Глава 
4

показать остальные стихи главы...

3
и ныне, Владыко Господи, приими душу мою от мене, яко уне ми умрети, нежели жити.


4
И рече Господь ко Ионе: аще зело опечалился еси ты?


5
И изыде Иона из града и седе прямо града, и сотвори себе кущу и седяще под нею в сени, дондеже увидит, что будет граду.


6
И повеле Господь Бог тыкве, и возрасте над главою его, еже осенити его от злых его. И возрадовася Иона о тыкве радостию великою.


7
И повеле Господь Бог червию раннему во утрие, и подяде тыкву, и изсше.


8
И бысть вкупе внегда возсияти солнцу, и повеле Бог ветру знойну жегущу, и порази солнце на главу Ионину, и малодушствоваше и отрицашеся души своея и рече:


9
уне ми умрети, нежели жити. И рече Господь Бог ко Ионе: зело ли опечалился еси ты о тыкве? И рече (Иона): зело опечалихся аз даже до смерти.

показать остальные стихи главы...