Глава 
29

Иез.29  с толкованием

1
В десятое лето, в десятый месяц, (в первый день) месяца, бысть слово Господне ко мне глаголя:

Иез.29:1  с толкованием

2
сыне человечь, утверди лице твое на фараона царя Египетска и прорцы нань и на Египет весь:

Иез.29:2  с толкованием

3
глаголи и рцы: сице глаголет Адонаи Господь: се, Аз наведу на тя, фараоне, царю Египетский, змиа великаго, седящаго среде рек своих, глаголющаго: моя суть реки, и аз сотворих я.

Иез.29:3  с толкованием

4
Аз же дам узду в челюсти твоя, и прилеплю рыбы реки твоея ко крилома твоима, и возведу тя от среды реки твоея, и к чешуям твоим прильпнут:

Иез.29:4  с толкованием

5
и низвергу тя вскоре и вся рыбы реки твоея: на лицы поля падеши, и не соберешися, и не оградишися, зверем земным и птицам небесным дах тя во снедь.

Иез.29:5  с толкованием

6
И уведят вси живущии во Египте, яко Аз есмь Господь: зане был еси жезл тростян дому Израилеву:

Иез.29:6  с толкованием

7
егда яся тебе рукою своею, сокрушился еси, и егда восплеска на них всяка рука, и егда почиша на тебе, стерлся еси и сломил еси их вся чресла.

Иез.29:7  с толкованием

8
Сего ради тако глаголет Адонаи Господь: се, Аз наведу на тя мечь и погублю от тебе человеки и скоты,

Иез.29:8  с толкованием

9
и будет земля Египетска в погибель и во опустение, и уразумеют, яко Аз есмь Господь. Понеже глаголал еси, яко реки моя суть, и аз сотворих я:

Иез.29:9  с толкованием

10
того ради, се, Аз на тя и на и вся реки твоя, и дам землю Египетску во опустение и в мечь и в погибель, от Магдола и Сиины и даже до предел Ефиопских:

Иез.29:10  с толкованием

11
не пройдет сквозе ея нога человеча, ни нога скотия не поступит по ней, и не населится четыредесять лет:

Иез.29:11  с толкованием

12
и дам землю его в пагубу среде земли опустелыя, и гради его среде градов опустевших будут, в разорении будут четыредесять лет: и разсею Египта во языцех, и развею я по странам.

Иез.29:12  с толкованием

13
Сия глаголет Адонаи Господь: по четыредесятих летех соберу Египтяны от язык, аможе разсыпашася,

Иез.29:13  с толкованием

14
и возвращу пленники Египетския и вселю я в землю Фафорскую, в землю, отонудуже взяти быша, и будет власть смиренна:

Иез.29:14  с толкованием

15
паче всех властей будет смиренна, и не вознесется ктому над языки, и умалены сотворю я, еже не быти им многим во языцех.

Иез.29:15  с толкованием

16
И не будут ктому дому Израилеву в надежду воспоминающую беззаконие, внегда последовати им по них: и уразумеют, яко Аз есмь Господь.

Иез.29:16  с толкованием

17
И бысть в двадесять седмое лето, во един день месяца перваго, бысть слово Господне ко мне глаголя:

Иез.29:17  с толкованием

18
сыне человечь, Навуходоносор царь Вавилонск поработи силу свою работою великою на Тира, всяка глава плешива и всяко рамо наго: и мзда не бысть ему ни силе его на Тира, за работу, еюже работаша нань.

Иез.29:18  с толкованием

19
Того ради сице глаголет Адонаи Господь: се, Аз даю Навуходоносору царю Вавилонску землю Египетску, и возмет множество ея, и пленит плен ея, и расхитит корысти ея, и будет мзда силе его:

Иез.29:19  с толкованием

20
за службу его, еюже послужи на Тира, дах ему землю Египетску, зане послужи Мне, сия глаголет Адонаи Господь.

Иез.29:20  с толкованием

21
В той день взыдет рог всему дому Израилеву, и тебе дам уста отверста среде их, и уведят, яко Аз есмь Господь.

Иез.29:21  с толкованием

Толкования на главу Иез.29
этой книги Священного Писания


Толкование преподобного Ефрема Сирина
 

Преподобный Ефрем Сирин. Толкование на книгу пророчества Иезекииля

Иез.29

Глава 
29

Иез.29  с толкованием

3
Се Аз наведу на тя Фараоне, змий великий, седящий среде рек своих, глаголющий: моя суть реки, т.е. мое владычество.

Иез.29:3  с толкованием

4
Аз же дам узду в челюсти твоя, и прилеплю рыбы реки твоея, т.е. воинство твое ко крилома твоими. И возведу тя от среды реки твоея, т.е. заставлю тебя выйти из страны своей.

Иез.29:4  с толкованием

5
И низвергу тя на лице поля, и не соберешися. Низвергну тебя и все воинство твое, представленное в образе рыб. И не соберешися, т.е. не будешь погребен во гробе.

Иез.29:5  с толкованием

6
Зане был еси жезл тростян дому Израилеву.

Иез.29:6  с толкованием

7
Егда яшася тебе рукою своею, пронзил руки их, и егда почиша на тебе, стерлся еси, и сломил еси их, потому что таков был ты для Израильтян во все времена, таков и ныне.

Иез.29:7  с толкованием

21
В той день взыдет рог спасения всему дому Израилеву, потому что сокрушен будет рог, который содержал их в рабстве. И тебе дам уста отверзста среде их, когда слова твои исполнятся на самом деле, и сбудется пророчество твое о Египтянах.

Иез.29:21  с толкованием