Глава 
38

Иез.38  с толкованием

1
И бысть слово Господне ко мне глаголя:

Иез.38:1  с толкованием

2
сыне человечь, утверди лице твое на Гога и на землю Магога князя Рос, Мосоха и Фовеля, и прорцы нань,

Иез.38:2  с толкованием

3
и рцы ему: сия глаголет Адонаи Господь: се, Аз на тя, Гог, и на князя Рос, Мосоха и Фовеля,

Иез.38:3  с толкованием

4
и обращу тя окрест, и вложу узду в челюсти твоя, и соберу тя и всю силу твою, кони и конники оболчены во броня вся, собор мног, шлемы и мечы и щиты вси тии имуще:

Иез.38:4  с толкованием

5
Персяне и Муряне, и Лидяне и Ливиане, вси сии щиты и шлемы имуще:

Иез.38:5  с толкованием

6
Гомер и вси иже окрест его, дом Форгамань от конец севера и вси иже окрест его, и языцы мнози с тобою.

Иез.38:6  с толкованием

7
Уготовися, уготовися сам ты и весь сонм твой собраный с тобою, и будеши ми в преднюю стражбу.

Иез.38:7  с толкованием

8
От дний множайших уготовишися, и в последняя лета приидеши, и приидеши на землю низвращенную от меча, собраных от язык многих на землю Израилеву, яже бысть пуста весьма: и тии от язык изыдоша, и вселятся с миром вси.

Иез.38:8  с толкованием

9
И взыдеши аки дождь и приидеши аки облак, покрыти землю, и падеши ты и вси иже окрест тебе, и языцы мнози с тобою.

Иез.38:9  с толкованием

10
Сия глаголет Адонаи Господь: и будет в той день, взыдут глаголы на сердце твое,

Иез.38:10  с толкованием

11
и помыслиши помышления злая и речеши: взыду на землю отверженую, прииду на молчащыя в тишине и живущыя мирно, на вся живущыя на земли, на нейже несть ограды, ни дверий, ни верей,

Иез.38:11  с толкованием

12
еже пленити плен и взяти корысти их, еже обратити руку мою на землю опустошеную, яже населися, и на язык собраный от языков многих, сотворивших притяжания имений и живущих на пупе земли.

Иез.38:12  с толкованием

13
Сава и Дедан и купцы Кархидонстии и вся веси их рекут тебе: еда на пленение, еже пленити, ты грядеши, и взяти корысти? И собрал еси люди твоя взяти сребро и злато, отвести притяжания и имения, еже пленити плен велик.

Иез.38:13  с толкованием

14
Того ради прорцы, сыне человечь, и рцы Гогу: сия глаголет Адонаи Господь: не в той ли день, егда жити будут людие Мои Израиль с миром, востанеши?

Иез.38:14  с толкованием

15
И приидеши от места своего от конца севера, и языцы мнози с тобою: конницы на конех вси, собор велик и сила многа,

Иез.38:15  с толкованием

16
и взыдеши на люди Моя Израиля, яко облак покрыти землю: в последния дни будет, и возведу тя на землю Мою, да Мя уведят вси языцы, егда освящуся в тебе пред ними, (о, Гог!)

Иез.38:16  с толкованием

17
сия глаголет Адонаи Господь Гогу: ты еси, о немже глаголах во дни первыя рукою раб Моих пророк Израилевых, прорекших в оныя дни и лета, еже привести тя на ня.

Иез.38:17  с толкованием

18
И будет в той день, в оньже приидет Гог на землю Израилеву, глаголет Адонаи Господь, взыдет ярость Моя во гневе Моем

Иез.38:18  с толкованием

19
и рвения Моя во огни гнева Моего: глаголах, аще не будет в той день трус велик на земли Израилеве:

Иез.38:19  с толкованием

20
и потрясутся от лица Господня рыбы морския и птицы небесныя, и зверие польнии и вси гади ползающии по земли, и вси человецы иже на лицы земли, и расторгнутся горы и падут дебри, и всяка стена на землю падет.

Иез.38:20  с толкованием

21
И призову нань весь страх мечный, глаголет Адонаи Господь: мечь человека на брата его будет.

Иез.38:21  с толкованием

22
И отсужду ему смертию и кровию, и дождем потопляющим и камением градным, огнь и камень горящь одождю нань и на вся сущыя с ним и на языки многия с ним:

Иез.38:22  с толкованием

23
и возвеличуся и освящуся, и прославлюся и уведан буду пред языки многими, и уведят, яко Аз есмь Господь.

Иез.38:23  с толкованием

Толкования на главу Иез.38
этой книги Священного Писания


Толкование преподобного Ефрема Сирина
 

Преподобный Ефрем Сирин. Толкование на книгу пророчества Иезекииля

Иез.38

Глава 
38

Иез.38  с толкованием

3
Се Аз на тя, Гог правитель и князь Мосоха и Фовела.

Иез.38:3  с толкованием

6
Гомер и вся сила его, дом Форгамань.

Иез.38:6  с толкованием

8
От дней множайших предопределен ты, и в последняя лета приидеши,

Иез.38:8  с толкованием

12
пленишь плен, возмешь корысти:

Иез.38:12  с толкованием

4
и вложу узду в челюсти твоя, и изведу тя, и всю многочисленную силу твою. Гогом и Магогом называются народы, притеснявшие Иудеев вскоре по возвращении их из Вавилона. Но многие утверждают, что Гогом назван Олоферн, военачальник Навуходоносора царя ниневийского. Ибо с ним из земли северной многие народы взошли в землю израильскую, и были там истреблены. Посему, толкователи и присовокупляют, что древками оружий и копий воинства Олофернова семь лет возгнетаем был огонь во святилище, и это делалось в воспоминание победы. А потому и сказано у Иезекииля:

Иез.38:4  с толкованием