Глава 
4

показать остальные стихи главы...

9
И молихомся ко Богу нашему и поставихом стражы на стене противу их день и нощь от лица их.


10
Рече же Иуда: истомлена есть сила (от) враг, и земля многа есть, и мы не можем созидати стены.


11
И рекоша оскорбляющии нас: не познают и не увидят, дондеже приидем посреде их и убием их, и престати сотворим делу.


12
И бысть егда приидоша Иудее, иже обитаху близ их, и реша нам: восходят от всех язык на ны.


13
И поставих в нижайших местех созади стен в закровении, и поставих люди по племеном с мечи их и с сулицами их и с луками.


14
И видех, и востах, и рекох ко честным и к воеводам и ко прочым людем: не убойтеся от лица их, помяните Господа Бога нашего великаго и страшнаго, и ополчитеся за братию вашу, за сыны вашя и дщери вашя, жены вашя и домы вашя.


15
Бысть же егда услышаша врази наши, яко ведомо бысть нам, и разори Бог совет их: и возвратихомся вси мы на стены, кийждо ко делу своему.

показать остальные стихи главы...