Псалом 
11

Пс.11  с толкованием

1
В конец, о осмей, псалом Давиду.

Пс.11:1  с толкованием

2
Спаси мя, Господи, яко оскуде преподобный: яко умалишася истины от сынов человеческих.

Пс.11:2  с толкованием

3
Суетная глагола кийждо ко искреннему своему: устне льстивыя в сердцы, и в сердцы глаголаша злая.

Пс.11:3  с толкованием

4
Потребит Господь вся устны льстивыя, язык велеречивый,

Пс.11:4  с толкованием

5
рекшыя: язык наш возвеличим, устны наша при нас суть: кто нам господь есть?

Пс.11:5  с толкованием

6
Страсти ради нищих и воздыхания убогих ныне воскресну, глаголет Господь: положуся во спасение, не обинюся о нем.

Пс.11:6  с толкованием

7
Словеса Господня словеса чиста, сребро разжжено, искушено земли, очищено седмерицею.

Пс.11:7  с толкованием

8
Ты, Господи, сохраниши ны и соблюдеши ны от рода сего и во век.

Пс.11:8  с толкованием

9
Окрест нечестивии ходят: по высоте твоей умножил еси сыны человеческия.

Пс.11:9  с толкованием

Псалом 
12

Пс.12  с толкованием

1
В конец, псалом Давиду.

Пс.12:1  с толкованием

2
Доколе, Господи, забудеши мя до конца? Доколе отвращаеши лице Твое от мене?

Пс.12:2  с толкованием

3
Доколе положу советы в души моей, болезни в сердцы моем день и нощь? Доколе вознесется враг мой на мя?

Пс.12:3  с толкованием

4
Призри, услыши мя, Господи Боже мой: просвети очи мои, да не когда усну в смерть:

Пс.12:4  с толкованием

5
да не когда речет враг мой: укрепихся на него.

Пс.12:5  с толкованием

6
Стужающии ми возрадуются, аще подвижуся.

Пс.12:6  с толкованием

7
Аз же на милость Твою уповах: возрадуется сердце мое о спасении Твоем: воспою Господеви благодеявшему мне и пою имени Господа Вышняго.

Пс.12:7  с толкованием

Псалом 
13

Пс.13  с толкованием

1
Рече безумен в сердцы своем: несть Бог. Растлеша и омерзишася в начинаниих: несть творяй благостыню.

Пс.13:1  с толкованием

2
Господь с небесе приниче на сыны человеческия, видети, аще есть разумеваяй, или взыскаяй Бога.

Пс.13:2  с толкованием

3
Вси уклонишася, вкупе неключими быша: несть творяй благостыню, несть до единаго.

Пс.13:3  с толкованием

4
Ни ли уразумеют вси делающии беззаконие, снедающии люди моя в снедь хлеба? Господа не призваша.

Пс.13:4  с толкованием

5
Тамо убояшася страха, идеже не бе страх: яко Господь в роде праведных.

Пс.13:5  с толкованием

6
Совет нищаго посрамисте: Господь же упование его есть.

Пс.13:6  с толкованием

7
Кто даст от Сиона спасение Израилево?

Пс.13:7  с толкованием

8
Внегда возвратит Господь пленение людий Своих, возрадуется Иаков, и возвеселится Израиль.

Пс.13:8  с толкованием

Псалом 
14

Пс.14  с толкованием

1
Господи, кто обитает в жилищи Твоем? Или кто вселится во святую гору Твою?

Пс.14:1  с толкованием

2
Ходяй непорочен и делаяй правду, глаголяй истину в сердцы своем:

Пс.14:2  с толкованием

3
иже не ульсти языком своим и не сотвори искреннему своему зла, и поношения не прият на ближния своя:

Пс.14:3  с толкованием

4
уничижен есть пред ним лукавнуяй, боящыяжеся Господа славит: кленыйся искреннему своему и не отметаяся:

Пс.14:4  с толкованием

5
сребра своего не даде в лихву и мзды на неповинных не прият. Творяй сия не подвижится во век.

Пс.14:5  с толкованием

Псалом 
15

Пс.15  с толкованием

1
Сохрани мя, Господи, яко на Тя уповах.

Пс.15:1  с толкованием

2
Рех Господеви: Господь мой еси Ты, яко благих моих не требуеши.

Пс.15:2  с толкованием

3
Святым, иже суть на земли его, удиви Господь вся хотения Своя в них.

Пс.15:3  с толкованием

4
Умножишася немощи их, по сих ускориша: не соберу соборы их от кровей, ни помяну же имен их устнама моима.

Пс.15:4  с толкованием

5
Господь часть достояния моего и чаши моея: Ты еси устрояяй достояние мое мне.

Пс.15:5  с толкованием

6
Ужя нападоша ми в державных моих: ибо достояние мое державно есть мне.

Пс.15:6  с толкованием

7
Благословлю Господа вразумившаго мя: еще же и до нощи наказаша мя утробы моя.

Пс.15:7  с толкованием

8
Предзрех Господа предо мною выну, яко одесную мене есть, да не подвижуся.

Пс.15:8  с толкованием

9
Сего ради возвеселися сердце мое, и возрадовася язык мой: еще же и плоть моя вселится на уповании.

Пс.15:9  с толкованием

10
Яко не оставиши душу мою во аде, ниже даси преподобному Твоему видети истления.

Пс.15:10  с толкованием

11
Сказал ми еси пути живота: исполниши мя веселия с лицем Твоим: красота в деснице Твоей в конец.

Пс.15:11  с толкованием