Глава 
5

показать остальные стихи главы...

6
Сего ради порази их лев от дубравы, и волк даже до домов погуби их, и рысь бдяше над градами их: вси исходящии от них будут яти, яко умножиша нечестия своя, укрепишася во отвращениих своих.


7
О чем от сих милосерд буду тебе? Сынове твои оставиша Мя и кляшася теми, иже не суть бози: насытих их, и прелюбодействоваша и в домех блудниц обиташа,


8
кони женонеистовни сотворишася, кийждо ко жене искренняго своего ржаше.


9
Еда о сих не посещу? Рече Господь: или языку сицевому не мстит душа Моя?


10
Взыдите на стены его и разорите, окончания же не сотворите: оставите подпоры его, яко Господни суть.


11
Преступлением бо преступил есть на Мя дом Израилев и дом Иудин глаголет Господь.


12
Солгаша Господу своему и рекоша: не суть сия, ниже приидут на нас злая и меча и глада не узрим:

показать остальные стихи главы...