Глава 
36

показать остальные стихи главы...

18
И рече Варух: от уст своих поведа ми Иеремиа вся словеса сия, аз же писах в книгу.


19
И рекоша князи Варуху: иди и скрыйся ты и Иеремиа, и человек да не увесть, где вы.


20
И внидоша ко царю во двор, книгу же вдаша хранити в дому Елисама книгочия, и возвестиша царю вся словеса сия.


21
И посла царь Иудина взяти книгу. И взя ю от дому Елисамы книгочия, и прочте Иудин во ушы царевы и во ушы всех князей стоящих окрест царя.


22
Царь же седяше во храмине зимней, в девятый месяц, и поставлено бе пред ним огнище со огнем.


23
И бысть чтущу Иудину третий лист и четвертый, раздроби я бритвою книгочия и возметаше на огненное огнище, дондеже скончася весь свиток на огненнем огнищи.


24
И не ужасошася и не растерзаша риз своих царь и вси отроцы его, слышавшии вся словеса сия.

показать остальные стихи главы...