Глава 
1

Иуд.1  с толкованием

1
Иуда, Иисуса Христа раб, брат же Иакова, сущым о Бозе Отце освященным, Иисус Христом соблюденным званным:

Иуд.1:1  с толкованием

2
милость вам и мир и любы да умножится.

Иуд.1:2  с толкованием

3
Возлюбленнии, всяко тщание творя писати вам о общем спасении вашем, нужду возимех писати вам, моля подвизатися о преданнеи вере святым единою.

Иуд.1:3  с толкованием

4
Привнидоша бо нецыи человецы, древле предуставленнии на сие осуждение, нечестивии, Бога нашего благодать прелагающии в скверну, и единаго Владыки Бога и Господа нашего Иисуса Христа отметающиися.

Иуд.1:4  с толкованием

5
Воспомянути же вам хощу, ведущым и вам единою сие, яко Господь люди от земли Египетския спасе, последи неверовавшыя погуби:

Иуд.1:5  с толкованием

6
аггелы же не соблюдшыя своего начальства, но оставльшыя свое жилище, на суд великаго дне узами вечными под мраком соблюде.

Иуд.1:6  с толкованием

7
Якоже Содома и Гоморра и окрестнии их грады, подобным им образом преблудивше и ходивше вслед плоти иныя, предлежат в показание, огня вечнаго суд подемше,

Иуд.1:7  с толкованием

8
такожде убо и сии, сония видяще, плоть убо сквернят, господства же отметаются, славы же хуляще (не трепещут).

Иуд.1:8  с толкованием

9
Михаил же Архангел, егда со диаволом разсуждая глаголаше о Моисеове телеси, не смеяше суда навести хульна, но рече: да запретит тебе Господь.

Иуд.1:9  с толкованием

10
Сии же, елика убо не ведят, хулят: елика же по естеству яко безсловесная животная ведят, в сих сквернятся.

Иуд.1:10  с толкованием

11
Горе им. Яко в путь Каинов поидоша, и в лесть Валаамовы мзды устремишася, и в пререкании Корреове погибоша.

Иуд.1:11  с толкованием

12
Сии суть в любвах ваших сквернители, с вами ядуще, без боязни себе пасуще: облацы безводни, от ветр преносими: древеса есенна, безплодна, дважды умерша, искоренена.

Иуд.1:12  с толкованием

13
Волны свирепыя моря, воспеняющя своя стыдения: звезды прелестныя, имже мрак тьмы во веки блюдется.

Иуд.1:13  с толкованием

14
Пророчествова же и о сих седмый от Адама Енох, глаголя: се приидет Господь во тьмах святых Ангел Своих,

Иуд.1:14  с толкованием

15
сотворити суд о всех и изобличити всех нечестивых о всех делех нечестия их, имиже нечествоваша, и о всех жестоких словесех их, яже глаголаша Нань грешницы нечестивии.

Иуд.1:15  с толкованием

16
Сии суть ропотницы, укорители, (часть порочна,) в похотех своих ходяще нечестием и законопреступлением: и уста их глаголют прегордая: чудящеся лицам пользы ради.

Иуд.1:16  с толкованием

17
Вы же, возлюбленнии, поминайте глаголы преждереченныя от Апостол Господа нашего Иисуса Христа.

Иуд.1:17  с толкованием

18
Зане глаголаху вам, яко в последнее время будут ругатели, по своих похотех ходяще и нечестиих.

Иуд.1:18  с толкованием

19
Сии суть отделяюще себе (от единости веры, и суть) телесни, духа не имуще.

Иуд.1:19  с толкованием

20
Вы же, возлюбленнии, стою вашею верою назидающе себе, Духом Святым молящеся,

Иуд.1:20  с толкованием

21
сами себе в любви Божиеи соблюдайте, ждуще милости Господа нашего Иисуса Христа, в жизнь вечную.

Иуд.1:21  с толкованием

22
И овех убо милуйте разсуждающе.

Иуд.1:22  с толкованием

23
Овех же страхом спасайте, от огня восхищающе. Обличайте же с боязнию, ненавидяще и яже от плоти оскверненую ризу.

Иуд.1:23  с толкованием

24
Могущему же сохранити вы без греха и без скверны и поставити пред славою Своею непорочных в радости,

Иуд.1:24  с толкованием

25
Единому Премудрому Богу и Спасу нашему, Иисусом Христом Господем нашим, слава и величие, держава и власть, прежде всего века, и ныне, и во вся веки. Аминь.

Иуд.1:25  с толкованием

Толкования на главу Иуд.1
этой книги Священного Писания


Толкование блаженного Феофилакта Болгарского
 

Толкование блаженного Феофилакта, Архиепископа Болгарского на соборное послание Святого Апостола Иуды

Иуд.1