Глава 
1

Мих.1  с толкованием

1
Слово Господне, еже бысть ко Михею Морасфитину, во дни Иоафама и Ахаза и Езекии царей Иудиных, о нихже виде о Самарии и о Иерусалиме.

Мих.1:1  с толкованием

2
Слышите, людие вси, словеса, и внемли, земле и вси иже на ней, и будет Господь Бог в вас в послушествование, Господь от дому святаго Своего.

Мих.1:2  с толкованием

3
Понеже, се, Господь исходит от места Своего, и снидет и наступит на высоты земныя,

Мих.1:3  с толкованием

4
и поколеблются горы под Ним, и юдоли растают яко воск от лица огня и яко вода сходящи со устремлением.

Мих.1:4  с толкованием

5
Нечестия ради Иаковля вся сия и греха ради дому Израилева. Кое нечестие дому Иаковлю? Не Самариа ли? И кий грех дому Иудина? Не Иерусалим ли?

Мих.1:5  с толкованием

6
И положу Самарию во овощное хранилище селное и в сад винограда, и развергу в пропасть камение ея, и основания ея открыю:

Мих.1:6  с толкованием

7
и вся изваянная ея сокрушат, и вся мзды ея запалят огнем, и вся кумиры ея положу в пагубу: понеже от найма блуда собра и от найма блужения соврати.

Мих.1:7  с толкованием

8
Сего ради возрыдает и восплачется, пойдет боса и нага, сотворит плачь аки змиев и рыдание аки дщерей сиринских:

Мих.1:8  с толкованием

9
яко одержа язва ея, понеже прииде даже до Иуды и коснуся до врат людий моих даже до Иерусалима.

Мих.1:9  с толкованием

10
Уже в Гефе, не величайтеся, и Иенакимляне, не сограждайте из дому на посмеяние, перстию посыплите посмеяние ваше.

Мих.1:10  с толкованием

11
Обитающая добре во градех своих, не изыде живущая в Сеннааре, плачитеся дому (сущаго) близ ея, приимет от вас язву болезней.

Мих.1:11  с толкованием

12
Кто нача во благая вселившейся в болезнех, яко снидоша злая от Господа на врата Иерусалимля,

Мих.1:12  с толкованием

13
шум колесниц и конников: живущая в Лахисе началница греха та есть дщери Сиони, яко в тебе обретошася нечестия Израилева.

Мих.1:13  с толкованием

14
Сего ради даст посылаемыя даже до наследия Гефова, домы суетны, вотще быша царем Израилевым,

Мих.1:14  с толкованием

15
дондеже наследники приведу тебе, живущая в Лахисе, наследие даже до Одоллама приидет, слава дщере Сиони.

Мих.1:15  с толкованием

16
Оброснися и остризися по чадех своих младых: разшири оброснение твое яко орел, понеже пленени быша от тебе.

Мих.1:16  с толкованием

Глава 
2

Мих.2  с толкованием

1
Быша помышляюще труды и делающе злая на ложах своих, и купно со днем совершаху тая, понеже не воздвигоша к Богу рук своих:

Мих.2:1  с толкованием

2
и желаху сел, и грабляху сирот, и домы отимаху, и расхищаху мужа и дом его, и мужа и наследие его.

Мих.2:2  с толкованием

3
Сего ради сия глаголет Господь: се, Аз помышляю на племя сие злая, от нихже не подвигнете вый ваших и не пойдете прости внезапу, яко время зло есть.

Мих.2:3  с толкованием

4
В той день приимется на вы притча, и восплачется плачь с песнию, глаголющь: бедство пострадахом: часть людий моих измерися ужем, и не бе возбраняяй его, еже отвратитися: села ваша разделена быша.

Мих.2:4  с толкованием

5
Сего ради не будет тебе вмещущь ужа в жребии в сонме Господни.

Мих.2:5  с толкованием

6
Не плачитеся слезами, ниже да слезят о сих: не отвержет бо укоризны

Мих.2:6  с толкованием

7
глаголяй: дом Иаковль разгнева Дух Господень: не сия ли суть начинания Его? Не словеса ли Его суть добра с ним, и правии ходиша?

Мих.2:7  с толкованием

8
И прежде людие Мои во вражду сопротивишася, противу миру своему: кожу его одраша, еже отяти упование, сокрушение ратное:

Мих.2:8  с толкованием

9
сего ради старейшины людий Моих извергутся из домов сладости своея, злых ради начинаний своих отриновени быша. Приближитеся горам вечным:

Мих.2:9  с толкованием

10
востани и пойди, яко несть тебе сей покой: нечистоты ради, истлесте тлением,

Мих.2:10  с толкованием

11
прогнастеся ни кимже гоними: дух постави лжу, искапа тебе в вино и пиянство: и будет, от капли людий сих,

Мих.2:11  с толкованием

12
собираемь соберется Иаков со всеми: приемяй прииму оставших Израилевых, вкупе положу возвращение его, аки овцы в скорби, яко паству посреде ложа их: изскочат от человек.

Мих.2:12  с толкованием

13
Взыди просечением пред лицем их: просекоша, и проидоша врата, и изыдоша ими. И изыде царь их пред лицем их, Господь же Вождь их будет.

Мих.2:13  с толкованием

Глава 
3

Мих.3  с толкованием

1
И речет: слышите убо сия, власти дому Иаковля и оставшии дому Израилева: не вам ли есть еже разумети суд?

Мих.3:1  с толкованием

2
Ненавидящии добра, а ищущии зла, похищающии кожы их с них и плоти их от костей их:

Мих.3:2  с толкованием

3
якоже объядоша плоти людий Моих, и кожы их от костей их одраша, и кости их столкоша и содробиша яко плоти в коноб и яко мяса в горнец:

Мих.3:3  с толкованием

4
тако возопиют ко Господу, и не послушает их и отвратит лице Свое от них в то время, понеже слукавноваша в начинаниих своих на Ня.

Мих.3:4  с толкованием

5
Сия глаголет Господь на пророки льстящыя людий Моих, угрызающыя зубы своими и проповедающыя мир на них, и не вдася во уста их, возставиша на них рать:

Мих.3:5  с толкованием

6
сего ради нощь будет вам от видения, и тма будет вам от волхвования, и зайдет солнце на пророки, и померкнет на ня день:

Мих.3:6  с толкованием

7
и усрамятся видящии сония, и посмеяни будут волсви, и возглаголют на них вси сии, зане не будет послушаяй их.

Мих.3:7  с толкованием

8
Аще аз не наполню силы Духом Господним и судом и силою, еже возвестити Иакову нечестия его и Израилеви грехи его.

Мих.3:8  с толкованием

9
Слышите сия, старейшины дому Иаковля и оставшии дому Израилева, гнушающиися судом и вся правая развращающии,

Мих.3:9  с толкованием

10
созидающии Сиона кровьми и Иерусалима неправдами:

Мих.3:10  с толкованием

11
старейшины его на дарех суждаху, и жерцы его на мзде отвещаваху, и пророцы его на сребре волхвоваху, и на Господе почиваху, глаголюще: не Господь ли в нас есть? Не приидут на ны злая.

Мих.3:11  с толкованием

12
Сего ради вас дела Сион якоже нива изорется, и Иерусалим яко овощное хранилище будет, и гора дому якоже луг дубравный.

Мих.3:12  с толкованием

Глава 
4

Мих.4  с толкованием

1
И будет в последния дни явлена гора Господня, уготована над верхи гор, и вознесется выше холмов, и потщатся к ней людие,

Мих.4:1  с толкованием

2
и приидут языцы мнози и рекут: приидите, взыдем на гору Господню и в дом Бога Иаковля: и покажут нам путь Его, и пойдем по стезям Его: яко от Сиона изыдет закон, и слово Господне из Иерусалима,

Мих.4:2  с толкованием

3
и разсудит среде людий многих и изобличит языки крепки даже до земли дальния: и раскуют мечы своя на рала и сулицы своя на серпы, и не ктому возмет язык на язык меча, и не научатся ксему воевати.

Мих.4:3  с толкованием

4
И почиет кийждо под лозою своею и кийждо под смоковницею своею, и не будет устрашающаго, зане уста Господа Вседержителя глаголаша сия.

Мих.4:4  с толкованием

5
Яко вси людие пойдут кийждо в путь свой, а мы пойдем во имя Господа Бога нашего в век и далечае.

Мих.4:5  с толкованием

6
В той день, глаголет Господь, соберу сокрушенную, и отриновенную прииму, и ихже отринух:

Мих.4:6  с толкованием

7
и положу сокрушенную во останок и отриновенную в язык крепок, и воцарится Господь над ними в горе Сионе отныне и до века.

Мих.4:7  с толкованием

8
И ты, столпе паствы мгляный, дщи Сионя, к тебе приидет и внидет власть первая, царство из Вавилона дщери Иерусалимли.

Мих.4:8  с толкованием

9
И ныне вскую познала еси зло? Не бе ли тебе царя? Или совет твой погибе, яко обыдоша тя болезни, аки раждающия?

Мих.4:9  с толкованием

10
Болезнуй и мужайся и приближайся, дщи Сионя, яко раждающая: зане ныне изыдеши из града и вселишися на поли и дойдеши Вавилона: оттуду изимет тя и оттуду избавит тя Господь Бог твой от руки враг твоих.

Мих.4:10  с толкованием

11
И ныне собрашася на тя языцы мнози глаголющии: порадуемся: и воззрят на Сион очи наши.

Мих.4:11  с толкованием

12
Сии же не разумеша помышления Господня и не домыслишася совета Его, яко собра их аки снопы гуменныя.

Мих.4:12  с толкованием

13
Востани и измлати их, дщи Сионя, яко роги твоя положу железны и пазнокти твоя положу медяны, и истончиши люди многи, и возложиши Господеви множество их и крепость их Господеви всея земли.

Мих.4:13  с толкованием

Глава 
5

Мих.5  с толкованием

1
Ныне оградится дщи Ефремова ограждением, рать учини на вы, жезлом поразят о челюсть племен Израилевых.

Мих.5:1  с толкованием

2
И ты, Вифлееме, доме Ефрафов, еда мал еси, еже быти в тысящах Иудиных? Из тебе бо Мне изыдет Старейшина, Еже быти в Князя во Израили, исходи же Его из начала от дний века.

Мих.5:2  с толкованием

3
Сего ради даст я, до времене раждающия породит, и прочии от братии их обратятся к сыном Израилевым.

Мих.5:3  с толкованием

4
И станет, и узрит, и упасет паству Свою крепостию Господь, и в славе имене Господа Бога Своего пребудут: зане ныне возвеличится даже до конец земли.

Мих.5:4  с толкованием

5
И будет Сей мир, егда Ассур приидет на землю вашу, и егда взыдет на страну вашу, и востанут нань седмь пастырей и осмь язв человеческих,

Мих.5:5  с толкованием

6
и упасут Ассура оружием и землю Невродову копиями ея, и избавит от Ассура, егда приидет на землю вашу и егда вступит на пределы вашя.

Мих.5:6  с толкованием

7
И будет останок Иаковль в языцех среде людий многих, аки роса от Господа падающи и яко агнцы на злаце, яко да не соберется ни един, ниже постоит в сынех человеческих.

Мих.5:7  с толкованием

8
И будет останок Иаковль в языцех среде людий многих, аки лев в скотех в дубраве и яко львичищь в стадех овчих, якоже егда пройдет, и отлучив восхитит, и не будет изимающаго.

Мих.5:8  с толкованием

9
Вознесется рука твоя на оскорбляющыя тя, и вси врази твои потребятся.

Мих.5:9  с толкованием

10
И будет в той день, глаголет Господь, потреблю кони твоя из среды твоея и погублю колесницы твоя,

Мих.5:10  с толкованием

11
и потреблю грады земли твоея и развергу вся твердыни твоя,

Мих.5:11  с толкованием

12
и отвергу волхвования твоя от руку твоею, и волхвующии не будут в тебе:

Мих.5:12  с толкованием

13
и потреблю изваянная твоя и кумиры твоя из среды тебе, и посем да не поклонишися делом рук твоих:

Мих.5:13  с толкованием

14
и посеку дубравы от среды тебе и погублю грады твоя:

Мих.5:14  с толкованием

15
и сотворю со гневом и с яростию месть языком, понеже не послушаша Мене.

Мих.5:15  с толкованием