Глава 
29

Исх.29  с толкованием

1
И сия суть, яже сотвориши им: освятиши я, яко священнодействовати им Мне: да возмеши же телца единаго от говяд и овна два непорочна:

Исх.29:1  с толкованием

2
и хлебы пресны смешены с елеем, и опресноки помазаны елеем: из муки пшеничны сотвориши я:

Исх.29:2  с толкованием

3
и да вложиши я в кош един, и принесеши я в коши, и телца и два овна.

Исх.29:3  с толкованием

4
И Аарона и сыны его приведеши пред двери скинии свидения, и измыеши я водою:

Исх.29:4  с толкованием

5
и взем ризы святыя, облечеши Аарона брата твоего, и в хитон подир, и в ризу верхнюю, и в слово: и совокупиши ему слово к нарамнику:

Исх.29:5  с толкованием

6
и возложиши на главу его клобук: и возложиши дщицу освящение на увясло:

Исх.29:6  с толкованием

7
и да возмеши от елеа помазания, и да возлиеши и на главу его и помажеши его.

Исх.29:7  с толкованием

8
И сыны его приведеши и облечеши я в ризы:

Исх.29:8  с толкованием

9
и опояшеши я поясы, и возложиши на них клобуки, и будет ими священство мне во веки: и совершиши руце Аарони и руце сынов его.

Исх.29:9  с толкованием

10
И да приведеши телца пред двери скинии свидения, и возложат Аарон и сынове его руце свои на главу телца пред Господем у дверий скинии свидения.

Исх.29:10  с толкованием

11
И да заколеши телца пред Господем у дверий скинии свидения:

Исх.29:11  с толкованием

12
и да возмеши от крове телчи и помажеши на рогах олтаревых перстом твоим: останок же весь крове пролиеши у стояла олтарнаго:

Исх.29:12  с толкованием

13
и да возмеши весь тук, иже на утробе, и препонку печени, и обе почки, и тук иже на них, и возложиши на олтарь:

Исх.29:13  с толкованием

14
мяса же телча, и кожу, и мотыла да сожжеши на огни вне полка: за грех бо есть.

Исх.29:14  с толкованием

15
И овна да поймеши единаго, и да возложат Аарон и сынове его руки своя на главу овню:

Исх.29:15  с толкованием

16
и заколеши его, и взем кровь пролиеши у олтаря окрест:

Исх.29:16  с толкованием

17
и овна да разсечеши на уды и измыеши внутренняя и ноги в воде, и возложиши на разсеченныя части со главою:

Исх.29:17  с толкованием

18
и вознесеши всего овна на олтарь, всесожжение Господу в воню благоухания: жертва Господу есть.

Исх.29:18  с толкованием

19
И да поймеши овна втораго, и возложит Аарон и сынове его руки своя на главу овню:

Исх.29:19  с толкованием

20
и заколеши его, и возмеши от крове его, и возложиши на край ушесе Аароня деснаго и на край руки десныя и на край ноги десныя, и на край ушес сынов его десных и на край рук их десных и на край ног их десных:

Исх.29:20  с толкованием

21
и да возмеши от крове, яже на олтари, и от елеа помазания, и да воскропиши на Аарона и на ризу его, и на сыны его и на ризы сынов его с ним: и освятится сам и ризы его, и сыны его и ризы сынов его с ним: кровь же овню да пролиеши у олтаря окрест.

Исх.29:21  с толкованием

22
И да возмеши от овна тук его, и тук покрывающий утробу его, и препонку печени, и обе почки, и тук иже на них, и рамо десное: есть бо совершение сие:

Исх.29:22  с толкованием

23
и хлеб един с елеем, и опреснок един от коша опресноков, предложенных пред Господем:

Исх.29:23  с толкованием

24
и возложиши вся на руки Аарони и на руки сынов его, и отделиши я отделение пред Господем:

Исх.29:24  с толкованием

25
и да возмеши я от рук их, и вознесеши на олтарь всесожжения в воню благоухания пред Господем: приношение есть Господу.

Исх.29:25  с толкованием

26
И да возмеши грудь от овна совершения, яже есть Аарону, и отделиши ю отделение пред Господем, и будет тебе в часть:

Исх.29:26  с толкованием

27
и освятиши грудь отделение, и рамо отлучения, еже отделися, и яже отяся от овна совершения от Аарона и от сынов его,

Исх.29:27  с толкованием

28
и будет Аарону и сыном его законно вечно от сынов Израилевых: есть бо отделение сие, и отятие будет от сынов Израилевых от жертв спасителных сынов Израилевых, отделение Господу.

Исх.29:28  с толкованием

29
И ризы святы, яже суть Аарону, да будут сыном его по нем, помазатися им в них и совершити руки своя.

Исх.29:29  с толкованием

30
Седмь дний да облачится в ня иерей великий, иже вместо его от сынов его, иже внидет в скинию свидения служити во святилищи.

Исх.29:30  с толкованием

31
И овна совершения да возмеши и испечеши мяса на месте святе,

Исх.29:31  с толкованием

32
и да ядят Аарон и сынове его мяса овня, и хлебы, яже в коши у дверий скинии свидения:

Исх.29:32  с толкованием

33
да ядят сия, имиже освятишася в них, совершити руки своя, освятити я: и иноплеменник да не снест от них, суть бо свята.

Исх.29:33  с толкованием

34
Аще же останется от мяс жертвы совершения и от хлебов до утрия, да сожжеши останки огнем: да не снедятся, освящение бо есть.

Исх.29:34  с толкованием

35
И сотвориши Аарону и сыном его тако по всем, елика заповедах тебе: седмь дний совершиши руце их.

Исх.29:35  с толкованием

36
И телца греха ради да сотвориши в день очищения: и да очистиши олтарь, егда освящаеши на нем: и помажеши его, яко освятити его.

Исх.29:36  с толкованием

37
Седмь дний очистиши олтарь и освятиши его, и будет олтарь святая святых: всяк прикасаяйся олтарю освятится.

Исх.29:37  с толкованием

38
И сия суть, яже сотвориши на олтари: агнца единолетна непорочна два на всяк день на олтари присно жертву непрестанную:

Исх.29:38  с толкованием

39
агнца единаго да сотвориши рано, и втораго агнца да сотвориши в вечер:

Исх.29:39  с толкованием

40
и десятую часть муки пшеничны с елеем смешены, в четвертую часть ина, и возлияние четвертую часть меры ина вина единому овну.

Исх.29:40  с толкованием

41
И агнца втораго да сотвориши в вечер, якоже утреннюю жертву, и возлияние его: сотвориши в воню благоухания приношение Господу.

Исх.29:41  с толкованием

42
Жертву всегдашнюю в слухи и в роды вашя пред дверми скинии свидения пред Господем, в нихже познан буду тебе тамо, якоже глаголати к тебе.

Исх.29:42  с толкованием

43
И завещаю тамо сыном Израилевым, и освящуся во славе Моей,

Исх.29:43  с толкованием

44
и освящу скинию свидения и олтарь, и Аарона и сыны его освящу, священнодействовати Мне,

Исх.29:44  с толкованием

45
и нарекуся в сынех Израилевых, и буду им Бог:

Исх.29:45  с толкованием

46
и уведят, яко Аз есмь Господь Бог их, изведый их из земли Египетския, нарещися им и быти им Бог.

Исх.29:46  с толкованием

Толкования на главу Исх.29
этой книги Священного Писания


Библия Толкования на Исход прп. Ефрем Сирин Глава  29

Толкование преподобного Ефрема Сирина
 

Преподобный Ефрем Сирин. Толкование на книгу Исход

Исх.29

Глава 
29

Исх.29  с толкованием

1
И да возмеши тельца единаго от говяд,

Исх.29:1  с толкованием

2
и хлеб пресный и пресные лепешки, смешанные с елеем, и пресные блины, помазанные елеем,

Исх.29:2  с толкованием

3
и да вложиши я в кош.

Исх.29:3  с толкованием

13
И да возмеши весь тук, иже на утробе, и препонку печени, и обе почки. Принесение в жертву тельца, овна и агнца показывает три степени в усовершении святых и в уготовании совести. Первая степень принадлежит достигшим высоты; вторая средняя степень принадлежит тем, которые ниже первых, третья же низшая степень принадлежит новоначальным. Телесною величиною жертвенных животных изображается степень духовной крепости; телец, как животное всех большее, изображает наибольшую крепость; агнец же, как животное наименьшее, - меньшую крепость. Пресные лепешки означают чистую и нековарную жизнь; блины, помазаннные елеем и испеченные на сковороде, знаменуют веселье и сладость жизни святых. Хлеб пресный изображает жизнь непорочную. Почки суть образ различения помыслов, потому что почки в теле служат к отделению соков. Тук на почках означает душевные действия и движения помыслов. О туке печени говорят, что в печени начало похотливости; а потому надлежит приносить Богу тук на печени и на утробе, как самый источник всякого похотения.

Исх.29:13  с толкованием

20
Кровию агнца окропи край уха деснаго у Аарона и сынов его, и персты десной их руки и десной ноги. Кровь агнца, которою окропляются уши, означает святость совершенных; окроплением рук означается чин праведников, а окроплением ног - чин кающихся. Иные под образом ушей разумеют существа небесные, под образом рук - существа земные, а под образом ног - смертные тела. И еще говорят, что уши означают послушание и повиновение, руки - совершение добрых дел, ноги - стремление к добру. Приметь, что алтарей три, один тот, который теперь у нас, второй - небесный, который ожидает нас, и третий - престол суда, для наказания грешных.

Исх.29:20  с толкованием

40
Десятая часть пшеничной муки, смешанной с елеем, означает плоть Еммануилову, в котором нет духовных отребий, потому что она непричастна греху.

Исх.29:40  с толкованием

39
Да сотвориши агнца единаго рано и втораго агнца да сотвориши в вечер. Тот и другой агнец изображает Спасителя нашего. В агнце, заколаемом поутру, изображается заклание Христа за святых, а в агнце, заколаемом ввечеру - заклание за грешников.

Исх.29:39  с толкованием

40
И возлияние четвертую часть Ина единому овну. Здесь разумеются четыре стихии в плоти Еммануиловой, из которой источено святое возлияние, освящающее окропляемых.

Исх.29:40  с толкованием