Сыне, аще премудр будеши, себе премудр будеши и искренним твоим: аще же зол будеши, един почерпнеши злая. Сын наказан премудр будет, безумный же слугою употребится. Иже утверждается на лжах, сей пасет ветры, той же поженет птицы парящыя: остави бо пути своего винограда, в стезях же своего земледелания заблуди, проходит же сквозе пустыню безводную и землю определенную в жаждех, собирает же рукама неплодие.

Притч.9:12

Жена безумная и продерзая скудна хлебом бывает, яже не весть стыдения,

Притч.9:13

седе при дверех дому своего, на столце яве на стогнах,

Притч.9:14

призывающая мимоходящих и исправляющих пути своя:

Притч.9:15

иже есть от вас безумнейший, да уклонится ко мне: и лишенным разума повелеваю, глаголющи:

Притч.9:16

хлебом сокровенным в сладость прикоснитеся и воду татьбы сладкую пийте.

Притч.9:17

Он же не весть, яко земнороднии у нея погибают и во дне ада обретаются. Но отскочи, не замедли на месте ея, ниже настави ока своего к ней: тако бо пройдеши воду чуждую и прейдеши реку чуждую: от воды же чуждия ошайся и от источника чуждаго не пий, да многое время поживеши, и приложатся тебе лета живота.

Притч.9:18

Притчи

Глава 9

Глава
9