Глава 
27

Исх.27  с толкованием

1
И да сотвориши олтарь от древ негниющих, пяти лакот в долготу и пяти лакот в широту: четвероуголен да будет олтарь, и трех лактий высота его.

Исх.27:1  с толкованием

2
И да сотвориши роги на четырех углех: из него да будут роги, и покрыеши я медию.

Исх.27:2  с толкованием

3
И да сотвориши венец олтарю: и покров его, и фиалы его, и вилицы его, и кадилник его, и вся сосуды его да сотвориши медяны.

Исх.27:3  с толкованием

4
И да сотвориши ему огнище на подобие мрежи медяно: и сотвориши огнищу четыри колца медяна на четыри страны,

Исх.27:4  с толкованием

5
и подложиши я под огнище олтаря снизу, и будет огнище до среды олтаря.

Исх.27:5  с толкованием

6
И да сотвориши олтарю носила от древес негниющих, и окуеши я медию,

Исх.27:6  с толкованием

7
и вложиши носила в колца: и да будут носила олтарю по бокам, еже подимати его.

Исх.27:7  с толкованием

8
Тощь, дощатый сотвориши его: по показанному тебе на горе, тако сотвориши его.

Исх.27:8  с толкованием

9
И да сотвориши двор скинии: на стране, яже к югу, завесы двора из виссона сканаго: долгота сто лакот стране единей:

Исх.27:9  с толкованием

10
и столпы их двадесять, и стояла их двадесять медяна, и крючки их, и верхи их сребряны.

Исх.27:10  с толкованием

11
Такожде на стране, яже к северу, завесы сто лакот в долготу, и столпы их двадесять, и стояла их двадесять медяна, и крючки их, и верхи столпов, и стояла их посребрена сребром.

Исх.27:11  с толкованием

12
Широта же двора, яже к морю, опоны пятьдесят лакот: столпы их десять, и стояла их десять.

Исх.27:12  с толкованием

13
И широта двора, яже к востоку, завесы пятьдесят лактий: столпы их десять, и стояла их десять.

Исх.27:13  с толкованием

14
И пятьнадесять лакот высота опон стране единей: столпы их три, и стояла их три:

Исх.27:14  с толкованием

15
и стране вторей опон пятьнадесять лакот высота: столпы их три, и стояла их три.

Исх.27:15  с толкованием

16
И вратам двора завеса двадесять лакот в высоту, от синеты и багряницы, и червленицы сканыя и виссона сканаго пестрением швенным: столпы их четыри, и стояла их четыри.

Исх.27:16  с толкованием

17
Вси столпы двора окрест окованы сребром, и верхи их сребряны, и стояла их медяна.

Исх.27:17  с толкованием

18
Долгота же двора сто на сто, и широта пятьдесят на пятьдесят, и высота пяти лактий от виссона сканаго: и стояла их медяна.

Исх.27:18  с толкованием

19
И все устроение, и вся орудия, и гвозди двора медяны.

Исх.27:19  с толкованием

20
И ты заповеждь сыном Израилевым, и да возмут тебе елей от масличия без дрождей чист изжат в светение, да горит светилник всегда.

Исх.27:20  с толкованием

21
В скинии свидения вне завесы, яже над заветом, возжигати будет его Аарон и сынове его, от вечера даже до утра, пред Господем, законно вечно в роды вашя от сынов Израилевых.

Исх.27:21  с толкованием

Толкования на главу Исх.27
этой книги Священного Писания


Библия Толкования на Исход прп. Ефрем Сирин Глава  27

Толкование преподобного Ефрема Сирина
 

Преподобный Ефрем Сирин. Толкование на книгу Исход

Исх.27

Глава 
27

Исх.27  с толкованием

20
И да возмут тебе елей от масличия для возжжения светильников. Сим изображается учение Распятого; ибо всякий другой елей не от масличия означает учения чуждые. А что

Исх.27:20  с толкованием

21
Аарон и сынове его возжигали светильники вне завесы от вечера даже до утра, сие изображает израильских священников, приносивших жертвы вне Церкви Христовой, и также Пророков, бывших до явления Солнца правды; ибо, когда воссияло утро с пришествием Господа нашего, тогда прекратилось и кончилось служение светильников.

Исх.27:21  с толкованием
Сказанное же: агнца единаго да сотвориши рано, и втораго агнца да сотвориши в вечер (29:39), указует на закланного за нас Агнца Божия: и еще, агнец заколаемый утром, означает праведников, а агнец, заколаемый вечером, кающихся грешников, за которых и умер Христос.
 

И еще, Бог сказал Моисею о составе мира: и ты возми ароматы самые лучшие: смирны избранной и киннамона, кассии и елея от маслин (30:23.24). Сии четыре вида аромат означают четыре стихии, из которых сложилось тело Бога-Слова.