« на главную

Библия

Славянский текст

Книга Притчей Соломоновых

Стих 30:11

Притчи

Притч

Переводы »: Русский Синодальный

Церковно-славянский

Глава
30

Притч.30

показать остальные стихи главы...

Сия глаголет муж верующым Богови, и почиваю:

Притч.30:1

безумнее бо есмь от всех человек, и разума человеческаго несть во мне:

Притч.30:2

Бог же научи мя премудрости, и разум святых уразумех.

Притч.30:3

Кто взыде на небо и сниде? Кто собра ветры в недра? Кто возврати воду в ризу? Кто обдержа вся концы земли? Кое имя его? Или кое имя сыну его, да разумееши?

Притч.30:4

Вся бо словеса Божия раздежена: защищает же Сам благоговеющих Ему.

Притч.30:5

Не приложи ко словесем Его, да не обличит тя, и ложь будеши.

Притч.30:6

Двое прошу у Тебе: не отими от мене благодати прежде умертвия моего:

Притч.30:7

суетно слово и ложно далече от мене сотвори, богатства же и нищеты не даждь ми: устрой же ми потребная и самодоволная,

Притч.30:8

да не насыщься ложь буду и реку: кто мя видит? Или обнищав украду и кленуся именем Божиим.

Притч.30:9

Не предаждь раба в руце господина, да не когда прокленет тя, и изчезнеши.

Притч.30:10

Чадо зло кленет отца и матерь не благословит.

Притч.30:11

Чадо зло праведна себе судит, исхода же своего не измы.

Притч.30:12

Чадо зло высоки очи имать, веждома же своима возносится.

Притч.30:13

Чадо зло мечь зубы (своя) имать, и членовныя яко сечиво, еже губити и поядати смиренныя от земли и убогия их от человек.

Притч.30:14

показать остальные стихи главы...

Пиявица име три дщери, любовию возлюблены, и три сия не насытишася ея, и четвертая не удовлися рещи: доволно (ми есть).

Притч.30:15

Ад и похоть жены, и земля ненапоеная водою и вода и огнь не рекут: довлеет.

Притч.30:16

Око ругающееся отцу и досаждающее старости матерни, да исторгнут е вранове от дебрия и да снедят е птенцы орли.

Притч.30:17

Трие ми суть невозможная уразумети, и четвертаго не вем:

Притч.30:18

следа орла паряща (по воздуху) и пути змиа (ползуща) по камени, и стези корабля пловуща по морю и путий мужа в юности (его).

Притч.30:19

Таков путь жены блудницы: яже егда сотворит, и измывшися, ничтоже, рече, содеях нелепо.

Притч.30:20

Треми трясется земля, четвертаго же не может понести:

Притч.30:21

аще раб воцарится, и безумный исполнится пищею, и раба аще изженет свою госпожу,

Притч.30:22

и мерзкая жена аще ключится добру мужу.

Притч.30:23

Четыри же суть малейшая на земли, сия же суть мудрейша мудрых:

Притч.30:24

мравие, имже несть крепости и уготовляют в жатву пищу:

Притч.30:25

и хирогрилли, язык не крепок, иже сотвориша в камениих домы своя:

Притч.30:26

безцарни суть прузие, и воюют от единаго повеления благочинно:

Притч.30:27

ящерица, руками опирающися и удобь уловляема сущи, живет во твердех царевых.

Притч.30:28

Трие суть, яже благопоспешно ходят, четвертое же, еже добре проходит:

Притч.30:29

скимен львов крепчае зверей, иже не отвращается, ни устрашается скота,

Притч.30:30

и петель ходя в кокошех благодушен, и козел предводитель стаду, и царь глаголяй к народу во языце.

Притч.30:31

Аще вдаси себе в веселие и простреши руку твою со сваром, поруган будеши.

Притч.30:32

Мельзи млеко, и будет масло. Аще ли ноздри чешеши, изыдет кровь: аще же извлечеши словеса, изыдут судове и тяжбы.

Притч.30:33

Притчи

Глава 30

Глава
30