Глава 
11

Иез.11  с толкованием

1
И воздвиже мя дух и возведе мя ко вратом дому Господня, яже прямо зрят на восток: и се, пред преддверием врат яко двадесять и пять мужей: и видех среде их Иехонию сына Иазерова и Фалтию Ванеова, старейшины людския.

Иез.11:1  с толкованием

2
И рече Господь ко мне: сыне человечь, сии мужие помышляющии суетная и совет творящии лукав во граде сем,

Иез.11:2  с толкованием

3
глаголющии: не в нове ли соградишася домове? Сей есть коноб, мы же мяса.

Иез.11:3  с толкованием

4
Сего ради прорцы на ня, прорцы, сыне человечь.

Иез.11:4  с толкованием

5
И нападе на мя Дух Господень и рече ко мне: глаголи, сия глаголет Господь: тако рекосте, доме Израилев, и умышления духа вашего Аз вем:

Иез.11:5  с толкованием

6
умножисте мертвецы вашя во граде сем и наполнисте пути его язвенных.

Иез.11:6  с толкованием

7
Того ради тако глаголет Адонаи Господь: мертвецы ваши, яже избисте среде его, тии суть мяса, а сей коноб есть, и вас изведу от среды его.

Иез.11:7  с толкованием

8
Меча боитеся, и мечь наведу на вас, глаголет Адонаи Господь:

Иез.11:8  с толкованием

9
и изведу вас от среды его и предам вас в руце чуждих и сотворю в вас суд:

Иез.11:9  с толкованием

10
мечем падете, на горах Израилевых сужду вам, и увесте, яко Аз Господь:

Иез.11:10  с толкованием

11
той не будет вам в коноб, и вы не будете посреде его в мяса: на горах Израилевых сужду вам,

Иез.11:11  с толкованием

12
и увесте, яко Аз Господь, яко по заповедем Моим не ходисте и судов Моих не сотвористе, но по обычаем языков сущих окрест вас сотвористе.

Иез.11:12  с толкованием

13
И бысть внегда прорицати ми, и Фалтиа сын Ванеов умре: и падох ниц и возопих гласом великим, глаголя: горе мне, люте мне, Адонаю Господи! На скончание ли твориши Ты останки Израилевы?

Иез.11:13  с толкованием

14
И бысть слово Господне ко мне глаголя:

Иез.11:14  с толкованием

15
сыне человечь, братия твоя и мужие плена твоего и весь дом Израилев скончася, имже рекоша живущии во Иерусалиме: далече удалитеся от Господа, нам дана есть земля в наследие.

Иез.11:15  с толкованием

16
Сего ради рекох: сия глаголет Адонаи Господь: яко отрину я во языки и разсею я по всей земли, и буду им во освящение мало во странах, аможе внидут тамо.

Иез.11:16  с толкованием

17
Сего ради рцы: сия глаголет Адонаи Господь: и прииму я от язык и соберу я от стран, идеже разсеях я в них, и дам им землю Израилеву:

Иез.11:17  с толкованием

18
и внидут тамо и отвергут вся мерзости ея и вся беззакония ея от нея:

Иез.11:18  с толкованием

19
и дам им сердце ино и дух нов дам им, и исторгну каменное сердце от плоти их и дам им сердце плотяно,

Иез.11:19  с толкованием

20
яко да в заповедех Моих ходят и оправдания Моя сохранят и сотворят я: и будут Ми в люди, и Аз им буду в Бога.

Иез.11:20  с толкованием

21
А ихже сердце по гнусностем их и по беззаконием их ходит, пути тех на главы их положу, глаголет Адонаи Господь.

Иез.11:21  с толкованием

22
И воздвигоша Херувими крила своя, и колеса держащаяся их: слава же Бога Израилева бе на них свыше их.

Иез.11:22  с толкованием

23
И взыде слава Господня от среды града и ста на горе, яже бяше прямо града на восток.

Иез.11:23  с толкованием

24
И дух взя мя и принесе мя на землю Халдейску в пленники, в видении, Духом Божиим.

Иез.11:24  с толкованием

25
И взыдох от видения, еже видех, и глаголах ко пленником вся словеса Господня, яже показа мне.

Иез.11:25  с толкованием

Толкования на главу Иез.11
этой книги Священного Писания


Толкование преподобного Ефрема Сирина
 

Преподобный Ефрем Сирин. Толкование на книгу пророчества Иезекииля

Иез.11

Глава 
11

Иез.11  с толкованием

3
Глаголющии: не в нем ли соградишася домове? сей есть коноб, мы же мяса. Ни от меча мы не погибнем, ни в плен не будем отведены. А если умрем, то смерть для нас - успокоение: ибо перед глазами у нас те бедствия, какие предки наши претерпели в рабстве.

Иез.11:3  с толкованием

13
И бысть внегда прорицати ми, и Фалтиа умре. Как смерть похитила Фалтию, так будут похищены братия твои, сыны Левиины.

Иез.11:13  с толкованием

16
И буду им во освящение мало в странах, аможе внидоша тамо. Сие говорится о возвращении Иудеев из Вавилона и всех других стран, в которых были они рассеяны.

Иез.11:16  с толкованием

19
И дам им сердце ино, и дух нов дам им; то есть, за дела богоугодные и праведные, какие сотворят они, даст им Бог землю израильскую и сердце новое и дух новый.

Иез.11:19  с толкованием