свара же твоя и вражда твоя не отступит, но будет ти равна со смертию. Благодать и любы свобождает, в нихже утверди себе, да не в поношении будеши, но сохрани пути твоя добре устроены.

Притч.25:10

(Якоже) яблоко злато во усерязи сардийскаго камене, сице рещи слово при приличных ему.

Притч.25:11

И (якоже) во усерязь златый сардийский камень многоценный вяжется, (сице) слово премудро во ухо благопослушно.

Притч.25:12

Якоже исходище снега в жатву зноя пользует, тако вестник верен пославших его: душы бо употребляющих его пользует.

Притч.25:13

Якоже ветри и облацы и дождеве являющиися, тако и хвалящийся о даянии ложнем.

Притч.25:14

В долготерпении благополучие царем: язык же мякок сокрушает кости.

Притч.25:15

Мед обрет яждь умеренно, да не како пресыщен изблюеши.

Притч.25:16

Не учащай вносити ногу твою ко другу твоему, да не когда насыщься тебе, возненавидит тя.

Притч.25:17

Дреколь и мечь и стрела остра, тако и муж свидетелствуяй на друга своего свидетелство ложное.

Притч.25:18

Путь злаго и нога законопреступнаго погибнут в день зол.

Притч.25:19

Якоже оцет неполезен вреду и дым очима, тако припадшая страсть в телеси сердце оскорбляет.

Притч.25:20

Якоже молие в ризе и червие в древе, тако печаль мужу вредит сердце.

Притч.25:21

Аще алчет враг твой, ухлеби его: аще ли жаждет, напой его:

Притч.25:22

сие бо творя, углие огненное собираеши на главу его, Господь же воздаст тебе благая.

Притч.25:23

Ветр северный воздвизает облаки, лице же безстудно язык раздражает.

Притч.25:24

показать остальные стихи главы...

Лучше жити во угле непокрытем, неже во храмине общей со женою клеветливою.

Притч.25:25

Якоже вода студеная души жаждущей благоприятна, тако весть благая от земли издалеча.

Притч.25:26

Якоже аще кто источник заграждает и исходище воды губит, тако не лепо праведнику пасти пред нечестивым.

Притч.25:27

Ясти мед много не добро: почитати же подобает словеса славна.

Притч.25:28

Якоже град стенами разорен и не огражден, тако муж творяй что без совета.

Притч.25:29

Притчи

Глава 25

Глава
25