Глава 
15

Лев.15  с толкованием

1
И рече Господь к Моисею и Аарону, глаголя:

Лев.15:1  с толкованием

2
глаголи сыном Израилевым и речеши к ним: мужу, мужу, емуже аще будет излияние от тела его, излияние его нечисто есть.

Лев.15:2  с толкованием

3
И сей закон нечистоты его: изливаяй семя из тела своего, от излияния, имже составлено есть тело его излиянием, сия нечистота его в нем: вся дни излияния тела его, имже составлено тело его излиянием его, нечистота его есть:

Лев.15:3  с толкованием

4
всяко ложе, на немже аше ляжет изливаяй семя, нечисто есть: и всяк сосуд, на немже аще сядет верху его изливаяй семя, нечист будет:

Лев.15:4  с толкованием

5
и человек, иже аще прикоснется ложа его, да исперет ризы своя и да омыет тело свое водою, и нечист будет до вечера:

Лев.15:5  с толкованием

6
и седяй на сосуде, на немже аще сядет верху его изливаяй семя, да исперет ризы своя и да омыется водою, и нечист будет до вечера:

Лев.15:6  с толкованием

7
и прикоснувыйся к плоти изливающаго семя да исперет ризы своя и да омыется водою, и нечист будет до вечера.

Лев.15:7  с толкованием

8
Аще же плюнет изливаяй семя на чистаго, да исперет ризы своя и да измыется водою, и нечист будет до вечера:

Лев.15:8  с толкованием

9
и всяко седло ослее, на неже аще всядет верху его изливаяй семя, нечисто будет до вечера:

Лев.15:9  с толкованием

10
и всяк прикоснувыйся всем, яже суть под ним, нечист будет до вечера: и вземляй я да исперет ризы своя и омыется водою, и нечист будет до вечера:

Лев.15:10  с толкованием

11
и еликим аще коснется изливаяй семя и рук своих не омыет водою, да исперет ризы своя и омыет тело водою, и нечист будет до вечера:

Лев.15:11  с толкованием

12
и сосуд глинян, емуже аще прикоснется изливаяй семя, да разбиется: а сосуд древяный да измыется водою, и чист будет.

Лев.15:12  с толкованием

13
Аще же очистится изливаяй семя от излияния своего, и изчислит себе седмь дний на очищение свое, и исперет ризы своя и омыет тело свое водою живою, и чист будет:

Лев.15:13  с толкованием

14
и в день осмый да возмет себе два горличища или два птенца голубина, и да принесет я пред Господа к дверем скинии свидения, и даст я жерцу:

Лев.15:14  с толкованием

15
и сотворит я жрец един греха ради, и другий во всесожжение: и да помолится о нем жрец пред Господем о излиянии его.

Лев.15:15  с толкованием

16
И человек, емуже аще изыдет от ложа его семя, и да омыет водою все тело свое, и нечист будет до вечера:

Лев.15:16  с толкованием

17
и всяка риза и всяка кожа, на нейже аще будет ложе семенное, да измыется водою, и нечиста будет до вечера.

Лев.15:17  с толкованием

18
И аще ляжет муж с женою своею на ложи семене, да измыются водою, и нечисты будут до вечера.

Лев.15:18  с толкованием

19
И жена яже аще будет кровь точащи, и будет течение ея в телеси ея, седмь дний да будет в скверне своей: и всяк прикасаяйся ей нечист будет до вечера:

Лев.15:19  с толкованием

20
и все, на немже аще седит в течении своем, нечисто будет, и всяко, на неже аще присядет (она), нечисто будет:

Лев.15:20  с толкованием

21
и всяк, иже аще прикоснется ложа ея, да исперет ризы своя и да измыет водою тело свое, и нечист будет до вечера:

Лев.15:21  с толкованием

22
и всяк прикасаяйся всякому сосуду, на немже аще сядет, да исперет ризы своя и да измыется водою, и нечист будет до вечера:

Лев.15:22  с толкованием

23
аще же на ложи ей сущей, или на сосуде, на немже аще сядет (она), егда прикоснется кто ей, нечист будет до вечера.

Лев.15:23  с толкованием

24
Аще же кто будет на ложи с нею, и будет нечистота ея на нем, нечист будет седмь дний: и всяко ложе, на немже аще ляжет, нечисто будет.

Лев.15:24  с толкованием

25
И жена аще точит течение крове дни многи, не во время скверны ея, аше и течет по осквернении ея, вся дни течения нечистоты ея, якоже дни скверны ея, нечиста будет:

Лев.15:25  с толкованием

26
и всяко ложе, на немже аще ляжет вся дни течения ея, по ложи скверны ея будет ей: и всяк сосуд, на немже аще сядет, нечист будет по нечистоте скверны ея:

Лев.15:26  с толкованием

27
и всяк прикасаяйся ей нечист будет, да исперет ризы своя и омыет водою тело свое, и нечист будет до вечера.

Лев.15:27  с толкованием

28
Аще же очистится от течения своего, да сочтет себе седмь дний, и по сих чиста будет:

Лев.15:28  с толкованием

29
и во осмый день да возмет себе два горличища или два птенца голубина, и принесет я к жерцу к дверем скинии свидения,

Лев.15:29  с толкованием

30
и да сотворит жрец, един греха ради и другий во всесожжение, и да помолится о ней жрец пред Господем о течении нечистоты ея.

Лев.15:30  с толкованием

31
И благоговейны сотворите сыны Израилевы от нечистот их: и да не умрут нечистоты ради своея, внегда осквернити им скинию Мою яже в них.

Лев.15:31  с толкованием

32
Сей закон изливающему семя, и аще кому изыдет из него ложе семенное, якоже осквернитися в нем,

Лев.15:32  с толкованием

33
и точащей кровь в скверне своей, и изливающему семя во излиянии своем мужеску полу или женску, и мужу, иже аще поспит со сквернавою.

Лев.15:33  с толкованием

Толкования на главу Лев.15
этой книги Священного Писания


Библия Толкования на Левит прп. Ефрем Сирин Глава  15

Толкование преподобного Ефрема Сирина
 

Преподобный Ефрем Сирин. Толкование на книгу Левит

Лев.15