Глава 
1

Откр.1  с толкованием

1
Апокалипсис Иисуса Христа, егоже даде Ему Бог, показати рабом Своим, имже подобает быти вскоре. И сказа, послав чрез Ангела Своего рабу Своему Иоанну,

Откр.1:1  с толкованием

2
иже свидетелствова слово Божие и свидетелство Иисус Христово, и елика виде.

Откр.1:2  с толкованием

3
Блажен чтый, и слышащии словеса пророчествия, и соблюдающии писаная в нем: время бо близ.

Откр.1:3  с толкованием

4
Иоанн седмим церквам, яже суть во Асии: благодать вам и мир от Сущаго, и Иже бе, и Грядущаго, и от седми духов, иже пред престолом Его суть,

Откр.1:4  с толкованием

5
и от Иисуса Христа, Иже есть свидетель верный, первенец из мертвых и князь царей земных: любящу ны и омывшу нас от грех наших Кровию Своею,

Откр.1:5  с толкованием

6
и сотворил есть нас цари и иереи Богу и Отцу Своему, Тому слава и держава во веки веков. Аминь.

Откр.1:6  с толкованием

7
Се, грядет со облаки, и узрит Его всяко око и иже Его прободоша, и плачь сотворят о Нем вся колена земная. Ей, аминь.

Откр.1:7  с толкованием

8
Аз есмь Алфа и Омега, начаток и конец, глаголет Господь, сый, и Иже бе, и грядый, Вседержитель.

Откр.1:8  с толкованием

9
Аз Иоанн, иже и брат ваш и общник в печали и во царствии и в терпении Иисус Христове, бых во острове нарицаемем Патмос за слово Божие и за свидетелство Иисус Христово.

Откр.1:9  с толкованием

10
Бых в дусе в день неделный, и слышах за собою глас велий яко трубы глаголющия: Аз есмь Алфа и Омега, Первый и Последний:

Откр.1:10  с толкованием

11
и: яже видиши, напиши в книгу, и посли церквам, яже суть во Асии: во Ефес и в Смирну, в Пергам и в Фиатир, и в Сардис и в Филаделфию и в Лаодикию.

Откр.1:11  с толкованием

12
И обратихся видети глас, иже глаголаше со мною: и обратився видех седмь светилник златых,

Откр.1:12  с толкованием

13
и посреде седми светилников подобна Сыну Человечу, облечена в подир и препоясана при сосцу поясом златым:

Откр.1:13  с толкованием

14
глава же Его и власи белы аки ярина белая, якоже снег: и очи Его яко пламень огнен:

Откр.1:14  с толкованием

15
и нозе Его подобне халколивану, якоже в пещи разжженне: и глас Его яко глас вод мног:

Откр.1:15  с толкованием

16
и держя в руце Своей десней седмь звезд: и из уст Его мечь обоюду остр изострен исходяй: и лице Его якоже солнце сияет в силе своей.

Откр.1:16  с толкованием

17
И егда видех Его, падох к ногама Его яко мертв. И положи десницу Свою на мне, глаголя ми: не бойся: Аз есмь Первый и Последний

Откр.1:17  с толкованием

18
и живый: и бых мертв, и се, жив есмь во веки веков, аминь: и имам ключи ада и смерти.

Откр.1:18  с толкованием

19
Напиши убо, яже видел еси, и яже суть, и имже подобает быти по сем.

Откр.1:19  с толкованием

20
Таинство седми звезд, яже видел еси на деснице Моей, и седмь светилник златых: седмь звезд Ангели седми церквей суть: и седмь светилников, яже видел еси, седмь церквей суть.

Откр.1:20  с толкованием

Глава 
2

Откр.2  с толкованием

1
Ангелу Ефесския церкве напиши: тако глаголет Держяй седмь звезд в деснице Своей, Ходяй посреде седми светилников златых:

Откр.2:1  с толкованием

2
вем твоя дела, и труд твой, и терпение твое, и яко не можеши носити злых, и искусил еси глаголющыяся быти апостолы, и не суть, и обрел еси их ложных:

Откр.2:2  с толкованием

3
и понесл еси, и терпение имаши, и за имя Мое трудился еси и не изнемогл еси.

Откр.2:3  с толкованием

4
Но имам на тя, яко любовь твою первую оставил еси.

Откр.2:4  с толкованием

5
Помяни убо, откуду спал еси, и покайся, и первая дела сотвори: аще же ни, гряду тебе скоро и двигну светилник твой от места своего, аще не покаешися.

Откр.2:5  с толкованием

6
Но се имаши, яко ненавидиши дел Николаитских, ихже и Аз ненавижду.

Откр.2:6  с толкованием

7
Имеяй ухо да слышит, что Дух глаголет церквам: побеждающему дам ясти от древа животнаго, еже есть посреде рая Божия.

Откр.2:7  с толкованием

8
И Ангелу церкве Смирнския напиши: тако глаголет Первый и Последний, Иже бысть мертв, и (се,) жив есть:

Откр.2:8  с толкованием

9
вем твоя дела и скорбь и нищету, но богат еси, и хулы глаголющихся быти Иудей, и не суть, но сонмище сатанино.

Откр.2:9  с толкованием

10
Не бойся ничесоже, яже имаши пострадати. Се, имать диавол всаждати от вас в темницы, да искуситеся: и имети будете скорбь до десяти дний. Буди верен даже до смерти, и дам ти венец живота.

Откр.2:10  с толкованием

11
Имеяй ухо слышати да слышит, что Дух глаголет церквам: побеждаяй не имать вредитися от смерти вторыя.

Откр.2:11  с толкованием

12
И Ангелу Пергамския церкве напиши: тако глаголет Имеяй мечь обоюду изощрен:

Откр.2:12  с толкованием

13
вем дела твоя, и где живеши, идеже престол сатанин: и держиши имя Мое, и не отверглся еси веры Моея и в (Моя) дни, в няже Антипас свидетель Мой верный, иже убиен бысть в вас, идеже живет сатана.

Откр.2:13  с толкованием

14
Но имам на тя мало, яко имаши ту держащих учение Валаамово, иже учаше Валака положити соблазн пред сынми Израилевыми, ясти жертвы идолския и любы творити.

Откр.2:14  с толкованием

15
Тако имаши и ты держащыя учение Николаитско, егоже ненавижду.

Откр.2:15  с толкованием

16
Покайся: аще ли ни, прииду тебе скоро и брань сотворю с ними мечем уст Моих.

Откр.2:16  с толкованием

17
Имеяй ухо слышати да слышит, что Дух глаголет церквам: побеждающему дам ясти от манны сокровенныя, и дам ему камень бел и на камени имя ново написано, егоже никтоже весть, токмо приемляй.

Откр.2:17  с толкованием

18
И Ангелу Фиатирския церкве напиши: тако глаголет Сын Божий, Имеяй очи свои яко пламень огнен, и нозе Его подобне халколивану:

Откр.2:18  с толкованием

19
вем твоя дела и любовь, и службу и веру, и терпение твое и дела твоя, и последняя болша первых.

Откр.2:19  с толкованием

20
Но имам на тя мало, яко оставляеши жене Иезавели, глаголющей себе быти пророчицу, учити и льстити Моя рабы, любодействовати и снести жертву идолскую.

Откр.2:20  с толкованием

21
И дах ей время, да покается от любодейства своего, и не покаяся.

Откр.2:21  с толкованием

22
Се, Аз полагаю ю на одре и любодеющыя с нею в скорбь велию, аще не покаются от дел своих:

Откр.2:22  с толкованием

23
и чада их умрут смертию: и уразумеют вся церкви, яко Аз есмь испытаяй сердца и утробы: и дам вам комуждо по делом вашым.

Откр.2:23  с толкованием

24
Вам же глаголю и прочым сущым в Фиатире, иже не имут учения сего и иже не разумеют глубин сатаниных, якоже глаголют: не возложу на вы тяготы иныя:

Откр.2:24  с толкованием

25
токмо, еже имате, держите, дондеже прииду.

Откр.2:25  с толкованием

26
И побеждающему и соблюдающему дела Моя до конца, дам ему власть на языцех,

Откр.2:26  с толкованием

27
и упасет я жезлом железным, яко сосуды скудельничи сокрушатся, якоже и Аз приях от Отца Моего:

Откр.2:27  с толкованием

28
и дам ему звезду утреннюю.

Откр.2:28  с толкованием

29
Имеяй ухо слышати да слышит, что Дух глаголет церквам.

Откр.2:29  с толкованием

Глава 
3

Откр.3  с толкованием

1
И Ангелу Сардийския церкве напиши: тако глаголет Имеяй седмь духов Божиих и седмь звезд: вем твоя дела, яко имя имаши яко жив, а мертв еси.

Откр.3:1  с толкованием

2
Буди бдя и утверждая прочая, имже умрети: не обретох бо дел твоих скончаных пред Богом (твоим).

Откр.3:2  с толкованием

3
Поминай убо, како приял еси и слышал еси, и соблюдай и покайся. Аще убо не бдиши, прииду на тя яко тать, и не имаши почути, в кий час прииду на тя.

Откр.3:3  с толкованием

4
Но имаши мало имен и в Сардии, иже не оскверниша риз своих, и ходити имут со Мною в белых, яко достойни суть.

Откр.3:4  с толкованием

5
Побеждаяй, той облечется в ризы белыя, и не имам отмыти имене его от книг животных, и исповем имя его пред Отцем Моим и пред Ангелы Его.

Откр.3:5  с толкованием

6
Имеяй ухо да слышит, что Дух глаголет церквам.

Откр.3:6  с толкованием

7
И Ангелу Филаделфийския церкве напиши: тако глаголет Святый Истинный, имеяй ключь Давидов, отверзаяй, и никтоже затворит, затворяяй, и никтоже отверзет:

Откр.3:7  с толкованием

8
вем твоя дела: се, дах пред тобою двери отверсты, и никтоже может затворити их: яко малу имаши силу, и соблюл еси Мое слово, и не отверглся еси имене Моего.

Откр.3:8  с толкованием

9
Се, даю от сонмища сатанина глаголющыяся быти Иудеи, и не суть, но лгут: се, сотворю их, да приидут и поклонятся пред ногама твоима, и уразумеют, яко Аз возлюбих тя.

Откр.3:9  с толкованием

10
Яко соблюл еси слово терпения Моего, и Аз тя соблюду от годины искушения, хотящия приити на всю вселенную искусити живущыя на земли.

Откр.3:10  с толкованием

11
Се, гряду скоро: держи, еже имаши, да никтоже приимет венца твоего.

Откр.3:11  с толкованием

12
Побеждающаго сотворю столпа в церкви Бога Моего, и боле не имать изыти ктому: и напишу на нем имя Бога Моего и имя града Бога Моего, новаго Иерусалима, сходящаго с небес от Бога Моего, и имя Мое новое.

Откр.3:12  с толкованием

13
Имеяй ухо да слышит, что Дух глаголет церквам.

Откр.3:13  с толкованием

14
И Ангелу Лаодикийския церкве напиши: тако глаголет Аминь, свидетель верный и истинный, начаток создания Божия:

Откр.3:14  с толкованием

15
вем твоя дела, яко ни студен еси ни тепл: не да студен бы был ни тепл.

Откр.3:15  с толкованием

16
Тако, яко обуморен еси, и ни тепл ни студен, изблевати тя от уст Моих имам.

Откр.3:16  с толкованием

17
Зане глаголеши, яко богат есмь и обогатихся и ничтоже требую: и не веси, яко ты еси окаянен и беден, и нищь и слеп и наг.

Откр.3:17  с толкованием

18
Совещаю тебе купити от Мене злато разжжено огнем, да обогатишися, и одеяние бело, да облечешися, и да не явится срамота наготы твоея: и коллурием помажи очи твои, да видиши.

Откр.3:18  с толкованием

19
Аз, ихже аще люблю, обличаю и наказую. Ревнуй убо и покайся.

Откр.3:19  с толкованием

20
Се, стою при дверех и толку: аще кто услышит глас Мой и отверзет двери, вниду к нему и вечеряю с ним, и той со Мною.

Откр.3:20  с толкованием

21
Побеждающему дам сести со Мною на престоле Моем, якоже и Аз победих и седох со Отцем Моим на престоле Его.

Откр.3:21  с толкованием

22
Имеяй ухо да слышит, что Дух глаголет церквам.

Откр.3:22  с толкованием

Глава 
4

Откр.4  с толкованием

1
По сих видех: и се, двери отверсты на небеси, и глас первый, егоже слышах яко трубу глаголющь со мною, глаголя: взыди семо, и покажу ти, емуже подобает быти по сих.

Откр.4:1  с толкованием

2
И абие бых в дусе: и се, престол стояше на небеси, и на престоле Седящь:

Откр.4:2  с толкованием

3
и Седяй бе подобен видением камени иаспису и сардинови: и (бе) дуга окрест престола подобна видением смарагдови.

Откр.4:3  с толкованием

4
И окрест престола престоли двадесять и четыри: и на престолех видех двадесять и четыри старцы седящыя, облечены в белыя ризы, и имяху венцы златы на главах своих.

Откр.4:4  с толкованием

5
И от престола исхождаху молния и громи и гласи: и седмь свещников огненных горящих пред престолом, иже суть седмь духов Божиих:

Откр.4:5  с толкованием

6
и пред престолом море сткляно, подобно кристаллу: и посреде престола и окрест престола четыри животна исполнена очес спреди и созади.

Откр.4:6  с толкованием

7
И животно первое подобно льву, и второе животно подобно телцу, и третие животно имущее лице яко человек, и четвертое животно подобно орлу летящу.

Откр.4:7  с толкованием

8
И животна четыри, едино коеждо их имеяху по шесть крил окрест, и внутрьуду исполнена очес: и покоя не имут день и нощь, глаголюще: свят, свят, свят Господь Бог Вседержитель, Иже бе и сый и грядый.

Откр.4:8  с толкованием

9
И егда даша животная славу и честь и благодарение Седящему на престоле, Живущему во веки веков,

Откр.4:9  с толкованием

10
падоша двадесять и четыри старцы пред Седящим на престоле, и поклонишася Живущему во веки веков, и положиша венцы своя пред престолом, глаголюще:

Откр.4:10  с толкованием

11
достоин еси, Господи, прияти славу и честь и силу, яко Ты еси создал всяческая, и волею Твоею суть, и сотворена.

Откр.4:11  с толкованием

Глава 
5

Откр.5  с толкованием

1
И видех в деснице Седящаго на престоле книгу написану внутрьуду и внеуду, запечатану седмию печатию.

Откр.5:1  с толкованием

2
И видех Ангела крепка проповедающа гласом великим: кто есть достоин разгнути книгу и разрешити печати ея?

Откр.5:2  с толкованием

3
И никтоже можаше ни на небеси, ни на земли, ниже под землею, разгнути книгу, ниже зрети ю.

Откр.5:3  с толкованием

4
И аз плакахся много, яко ни един обретеся достоин разгнути и прочести книгу, ниже зрети ю.

Откр.5:4  с толкованием

5
И един от старец глагола ми: не плачися: се, победил есть лев, иже сый от колена Иудова, корень Давидов, разгнути книгу и разрешити седмь печатей ея.

Откр.5:5  с толкованием

6
И видех, и се, посреде престола и четырех животных и посреде старец Агнец стоящь яко заколен, имущь рогов седмь и очес седмь, еже есть седмь духов Божиих, посланных во всю землю.

Откр.5:6  с толкованием

7
И прииде и прият книгу от десницы Седящаго на престоле.

Откр.5:7  с толкованием

8
И егда прият книгу, четыри животна и двадесять и четыри старцы падоша пред Агнцем, имуще кийждо гусли и фиалы златы полны фимиама, иже суть молитвы святых:

Откр.5:8  с толкованием

9
и поют песнь нову, глаголюще: достоин еси прияти книгу и отверзти печати ея, яко заклался и искупил еси Богови нас Кровию Своею от всякаго колена и языка и людий и племен,

Откр.5:9  с толкованием

10
и сотворил еси нас Богови нашему цари и иереи: и воцаримся на земли.

Откр.5:10  с толкованием

11
И видех, и слышах глас Ангелов многих окрест престола и животных и старец, и бе число их тысяща тысящами,

Откр.5:11  с толкованием

12
глаголюще гласом великим: достоин есть Агнец заколенный прияти силу и богатство, и премудрость и крепость, и честь и славу и благословение.

Откр.5:12  с толкованием

13
И всяко создание, еже есть на небеси и на земли, и под землею и на мори яже суть, и сущая в них, вся слышах глаголющыя: Седящему на престоле и Агнцу благословение и честь, и слава и держава во веки веков.

Откр.5:13  с толкованием

14
И четыри животна глаголаху: аминь. И двадесять и четыри старцы падоша и поклонишася Живущему во веки веков.

Откр.5:14  с толкованием

Глава 
6

Откр.6  с толкованием

1
И видех, егда отверзе Агнец едину от седми печатей, и слышах единаго от четырех животных глаголюща якоже глас громный: гряди и виждь.

Откр.6:1  с толкованием

2
И видех, и се, конь бел, и седяй на нем имеяше лук, и дан бысть ему венец: и изыде побеждаяй, и да победит.

Откр.6:2  с толкованием

3
И егда отверзе печать вторую, слышах второе животно глаголющее: гряди и виждь.

Откр.6:3  с толкованием

4
И изыде другий конь рыжь: и седящему на нем дано бысть взяти мир от земли, и да убиют друг друга: и дан бысть ему мечь великий.

Откр.6:4  с толкованием

5
И егда отверзе третию печать, слышах третие животно глаголющее: гряди и виждь. И видех, и се, конь ворон, и седяй на нем имеяше мерило в руце своей.

Откр.6:5  с толкованием

6
И слышах глас посреде четырех животных глаголющий: мера пшеницы за динарь и три меры ячменя за динарь: и елеа и вина не вреди.

Откр.6:6  с толкованием

7
И егда отверзе четвертую печать, слышах глас четвертаго животна глаголющий: гряди и виждь.

Откр.6:7  с толкованием

8
И видех, и се, конь блед, и седяй на нем, имя ему смерть: и ад идяше вслед его: и дана бысть ему область на четвертей части земли убити оружием и гладом, и смертию и зверьми земными.

Откр.6:8  с толкованием

9
И егда отверзе пятую печать, видех под олтарем душы избиенных за слово Божие и за свидетелство, еже имеяху.

Откр.6:9  с толкованием

10
И возопиша гласом великим, глаголюще: доколе, Владыко Святый и Истинный, не судиши и не мстиши крове нашея от живущих на земли?

Откр.6:10  с толкованием

11
И даны быша коемуждо их ризы белы, и речено бысть им, да почиют еще время мало, дондеже скончаются и клеврети их и братия их, имущии избиени быти, якоже и тии.

Откр.6:11  с толкованием

12
И видех, егда отверзе шестую печать, и се, бысть трус велий, и солнце мрачно бысть яко вретище власяно, и луна бысть яко кровь:

Откр.6:12  с толкованием

13
и звезды небесныя падоша на землю, якоже смоковница отметает пупы своя, от ветра велика движима:

Откр.6:13  с толкованием

14
и небо отлучися яко свиток свиваемо, и всяка гора и остров от мест своих двигнушася:

Откр.6:14  с толкованием

15
и царие земстии и вельможи, и богатии и тысящницы и сильнии, и всяк раб и всяк свободь скрышася в пещерах и камении горстем,

Откр.6:15  с толкованием

16
и глаголаша горам и камению: падите на ны и покрыйте ны от лица Седящаго на престоле и от гнева Агнча:

Откр.6:16  с толкованием

17
яко прииде день великий гнева Его, и кто может стати?

Откр.6:17  с толкованием

Глава 
7

Откр.7  с толкованием

1
И по сем видех четыри Ангелы стоящыя на четырех углех земли, держащыя четыри ветры земския, да не дышет ветр на землю, ни на море, ни на всяко древо.

Откр.7:1  с толкованием

2
И видех инаго Ангела восходяща от восхода солнца, имуща печать Бога живаго. И возопи гласом велиим к четырем Ангелом, имже дано бысть вредити землю и море, глаголя:

Откр.7:2  с толкованием

3
не вредите ни земли, ни моря, ни древес, дондеже запечатлеем рабы Бога нашего на челех их.

Откр.7:3  с толкованием

4
И слышах число запечатленных: сто четыредесять четыри тысящи запечатленных от всякаго колена сынов Израилевых.

Откр.7:4  с толкованием

5
От колена Иудова дванадесять тысящ запечатленных: от колена Рувимова дванадесять тысящ запечатленных: от колена Гадова дванадесять тысящ запечатленных:

Откр.7:5  с толкованием

6
от колена Асирова дванадесять тысящ запечатленных: от колена Неффалимля дванадесять тысящ запечатленных: от колена Манассиина дванадесять тысящ запечатленных:

Откр.7:6  с толкованием

7
от колена Симеонова дванадесять тысящ запечатленных: от колена Левиина дванадесять тысящ запечатленных: от колена Иссахарова дванадесять тысящ запечатленных:

Откр.7:7  с толкованием

8
от колена Завулоня дванадесять тысящ запечатленных: от колена Иосифова дванадесять тысящ запечатленных: от колена Вениаминова дванадесять тысящ запечатленных.

Откр.7:8  с толкованием

9
По сих видех, и се, народ мног, егоже изчести никтоже может, от всякаго языка и колена, и людий и племен, стояще пред престолом и пред Агнцем, облечены в ризы белы, и финицы в руках их.

Откр.7:9  с толкованием

10
И возопиша гласом велиим, глаголюще: спасение седящему на престоле Богу нашему и Агнцу.

Откр.7:10  с толкованием

11
И вси Ангели стояху окрест престола и старец и четырех животных: и падоша на лицы пред престолом и поклонишася Богу,

Откр.7:11  с толкованием

12
глаголюще: аминь: благословение и слава, и премудрость и хвала, и честь и сила и крепость Богу нашему во веки веков. Аминь.

Откр.7:12  с толкованием

13
И отвеща един от старец, глаголя ми: сии облеченнии в ризы белыя кто суть и откуду приидоша?

Откр.7:13  с толкованием

14
И рех ему: господи, ты веси. И рече ми: сии суть, иже приидоша от скорби великия, и испраша ризы своя, и убелиша ризы своя в Крови Агнчи:

Откр.7:14  с толкованием

15
сего ради суть пред престолом Божиим и служат Ему день и нощь в церкви Его, и Седяй на престоле вселится в них:

Откр.7:15  с толкованием

16
не взалчут ктому, ниже вжаждут, не имать же пасти на них солнце, ниже всяк зной:

Откр.7:16  с толкованием

17
яко Агнец, Иже посреде престола, упасет я и наставит их на животныя источники вод, и отимет Бог всяку слезу от очию их.

Откр.7:17  с толкованием

Глава 
8

Откр.8  с толкованием

1
И егда отверзе седмую печать, бысть безмолвие на небеси яко пол часа.

Откр.8:1  с толкованием

2
И видех седмь Ангелов, иже пред Богом стояху: и дано бысть им седмь труб.

Откр.8:2  с толкованием

3
И другий Ангел прииде и ста пред олтарем, имеяй кадилницу злату: и даны быша ему фимиами мнози, да даст молитвам святых всех на олтарь златый сущий пред престолом.

Откр.8:3  с толкованием

4
И изыде дым кадилный молитвами святых от руки Ангела пред Бога.

Откр.8:4  с толкованием

5
И взят Ангел кадилницу, и наполни ю от огня сущаго на олтари, и положи на земли: и быша гласи и громи и блистания и трус.

Откр.8:5  с толкованием

6
И седмь Ангел, иже имеяху седмь труб, уготовашася, да вострубят.

Откр.8:6  с толкованием

7
И первому Ангелу вострубившу, бысть град и огнь, смешены с кровию, и падоша на землю: и третия часть древа погоре, и всяка трава злачная погоре.

Откр.8:7  с толкованием

8
И вторый Ангел воструби, и яко гора велика огнем жегома ввержена бысть в море: и бысть третия часть моря кровь,

Откр.8:8  с толкованием

9
и умре третия часть созданий сущих в мори, имущих душы, и третия часть кораблей погибе.

Откр.8:9  с толкованием

10
И третий ангел воструби, и паде с небесе звезда велика, горящи яко свеща, и паде на третию часть рек и на источники водныя:

Откр.8:10  с толкованием

11
и имя звезде глаголется апсинфос: и бысть третия часть вод яко пелынь, и мнози от человек умроша от вод, яко горьки беша.

Откр.8:11  с толкованием

12
И четвертый Ангел воструби, и уязвена бысть третия часть солнца и третия часть луны и третия часть звезд, да затмится третия часть их, и дне третия часть да не светит, и нощь такожде.

Откр.8:12  с толкованием

13
И видех и слышах единаго Ангела паряща посреде небесе, глаголюща гласом великим: горе, горе, горе живущым на земли от прочих гласов трубных триех Ангел хотящих трубити.

Откр.8:13  с толкованием

Глава 
9

Откр.9  с толкованием

1
И пятый Ангел воструби, и видех звезду с небесе спадшу на землю: и дан бысть ей ключь студенца бездны:

Откр.9:1  с толкованием

2
и отверзе студенца бездны, и взыде дым от студенца яко дым пещи велики, и омерче солнце и воздух от дыма студеничнаго.

Откр.9:2  с толкованием

3
И от дыма изыдоша прузи на землю, и дана бысть им область, якоже имут область скорпии земныя.

Откр.9:3  с толкованием

4
И речено бысть им, да не вредят травы земныя, ни всякаго злака, ни всякаго древа, но человеки точию, иже не имут печати Божия на челех своих.

Откр.9:4  с толкованием

5
И дано бысть им, да не убиют их, но да муку приимут пять месяцей: и мучение их яко мучение скорпиево, егда усекнет человека.

Откр.9:5  с толкованием

6
И в тыя дни взыщут человецы смерти, и не обрящут ея: и вожделеют умрети, и убежит от них смерть.

Откр.9:6  с толкованием

7
И уподобления пругов подобна конем уготовленым на брань: и на главах их яко венцы уподоблени злату, и лица их яко лица человеческа:

Откр.9:7  с толкованием

8
и имеяху власы, яко власы женския, и зубы их, яко львов беша:

Откр.9:8  с толкованием

9
и имеяху броня, яко броня железны, и глас крил их, яко глас колесниц, егда кони мнози текут на брань:

Откр.9:9  с толкованием

10
и имеяху ошибы подобны скорпииным, и жала бяху во ошибех их: и дана бе область им вредити человеки пять месяц.

Откр.9:10  с толкованием

11
И имели над собою царя аггела бездны, емуже имя еврейски Аваддон, а еллински Аполлион.

Откр.9:11  с толкованием

12
Горе едино отиде: се, грядут еще два горя по сих.

Откр.9:12  с толкованием

13
И шестый Ангел воструби, и слышах глас един от четырех рогов олтаря златаго сущаго пред Богом,

Откр.9:13  с толкованием

14
глаголющий шестому Ангелу имеющу трубу: разреши четыри Ангелы связаны при реце велицей Евфрат.

Откр.9:14  с толкованием

15
И разрешени быша четыри Ангели уготовани на час и день, и месяц и лето, да избиют третию часть человек.

Откр.9:15  с толкованием

16
И число воинов конных две тме тем: и слышах число их.

Откр.9:16  с толкованием

17
И тако видех в видении кони, и седящыя на них имущыя броня огненны и иакинфовы и жупелны: и главы конем (их) яко главы львом, и из уст их исхождаше огнь и дым и жупел.

Откр.9:17  с толкованием

18
И от триех язв сих погибе третия часть человеков, от огня и от дыма и от жупела, исходящих из уст их:

Откр.9:18  с толкованием

19
область бо коней во устех их бе, и ошиби их подобни змием, имуще главы и теми пакости деюще.

Откр.9:19  с толкованием

20
И прочии от человек, иже не вреждени быша язвами сими, ниже покаяшася от дел рук своих, да не поклонятся демоном, ни идолом златым и сребряным, и медяным и каменным и древяным, иже ни видети могут, ни слышати, ни ходити:

Откр.9:20  с толкованием

21
и не покаяшася от убийств своих, ни от волхвований своих, ниже от блуда своего, ниже от татьб своих.

Откр.9:21  с толкованием

Глава 
10

Откр.10  с толкованием

1
И видех инаго Ангела крепка сходяща с небесе, оболчена во облак, и дуга над главою (его), и лице его яко солнце, и нозе его яко столпи огнени,

Откр.10:1  с толкованием

2
и имеяше в руце своей книгу разгибену: и постави ногу свою десную на мори, а шуюю на земли,

Откр.10:2  с толкованием

3
и возопи гласом великим, яко лев рыкая: и егда возгласи, глаголаша седмь громов гласы своя.

Откр.10:3  с толкованием

4
И егда возгласиша седмь громов гласы своя, хотех писати: и слышах глас с небесе глаголющь ми: запечатлей, яже глаголаша седмь громов, и сего не пиши.

Откр.10:4  с толкованием

5
И Ангел, егоже видех стояща на мори и на земли, воздвиже руку свою на небо

Откр.10:5  с толкованием

6
и клятся Живущим во веки веков, Иже созда небо и яже на нем, и землю и яже на ней, и море и яже в нем, яко лета уже не будет:

Откр.10:6  с толкованием

7
но во дни гласа седмаго Ангела, егда имать вострубити, тогда скончается тайна Божия, якоже благовести Своими рабы пророки.

Откр.10:7  с толкованием

8
И глас его слышах с небесе паки глаголющь со мною, и глагола: иди и приими книжицу разгнутую в руце Ангела стоящаго на мори и на земли.

Откр.10:8  с толкованием

9
И идох ко Ангелу, глаголя ему: даждь ми книжицу. И рече ми: приими и снеждь ю: и горька будет во чреве твоем, но во устех ти сладка будет яко мед.

Откр.10:9  с толкованием

10
И приях книгу от руки Ангела и снедох ю: и бе во устех моих яко мед сладка: и егда снедох ю, горька бяше во чреве моем.

Откр.10:10  с толкованием

11
И рече ми: подобает ти паки пророчествовати в людех и во племенех, и во языцех и в царех мнозех.

Откр.10:11  с толкованием

Глава 
11

Откр.11  с толкованием

1
И дана ми бысть трость подобна жезлу, глаголя: востани и измери церковь Божию и олтарь, и кланяющыяся в ней:

Откр.11:1  с толкованием

2
а двор сущий внутрь церкве изнеси внеуду, ниже измери его, зане дан бысть языком: и град святый поперут четыредесять и два месяцы.

Откр.11:2  с толкованием

3
И дам обема свидетелема Моима, и прорицати будут дний тысящу двесте и шестьдесят, оболчена во вретище.

Откр.11:3  с толкованием

4
Сии суть две маслицы и два свещника пред Богом земли стояща.

Откр.11:4  с толкованием

5
И иже им неправду сотворит, огнь исходит из уст их и пояст враги их: и иже восхощет обидети их, сему подобает убиену быти.

Откр.11:5  с толкованием

6
И сии имут область затворити небо, да не снидет дождь (на землю) во дни прорицания их, и область имут на водах, обращати я в кровь и поразити землю всякою язвою, елижды аще восхощут.

Откр.11:6  с толкованием

7
И егда скончают свидетелство свое, зверь, иже исходит от бездны, сотворит с ними брань и победит их и убиет я,

Откр.11:7  с толкованием

8
и трупы их оставит на стогнах града великаго, иже нарицается духовне Содом и Египет, идеже и Господь наш распят бысть.

Откр.11:8  с толкованием

9
И зрети имут от людий и племен, и от язык и колен, телеса их дни три и пол, и трупы их не оставят положити во гробех.

Откр.11:9  с толкованием

10
И живущии на земли возрадуются и возвеселятся о них, и дары послют друг ко другу, яко оба сия пророка мучиста живущыя на земли.

Откр.11:10  с толкованием

11
И по триех днех и пол, дух животен внидет в ня от Бога, и станут (оба) на ногах своих: и страх велий нападет на зрящих их.

Откр.11:11  с толкованием

12
И услышат глас велий с небесе, глаголющь им: взыдита семо. И взыдоста на небо на облацех, и видеша я врази их.

Откр.11:12  с толкованием

13
И в час той трус бысть велий, и десятая часть града паде, и погибе трусом имен человеческих седмь тысящ: и прочии пристрашни быша и даша славу Богу небесному.

Откр.11:13  с толкованием

14
Горе второе отиде: се, горе третие грядет скоро.

Откр.11:14  с толкованием

15
И седмый Ангел воструби, и быша гласи велицы на небесех, глаголюще: бысть царство мира Господа нашего и Христа Его, и воцарится во веки веков.

Откр.11:15  с толкованием

16
И двадесять и четыри старцы, пред Богом седящии на престолех своих, падоша на лица своя и поклонишася Богу,

Откр.11:16  с толкованием

17
глаголюще: хвалим Тя, Господи Боже Вседержителю, Иже сый и бе и грядый, яко приял еси силу Твою великую и воцарился еси:

Откр.11:17  с толкованием

18
и языцы прогневашася: и прииде гнев Твой, и время мертвым суд прияти, и дати мзду рабом Твоим пророком и святым и боящымся имене Твоего, малым и великим, и растлити посмраждшыя землю.

Откр.11:18  с толкованием

19
И отверзеся храм Божий на небеси, и явися кивот завета Его в храме Его: и быша блистания и гласи, и громи и трус, и град велик.

Откр.11:19  с толкованием

Глава 
12

Откр.12  с толкованием

1
И знамение велие явися на небеси: жена облечена в солнце, и луна под ногама ея, и на главе ея венец от звезд двоюнадесяте:

Откр.12:1  с толкованием

2
и во чреве имущи, вопиет болящи и страждущи родити.

Откр.12:2  с толкованием

3
И явися ино знамение на небеси: и се, змий велик чермен, имея глав седмь и рогов десять, и на главах его седмь венец:

Откр.12:3  с толкованием

4
и хобот его отторже третию часть звезд небесных и положи я в землю. И змий стояше пред женою хотящею родити, да, егда родит, снесть чадо ея.

Откр.12:4  с толкованием

5
И роди сына мужеска, иже имать упасти вся языки жезлом железным: и восхищено бысть чадо ея к Богу и престолу Его.

Откр.12:5  с толкованием

6
А жена бежа в пустыню, идеже име место уготовано от Бога, да тамо питается дний тысящу двесте шестьдесят.

Откр.12:6  с толкованием

7
И бысть брань на небеси: Михаил и Ангели его брань сотвориша со змием, и змий брася и аггели его,

Откр.12:7  с толкованием

8
и не возмогоша, и места не обретеся им ктому на небеси.

Откр.12:8  с толкованием

9
И вложен бысть змий великий, змий древний, нарицаемый диавол и сатана, льстяй вселенную всю, и вложен бысть на землю, и аггели его с ним низвержени быша.

Откр.12:9  с толкованием

10
И слышах глас велий на небеси, глаголющь: ныне бысть спасение и сила и царство Бога нашего и область Христа Его, яко низложен бысть клеветник братии нашея, оклевещая их пред Богом нашим день и нощь.

Откр.12:10  с толкованием

11
И тии победиша его кровию Агнчею и словом свидетелства своего, и не возлюбиша душ своих даже до смерти.

Откр.12:11  с толкованием

12
Сего ради веселитеся, небеса и живущии на них. Горе живущым на земли и мори, яко сниде диавол к вам, имея ярость великую, ведый, яко время мало имать.

Откр.12:12  с толкованием

13
И егда виде змий, яко низложен бысть на землю, гоняше жену, яже роди мужеска.

Откр.12:13  с толкованием

14
И дана быша жене два крила орла великаго, да парит в пустыню в место свое, идеже препитана бяше ту время и времен и пол времене, от лица змиина.

Откр.12:14  с толкованием

15
И испусти змий за женою из уст своих воду яко реку, да ю в реце потопит.

Откр.12:15  с толкованием

16
И поможе земля жене, и отверзе земля уста своя, и пожре реку, юже изведе змий от уст своих.

Откр.12:16  с толкованием

17
И разгневася змий на жену и иде сотворити брань со оставшим семенем ея, иже соблюдают заповеди Божия и имеют свидетелство Иисус Христово.

Откр.12:17  с толкованием

Глава 
13

Откр.13  с толкованием

1
И стах на песце морстем: и видех из моря зверя исходяща, имуща глав седмь и рогов десять, и на розех его венец десять, а на главах его имена хулна.

Откр.13:1  с толкованием

2
Зверь, егоже видех, бе подобен рыси, и нозе ему яко медведи, и уста его яко уста львова: и даде ему змий силу свою и престол свой и область великую.

Откр.13:2  с толкованием

3
И видех едину от глав его яко заколену в смерть, и язва смерти его изцеле. И чудися вся земля вслед зверя, и поклонишася змию, иже даде область зверю,

Откр.13:3  с толкованием

4
и поклонишася зверю, глаголюще: кто подобен зверю и кто может ратоватися с ним?

Откр.13:4  с толкованием

5
И дана быша ему уста глаголюща велика и хулна, и дана бысть ему область творити месяц четыредесять два.

Откр.13:5  с толкованием

6
И отверзе уста своя в хуление к Богу, хулити имя Его и селение Его и живущыя на небеси.

Откр.13:6  с толкованием

7
И дано бысть ему брань творити со святыми и победити я: и дана бысть ему область на всяцем колене (людий) и на языцех и племенех.

Откр.13:7  с толкованием

8
И поклонятся ему вси живущии на земли, имже не написана суть имена в книгах животных Агнца заколенаго от сложения мира.

Откр.13:8  с толкованием

9
Аще кто имать ухо, да слышит.

Откр.13:9  с толкованием

10
Иже аще в пленение ведет, в пленение пойдет: аще кто оружием убиет, подобает ему оружием убиену быти. Зде есть терпение и вера святых.

Откр.13:10  с толкованием

11
И видех инаго зверя восходящаго от земли, и имеяше рога два, подобна агнчым, и глаголаше яко змий.

Откр.13:11  с толкованием

12
И власть перваго зверя всю творяше пред ним: и творяше землю и вся живущыя на ней поклонитися первому зверю, емуже изцелена бысть язва смертная:

Откр.13:12  с толкованием

13
и сотвори чудеса велика, да и огнь сотворит сходити с небесе на землю пред человеки.

Откр.13:13  с толкованием

14
И льстит живущыя на земли, ради знамений, яже дана быша ему пред зверем творити, глаголя живущым на земли, сотворити образ зверю, иже имать язву оружную и жив бысть.

Откр.13:14  с толкованием

15
И дано бысть ему дати дух образу зверину, да проглаголет икона зверина и сотворит, да иже аще не поклонятся образу звериному, убиени будут.

Откр.13:15  с толкованием

16
И сотворит вся малыя и великия, богатыя и убогия, свободныя и работныя, да даст им начертание на десней руце их или на челех их,

Откр.13:16  с толкованием

17
да никтоже возможет ни купити, ни продати, токмо кто имать начертание, или имя зверя, или число имене его.

Откр.13:17  с толкованием

18
Зде мудрость есть. Иже имать ум, да почтет число зверино: число бо человеческо есть, и число его шесть сот шестьдесят шесть.

Откр.13:18  с толкованием

Глава 
14

Откр.14  с толкованием

1
И видех, и се, Агнец стояше на горе Сионстей, и с Ним сто и четыредесять и четыри тысящы, имуще имя Отца Его написано на челех своих.

Откр.14:1  с толкованием

2
И слышах глас с небесе, яко глас вод многих и яко глас грома велика: и глас слышах гудец гудущих в гусли своя

Откр.14:2  с толкованием

3
и поющих яко песнь нову пред престолом и пред четыри животными и старцы: и никтоже можаше навыкнути песни, токмо сии сто и четыредесять и четыри тысящы искуплени от земли.

Откр.14:3  с толкованием

4
Сии суть, иже с женами не осквернишася, зане девственницы суть: сии последуют Агнцу, аможе аще пойдет. Сии суть куплени от людий первенцы Богу и Агнцу,

Откр.14:4  с толкованием

5
и во устех их не обретеся лесть: без порока бо суть пред престолом Божиим.

Откр.14:5  с толкованием

6
И видех инаго Ангела паряща посреде небесе, имущаго Евангелие вечно благовестити живущым на земли и всякому племени и языку, и колену и людем,

Откр.14:6  с толкованием

7
глаголюща гласом великим: убойтеся Бога и дадите Ему славу, яко прииде час суда Его, и поклонитеся Сотворшему небо и землю, и море и источники водныя.

Откр.14:7  с толкованием

8
И ин Ангел вслед иде, глаголя: паде, паде Вавилон град великий, зане от вина ярости любодеяния своего напои вся языки.

Откр.14:8  с толкованием

9
И третий Ангел вслед его иде, глаголя гласом великим: иже аще кто покланяется зверю и иконе его и приемлет начертание на челе своем или на руце своей,

Откр.14:9  с толкованием

10
и той имать пити от вина ярости Божия, вина нерастворена в чаши гнева Его, и будет мучен огнем и жупелом пред Ангелы святыми и пред Агнцем:

Откр.14:10  с толкованием

11
и дым мучения их во веки веков восходит, и не имут покоя день и нощь покланяющиися зверю и образу его и приемлющии начертание имене его.

Откр.14:11  с толкованием

12
Зде есть терпение святых, иже соблюдают заповеди Божия и веру Иисусову.

Откр.14:12  с толкованием

13
И слышах глас с небесе, глаголющь ми: напиши: блажени мертвии, умирающии о Господе отныне. Ей, глаголет Дух, да почиют от трудов своих: дела бо их ходят вслед с ними.

Откр.14:13  с толкованием

14
И видех, и се, облак светел, и на облаце седяй подобен Сыну Человеческому, имея на главе своей венец злат, и в руце его серп остр.

Откр.14:14  с толкованием

15
И ин Ангел изыде из храма, вопия велиим гласом седящему на облаце: посли серп твой и жни, яко прииде час пожати, зане изсше трава земная.

Откр.14:15  с толкованием

16
И положи седяй на облаце серп свой на землю, и пожата бысть земля.

Откр.14:16  с толкованием

17
И ин Ангел изыде из церкве сущия на небеси, имый и той серп остр.

Откр.14:17  с толкованием

18
И ин Ангел изыде от олтаря, имый область на огни, и возопи кличем великим ко имущему серп острый, глаголя: посли серп твой острый и объемли грозды винограда земнаго, яко созреша уже гроздие ея.

Откр.14:18  с толкованием

19
И положи Ангел серп свой на земли, и обере виноград земский и вложи в точило великия ярости Божия.

Откр.14:19  с толкованием

20
И испрано бысть точило вне града, и изыде кровь от точила даже до узд конских, от стадий тысяща и шесть сот.

Откр.14:20  с толкованием

Глава 
15

Откр.15  с толкованием

1
И видех ино знамение на небеси велие и чудно, седмь Ангел имущих седмь язв последних, зане в тех скончается ярость Божия.

Откр.15:1  с толкованием

2
И видех яко море сткляно смешено со огнем, и победившыя зверя и образ его, и начертание его и число имене его, стоящыя на мори стклянем, имущыя гусли Божия:

Откр.15:2  с толкованием

3
и пояху песнь Моисеа раба Божия и песнь Агнчу, глаголюще: велия и дивна дела Твоя, Господи Боже Вседержителю: праведни и истинни путие Твои, Царю святых:

Откр.15:3  с толкованием

4
кто не убоится Тебе, Господи, и прославит имя Твое? Яко един преподобен еси, яко вси языцы приидут и поклонятся пред Тобою: яко оправдания Твоя явишася.

Откр.15:4  с толкованием

5
И по сих видех, и се, отверзеся храм скинии свидения на небеси:

Откр.15:5  с толкованием

6
и изыдоша седмь Ангел из храма, иже имеяху седмь язв, облечени в ризы льняны чисты и светлы, и препоясани на персех поясы златыми.

Откр.15:6  с толкованием

7
И едино от четырех животных даде седмим Ангелом седмь фиал златых, исполненых ярости Бога живущаго во веки веков.

Откр.15:7  с толкованием

8
И наполнися храм дыма от славы Божия и от силы Его, и никтоже можаше внити во храм, дондеже скончаются седмь язв седмих Ангел.

Откр.15:8  с толкованием

Глава 
16

Откр.16  с толкованием

1
И слышах глас велий от храма глаголющь седмим Ангелом: идите и излийте седмь фиал ярости Божия на землю.

Откр.16:1  с толкованием

2
И иде первый Ангел и излия фиал свой на землю: и бысть гной зол и лют на человецех имущих начертание зверино и кланяющихся иконе его.

Откр.16:2  с толкованием

3
И вторый Ангел излия фиал свой в море: и бысть кровь яко мертвеца, и всяка душа жива умре в мори.

Откр.16:3  с толкованием

4
И третий Ангел излия фиал свой на реки и на источники водныя: и бысть кровь.

Откр.16:4  с толкованием

5
И слышах Ангела воднаго глаголюща: праведен еси, Господи, сый и Иже бе, и преподобн, яко сия судил еси:

Откр.16:5  с толкованием

6
зане кровь святых и пророк излияша, и кровь им дал еси пити: достойни бо суть.

Откр.16:6  с толкованием

7
И слышах другаго от олтаря глаголюща: ей, Господи Боже Вседержителю, истинни и прави суди Твои.

Откр.16:7  с толкованием

8
И четвертый Ангел излия фиал свой на солнце: и дано бысть ему опаляти человеки огнем.

Откр.16:8  с толкованием

9
И опалишася человецы зноем великим, и хулиша имя Божие, иже имать область на язвах сих, и не покаяшася дати Ему славы.

Откр.16:9  с толкованием

10
И пятый Ангел излия фиал свой на престол зверин: и бысть царство его омрачено, и жваху языки своя от болезни,

Откр.16:10  с толкованием

11
и хулиша Бога небеснаго от болезни и от язв своих, и не покаяшася от дел своих.

Откр.16:11  с толкованием

12
И шестый Ангел излия фиал свой на реку велику Евфрат: и изсяче вода ея, да уготовится путь царем сущым от восток солнечных.

Откр.16:12  с толкованием

13
И видех из уст змия и из уст зверя и из уст лжаго пророка духи три нечистыя, яко жабы исходящыя:

Откр.16:13  с толкованием

14
суть бо дуси демонстии творяще знамения, иже исходят к царем всея вселенныя, собрати я на брань в день той великий Бога Вседержителя.

Откр.16:14  с толкованием

15
Се, гряду яко тать: блажен бдяй и блюдый ризы своя, да не наг ходит и узрят срамоту его.

Откр.16:15  с толкованием

16
И собра их на место нарицаемое еврейски Армагеддон.

Откр.16:16  с толкованием

17
И седмый Ангел излия фиал свой на воздух: и изыде глас велий от храма небесе от престола, глаголя: бысть.

Откр.16:17  с толкованием

18
И быша блистания и громи и гласи, и бысть трус велик, яков николиже бысть, отнележе быша человецы на земли, толик трус, тако велий.

Откр.16:18  с толкованием

19
И бысть град велик в три части, и гради язычестии падоша, и Вавилон великий помяновен бысть пред Богом, дати ему чашу вина ярости гнева Своего.

Откр.16:19  с толкованием

20
И всяк остров бежа, и горы не обретошася:

Откр.16:20  с толкованием

21
и град велик, яко талантес, сниде с небесе на человеки: и хулиша человецы Бога от язвы градныя, яко велия есть язва его зело.

Откр.16:21  с толкованием

Глава 
17

Откр.17  с толкованием

1
И прииде един от седми Ангел имущих седмь фиал, и глагола со мною, глаголя ми: прииди, да покажу ти суд любодейцы великия, седящия на водах многих:

Откр.17:1  с толкованием

2
с неюже любодеяша царие земстии, и упишася живущии на земли от вина любодеяния ея.

Откр.17:2  с толкованием

3
И веде мя в пусто место духом: и видех жену седящу на звери червлене, исполненем имен хулных, иже имеяше глав седмь и рогов десять.

Откр.17:3  с толкованием

4
И жена бе облечена в порфиру и червленицу, и позлащена златом и камением драгим и бисером, имущи чашу злату в руце своей полну мерзости и скверн любодеяния ея:

Откр.17:4  с толкованием

5
и на челе ея написано имя: тайна, Вавилон великий, мати любодейцам и мерзостем земским.

Откр.17:5  с толкованием

6
И видех жену пияну кровьми святых и кровьми свидетелей Иисусовых, и дивихся, видев ю, дивом великим.

Откр.17:6  с толкованием

7
И рече ми Ангел: что дивишися? Аз ти реку тайну жены (сея) и зверя носящаго ю, седмь глав имуща и рогов десять.

Откр.17:7  с толкованием

8
Зверь, егоже видел еси, бе, и несть, и имать взыти от бездны, и в пагубу пойдет: и удивятся живущии на земли, имже имена не написана суть в книгу животную от сложения мира, видяще, яко зверь бе, и несть, и преста.

Откр.17:8  с толкованием

9
Зде ум, иже имать мудрость. Седмь глав горы суть седмь, идеже жена седит на них,

Откр.17:9  с толкованием

10
и царие седмь суть: пять их пало, и един есть, (а) другий еще не прииде: и егда приидет, мало ему есть пребыти.

Откр.17:10  с толкованием

11
И зверь, иже бе и несть, и той осмый есть, и от седмих есть, и в пагубу идет.

Откр.17:11  с толкованием

12
И десять рогов, яже видел еси, десять царей суть, иже царства еще не прияша, но область яко царие на един час приимут со зверем.

Откр.17:12  с толкованием

13
Сии едину волю имут, и силу и область свою зверю дадут:

Откр.17:13  с толкованием

14
сии со Агнцем брань сотворят, и Агнец победит я, яко Господь господем есть и Царь царем: и сущии с Ним званнии и избраннии и верни.

Откр.17:14  с толкованием

15
И глагола ми: воды, яже еси видел, идеже любодейца седит, людие и народи суть, и племена и языцы.

Откр.17:15  с толкованием

16
И десять рогов, яже видел еси на звери, сии любодейцу возненавидят, и запустевшу сотворят ю и нагу, и плоть ея снедят, и сожгут ю огнем:

Откр.17:16  с толкованием

17
Бог бо дал есть в сердца их, сотворити волю Его, и сотворити едину волю, и дати царство свое зверю, дондеже скончаются глаголголы Божии.

Откр.17:17  с толкованием

18
И жена, юже видел еси, град есть великий, иже имать царство над цари земными.

Откр.17:18  с толкованием

Глава 
18

Откр.18  с толкованием

1
И по сих видех ина Ангела сходяща с небесе, имуща область велию: и земля просветися от славы его.

Откр.18:1  с толкованием

2
И возопи в крепости, гласом велиим глаголя: паде, паде Вавилон великий, и бысть жилище бесом и хранитель всякому духу нечисту, и хранилище всех птиц нечистых и ненавидимых: яко от вина ярости любодеяния своего напои вся языки,

Откр.18:2  с толкованием

3
и царие земстии с нею любы деяша, и купцы земстии от силы пищи ея разбогатеша.

Откр.18:3  с толкованием

4
И слышах глас ин с небесе, глаголющь: изыдите из нея, людие Мои, да не причаститеся грехом ея и от язв ея да не вредитеся:

Откр.18:4  с толкованием

5
яко прилепишася греси ея даже до небесе, и помяну Бог неправды ея.

Откр.18:5  с толкованием

6
Воздадите ей, яко и та воздаде вам, и усугубите ей сугубо по делом ея: чашею, еюже черпа (вам), черплите ей сугубо.

Откр.18:6  с толкованием

7
Елико прославися и разсвирепе, толико дадите ей мук и рыданий: яко в сердцы своем глаголет, (яко) сежу царицею, и вдова несмь, и рыдания не имам видети.

Откр.18:7  с толкованием

8
Сего ради во един день приидут язвы ей, смерть и плачь и глад, и огнем сожжена будет, яко крепок Господь Бог судяй ей.

Откр.18:8  с толкованием

9
И возрыдают и восплачутся ея царие земстии, любы деявшии с нею и разсвирепевшии, егда узрят дым запаления ея,

Откр.18:9  с толкованием

10
издалеча стояще за страх мук ея, глаголюще: горе, горе, град великий Вавилон, град крепкий, яко во един час прииде суд твой.

Откр.18:10  с толкованием

11
И купцы земстии возрыдают и восплачутся о нем, яко бремен их никтоже купует ктому,

Откр.18:11  с толкованием

12
бремен злата и сребра, и камения драгаго и бисера, и висса и порфиры, и шелка и червени, и всякаго древа фиинна, и всякаго сосуда из кости слоновыя, и всякаго сосуда от древа честнаго, и медяна и железна и мраморна,

Откр.18:12  с толкованием

13
и корицы и фимиама, и мира и ливана, и вина и елеа, и семидала и пшеницы, и скота и овец, и коней и колесниц, и телес и душ человеческих.

Откр.18:13  с толкованием

14
И овощи похотей души твоея отидоша от тебе, и вся тучная и светлая отидоша от тебе, и ктому не имаши обрести их.

Откр.18:14  с толкованием

15
Купцы сими обогащшеся от нея, издалеча станут за страх мучения ея, рыдающе и плачущеся,

Откр.18:15  с толкованием

16
и глаголюще: горе, горе, град великий, облеченный виссом и порфирою и червленицею, и позлащеный златом и камением драгим и бисером

Откр.18:16  с толкованием

17
яко во един час погибе толико богатство. И всяк кормчий, и всяк плаваяй в кораблех, и всяк елик в мори делаяй, издалеча сташа,

Откр.18:17  с толкованием

18
и вопияху, видяще дым раждежения его, глаголюще: кий подобен граду великому?

Откр.18:18  с толкованием

19
И положиша персть на главах своих, и возопиша плачущеся и рыдающе, глаголюще: горе, горе, град великий, в немже обогатишася вси имущии корабли в мори, от чести его: яко единем часом запусте.

Откр.18:19  с толкованием

20
Веселися о сем, небо, и святии Апостоли и пророцы, яко суди Бог суд ваш от него.

Откр.18:20  с толкованием

21
И взят един Ангел крепок камень велик яко жернов и верже в море, глаголя: тако стремлением ввержен будет Вавилон град великий, и не имать обрестися ктому:

Откр.18:21  с толкованием

22
и глас гудец и мусикий, и пискателей и труб не имать слышатися ктому в тебе: и всяк хитрец всякия хитрости не обрящется ктому в тебе, и шум жерновный не будет слышан в тебе:

Откр.18:22  с толкованием

23
и свет светилника не имать светити в тебе ктому, и глас жениха и невесты не имать слышан быти в тебе ктому: яко купцы твои беша вельможи земстии, яко волхвовании твоими прельщени быша вси языцы.

Откр.18:23  с толкованием

24
И в нем кровь пророческа и святых обретеся и всех избиенных на земли.

Откр.18:24  с толкованием

Глава 
19

Откр.19  с толкованием

1
И по сих слышах глас велий народа многа на небеси, глаголющаго: аллилуиа: спасение и слава, и честь и сила Господу нашему,

Откр.19:1  с толкованием

2
яко истинни и прави суди Его: яко судил есть любодейцу велику, яже посмради землю любодеянием своим, и отмстил кровь рабов Своих от руки ея.

Откр.19:2  с толкованием

3
И второе реша: аллилуиа. И дым ея восхождаше во веки веков.

Откр.19:3  с толкованием

4
И падоша двадесять и четыри старцы и четыри животна и поклонишася Богови седящему на престоле, глаголюще: аминь, аллилуиа.

Откр.19:4  с толкованием

5
И глас изыде от престола глаголющь: пойте Богу нашему, вси раби Его и боящиися Его, и малии и велицыи.

Откр.19:5  с толкованием

6
И слышах яко глас народа многа, и яко глас вод многих, и яко глас громов крепких, глаголющих: аллилуиа, яко воцарися Господь Бог Вседержитель:

Откр.19:6  с толкованием

7
радуимся и веселимся, и дадим славу Ему: яко прииде брак Агнчий, и жена Его уготовила есть себе.

Откр.19:7  с толкованием

8
И дано бысть ей облещися в виссон чист и светел: виссон бо оправдания святых есть.

Откр.19:8  с толкованием

9
И глагола ми: напиши: блажени званнии на вечерю брака Агнча. И глагола ми: сия словеса истинна Божия суть.

Откр.19:9  с толкованием

10
И пад пред ногама его, поклонихся ему: и глагола ми: виждь, ни: клеврет ти есмь и братий твоих имущих свидетелство Иисусово: Богу поклонися: свидетелство бо Иисусово есть дух пророчествия.

Откр.19:10  с толкованием

11
И видех небо отверсто, и се, конь бел, и седяй на нем Верен и Истинен, и Правосудный и Воинственный:

Откр.19:11  с толкованием

12
очи же Ему (еста) яко пламень огнен, и на главе Его венцы мнози: имый имя написано, еже никтоже весть, токмо Он Сам:

Откр.19:12  с толкованием

13
и облечен в ризу червлену кровию. И нарицается имя Его Слово Божие.

Откр.19:13  с толкованием

14
И воинства небесная идяху вслед Его на конех белых, облечени в виссон бел и чист.

Откр.19:14  с толкованием

15
И из уст Его изыде оружие остро, да тем избиет языки: и Той упасет я жезлом железным, и Той перет точило вина ярости и гнева Божия Вседержителева.

Откр.19:15  с толкованием

16
И имать на ризе и на стегне Своем имя написано: Царь царем и Господь господем.

Откр.19:16  с толкованием

17
И видех единаго Ангела стояща на солнце: и возопи гласом велиим, глаголя всем птицам парящым посреде небесе: приидите и соберитеся на вечерю великую Божию,

Откр.19:17  с толкованием

18
да снесте плоти царей и плоти крепких и плоти тысящников, и плоти коней и седящих на них, и плоти всех свободных и рабов, и малых и великих.

Откр.19:18  с толкованием

19
И видех зверя и цари земныя и вои их собраны сотворити брань с Седящим на кони и с воинствы Его.

Откр.19:19  с толкованием

20
И ят бысть зверь и с ним лживый пророк, сотворивый знамения пред ним, имиже прельсти приемшыя начертание зверино и покланяющыяся иконе его: жива ввержена быста оба в езеро огненное горящее жупелом:

Откр.19:20  с толкованием

21
а прочии убиени быша оружием Седящаго на кони, изшедшим из уст Его: и вся птицы насытишася от плотей их.

Откр.19:21  с толкованием

Глава 
20

Откр.20  с толкованием

1
И видех Ангела сходяща с небесе, имеюща ключь бездны и уже велико в руце своей:

Откр.20:1  с толкованием

2
и ят змия, змия древняго, иже есть диавол и сатана, и связа и на тысящу лет,

Откр.20:2  с толкованием

3
и в бездну затвори его, и заключи его, и запечатле над ним, да не прельстит ктому языки, дондеже скончается тысяща лет: и по сих подобает ему отрешену быти на мало время.

Откр.20:3  с толкованием

4
И видех престолы и седящыя на них, и суд дан бысть им: и душы растесаных за свидетелство Иисусово и за слово Божие, иже не поклонишася зверю, ни иконе его, и не прияша начертания на челех своих и на руце своей. И ожиша и воцаришася со Христом тысящу лет:

Откр.20:4  с толкованием

5
прочии же мертвецы не ожиша, дондеже скончается тысяща лет. Се воскресение первое.

Откр.20:5  с толкованием

6
Блажен и свят, иже имать часть в воскресении первем: на нихже смерть вторая не имать области, но будут иерее Богу и Христу и воцарятся с Ним тысящу лет.

Откр.20:6  с толкованием

7
И егда скончается тысяща лет, разрешен будет сатана от темницы своея и изыдет прельстити языки сущыя на четырех углех земли, Гога и Магога, собрати их на брань, ихже число яко песок морский.

Откр.20:7  с толкованием

8
И взыдоша на широту земли и обыдоша святых стан и град возлюбленный.

Откр.20:8  с толкованием

9
И сниде огнь от Бога с небесе и пояде я:

Откр.20:9  с толкованием

10
и диавол льстяй их ввержен будет в езеро огненно и жупелно, идеже зверь и лживый пророк: и мучени будут день и нощь во веки веков.

Откр.20:10  с толкованием

11
И видех престол велик бел и Седящаго на нем, Егоже от лица бежа небо и земля, и место не обретеся им.

Откр.20:11  с толкованием

12
И видех мертвецы малыя и великия стоящя пред Богом, и книги разгнушася: и ина книга отверзеся, яже есть животная: и суд прияша мертвецы от написаных в книгах, по делом их.

Откр.20:12  с толкованием

13
И даде море мертвецы своя, и смерть и ад даста своя мертвецы: и суд прияша по делом своим,

Откр.20:13  с толкованием

14
и смерть и ад ввержена быста в езеро огненное. И се есть вторая смерть.

Откр.20:14  с толкованием

15
И иже не обретеся в книзе животней написан, ввержен будет в езеро огненное.

Откр.20:15  с толкованием

Глава 
21

Откр.21  с толкованием

1
И видех небо ново и землю нову: первое бо небо и земля первая преидоста, и моря несть ктому.

Откр.21:1  с толкованием

2
И аз Иоанн видех град святый, Иерусалим нов сходящь от Бога с небесе, приготован яко невесту украшену мужу своему.

Откр.21:2  с толкованием

3
И слышах глас велий с небесе, глаголющь: се, скиния Божия с человеки, и вселится с ними: и тии людие Его будут, и Сам Бог будет с ними Бог их:

Откр.21:3  с толкованием

4
и отимет Бог всяку слезу от очию их, и смерти не будет ктому: ни плача, ни вопля, ни болезни не будет ктому, яко первая мимоидоша.

Откр.21:4  с толкованием

5
И рече Седяй на престоле: се, нова вся творю. И глагола ми: напиши, яко сия словеса истинна и верна суть.

Откр.21:5  с толкованием

6
И рече ми: совершишася. Аз есмь Алфа и Омега, начаток и конец: аз жаждущему дам от источника воды животныя туне.

Откр.21:6  с толкованием

7
Побеждаяй наследит вся, и буду ему Бог, и той будет Мне в сына.

Откр.21:7  с толкованием

8
Страшливым же и неверным, и скверным и убийцам, и блуд творящым и чары творящым, идоложерцем и всем лживым, часть им в езере горящем огнем и жупелом, еже есть смерть вторая.

Откр.21:8  с толкованием

9
И прииде ко мне един от седми Ангел, имущих седмь фиал исполненых седмих язв последних, и рече ко мне, глаголя: гряди, покажу ти невесту Агнчу жену.

Откр.21:9  с толкованием

10
И веде мя духом на гору велику и высоку и показа ми град великий, святый Иерусалим низходящь с небесе от Бога,

Откр.21:10  с толкованием

11
имущь славу Божию: и светило его подобно камени драгому, яко камени иаспису кристаловидну:

Откр.21:11  с толкованием

12
имущь стену велику и высоку, имущь врат дванадесять, и на вратех Ангелов дванадесять и имена написана, яже суть имена дванадесятим коленом сынов Израилевых:

Откр.21:12  с толкованием

13
от востока врата троя и от севера врата троя, от юга врата троя и от запада врата троя.

Откр.21:13  с толкованием

14
И стена града имеяше оснований дванадесять, и на них имен дванадесять Апостолов Агнчих.

Откр.21:14  с толкованием

15
И глаголяй со мною имеяше трость злату, да измерит град и врата его и стены его.

Откр.21:15  с толкованием

16
И град на четыри углы стоит, и долгота его толика есть, елика же и широта. И измери град тростию на стадий дванадесять тысящ: долгота и широта и высота его равна суть.

Откр.21:16  с толкованием

17
И размери стену его во сто и четыридесять и четыри лакти, в меру человеческу, яже есть Ангела.

Откр.21:17  с толкованием

18
И бе создание стены его иаспис: и град злато чисто, подобен стклу чисту.

Откр.21:18  с толкованием

19
И основания стены града всяким драгим камением украшена бяху: основание первое иаспис, второе сапфир, третие халкидон, четвертое смарагд,

Откр.21:19  с толкованием

20
пятое сардоникс, шестое сардий, седмое хрисолиф, осмое вирилл, девятое топазий, десятое хрисопрас, первоенадесять иакинф, второенадесять амефист.

Откр.21:20  с толкованием

21
И дванадесять врат дванадесять бисеров: едина каяждо врата беша от единаго бисера. И стогны града злато чисто, яко сткло пресветло.

Откр.21:21  с толкованием

22
И храма не видех в нем: Господь бо Бог Вседержитель храм ему есть, и Агнец.

Откр.21:22  с толкованием

23
И град не требуя солнца и луны, да светят в нем, слава бо Божия просвети его, и светилник его Агнец.

Откр.21:23  с толкованием

24
И языцы спасени во свете его пойдут, и царие земстии принесут славу и честь свою в него.

Откр.21:24  с толкованием

25
И врата его не имут затворитися во дни: нощи бо не будет ту.

Откр.21:25  с толкованием

26
И принесут славу и честь языков в него:

Откр.21:26  с толкованием

27
и не имать в него внити всяко скверно, и творяй мерзость и лжу, но токмо написаныя в книгах животных Агнца.

Откр.21:27  с толкованием

Глава 
22

Откр.22  с толкованием

1
И показа ми чисту реку воды животныя, светлу яко кристалл, исходящу от престола Божия и Агнча.

Откр.22:1  с толкованием

2
Посреде стогны его и по обаполы реки древо животное, еже творит плодов дванадесяте, на кийждо месяц воздая плод свой: и листвие древа во изцеление языком.

Откр.22:2  с толкованием

3
И всяка анафема не будет ктому: и престол Божий и Агнечь будет в нем, и раби Его послужат Ему,

Откр.22:3  с толкованием

4
и узрят лице Его, и имя Его на челех их.

Откр.22:4  с толкованием

5
И нощи не будет тамо, и не потребуют света от светилника, ни света солнечнаго, яко Господь Бог просвещает я: и воцарятся во веки веков.

Откр.22:5  с толкованием

6
И рече ми: сия словеса верна и истинна: и Господь Бог святых пророк посла Ангела Своего показати рабом Своим, имже подобает быти вскоре.

Откр.22:6  с толкованием

7
Се, гряду скоро: блажен соблюдаяй словеса пророчества книги сея.

Откр.22:7  с толкованием

8
И аз Иоанн видех сия и слышах. И егда слышах и видех, падох поклонитися на ногу Ангела показующаго ми сие:

Откр.22:8  с толкованием

9
и глагола ми: виждь, ни: клеврет бо твой есмь и братии твоея пророков и соблюдающих словеса книги сея: Богу поклонися.

Откр.22:9  с толкованием

10
И глагола ми: не запечатлей словес пророчествия книги сея: яко время близ есть.

Откр.22:10  с толкованием

11
Обидяй да обидит еще, и скверный да осквернится еще: и праведный правду да творит еще: и святый да святится еще.

Откр.22:11  с толкованием

12
И се, гряду скоро, и мзда Моя со Мною, воздати коемуждо по делом его.

Откр.22:12  с толкованием

13
Аз есмь Алфа и Омега, начаток и конец, Первый и Последний.

Откр.22:13  с толкованием

14
Блажени творящии заповеди Его, да будет область им на древо животное, и враты внидут во град.

Откр.22:14  с толкованием

15
Вне же пси и чародее, и любодее и убийцы, и идолослужителе и всяк любяй и творяй лжу.

Откр.22:15  с толкованием

16
Аз Иисус послах Ангела Моего засвидетелствовати вам сия в церквах. Аз есмь корень и род Давидов, и звезда утренняя и денница.

Откр.22:16  с толкованием

17
И Дух и невеста глаголют: прииди, и слышяй да глаголет: прииди. И жаждяй да приидет, и хотяй да приимет воду животную туне.

Откр.22:17  с толкованием

18
Сосвидетелствую бо всякому слышащему словеса пророчества книги сея: аще кто приложит к сим, наложит Бог на него язв написанных в книзе сей:

Откр.22:18  с толкованием

19
и аще кто отимет от словес книги пророчествия сего, отимет Бог часть его от книги животныя, и от града святаго, и написанных в книзе сей.

Откр.22:19  с толкованием

20
Глаголет свидетелствуяй сия: ей, гряду скоро: аминь. Ей, гряди Господи Иисусе.

Откр.22:20  с толкованием

21
Благодать Господа нашего Иисуса Христа со всеми вами. Аминь.

Откр.22:21  с толкованием