Глава 
9

показать остальные стихи главы...

6
Аще бо кто будет и совершен в сынех человеческих, отсутствующей Твоей премудрости, ни во чтоже вменится.


7
Ты избрал мя еси царя людем Твоим и судию сыном Твоим и дщерем,


8
и рекл ми еси создати храм в горе святей Твоей и во граде обитания Твоего олтарь, подобием скинии (Твоея) святыя, юже предуготовал еси от начала.


9
И с Тобою премудрость ведущая дела Твоя и присутствующая тогда, егда мир творил еси, и ведущая, что есть угодно пред очима Твоима и что право в заповедех Твоих:


10
посли ю с небес святых и от престола славы Твоея посли ю: да сущи со мною трудится, и увем, что благоугодно есть пред Тобою:


11
весть бо она вся и разумеет, и наставит мя в делех моих целомудренне и сохранит мя во славе своей:


12
и будут приятна дела моя, и разсужду люди Твоя праведне, и буду достоин престолов отца моего.

показать остальные стихи главы...