Глава 
30

Иез.30  с толкованием

1
И бысть слово Господне ко мне глаголя:

Иез.30:1  с толкованием

2
сыне человечь, прорцы и рцы: сия глаголет Адонаи Господь:

Иез.30:2  с толкованием

3
возрыдайте: оле, оле день! Яко близ день Господень, и приближается день облака, и конец языков будет:

Иез.30:3  с толкованием

4
и приидет мечь на Египтяны, и будет мятеж во Ефиопии, и падут язвении во Египте, и взято будет множество их, и падутся основания его:

Иез.30:4  с толкованием

5
Персяне и Критяне, и Лидяне и Ливиане, и Мурини (и вся Аравиа) и вси примесницы, и сынове, иже от завета Моего, в нем мечем падут с ним.

Иез.30:5  с толкованием

6
Сия глаголет Господь: и падут подпоры Египта, и снидет укоризна крепости его от Магдола даже до Сиины, мечем падут в нем, глаголет Адонаи Господь.

Иез.30:6  с толкованием

7
И опустеют среде стран погибших, и гради их среде градов опустевших будут:

Иез.30:7  с толкованием

8
и уразумеют, яко Аз есмь Господь, егда дам огнь на Египет, и сокрушатся вси помагающии ему.

Иез.30:8  с толкованием

9
В той день приидут вестницы от лица Моего в сиеим тщащеся погубити надежду Муринския земли, и будет им мятеж в день Египетск, яко се, приспе.

Иез.30:9  с толкованием

10
Сия глаголет Адонаи Господь: и погублю множество Египтян рукою Навуходоносора царя Вавилонска,

Иез.30:10  с толкованием

11
самаго и людий его с ним, губителие от язык послани погубити землю: и извлекут вси мечы своя на Египта, и наполнится земля язвеными.

Иез.30:11  с толкованием

12
И дам реки их во опустение и отдам землю в руце злых, и погублю землю и исполнение ея руками чуждих, Аз Господь глаголах.

Иез.30:12  с толкованием

13
Яко сия глаголет Адонаи Господь: погублю кумиры и испражню вельможы от Мемфиса и старейшины от земли Египетския, и не будут ктому: и дам страх во земли Египетстей.

Иез.30:13  с толкованием

14
И погублю землю Фафорскую, и дам огнь на Таниса, и сотворю отмщение в Диосполи,

Иез.30:14  с толкованием

15
и излию ярость Мою на Саин крепость Египетску, и погублю множество Мемфы.

Иез.30:15  с толкованием

16
И дам огнь на Египта, и мятежем возмятется Саис, и в Диосполи будет разселина, и разлиются воды.

Иез.30:16  с толкованием

17
Юноши Илиуполя и Вуваста мечем падут, и жены в плен пойдут:

Иез.30:17  с толкованием

18
и в Тафнесе помрачится день, егда сокрушу тамо скипетры Египетски, и погибнет тамо укоризна крепости его, и того покрыет облак, и дщери его во пленение отведутся.

Иез.30:18  с толкованием

19
И сотворю суд во Египте, и уразумеют, яко Аз есмь Господь.

Иез.30:19  с толкованием

20
И бысть во единонадесятое лето, в первый месяц, в седмый день месяца, бысть слово Господне ко мне глаголя:

Иез.30:20  с толкованием

21
сыне человечь, мышцы фараона царя Египетска сотрох, и се, не помолися, еже дати ему цельбу, приложити ему пластырь, (обязати,) дати силу, да возмет мечь.

Иез.30:21  с толкованием

22
Того ради сия глаголет Адонаи Господь: се, Аз на фараона царя Египетска, и сокрушу мышцы его крепкия и протяженыя и сотреныя, и изрину мечь его из руки его:

Иез.30:22  с толкованием

23
и разсею Египта во языки и развею их во страны:

Иез.30:23  с толкованием

24
и укреплю мышцы царя Вавилонска и дам мечь Мой в руку его, и наведет его на Египта, и пленит пленение его, и возмет корысти его:

Иез.30:24  с толкованием

25
и укреплю мышцы царя Вавилонска, мышцы же фараони падут: и уведят, яко Аз есмь Господь, егда дам мечь Мой в руце царя Вавилонска, и прострет его на землю Египетску,

Иез.30:25  с толкованием

26
и разсею Египта во языки и развею их во страны: и уведят вси, яко Аз есмь Господь.

Иез.30:26  с толкованием

Толкования на главу Иез.30
этой книги Священного Писания


Толкование преподобного Ефрема Сирина
 

Преподобный Ефрем Сирин. Толкование на книгу пророчества Иезекииля

Иез.30

Глава 
30

Иез.30  с толкованием

4
И приидет меч на Египтяны, и будет мятеж во Ефиопии, и возмут богатство его, пленят его, разграбят добычу его.

Иез.30:4  с толкованием

5
Ефиопляне, Футеи и Ливиане, и вся Аравия, и Кубеи, и сынове, иже от земли завета с ними.

Иез.30:5  с толкованием

8
Дам огнь на Египет,

Иез.30:8  с толкованием

12
и погублю землю, и исполнение ея,

Иез.30:12  с толкованием

14
убию тех, которые из дома Пафрос, дам огнь на Цоан (Танес), и сотворю отмщение в Но (Диосполе), т.е. приидет меч на Египет, смятется Эфиопия, и богатством египетским овладеют Футеи, Ливияне вместе с другими сынами севера.

Иез.30:14  с толкованием

6
Падут подпоры Египта, т.е. полчища его, на которые полагались Египтяне, и почитали себя в безопасности.

Иез.30:6  с толкованием

9
В той день приидут вестницы от лица Моего, т.е. от лица Моего выйдет определение опустошить беззаботную Эфиопию.

Иез.30:9  с толкованием

16
Дам огнь, т.е, пошлю меч на Египет и возмятется Сан (Саис), оплакивая погибель своих жрецов. В Но будет разселина, Мемфис обратится в развалины,

Иез.30:16  с толкованием

18
и в Тафнесе помрачится день, т.е. Тафнес будет предан мечу.

Иез.30:18  с толкованием

20
В первый месяц, в седьмой день месяца, бысть слово Господне ко мне, глаголя:

Иез.30:20  с толкованием

21
сыне человечь, мышцы Фараона царя египетскаго сотрох, и не приложится ему пластырь.

Иез.30:21  с толкованием

22
И сокрушатся мышцы его крепкия. Сокрушу мышцы Фараоновы. Мышцы изображают воинский стан Фараонов. Сокрушу мышцы его крепкия, т.е. полчища его.

Иез.30:22  с толкованием

23
И разсею Египта в языки,

Иез.30:23  с толкованием

24
и укреплю мышцы царя вавилонска, и дам меч в руце его, чтобы отсек он мышцы Фараоновы. И восплачет Фараон пред убийцами своими плачем смертельно раненых.

Иез.30:24  с толкованием