Глава 
1

Деян.1  с толкованием

1
Первое убо слово сотворих о всех, о, Феофиле, яже начат Иисус творити же и учити

Деян.1:1  с толкованием

2
даже до дне, в оньже, заповедав Апостолом Духом Святым, ихже избра, вознесеся:

Деян.1:2  с толкованием

3
пред нимиже и постави Себе жива по страдании Своем во мнозех истинных знамениих, деньми четыредесятьми являяся им и глаголя яже о Царствии Божии:

Деян.1:3  с толкованием

4
с нимиже и ядый повеле им от Иерусалима не отлучатися, но ждати обетования Отча, еже слышасте от Мене:

Деян.1:4  с толкованием

5
яко Иоанн убо крестил есть водою, вы же имате креститися Духом Святым не по мнозех сих днех.

Деян.1:5  с толкованием

6
Они же убо сошедшеся вопрошаху Его, глаголюще: Господи, аще в лето сие устрояеши царствие Израилево?

Деян.1:6  с толкованием

7
Рече же к ним: несть ваше разумети времена и лета, яже Отец положи во Своей власти:

Деян.1:7  с толкованием

8
но приимете силу, нашедшу Святому Духу на вы, и будете Ми свидетелие во Иерусалиме же и во всей Иудеи и Самарии и даже до последних земли.

Деян.1:8  с толкованием

9
И сия рек, зрящым им взятся, и облак подят Его от очию их.

Деян.1:9  с толкованием

10
И егда взирающе бяху на небо, идущу Ему, и се, мужа два стаста пред ними во одежди беле,

Деян.1:10  с толкованием

11
яже и рекоста: мужие Галилейстии, что стоите зряще на небо? Сей Иисус, вознесыйся от вас на небо, такожде приидет, имже образом видесте Его идуща на небо.

Деян.1:11  с толкованием

12
Тогда возвратишася во Иерусалим от горы нарицаемыя Елеон, яже есть близ Иерусалима, субботы имущия путь.

Деян.1:12  с толкованием

13
И егда внидоша, взыдоша на горницу, идеже бяху пребывающе, Петр же и Иаков, и Иоанн и Андрей, Филипп и Фома, Варфоломей и Матфей, Иаков Алфеов и Симон Зилот и Иуда Иаковль:

Деян.1:13  с толкованием

14
сии вси бяху терпяще единодушно в молитве и молении, с женами и Мариею Материю Иисусовою и с братиею Его.

Деян.1:14  с толкованием

15
И во дни тыя востав Петр посреде ученик, рече,

Деян.1:15  с толкованием

16
бе же имен народа вкупе яко сто и двадесять: мужие братие, подобаше скончатися Писанию сему, еже предрече Дух Святый усты Давидовыми о Иуде, бывшем вожди емшым Иисуса:

Деян.1:16  с толкованием

17
яко причтен бе с нами и приял бяше жребий службы сея:

Деян.1:17  с толкованием

18
сей убо стяжа село от мзды неправедныя, и ниц быв проседеся посреде, и излияся вся утроба его:

Деян.1:18  с толкованием

19
и разумно бысть всем живущым во Иерусалиме, яко нарещися селу тому своим их языком Акелдама, еже есть село крове:

Деян.1:19  с толкованием

20
пишется бо в книзе Псаломстей: да будет двор его пуст, и да не будет живущаго в нем, и епископство его да приимет ин:

Деян.1:20  с толкованием

21
подобает убо от сходившихся с нами мужей во всяко лето, в неже вниде и изыде в нас Господь Иисус,

Деян.1:21  с толкованием

22
начен от крещения Иоаннова даже до дне, в оньже вознесеся (на небо) от нас, свидетелю воскресения Его быти с нами единому от сих.

Деян.1:22  с толкованием

23
И поставиша два, Иосифа нарицаемаго Варсаву, иже наречен бысть Иуст, и Матфиа,

Деян.1:23  с толкованием

24
и помолившеся реша: Ты, Господи, Сердцеведче всех, покажи, егоже избрал еси от сею двою единаго,

Деян.1:24  с толкованием

25
прияти жребий служения сего и Апостолства, из негоже испаде Иуда, ити в место свое.

Деян.1:25  с толкованием

26
И даша жребия има, и паде жребий на Матфиа, и причтен бысть ко единонадесяти Апостолом.

Деян.1:26  с толкованием

Глава 
2

Деян.2  с толкованием

1
И егда скончавашася дние Пятьдесятницы, беша вси Апостоли единодушно вкупе.

Деян.2:1  с толкованием

2
И бысть внезапу с небесе шум, яко носиму дыханию бурну, и исполни весь дом, идеже бяху седяще:

Деян.2:2  с толкованием

3
и явишася им разделени языцы яко огненни, седе же на единем коемждо их.

Деян.2:3  с толкованием

4
И исполнишася вси Духа Свята и начаша глаголати иными языки, якоже Дух даяше им провещавати.

Деян.2:4  с толкованием

5
Бяху же во Иерусалиме живущии Иудее, мужие благоговейнии, от всего языка, иже под небесем.

Деян.2:5  с толкованием

6
Бывшу же гласу сему, снидеся народ и смятеся, яко слышаху един кийждо их своим языком глаголющих их.

Деян.2:6  с толкованием

7
Дивляхуся же вси и чудяхуся, глаголюще друг ко другу: не се ли, вси сии суть глаголющии Галилеане?

Деян.2:7  с толкованием

8
И како мы слышим кийждо свой язык наш, в немже родихомся,

Деян.2:8  с толкованием

9
Парфяне и Мидяне и Еламите, и живущии в Месопотамии, во Иудеи же и Каппадокии, в Понте и во Асии,

Деян.2:9  с толкованием

10
во Фригии же и Памфилии, во Египте и странах Ливии, яже при Киринии, и приходящии Римляне, Иудее же и пришелцы,

Деян.2:10  с толкованием

11
критяне и аравляне, слышим глаголющих их нашими языки величия Божия?

Деян.2:11  с толкованием

12
Ужасахуся же вси и недоумевахуся, друг ко другу глаголюще: что убо хощет сие быти?

Деян.2:12  с толкованием

13
Инии же ругающеся глаголаху, яко вином исполнени суть.

Деян.2:13  с толкованием

14
Став же Петр со единонадесятьми, воздвиже глас свой и рече им: мужие Иудейстии и живущии во Иерусалиме вси, сие вам разумно да будет, и внушите глаголы моя:

Деян.2:14  с толкованием

15
не бо, якоже вы непщуете, сии пияни суть, есть бо час третий дне:

Деян.2:15  с толкованием

16
но сие есть реченное пророком Иоилем:

Деян.2:16  с толкованием

17
и будет в последния дни, глаголет Господь, излию от Духа Моего на всяку плоть, и прорекут сынове ваши и дщери вашя, и юноши ваши видения узрят, и старцы ваши сония видят:

Деян.2:17  с толкованием

18
ибо на рабы Моя и на рабыни Моя во дни оны излию от Духа Моего, и прорекут:

Деян.2:18  с толкованием

19
и дам чудеса на небеси горе и знамения на земли низу, кровь и огнь и курение дыма:

Деян.2:19  с толкованием

20
солнце преложится во тму, и луна в кровь, прежде даже не приити дню Господню великому и просвещенному:

Деян.2:20  с толкованием

21
и будет, всяк, иже аще призовет имя Господне, спасется.

Деян.2:21  с толкованием

22
Мужие Израилстии, послушайте словес сих: Иисуса Назореа, Мужа от Бога извествованна в вас силами и чудесы и знамении, яже сотвори Тем Бог посреде вас, якоже и сами весте,

Деян.2:22  с толкованием

23
Сего нарекованным советом и проразумением Божиим предана приемше, руками беззаконных пригвождше убисте:

Деян.2:23  с толкованием

24
Егоже Бог воскреси, разрешив болезни смертныя, якоже не бяше мощно держиму быти Ему от нея.

Деян.2:24  с толкованием

25
Давид бо глаголет о Нем: предзрех Господа предо мною выну, яко о десную мене есть, да не подвижуся:

Деян.2:25  с толкованием

26
сего ради возвеселися сердце мое, и возрадовася язык мой: еще же и плоть моя вселится на уповании,

Деян.2:26  с толкованием

27
яко не оставиши души моея во аде, ниже даси преподобному Твоему видети истления:

Деян.2:27  с толкованием

28
сказал ми еси пути живота: исполниши мя веселия с лицем Твоим.

Деян.2:28  с толкованием

29
Мужие братие, достоит рещи с дерзновением к вам о патриарсе Давиде, яко и умре и погребен бысть, и гроб его есть в нас даже до дне сего:

Деян.2:29  с толкованием

30
пророк убо сый и ведый, яко клятвою клятся ему Бог от плода чресл его по плоти воздвигнути Христа и посадити Его на престоле его,

Деян.2:30  с толкованием

31
предвидев глагола о воскресении Христове, яко не оставися душа Его во аде, ни плоть Его виде истления.

Деян.2:31  с толкованием

32
Сего Иисуса воскреси Бог, емуже вси мы есмы свидетелие.

Деян.2:32  с толкованием

33
Десницею убо Божиею вознесеся, и обетование Святаго Духа приемь от Отца, излия сие, еже вы ныне видите и слышите.

Деян.2:33  с толкованием

34
Не бо Давид взыде на небеса, глаголет бо сам: рече Господь Господеви моему: седи о десную Мене,

Деян.2:34  с толкованием

35
дондеже положу враги Твоя подножие ног Твоих.

Деян.2:35  с толкованием

36
Твердо убо да разумеет весь дом Израилев, яко и Господа и Христа его Бог сотворил есть, Сего Иисуса, Егоже вы распясте.

Деян.2:36  с толкованием

37
Слышавше же умилишася сердцем и реша к Петру и прочым Апостолом: что сотворим, мужие братие?

Деян.2:37  с толкованием

38
Петр же рече к ним: покайтеся, и да крестится кийждо вас во имя Иисуса Христа во оставление грехов: и приимете дар Святаго Духа:

Деян.2:38  с толкованием

39
вам бо есть обетование и чадом вашым и всем дальним, елики аще призовет Господь Бог наш.

Деян.2:39  с толкованием

40
И иными словесы множайшими засвидетелствоваше и моляше я, глаголя: спаситеся от рода строптиваго сего.

Деян.2:40  с толкованием

41
Уже убо любезно прияша слово его, крестишася: и приложишася в день той душ яко три тысящы:

Деян.2:41  с толкованием

42
бяху же терпяще во учении Апостол и во общении и в преломлении хлеба и в молитвах.

Деян.2:42  с толкованием

43
Бысть же на всякой души страх: многа бо чудеса и знамения Апостолы быша во Иерусалиме.

Деян.2:43  с толкованием

44
Страх же велий бяше на всех их. Вси же веровавшии бяху вкупе и имяху вся обща:

Деян.2:44  с толкованием

45
и стяжания и имения продаяху, и раздаяху всем, егоже аще кто требоваше:

Деян.2:45  с толкованием

46
по вся же дни терпяще единодушно в церкви и ломяще по домом хлеб, приимаху пищу в радости и в простоте сердца,

Деян.2:46  с толкованием

47
хваляще Бога и имуще благодать у всех людий. Господь же прилагаше по вся дни Церкви спасающыяся.

Деян.2:47  с толкованием

Глава 
3

Деян.3  с толкованием

1
Вкупе же Петр и Иоанн восхождаста во святилище на молитву в час девятый.

Деян.3:1  с толкованием

2
И некий муж, хром от чрева матере своея сый, носимь бываше, егоже полагаху по вся дни пред дверьми церковными, рекомыми Красными, просити милостыни от входящих в церковь:

Деян.3:2  с толкованием

3
иже видев Петра и Иоанна хотящыя внити в церковь, прошаше милостыни.

Деян.3:3  с толкованием

4
Воззрев же Петр нань со Иоанном, рече: воззри на ны.

Деян.3:4  с толкованием

5
Он же прилежаше има, мня нечто от нею прияти.

Деян.3:5  с толкованием

6
Рече же Петр: сребра и злата несть у мене, но еже имам, сие ти даю: во имя Иисуса Христа Назореа востани и ходи.

Деян.3:6  с толкованием

7
И емь его за десную руку воздвиже: абие же утвердистеся его плесне и глезне,

Деян.3:7  с толкованием

8
и вскочив ста и хождаше, и вниде с нима в церковь, ходя и скачя и хваля Бога.

Деян.3:8  с толкованием

9
И видеша его вси людие ходяща и хваляща Бога,

Деян.3:9  с толкованием

10
знаху же его, яко сей бяше, иже милостыни ради седяше при Красных дверех церковных: и исполнишася чуда и ужаса о приключившемся ему.

Деян.3:10  с толкованием

11
Держащужеся исцелевшему хромому Петра и Иоанна, притекоша к нима вси людие в притвор, нарицаемый Соломонов, ужасни.

Деян.3:11  с толкованием

12
Видев же Петр отвещаваше к людем: мужие Израилтяне, что чудитеся о сем, или на ны что взираете, яко своею ли силою или благочестием сотворихом его ходити?

Деян.3:12  с толкованием

13
Бог Авраамов и Исааков и Иаковль, Бог отец наших, прослави Отрока Своего Иисуса, Егоже вы предасте, и отвергостеся Его пред лицем Пилатовым, суждьшу Оному пустити:

Деян.3:13  с толкованием

14
вы же Святаго и Праведнаго отвергостеся, и испросисте мужа убийцу дати вам,

Деян.3:14  с толкованием

15
Началника же жизни убисте: Егоже Бог воскреси от мертвых, емуже мы свидетелие есмы.

Деян.3:15  с толкованием

16
И о вере имене Его, сего, егоже видите и знаете, утверди имя Его: и вера, яже Его ради, даде ему всю целость сию пред всеми вами.

Деян.3:16  с толкованием

17
И ныне, братие, вем, яко по неведению сие сотвористе, якоже и князи ваши:

Деян.3:17  с толкованием

18
Бог же, яже предвозвести усты всех пророк Своих пострадати Христу, исполни тако.

Деян.3:18  с толкованием

19
Покайтеся убо и обратитеся, да очиститеся от грех ваших,

Деян.3:19  с толкованием

20
яко да приидут времена прохладна от лица Господня, и послет пронареченнаго вам Христа Иисуса,

Деян.3:20  с толкованием

21
Егоже подобает небеси убо прияти даже до лет устроения всех, яже глагола Бог усты всех святых Своих пророк от века.

Деян.3:21  с толкованием

22
Моисей убо ко отцем рече: яко Пророка вам воздвигнет Господь Бог ваш от братии вашея, яко мене: Того послушайте по всему, елика аще речет к вам:

Деян.3:22  с толкованием

23
будет же, всяка душа, яже аще не послушает Пророка онаго, потребится от людий.

Деян.3:23  с толкованием

24
И вси же пророцы от Самуила и иже по сих, елицы глаголаша, такожде предвозвестиша дни сия.

Деян.3:24  с толкованием

25
Вы есте сынове пророк и завета, егоже завеща Бог ко отцем вашым, глаголя ко Аврааму: и о семени твоем возблагословятся вся отечествия земная.

Деян.3:25  с толкованием

26
Вам первее Бог, воздвигий Отрока Своего Иисуса, посла Его благословяща вас, во еже отвратитися вам комуждо от злоб ваших.

Деян.3:26  с толкованием

Глава 
4

Деян.4  с толкованием

1
Глаголющым же им к людем, наидоша на них священницы и воевода церковный и саддукее,

Деян.4:1  с толкованием

2
жаляще си, за еже учити им люди и возвещати о Иисусе воскресение мертвых:

Деян.4:2  с толкованием

3
и возложиша на них руки и положиша их в соблюдение до утрия: бе бо вечер уже.

Деян.4:3  с толкованием

4
Мнози же от слышавших слово вероваша: и бысть число мужей яко тысящ пять.

Деян.4:4  с толкованием

5
Бысть же наутрие собратися князем их и старцем и книжником во Иерусалим,

Деян.4:5  с толкованием

6
и Анне архиерею и Каиафе и Иоанну и Александру, и елицы беша от рода архиерейска:

Деян.4:6  с толкованием

7
и поставльше их посреде, вопрошаху: коею силою или коим именем сотвористе сие вы?

Деян.4:7  с толкованием

8
Тогда Петр, исполнився Духа Свята, рече к ним: князи людстии и старцы Израилевы,

Деян.4:8  с толкованием

9
аще мы днесь истязуеми есмы о благодеянии человека немощна, о чесом сей спасеся,

Деян.4:9  с толкованием

10
разумно буди всем вам и всем людем Израилевым, яко во имя Иисуса Христа Назореа, Егоже вы распясте, Егоже Бог воскреси от мертвых, о Сем сей стоит пред вами здрав:

Деян.4:10  с толкованием

11
Сей есть камень укореный от вас зиждущих, бывый во главу угла, и несть ни о единем же инем спасения:

Деян.4:11  с толкованием

12
несть бо иного имене под небесем, даннаго в человецех, о немже подобает спастися нам.

Деян.4:12  с толкованием

13
Видяще же Петрово дерзновение и Иоанново и разумевше, яко человека некнижна еста и проста, дивляхуся, знаху же их, яко со Иисусом беста:

Деян.4:13  с толкованием

14
видяще же исцелевшаго человека с нима стояща, ничтоже имяху противу рещи.

Деян.4:14  с толкованием

15
Повелевше же има вон из сонмища изыти, стязахуся друг со другом,

Деян.4:15  с толкованием

16
глаголюще: что сотворим человекома сима? Яко убо нарочитое знамение бысть има, всем живущым во Иерусалиме яве, и не можем отврещися:

Деян.4:16  с толкованием

17
но да не более прострется в людех, прещением да запретим има ктому не глаголати о имени сем ни единому от человек.

Деян.4:17  с толкованием

18
И призвавше их, заповедаша има отнюд не провещавати ниже учити о имени Иисусове.

Деян.4:18  с толкованием

19
Петр же и Иоанн отвещавша к ним реста: аще праведно есть пред Богом вас послушати паче, нежели Бога, судите:

Деян.4:19  с толкованием

20
не можем бо мы, яже видехом и слышахом, не глаголати.

Деян.4:20  с толкованием

21
Они же призапрещше има, пустиша я, ничтоже обретше како мучити их, людий ради, яко вси прославляху Бога о бывшем:

Деян.4:21  с толкованием

22
лет бо бяше множае четыредесяти человек той, на немже бысть чудо сие исцеления.

Деян.4:22  с толкованием

23
Отпущена же бывша приидоста ко своим и возвестиста, елика к нима архиерее и старцы реша.

Деян.4:23  с толкованием

24
Они же слышавше единодушно воздвигоша глас к Богу и рекоша: Владыко, ты, Боже, сотворивый небо и землю и море и вся, яже в них,

Деян.4:24  с толкованием

25
иже Духом Святым усты отца нашего Давида отрока Твоего рекл еси: вскую шаташася языцы, и людие поучишася тщетным?

Деян.4:25  с толкованием

26
Предсташа царие земстии, и князи собрашася вкупе на Господа и на Христа Его.

Деян.4:26  с толкованием

27
Собрашася бо воистинну во граде сем на Святаго Отрока Твоего Иисуса, Егоже помазал еси, Ирод же и Понтийский Пилат с языки и людьми Израилевыми,

Деян.4:27  с толкованием

28
сотворити, елика рука Твоя и совет Твой преднарече быти:

Деян.4:28  с толкованием

29
и ныне, Господи, призри на прещения их и даждь рабом Твоим со всяким дерзновением глаголати слово Твое,

Деян.4:29  с толкованием

30
внегда руку Твою прострети Ти во исцеления, и знамением и чудесем бывати именем Святым Отрока Твоего Иисуса.

Деян.4:30  с толкованием

31
И помолившымся им, подвижеся место, идеже бяху собрани, и исполнишася вси Духа Свята и глаголаху слово Божие со дерзновением.

Деян.4:31  с толкованием

32
Народу же веровавшему бе сердце и душа едина, и ни един же что от имений своих глаголаше свое быти, но бяху им вся обща.

Деян.4:32  с толкованием

33
И велиею силою воздаяху свидетелство Апостоли воскресению Господа Иисуса Христа, благодать же бе велия на всех их.

Деян.4:33  с толкованием

34
Не бяше бо нищь ни един в них: елицы бо господие селом или домовом бяху, продающе приношаху цены продаемых

Деян.4:34  с толкованием

35
и полагаху при ногах Апостол: даяшеся же коемуждо, егоже аще кто требоваше.

Деян.4:35  с толкованием

36
Иосиа же, нареченный Варнава от Апостол, еже есть сказаемо сын утешения, левит, Кипрянин родом,

Деян.4:36  с толкованием

37
имея село, продав принесе цену и положи пред ногами Апостол.

Деян.4:37  с толкованием

Глава 
5

Деян.5  с толкованием

1
Муж же некий, Ананиа именем, с Сапфирою женою своею, продаде село

Деян.5:1  с толкованием

2
и утаи от цены, сведущей и жене его: и принес часть некую, пред ногами Апостол положи.

Деян.5:2  с толкованием

3
Рече же Петр: Анание, почто исполни сатана сердце твое солгати Духу Святому и утаити от цены села?

Деян.5:3  с толкованием

4
Сущее тебе не твое ли бе, и проданое не в твоей ли власти бяше? Что яко положил еси в сердцы твоем вещь сию? Не человеком солгал еси, но Богу.

Деян.5:4  с толкованием

5
Слышав же Ананиа словеса сия, пад издше: и бысть страх велик на всех слышащих сия.

Деян.5:5  с толкованием

6
Вставше же юноши взяша его и изнесше погребоша.

Деян.5:6  с толкованием

7
Бысть же яко трием часом минувшым, и жена его не ведущи бывшаго вниде.

Деян.5:7  с толкованием

8
Отвеща же ей Петр: рцы ми, аще на толице село отдаста? Она же рече: ей, на толице.

Деян.5:8  с толкованием

9
Петр же рече к ней: что яко согласистася искусити Духа Господня? Се, ноги погребших мужа твоего при дверех, и изнесут тя.

Деян.5:9  с толкованием

10
Паде же абие пред ногама его и издше: вшедше же юноши обретоша ю мертву и изнесше погребоша близ мужа ея.

Деян.5:10  с толкованием

11
И бысть страх велик на всей церкви и на всех слышаших сия.

Деян.5:11  с толкованием

12
Руками же Апостолскими быша знамения и чудеса в людех многа: и бяху единодушно вси в притворе Соломони:

Деян.5:12  с толкованием

13
от прочих же никтоже смеяше прилеплятися им, но величаху их людие.

Деян.5:13  с толкованием

14
Паче же прилагахуся верующии Господви, множество мужей же и жен,

Деян.5:14  с толкованием

15
яко и на стогны износити недужныя и полагати на постелех и на одрех, да грядущу Петру поне сень его осенит некоего от них.

Деян.5:15  с толкованием

16
Схождашеся же и множество от окрестных градов во Иерусалим, приносяще недужныя и страждущыя от дух нечистых, иже исцелевахуся вси.

Деян.5:16  с толкованием

17
Востав же архиерей и вси иже с ним, сущая ересь саддукейская, исполнишася зависти,

Деян.5:17  с толкованием

18
и возложиша руки своя на Апостолы и послаша их в соблюдение общее.

Деян.5:18  с толкованием

19
Ангел же Господень нощию отверзе двери темницы, извед же их, рече:

Деян.5:19  с толкованием

20
идите и ставше глаголите в церкви людем вся глаголы жизни сея.

Деян.5:20  с толкованием

21
Слышавше же внидоша по утренице в церковь и учаху. Пришед же архиерей и иже с ним, созваша собор и вся старцы от сынов Израилевых и послаша во узилище, привести их.

Деян.5:21  с толкованием

22
Слуги же шедше не обретоша их в темнице, возвращшежеся возвестиша,

Деян.5:22  с толкованием

23
глаголюще, яко темницу убо обретохом заключену со всяким утверждением и блюстители стоящыя пред дверьми: отверзше же, внутрь ни единаго обретохом.

Деян.5:23  с толкованием

24
Якоже слышаша словеса сия архиерей же и воевода церковный и первосвященницы, недоумевахуся о них, что убо будет сие.

Деян.5:24  с толкованием

25
Пришед же некто возвести им, глаголя, яко се, мужие, ихже всадисте в темницу, суть в церкви стояще и учаще люди.

Деян.5:25  с толкованием

26
Тогда шед воевода со слугами, приведе их не с нуждею, бояхуся бо людий, да не камением побиют их:

Деян.5:26  с толкованием

27
приведше же их, поставиша на сонмищи, и вопроси их архиерей, глаголя:

Деян.5:27  с толкованием

28
не запрещением ли запретихом вам не учити о имени сем? И се, исполнисте Иерусалим учением вашим и хощете навести на ны кровь Человека Сего.

Деян.5:28  с толкованием

29
Отвещав же Петр и Апостоли реша: повиноватися подобает Богови паче, нежели человеком:

Деян.5:29  с толкованием

30
Бог отец наших воздвиже Иисуса, Егоже вы убисте, повесивше на древе:

Деян.5:30  с толкованием

31
Сего Бог Началника и Спаса возвыси десницею Своею, дати покаяние Израилеви и оставление грехов:

Деян.5:31  с толкованием

32
и мы есмы Того свидетелие глагол сих, и Дух Святый, Егоже даде Бог повинующымся Ему.

Деян.5:32  с толкованием

33
Они же слышавше распыхахуся и совещаша убити их.

Деян.5:33  с толкованием

34
Востав же некий на сонмищи фарисей, именем Гамалиил, законоучитель честен всем людем, повеле вне мало что Апостолом уступити,

Деян.5:34  с толкованием

35
рече же к ним: мужие Израильтяне, внимайте себе о человецех сих, что хощете сотворити:

Деян.5:35  с толкованием

36
пред сими бо деньми воста Февда, глаголя быти велика некоего себе, емуже прилепишася числом мужей яко четыреста: иже убиен бысть, и вси, елицы повинушася ему, разыдошася и быша ни во чтоже:

Деян.5:36  с толкованием

37
по сем воста Иуда Галилеанин во дни написания и отвлече люди доволны вслед себе: и той погибе, и вси, елицы послушаша его, разсыпашася:

Деян.5:37  с толкованием

38
и ныне, глаголю вам, отступите от человек сих и оставите их: яко аще будет от человек совет сей или дело сие, разорится,

Деян.5:38  с толкованием

39
аще ли же от Бога есть, не можете разорити то, да не како и богоборцы обрящетеся.

Деян.5:39  с толкованием

40
Послушаша же его, и призвавше Апостолы, бивше запретиша им не глаголати о имени Иисусове и отпустиша их.

Деян.5:40  с толкованием

41
Они же убо идяху радующеся от лица собора, яко за имя Господа Иисуса сподобишася безчестие прияти:

Деян.5:41  с толкованием

42
по вся же дни в церкви и в домех не престаяху учаще и благовествующе Иисуса Христа.

Деян.5:42  с толкованием

Глава 
6

Деян.6  с толкованием

1
Во днех же сих, умножившымся учеником, бысть роптание Еллинов ко Евреом, яко презираемы бываху во вседневнем служении вдовицы их.

Деян.6:1  с толкованием

2
Призвавше же дванадесять множество ученик, реша: не угодно есть нам, оставльшым слово Божие, служити трапезам:

Деян.6:2  с толкованием

3
усмотрите убо, братие, мужы от вас свидетелствованы седмь, исполнены Духа Свята и премудрости, ихже поставим над службою сею:

Деян.6:3  с толкованием

4
мы же в молитве и служении слова пребудем.

Деян.6:4  с толкованием

5
И угодно бысть слово сие пред всем народом: и избраша Стефана, мужа исполнена веры и Духа Свята, и Филиппа, и Прохора и Никанора, и Тимона и Пармена, и Николаа пришелца Антиохийскаго,

Деян.6:5  с толкованием

6
ихже поставиша пред Апостолы: и помолившеся возложиша на ня руце.

Деян.6:6  с толкованием

7
И слово Божие растяше, и множашеся число ученик во Иерусалиме зело: мног же народ священников послушаху веры.

Деян.6:7  с толкованием

8
Стефан же исполнь веры и силы творяше знамения и чудеса велия в людех.

Деян.6:8  с толкованием

9
Восташа же нецыи от сонма глаголемаго Ливертинска и Киринейска и Александрска, и иже от Киликии и Асии, стязающеся со Стефаном:

Деян.6:9  с толкованием

10
и не можаху противустати премудрости и Духу, Имже глаголаше.

Деян.6:10  с толкованием

11
Тогда подустиша мужы глаголющыя, яко слышахом его глаголюща глаголы хульныя на Моисеа и на Бога.

Деян.6:11  с толкованием

12
Сподвигоша же люди и старцы и книжники, и нападше восхитиша его и приведоша на сонмище,

Деян.6:12  с толкованием

13
поставиша же свидетели ложны глаголющыя, яко человек сей не престает глаголы хульныя глаголя на место святое сие и закон:

Деян.6:13  с толкованием

14
слышахом бо его глаголюща, яко Иисус Назорей сей разорит место сие и изменит обычаи, яже предаде нам Моисей.

Деян.6:14  с толкованием

15
И воззревше нань вси седящии в сонмищи, видеша лице его яко лице Ангела.

Деян.6:15  с толкованием

Глава 
7

Деян.7  с толкованием

1
Рече же архиерей: аще убо сия тако суть?

Деян.7:1  с толкованием

2
Он же рече: мужие братие и отцы, послушайте. Бог славы явися отцу нашему Аврааму сущу в Месопотамии, прежде даже не вселитися ему в Харрань,

Деян.7:2  с толкованием

3
и рече к нему: изыди от земли твоея и от рода твоего и от дому отца твоего, и прииди в землю, юже аще ти покажу.

Деян.7:3  с толкованием

4
Тогда изшед от земли Халдейския, вселися в Харрань: и оттуду, по умертвии отца его, пресели его в землю сию, на нейже вы ныне живете,

Деян.7:4  с толкованием

5
и не даде ему наследия в ней, ниже стопы ногу: и обеща дати ему ю во одержание и семени его по нем, не сущу ему чаду.

Деян.7:5  с толкованием

6
Глагола же сице Бог, яко будет семя его пришелцы в земли чуждей, и поработят е и озлобят лет четыреста.

Деян.7:6  с толкованием

7
И языку, емуже поработают, сужду Аз, рече Бог: и по сих изыдут и послужат Ми на месте сем.

Деян.7:7  с толкованием

8
И даде ему завет обрезания. И тако роди Исаака и обреза его в день осмый: и Исаак Иакова, и Иаков дванадесять патриарх.

Деян.7:8  с толкованием

9
И патриарси позавидевше Иосифу продаша его во Египет: и бе Бог с ним,

Деян.7:9  с толкованием

10
и изъят его от всех скорбей его, и даде ему благодать и премудрость пред фараоном царем Египетским: и постави его началника над Египтом и над всем домом своим.

Деян.7:10  с толкованием

11
Прииде же глад на всю землю Египетскую и Ханааню и скорбь велия, и не обретаху сытости отцы наши.

Деян.7:11  с толкованием

12
Слышав же Иаков сущую пшеницу во Египте, посла отцы нашя первее,

Деян.7:12  с толкованием

13
и внегда второе (приидоша), познан бысть Иосиф братии своей, и яве бысть фараону род Иосифов.

Деян.7:13  с толкованием

14
Послав же Иосиф призва отца своего Иакова и все сродство свое, седмьдесят и пять душ.

Деян.7:14  с толкованием

15
Сниде же Иаков во Египет, и скончася сам и отцы наши:

Деян.7:15  с толкованием

16
и принесени быша в Сихем и положени быша во гробе, егоже купи Авраам ценою сребра от сынов Еммора Сихемова.

Деян.7:16  с толкованием

17
И якоже приближашеся время обетования, имже клятся Бог Аврааму, возрастоша людие и умножишася во Египте,

Деян.7:17  с толкованием

18
дондеже наста царь ин (во Египте), иже не знаше Иосифа:

Деян.7:18  с толкованием

19
сей зле умыслив о роде нашем, озлоби отцы нашя, уморити младенцы их и не оживити.

Деян.7:19  с толкованием

20
В неже время родися Моисей и бе угоден Богови, иже питан бысть месяцы три в дому отца своего:

Деян.7:20  с толкованием

21
извержена же его взят его дщи фараонова и воспита и себе в сына:

Деян.7:21  с толкованием

22
и наказан бысть Моисей всей премудрости Египетстей, бе же силен в словесех и делех.

Деян.7:22  с толкованием

23
Егда же исполняшеся ему лет четыредесятих время, взыде на сердце ему посетити братию свою сыны Израилевы:

Деян.7:23  с толкованием

24
и видев некоего обидима, пособствова и сотвори отмщение обидимому, убив Египтянина.

Деян.7:24  с толкованием

25
Мняше же разумети братиям своим, яко Бог рукою его даст им спасение: они же не разумеша.

Деян.7:25  с толкованием

26
Во утрий же день явися им тяжущымся и привлачаше их в примирение, рек: мужие, братия есте вы, вскую обидите друг друга?

Деян.7:26  с толкованием

27
Обидяй же ближняго отрину его, рек: кто тя постави князя и судию над нами?

Деян.7:27  с толкованием

28
Еда убити мя ты хощеши, имже образом убил еси вчера Египтянина?

Деян.7:28  с толкованием

29
Бежа же Моисей о словеси сем и бысть пришлец в земли Мадиамстей, идеже роди сына два.

Деян.7:29  с толкованием

30
И исполньшымся летом четыредесятим, явися ему в пустыни горы Синайския Ангел Господень в пламени огнене в купине:

Деян.7:30  с толкованием

31
Моисей же видев дивляшеся видению: приступающу же ему разумети, бысть глас Господень к нему:

Деян.7:31  с толкованием

32
Аз Бог отец твоих, Бог Авраамов и Бог Исааков и Бог Иаковль. Трепетен же быв Моисей не смеяше смотрити.

Деян.7:32  с толкованием

33
Рече же ему Господь: изуй сапоги ногу твоею, место бо, на немже стоиши, земля свята есть:

Деян.7:33  с толкованием

34
видя видех озлобление людий Моих, иже во Египте, и стенание их услышах, и снидох изъяти их: и ныне гряди, послю тя во Египет.

Деян.7:34  с толкованием

35
Сего Моисеа, егоже отринуша, рекше: кто тя постави началника и судию? Сего Бог князя и избавителя посла рукою Ангела явльшагося ему в купине:

Деян.7:35  с толкованием

36
сей изведе их, сотворь чудеса и знамения в земли Египетстей и в Чермнем мори, и в пустыни лет четыредесять.

Деян.7:36  с толкованием

37
Сей есть Моисей рекий сыном Израилевым: Пророка вам воздвигнет Господь Бог ваш от братии вашея яко мене: Того послушайте.

Деян.7:37  с толкованием

38
Сей есть бывый в церкви в пустыни со Ангелом, глаголавшим ему на горе Синайстей, и со отцы нашими, иже прият словеса жива дати нам,

Деян.7:38  с толкованием

39
егоже не восхотеша послушати отцы наши, но отринуша и и обратишася сердцем своим во Египет,

Деян.7:39  с толкованием

40
рекше Аарону: сотвори нам боги, иже предидут пред нами, Моисею бо сему, иже изведе нас от земли Египетския, не вемы, что бысть ему.

Деян.7:40  с толкованием

41
И сотвориша телца во дни оны, и принесоша жертву идолу, и веселяхуся в делех руку своею.

Деян.7:41  с толкованием

42
Отвратися же Бог и предаде их служити воем небесным, якоже писано есть в книзе пророк: еда заколения и жертвы принесосте Ми лет четыредесять в пустыни, доме Израилев?

Деян.7:42  с толкованием

43
И восприясте скинию Молохову и звезду бога вашего Ремфана, образы, яже сотвористе покланятися им: и преселю вы далее Вавилона.

Деян.7:43  с толкованием

44
Сень свидения бяше отцем нашым в пустыни, якоже повеле Глаголяй Моисеови сотворити ю по образу, егоже виде:

Деян.7:44  с толкованием

45
юже и внесоша приемше отцы наши со Иисусом во одержание языков, ихже изрину Бог от лица отец наших, даже до дний Давида:

Деян.7:45  с толкованием

46
иже обрете благодать пред Богом и испроси обрести селение Богу Иаковлю.

Деян.7:46  с толкованием

47
Соломон же созда Ему храм.

Деян.7:47  с толкованием

48
Но Вышний не в рукотворенных церквах живет, якоже пророк глаголет:

Деян.7:48  с толкованием

49
Небо Мне престол есть, земля же подножие ногама Моима: кий храм созиждете Ми, глаголет Господь, или кое место покоищу Моему?

Деян.7:49  с толкованием

50
Не рука ли Моя сотвори сия вся?

Деян.7:50  с толкованием

51
Жестоковыйнии и необрезаннии сердцы и ушесы, вы присно Духу Святому противитеся, якоже отцы ваши, тако и вы:

Деян.7:51  с толкованием

52
кого от пророк не изгнаша отцы ваши? И убиша предвозвестившыя о пришествии Праведнаго, Егоже вы ныне предателе и убийцы бысте,

Деян.7:52  с толкованием

53
иже приясте закон устроением Ангелским и не сохранисте.

Деян.7:53  с толкованием

54
Слышаще же сия, распыхахуся сердцы своими и скрежетаху зубы нань.

Деян.7:54  с толкованием

55
Стефан же сый исполнь Духа Свята, воззрев на небо, виде славу Божию и Иисуса стояща о десную Бога,

Деян.7:55  с толкованием

56
и рече: се, вижу небеса отверста и Сына Человеча о десную стояща Бога.

Деян.7:56  с толкованием

57
Возопивше же гласом велиим, затыкаху ушы свои и устремишася единодушно нань,

Деян.7:57  с толкованием

58
и изведше вне града, камением побиваху его: и свидетелие (снемше) ризы своя положиша при ногу юноши нарицаемаго Савла,

Деян.7:58  с толкованием

59
и камением побиваху Стефана, молящася и глаголюща: Господи Иисусе, приими дух мой.

Деян.7:59  с толкованием

60
Преклонь же колена, возопи гласом велиим: Господи, не постави им греха сего. И сия рек успе.

Деян.7:60  с толкованием

Глава 
8

Деян.8  с толкованием

1
Савл же бе соизволяя убийству его. Бысть же в той день гонение велие на церковь Иерусалимскую: вси же разсеяшася по странам Иудейским и Самарийским, кроме Апостол:

Деян.8:1  с толкованием

2
погребоша же Стефана мужие благоговейнии и сотвориша плачь велий над ним.

Деян.8:2  с толкованием

3
Савл же озлобляше церковь, в домы входя, и влачя мужы и жены, предаяше в темницу.

Деян.8:3  с толкованием

4
Разсеявшиися же прохождаху, благовествующе слово.

Деян.8:4  с толкованием

5
Филипп же сошед во град Самарийский, проповедаше им Христа:

Деян.8:5  с толкованием

6
внимаху же народи глаголемым от Филиппа единодушно, слышаще и видяще знамения, яже творяше:

Деян.8:6  с толкованием

7
дуси бо нечистии от многих имущих я, вопиюще гласом велиим, исхождаху, мнози же разслабленнии и хромии исцелишася:

Деян.8:7  с толкованием

8
и бысть радость велия во граде том.

Деян.8:8  с толкованием

9
Муж же некий, именем Симон, прежде бе во граде волхвуя и удивляя язык Самарийский, глаголя некоего быти себе велика,

Деян.8:9  с толкованием

10
емуже внимаху вси от мала даже до велика, глаголюще: сей есть сила Божия великая.

Деян.8:10  с толкованием

11
Внимаху же ему, зане доволно время волхвовании удивляше их.

Деян.8:11  с толкованием

12
Егда же вероваша Филиппу благовествующу яже о Царствии Божии и о имени Иисус Христове, крещахуся мужие же и жены.

Деян.8:12  с толкованием

13
Симон же и сам верова и крещься бе пребывая у Филиппа: видя же силы и знамения велия бываема, ужасен дивляшеся.

Деян.8:13  с толкованием

14
Слышавше же иже во Иерусалиме Апостоли, яко прият Самариа слово Божие, послаша к ним Петра и Иоанна,

Деян.8:14  с толкованием

15
иже сошедше помолишася о них, яко да приимут Духа Святаго:

Деян.8:15  с толкованием

16
еще бо ни на единаго их бе пришел, точию крещени бяху во имя Господа Иисуса:

Деян.8:16  с толкованием

17
тогда возложиша руце на ня, и прияша Духа Святаго.

Деян.8:17  с толкованием

18
Видев же Симон, яко возложением рук Апостолских дается Дух Святый, принесе им сребро,

Деян.8:18  с толкованием

19
глаголя: дадите и мне власть сию, да, на негоже аще положу руце, приимет Духа Святаго.

Деян.8:19  с толкованием

20
Петр же рече к нему: сребро твое с тобою да будет в погибель, яко дар Божий непщевал еси сребром стяжати:

Деян.8:20  с толкованием

21
несть ти части ни жребия в словеси сем, ибо сердце твое несть право пред Богом:

Деян.8:21  с толкованием

22
покайся убо о злобе твоей сей и молися Богу, аще убо отпустится ти помышление сердца твоего:

Деян.8:22  с толкованием

23
в желчи бо горести и союзе неправды зрю тя суща.

Деян.8:23  с толкованием

24
Отвещав же Симон рече: помолитеся вы о мне ко Господу, яко да ничтоже сих найдет на мя, яже рекосте.

Деян.8:24  с толкованием

25
Они же убо, засвидетелствовавше и глаголавше слово Господне, возвратишася во Иерусалим и многим весем Самарийским благовестиша.

Деян.8:25  с толкованием

26
Ангел же Господень рече к Филиппу, глаголя: востани и иди на полудне, на путь сходящий от Иерусалима в Газу: и той есть пуст.

Деян.8:26  с толкованием

27
И востав пойде: и се, муж Мурин, евнух силен Кандакии царицы Муринския, иже бе над всеми сокровищи ея, иже прииде поклонитися во Иерусалим:

Деян.8:27  с толкованием

28
бе же возвращаяся, и седя на колеснице своей, чтяше пророка Исаию.

Деян.8:28  с толкованием

29
Рече же Дух к Филиппу: приступи и прилепися колеснице сей.

Деян.8:29  с толкованием

30
Притек же Филипп услыша его чтуща пророка Исаию и рече: убо разумееши ли, яже чтеши?

Деян.8:30  с толкованием

31
Он же рече: како убо могу (разумети), аще не кто наставит мя? Умоли же Филиппа, да возшед сядет с ним.

Деян.8:31  с толкованием

32
Слово же Писания, еже чтяше, бе сие: яко овча на заколение ведеся, и яко агнец прямо стригущему его безгласен, тако не отверзает уст Своих:

Деян.8:32  с толкованием

33
во смирении Его суд Его взятся, род же Его кто исповесть? Яко вземлется от земли живот Его.

Деян.8:33  с толкованием

34
Отвещав же каженик к Филиппу, рече: молю тя, о ком пророк глаголет сие? О себе ли, или о инем некоем?

Деян.8:34  с толкованием

35
Отверз же Филипп уста своя и начен от Писания сего, благовести ему Иисуса.

Деян.8:35  с толкованием

36
Якоже идяху путем, приидоша на некую воду, и рече каженик: се, вода: что возбраняет ми креститися?

Деян.8:36  с толкованием

37
Рече же ему Филипп: аще веруеши от всего сердца твоего, мощно ти есть. Отвещав же рече: верую Сына Божия быти Иисуса Христа.

Деян.8:37  с толкованием

38
И повеле стати колеснице: и снидоста оба на воду, Филипп же и каженик: и крести его.

Деян.8:38  с толкованием

39
Егда же изыдоста от воды, Дух Святый нападе на каженика: Ангел же Господень восхити Филиппа, и не виде его ктому каженик, идяше бо в путь свой радуяся.

Деян.8:39  с толкованием

40
Филипп же обретеся во Азоте и проходя благовествоваше градом всем, дондеже приити ему в Кесарию.

Деян.8:40  с толкованием

Глава 
9

Деян.9  с толкованием

1
Савл же, еще дыхая прещением и убийством на ученики Господни, приступль ко архиерею,

Деян.9:1  с толкованием

2
испроси от него послания в Дамаск к соборищем, яко да аще некия обрящет того пути сущыя, мужы же и жены, связаны приведет во Иерусалим.

Деян.9:2  с толкованием

3
Внегда же ити, бысть ему приближитися к Дамаску, и внезапу облиста его свет от небесе:

Деян.9:3  с толкованием

4
и пад на землю, слыша глас глаголющь ему: Савле, Савле, что Мя гониши?

Деян.9:4  с толкованием

5
Рече же: кто еси, Господи? Господь же рече: Аз есмь Иисус, Егоже ты гониши: жестоко ти есть противу рожну прати.

Деян.9:5  с толкованием

6
Трепещя же и ужасаяся глагола: Господи, что мя хощеши творити? И Господь рече к нему: востани и вниди во град, и речется ти, что ти подобает творити.

Деян.9:6  с толкованием

7
Мужие же идущии с ним стояху чудящеся, глас убо слышаще, но ни когоже видяще.

Деян.9:7  с толкованием

8
Воста же Савл от земли и отверстыма очима своима ни единаго видяше: ведуще же его за руку, введоша в Дамаск:

Деян.9:8  с толкованием

9
и бе дни три не видя, и ни яде, ниже пияше.

Деян.9:9  с толкованием

10
Бе же некто ученик в Дамасце, именем Ананиа, и рече к нему Господь в видении: Анание. Он же рече: се, аз, Господи.

Деян.9:10  с толкованием

11
Господь же к нему: востав поиди на стогну нарицаемую Правую и взыщи в дому Иудове Савла именем, Тарсянина: се бо, молитву деет

Деян.9:11  с толкованием

12
и виде в видении мужа, именем Ананию, вшедша и возложша нань руку, яко да прозрит.

Деян.9:12  с толкованием

13
Отвеща же Ананиа: Господи, слышах от многих о мужи сем, колика зла сотвори святым Твоим во Иерусалиме:

Деян.9:13  с толкованием

14
и зде имать власть от архиерей связати вся нарицающыя имя Твое.

Деян.9:14  с толкованием

15
Рече же к нему Господь: иди, яко сосуд избран Ми есть сей, пронести имя Мое пред языки и царьми и сынми Израилевыми:

Деян.9:15  с толкованием

16
Аз бо скажу ему, елика подобает ему о имени Моем пострадати.

Деян.9:16  с толкованием

17
Пойде же Ананиа и вниде в храмину, и возложь нань руце, рече: Савле брате, Господь Иисус явлейтися на пути, имже шел еси, посла мя, яко да прозриши и исполнишися Духа Свята.

Деян.9:17  с толкованием

18
И абие отпадоша от очию его яко чешуя: прозре же абие, и востав крестися,

Деян.9:18  с толкованием

19
и приемь пищу, укрепися. Бысть же Савл с сущими в Дамасце учениками дни некия:

Деян.9:19  с толкованием

20
и абие на сонмищих проповедаше Иисуса, яко Сей есть Сын Божий.

Деян.9:20  с толкованием

21
Дивляхуся же вси слышащии и глаголаху: не сей ли есть гонивый во Иерусалиме нарицающыя имя сие, и зде на сие прииде, да связаны тыя приведет ко архиереем?

Деян.9:21  с толкованием

22
Савл же паче крепляшеся и смущаше Иудеи живущыя в Дамасце, препирая, яко Сей есть Христос.

Деян.9:22  с толкованием

23
Якоже исполнишася дние доволни, совещаша Иудее убити его,

Деян.9:23  с толкованием

24
уведан же бысть Савлу совет их: стрежаху же врат день и нощь, яко да убиют его:

Деян.9:24  с толкованием

25
поемше же его ученицы нощию, свесиша по стене в кошнице.

Деян.9:25  с толкованием

26
Пришед же Савл во Иерусалим, покушашеся прилеплятися учеником: и вси бояхуся его, не верующе, яко есть ученик.

Деян.9:26  с толкованием

27
Варнава же приемь его, приведе ко Апостолом и поведа им, како на пути виде Господа, и яко глагола ему, и како в Дамасце дерзаше о имени Иисусове.

Деян.9:27  с толкованием

28
И бяше с ними входя и исходя во Иерусалиме и дерзая о имени Господа Иисуса.

Деян.9:28  с толкованием

29
Глаголаше же и стязашеся с Еллины: они же искаху убити его.

Деян.9:29  с толкованием

30
Разумевше же братия, сведоша его в Кесарию и отпустиша его в Тарс.

Деян.9:30  с толкованием

31
Церкви же по всей Иудеи и Галилеи и Самарии имеяху мир, созидающяся и ходящя в страсе Господни, и утешением Святаго Духа умножахуся.

Деян.9:31  с толкованием

32
И бысть Петру, посещающу всех, снити и ко святым живущым в Лидде:

Деян.9:32  с толкованием

33
обрете же тамо человека некоего, именем Енеа, от осми лет лежаща на одре, иже бе разслаблен.

Деян.9:33  с толкованием

34
И рече ему Петр: Енее, исцеляет тя Иисус Христос: востани с постели твоея. И абие воста:

Деян.9:34  с толкованием

35
и видеша его вси живущии в Лидде и во Ассароне, иже обратишася ко Господу.

Деян.9:35  с толкованием

36
Во Июппии же бе некая ученица, именем Тавифа, яже сказаема глаголется серна: сия бяше исполнена благих дел и милостынь, яже творяше.

Деян.9:36  с толкованием

37
Бысть же во дни тыя, болевшей ей умрети: омывше же ю, положиша в горнице.

Деян.9:37  с толкованием

38
Близ же сущей Лидде Июппии, ученицы слышавше, яко Петр есть в ней, послаша два мужа к нему, моляще его не обленитися приити до них.

Деян.9:38  с толкованием

39
Востав же Петр иде с нима: егоже пришедша возведоша в горницу, и предсташа ему вся вдовицы плачущя и показующя ризы и одежды, елика творяше, с ними сущи, Серна.

Деян.9:39  с толкованием

40
Изгнав же вон вся Петр, преклонь колена помолися, и обращься к телу, рече: Тавифо, востани. Она же отверзе очи свои, и видевши Петра, седе.

Деян.9:40  с толкованием

41
Подав же ей руку, воздвиже ю, и призвав святыя и вдовицы, постави ю живу.

Деян.9:41  с толкованием

42
Уведано же бысть се по всей Июппии, и мнози вероваша в Господа.

Деян.9:42  с толкованием

43
Бысть же дни доволны пребыти ему во Июппии у некоего Симона усмаря.

Деян.9:43  с толкованием

Глава 
10

Деян.10  с толкованием

1
Муж же некий бе в Кесарии, именем Корнилий, сотник от спиры нарицающияся Италийския,

Деян.10:1  с толкованием

2
благоговеин и бояйся Бога со всем домом своим, творяй милостыни многи людем и моляйся Богу всегда:

Деян.10:2  с толкованием

3
виде в видении яве, яко в час девятый дне, Ангела Божия сшедша к нему и рекша ему: Корнилие.

Деян.10:3  с толкованием

4
Он же воззрев нань и пристрашен быв рече: что есть, Господи? Рече же ему: молитвы твоя и милостыни твоя взыдоша на память пред Бога:

Деян.10:4  с толкованием

5
и ныне посли во Июппию мужей и призови Симона, нарицаемаго Петра:

Деян.10:5  с толкованием

6
сей странствует у некоего Симона усмаря, емуже есть дом при мори: той речет тебе глаголы, в нихже спасешися ты и весь дом твой.

Деян.10:6  с толкованием

7
И якоже отиде Ангел глаголяй Корнилию, пригласив два от рабов своих и воина благочестива от служащих ему

Деян.10:7  с толкованием

8
и сказав им вся, посла их во Июппию.

Деян.10:8  с толкованием

9
Воутрие же, путьшествующым им и ко граду приближающымся, взыде Петр на горницу помолитися, о часе шестем.

Деян.10:9  с толкованием

10
Бысть же приалчен и хотяше вкусити: готовящым же онем, нападе нань ужас,

Деян.10:10  с толкованием

11
и виде небо отверсто и сходящ нань сосуд некий, яко плащаницу велию, по четырем краем привязан и низу спущаемь на землю,

Деян.10:11  с толкованием

12
в немже бяху вся четвероногая земли и зверие и гади и птицы небесныя.

Деян.10:12  с толкованием

13
И бысть глас к нему: востав, Петре, заколи и яждь.

Деян.10:13  с толкованием

14
Петр же рече: никакоже, Господи, яко николиже ядох всяко скверно или нечисто.

Деян.10:14  с толкованием

15
И (се) глас паки к нему вторицею: яже Бог очистил есть, ты не скверни.

Деян.10:15  с толкованием

16
Сие же бысть трищи: и паки взяся сосуд на небо.

Деян.10:16  с толкованием

17
Якоже в себе недоумевашеся Петр, что бы было видение, еже виде, и се, мужие посланнии от Корнилиа, вопрошше и уведевше дом Симонов, сташа пред враты

Деян.10:17  с толкованием

18
и возглашше вопрошаху, аще Симон, нарицаемый Петр, зде странствует.

Деян.10:18  с толкованием

19
Петру же размышляющу о видении, рече ему Дух: се, мужие трие ищут тебе:

Деян.10:19  с толкованием

20
но востав сниди и иди с ними, ничтоже разсуждая: зане Аз послах их.

Деян.10:20  с толкованием

21
Сошед же Петр к мужем посланным к нему от Корнилиа, рече: се, аз есмь, егоже ищете: кая есть вина, еяже ради приидосте?

Деян.10:21  с толкованием

22
Они же рекоша: Корнилий сотник, муж праведен и бояйся Бога, свидетелствован от всего языка Иудейска, увещен есть от Ангела свята призвати тя в дом свой и слышати глаголы от тебе.

Деян.10:22  с толкованием

23
Призвав же их учреди: наутрие же Петр востав иде с ними, и нецыи от братий, иже от Июппии, идоша с ним:

Деян.10:23  с толкованием

24
и наутрие внидоша в Кесарию. Корнилий же бе чая их, созвав сродники своя и любезныя други.

Деян.10:24  с толкованием

25
Якоже бысть внити Петру, срете его Корнилий, и пад на ногу его поклонися.

Деян.10:25  с толкованием

26
Петр же воздвиже его, глаголя: востани: и аз сам человек есмь.

Деян.10:26  с толкованием

27
И с ним беседуя, вниде и обрете собравшыяся многи:

Деян.10:27  с толкованием

28
рече же к ним: вы весте, яко не лепо есть мужу Иудеанину прилеплятися или приходити ко иноплеменнику: и мне Бог показа ни единаго скверна или нечиста глаголати человека:

Деян.10:28  с толкованием

29
темже и без сумнения приидох призван: вопрошаю вы убо, коея ради вины посласте по мене?

Деян.10:29  с толкованием

30
И Корнилий рече: от четвертаго дне даже до сего часа бех постяся и в девятый час моляся в дому моем: и се, муж ста предо мною во одежди светле

Деян.10:30  с толкованием

31
и рече: Корнилие, услышана бысть молитва твоя, и милостыни твоя помянушася пред Богом:

Деян.10:31  с толкованием

32
посли убо во Июппию и призови Симона, иже нарицается Петр: сей странствует в дому Симона усмаря близ моря: иже пришед возглаголет тебе.

Деян.10:32  с толкованием

33
Абие убо послах к тебе, ты же добре сотворил еси пришед: ныне убо вси мы пред Богом предстоим слышати вся повеленная тебе от Бога.

Деян.10:33  с толкованием

34
Отверз же Петр уста, рече: поистинне разумеваю, яко не на лица зрит Бог,

Деян.10:34  с толкованием

35
но во всяцем языце бояйся Его и делаяй правду приятен Ему есть:

Деян.10:35  с толкованием

36
слово, еже посла сыном Израилевым, благовествуя мир Иисус Христом: Сей есть всем Господь:

Деян.10:36  с толкованием

37
вы весте глагол бывший по всей Иудеи, наченшийся от Галилеи, по крещении, еже проповеда Иоанн:

Деян.10:37  с толкованием

38
Иисуса, Иже от Назарета, яко помаза Его Бог Духом Святым и силою, Иже пройде благодателствуя и исцеляя вся насилованныя от диавола, яко Бог бяше с Ним:

Деян.10:38  с толкованием

39
и мы есмы свидетеле всех, яже сотвори во стране Иудейстей и во Иерусалиме: Егоже и убиша, повешше на древе.

Деян.10:39  с толкованием

40
Сего Бог воскреси в третий день и даде Ему явлену быти,

Деян.10:40  с толкованием

41
не всем людем, но нам свидетелем преднареченным от Бога, иже с Ним ядохом и пихом, по воскресении Его от мертвых:

Деян.10:41  с толкованием

42
и повеле нам проповедати людем и засвидетелствовати, яко Той есть нареченный от Бога Судия живым и мертвым:

Деян.10:42  с толкованием

43
о Сем вси пророцы свидетелствуют, оставление грехов прияти именем Его всякому верующему в Онь.

Деян.10:43  с толкованием

44
Еще же глаголющу Петру глаголы сия, нападе Дух Святый на вся слышащыя слово.

Деян.10:44  с толкованием

45
И ужасошася иже от обрезания вернии, елицы приидоша с Петром, яко и на языки дар Святаго Духа излияся:

Деян.10:45  с толкованием

46
слышаху бо их глаголющих языки и величающих Бога. Тогда отвеща Петр:

Деян.10:46  с толкованием

47
еда воду возбранити может кто, еже не креститися сим, иже Дух Святый прияша, якоже и мы?

Деян.10:47  с толкованием

48
Повеле же им креститися во имя Иисус Христово. Тогда молиша его пребыти у них дни некия.

Деян.10:48  с толкованием

Глава 
11

Деян.11  с толкованием

1
Слышаша же Апостоли и братия сущии во Иудеи, яко и языцы прияша слово Божие.

Деян.11:1  с толкованием

2
И егда взыде Петр во Иерусалим, препирахуся с ним иже от обрезания,

Деян.11:2  с толкованием

3
глаголюще, яко к мужем обрезания не имущым вшел еси и ял еси с ними.

Деян.11:3  с толкованием

4
Начен же Петр, сказоваше им поряду, глаголя:

Деян.11:4  с толкованием

5
аз бех во граде Июппийстем моляся и видех во ужасе видение, сходящь сосуд некий, яко плащаницу велию, от четырех краев низпущаему с небесе, и прииде даже до мене:

Деян.11:5  с толкованием

6
в нюже воззрев смотрях, и видех четвероногая земная и звери и гады и птицы небесныя.

Деян.11:6  с толкованием

7
Слышах же глас глаголющь мне: востав, Петре, заколи и яждь.

Деян.11:7  с толкованием

8
Рех же: никакоже, Господи, яко всяко скверно или нечисто николиже вниде во уста моя.

Деян.11:8  с толкованием

9
Отвеща же ми глас вторицею с небесе глаголющь: яже Бог очистил есть, ты не скверни.

Деян.11:9  с толкованием

10
Сие же бысть трижды: и паки взяшася вся на небо.

Деян.11:10  с толкованием

11
И се, абие трие мужие сташа пред храминою, в нейже бех, послани от Кесарии ко мне.

Деян.11:11  с толкованием

12
Рече же ми Дух ити с ними, ничтоже разсуждая: приидоша же со мною и шесть братия сии, и внидохом в дом мужа.

Деян.11:12  с толкованием

13
И возвести нам, како виде Ангела (свята) в дому своем, ставша и рекша ему: посли во Июппию мужы и призови Симона, нарицаемаго Петра,

Деян.11:13  с толкованием

14
иже речет глаголы к тебе, в нихже спасешися ты и весь дом твой.

Деян.11:14  с толкованием

15
Внегда же начах глаголати, нападе Дух Святый на них, якоже и на ны в начале.

Деян.11:15  с толкованием

16
Помянух же глаголгол Господень, якоже глаголаше: Иоанн убо крестил есть водою, вы же имате креститися Духом Святым.

Деян.11:16  с толкованием

17
Аще убо равен дар даде им Бог, якоже и нам веровавшым в Господа нашего Иисуса Христа, аз же кто бех могий возбранити Бога?

Деян.11:17  с толкованием

18
Слышавше же сия умолкоша и славляху Бога, глаголюще: убо и языком Бог покаяние даде в живот.

Деян.11:18  с толкованием

19
Разсеявшиися убо от скорби, бывшия при Стефане, проидоша даже до Финикии и Кипра и Антиохии, ни единому же глаголюще слово, токмо Иудеем.

Деян.11:19  с толкованием

20
Бяху же нецыи от них мужие Кипрстии и Киринейстии, иже, вшедше во Антиохию, глаголаху к Еллином, благовествующе Господа Иисуса.

Деян.11:20  с толкованием

21
И бе рука Господня с ними: многое же число веровавше обратишася ко Господу.

Деян.11:21  с толкованием

22
Слышано же бысть слово о них во ушию церкве сущия во Иерусалиме, и послаша Варнаву преити даже до Антиохии:

Деян.11:22  с толкованием

23
иже пришед и видев благодать Божию, возрадовася и моляше всех изволением сердца терпети о Господе:

Деян.11:23  с толкованием

24
яко бе муж благ и исполнь Духа Свята и веры. И приложися народ мног Господеви.

Деян.11:24  с толкованием

25
Изыде же Варнава в Тарс взыскати Савла, и обрет его, приведе его во Антиохию:

Деян.11:25  с толкованием

26
бысть же им лето цело собиратися в церкви и учити народ мног, нарещи же прежде во Антиохии ученики Христианы.

Деян.11:26  с толкованием

27
В тыя же дни снидоша от Иерусалима пророцы во Антиохию:

Деян.11:27  с толкованием

28
востав же един от них, именем Агав, назнаменаше Духом глад велик хотящь быти по всей вселенней, иже и бысть при Клавдии кесари:

Деян.11:28  с толкованием

29
от ученик же, по елику кто имеяше что, изволиша кийждо их на службу послати живущым во Иудеи братиям,

Деян.11:29  с толкованием

30
еже и сотвориша, пославше к старцем рукою Варнавлею и Савлею.

Деян.11:30  с толкованием

Глава 
12

Деян.12  с толкованием

1
Во оно же время возложи Ирод царь руце озлобити некия иже от церкве,

Деян.12:1  с толкованием

2
уби же Иакова, брата Иоаннова, мечем:

Деян.12:2  с толкованием

3
и видев, яко годе есть Иудеем, приложи яти и Петра: бяху же дние опресночнии:

Деян.12:3  с толкованием

4
егоже и емь всади в темницу, предав четырем четверицам воинов стрещи его, хотя по Пасце извести его к людем.

Деян.12:4  с толкованием

5
И убо Петра стрежаху в темнице: молитва же бе прилежна бываемая от церкве к Богу о нем.

Деян.12:5  с толкованием

6
Егда же хотяше его извести Ирод, в нощи той бе Петр спя между двема воинома, связан (железнома) ужема двема, стражие же пред дверьми стрежаху темницы.

Деян.12:6  с толкованием

7
И се, Ангел Господень предста, и свет возсия в храмине: толкнув же в ребра Петра, воздвиже его, глаголя: востани вскоре. И спадоша ему ужя (железная) с руку.

Деян.12:7  с толкованием

8
Рече же Ангел к нему: препояшися и вступи в плесницы твоя. Сотвори же тако. И глагола ему: облецыся в ризу твою и последствуй ми.

Деян.12:8  с толкованием

9
И изшед вслед его идяше и не ведаше, яко истина есть бывшее от Ангела, мняше же видение зрети.

Деян.12:9  с толкованием

10
Прошедша же первую стражу и вторую, приидоста ко вратом железным, вводящым во град, яже о себе отверзошася има: и изшедша преидоста стогну едину, и абие отступи Ангел от него.

Деян.12:10  с толкованием

11
И Петр быв в себе, рече: ныне вем воистинну, яко посла Бог Ангела Своего и изъят мя из руки Иродовы и от всего чаяния людий Иудейских.

Деян.12:11  с толкованием

12
Смотрив же прииде в дом Марии матере Иоанна, нарицаемаго Марка, идеже бяху мнози собрани и молящеся.

Деян.12:12  с толкованием

13
Толкнувшу же Петру во врата двора, приступи слышати отроковица, именем Роди,

Деян.12:13  с толкованием

14
и познавши глас Петров, от радости не отверзе врат, притекши же сказа Петра стояща пред враты.

Деян.12:14  с толкованием

15
Они же к ней реша: беснуешися ли? Она же крепляшеся тако быти. Они же глаголаху: Ангел его есть.

Деян.12:15  с толкованием

16
Петр же пребываше толкий: отверзше же видеша его и ужасошася.

Деян.12:16  с толкованием

17
Помаав же им рукою молчати, сказа им, како Господь его изведе из темницы: рече же: возвестите Иакову и братиям сия. И изшед иде во ино место.

Деян.12:17  с толкованием

18
Бывшу же дню, бе молва не мала в воинех, что убо Петру бысть:

Деян.12:18  с толкованием

19
Ирод же, поискав его и не обрет и истязав стражы, повеле отвести их: и изшед от Иудеи в Кесарию, живяше.

Деян.12:19  с толкованием

20
Бе же Ирод гневаяся на Тиряны и Сидоняны: иже единодушно приидоша к нему, и умоливше Власта постельника царева, прошаху мира, понеже страны их от царства его питахуся.

Деян.12:20  с толкованием

21
В нареченный же день Ирод, оболкся во одежду царску и сед на судище пред народом, глаголаше к ним,

Деян.12:21  с толкованием

22
народ же возглашаше: глас Божий, а не человечь.

Деян.12:22  с толкованием

23
Внезапу же порази его Ангел Господень, зане не даде славы Богу: и быв червьми изяден, издше.

Деян.12:23  с толкованием

24
Слово же Божие растяше и множашеся.

Деян.12:24  с толкованием

25
Варнава же и Савл возвратистася из Иерусалима во Антиохию, исполнивша службу, поемша с собою и Иоанна, нарицаемаго Марка.

Деян.12:25  с толкованием

Глава 
13

Деян.13  с толкованием

1
Бяху же нецыи во церкви сущей во Антиохии пророцы и учителие: Варнава же и Симеон нарицаемый Нигер, и Лукий Киринеанин, и Манаил со Иродом четвертовластником воспитанный, и Савл.

Деян.13:1  с толкованием

2
Служащым же им Господеви и постящымся, рече Дух Святый: отделите Ми Варнаву и Савла на дело, на неже призвах их.

Деян.13:2  с толкованием

3
Тогда постившеся и помолившеся и возложше руки на ня, отпустиша их.

Деян.13:3  с толкованием

4
Сия убо, послана бывша от Духа Свята, снидоста в Селевкию, оттуду же отплыста в Кипр,

Деян.13:4  с толкованием

5
и бывша в Саламине, возвещаста слово Божие в сонмищих Иудейских: имеяста же и Иоанна слугу.

Деян.13:5  с толкованием

6
Прошедша же остров даже до Пафа, обретоста некоего мужа волхва лжепророка Иудеанина, емуже имя Вариисус,

Деян.13:6  с толкованием

7
иже бе со анфипатом Сергием Павлом, мужем разумным. Сей призвав Варнаву и Савла, взыска услышати слово Божие:

Деян.13:7  с толкованием

8
сопротивляшеся же има Елима волхв, тако бо сказуется имя его, иский развратити анфипата от веры.

Деян.13:8  с толкованием

9
Савл же, иже и Павел, исполнися Духа Свята, и воззрев нань,

Деян.13:9  с толкованием

10
рече: о, исполненне всякия льсти и всякия злобы, сыне диаволь, враже всякия правды, не престанеши ли развращая пути Господни правыя?

Деян.13:10  с толкованием

11
И ныне, се, рука Господня на тя, и будеши слеп, не видя солнца до времене. Внезапу же нападе нань мрак и тма, и осязая искаше вожда.

Деян.13:11  с толкованием

12
Тогда видев анфипат бывшее, верова, дивяся о учении Господни.

Деян.13:12  с толкованием

13
Отвезшеся же от Пафа Павел и сущии с ним, приидоша в Пергию Памфилийскую: Иоанн же, отлучився от них, возвратися во Иерусалим.

Деян.13:13  с толкованием

14
Они же, прошедше от Пергии, приидоша во Антиохию Писидийскую, и вшедше в сонмище в день субботный, седоша.

Деян.13:14  с толкованием

15
По чтении же закона и пророк, послаша началницы сонмища к ним, глаголюще: мужие братие, аще есть слово в вас утешения к людем, глаголите.

Деян.13:15  с толкованием

16
Востав же Павел и помаав рукою, рече: мужие Израильтяне и боящиися Бога, услышите:

Деян.13:16  с толкованием

17
Бог людий сих избра отцы нашя и люди вознесе в пришелствии в земли Египетстей, и мышцею высокою изведе их из нея

Деян.13:17  с толкованием

18
и до четыредесяти лет препита их в пустыни:

Деян.13:18  с толкованием

19
и низложив язык седмь в земли Ханаанстей, даде им в наследие землю их,

Деян.13:19  с толкованием

20
и по сих, яко лет четыреста и пятьдесят, даде им судии до Самуила пророка:

Деян.13:20  с толкованием

21
и оттуду просиша царя, и даде им Бог Саула сына Кисова, мужа от колена Вениаминова, лет четыредесять:

Деян.13:21  с толкованием

22
и преставль его, воздвиже им Давида в царя, емуже и рече свидетелствовав: обретох Давида сына Иессеова, мужа по сердцу Моему, иже сотворит вся хотения Моя.

Деян.13:22  с толкованием

23
От сего семене Бог по обетованию воздвиже Израилю Спасение Иисуса,

Деян.13:23  с толкованием

24
проповедавшу Иоанну пред лицем внития Его крещение покаяния всем людем Израилевым.

Деян.13:24  с толкованием

25
И якоже скончаваше Иоанн течение, глаголаше: кого мя непщуете быти? Несмь аз, но се, грядет по мне, Емуже несмь достоин разрешити ремень сапогу Его.

Деян.13:25  с толкованием

26
Мужие братие, сынове рода Авраамля, и иже в вас боящиися Бога, вам слово спасения сего послася.

Деян.13:26  с толкованием

27
Живущии бо во Иерусалиме и князи их, сего не разумевше, и гласы пророческия по вся субботы чтомыя, осудивше (Его), исполниша,

Деян.13:27  с толкованием

28
и ни единыя вины смертныя обретше, просиша у Пилата убити Его:

Деян.13:28  с толкованием

29
якоже скончаша вся, яже о Нем писана, снемше с древа, положиша во гробе.

Деян.13:29  с толкованием

30
Бог же воскреси Его от мертвых:

Деян.13:30  с толкованием

31
иже являшеся во дни многи совозшедшым с Ним от Галилеи во Иерусалим, иже ныне суть свидетелие Его к людем.

Деян.13:31  с толкованием

32
И мы вам благовествуем обетование бывшее ко отцем, яко сие Бог исполнил есть нам чадом их, воздвиг Иисуса,

Деян.13:32  с толкованием

33
якоже и во псалме вторем писано есть: Сын Мой еси Ты, Аз днесь родих Тя.

Деян.13:33  с толкованием

34
А якоже воскреси Его от мертвых, не ктому хотяща возвратитися во истление, сице рече: яко дам вам преподобная Давидова верная.

Деян.13:34  с толкованием

35
Темже и в другом глаголет: не даси Преподобному Твоему видети истления.

Деян.13:35  с толкованием

36
Давид бо, своему роду послужив Божиим советом, успе, и приложися ко отцем своим, и виде истление:

Деян.13:36  с толкованием

37
а Егоже Бог воздвиже, не виде истления.

Деян.13:37  с толкованием

38
Ведомо убо да будет вам, мужие братие, яко Его ради вам оставление грехов проповедается:

Деян.13:38  с толкованием

39
и от всех, от нихже не возмогосте в законе Моисеове оправдитися, о Сем всяк веруяй оправдается.

Деян.13:39  с толкованием

40
Блюдите убо, да не приидет на вас реченное во пророцех:

Деян.13:40  с толкованием

41
видите, нерадивии, и чудитеся, и узрите и исчезнете: яко дело Аз соделаю во дни вашя, емуже не имате веровати, аще кто повесть вам.

Деян.13:41  с толкованием

42
Исходящым же им от сонмища Иудейска, моляху языцы в другую субботу глаголатися им глаголом сим:

Деян.13:42  с толкованием

43
разшедшуся же собору, последоваша мнози от Иудей и честивых пришлец Павлу и Варнаве, иже, глаголюща им, увещаста их пребывати в благодати Божией.

Деян.13:43  с толкованием

44
Во грядущую же субботу мало не весь град собрася послушати слова Божия:

Деян.13:44  с толкованием

45
видевше же Иудее народы, исполнишася зависти и вопреки глаголаху глаголемым от Павла, сопротив глаголюще и хуляще.

Деян.13:45  с толкованием

46
Дерзнувша же Павел и Варнава рекоста: вам бе лепо первее глаголати слово Божие: а понеже отвергосте е и недостойны творите сами себе вечному животу, се, обращаемся во языки:

Деян.13:46  с толкованием

47
тако бо заповеда нам Господь: положих Тя во свет языком, еже быти Тебе во спасение даже до последних земли.

Деян.13:47  с толкованием

48
Слышаще же языцы радовахуся и славляху слово Господне, и вероваша, елицы учинени бяху в жизнь вечную:

Деян.13:48  с толкованием

49
проношашеся же слово Господне по всей стране.

Деян.13:49  с толкованием

50
Иудее же наустиша честивыя жены и благообразныя и старейшины града, и воздвигоша гонение на Павла и Варнаву, и изгнаша я от предел своих.

Деян.13:50  с толкованием

51
Она же, отрясша прах от ног своих на них, приидоста во Иконию.

Деян.13:51  с толкованием

52
Ученицы же исполняхуся радости и Духа Свята.

Деян.13:52  с толкованием

Глава 
14

Деян.14  с толкованием

1
Бысть же во Иконии, вкупе внити има в сонмище Иудейское и глаголати тако, яко веровати Иудеев и Еллинов множеству многу.

Деян.14:1  с толкованием

2
Неверующии же Иудее воздвигоша и озлобиша душы языков на братию.

Деян.14:2  с толкованием

3
Доволно же убо время пребыста дерзающа о Господе, Свидетелствующем слову благодати Своея и дающем знамения и чудеса быти рукама их.

Деян.14:3  с толкованием

4
Разделишажеся множество града, и ови убо бяху со Иудеи, ови же со Апостолы.

Деян.14:4  с толкованием

5
И егда бысть стремление языком же и Иудеем с началники их досадити и камением побити их,

Деян.14:5  с толкованием

6
уведевша же прибегоста во грады Ликаонския, в Листру и Дервию, и во окрестныя их,

Деян.14:6  с толкованием

7
и тамо беста благовествующа.

Деян.14:7  с толкованием

8
И некто муж в Листрех немощен ногама седяше, хром от чрева матере своея сый, иже николиже бе ходил.

Деян.14:8  с толкованием

9
Сей слышаше Павла глаголюща: иже воззрев нань и видев, яко веру имать здрав быти,

Деян.14:9  с толкованием

10
рече велиим гласом: тебе глаголю во имя Господа Иисуса Христа, встани на ногу твоею прав. И абие возскочи и хождаше.

Деян.14:10  с толкованием

11
Народи же видевше, еже сотвори Павел, воздвигоша глас свой, ликаонски глаголюще: бози уподобльшеся человеком снидоша к нам.

Деян.14:11  с толкованием

12
Нарицаху же убо Варнаву Диа, Павла же Ермиа, понеже той бяше началник слова.

Деян.14:12  с толкованием

13
Жрец же Диев, сущаго пред градом их, приведе юнцы и (принесе) венцы пред врата, с народы хотяше жрети.

Деян.14:13  с толкованием

14
Слышавша же Апостола Варнава и Павел, растерзавша ризы своя, вскочиста в народ, зовуща и глаголюща:

Деян.14:14  с толкованием

15
мужие, что сия творите? И мы подобострастна есма вам человека, благовествующа вам от сих суетных обращатися к Богу Живу, Иже сотвори небо и землю и море и вся, яже в них:

Деян.14:15  с толкованием

16
Иже в мимошедшыя роды оставил бе вся языки ходити в путех их:

Деян.14:16  с толкованием

17
и убо не несвидетелствована Себе остави, благотворя, с небесе нам дожди дая и времена плодоносна, исполняя пищею и веселием сердца наша.

Деян.14:17  с толкованием

18
И сия глаголюща, едва устависта народы не жрети има, но отити коемуждо во своя си. Пребывающема же има и учащема,

Деян.14:18  с толкованием

19
приидоша от Антиохии и Иконии нецыи Иудее, и стязающемася има с дерзновением, наустиша народы отступити от нею, глаголюще, яко ничтоже истинно глаголета, но все лжета. И наустивше народы и камением побивше Павла, извлекоша вне града, мняще его умерша.

Деян.14:19  с толкованием

20
Окрест же ставшым его учеником, востав вниде во град и наутрие изыде с Варнавою в Дервию.

Деян.14:20  с толкованием

21
Благовествовавша же граду тому и научивша многи, возвратистася в Листру и Иконию и Антиохию,

Деян.14:21  с толкованием

22
утверждающа душы учеников, моляща пребыти в вере, и яко многими скорбьми подобает нам внити в Царствие Божие.

Деян.14:22  с толкованием

23
Рукоположша же им пресвитеры на вся церкви и помолившася с постом, предаста их Господеви, в Негоже увероваша.

Деян.14:23  с толкованием

24
И прошедша Писидию, приидоста в Памфилию:

Деян.14:24  с толкованием

25
и глаголавша в Пергии слово Господне, снидоста во Атталию

Деян.14:25  с толкованием

26
и оттуду отплыста во Антиохию, отнюдуже беста предана благодати Божией в дело, еже скончаста.

Деян.14:26  с толкованием

27
Пришедша же и собравша церковь, сказаста, елика сотвори Бог с нима и яко отверзе языком дверь веры:

Деян.14:27  с толкованием

28
пребыста же тамо время не мало со ученики.

Деян.14:28  с толкованием

Глава 
15

Деян.15  с толкованием

1
И нецыи сшедше от Иудеи, учаху братию, яко аще не обрежетеся по обычаю Моисеову, не можете спастися.

Деян.15:1  с толкованием

2
Бывшей же распри и стязанию не малу Павлу и Варнаве к ним, учиниша взыти Павлу и Варнаве и неким другим от них ко Апостолом и старцем во Иерусалим о вопрошении сем.

Деян.15:2  с толкованием

3
Они же убо, предпослани бывше от церкве, прохождаху Финикию и Самарию, поведающе обращение языков, и творяху радость велию всей братии.

Деян.15:3  с толкованием

4
Пришедше же во Иерусалим, прияти быша от церкве и Апостол и старец, сказаша же, елика сотвори Бог с ними и яко отверзе языком дверь веры.

Деян.15:4  с толкованием

5
Восташа же нецыи от ереси фарисейския веровавшии, глаголюще, яко подобает обрезати их, завещавати же блюсти закон Моисеов.

Деян.15:5  с толкованием

6
Собрашася же Апостоли и старцы ведети о словеси сем.

Деян.15:6  с толкованием

7
Многу же взысканию бывшу, востав Петр рече к ним: мужие братие, вы весте, яко от дний первых Бог в нас избра усты моими услышати языком слово Благовестия и веровати:

Деян.15:7  с толкованием

8
и Сердцеведец Бог свидетелствова им, дав им Духа Святаго, якоже и нам,

Деян.15:8  с толкованием

9
и ничтоже разсуди между нами же и онеми, верою очищь сердца их:

Деян.15:9  с толкованием

10
ныне убо что искушаете Бога, (хотяще) возложити иго на выи учеником, егоже ни отцы наши, ни мы возмогохом понести?

Деян.15:10  с толкованием

11
Но благодатию Господа Иисуса Христа веруем спастися, якоже и они.

Деян.15:11  с толкованием

12
Умолча же все множество и послушаху Варнавы и Павла поведающею, елика сотвори Бог знамения и чудеса во языцех има.

Деян.15:12  с толкованием

13
По умолчании же ею, отвеща Иаков глаголя: мужие братие, послушайте мене:

Деян.15:13  с толкованием

14
Симеон поведа, яко прежде Бог посети прияти от язык люди о имени Своем:

Деян.15:14  с толкованием

15
и сему согласуют словеса пророк, якоже пишет:

Деян.15:15  с толкованием

16
по сих обращуся и созижду кров Давидов падший, и раскопаная его созижду и исправлю его,

Деян.15:16  с толкованием

17
яко да взыщут прочии человецы Господа, и вси языцы, в нихже наречеся имя Мое, глаголет Господь, творяй сия вся.

Деян.15:17  с толкованием

18
Разумна от века суть Богови вся дела Его.

Деян.15:18  с толкованием

19
Сего ради аз сужду не стужати от язык обращающымся к Богу,

Деян.15:19  с толкованием

20
но заповедати им огребатися от треб идолских и от блуда и удавленины и от крове, и елика неугодна себе суть, иным не творити.

Деян.15:20  с толкованием

21
Моисей бо от родов древних по всем градом проповедающыя его имать, в сонмищих по вся субботы чтомый.

Деян.15:21  с толкованием

22
Тогда изволися Апостолом и старцем со всею церковию, избравше мужа от них, послати во Антиохию с Павлом и Варнавою, Иуду нарицаемаго Варсаву, и Силу, мужа нарочита в братии,

Деян.15:22  с толкованием

23
написавше рукама их сия: Апостоли и старцы и братия, сущым во Антиохии и Сирии и Киликии братиям, иже от язык, (о Господе) радоватися.

Деян.15:23  с толкованием

24
Понеже слышахом, яко нецыи от нас изшедше возмутиша вас словесы, развращающе душы вашя, глаголюще обрезатися и блюсти закон, имже мы не завещахом:

Деян.15:24  с толкованием

25
изволися нам собравшымся единодушно, избранныя мужы послати к вам, с возлюбленныма нашима Варнавою и Павлом,

Деян.15:25  с толкованием

26
человекома предавшема душы своя о имени Господа нашего Иисуса Христа:

Деян.15:26  с толкованием

27
послахом убо Иуду и Силу, и тех словом сказующих таяжде:

Деян.15:27  с толкованием

28
изволися бо Святому Духу и нам, ничтоже множае возложити вам тяготы, разве нуждных сих:

Деян.15:28  с толкованием

29
огребатися от идоложертвенных и крове, и удавленины и блуда: и елика не хощете вам быти, другим не творите: от нихже соблюдающе себе, добре сотворите. Здравствуйте.

Деян.15:29  с толкованием

30
Они же убо послани бывше приидоша во Антиохию, и собравше народ, вдаша послание.

Деян.15:30  с толкованием

31
Прочетше же, возрадовашася о утешении.

Деян.15:31  с толкованием

32
Иуда же и Сила, и та пророка суща, словом мнозем утешиста братию и утвердиста.

Деян.15:32  с толкованием

33
Пребывша же тамо время, отпущена быста с миром от братий ко Апостолом.

Деян.15:33  с толкованием

34
Изволися же Силе пребыти тамо, Иуда же возвратися во Иерусалим.

Деян.15:34  с толкованием

35
Павел же и Варнава живяста во Антиохии, учаща и благовествующа слово Господне, и со инеми многими.

Деян.15:35  с толкованием

36
По неких же днех рече Павел к Варнаве: возвращшеся подобает посетити братию нашу во всех градех, в нихже проповедахом слово Господне, како пребывают.

Деян.15:36  с толкованием

37
Варнава же восхоте пояти с собою Иоанна нарицаемаго Марка:

Деян.15:37  с толкованием

38
Павел же глаголаше отступльшаго от наю от Памфилии и не шедшаго с нама на дело, на неже послани быхом, не пояти сего с собою.

Деян.15:38  с толкованием

39
Бысть убо распря, яко отлучитися има от себе: Варнава убо поемь Марка отплы в Кипр:

Деян.15:39  с толкованием

40
Павел же избрав Силу изыде предан благодати Божией от братий,

Деян.15:40  с толкованием

41
прохождаше же Сирию и Киликию, утверждая церкви.

Деян.15:41  с толкованием

Глава 
16

Деян.16  с толкованием

1
Прииде же в Дервию и Листру. И се, ученик некий бе ту, именем Тимофей, сын жены некия Иудеаныни верны, отца же Еллина:

Деян.16:1  с толкованием

2
иже свидетелствован бе от сущих в Листрех и Иконии братии.

Деян.16:2  с толкованием

3
Сего восхоте Павел с собою изыти: и приемь обреза его, Иудей ради сущих на местех онех: ведяху бо вси отца его, яко Еллин бяше.

Деян.16:3  с толкованием

4
И якоже прохождаху грады, предаяше им хранити уставы сужденныя от Апостол и старец, иже во Иерусалиме.

Деян.16:4  с толкованием

5
Церкви же утверждахуся верою и прибываху в число по вся дни.

Деян.16:5  с толкованием

6
Прошедше же Фригию и Галатийскую страну, возбранени (быша) от Святаго Духа глаголати слово во Асии.

Деян.16:6  с толкованием

7
Пришедше же в Мисию, покушахуся в Вифинию поити: и не остави их Дух.

Деян.16:7  с толкованием

8
Прешедше же Мисию, снидоша в Троаду.

Деян.16:8  с толкованием

9
И видение в нощи явися Павлу: муж некий бе Македонянин стоя, моля его и глаголя: пришед в Македонию, помози нам.

Деян.16:9  с толкованием

10
И якоже видение виде, абие взыскахом изыти в Македонию, разумевше, яко призва ны Господь благовестити им.

Деян.16:10  с толкованием

11
Отвезшеся же от Троады, приидохом в Самофрак, воутрие же в Неаполь,

Деян.16:11  с толкованием

12
оттуду же в Филиппы, иже есть первый град части Македонии, колониа. Бехом же в том граде пребывающе дни некия.

Деян.16:12  с толкованием

13
В день же субботный изыдохом вон из града при реце, идеже мняшеся молитвенница быти, и седше глаголахом к собравшымся женам.

Деян.16:13  с толкованием

14
И некая жена, именем Лидиа, порфиропродалница от града Фиатирскаго, чтущи Бога, послушаше: ейже Господь отверзе сердце внимати глаголемым от Павла.

Деян.16:14  с толкованием

15
Якоже крестися та и дом ея, моляше ны глаголющи: аще усмотристе мя верну Господеви быти, вшедше в дом мой, пребудите. И принуди нас.

Деян.16:15  с толкованием

16
Бысть же идущым нам на молитву, отроковица некая имущая дух пытлив срете нас, яже стяжание много даяше господем своим волхвующи.

Деян.16:16  с толкованием

17
Та последовавши Павлу и нам, взываше глаголющи: сии человецы раби Бога Вышняго суть, иже возвещают нам путь спасения.

Деян.16:17  с толкованием

18
Се же творяше на многи дни. Стужив же си Павел и обращься, духови рече: запрещаю ти именем Иисуса Христа, изыди из нея. И изыде в том часе.

Деян.16:18  с толкованием

19
Видевше же господие ея, яко изыде надежда стяжания их, поемше Павла и Силу, влекоша на торг ко князем,

Деян.16:19  с толкованием

20
и приведше их к воеводам, реша: сии человецы возмущают град наш, Иудее суще,

Деян.16:20  с толкованием

21
и завещавают обычаи, яже не достоит нам приимати ни творити, Римляном сущым.

Деян.16:21  с толкованием

22
И снидеся народ на них, и воеводы растерзавше има ризы, веляху палицами бити их:

Деян.16:22  с толкованием

23
многи же давше има раны, всадиша в темницу, завещавше темничному стражу твердо стрещи их:

Деян.16:23  с толкованием

24
иже таково завещание приемь, всади их во внутреннюю темницу и ноги их заби в кладе.

Деян.16:24  с толкованием

25
В полунощи же Павел и Сила молящася пояста Бога: послушаху же их юзницы.

Деян.16:25  с толкованием

26
Внезапу же трус бысть велий, яко поколебатися основанию темничному: отверзошася же абие двери вся, и всем юзы ослабеша.

Деян.16:26  с толкованием

27
Возбуждься же темничный страж и видев отверсты двери темницы, извлек нож, хотяше себе убити, мня избегшя юзники.

Деян.16:27  с толкованием

28
Возгласи же гласом велиим Павел глаголя: ничтоже сотвори себе зла, вси бо есмы зде.

Деян.16:28  с толкованием

29
Просив же свещи вскочи, и трепетен быв, припаде к Павлу и Силе,

Деян.16:29  с толкованием

30
и извед их вон, рече: господие, что ми подобает творити, да спасуся?

Деян.16:30  с толкованием

31
Она же рекоста: веруй в Господа Иисуса Христа, и спасешися ты и весь дом твой.

Деян.16:31  с толкованием

32
И глаголаста ему слово Господне, и всем, иже в дому его.

Деян.16:32  с толкованием

33
И поемь я в тойже час нощи, измы от ран и крестися сам и свои ему вси абие:

Деян.16:33  с толкованием

34
введ же я в дом свой, постави трапезу и возрадовася со всем домом своим, веровав Богу.

Деян.16:34  с толкованием

35
Дню же бывшу, послаша воеводы паличники, глаголюще: отпусти человека она.

Деян.16:35  с толкованием

36
Сказа же темничный страж словеса сия Павлу, яко послаша воеводы, да отпущена будета: ныне убо изшедша, идита с миром.

Деян.16:36  с толкованием

37
Павел же рече к ним: бивше наю пред людьми, неосужденна человека Римлянина суща, всадиша в темницу, и ныне отай изводят наю? Ни бо: но да пришедше сами изведут наю.

Деян.16:37  с толкованием

38
Сказаша же паличницы воеводам глаголы сия: и убояшася слышавше, яко Римлянина еста.

Деян.16:38  с толкованием

39
И пришедше умолиша их и изведше моляху изыти из града.

Деян.16:39  с толкованием

40
Изшедша же из темницы приидоста к Лидии, и видевша братию, утешиста их и изыдоста.

Деян.16:40  с толкованием

Глава 
17

Деян.17  с толкованием

1
Прешедша же Амфиполь и Аполлонию, внидоста в Солунь, идеже бе сонмище Иудейское.

Деян.17:1  с толкованием

2
По обычаю же своему Павел вниде к ним и по субботы три стязашеся с ними от Писаний,

Деян.17:2  с толкованием

3
сказуя и предлагая им, яко Христу подобаше пострадати и воскреснути от мертвых, и яко Сей Иисус, Егоже аз проповедую вам, есть Христос.

Деян.17:3  с толкованием

4
И нецыи от них вероваша и приложишася к Павлу и Силе, от честивых Еллин множество много и от жен благородных не мало.

Деян.17:4  с толкованием

5
Возревновавше же непокоршиися Иудее и приемше крамолники некия мужы злыя, и собравше народ, молвяху по граду: нашедше же на дом Иассонов, искаху их извести к народу.

Деян.17:5  с толкованием

6
Не обретше же их, влечаху Иассона и некия от братий ко градоначалником, вопиюще, яко, иже развратиша вселенную, сии и зде приидоша,

Деян.17:6  с толкованием

7
ихже прият Иассон: и сии вси противно велением кесаревым творят, царя глаголюще иного быти, Иисуса.

Деян.17:7  с толкованием

8
Смятоша же народ и градоначалники слышащыя сия:

Деян.17:8  с толкованием

9
вземше же доволное от Иассона и от прочих, отпустиша их.

Деян.17:9  с толкованием

10
Братия же абие в нощи отслаша Павла и Силу в Берию: иже пришедша, идоста в собор Иудейский.

Деян.17:10  с толкованием

11
Сии же бяху благороднейши живущих в Солуни, иже прияша слово со всем усердием, по вся дни разсуждающе Писания, аще суть сия тако.

Деян.17:11  с толкованием

12
Мнози убо от них вероваша, и от Еллинских жен благообразных и мужей не мало.

Деян.17:12  с толкованием

13
И яко уведаша иже от Солуня Иудее, яко и в Берии проповедася от Павла слово Божие, приидоша и тамо движуще и смущающе народы.

Деян.17:13  с толкованием

14
Абие же тогда братия отпустиша Павла ити на поморие: остаста же Сила и Тимофей тамо.

Деян.17:14  с толкованием

15
Провождающии же Павла ведоша его даже до Афин, и приемше заповедь к Силе и Тимофею, да яко скорее приидут к нему, изыдоша.

Деян.17:15  с толкованием

16
Во Афинех же ждущу их Павлу, раздражашеся дух его в нем зрящем идол полн сущь град.

Деян.17:16  с толкованием

17
Стязашеся же убо на сонмищи со Иудеи и с честивыми, и на торжищи по вся дни с приключающимися.

Деян.17:17  с толкованием

18
Нецыи же от епикур и от стоик философ стязахуся с ним: и нецыи глаголаху: что убо хощет суесловивый сей глаголати? Инии же: чуждих богов мнится проповедник быти: яко Иисуса и воскресение благовествоваше им.

Деян.17:18  с толкованием

19
Поемше же его, ведоша на ареопаг, глаголюще: можем ли разумети, что новое сие глаголемое тобою учение?

Деян.17:19  с толкованием

20
Странна бо некая влагаеши во ушеса наша: хощем убо разумети, что хотят сия быти?

Деян.17:20  с толкованием

21
Афинее же вси и приходящии страннии ни во чтоже ино упражняхуся, разве глаголати что или слышати новое.

Деян.17:21  с толкованием

22
Став же Павел посреде ареопага, рече: мужие Афинейстии, по всему зрю вы аки благочестивыя:

Деян.17:22  с толкованием

23
проходя бо и соглядая чествования ваша, обретох и капище, на немже бе написано: неведомому Богу. Егоже убо не ведуще (благолепне) чтете, Сего аз проповедую вам.

Деян.17:23  с толкованием

24
Бог сотворивый мир и вся, яже в нем, Сей небесе и земли Господь сый, не в рукотворенных храмех живет,

Деян.17:24  с толкованием

25
ни от рук человеческих угождения приемлет, требуя что, Сам дая всем живот и дыхание и вся:

Деян.17:25  с толкованием

26
сотворил же есть от единыя крове весь язык человечь, жити по всему лицу земному, уставив предучиненая времена и пределы селения их,

Деян.17:26  с толкованием

27
взыскати Господа, да поне осяжут Его и обрящут, яко не далече от единаго коегождо нас суща:

Деян.17:27  с толкованием

28
о Нем бо живем и движемся и есмы, якоже и нецыи от ваших книжник рекоша: Сего бо и род есмы.

Деян.17:28  с толкованием

29
Род убо суще Божий, не должни есмы непщевати подобно быти Божество злату, или сребру, или каменю художне начертану, и смышлению человечу:

Деян.17:29  с толкованием

30
лета убо неведения презирая Бог, ныне повелевает человеком всем всюду покаятися:

Деян.17:30  с толкованием

31
зане уставил есть день, в оньже хощет судити вселенней в правде, о Мужи, Егоже предустави, веру подая всем, воскресив Его от мертвых.

Деян.17:31  с толкованием

32
Слышавше же воскресение мертвых, овии убо ругахуся, овии же реша: да слышим тя паки о семе.

Деян.17:32  с толкованием

33
И тако Павел изыде от среды их.

Деян.17:33  с толкованием

34
Нецыи же мужие прилепившеся ему, вероваша: в нихже бе и Дионисий Ареопагитский, и жена именем Дамарь, и друзии с ними.

Деян.17:34  с толкованием

Глава 
18

Деян.18  с толкованием

1
По сих же отлучився Павел от Афин, прииде в Коринф:

Деян.18:1  с толкованием

2
и обрет некоего Иудеанина именем Акилу, Понтянина родом, ново пришедша от Италии, и Прискиллу жену его: зане повелел бяше Клавдий отлучитися всем Иудеем от Рима: прииде к ним,

Деян.18:2  с толкованием

3
и зане единохудожником быти им, пребысть у них и делаше: бяху бо скинотворцы хитростию.

Деян.18:3  с толкованием

4
Стязашеся же на сонмищах по вся субботы и препираше Иудеи и Еллины.

Деян.18:4  с толкованием

5
И егда снидоста от Македонии Сила же и Тимофей, тужаше духом Павел, свидетелствуя Иудеом Иисуса быти Христа.

Деян.18:5  с толкованием

6
Противящымся же им и хулящым, отряс ризы своя, рече к ним: кровь ваша на главах ваших: чист аз, отныне во языки иду.

Деян.18:6  с толкованием

7
И прешед оттуду, прииде в дом некоего именем Иуста, чтуща Бога, емуже храмина бе вскрай сонмища.

Деян.18:7  с толкованием

8
Крисп же началник собора верова Господеви со всем домом своим, и мнози от Коринфян слышавше вероваху и крещахуся.

Деян.18:8  с толкованием

9
Рече же Господь в видении нощнем Павлу: не бойся, но глаголи и да не умолкнеши,

Деян.18:9  с толкованием

10
зане Аз есмь с тобою, и никтоже приложит озлобити тя: зане людие суть Ми мнози во граде сем.

Деян.18:10  с толкованием

11
Пребысть же тамо лето и месяц шесть, учя в них слову Божию.

Деян.18:11  с толкованием

12
Галлиону же анфипату сущу во Ахаии, нападоша единодушно Иудее на Павла и приведоша его на судилище,

Деян.18:12  с толкованием

13
глаголюще, яко противу закону сей увещавает человеки чтити Бога.

Деян.18:13  с толкованием

14
Хотящу же Павлу отверсти уста, рече Галлион ко Иудеем: аще убо неправда была бы кая или дело злое, о, Иудее, по слову послушал бых вас:

Деян.18:14  с толкованием

15
аще ли же стязания суть о словеси и о именех и о законе вашем, ведите сами: судия бо аз сим не хощу быти.

Деян.18:15  с толкованием

16
И изгна их от судилища.

Деян.18:16  с толкованием

17
Емше же вси Еллини Сосфена началника собора, бияху пред судилищем: и ни едино о сих Галлиону радение бысть.

Деян.18:17  с толкованием

18
Павел же, еще пребыв дни доволны и целовав братию, отплы в Сирию, и с ним Акила и Прискилла, остриг главу в Кегхреих: обрекся бо бе.

Деян.18:18  с толкованием

19
Приста же во Ефесе и тех остави тамо, сам же вшед в сонмище, стязашеся со Иудеи.

Деян.18:19  с толкованием

20
Молящым же им его на много время пребыти у них, не изволи,

Деян.18:20  с толкованием

21
но отречеся им, глаголя, яко подобает ми всяко праздник грядущий сотворити во Иерусалиме: паки же возвращуся к вам, Богу хотящу. И отвезеся от Ефеса: Акила же и Прискилла остаста во Ефесе.

Деян.18:21  с толкованием

22
И сошед в Кесарию, возшед и целовав церковь, сниде во Антиохию,

Деян.18:22  с толкованием

23
и сотворь время некое, изыде, проходя поряду Галатийскую страну и Фригию, утверждая вся ученики.

Деян.18:23  с толкованием

24
Иудеанин же некто, Аполлос именем, Александрянин родом, муж словесен, прииде во Ефес, силен сый в книгах.

Деян.18:24  с толкованием

25
Сей бе оглашен пути Господню, и горя духом, глаголаше и учаше известно яже о Господе, ведый токмо крещение Иоанново.

Деян.18:25  с толкованием

26
Сей же начат дерзати на сонмищих. Слышавша же его Акила и Прискилла, прияста его и известнее тому сказаста путь Господень.

Деян.18:26  с толкованием

27
Хотящу же ему преити во Ахаию, предпославше братия написаша учеником прияти его: иже пришед тамо пособствова много веровавшым благодатию:

Деян.18:27  с толкованием

28
твердо бо Иудеи не престая обличаше пред людьми, сказуя Писаньми, Иисуса быти Христа.

Деян.18:28  с толкованием

Глава 
19

Деян.19  с толкованием

1
Бысть же внегда быти Аполлосу в Коринфе, Павел, прошед вышния страны, прииде во Ефес, и обрет некия ученики,

Деян.19:1  с толкованием

2
рече к ним: аще убо Дух Свят прияли есте веровавше? Они же реша к нему: но ниже аще Дух Святый есть, слышахом.

Деян.19:2  с толкованием

3
Рече же к ним: во что убо крестистеся? Они же рекоша: во Иоанново крещение.

Деян.19:3  с толкованием

4
Рече же Павел: Иоанн убо крести крещением покаяния, людем глаголя, да во Грядущаго по нем веруют, сиречь во Христа Иисуса.

Деян.19:4  с толкованием

5
Слышавше же крестишася во имя Господа Иисуса,

Деян.19:5  с толкованием

6
и возложшу Павлу на ня руце, прииде Дух Святый на ня, глаголаху же языки и пророчествоваху.

Деян.19:6  с толкованием

7
Бяше же всех мужей яко дванадесять.

Деян.19:7  с толкованием

8
Вшед же в сонмище, дерзаше, не обинуяся три месяцы беседуя и уверяя, яже о Царствии Божии.

Деян.19:8  с толкованием

9
И егда нецыи ожесточахуся и пряхуся, злословяще путь Господень пред народом, отступль от них отлучи ученики, по вся дни стязаяся во училищи мучителя некоего.

Деян.19:9  с толкованием

10
Сие же бысть два лета, яко всем живущым во Асии слышати слово Господа Иисуса, Жидом же и Еллином.

Деян.19:10  с толкованием

11
Силы же не просты творяше Бог рукама Павловыма,

Деян.19:11  с толкованием

12
яко и на недужныя наносити от (пота) тела его главотяжы и убрусцы, и исцелитися им от недуг, и духом лукавым исходити от них.

Деян.19:12  с толкованием

13
Начаша же нецыи от скитающихся Иудей заклинателей именовати над имущими духи лукавыя имя Господа Иисуса, глаголюще: заклинаем вы Иисусом, Егоже Павел проповедует.

Деян.19:13  с толкованием

14
Бяху же нецыи сынове Скевы Иудеанина архиереа седмь, иже сие творяху.

Деян.19:14  с толкованием

15
Отвещав же дух лукавый рече: Иисуса знаю и Павла свем, вы же кто есте?

Деян.19:15  с толкованием

16
И скачя на них человек, в немже бе дух лукавый, и одолев им, укрепися на них, якоже нагим и ураненым избежати от храма онаго.

Деян.19:16  с толкованием

17
Сие же бысть разумно всем живущым во Ефесе Иудеем же и Еллином, и нападе страх на всех их, и величашеся имя Господа Иисуса:

Деян.19:17  с толкованием

18
мнози же от веровавших прихождаху, исповедающе и сказующе дела своя:

Деян.19:18  с толкованием

19
доволни же от сотворших чародеяния, собравше книги своя, сожигаху пред всеми: и сложиша цены их и обретоша сребра пять тем.

Деян.19:19  с толкованием

20
Сице крепко слово Господне растяше и крепляшеся.

Деян.19:20  с толкованием

21
И якоже скончашася сия, положи Павел в дусе, прошед Македонию и Ахаию, ити во Иерусалим, рек, яко бывшу ми тамо, подобает ми и Рим видети.

Деян.19:21  с толкованием

22
Послав же в Македонию два от служащих ему, Тимофеа и Ераста, сам же пребысть время во Асии.

Деян.19:22  с толкованием

23
Бысть же во время оно молва не мала о пути Господни:

Деян.19:23  с толкованием

24
Димитрий бо некто именем, среброковачь, творяй храмы сребряны Артемиде, подаяше хитрецем делание не мало,

Деян.19:24  с толкованием

25
ихже собрав и ины сицевых вещей делатели, рече: мужие, весте, яко от сего делания доволство житию нашему есть:

Деян.19:25  с толкованием

26
и видите и слышите, яко не токмо Ефес, но мало не всю Асию Павел сей препрев, обрати мног народ, глаголя, яко не суть бози, иже руками человеческими бывают:

Деян.19:26  с толкованием

27
не токмо же сия беду приемлет наша часть, еже бы во обличение не приити, но дабы и великия богини Артемиды храм ни во чтоже не вменился, имать же разоритися и величество ея, юже вся Асиа и вселенная почитает.

Деян.19:27  с толкованием

28
Слышавше же и бывше исполнени ярости, вопияху глаголюще: велика Артемида Ефесская.

Деян.19:28  с толкованием

29
И исполнися град весь мятежа: устремишася же единодушно на позорище, восхищше Гаиа и Аристарха Македоняны, други Павловы.

Деян.19:29  с толкованием

30
Павлу же хотящу внити в народ, не оставляху его ученицы:

Деян.19:30  с толкованием

31
нецыи же от Асийских началник, суще ему друзи, пославше к нему, моляху не вдати себе в позор.

Деян.19:31  с толкованием

32
Друзии же убо ино нечто вопияху: бе бо собрание смущено, и множайшии от них не ведяху, чесо ради собрашася.

Деян.19:32  с толкованием

33
От народа же избраша Александра, изведшым его Иудеем. Александр же, помаав рукою, хотяше отвещати народу.

Деян.19:33  с толкованием

34
Разумевше же, яко Иудеанин есть, глас бысть един от всех, яко на два часа вопиющих: велика Артемида Ефесская.

Деян.19:34  с толкованием

35
Утишив же книжник народ, рече: мужие Ефесстии, кто бо есть человек, иже не весть, яко Ефесский град служитель есть великия богини Артемиды и Диопета?

Деян.19:35  с толкованием

36
Без всякаго убо прекословия сим сице сущым, потребно есть вам безмолвным быти и ничтоже безчинно творити:

Деян.19:36  с толкованием

37
приведосте бо мужей сих, ни храм (Артемидин) окрадших, ниже богиню вашу хулящих:

Деян.19:37  с толкованием

38
аще убо Димитрий и иже с ним художницы имут к кому слово, суды суть и анфипати суть: да поемлют друг на друга:

Деян.19:38  с толкованием

39
аще ли же что о иных ищете, в законнем собрании разрешится:

Деян.19:39  с толкованием

40
ибо бедствуем порицаеми быти о крамоле днешней, ни единей вине сущей, о нейже возможем воздати слово стремления сего. И сия рек распусти собравшийся народ.

Деян.19:40  с толкованием

Глава 
20

Деян.20  с толкованием

1
По утишении же молвы, призвав Павел ученики, утешив и целовав их, изыде ити в Македонию.

Деян.20:1  с толкованием

2
Прошед же страны оны и утешив их словом многим, прииде во Елладу:

Деян.20:2  с толкованием

3
пожив же месяцы три, бывшу нань навету от Иудей, хотящу отвезтися в Сирию, бысть хотение возвратитися сквозе Македонию.

Деян.20:3  с толкованием

4
Последова же ему даже до Асии Сосипатр Пирров Берянин, Солуняне же Аристарх и Секунд, и Гаий Дервянин и Тимофей, Асиане же Тихик и Трофим.

Деян.20:4  с толкованием

5
Сии предшедше ждаху нас в Троаде.

Деян.20:5  с толкованием

6
Мы же отвезохомся по днех опресночных от Филипп и приидохом к ним в Троаду во днех пяти, идеже пребыхом дний седмь.

Деян.20:6  с толкованием

7
Во едину же от суббот, собравшымся учеником преломити хлеб, Павел беседоваше к ним, хотя изыти на утрии, простре же слово до полунощи.

Деян.20:7  с толкованием

8
Бяху же свещы многи в горнице, идеже бехом собрани.

Деян.20:8  с толкованием

9
Седя же некто юноша, именем Евтих, во окне, отягчен сном глубоким, глаголющу Павлу о мнозе, преклонься от сна, паде от трекровника долу, и взяша его мертва.

Деян.20:9  с толкованием

10
Сошед же Павел нападе нань, и объемь его рече: не молвите, ибо душа его в нем есть.

Деян.20:10  с толкованием

11
Возшед же и преломль хлеб и вкушь, доволно же беседовав даже до зари, и тако изыде.

Деян.20:11  с толкованием

12
Приведоша же отрока жива и утешишася не мало.

Деян.20:12  с толкованием

13
Мы же, пришедше в корабль, отвезохомся во Ассон, оттуду хотяще пояти Павла: тако бо нам бе повелел, хотя сам пешь ити.

Деян.20:13  с толкованием

14
И якоже снидеся с нами во Ассоне, вземше его приидохом в Митилин.

Деян.20:14  с толкованием

15
И оттуду отвезшеся, во утрие пристахом противу Хию, в другий же отвезохомся в Самон, и пребывше в Трогиллии, в грядущий же день приидохом в Милит:

Деян.20:15  с толкованием

16
суди бо Павел мимо ити Ефес, яко да не будет ему закоснети во Асии, тщашебося, аще возможно будет, в день Пятьдесятный быти во Иерусалиме.

Деян.20:16  с толкованием

17
От Милита же послав во Ефес, призва пресвитеры церковныя,

Деян.20:17  с толкованием

18
и якоже приидоша к нему, рече к ним: вы весте, яко от перваго дне, отнелиже приидох во Асию, како с вами все время бых,

Деян.20:18  с толкованием

19
работая Господеви со всяким смиреномудрием и многими слезами и напастьми, прилучившимися мне от Иудейских навет:

Деян.20:19  с толкованием

20
яко ни в чесом от полезных обинухся, еже сказати вам и научити вас пред людьми и по домом,

Деян.20:20  с толкованием

21
засвидетелствуя Иудеем же и Еллином еже к Богу покаяние и веру яже в Господа нашего Иисуса Христа.

Деян.20:21  с толкованием

22
И ныне, се, аз связан Духом гряду во Иерусалим, яже в нем хотящая приключитися мне не ведый:

Деян.20:22  с толкованием

23
точию яко Дух Святый по вся грады свидетелствует, глаголя, яко узы мене и скорби ждут.

Деян.20:23  с толкованием

24
Но ни едино же попечение творю, ниже имам душу мою честну себе, разве еже скончати течение мое с радостию и службу, юже приях от Господа Иисуса, засвидетелствовати Евангелие благодати Божия.

Деян.20:24  с толкованием

25
И ныне, се, аз вем, яко ктому не узрите лица моего вы вси, в нихже проидох проповедуя Царствие Божие.

Деян.20:25  с толкованием

26
Темже свидетелствую вам во днешний день, яко чист аз от крове всех,

Деян.20:26  с толкованием

27
не обинухся бо сказати вам всю волю Божию.

Деян.20:27  с толкованием

28
Внимайте убо себе и всему стаду, в немже вас Дух Святый постави епископы, пасти Церковь Господа и Бога, юже стяжа Кровию Своею.

Деян.20:28  с толкованием

29
Аз бо вем сие, яко по отшествии моем внидут волцы тяжцы в вас, не щадящии стада:

Деян.20:29  с толкованием

30
и от вас самех востанут мужие глаголющии развращеная, еже отторгати ученики вслед себе.

Деян.20:30  с толкованием

31
Сего ради бдите, поминающе, яко три лета нощь и день не престаях учя со слезами единаго когождо вас.

Деян.20:31  с толкованием

32
И ныне предаю вас, братие, Богови и слову благодати Его, могущему наздати и дати вам наследие во осенных всех.

Деян.20:32  с толкованием

33
Сребра или злата или риз ни единаго возжелах:

Деян.20:33  с толкованием

34
сами весте, яко требованию моему и сущым со мною послужисте руце мои сии.

Деян.20:34  с толкованием

35
Вся сказах вам, яко тако труждающымся подобает заступати немощныя, поминати же слово Господа Иисуса, яко Сам рече: блаженнее есть паче даяти, нежели приимати.

Деян.20:35  с толкованием

36
И сия рек, преклонь колена своя, со всеми ими помолися.

Деян.20:36  с толкованием

37
Мног же бысть плачь всем: и нападше на выю Павлову, облобызаху его,

Деян.20:37  с толкованием

38
скорбяще наипаче о словеси, еже рече, яко ктому не имут лица его узрети. Провождаху же его в корабль.

Деян.20:38  с толкованием

Глава 
21

Деян.21  с толкованием

1
И якоже бысть отвезтися нам, отторгшымся от них, прямо шедше приидохом в Кон, в другий же день в Родос и оттуду в Патару:

Деян.21:1  с толкованием

2
и обретше корабль преходящь в Финикию, возшедше отвезохомся.

Деян.21:2  с толкованием

3
Возникший же нам Кипр оставльше ошуюю, плыхом в Сирию и пристахом в Тире, тамо бо бяше кораблю изложити бремя:

Деян.21:3  с толкованием

4
и обретше ученики, пребыхом ту дний седмь: иже Павлови глаголаху Духом не восходити во Иерусалим.

Деян.21:4  с толкованием

5
Егда же бысть нам скончати дни, изшедше идохом, провождающым нас всем с женами и детьми даже до вне града: и преклоньше колена при брезе помолихомся.

Деян.21:5  с толкованием

6
И целовавше друг друга внидохом в корабль, они же возвратишася во своя си.

Деян.21:6  с толкованием

7
Мы же, плавание наченше от Тира, пристахом во Птолемаиде, и целовавше братию, пребыхом день един у них.

Деян.21:7  с толкованием

8
Во утрие же изшедше Павел и иже с ним, приидохом в Кесарию, и вшедше в дом Филиппа благовестника, суща от седми (диакон), пребыхом у него.

Деян.21:8  с толкованием

9
Сего же бяху дщери девицы четыри прорицающыя.

Деян.21:9  с толкованием

10
Пребывающым же нам тамо дни многи, сниде некто от Иудеи пророк, именем Агав,

Деян.21:10  с толкованием

11
и пришед к нам и взем пояс Павлов, связав же свои руце и нозе, рече: тако глаголет Дух Святый: мужа, егоже есть пояс сей, тако свяжут (его) во Иерусалиме Иудее и предадят в руце языков.

Деян.21:11  с толкованием

12
И якоже слышахом сия, моляхом мы же и наместнии, не восходити ему во Иерусалим.

Деян.21:12  с толкованием

13
Отвеща же Павел и рече: что творите, плачуще и сокрушающе ми сердце? Аз бо не точию связан быти (хощу), но и умрети во Иерусалиме готов есмь за имя Господа Иисуса.

Деян.21:13  с толкованием

14
Не повинующуся же ему, умолчахом, рекше: воля Господня да будет.

Деян.21:14  с толкованием

15
По днех же сих уготовльшеся взыдохом во Иерусалим:

Деян.21:15  с толкованием

16
приидоша же с нами и нецыи ученицы от Кесарии, ведуще с собою, у негоже бы обитати нам, Мнасона некоего Кипрянина, древняго ученика.

Деян.21:16  с толкованием

17
Бывшым же нам во Иерусалиме, любезно прияша нас братия.

Деян.21:17  с толкованием

18
На утрие же вниде Павел с нами ко Иакову, вси же приидоша старцы.

Деян.21:18  с толкованием

19
И целовав их, сказаше по единому коеждо, еже сотвори Бог во языцех служением его.

Деян.21:19  с толкованием

20
Они же слышавше славляху Бога и рекоша ему: видиши ли, брате, колико тем есть Иудей веровавших? И вси ревнителие закону суть:

Деян.21:20  с толкованием

21
увестишася же о тебе, яко отступлению учиши от закона Моисеова живущыя во языцех вся Иудеи, глаголя не обрезовати им чад своих, ниже во обычаех отеческих ходити.

Деян.21:21  с толкованием

22
Что убо есть? Всяко подобает народу снитися: услышат бо, яко пришел еси.

Деян.21:22  с толкованием

23
Сие убо сотвори, еже ти глаголем: суть у нас мужие четыри обещавше себе Богу:

Деян.21:23  с толкованием

24
сия поим очистися с ними и иждиви на них, да острижут си главы: и разумеют вси, яко возвещенная им о тебе ничтоже суть, но пребываеши и сам закон храня.

Деян.21:24  с толкованием

25
А о веровавших языцех мы послахом, судивше ничтоже таковое соблюдати им, токмо хранити себе от идоложертвенных и крове, и удавленины и блуда.

Деян.21:25  с толкованием

26
Тогда Павел поемь мужы оны, на утрие с ними очищься вниде во святилище, возвещая исполнение дний очищения, дондеже принесено бысть за единаго коегождо их приношение.

Деян.21:26  с толкованием

27
И якоже хотяху седмь дний скончатися, иже от Асии Иудее, видевше его во святилищи, навадиша весь народ и возложиша нань руце,

Деян.21:27  с толкованием

28
вопиюще: мужие Израилстии, помозите: сей есть человек, иже на люди и закон и на место сие всех всюду учит: еще же и Еллины введе в церковь и оскверни святое место сие.

Деян.21:28  с толкованием

29
Бяху бо видели Трофима Ефесянина во граде с ним, егоже мняху, яко в церковь ввел есть Павел.

Деян.21:29  с толкованием

30
Подвижеся же град весь, и бысть стечение людем: и емше Павла, влечаху его вон из церкве, и абие затворишася двери.

Деян.21:30  с толкованием

31
Ищущым же им убити его, взыде весть к тысящнику спиры, яко весь возмутися Иерусалим:

Деян.21:31  с толкованием

32
он же абие поим воины и сотники, притече на ня: они же видевше тысящника и воины, престаша бити Павла.

Деян.21:32  с толкованием

33
Приступль же тысящник ят его и повеле связати его веригома железнома двема, и вопрошаше: кто убо есть и что есть сотворил.

Деян.21:33  с толкованием

34
Друзии же ино нечто вопияху в народе: не могий же разумети известное молвы ради, повеле отвести его в полк.

Деян.21:34  с толкованием

35
Егда же бысть на степенех, прилучися воздвижену быти ему от воин нужды ради народа,

Деян.21:35  с толкованием

36
последоваше бо множество людий зовущих: возьми его.

Деян.21:36  с толкованием

37
Хотя же внити в полк Павел глагола тысящнику: аще леть ми есть глаголати что тебе? Он же рече: гречески умееши ли?

Деян.21:37  с толкованием

38
Не ты ли еси Египтянин, прежде сих дний превещавый и изведый в пустыню четыри тысящы мужей сикарей?

Деян.21:38  с толкованием

39
Рече же Павел: аз человек убо есмь Иудеанин, Тарсянин, славнаго града в Киликии житель: молю же тя, повели ми глаголати к людем.

Деян.21:39  с толкованием

40
Повелевшу же ему, Павел стоя на степенех помаав рукою к людем: многу же безмолвию бывшу, возгласи еврейским языком, глаголя:

Деян.21:40  с толкованием

Глава 
22

Деян.22  с толкованием

1
Мужие братие и отцы, услышите мой к вам ныне ответ.

Деян.22:1  с толкованием

2
Слышавше же, яко еврейским языком возгласи к ним, паче приложиша безмолвие. И рече:

Деян.22:2  с толкованием

3
аз убо есмь муж Иудеанин, родився в Тарсе Киликийстем, воспитан же во граде сем при ногу Гамалиилову, наказан известно отеческому закону, ревнитель сый Божий, якоже вси вы есте днесь:

Деян.22:3  с толкованием

4
иже сей путь гоних даже до смерти, вяжя и предая в темницу мужы же и жены,

Деян.22:4  с толкованием

5
якоже и архиерей свидетелствует ми и вси старцы: от нихже и послания приемь к живущым в Дамасце братиям, идях привести сущыя тамо связаны во Иерусалим, да мучатся.

Деян.22:5  с толкованием

6
Бысть же ми идущу и приближающуся к Дамаску в полудне, внезапу с небесе облиста свет мног окрест мене.

Деян.22:6  с толкованием

7
Падох же на землю и слышах глас глаголющь ми: Савле, Савле, что Мя гониши?

Деян.22:7  с толкованием

8
Аз же отвещах: кто еси, Господи? Рече же ко мне: Аз есмь Иисус Назорей, Егоже ты гониши.

Деян.22:8  с толкованием

9
Со мною же сущии свет убо видеша и пристрашни быша, гласа же не слышаша Глаголющаго ко мне.

Деян.22:9  с толкованием

10
Рекох же: что сотворю, Господи? Господь же рече ко мне: востав иди в Дамаск, и тамо речется ти о всех, яже вчинено ти есть творити.

Деян.22:10  с толкованием

11
И якоже не видех от славы света онаго, за руку ведомь от сущих со мною, внидох в Дамаск.

Деян.22:11  с толкованием

12
Ананиа же некий, муж благоговеин по закону, свидетелствован от всех живущих в Дамасце Иудей,

Деян.22:12  с толкованием

13
пришед ко мне и став рече ми: Савле брате, прозри. И аз в той час воззрех нань.

Деян.22:13  с толкованием

14
Он же рече ми: Бог отец наших изволи тя разумети хотение Его, и видети Праведника, и слышати глас от уст Его:

Деян.22:14  с толкованием

15
яко будеши Ему свидетель у всех человеков о сих, яже видел еси и слышал:

Деян.22:15  с толкованием

16
и ныне что медлиши? Востав крестися и омый грехи твоя, призвав имя Господа Иисуса.

Деян.22:16  с толкованием

17
Бысть же возвратившумися во Иерусалим и молящумися в церкви, быти во изступлении

Деян.22:17  с толкованием

18
и видети Его глаголюща ми: потщися и изыди скоро из Иерусалима, зане не приимут свидетелства твоего, еже о Мне.

Деян.22:18  с толкованием

19
И аз рех: Господи, сами ведят, яко аз бех всаждая в темницу и бия по сонмищих верующыя в Тя,

Деян.22:19  с толкованием

20
и егда изливашеся кровь Стефана свидетеля Твоего, и сам бех стоя и соизволяя убиению его и стрегий риз убивающих его.

Деян.22:20  с толкованием

21
И рече ко мне: иди, яко Аз во языки далече послю тя.

Деян.22:21  с толкованием

22
Послушаху же его даже до сего словесе и воздвигоша глас свой, глаголюще: возьми от земли таковаго, не подобает бо ему жити.

Деян.22:22  с толкованием

23
Вопиющым же им и мещущым ризы и прах возметающым на воздух,

Деян.22:23  с толкованием

24
повеле тысящник отвести его в полк, рек ранами истязати его, да разумеет, за кую вину тако вопияху нань.

Деян.22:24  с толкованием

25
И якоже протягоша его вервьми, рече к стоящему сотнику Павел: человека Римлянина и неосуждена леть ли есть вам бити?

Деян.22:25  с толкованием

26
Слышав же сотник, приступи к тысящнику, сказа, глаголя: виждь, что хощеши сотворити? Человек бо сей Римлянин есть.

Деян.22:26  с толкованием

27
Приступль же тысящник рече ему: глаголи ми, Римлянин ли еси ты? Он же рече: ей.

Деян.22:27  с толкованием

28
Отвеща же тысящник: аз многою ценою наречение жителства сего стяжах. Павел же рече: аз же и родихся в нем.

Деян.22:28  с толкованием

29
Абие убо отступиша от него хотящии его истязати, и тысящник же убояся, разумев, яко Римлянин есть, и яко бе его связал.

Деян.22:29  с толкованием

30
На утрие же, хотя разумети истину, чесо ради оклеветается от Иудей, разреши его от уз и повеле приити архиереем и всему собору их: и свед Павла, постави (его) пред ними.

Деян.22:30  с толкованием

Глава 
23

Деян.23  с толкованием

1
Воззрев же Павел на сонм, рече: мужие братие, аз всею совестию благою жителствовах пред Богом даже до сего дне.

Деян.23:1  с толкованием

2
Архиерей же Ананиа повеле предстоящым ему бити его уста.

Деян.23:2  с толкованием

3
Тогда Павел рече к нему: бити тя имать Бог, стено повапленая: и ты седиши судя ми по закону, преступая же закон велиши, да биют мя.

Деян.23:3  с толкованием

4
Предстоящии же реша: архиерею ли Божию досаждаеши?

Деян.23:4  с толкованием

5
Рече же Павел: не ведах, братие, яко архиерей есть: писано бо есть: князю людий твоих да не речеши зла.

Деян.23:5  с толкованием

6
Разумев же Павел, яко едина часть есть саддукей, другая же фарисей, воззва в сонмищи: мужие братие, аз фарисей есмь, сын фарисеов: о уповании и о воскресении мертвых аз суд приемлю.

Деян.23:6  с толкованием

7
Се же ему рекшу, бысть распря между саддукеи и фарисеи, и разделися народ:

Деян.23:7  с толкованием

8
саддукее бо глаголют не быти воскресения, ни Ангела, ни духа: фарисее же исповедуют обоя.

Деян.23:8  с толкованием

9
Бысть же кличь велик, и воставше книжницы части фарисейския пряхуся между собою, глаголюще: ни едино зло обретаем в человеце сем: аще же дух глагола ему или Ангел, не противимся Богу.

Деян.23:9  с толкованием

10
Мнозе же бывшей распри, бояся тысящник, да не растерзан будет Павел от них, повеле воином снити и восхитити его от среды их и вести (его) в полк.

Деян.23:10  с толкованием

11
В наставшую же нощь представ ему Господь, рече: дерзай, Павле: якоже бо свидетелствовал еси яже о Мне во Иерусалиме, сице ти подобает и в Риме свидетелствовати.

Деян.23:11  с толкованием

12
Бывшу же дню, сотворше нецыи от Иудей совет, закляша себе, глаголюще не ясти ни пити, дондеже убиют Павла:

Деян.23:12  с толкованием

13
бяху же множае четыредесятих сию клятву сотворшии,

Деян.23:13  с толкованием

14
иже приступльше ко архиереем и старцем, реша: клятвою прокляхом себе ничтоже вкусити, дондеже убием Павла:

Деян.23:14  с толкованием

15
ныне убо вы скажите тысящнику с собором, яко да утре сведет его к вам, аки бы хотяще разумети известнее яже о нем: мы же, прежде даже не приближитися ему, готови есмы убити его.

Деян.23:15  с толкованием

16
Слышав же сын сестры Павловы ков, пришед и вшед в полк, сказа Павлу.

Деян.23:16  с толкованием

17
Призвав же Павел единаго от сотник, рече: юношу сего отведи к тысящнику: имать бо нечто сказати ему.

Деян.23:17  с толкованием

18
Он же убо поим его приведе к тысящнику и рече: узник Павел призвав мя, умоли сего юношу привести к тебе, имуща нечто глаголати тебе.

Деян.23:18  с толкованием

19
Поим же его за руку тысящник и отшед на едине, вопрошаше его: что есть, еже имаши возвестити ми?

Деян.23:19  с толкованием

20
Рече же, яко Иудее совещаша умолити тя, яко да утре сведеши Павла к ним в собор, аки бы хотящым известнее истязати яже о нем:

Деян.23:20  с толкованием

21
ты убо не послушай их: ловят бо его от них мужие множае четыредесяти, иже закляша себе ни ясти ни пити, дондеже убиют его: и ныне готови суть, чающе обещания, еже от тебе.

Деян.23:21  с толкованием

22
Тысящник убо отпусти юношу, завещав ни единому же поведати, яко сия явил еси мне.

Деян.23:22  с толкованием

23
И призвав два некия от сотник, рече: уготовита (ми) воинов вооруженных двесте, яко да идут до Кесарии, и конник седмьдесят, и стрелец двесте, от третияго часа нощи:

Деян.23:23  с толкованием

24
и скоты привести, да всадивше Павла проводят до Филикса игемона.

Деян.23:24  с толкованием

25
Написа же (и) послание имущее образ сей:

Деян.23:25  с толкованием

26
Клавдий Лисиа державному игемону Филиксу радоватися:

Деян.23:26  с толкованием

27
мужа сего ята от Иудей и имуща убиена быти от них, приступль с воины отях его, уведев, яко Римлянин есть:

Деян.23:27  с толкованием

28
хотя же разумети вину, еяже ради поимаху нань, сведох его в сонмище их:

Деян.23:28  с толкованием

29
егоже обретох оглаголуема о взыскании закона их, ни едино же достойно смерти или узам согрешение имуща:

Деян.23:29  с толкованием

30
сказану же бывшу ми кову хотящу быти от Иудей на мужа сего, абие послах (его) к тебе, завещав и клеветником (его) глаголати пред тобою, яже нань: здрав буди.

Деян.23:30  с толкованием

31
Воини же убо по повеленному им, вземше Павла, ведоша об нощь во Антипатриду:

Деян.23:31  с толкованием

32
во утрие же, оставльше конники ити с ним, возвратишася в полк.

Деян.23:32  с толкованием

33
Они же пришедше в Кесарию и вдавше послание игемону, представиша ему и Павла.

Деян.23:33  с толкованием

34
Прочет же игемон послание и вопрошь, от коея области есть, и уведев, яко от Киликии, рече:

Деян.23:34  с толкованием

35
услышу о тебе, егда и клеветницы твои приидут. И повеле в преторе Иродове стрещи его.

Деян.23:35  с толкованием

Глава 
24

Деян.24  с толкованием

1
По пятих же днех сниде архиерей Ананиа со старцы и с ритором некиим Тертиллом, иже сказаша игемону о Павле.

Деян.24:1  с толкованием

2
Призвану же бывшу ему, начат клеветати Тертилл, глаголя:

Деян.24:2  с толкованием

3
мног мир улучающе тобою, и исправления бываемая языку сему твоим промышлением, всяким же образом и везде приемлем, державный Филиксе, со всяким благодарением:

Деян.24:3  с толкованием

4
но да не множае стужаю тебе, молю тя послушати нас вкратце твоею кротостию:

Деян.24:4  с толкованием

5
обретохом бо мужа сего губителя и движуща противление всем иудеем живущым по вселенней и предстателя (суща) Назорейстей ереси,

Деян.24:5  с толкованием

6
иже и церковь покусися осквернити, егоже и яхом и по закону нашему хотехом судити ему:

Деян.24:6  с толкованием

7
пришед же Лисиа тысящник, многою силою от рук наших исхити его и к тебе посла,

Деян.24:7  с толкованием

8
повелев (и нам) поемлющым нань ити к тебе: от негоже возможеши сам разсудив о всех сих познати, о нихже мы поемлем нань.

Деян.24:8  с толкованием

9
Сложишася же и Иудее, глаголюще сим тако быти.

Деян.24:9  с толкованием

10
Отвеща же Павел, поманувшу ему игемону глаголати: от многих лет суща тя судию праведна языку сему сведый, благодушнее яже о мне отвещаю,

Деян.24:10  с толкованием

11
могущу ти разумети, яко не множае ми есть дний дванадесятих, отнележе взыдох поклонитися во Иерусалим:

Деян.24:11  с толкованием

12
и ни в церкви обретоша мя к кому глаголюща или разврат творяща народу, ни в сонмищих, ни во граде,

Деян.24:12  с толкованием

13
ниже довести могут, елика тебе ныне на мя глаголют:

Деян.24:13  с толкованием

14
исповедую же тебе сие, яко в пути, егоже сии глаголют ересь, тако служу отеческому Богу, веруя всем сущым в законе и пророцех писаным,

Деян.24:14  с толкованием

15
упование имый на Бога, яко воскресение хощет быти мертвым, праведником же и грешником, егоже и сами сии чают:

Деян.24:15  с толкованием

16
о сем же и аз подвизаюся, непорочну совесть имети всегда пред Богом же и человеки:

Деян.24:16  с толкованием

17
по летех же многих приидох сотворити милостыни во язык мой и приношения:

Деян.24:17  с толкованием

18
в нихже обретоша мя очищенна в церкви, ни с народом, ниже с молвою,

Деян.24:18  с толкованием

19
нецыи от Асии Иудее, имже подобаше пред тя приити и глаголати, аще имут что на мя:

Деян.24:19  с толкованием

20
или сами тии да глаголют, аще кую обретоша во мне неправду, ставшу ми в сонмищи,

Деян.24:20  с толкованием

21
разве единаго сего гласа, имже возопих стоя в них, яко о воскресении мертвых аз суд приемлю днесь от вас.

Деян.24:21  с толкованием

22
Слышав же сия Филикс отвеща им, известнее уведев яже о пути сем, глаголя: егда Лисиа тысящник приидет, разсужду яже о вас.

Деян.24:22  с толкованием

23
Повеле же сотнику стрещи Павла, и имети ослабу, и ни единому же возбраняти от своих ему служити или приходити к нему.

Деян.24:23  с толкованием

24
По днех же некиих пришед Филикс со Друсиллиею женою своею сущею Иудеанынею, призва Павла, да слышит от него веру, яже во Христа Иисуса.

Деян.24:24  с толкованием

25
Глаголющу же ему о правде и о воздержании и о суде хотящем быти, пристрашен быв Филикс отвеща: ныне убо иди, время же получив призову тя.

Деян.24:25  с толкованием

26
Вкупе же и надеяся, яко мзда дастся ему от Павла, яко да отпустит его: темже и часто призывая его, беседоваше с ним.

Деян.24:26  с толкованием

27
Двема же летома скончавшемася прият изменение Филикс Поркиа Фиста: хотя же угодное сотворити Иудеем Филикс, остави Павла связана.

Деян.24:27  с толкованием

Глава 
25

Деян.25  с толкованием

1
Фист же убо приимь власть, по триех днех взыде во Иерусалим от Кесарии.

Деян.25:1  с толкованием

2
Сказаша же ему архиерее и первии от Иудей на Павла и моляху его,

Деян.25:2  с толкованием

3
просяще благодати нань, яко да послет его во Иерусалим, ков творяще, яко да убиют его на пути.

Деян.25:3  с толкованием

4
Фист же повеле Павла стрещи в Кесарии, сам тамо хотя вскоре изыти:

Деян.25:4  с толкованием

5
иже убо сильнии в вас, рече, со мною шедше, аще есть кая неправда в мужи сем, да глаголют нань.

Деян.25:5  с толкованием

6
Пребыв же у них не множае десяти дний, сниде в Кесарию: на утрие сед на судищи, повеле Павла привести.

Деян.25:6  с толкованием

7
Приведену же бывшу ему, окрест сташа иже от Иерусалима сшедшии Иудее, многи и тяжки вины приносяще на Павла, ихже не можаху изявити:

Деян.25:7  с толкованием

8
отвещавающу ему, яко ни на закон Иудейский, ни на церковь, ни на кесаря что согреших.

Деян.25:8  с толкованием

9
Фист же хотя угодное Иудеем сотворити, отвещав Павлови рече: хощеши ли, во Иерусалим возшед, тамо о сих суд прияти от мене?

Деян.25:9  с толкованием

10
Рече же Павел: на судищи кесареве стоя есмь, идеже ми достоит суд прияти: Иудей ни чимже обидех, якоже и ты добре веси:

Деян.25:10  с толкованием

11
аще бо неправдую или достойно смерти сотворих что, не отмещуся умрети: аще ли же ничтоже есть во мне, еже сии на мя клевещут, никтоже мя может тем выдати: кесаря нарицаю.

Деян.25:11  с толкованием

12
Тогда Фист состязався с советники, отвеща: кесаря ли нарекл еси? К кесарю пойдеши.

Деян.25:12  с толкованием

13
Днем же минувшым неким, Агриппа царь и Верникиа снидоста в Кесарию целовати Фиста.

Деян.25:13  с толкованием

14
И якоже многи дни пребыста ту, Фист сказа царю яже о Павле, глаголя: муж некий есть оставлен от Филикса узник,

Деян.25:14  с толкованием

15
о немже, бывшу ми во Иерусалиме, явиша архиерее и старцы Иудейстии, просяще нань суда.

Деян.25:15  с толкованием

16
К нимже отвещах, яко несть обычай Римляном выдати человека коего на погибель, прежде даже оклеветаемый не имать пред лицем клевещущих его и место ответа приимет о своем согрешении.

Деян.25:16  с толкованием

17
Сшедшымся же им зде, закоснение ни едино сотворь, на утрие сед на судищи, повелех привести мужа.

Деян.25:17  с толкованием

18
Окрест же его ставше клеветницы, ни едину вину, яже аз непщевах, нанесоша:

Деян.25:18  с толкованием

19
стязания же некая о своей различней вере имяху к нему и о некоем Иисусе умершем, Егоже глаголаше Павел жива быти.

Деян.25:19  с толкованием

20
Недоумеяся же аз о взыскании сих, глаголах, аще хощет ити во Иерусалим и тамо суд прияти о сих.

Деян.25:20  с толкованием

21
Павлу же нарекшу блюдену быти ему до разсуждения Августа, повелех блюсти его, дондеже послю его к кесарю.

Деян.25:21  с толкованием

22
Агриппа же к Фисту рече: хотел бых и сам человека сего слышати. Он же рече: утре услышиши его.

Деян.25:22  с толкованием

23
На утрие же пришедшу Агриппе и Верникии со многою гордостию и вшедшым в судебную палату с тысящники и с нарочитыми мужи града, и повелевшу Фисту, приведен бысть Павел.

Деян.25:23  с толкованием

24
И рече Фист: Агриппо царю и вси сущии с нами мужие, видите сего, о немже все множество Иудей стужаху ми во Иерусалиме же и зде, вопиюще, яко не подобает жити ему ктому:

Деян.25:24  с толкованием

25
аз же разумев ничтоже достойно смерти сотворша его, и самому же сему нарекшу Севаста, судих послати его:

Деян.25:25  с толкованием

26
о немже известное что писати господину не имам: темже и приведох его пред вас, наипаче же пред тя, Агриппо царю, яко да разсуждению бывшу имам что писати:

Деян.25:26  с толкованием

27
безсловесно бо мнится ми, посылающу юзника, а вины, яже нань, не сказати.

Деян.25:27  с толкованием

Глава 
26

Деян.26  с толкованием

1
Агриппа же к Павлу рече: повелевается ти о себе самому глаголати. Тогда Павел простер руку отвещаваше:

Деян.26:1  с толкованием

2
о всех, о нихже оклеветаемь есмь от Иудей, царю Агриппо, непщую себе блаженна быти, яко пред тобою отвещати днесь имам,

Деян.26:2  с толкованием

3
паче же ведца тя суща сведый всех Иудейских обычаев и взысканий. Темже молюся ти долготерпеливно послушати мене.

Деян.26:3  с толкованием

4
Житие убо мое еже от юности, исперва бывшее во языце моем во Иерусалиме, ведят вси Иудее,

Деян.26:4  с толкованием

5
ведяще мя исперва, аще хотят свидетелствовати, яко по известней ереси нашея веры жих фарисей.

Деян.26:5  с толкованием

6
И ныне о уповании обетования, бывшаго от Бога ко отцем нашым, стою судимь,

Деян.26:6  с толкованием

7
в неже обанадесяте колена наша безпрестани день и нощь служаще надеются доити: о немже уповании оклеветаемь есмь, царю Агриппо, от Иудей.

Деян.26:7  с толкованием

8
Что? Неверно ли судится вами, яко Бог мертвыя возставляет?

Деян.26:8  с толкованием

9
Аз убо мнех, яко подобает ми многа сопротивна противу имене Иисуса Назореа сотворити:

Деян.26:9  с толкованием

10
еже и сотворих во Иерусалиме, и многи от святых аз в темницах затворях, власть от архиерей приемь: убиваемым же им прилагах совет:

Деян.26:10  с толкованием

11
и на всех сонмищих множицею мучя их, принуждах хулити: преизлиха же враждуя на них, гонях даже и до внешних градов.

Деян.26:11  с толкованием

12
В нихже идый в Дамаск со властию и повелением, еже от архиерей,

Деян.26:12  с толкованием

13
в полудни на пути видех, царю, с небесе паче сияния солнечнаго осиявший мя свет и со мною идущих.

Деян.26:13  с толкованием

14
Всем же падшым нам на землю, слышах глас глаголющь ко мне и вещающь еврейским языком: Савле, Савле, что Мя гониши? Жестоко ти есть противу рожна прати.

Деян.26:14  с толкованием

15
Аз же рех: кто еси, Господи? Он же рече: Аз есмь Иисус, Егоже ты гониши:

Деян.26:15  с толкованием

16
но востани и стани на ногу твоею: на се бо явихся ти, сотворити тя слугу и свидетеля, яже видел еси и яже явлю тебе,

Деян.26:16  с толкованием

17
изимая тя от людий Иудейских и от язык, к нимже Аз тя послю,

Деян.26:17  с толкованием

18
отверсти очи их, да обратятся от тмы в свет и от области сатанины к Богу, еже прияти им оставление грехов и достояние во святых верою, яже в Мя.

Деян.26:18  с толкованием

19
Темже, царю Агриппо, не бых противен небесному видению,

Деян.26:19  с толкованием

20
но сущым в Дамасце прежде и во Иерусалиме, и во всяцей стране Иудейстей и языком проповедую покаятися и обратитися к Богу, достойна покаянию дела творяще.

Деян.26:20  с толкованием

21
Сих ради мя Иудее емше во святилищи хотяху растерзати.

Деян.26:21  с толкованием

22
Помощь убо улучив яже от Бога, даже до дне сего стою, свидетелствуя малу же и велику, ничтоже вещая, разве яже пророцы рекоша хотящая быти и Моисей,

Деян.26:22  с толкованием

23
яко Христос имеяше пострадати, яко первый от воскресения мертвых свет хотяше проповедати людем (Иудейским) и языком.

Деян.26:23  с толкованием

24
Сия же ему отвещавающу, Фист велиим гласом рече: беснуешися ли, Павле? Многия тя книги в неистовство прелагают.

Деян.26:24  с толкованием

25
Он же: не беснуюся, рече, державный Фисте, но истины и целомудрия глаголы вещаю:

Деян.26:25  с толкованием

26
весть бо о сих царь, к немуже и с дерзновением глаголю: утаитися бо ему от сих не верую ничесомуже, несть бо во угле сотворено сие:

Деян.26:26  с толкованием

27
веруеши ли, царю Агриппо, пророком? Вем, яко веруеши.

Деян.26:27  с толкованием

28
Агриппа же к Павлу рече: вмале мя препираеши Христианина быти.

Деян.26:28  с толкованием

29
Павел же рече: молил убо бых Бога, и вмале и во мнозе, не токмо тебе, но и всех слышащих мя днесь, быти им тацем, яков и аз есмь, кроме уз сих.

Деян.26:29  с толкованием

30
И сия рекшу ему, воста царь и игемон, и Верникиа и седящии с ними,

Деян.26:30  с толкованием

31
и отшедше беседоваху друг ко другу, глаголюще, яко ничтоже смерти достойно или уз творит человек сей.

Деян.26:31  с толкованием

32
Агриппа же Фисту рече: отпущен быти можаше человек сей, аще не бы кесаря нарицал. И тако суди игемон послати его к кесарю.

Деян.26:32  с толкованием

Глава 
27

Деян.27  с толкованием

1
И якоже суждено бысть отплыти нам во Италию, предаху Павла же и иныя некия юзники сотнику, именем Иулию, спиры Севастийския.

Деян.27:1  с толкованием

2
Вшедше же в корабль Адрамитский, восхотевше плыти во Асийская места, отвезохомся, сущу с нами Аристарху Македонянину от Солуня.

Деян.27:2  с толкованием

3
В другий же пристахом в Сидоне: человеколюбие же Иулий Павлови дея, повеле к другом шедшу прилежание улучити.

Деян.27:3  с толкованием

4
И оттуду отвезшеся приплыхом в Кипр, зане ветри бяху противни:

Деян.27:4  с толкованием

5
пучину же, яже противу Киликии и Памфилии, преплывше, приидохом в Миры Ликийския.

Деян.27:5  с толкованием

6
И тамо обрет сотник корабль Александрийский пловущь во Италию, всади ны в онь.

Деян.27:6  с толкованием

7
Во многи же дни косно плавающе и едва бывше противу Книда, не оставляющу нас ветру, приплыхом под Крит при Салмоне:

Деян.27:7  с толкованием

8
едва же избирающе край, приидохом на место некое, нарицаемое Доброе Пристанище, емуже близ бе град Ласей.

Деян.27:8  с толкованием

9
Многу же времени минувшу и сущу уже небезбедну плаванию, занеже и пост уже бе прешел, советоваше Павел,

Деян.27:9  с толкованием

10
глаголя им: мужие, вижду, яко с досаждением и многою тщетою не токмо бремене и корабля, но и душ наших хощет быти плавание.

Деян.27:10  с толкованием

11
Сотник же кормчия и навклира послушаше паче, нежели Павлом глаголемых.

Деян.27:11  с толкованием

12
Не добру же пристанищу сущу ко озимению, мнози совет даяху отвезтися оттуду, аще како возмогут, достигше Финикии, озимети в пристанищи Критстем, зрящем к ливу и к хору.

Деян.27:12  с толкованием

13
Дхнувшу же югу, мневше волю свою улучити, воздвигше ветрила, плыху вскрай Крита.

Деян.27:13  с толкованием

14
Не по мнозе же возвея противен ему ветр бурен, нарицаемый евроклидон.

Деян.27:14  с толкованием

15
Восхищену же бывшу кораблю и не могущу сопротивитися ветру, вдавшеся волнам носими бехом.

Деян.27:15  с толкованием

16
Остров же некий мимотекше, нарицающься Клавдий, едва возмогохом удержати ладию:

Деян.27:16  с толкованием

17
юже востягше, всяким образом помогаху, подтверждающе корабль: боящеся же, да не в сирть впадут, низпустивше парус, сице носими беху.

Деян.27:17  с толкованием

18
Вельми же обуреваемым нам, на утрие изметание творяху,

Деян.27:18  с толкованием

19
и в третий день своими руками ядрило корабленое извергохом.

Деян.27:19  с толкованием

20
Ни солнцу же, ни звездам явльшымся на многи дни, и зиме не мале належащей, прочее отимашеся надежда вся, еже спастися нам.

Деян.27:20  с толкованием

21
Многу же неядению сущу, тогда став Павел посреде их, рече: подобаше убо, о, мужие, послушавше мене, не отвезтися от Крита и избыти досаждения сего и тщеты:

Деян.27:21  с толкованием

22
и се, ныне молю вы благодушствовати, погибель бо ни единей души от вас будет, разве корабля:

Деян.27:22  с толкованием

23
предста бо ми в сию нощь Ангел Бога, Егоже аз есмь, Емуже и служу,

Деян.27:23  с толкованием

24
глаголя: не бойся, Павле, кесарю ти подобает предстати, и се, дарова тебе Бог вся плавающыя с тобою.

Деян.27:24  с толкованием

25
Темже дерзайте, мужие, верую бо Богови, яко тако будет, имже образом речено ми бысть:

Деян.27:25  с толкованием

26
во остров же некий подобает нам пристати.

Деян.27:26  с толкованием

27
И егда четвертаянадесять нощь бысть, носимым нам во Адриатстей (пучине), в полунощи непщеваху корабленицы, яко приближаются к некоей стране,

Деян.27:27  с толкованием

28
и измеривше глубину обретоша саженей двадесять: мало же прешедше и паки измеривше, обретоша саженей пятьнадесять.

Деян.27:28  с толкованием

29
Боящеся же, да не како в прудная места впадут, от носа корабля вергше котвы четыри, моляхомся, да день будет.

Деян.27:29  с толкованием

30
Кораблеником же ищущым бежати из корабля и низвесившым ладию в море, изветом аки от носа хотящым котвы простерти,

Деян.27:30  с толкованием

31
рече Павел сотнику и воином: аще не сии пребудут в корабли, вы спастися не можете.

Деян.27:31  с толкованием

32
Тогда воини отрезаша ужя ладии и оставиша ю отпасти.

Деян.27:32  с толкованием

33
Егда же хотяше день быти, моляше Павел всех, да приимут пищу, глаголя: четыренадесятый днесь день ждуще, не ядше пребываете, ничтоже вкусивше:

Деян.27:33  с толкованием

34
темже молю вас прияти пищу, се бо к вашему спасению есть: ни единому бо от вас влас главы отпадет.

Деян.27:34  с толкованием

35
Рек же сия и приемь хлеб, благодари Бога пред всеми и преломль начат ясти.

Деян.27:35  с толкованием

36
Благонадежни же бывше вси, и тии прияша пищу:

Деян.27:36  с толкованием

37
бе же в корабли всех душ двесте седмьдесят и шесть.

Деян.27:37  с толкованием

38
Насыщшеся же брашна, облегчиша корабль, изметающе пшеницу в море.

Деян.27:38  с толкованием

39
Егда же день бысть, земли не познаваху: недро же некое усмотреша имущее песок, в неже, аще мощно есть, совещаша извлещи корабль.

Деян.27:39  с толкованием

40
И котвы собравше, везяхуся по морю: купно ослабивше ужя кормилом и воздвигше малое ветрило к дышущему ветрецу, везохомся на край.

Деян.27:40  с толкованием

41
Впадше же в место исопное, увязиша корабль: и нос убо увязший пребысть недвижимь, кормило же разбивашеся от нужды волн.

Деян.27:41  с толкованием

42
Воином же совет бысть, да узники убиют, да не кто поплыв избегнет.

Деян.27:42  с толкованием

43
Сотник же, хотя соблюсти Павла, возбрани совету их, повеле же могущым плавати, да изскочивше первее изыдут на край,

Деян.27:43  с толкованием

44
а прочии, ови убо на дщицах, ови же на нечем от корабля. И тако бысть всем спастися на землю.

Деян.27:44  с толкованием

Глава 
28

Деян.28  с толкованием

1
Спасени же бывше иже с Павлом от корабля, тогда разумеша, яко остров Мелит нарицается.

Деян.28:1  с толкованием

2
Варвари же творяху не малое милосердие нам: возгнещше бо огнь, прияша всех нас, за настоящий дождь и зиму.

Деян.28:2  с толкованием

3
Сгромаждшу же Павлу рождия множество и возложившу на огнь, ехидна от теплоты изшедши, секну в руку его.

Деян.28:3  с толкованием

4
И егда видеша варвари висящу змию от руки его, глаголаху друг ко другу: всяко убийца есть человек сей, егоже спасена от моря суд Божий жити не остави.

Деян.28:4  с толкованием

5
Той же убо, оттряс змию во огнь, ничтоже зло пострада.

Деян.28:5  с толкованием

6
Они же чаяху его имуща возгоретися, или пасти внезапу мертва: на мнозе же того чающым и ничтоже зло в нем бывшее видящым, претворшеся, глаголаху Бога того быти.

Деян.28:6  с толкованием

7
Окрест же места онаго бяху села перваго во острове, именем Поплиа, иже приимь нас, три дни любезне учреди.

Деян.28:7  с толкованием

8
Бысть же отцу Поплиеву огнем и водным трудом одержиму лежати: к немуже Павел вшед, и помолився, и возложь руце свои нань, исцели его.

Деян.28:8  с толкованием

9
Сему же бывшу, и прочии имущии недуги во острове том прихождаху и исцелевахуся:

Деян.28:9  с толкованием

10
иже и многими честьми почтоша нас, и отвозящымся нам яже на потребу вложиша.

Деян.28:10  с толкованием

11
По триех же месяцех отвезохомся в корабли Александрийстем, подписаном Диоскуры, презимевшем во острове,

Деян.28:11  с толкованием

12
и доплывше в Сиракусы, пребыхом дни три:

Деян.28:12  с толкованием

13
оттуду же отплывше, приидохом в Ригию, и по единем дни возвеявшу югу, во вторый день приидохом в Потиолы,

Деян.28:13  с толкованием

14
идеже обретше братию, умолени быхом от них пребыти дний седмь: и тако в Рим идохом.

Деян.28:14  с толкованием

15
И от тамо братия, слышавше яже о нас, изыдоша во сретение наше даже до Аппиева торга и триех корчемниц: ихже видев Павел и благодарив Бога, прият дерзновение.

Деян.28:15  с толкованием

16
Егда же приидохом в Рим, сотник предаде узники воеводе, Павлу же повеле пребывати о себе, с соблюдающим его воином.

Деян.28:16  с толкованием

17
Бысть же по днех триех, созва Павел сущыя от Иудеев первыя: сшедшымся же им, глаголаше к ним: мужие братие, аз ничтоже противно сотворив людем или обычаем отеческим, узник от Иерусалимлян предан бых в руце Римляном,

Деян.28:17  с толкованием

18
иже разсудивше яже о мне, хотяху пустити, зане ни едина вина смертная бысть во мне:

Деян.28:18  с толкованием

19
сопротив же глаголющым Иудеем, нужда ми бысть нарещи кесаря, не яко язык мой имея в чесом оклеветати:

Деян.28:19  с толкованием

20
сея ради убо вины умолих вас, да вижду и беседую: надежды бо ради Израилевы веригами сими обложен есмь.

Деян.28:20  с толкованием

21
Они же к нему реша: мы ниже писания о тебе прияхом от Иудей, ниже пришед кто от братий возвести или глагола что о тебе зло:

Деян.28:21  с толкованием

22
молимся же, да слышим от тебе, яже мудрствуеши: о ереси бо сей ведомо есть нам, яко всюду сопротив глаголемо есть.

Деян.28:22  с толкованием

23
Уставивше же ему день, приидоша к нему в странноприемницу множайшии, имже сказаше свидетелствуя Царствие Божие и уверяя их, яже о Иисусе, от закона Моисеова и пророк, от утра даже до вечера.

Деян.28:23  с толкованием

24
И ови убо вероваху глаголемым, ови же не вероваху.

Деян.28:24  с толкованием

25
Несогласни же суще друг ко другу, отхождаху, рекшу Павлу глагол един, яко добре Дух Святый глагола Исаием пророком ко отцем нашым,

Деян.28:25  с толкованием

26
глаголя: иди к людем сим и рцы: слухом услышите и не имате разумети: и видяще узрите и не имате видети:

Деян.28:26  с толкованием

27
одебеле бо сердце людий сих, и ушима тяжко слышаша, и очи свои смежиша, да не како увидят очима, и ушима услышат, и сердцем уразумеют, и обратятся, и исцелю их.

Деян.28:27  с толкованием

28
Ведомо убо да будет вам, яко языком послася спасение Божие, сии и услышат.

Деян.28:28  с толкованием

29
И сия тому рекшу, отидоша Иудее, многое имуще между собою состязание.

Деян.28:29  с толкованием

30
Пребысть же Павел два лета исполнь своею мздою (цела два лета на своем иждивении) и приимаше вся приходящыя к нему,

Деян.28:30  с толкованием

31
проповедуя Царствие Божие и учя яже о Господе нашем Иисусе Христе со всяким дерзновением невозбранно.

Деян.28:31  с толкованием