Глава 
30

Исх.30  с толкованием

1
И да сотвориши олтарь кадилный от древ негниющих:

Исх.30:1  с толкованием

2
и сотвориши и лактя в долготу и лактя в широту, четвероуголен да будет, и двою лактий в высоту: от него да будут роги его.

Исх.30:2  с толкованием

3
И позлатиши златом чистым огнище его, и стены его около, и роги его: и да сотвориши ему витый венец злат около.

Исх.30:3  с толкованием

4
И два колца злата чиста да сотвориши под витым венцем его на обою углу, да сотвориши на обоих странах: и будут колца носилам, якоже подимати оный ими.

Исх.30:4  с толкованием

5
И да сотвориши носила от древес негниющих, и позлатиши я златом:

Исх.30:5  с толкованием

6
и да положиши его прямо завесы, сущия у кивота свидения, в нихже познан буду тебе оттуду.

Исх.30:6  с толкованием

7
И да кадит над ним Аарон фимиамом сложеным благовонным рано рано: егда устрояет светила, да кадит над ним:

Исх.30:7  с толкованием

8
и егда вжигает Аарон светила с вечера, да кадит над ним: фимиам всегдашний присно пред Господем в роды их:

Исх.30:8  с толкованием

9
и да не принесеши над него фимиама инаго: приношения, жертвы и возлияния да не пролиеши на него.

Исх.30:9  с толкованием

10
И да очистит над ним Аарон у рогов его единою в лето: от крове очищения грехов умилостивления единою в лето да очистит его в роды их: святое святых есть Господу.

Исх.30:10  с толкованием

11
И рече Господь к Моисею, глаголя:

Исх.30:11  с толкованием

12
аще возмеши исчисление сынов Израилевых в пресмотрении их, и дадят кийждо искупление за душу свою Господу, и не будет в них падения в пресмотрении их.

Исх.30:12  с толкованием

13
И сие есть, еже дадят, елицы аще приступят в пресмотрение, полдидрахмы, еже есть по дидрахме святей: двадесять цат дидрахма: пол же дидрахмы, дань Господу.

Исх.30:13  с толкованием

14
Всяк входяй в пресмотрение от двадесяти лет и вышше, да дадут дань Господу:

Исх.30:14  с толкованием

15
богатый да не приложит, и нищий да не умалит от полудидрахмы, егда дают дань Господу (от сынов Израилевых), еже умоляти о душах ваших.

Исх.30:15  с толкованием

16
И да возмеши сребро дани от сынов Израилевых, и даси е на соделание скинии свидения: и да будет сыном Израилевым память пред Господем, еже умоляти о душах ваших.

Исх.30:16  с толкованием

17
И рече Господь Моисею, глаголя:

Исх.30:17  с толкованием

18
сотвори умывалницу медяну и стояло ей медяно, еже умыватися, и да поставиши ю между скиниею свидения и между олтарем, и да влиеши в ню воду:

Исх.30:18  с толкованием

19
и да умывает Аарон и сынове его из нея руки своя и ноги водою:

Исх.30:19  с толкованием

20
егда входят в скинию свидения, да омыются водою, и не умрут: или егда приходят ко олтарю служити и приносити всесожжения Господу,

Исх.30:20  с толкованием

21
умыют руце и нозе водою, егда входят в скинию свидения, да не умрут, и да будет им законно вечно, ему и родом его по нем.

Исх.30:21  с толкованием

22
И рече Господь к Моисею, глаголя:

Исх.30:22  с толкованием

23
и ты возми ароматы, цвет смирны избранныя пять сот сиклев, и киннамома благовонна пол сего, двести пятьдесят, и трости благовонныя двести пятьдесят,

Исх.30:23  с толкованием

24
и касии пять сот сиклев святаго, и елеа от маслин (меру) ин,

Исх.30:24  с толкованием

25
и сотвориши сей елей помазание святое, миро помазателное художеством мироварца: елей помазание святое будет,

Исх.30:25  с толкованием

26
и да помажеши от него скинию свидения, и кивот скинии свидения,

Исх.30:26  с толкованием

27
и вся сосуды ея, и светилник и вся сосуды его, и олтарь кадилный,

Исх.30:27  с толкованием

28
и олтарь всесожжения и вся его сосуды, и трапезу и вся ея сосуды, и умывалницу и стояло ея,

Исх.30:28  с толкованием

29
и освятиши я, и будут святая святых: всяк прикасаяйся им освятится:

Исх.30:29  с толкованием

30
и Аарона и сыны его помажеши, и освятиши я священнодействовати Мне:

Исх.30:30  с толкованием

31
и сыном Израилевым да речеши, глаголя: елей масть помазания свят да будет сей вам в роды вашя:

Исх.30:31  с толкованием

32
плоть человеча да не помажется (им), и по сложению сему да не сотворите сами себе иного сице: свят есть и освящение будет вам:

Исх.30:32  с толкованием

33
иже аще сотворит сице, и иже аще даст от него иноплеменнику, потребится от людий своих.

Исх.30:33  с толкованием

34
И рече Господь к Моисею: возми себе ароматы, стакти, ониха и халвана благовонна и ливана чистаго: все то в равну меру да будет:

Исх.30:34  с толкованием

35
и да сотворят в нем фимиам мироварный, дело мироварца смешеное, чисто, дело сто:

Исх.30:35  с толкованием

36
и раздробиши от сих по тонку, и положиши прямо свидению в скинии свидения, отонудуже познан буду тебе тамо: святое святых будет вам фимиам:

Исх.30:36  с толкованием

37
по сложению сему да не сотворите себе сами, освящение будет вам от Господа:

Исх.30:37  с толкованием

38
иже аще сотворит сице, еже обоняти от него, погибнет душа того от людий своих.

Исх.30:38  с толкованием

Толкования на главу Исх.30
этой книги Священного Писания


Библия Толкования на Исход прп. Ефрем Сирин Глава  30

Толкование преподобного Ефрема Сирина
 

Преподобный Ефрем Сирин. Толкование на книгу Исход

Исх.30

Глава 
30

Исх.30  с толкованием

18
Сотвори умывальницу медяну. Умывальница сия, поставленная для умовения между скиниею и алтарем, изображает духовную баню, в которой душа, омываясь от грехов, приуготовляется ко вхождению во внутреннюю скинию.

Исх.30:18  с толкованием

23
И ты возми ароматы самые лучшие: смирны избранной пять сот, и киннамина, и кассии, и трости благовонныя, и елеа от маслин Ин. Сие есть образ вочеловечения Еммануилова, Которого плоть сложена из четырех стихий, и образ того, что все заключено в Еммануиле. В сем видны также пять умосозерцаний: Творец, существа разумные, существа одаренные чувством, существа подлежащие чувствам, и наконец время всех тварей.

Исх.30:23  с толкованием

32
Мира подобного сему да не сотворите сами себе, потому что Еммануил един.

Исх.30:32  с толкованием

34
Возми себе ароматы, стакти, ониха, и халвана, и ливана. И сим также изображается Еммануил, Который призывает всех святых тещи в воню мира Его (Песн.1:3), обновляет их Собою, и, соделав сообразными Себе, вводит в единение с Собою.

Исх.30:34  с толкованием