти, Господа, пойте и превозносите Его во веки.

Дан.3:81  с толкованием

82
Благословите, сынове человечестии, Господа, пойте и превозиосите Его во веки.

Дан.3:82  с толкованием

83
Да благословит Израиль Господа, пойте и превозносите Его во веки.

Дан.3:83  с толкованием

84
Благословите, иерее Господни, Господа, пойте и превозносите Его во веки.

Дан.3:84  с толкованием

85
Благословите, раби Господни, Господа, пойте и превозносите Его во веки.

Дан.3:85  с толкованием

86
Благословите, дуси и души праведных, Господа, пойте и превозносите Его во веки.

Дан.3:86  с толкованием

87
Благословите, преподобнии и смиреннии сердцем, Господа, пойте и превозносите Его во веки.

Дан.3:87  с толкованием

88
Благословите, Ананиа, Азариа и Мисаил, Господа, пойте и превозносите Его во веки: яко изъят ны от ада и спасе ны от руки смерти, и избави ны от среды пещи и горяща пламене, и от среды огня избави ны.

Дан.3:88  с толкованием

89
Исповедайтеся Господеви, яко благ, яко в век милость Его.

Дан.3:89  с толкованием

90
Благословите, вси чтущии Господа, Бога богов, пойте и исповедайтеся, яко во век милость Его.

Дан.3:90  с толкованием

91
Навуходоносор же слыша поющих их, и почудися, и воста со тщанием, и рече вельможам своим: не триех ли мужей ввергохом среде огня связаных? И реша цареви: воистинну, царю.

Дан.3:91  с толкованием

92
И рече царь: се, аз вижду мужы четыри разрешены и ходящя среде огня, и истления несть в них, и зрак четвертаго подобен сыну Божию.

Дан.3:92  с толкованием

93
Тогда прииде Навуходоносор ко устию пещи огнем разжженныя и рече: Седрах, Мисах, Авденаго, раби Бога Вышняго, изыдите и приидите. И изыдоша Седрах, Мисах, Авденаго от среды огня.

Дан.3:93  с толкованием

94
И собрашася князи и воеводы, и местоначалницы и вельможи царевы, и видяху мужей, яко не одоле огнь телесем их и власа главы их не опали, и ризы их не изменишася, и вони огненны не бяше в них.

Дан.3:94  с толкованием

95
И поклонися пред ними царь Богу, и отвеща Навуходоносор царь и рече: благословен Бог Седрахов, Мисахов и Авденаго, Иже посла Ангела Своего и изя отроки Своя, яко уповаша на Него: и слово царево премениша, и предаша телеса своя во огнь, яко да не послужат, ни поклонятся всякому богу иному, но точию Богу своему:

Дан.3:95  с толкованием

96
и аз заповедаю заповедь: вси людие, племя, язык, аще речет хулу на Бога Седрахова и Мисахова и Авденаго, в пагубу будут, и домове их в разграбление: понеже несть бога другаго, иже возможет избавити сице.

Дан.3:96  с толкованием

97
Тогда царь постави Седраха, Мисаха и Авденаго во стране Вавилонстей, и возвеличи их, и сподоби их старейшинства Иудеев всех сущих во царстве его.

Дан.3:97  с толкованием

98
Навуходоносор царь всем людем, племеном и языком сущым во всей земли, мир вам да умножится.

Дан.3:98  с толкованием

99
Знамения и чудеса, яже сотвори со мною Бог Вышний, угодно бысть предо мною возвестити вам,

Дан.3:99  с толкованием

100
коль великая и крепкая: царство Его царство вечное, и власть Его в роды и роды.

Дан.3:100  с толкованием

Глава 
4

Дан.4  с толкованием

1
Аз Навуходоносор обилуяй бех в дому моем и благоцветый на престоле моем:

Дан.4:1  с толкованием

2
сон видех, и устраши мя, и смятохся на ложи моем, и видения главы моея смятоша мя:

Дан.4:2  с толкованием

3
и мною положися повеление, привести пред мя вся мужы мудрыя Вавилонския, да сказание сна возвестят мне.

Дан.4:3  с толкованием

4
И вхождаху обаятелие, волсви, газарини, Халдее, и сон аз рех пред ними, и сказания его не возвестиша ми,

Дан.4:4  с толкованием

5
дондеже вниде (пред мя) Даниил, емуже имя Валтасар, по имения бога моего, иже духа Божия свята имать в себе, и сон пред ним рех:

Дан.4:5  с толкованием

6
Валтасаре, княже обаятелей, егоже аз разумех, яко дух Божий святый имаши, и всякая тайна не изнемогает пред тобою, слыши видение сна моего, еже видех, и сказание его повеждь мне.

Дан.4:6  с толкованием

7
И видение главы моея на ложи моем зрех, и се, древо среде земли, и высота его велика:

Дан.4:7  с толкованием

8
и возвеличися древо то и укрепися, и высота его досязаше до небесе, и величина его до конец земли всея,

Дан.4:8  с толкованием

9
листвие его прекрасное, и плод его мног, и пища всех в нем, и под ним вселяхуся вси зверие дивии, и в ветвех его живяху (вся) птицы небесныя, и от него питашеся всяка плоть.

Дан.4:9  с толкованием

10
Видех во сне нощию на ложи моем, и се, Бодрый и Святый от небесе сниде

Дан.4:10  с толкованием

11
и возгласи крепце и тако рече: посецыте древо и обийте ветви его, и оттрясите листвие его и разсыплите плод его, да позыблются зверие под ним и птицы с ветвий его:

Дан.4:11  с толкованием

12
точию отрасль корения его в земли оставите, и во узе железне и медне, и во злаце внешнем и в росе небесней вселится, и со зверьми (дивиими) часть его во траве земней:

Дан.4:12  с толкованием

13
сердце его от человек изменится, и сердце зверино дастся ему, и седмь времен изменятся над ним:

Дан.4:13  с толкованием

14
изречением Бодраго слово, и глагол Святых прошение: да уведят живущии, яко владеет Вышний царством человеческим, и емуже восхощет, даст е, и уничтоженное человеков возставит над ним.

Дан.4:14  с толкованием

15
Сей сон, егоже видех аз Навуходоносор царь: ты же, Валтасаре, сказание его повеждь, яко вси мудрии царства моего не могут сказания его поведати мне, ты же, Данииле, можеши, яко дух Божий свят в тебе.

Дан.4:15  с толкованием

16
Тогда Даниил, емуже имя Валтасар, ужасеся аки на един час, и размышления его смущаху его. И отвеща царь и рече: Валтасаре, сон мой и сказание его да не смущает тебе. И отвеща Валтасар и рече: господине, да будет сон сей ненавидящым тя, и сказание его врагом твоим.

Дан.4:16  с толкованием

17
Древо, еже видел еси возвеличившееся и укрепившееся, егоже высота досязаше до небесе и величина его на всю землю,

Дан.4:17  с толкованием

18
и листвие его благоцветное и плод его мног, и пища всем в нем, под ним живяху зверие дивии, и в ветвех его угнездяхуся птицы небесныя:

Дан.4:18  с толкованием

19
ты еси, царю, яко возвеличился еси и укрепел, и величество твое возвеличися и досяже небесе, и власть твоя до конец земли.

Дан.4:19  с толкованием

20
И яко виде царь Бодраго и Святаго сходяща с небесе, и рече: посецыте древо и разсыплите е, точию проничение корения его в земли оставите, и во узе железне и медяне и во злаце внешнем и в росе небесней водворится, и со зверьми дивиими часть его, дондеже седмь времен пременятся над ним:

Дан.4:20  с толкованием

21
сие сказание его, царю, и изречение Вышняго есть, еже приспе на господина моего царя:

Дан.4:21  с толкованием

22
изженут тя от человек, и с дивиими зверьми будет житие твое, и травою аки вола напитают тя, и от росы небесныя тело твое оросится, и седмь времен изменятся над тобою, дондеже увеси, яко владеет Вышний царством человеческим, и емуже восхощет, даст е.

Дан.4:22  с толкованием

23
А еже рече: оставите проничение корения древа (в земли): царство твое тебе будет, отнележе увеси власть небесную.

Дан.4:23  с толкованием

24
Сего ради, царю совет мой да будет тебе угоден, и грехи твоя милостынями искупи и неправды твоя щедротами убогих: негли будет долготерпелив грехом твоим Бог.

Дан.4:24  с толкованием

25
Сия вся постигоша Навуходоносора царя.

Дан.4:25  с толкованием

26
По двоюнадесяти месяцех в дому царства своего, в Вавилоне бе ходя,

Дан.4:26  с толкованием

27
отвеща царь и рече: несть ли сей Вавилон великий, егоже аз соградих в дом царства, в державе крепости моея, в честь славы моея?

Дан.4:27  с толкованием

28
Еще слову сущу во устех каря, глас с небесе бысть: тебе глаголется, Навуходоносоре царю: цартво твое прейде от тебе,

Дан.4:28  с толкованием

29
и от человек отженут тя, и со зверьми дивиими житие твое, и травою аки вола напитают тя и седмь времен изменятся на тебе, дондеже увеси, яко владеет Вышний царством человеческим, и емуже восхощет, даст е.

Дан.4:29  с толкованием

30
В той час слово скончася на цари Навуходоносоре, и от человек отгнася, и траву аки вол ядяше, и от росы небесныя тело его оросися, дондеже власи ему яко льву возрастоша и ногти ему аки птицам.

Дан.4:30  с толкованием

31
И по скончании тех дний, аз Навуходоносор очи свои на небо воздвиг, и ум мой ко мне возвратися, и Вышняго благослових, и Живущаго во веки похвалих и прославих, яко власть Его власть вечна, и царство Его в роды и роды,

Дан.4:31  с толкованием

32
и вси живущии на земли ни во чтоже вменишася, и по воли Своей творит в силе небесней и в селении земнем: и несть, иже воспротивится руце Его и речет Ему: что сотворил еси?

Дан.4:32  с толкованием

33
В то время ум мой возвратися ко мне, и в честь царства моего приидох, и зрак мой возвратися ко мне, и началницы мои и вельможи мои искаху мене: и в царстве моем утвердихся, и величество изюбилнее приложися мне.

Дан.4:33  с толкованием

34
Ныне убо аз Навуходоносор хвалю и превозношу и славлю Царя Небеснаго, яко вся дела Его истинна, и путие Его судбы, и вся ходящыя в гордости может смирити.

Дан.4:34  с толкованием

Глава 
5

Дан.5  с толкованием

1
Валтасар царь сотвори вечерю велию вельможам своим тысящи мужем,

Дан.5:1  с толкованием

2
пред тысящею же вино, и пия Валтасар рече при вкушении вина, еже принести сосуды златы и сребряны, яже изнесе Навуходоносор отец его из храма (Господа Бога), иже во Иерусалиме, и да пиют в них царь и вельможи его, и наложницы его и возлежащыя (окрест) его.

Дан.5:2  с толкованием

3
И принесоша сосуды златыя и сребряныя, яже изнесе (Навуходоносор царь) из храма Господа Бога, иже во Иерусалиме: и пияху ими царь и вельможи его, и наложницы его и возлежащыя (окрест) его:

Дан.5:3  с толкованием

4
пияху вино и похвалиша боги златыя и сребряныя, и медяныя и железныя, и древяныя и каменныя, а Бога вечнаго не благословиша, имущаго власть духа их.

Дан.5:4  с толкованием

5
В той час изыдоша персты руки человечи и писаху противу лампады на поваплении стены дому царева, и царь видяше персты руки пишущия.

Дан.5:5  с толкованием

6
Тогда царю зрак изменися, и размышления его смущаху его, и соузы чресл его разслабляхуся, и колена его сражастася:

Дан.5:6  с толкованием

7
и возопи царь силою, еже ввести волхвов, Халдеев, газаринов: и рече царь мудрым Вавилонским: иже прочтет писание сие и разум его возвестит мне, той в багряницу облечется, и гривна златая на выю его, и третий во царстве моем обладати начнет.

Дан.5:7  с толкованием

8
И вхождаху вси мудрии ко царю и не можаху писания прочести, ни разума царю возвестити.

Дан.5:8  с толкованием

9
Царь же Валтасар возмятеся, и зрак его изменися на нем, и вельможи его смущахуся.

Дан.5:9  с толкованием

10
И вниде царица в дом пирный, и рече царица: царю во веки живи: да не смущают тебе размышления твоя, и зрак твой да не изменяется:

Дан.5:10  с толкованием

11
есть муж во царстве твоем, в немже дух Божий: и во дни отца твоего бодрость и смысл обретеся в нем, и царь Навуходоносор отец твой князя постави его волхвом, обаятелем, Халдеем, газарином,

Дан.5:11  с толкованием

12
яко дух преизюбилный (бяше) в нем, и премудрость и смысл (обретеся) в нем, сказуя сны и возвещая сокровенная и разрешая соузы, Даниил, и царь нарече имя ему Валтасар: ныне убо да призовется, и сказание его возвестит тебе.

Дан.5:12  с толкованием

13
Тогда Даниил введен бысть пред царя. И рече царь Даниилу: ты лиеси Даниил, от сынов пленник Иудейских, ихже приведе Навуходоносор царь отец мой?

Дан.5:13  с толкованием

14
Слышах о тебе, яко дух Божий в тебе, и бодрость и смысл и премудрость изюбилна обретеся в тебе:

Дан.5:14  с толкованием

15
и ныне внидоша пред мя мудрии, волсви, газарини, да писание сие прочтут и сказания его возвестят ми, и не могоша возвестити мне:

Дан.5:15  с толкованием

16
аз же слышах о тебе, яко можеши суды сказати: ныне убо аще возможеши ппсание сие прочести и сказание его возвестити мне, в багряницу облечешися, и гривна златая на выи твоей будет, и третий во царстве моем обладати будеши.

Дан.5:16  с толкованием

17
Тогда отвеща Даниил и рече пред царем: даяния: твоя с тобою да будут, и дар дому твоего иному даждь, аз же писание прочту царю и сказание его возвещу тебе.

Дан.5:17  с толкованием

18
Царю! Бог Вышний царство и величество, и честь и славу даде Навуходоносору отцу твоему,

Дан.5:18  с толкованием

19
и от величества, еже ему даде, вси людие, племена, языцы бяху трепещуще и боящеся от лица его: ихже хотяше убиваше, и ихже хотяше бияше, и ихже хотяше возвышаше, и ихже хотяше, той смиряше:

Дан.5:19  с толкованием

20
и егда вознесеся сердце его и утвердися дух его еже презорствовати, сведеся от престола царства, и слава и честь отяся от него,

Дан.5:20  с толкованием

21
и от человек отгнася, и сердце его со зверьми отдася, и житие его со дивиими ослы, и травою аки вола питаху его, и от росы небесныя оросися тело его, дондеже уразуме, яко владеет Бог Вышний царством человеческим, и емуже хощет, даст е.

Дан.5:21  с толкованием

22
И ты убо, сыне его Валтасаре, не смирил еси сердца твоего пред Господем: не вся ли сия ведал еси?

Дан.5:22  с толкованием

23
Но на Господа Бога небеснаго вознеслся еси, и сосуды храма Его принесоша пред тебе, ты же и вельможи твои, и наложницы твоя и возлежащыя (окрест) тебе, вино пиясте ими: и боги златыя и сребряныя, и медяныя и железныя, и каменныя и древяныя, иже ни видят, ни слышат, ни разумеют, похвалил еси, а Бога, у Негоже дыхание твое в руце Его, и вси путие твои, Того не прославил еси.

Дан.5:23  с толкованием

24
Сего ради от лица Его послани быша персты ручнии и писание сие вчиниша.

Дан.5:24  с толкованием

25
Се же есть писание вчиненое: мани, фекел, фарес.

Дан.5:25  с толкованием

26
Се сказание глагола: мани, измери Бог царство твое и сконча е:

Дан.5:26  с толкованием

27
фекел, поставися в мерилех и обретеся лишаемо:

Дан.5:27  с толкованием

28
фарес, разделися царство твое и дадеся Мидом и Персом.

Дан.5:28  с толкованием

29
И рече Валтасар: (облецыте и). И облекоша Даниила в багряницу, и гривну златую возложиша на выю его, и проповеда о нем, еже быти ему князю третиему во царстве его.

Дан.5:29  с толкованием

30
Валтасара царя Халдейска убиша в ту нощь,

Дан.5:30  с толкованием

31
Дарий же Мидянин прия царство, сый шестидесяти и двою лет.

Дан.5:31  с толкованием

Глава 
6

Дан.6  с толкованием

1
И бысть угодно пред царем, и постави во царстве князей сто и двадесять, еже быти им во всем царстве его,

Дан.6:1  с толкованием

2
над ними же три чиновники, от нихже бе Даниил един, дабы отдавали им князи слово, яко да царю не стужают.

Дан.6:2  с толкованием

3
И бе Даниил над ними, яко дух бяше преизюбилен в нем, и царь постави его над всем царством своим.

Дан.6:3  с толкованием

4
Чиновницы же и князи искаху вины обрести на Даниила: и всякия вины и соблазна и греха не обретоша на него, яко верен бяше.

Дан.6:4  с толкованием

5
И реща чиновницы не обрящем на Даниила вины, аще не в законех Бога его.

Дан.6:5  с толкованием

6
Тогда чиновницы и князи предсташа царю и реша ему: Дарие царю, во веки живи:

Дан.6:6  с толкованием

7
совещаша вси иже во царстве твоем воеводы и князи, ипати и обладающии странами, еже уставити устав царский и укрепити предел, яко аще кто попросит прошения от всякаго бога и человека до дний тридесяти, разве точию от тебе, царю, да ввержен будет в ров левский:

Дан.6:7  с толкованием

8
ныне убо, царю, устави предел и положи писание, яко да не изменится заповедь Мидска и Персска, (да никтоже преступит ея).

Дан.6:8  с толкованием

9
Тогда царь Дарий повеле вписати заповедь.

Дан.6:9  с толкованием

10
Даниил же егда уведе, яко заповедь вчинися, вниде в дом свой: дверцы же отверсты ему в горнице его противу Иерусалима, в три же времена дне бяше прекланяя колена своя, моляся и исповедаяся пред Богом своим, якоже бе творя прежде.

Дан.6:10  с толкованием

11
Тогда мужие онии наблюдоша и обретоша Даниила просяща и молящася Богу своему,

Дан.6:11  с толкованием

12
и пришедше реша пред царем: царю, не вчинил ли еси ты предела, яко да всяк человек, иже аще попросит у всякаго бога и человека прошения до тридесяти дний, но точию у тебе, царю, да ввержется в ров левск? И рече царь: истинно слово, и заповедь Мидска и Персска не мимоидет.

Дан.6:12  с толкованием

13
Тогда отвещаша пред царем и глаголаша: Даниил, иже от сынов плена Иудейска, не покорися заповеди твоей (и не раде) о пределе, егоже вчинил еси: в три бо времена дне просит у Бога своего прошений своих.

Дан.6:13  с толкованием

14
Тогда царь, яко слышав слово сие, зело опечалися о нем, и о Данииле пряшеся еже избавити его, и бе даже до вечера пряся еже избавити его.

Дан.6:14  с толкованием

15
Тогда мужие онии глаголаша царю: веждь, царю яко Мидом и Персом не леть есть пременити всякаго предела и устава, егоже царь уставит.

Дан.6:15  с толкованием

16
Тогда царь рече, и приведоша Даниила и ввергоша его в ров левск. И рече царь Даниилу: Бог твой, Емуже ты служиши присно, Той избавит тя.

Дан.6:16  с толкованием

17
И принесоша камень един и возложиша на устие рва, и запечата царь перстнем своим и перстнем вельмож своих, да не изменится деяние о Данииле.

Дан.6:17  с толкованием

18
И отиде царь в дом свой и ляже без вечери, и яди не внесоша к нему: и сон отступи от него. И заключи Бог уста львом, и не стужиша Даниилу.

Дан.6:18  с толкованием

19
Тогда царь воста заутра на свете и со тщанием прииде ко рву левску.

Дан.6:19  с толкованием

20
И егда приближися ко рву, возопи гласом крепким: Данииле, рабе Бога живаго! Бог твой, Емуже ты служиши присно, возможе ли избавити тя из уст львовых?

Дан.6:20  с толкованием

21
И рече Даниил цареви: царю, во веки живи:

Дан.6:21  с толкованием

22
Бог мой посла Ангела Своего и затвори уста львов, и не вредиша мене, яко обретеся пред Ним правда моя, и пред тобою, царю, согрешения не сотворих.

Дан.6:22  с толкованием

23
Тогда царь вельми возвеселися о нем и рече Даниила извести из рва. И изведен бысть Даниил из рва, и всякаго тления не обретеся на нем яко верова в Бога своего.

Дан.6:23  с толкованием

24
И рече царь, и приведоша мужы оклеветавшыя Даниила и в ров левск ввергоша я и сыны их и жены их: и не доидоша дна рва, даже соодолеша им львы и вся кости их истончиша.

Дан.6:24  с толкованием

25
Тогда Дарий царь написа всем людем, племеном, языком, живущым во всей земли: мир вам да умножится:

Дан.6:25  с толкованием

26
от лица моего заповедася заповедь сия во всей земли царства моего, да будут трепещуще и боящеся от лица Бога Даниилова, яко Той есть Бог живый и пребываяй во веки, и царство Его не разсыплется, и власть Его до конца:

Дан.6:26  с толкованием

27
подемлет и избавляет, и творит знамения и чудеса на небеси и на земли, иже избави Даниила от уст львовых.

Дан.6:27  с толкованием

28
Даниил же управляше во царстве Дариеве и во царстве Кира Персянина.

Дан.6:28  с толкованием

Глава 
7

Дан.7  с толкованием

1
В первое лето Валтасара царя Халдейска, Даниил сон виде и видения главы его на ложи его, и сон свой вписа:

Дан.7:1  с толкованием

2
аз Даниил видех в видении моем нощию: и се, четыри ветри небеснии налегоша на море великое,

Дан.7:2  с толкованием

3
и четыри зверие велицыи исхождаху из моря, различни между собою:

Дан.7:3  с толкованием

4
первый аки львица имый криле, криле же его аки орли, зрях, дондеже исторжена быша крила его, и воздвижеся от земли, и на ногу человечу ста, и сердце человечо дадеся ему:

Дан.7:4  с толкованием

5
и се, зверь вторый подобен медведице, и на стране единей ста, и три ребра во устех его, среде зубов его, и сице глаголаху ему: востани, яждь плоти многи:

Дан.7:5  с толкованием

6
созади сего видех: и се, зверь ин аки рысь, томуже крила четыри птичия над ним и четыри главы зверю, и власть дадеся ему:

Дан.7:6  с толкованием

7
созади сего видех: и се, зверь четвертый страшен и ужасен и крепок излиха, зубы же его железни велии, ядый и истончевая, останки же ногама своима попираше, тойже различаяся излиха паче всех зверей прежних, и рогов десять ему:

Дан.7:7  с толкованием

8
разсмотрях в розех его, и се, рог другий мал взыде среде их, и трие рози преднии его исторгнушася от лица его, и се, очи аки очи человечи в розе том, и уста глаголюща великая.

Дан.7:8  с толкованием

9
Зрях дондеже престоли поставшася, и Ветхий денми седе, и одежда Его бела аки снег, и власи главы Его аки волна чиста, престол Его пламень огнен, колеса Его огнь палящь:

Дан.7:9  с толкованием

10
река огненна течаше исходящи пред Ним: тысящя тысящ служаху Ему, и тмы тем предстояху Ему: судище седе, и книги отверзошася.

Дан.7:10  с толкованием

11
Видех тогда от гласа словес великих, яже рог оный глаголаше, дондеже убися зверь и погибе, и тело его дадеся во сожжение огненно:

Дан.7:11  с толкованием

12
и прочих зверей преставися власть, и продолжение жития дадеся им до времене и времене.

Дан.7:12  с толкованием

13
Видех во сне нощию, и се, на облацех небесных яко Сын человечь идый бяше и даже до Ветхаго денми дойде и пред Него приведеся:

Дан.7:13  с толкованием

14
и Тому дадеся власть и честь и царство, и вси людие, племена и языцы Тому поработают: власть Его власть вечная, яже не прейдет, и царство Его не разсыплется.

Дан.7:14  с толкованием

15
Вострепета дух мой в состоянии моем, аз Даниил, и видения главы моея смущаху мя.

Дан.7:15  с толкованием

16
И приидох ко единому от стоящих и известия просих от него научитися о всех сих. И поведа ми известие и сказание словес возвести ми:

Дан.7:16  с толкованием

17
сии зверие велицыи четыри, четыри царства востанут на земли,

Дан.7:17  с толкованием

18
яже возмутся: и преймут царство святии Вышняго и содержати будут оное даже до века веков.

Дан.7:18  с толкованием

19
И вопрошах испытно о звери четвертем, яко бяше различен паче всякаго зверя, страшен вельми, зубы его железни и ногти его медяни, ядый и истончевая, останки же ногама своима попираше:

Дан.7:19  с толкованием

20
и о десяти розех его иже на главе его, и о друзем возшедшем и истрясшем первыя три, рог же той емуже очи и уста глаголюща великая, и видение его более прочиих:

Дан.7:20  с толкованием

21
зрях, и рог той творяше рать со святыми и укрепися на них,

Дан.7:21  с толкованием

22
дондеже прииде Ветхий денми и суд даде святым Вышняго: и время приспе, и царство прияша святии.

Дан.7:22  с толкованием

23
И рече: зверь четвертый царство четвертое будет на земли, еже превзыдет вся царства и пояст всю зеемлю, и поперет ю и посечет:

Дан.7:23  с толкованием

24
и десять рогов его десять царей востанут, и по них востанет другий, иже превзыдет злобами всех прежних и три цари смирит,

Дан.7:24  с толкованием

25
и словеса на Вышняго возглаголет и святых Вышняго смирит, и помыслит пременити времена и закон, и дастся в руку его даже до времене и времен и полувремене:

Дан.7:25  с толкованием

26
и судище сядет, и власть его преставят еже потребити и погубити до конца:

Дан.7:26  с толкованием

27
царство же и власть и величество царей, иже под всем небесем, дастся святым Вышняго: и царство Его царство вечное, и вся власти Тому работати будут и слушати.

Дан.7:27  с толкованием

28
До зде скончание словесе. Аз Даниил, надолзе размышления моя смущаху мя, и зрак мой пременися на мне, и глагол в сердцы моем соблюдох.

Дан.7:28  с толкованием

Глава 
8

Дан.8  с толкованием

1
В лето третие царства Валтасара царя видение явися мне, аз Даниил, по явльшемся мне прежде.

Дан.8:1  с толкованием

2
И бех в Сусех граде, иже есть во стране Еламстей, и видех в видении, и бех на Увале,

Дан.8:2  с толкованием

3
и воздвигох очи мои и видех: и се, овен един стоя пред увалом емуже рози, рози же высоцы, един же вышше другаго, и вышший восхождаше последи.

Дан.8:3  с толкованием

4
И видех овна бодуща на запад и на север, и на юг и на восток: и вси зверие не станут пред ним, и не бе избавляюща из руки его, и сотвори по воли своей, и возвеличися.

Дан.8:4  с толкованием

5
Аз же бех размышляя, и се козел от коз идяше от лива на лице всея земли и не бе прикасаяся земли, и козлу тому рог видимь между очима его:

Дан.8:5  с толкованием

6
и прииде до овна имущаго рога егоже видех стояща пред увалом, и тече к нему в силе крепости своея.

Дан.8:6  с толкованием

7
И видех его доходяща до овна, и разсвирепе на него, и порази овна, и сокруши оба рога его: и не бе силы овну, еже стати противу ему: и поверже его на землю и попра его, и не бе избавляяй овна от руки его.

Дан.8:7  с толкованием

8
И козел козий возвеличися до зела: и внегда укрепися, сокрушися рог его великий, и взыдоша друзии четыри рози под ним, по четырем ветром небесным:

Дан.8:8  с толкованием

9
и от единаго их взыде рог един крепок, и возвеличися вельми к югу и к востоку и к силе,

Дан.8:9  с толкованием

10
и возвеличися даже до силы небесныя: и сотвори пасти на землю от силы небесныя и от звезд, и попра я:

Дан.8:10  с толкованием

11
и дондеже Архистратиг избавит пленники, и Его ради жертва смятеся, и благопоспешися Ему, и святое опустеет:

Дан.8:11  с толкованием

12
и дадеся на жертву грех, и повержеся правда на землю: и сотвори, и благопоспешися.

Дан.8:12  с толкованием

13
И слышах единаго святаго глаголюща. И рече един святый другому некоему глаголющему: доколе видение станет, жертва отятая, и грех опустения данный, и святое и сила поперется?

Дан.8:13  с толкованием

14
И рече ему: даже до вечера и утра дний две тысящы и триста, и очистится святое.

Дан.8:14  с толкованием

15
И бысть, егда видех аз Даниил видение и взысках ведения, и се, ста предо мною аки образ мужеск,

Дан.8:15  с толкованием

16
и слышах глас мужеск среде Увала, и призва и рече: Гаврииле, скажи видение оному.

Дан.8:16  с толкованием

17
И прииде и ста близ стояния моего: и егда прииде ужасохся и падох на лице мое. И рече ко мне: разумей, сыне человечь, еще бо до скончания времене видение.

Дан.8:17  с толкованием

18
И егда глаголаше со мною, падох ниц на земли, и прикоснуся мне, и постави мя на ноги моя, и рече:

Дан.8:18  с толкованием

19
се, аз возвещаю тебе будущая на последок гнева (сыном людий твоих): еще бо до конца времене видение.

Дан.8:19  с толкованием

20
Овен, егоже видел еси имуща рога, царь Мидский и Персский:

Дан.8:20  с толкованием

21
а козел козий царь Еллинский есть: рог же великий, иже между очима его, той есть царь первый:

Дан.8:21  с толкованием

22
сему же сокрушившуся восташа четыри рози под ним: четыри царие востанут от языка его, но не в крепости его,

Дан.8:22  с толкованием

23
и на последок царства их, исполняющымся грехом их, востанет царь безсрамен лицем и разумея гадания,

Дан.8:23  с толкованием

24
и державна крепость его, не в крепости же своей, и чудесно растлит и управит и сотворит, и разсыплет крепкия и люди святы,

Дан.8:24  с толкованием

25
и ярем вериг своих исправит: лесть в руце его, и в сердцы своем возвеличится, и лестию разсыплет многих, и на пагубу многим возстанет, и яко яица рукою сокрушит.

Дан.8:25  с толкованием

26
И видение вечера и утра реченнаго истинно есть: ты же назнаменай видение, яко на дни многи.

Дан.8:26  с толкованием

27
Аз же Даниил успох и изнемогах на дни (многи), и востах и творях дела царева, и почудихся видению, и не бяше разумевающаго.

Дан.8:27  с толкованием

Глава 
9

Дан.9  с толкованием

1
В первое лето Дариа сына Ассуирова, от племене Мидска, иже царствова во царстве Халдейстем,

Дан.9:1  с толкованием

2
в лето первое царства его, аз Даниил разумех в книгах число лет, о немже бысть слово Господне ко Иеремии пророку, на скончание опустения Иерусалимля седмьдесят лет.

Дан.9:2  с толкованием

3
И дах лице мое к Господу Богу, еже взыскати молитвы и прошения в посте и во вретищи и пепеле,

Дан.9:3  с толкованием

4
и молихся ко Господу Богу моему и исповедахся и рех: Господи, Боже великий и чудный, храняй завет Твой и милость Твою любящым Тя и хранящым заповеди Твоя:

Дан.9:4  с толкованием

5
согрешихом, беззаконновахом, нечествовахом и отступихом и уклонихомся от заповедий Твоих и от судов Твоих

Дан.9:5  с толкованием

6
и не послушахом раб Твоих пророков, иже глаголаша во имя Твое ко царем нашым и князем нашым, и отцем нашым и всем людем земли.

Дан.9:6  с толкованием

7
Тебе, Господи, правда, нам же стыдение лица, якоже день сей, мужу Иудину, и живущым во Иерусалиме, и всему Израилю, и ближним и дальним во всей земли, идеже разсеял еси я тамо, во отвержении их, имже отвергошася Тебе, Господи.

Дан.9:7  с толкованием

8
Тебе, Господи, есть правда, нам же стыдение лица, и царем нашым и князем нашым и отцем нашым, иже согрешихом Тебе.

Дан.9:8  с толкованием

9
Господу же Богу нашему щедроты и очищения, яко отступихом от Господа

Дан.9:9  с толкованием

10
и не послушахом гласа Господа Бога нашего, ходити в законех Его, ихже даде пред лицем нашим рукою раб Своих пророков.

Дан.9:10  с толкованием

11
И весь Израиль преступи закон Твой, и уклонишася еже не послушати гласа Твоего: и прииде на ны клятва и заклятие вписаное в законе Моисеа раба Божия, яко согрешихом Ему.

Дан.9:11  с толкованием

12
И устави словеса Своя, яже глагола на ны и на судии нашя, иже судиша нам, навести на ны злая великая, яковых не бысть под всем небесем, по (всем) бывшым во Иерусалиме,

Дан.9:12  с толкованием

13
якоже есть писано в законе Моисеове, вся злая сия приидоша на ны: и не помолихомся лицу Господа Бога нашего, отвратитися от неправд наших, и еже смыслити во всей истине Твоей (Господи).

Дан.9:13  с толкованием

14
И убудися Господь Бог на злобу нашу и наведе сия на ны, яко праведен Господь Бог наш во всем деянии Своем, еже сотвори, и не послушахом гласа Его.

Дан.9:14  с толкованием

15
И ныне, Господи, Боже наш, иже извел еси люди Твоя от земли Египетския рукою крепкою и сотворил еси Себе Самому имя, якоже день сей, согрешихом, беззаконновахом.

Дан.9:15  с толкованием

16
Господи, всем помилованием Твоим да отвратится ярость Твоя и гнев Твой от града Твоего Иерусалима, от горы святыя Твоея: яко согрешихом неправдами нашими и беззаконием отец наших, Иерусалим и людие Твои во укоризну быша во всех окрестных нас.

Дан.9:16  с толкованием

17
И ныне, Господи, Боже наш, услыши молитву раба Твоего и прошение его, и яви лице Твое на святилище Твое опустевшее, Тебе ради, Господи.

Дан.9:17  с толкованием

18
Приклони, Господи, Боже мой, ухо Твое и услыши, отверзи очи Твои и виждь потребление наше и града Твоего, в немже призвася имя Твое, яко не на нашя правды (уповающе) повергаем моление наше пред Тобою, но на щедроты Твоя многия, Господи.

Дан.9:18  с толкованием

19
Услыши, Господи, очести, Господи, вонми, Господи, и сотвори, и не закосни Тебе ради, Боже мой, яко имя Твое призвася во граде Твоем и в людех Твоих.

Дан.9:19  с толкованием

20
Еще же ми глаголющу и молящуся и исповедающу грехи моя и грехи людий моих Израиля, и припадающу с молением моим пред Господем Богом моим о горе святей Его:

Дан.9:20  с толкованием

21
и еще глаголющу ми в молитве, и се, муж Гавриил, егоже видех в видении моем в начале, парящь, и прикоснуся мне, аки в час жертвы вечерния,

Дан.9:21  с толкованием

22
и вразуми мя, и глагола ко мне, и рече: Данииле, ныне изыдох устроити тебе разум:

Дан.9:22  с толкованием

23
в начале молитвы твоея изыде слово, и аз приидох возвестити тебе, яко муж желаний еси ты, размысли о словеси и разумей во явлении.

Дан.9:23  с толкованием

24
Седмьдесят седмин сократишася о людех твоих и о граде твоем святем, яко да обетшает согрешение, и скончается грех, и запечатаются греси, и загладятся неправды, и очистятся беззакония, и приведется правда вечная: и запечатается видение и пророк, и помажется Святый святых.

Дан.9:24  с толкованием

25
И увеси и уразумееши от исхода словесе, еже отвещати и еже соградити Иерусалим, даже до Христа Старейшины седмин седмь и седмин шестьдесят две: и возвратится, и соградится стогна и забрала, и истощатся лета.

Дан.9:25  с толкованием

26
И по седминах шестидесяти двух потребится помазание, и суд не будет в нем: град же и святое разсыплется со старейшиною грядущим, и потребятся аки в потопе, и до конца рати сокращенныя чином, погибельми.

Дан.9:26  с толкованием

27
И утвердит завет мнозем седмина едина: в пол же седмины отимется жертва и возлияние, и во святилищи мерзость запустения будет, и даже до скончания времене скончание дастся на опустение.

Дан.9:27  с толкованием

Глава 
10

Дан.10  с толкованием

1
В лето третие Кира царя Персскаго, слово открыся Даниилу, емуже прозвася имя Валтасар: истинно же слово и сила велика и разум дадеся ему в видении.

Дан.10:1  с толкованием

2
В тыя дни аз Даниил бех рыдая три седмицы дний:

Дан.10:2  с толкованием

3
хлеба вожделеннаго не ядох, и мясо и вино не вниде во уста моя, и мастию не помазахся до исполнения триех седмиц дний.

Дан.10:3  с толкованием

4
В день двадесять четвертый перваго месяца аз бех близ реки великия, яже есть Тигр Еддекель,

Дан.10:4  с толкованием

5
и воздвигох очи мои и видех, и се, муж един облечен в ризу льняну, и чресла его препоясана златом светлым:

Дан.10:5  с толкованием

6
тело же его аки фарсис, лице же его аки зрение молнии, очи же его аки свещы огнены, и мышцы его и голени аки зрак меди блещащияся, глас же словес его аки глас народа.

Дан.10:6  с толкованием

7
И видех аз Даниил един явление, а мужие, иже со мною, не видеша явления, но ужас великий нападе на них, и отбегнуша во страсе.

Дан.10:7  с толкованием

8
Аз же остах един и видех явление великое сие, и не оста во мне крепость, и слава моя обратися в разсыпание, и не удержах крепости.

Дан.10:8  с толкованием

9
И слышах глас словес его. И внегда слышах, бех сокрушен, лице же мое на земли:

Дан.10:9  с толкованием

10
и се, рука прикасающися мне, и возстави мя на колена моя и на длани рук моих.

Дан.10:10  с толкованием

11
И рече ко мне: Данииле, мужу желаний, разумей во словесех сих, яже аз глаголю к тебе, и стани на стоянии своем, яко ныне послан есмь к тебе. И егда возглагола слово сие ко мне, востах трепетен.

Дан.10:11  с толкованием

12
И рече ко мне: не бойся, Данииле, яко от перваго дне, в оньже подал еси сердце твое, еже разумети и трудитися пред Господем Богом твоим, услышана быша словеса твоя, аз же приидох во словесех твоих:

Дан.10:12  с толкованием

13
князь же царства Персскаго стояше противу мне двадесять и един день: и се Михаил един от старейшин первых прииде помощи мне, и того оставих тамо со князем царства Персскаго,

Дан.10:13  с толкованием

14
и приидох сказати тебе, елика срящут людий твоих в последния дни, яко еще видение на дни.

Дан.10:14  с толкованием

15
И егда глагола со мною по словесем сим, дах лице мое на землю и умилихся.

Дан.10:15  с толкованием

16
И се, аки подобие сына человеча прикоснуся устнам моим, и отверзох уста моя и глаголах, и рех ко стоящему предо мною: господи, в видении твоем обратися утроба моя во мне, и не имех силы:

Дан.10:16  с толкованием

17
и како возможет раб твой господи, глаголати с господем сим моим? Аз бо изнемогох, и отныне не станет во мне крепость, (сила бо) и дыхание не оста во мне.

Дан.10:17  с толкованием

18
И приложи, и прикоснуся мне яко зрак человечь, и укрепи мя,

Дан.10:18  с толкованием

19
и рече ми: не бойся, мужу желаний, мир тебе: мужайся и крепися и егда глагола со мною, укрепихся и рех: да глаголет господь мой яко укрепил мя еси.

Дан.10:19  с толкованием

20
И рече: веси ли, почто приидох к тебе? И ныне возвращуся, еже ратися со князем Персским: аз же исхождах, князь же Еллинский грядяше:

Дан.10:20  с толкованием

21
но да возвешу ти вчиненое в писании истины, инесть ни единаго помогающаго со мною о сих, но точию Михаил князь ваш.

Дан.10:21  с толкованием

Глава 
11

Дан.11  с толкованием

1
Аз же в первое лето Кирово стах в державу и крепость.

Дан.11:1  с толкованием

2
И ныне истину возвещу тебе се, еще трие царие востанут в Персиде четвертый же разбогатеет богатством великим паче всех и по одержании богатства своего востанет на вся царства Еллинская:

Дан.11:2  с толкованием

3
и востанет царь силен, и обладает властию многою, и сотворит по воли своей.

Дан.11:3  с толкованием

4
И егда станет царство его сокрушится и разделится на четыри ветры небесныя, и не в последняя своя, ниже по власти своей, еюже совладе, понеже исторгнется царство его и другим кроме сих отдастся.

Дан.11:4  с толкованием

5
И укрепится царь южский, и от князей их един укепеет нань и обладает властию многою над властию его.

Дан.11:5  с толкованием

6
И по летех его смесятся, и дщи царя южска внидет к северску царю, еже сотворити завет с ним, и не удержит крепости мышцы, и не станет племя ея, и предастся та и приведшии ю, и дева и укрепляяй ю во временех.

Дан.11:6  с толкованием

7
И востанет от цвета корене ея на уготование его и приидет в силу, и внидет во утверждения царя северскаго и сотворит в них и одержит:

Дан.11:7  с толкованием

8
и боги их со слиянными их, вся сосуды их вожделенны сребра и злата с пленники принесет во Египет, и той востанет паче царя северска:

Дан.11:8  с толкованием

9
и внидет в царство царя южскаго, и возвратится на свою землю.

Дан.11:9  с толкованием

10
И сынове его соберут народ силен мног, и внидет грядый и потопляяй: и мимо прейдет и сядет, и даже до крепости его снидется.

Дан.11:10  с толкованием

11
И разсвирепеет царь южский, и изыдет и брань сотворит с царем северским, и поставит народ мног, и предастся народ в руце его.

Дан.11:11  с толкованием

12
И возмет народы, и возвысится сердце его, и соодолеет тмам, и не укрепеет.

Дан.11:12  с толкованием

13
И возвратится царь северский и приведет народ мног паче прежняго: и на конец времен лет приидет входом в силе велицей и со имением многим.

Дан.11:13  с толкованием

14
И в лета она мнози востанут на царя южска, и сынове губителей людий твоих воздвигнутся, еже поставити видение, и изнемогут.

Дан.11:14  с толкованием

15
И внидет царь северский и сотворит окоп и возмет грады тверды, мышцы же царя южскаго не станут и востанут избраннии его, и не будет крепости еже стати.

Дан.11:15  с толкованием

16
И сотворит входяй к нему по воли своей, и несть стоящаго противу лица его: и станет на земли савеи, и скончается в руце его.

Дан.11:16  с толкованием

17
И вчинит лице свое внити в силе всего царства своего, и праве вся сотворит с ним: и дщерь жен даст ему еже растлити ю, и не пребудет, и не будет ему.

Дан.11:17  с толкованием

18
И обратит лице свое на островы, и возмет многи, и погубит князи укоризны своея, обаче укоризна его возвратится ему.

Дан.11:18  с толкованием

19
И обратит лице свое в крепость земли своея, и изнеможет, и падется, и не обрящется.

Дан.11:19  с толкованием

20
И востанет от корене его сад царства на уготование его производяй творяй славу царства: и в тыя дни еще сокрушится, и не в лицах, ни в рати:

Дан.11:20  с толкованием

21
станет во уготовании его уничижися, и не даша нань славы царства: и приидет со обилием и соодолеет царству лестьми,

Дан.11:21  с толкованием

22
и мышцы потопляющаго потопятся от лица его и сокрушатся и старейшина завета.

Дан.11:22  с толкованием

23
И от совокуплений к нему сотворит лесть, и взыдет, и преодолеет их в мале языце:

Дан.11:23  с толкованием

24
и во обилие и в тучныя страны приидет, и сотворит, яже не сотвориша отцы его и отцы отцев его: пленение и корысти и имение им расточит, и на Египта помыслит мыслию даже до времене.

Дан.11:24  с толкованием

25
И востанет крепость его, и сердце его на царя южскаго в силе велице, царь же южский сотворит с ним сечь силою великою и крепкою зело, и не станут: яко помышляют нань помышления

Дан.11:25  с толкованием

26
и изядят потребная его и сокрушат его, и силы разсыплет, и падут язвении мнози.

Дан.11:26  с толкованием

27
И оба царя, сердца их на лукавство, и на трапезе единей возглаголют лжу, и не предуспеет, яко еще конец на время.

Дан.11:27  с толкованием

28
И возвратится на свою землю со имением многим, и сердце его на завет святый, и сотворит, и возвратится на свою землю.

Дан.11:28  с толкованием

29
На время возвратится и приидет на юг, и не будет якоже первая и последняя.

Дан.11:29  с толкованием

30
И внидут с ним исходящии Китяне, и смирится, и возвратится, и возярится на завет святый: и сотворит, и возвратится, и умыслит на оставльшыя завет святый.

Дан.11:30  с толкованием

31
И мышцы и племена от него востанут и осквернят святыню могутства и преставят жертву всегдашнюю и дадят мерзость запустения,

Дан.11:31  с толкованием

32
и беззаконнующии завет наведут со прелестию: людие же ведуще Бога своего премогут и сотворят,

Дан.11:32  с толкованием

33
и смысленнии людие уразумеют много, и изнемогут в мечи и в пламени, и в пленении и в разграблении дний.

Дан.11:33  с толкованием

34
И егда изнемогут, поможется им помощию малою, и приложатся к ним мнози со прелестию.

Дан.11:34  с толкованием

35
И от смысливших изнемогут, еже разжещи я и избрати, и еже открыти даже до конца времене, яко еще на время.

Дан.11:35  с толкованием

36
И сотворит по воли своей, и царь возвысится и возвеличится над всяким богом, и на Бога богов возглаголет тяжкая, и управит, дондеже скончает гнев, в скончание бо бывает.

Дан.11:36  с толкованием

37
И о всех бозех отцев своих не смыслит, и рачении жен, и о всяцем бозе не уразумеет, понеже паче всех возвеличится.

Дан.11:37  с толкованием

38
И бога маозима на месте своем прославит, и бога, егоже не ведеша отцы его, почтит сребром и златом и камыком честным и похотьми,

Дан.11:38  с толкованием

39
и сотворит тверделем убежищ с богом чуждим, егоже познает, и умножит славу, и покорит им многи, и землю разделит в дары.

Дан.11:39  с толкованием

40
И на конец времене сразится ратию с царем южским: и соберется на него царь северский с колесницами и с конники и с корабли многими, и внидет в землю, и сокрушит, и мимоидет,

Дан.11:40  с толкованием

41
и внидет на землю саваимску, и мнози изнемогут: сии же спасутся от руки его, Едом и Моав и начало сынов Аммоних.

Дан.11:41  с толкованием

42
И прострет руку свою на землю, и земля Египетска не будет во спасение.

Дан.11:42  с толкованием

43
И владети начнет в сокровенных злата и сребра и во всех вожделенных Египта и Ливиев и Ефиопов, в тверделех их.

Дан.11:43  с толкованием

44
И слышания и поткщания возмутят его от восток и от севера: и приидет во ярости мнозе, еже погубити многи.

Дан.11:44  с толкованием

45
И поткнет кущу свою ефадано между морями, на горе святей савеи, приидет даже до части ея, и несть избавляяй его.

Дан.11:45  с толкованием

Глава 
12

Дан.12  с толкованием

1
И во время оно востанет Михаил князь великий стояй о сынех людий твоих: и будет время скорби, скорбь, якова не бысть, отнележе создася язык на земли, даже до времене онаго: и в то время спасутся людие твои вси, обретшиися вписани в книзе,

Дан.12:1  с толкованием

2
и мнози от спящих в земней персти востанут, сии в жизнь вечную, а онии во укоризну и в стыдение вечное.

Дан.12:2  с толкованием

3
И смыслящии просветятся аки светлость тверди, и от праведных многих аки звезды во веки и еще.

Дан.12:3  с толкованием

4
Ты же, Данииле, загради словеса и запечатай книги до времене скончания, дондеже научатся мнози, и умножится ведение.

Дан.12:4  с толкованием

5
И видех аз Даниил, и се, два инии стояху, един о сию страну устия реки, а другий об ону страну устия реки.

Дан.12:5  с толкованием

6
И рече к мужу оболченному в ризу льняну, иже бяше верху воды речныя: доколе окончание чудес, яже рекл еси?

Дан.12:6  с толкованием

7
И слышах от мужа оболченнаго в ризу льняну, иже бяще верху воды речныя, и воздвиже десницу свою и шуйцу свою на небо и клятся Живущим во веки, яко во время и во времена и в пол времене, егда скончается разсыпание руки людий освященных, и уведят сия вся.

Дан.12:7  с толкованием

8
Аз же слышах, и не разумех, и рех: господи, что последняя сих?

Дан.12:8  с толкованием

9
И рече: гряди, Данииле, яко заграждена словеса и запечатана даже до конца времене:

Дан.12:9  с толкованием

10
избранни будут и убелятся, и аки огнем искусятся и освятятся мнози: и собеззаконнуют беззаконницы, и не уразумеют вси нечестивии, но умнии уразумеют:

Дан.12:10  с толкованием

11
от времене же пременения жертвы всегдашния, и дастся мерзость запустения на дни тысяща двести девятьдесят:

Дан.12:11  с толкованием

12
блажен терпяй и достигнувый до дний тысящи трех сот тридесяти пяти:

Дан.12:12  с толкованием

13
ты же иди и почивай: еще бодние суть и часы во исполнение скончания, и почиеши, и востанеши в жребий твой, в скончание дний.

Дан.12:13  с толкованием

Глава 
13

Дан.13  с толкованием

1
И бе муж живый в Вавилоне, имя же ему Иоаким.

Дан.13:1  с толкованием

2
И поя жену, ейже имя Сосанна, дщерь Хелкиева, добра зело и боящися Бога.

Дан.13:2  с толкованием

3
Родителя же ея праведна, и научиста дщерь свою по закону Моисеову.

Дан.13:3  с толкованием

4
Бе же Иоаким богат зело, и бе ему вертоград близ двора его: и схождахуся к нему Иудее, понеже той бяше славнее всех.

Дан.13:4  с толкованием

5
И избрана быста два старца от людии в судии в то лето, о нихже глагола Владыка, яко изыде беззаконие из Вавилона от старец судий, иже мняхуся управляти людий.

Дан.13:5  с толкованием

6
Сия прихождаста часто в дом Иоакимль, и прихождаху к нима вси прящиися.

Дан.13:6  с толкованием

7
И бысть, внегда отхождаху людие о полудни, вхождаше Сосанна и хождаше во вертограде мужа своего.

Дан.13:7  с толкованием

8
И смотряста ея оба старца по вся дни входящую и исходящую, и быста в похотении ея,

Дан.13:8  с толкованием

9
и развратиста ум свой, и уклоноста очи свои, еже не взирати на небо, ниже поминати судеб праведных.

Дан.13:9  с толкованием

10
И беста оба уязвлена похотию на ню, и не возвестиста дру другу болезни своея,

Дан.13:10  с толкованием

11
понеже стыдястася исповедати вожделение свое, яко хотяста быти с нею.

Дан.13:11  с толкованием

12
И наблюдаста жадающа по вся дни зрети ю, и реста друг ко другу:

Дан.13:12  с толкованием

13
пойдем убо в дом, яко обеда час есть. И изшедша разыдостася друг от друга,

Дан.13:13  с толкованием

14
и возвращшася приидоста во едино (место), и истязавша друг от друга вины, исповедаста друг другу похотение свое, и тогда обще устависта время, когда возмогут оную обрести едину.

Дан.13:14  с толкованием

15
И бысть егда наблюдаста дне угоднаго, вниде Сосаниа, якоже вчера и третияго дне, со двема точию отроковицами, и восхоте мытися во вертограде, яко зной бяше.

Дан.13:15  с толкованием

16
И не бяше никогоже тамо, кроме двою старцев сокровенных и стрегущих ея.

Дан.13:16  с толкованием

17
И рече отроковицам: принесите ми масло и мыло и двери вертоградныя затворите, да измыюся.

Дан.13:17  с толкованием

18
И сотвористе якоже рече, и затвористе двери вертоградныя, и изыдосте задними дверьми принести повеленное има, и не видесте старцев, понеже бяста сокровенна.

Дан.13:18  с толкованием

19
И бысть, егда изыдосте отроковицы, востаста оба старца, и текоста к ней, и реста:

Дан.13:19  с толкованием

20
се, двери оградныя затворишася, и никтоже видит нас, а в похотении твоем есмы: сего ради соизволи нам, и буди с нами:

Дан.13:20  с толкованием

21
аще же ни, то послушествуем на тя, яко бе с тобою юноша, и того ради отпустила еси отроковиц от тебе.

Дан.13:21  с толкованием

22
И возстена Сосанна и рече: тесно ми отвсюду: аще бо сие сотворю, смерть ми есть: аще же не сотворю, не избегну от рук ваших:

Дан.13:22  с толкованием

23
изволение ми есть не сотворившей впасти в руце ваши, нежели согрешити пред Богом.

Дан.13:23  с толкованием

24
И возопи гласом великим Сосанна: возописта же и оба старца противу ей,

Дан.13:24  с толкованием

25
и тек един, отверзе двери вертоградныя.

Дан.13:25  с толкованием

26
Егда же услышаша кличь во вертограде домашнии, вскочиша задними дверьми видети случившееся ей.

Дан.13:26  с толкованием

27
Егда же поведаста старцы словеса своя, устыдешася раби ея зело, яко николиже речеся таково слово о Сосанне.

Дан.13:27  с толкованием

28
И бысть наутрие, егда собрашася людие к мужу ея Иоакиму, приидоста и оба старца полна беззаконнаго помышления на Сосанну, еже уморити ю,

Дан.13:28  с толкованием

29
и реста пред людьми: послите по Сосанну дщерь Хелкиеву, яже есть жена Иоакимля. Они же послаша.

Дан.13:29  с толкованием

30
И прииде та и родителя ея, и чада ея и вси ужики ея.

Дан.13:30  с толкованием

31
Сосанна же бяше млада зело и добра образом.

Дан.13:31  с толкованием

32
Беззаконнии же повелеста открыти ю, бяше бо покровена, яко да насытятся доброты ея.

Дан.13:32  с толкованием

33
Плакаху же сущии при ней и вси знающии ю.

Дан.13:33  с толкованием

34
Воставша же оба старца посреде людий, возложиста руце на главу ея.

Дан.13:34  с толкованием

35
Сия же плачущи воззре на небо, яко бяше сердце ея уповая на Господа.

Дан.13:35  с толкованием

36
Реста же оба старца: ходящым нам обоим во вертограде, вниде сия со двема отроковицами, и затвори двери вертоградныя, и отпусти отроковицы,

Дан.13:36  с толкованием

37
и прииде к ней юноша, иже бяше сокровен, и возлеже с нею:

Дан.13:37  с толкованием

38
мы же суще во угле вертограда, видевше беззаконие, текохом на ня:

Дан.13:38  с толкованием

39
и видевше их смешающихся, онаго убо не могохом яти понеже паче нас можаше, и отверз двери вертоградныя изскочи:

Дан.13:39  с толкованием

40
сию же емше, вопрошахом, кто бе юноша? И не восхоте поведати нам: о сем послушествуем.

Дан.13:40  с толкованием

41
И верова има сонм аки старцем людским и судиям, и осудиша ю на умертвие.

Дан.13:41  с толкованием

42
И возопи Сосанна гласом великим и рече: Боже вечный и сокровенных ведателю, сведый вся прежде бытия их!

Дан.13:42  с толкованием

43
Ты веси, яко лжу послушествоваста на мя, и се, умираю, не сотворши ничесоже, о нихже сии слукавноваста на мя.

Дан.13:43  с толкованием

44
И послуша Господь гласа ея,

Дан.13:44  с толкованием

45
и ведомей ей на погубление, воздвиже Бог духом святым отрока юна, емуже имя Даниил:

Дан.13:45  с толкованием

46
и возопи гласом великим: чист аз от крове сея.

Дан.13:46  с толкованием

47
Обратишажеся вси людие к нему и реша: что слово сие, еже ты глаголеши?

Дан.13:47  с толкованием

48
Сей же став среде их рече: сице ли юродиви, сынове Израилевы, не испытавше, ни истины разумевше, осудисте дщерь Израилеву?

Дан.13:48  с толкованием

49
Возвратитеся на судище: лжу бо сии послушествоваста на ню.

Дан.13:49  с толкованием

50
И возвратишася вси людие с потщанием. И реша ему старцы: гряди, сяди посреде нас и возвести нам, яко тебе даде Бог старейшинство.

Дан.13:50  с толкованием

51
И рече к ним Даниил: разведите я друг от друга далече, и вопрошу их.

Дан.13:51  с толкованием

52
Егда же разведоша единаго от другаго, призва единаго от них и рече к нему: обетшалый злыми денми, ныне приспеша греси твои, яже творил еси прежде,

Дан.13:52  с толкованием

53
судя суды неправедны и неповинныя убо осуждаж, прощая же повинныя, глаголющу Богу: неповинна и праведна не убивай:

Дан.13:53  с толкованием

54
ныне убо сию аще еси видел, рцы, под киим древом видел еси их беседующих к себе? Он же рече: под терном.

Дан.13:54  с толкованием

55
Рече же Даниил: право солгал еси на твою главу: се бо, Ангел Божий приим ответ от Бога, расторгнет тя полма.

Дан.13:55  с толкованием

56
И отпустив его повеле привести другаго и рече ему: племя Ханаане, а не Иудино, доброта прельсти тя, и похотение разврати сердце твое:

Дан.13:56  с толкованием

57
сице творили есте дщерем Израилевым, оныя же бояшяся живяху с вами, но (ныне) дщерь Иудина не претерпе беззакония вашего:

Дан.13:57  с толкованием

58
ныне убо глаголи ми: под киим древом видел еси сих беседующих к себе? Он же рече: под чресминою.

Дан.13:58  с толкованием

59
Рече же ему Даниил: право солгал еси и ты на свою главу: ждет бо Ангел Божий мечем разсещи тя полма, яко да потребит вы.

Дан.13:59  с толкованием

60
И возопи весь сонм гласом великим и благослови Бога спасающаго надеющыяся на Него.

Дан.13:60  с толкованием

61
И восташа на оба старца, яко обличи их Даниил от уст их, лжу послушествовавших.

Дан.13:61  с толкованием

62
И сотвориша има якоже слукавноваста ближнему, сотворити по закону Моисеову: и убиша их, и спасеся кровь неповинна в той день.

Дан.13:62  с толкованием

63
Хелкиа же и жена его похвалиша Бога о дщери своей Сосанне со Иоакимом мужем ея и со ужиками всеми, яко не обретеся в ней студная вещь.

Дан.13:63  с толкованием

64
Даниил же бысть велик пред людьми от дне того и потом.

Дан.13:64  с толкованием

Глава 
14

Дан.14  с толкованием

1
И царь Астиаг приложися к отцем своим: и прия Кир Персянин царство его.

Дан.14:1  с толкованием

2
И бяше Даниил сожителствующь со царем и славен паче всех другов его.

Дан.14:2  с толкованием

3
И бяше кумир Вавилоняном, емуже имя Вил, и иждиваху ему на кийждо день муки семидалны артавас дванадесять и овец четыредесять и вина мер шесть.

Дан.14:3  с толкованием

4
И царь почиташе его и хождаше по вся дни кланятися ему: Даниил же кланяшеся Богу своему. И рече ему царь: почто не покланяешися Вилу?

Дан.14:4  с толкованием

5
Он же рече: понеже не покланяюся кумиром руками сотворенным, но живому Богу сотворщему небо и землю и владущему всеми.

Дан.14:5  с толкованием

6
И рече ему царь: не мнится ли ти Вил быти жив бог? Или не видиши, колико яст и пиет по вся дни?

Дан.14:6  с толкованием

7
И рече Даниил посмеявся: не прельщайся, царю! Той бо внутрьуду прах есть, а внеуду медь, и не яде, ни пи никогдаже.

Дан.14:7  с толкованием

8
И разгневався царь приза жерцы своя и рече им: аще не повесте ми, кто яст брашно сие, то умрете:

Дан.14:8  с толкованием

9
аще же покажете, яко Вил снедает е, умрет Даниил, яко похулил есть Вила. И рече Даниил царю: буди по глаголу твоему.

Дан.14:9  с толкованием

10
Бяше же жерцев Виловых седмьдесят, кроме жен и детей.

Дан.14:10  с толкованием

11
И прииде царь со Даниилом во храм Вилов. И реша жерцы Виловы: се, мы изыдем вон, ты же, царю, постави яди, и вино начерпав постави, заключи же двери и запечатай перстнем своим:

Дан.14:11  с толкованием

12
и пришед заутра, аще не обрящеши всего изядена Вилом, тогда измрем, или Даниил солгавый на ны.

Дан.14:12  с толкованием

13
Тии же пренебрегаху, понеже сотвориша под трапезою сокровен вход и вхождаху тем всегда и изядаху тая.

Дан.14:13  с толкованием

14
И бысть, егда изыдоша они, и царь постави брашно Вилу: и повеле Даниил отроком своим, и принесоша пепел и посыпаша весь храм пред царем единым: и изшедше заключиша двери, и запечаташа перстнем царевым, и отидоша.

Дан.14:14  с толкованием

15
Жерцы же внидоша нощию по обычаю своему, и жены их и чада их, и поядоща вся и испиша.

Дан.14:15  с толкованием

16
И урани царь заутра, и Даниил с ним.

Дан.14:16  с толкованием

17
И рече царь: целы ли суть печати, Данииле? Он же рече: целы, царю.

Дан.14:17  с толкованием

18
И бысть абие, егда отверзоша двери, воззрев царь на трапезу, возопи гласом великим: велик еси, Виле, и несть льсти в тебе ни единыя.

Дан.14:18  с толкованием

19
И посмеяся Даниил, и удержа царя, еже бы не внити ему внутрь, и рече: виждь убо помост и уразумей, чия суть стопы сия?

Дан.14:19  с толкованием

20
И рече царь: вижду стопы мужески и женски и детски.

Дан.14:20  с толкованием

21
И разгневався царь, ят тогда жерцы и жены их и дети их, и показаша ему сокровенныя двери имиже вхождаху и поядаху яже на трапезе.

Дан.14:21  с толкованием

22
И изби я царь и даде Вила в руце Даниилу, и разби его и храм его разори.

Дан.14:22  с толкованием

23
И бяше змий великий на месте том, и почитаху его Вавилоняне.

Дан.14:23  с толкованием

24
И рече царь Даниилу: еда и сему речеши, яко медь есть? Сей жив есть, и яст и пиет: не можеши рещи, яко несть сей бог жив: убо поклонися ему.

Дан.14:24  с толкованием

25
И рече Даниил: Господу Богу моему поклонюся, яко Той есть Бог жив:

Дан.14:25  с толкованием

26
ты же, царю, даждь ми власть, и убию змиа без меча и без жезла. И рече царь: даю ти.

Дан.14:26  с толкованием

27
И взя Даниил смолу и тук и волну, и возвари вкупе, и сотвори гомолу, и ввеже во уста змию, и изяд разседеся змий. И рече Даниил: зрите чтилища ваша.

Дан.14:27  с толкованием

28
И бысть, егда услышаша Вавилоняне, возропташа зело и обратишася на царя и реша: Иудеанин бысть царь, Вила расторже, и змиа уби, и жерцы изсече.

Дан.14:28  с толкованием

29
И реша пришедше ко царю: предаждь нам Даниила: аще ли ни, то убием тя и дом твой.

Дан.14:29  с толкованием

30
И виде царь, яко налегают на него зело, и принужден предаде им Даниила.

Дан.14:30  с толкованием

31
Тии же ввергоша его в ров левск, и бе тамо дний шесть.

Дан.14:31  с толкованием

32
Бяху же в рове седмь львов, и даяху им на день два тела и две овцы: тогда же не даша им, да снедят Даниила.

Дан.14:32  с толкованием

33
Аввакум же пророк бяше во Иудеи, и той свари варение и вдроби хлебы в нощвы, и идяше на поле донести жателем.

Дан.14:33  с толкованием

34
И рече Ангел Господень Аввакуму: отнеси обед, егоже имаши, в Вавилон Даниилу, в ров левск.

Дан.14:34  с толкованием

35
И рече Аввакум: господи, Вавилона не видех, и рва не вем, где есть.

Дан.14:35  с толкованием

36
И ят его Ангел Господень за верх его, и держа за власы главы его, и постави его в Вавилоне верху рва шумом духа своего.

Дан.14:36  с толкованием

37
И возопи Аввакум глаголя: Данииле, Данииле! Возми обед, егоже посла тебе Бог.

Дан.14:37  с толкованием

38
И рече Даниил: помянул бо мя еси, Боже, и неси оставил любящих Тя.

Дан.14:38  с толкованием

39
И востав Даниил яде: Ангел же Божий паки постави Аввакума внезапу на месте его.

Дан.14:39  с толкованием

40
Царь же прииде в седмый день жалети Даниила, и прииде над ров, и воззре и се, Даниил седя.

Дан.14:40  с толкованием

41
И возопи царь гласом великим и рече: велик еси, Господи, Боже Даниилов, и несть иного разве Тебе.

Дан.14:41  с толкованием

42
И исхити его, повинныя же пагубе его вверже в ров, и изядени быша абие пред ним.

Дан.14:42  с толкованием