Глава 
23

показать остальные стихи главы...

16
Сия глаголет Господь Сил: не слушайте словес пророков, иже пророчествуют вам и прельщают вас: видение от сердца своего глаголют, а не от уст Господних.


17
Глаголют отвергающым Мя: глагола Господь, мир будет вам: и всем, иже ходят в похотех своих, и всякому, ходящему в строптивстве сердца своего, рекоша: не приидут на вас злая.


18
Кто бо бысть в совете Господни, и виде и слыша словеса Его? Кто внят слово Его и слыша?


19
Се, буря от Господа и ярость исходит в сотрясение, устремившися приидет на нечестивыя.


20
И ктому не возвратится ярость Господня, дондеже сотворит сие и дондеже совершит помышление сердца Своего. В последния дни уразумеете совет Его.


21
Не посылах пророки, а они течаху: не глаголах к ним, и тии пророчествоваху.


22
И аще бы стали в совете Моем, слышана сотворили бы словеса Моя и отвратили бы людий Моих от пути их лукаваго и от начинаний их лукавых.

показать остальные стихи главы...