показать остальные стихи главы...
1
Списание послания ко отводимым пленником в Вавилон от царя Вавилонскаго, еже посла Иеремиа, возвестити им, якоже повелено бысть ему от Бога.
2
Грех ради, имиже согрешисте пред Богом, отведетеся в Вавилон пленени Навуходоносором царем Вавилонским.
3
Вшедше убо в Вавилон, будете тамо лета многа и время долго, до седми родов: потом же изведу вас оттуду с миром.
4
Ныне же узрите в Вавилоне боги сребряны и златы, и каменны и древяны на раменах носимы, показующыя страх языком.
5
Блюдитеся убо, да не и вы иноплеменником уподобитеся, и страх приимет вас от них: видевше народ напреди и созади их кланяющься им, рцыте убо во уме: Тебе лепо есть кланятися, Владыко!
7
Язык бо их изстроган есть древоделею, тии же позлащени и посребрени, лживи же суть и не могут глаголати,
10
Дадят же от них и блудницам сущым в дому, а боги украшают аки человеков ризами, боги златыя и сребряныя и древяныя.
14
Имать же и мечь в деснице и секиру, сам же себе от рати и от разбойник не отимет: отсюду знаеми суть, яко не суть бози: не убойтеся убо их.
16
тацы суть бози их: егда же поставлени будут в домех, очи их полны суть праха от ногу входящих.
17
И якоже кому преобидевшу царя, заключени бывают дворы, или яко на смерть отводиму, храмы их утверждают жерцы дверьми и замками и заворами, да от разбойник окрадени не будут.
19
Суть убо яко бервна в дому, сердца же их точат черви, иже от земли, и одежду их, они же не чувствуют сего.
21
по телесем их и по главе парят нетопыри нощнии, и ластовицы и птицы, такожде и котки (скачут).
23
Злато бо лежащее на них на красу, аще не очистит кто от ржи, не возблистают: егда бо сливаху их, не чувствоваша.
25
Без ног на рамех носятся, являюще свое безчестие человеком, осрамляются же и служащии им:
26
занеже, егда когда падутся на землю, и не могут сами востати: и аще кто поставит я прямо, не могут поступити, и аще преклонятся, не могут исправити себе, но яко мертвецем дары им полагают.
27
Требы же их продающе жерцы на зло употребляют: такожде и жены их варят от них, ни единому же убогу, ни немощну подают:
28
треб их нечистыя и кровоточныя жены прикасаются. Уразумевше убо от сих, яко не суть бози, не бойтеся их.
30
И во храмех их жерцы седают, имуще ризы растерзаны и главы и брады обриты, ихже главы не покровены суть:
33
И аще от кого зло постраждут или добро, не могут отдати: ни царя могут поставити, ни отяти:
34
такожде ни богатства ни меди могут дати. Аще кто им что обещав не отдаст, не воспросят.
38
Подобни суть камению нагорному бози их древяни и каменни, и позлащени и посребрени, служащии же им посрамятся.
показать остальные стихи главы...
40
Ктому же и сами тии Халдее не чтут их: иже егда узрят нема не могуща глаголати, приносят его к Вилу, емуже молятся, да глаголет, аки сильну сущу почути.
43
Егда же которая от них привлечена от некоего мимоходяща будет с ним, ближнюю укаряет, яко не сподобилася якоже и она, ни уже ея преторгнулося.
45
Древоделями и златари сотворени суть: ничтоже ино бывают, но еже хотят художницы, то бывают.
47
Како убо сотворенная ими могут быти бози? Оставиша бо по себе лжу и укоризну потом будущым:
48
егда бо приидет на них рать и злая, совещавают между собою жерцы, где скрыются с ними.
49
Како убо несть чувствовати, яко не суть бози, иже не избавляют себе от рати, ни от зла?
50
Древяни суще и каменни, и позлащени и посребрени, познаются потом языком всем, яко лжа суть: и царем явни будут, яко не суть бози, но дела рук человеческих, и ни едино дело Божие в них есть:
54
якоже бо враны между небом и землею суть: и егда падет огнь на храме богов древяных или каменных, или позлащеных или посребреных, жерцы их избегнут и уцелеют, они же яко бервна посреде сгорят.
56
Ни от разбойник, ни от татей избавят себе бози древяни и каменни, и посребрени и позлащени.
58
Темже лучше есть царь показуяй свое мужество, или сосуд в дому потребен, егоже употребляет владяй им, нежели лживии бози: или дверь в дому стрегущи яже в нем, нежели лживии бози: и древяный столп в дому царстем, нежели лживии бози.
59
Солнце бо и луна и звезды, светлы суще и посылаемы на потребу, благопослушливы суть.
60
Такожде и молния, егда блистает, благовидна есть: такожде и ветр во всей стране веет.
62
Огнь же пущен свыше истребити горы и дубравы творит повеленное: сии же ни образом, ниже силам их уподоблени суть.
63
Темже ни мнети мощно, ни прозывати их быти боги, не сильным им сущым ни прю разсудити, ни добра сотворити человеком.
66
Знамения же на небеси и во языцех не покажут: ни просветят яко солнце, ни осветят яко луна.
69
Якоже бо во овощнице пужало ничесоже хранит, такожде и бози их суть древяни и каменни, и посребрени и позлащени.
70
Тем же образом и хвраст, иже во ограде, на немже вся птицы седают: такожде и мертвецу повержену во тме подобни суть бози их, древяни, позлащени и посребрени.
71
От багряницы, (в нюже одеяни,) и от мрамора, иже на них плеснивеет, познайте, яко не суть бози: тии бо последи изядени будут от червия и будут во укоризну во стране.