Псалом 
121

Пс.121  с толкованием

1
Возвеселихся о рекших мне: в дом Господень пойдем.

Пс.121:1  с толкованием

2
Стояще бяху ноги нашя во дворех твоих, Иерусалиме.

Пс.121:2  с толкованием

3
Иерусалим зиждемый яко град, емуже причастие его вкупе.

Пс.121:3  с толкованием

4
Тамо бо взыдоша колена, колена Господня, свидение Израилево, исповедатися имени Господню:

Пс.121:4  с толкованием

5
яко тамо седоша престоли на суд, престоли в дому Давидове.

Пс.121:5  с толкованием

6
Вопросите же яже о мире Иерусалима: и обилие любящым тя.

Пс.121:6  с толкованием

7
Буди же мир в силе твоей, и обилие в столпостенах твоих.

Пс.121:7  с толкованием

8
Ради братий моих и ближних моих глаголах убо мир о тебе.

Пс.121:8  с толкованием

9
Дому ради Господа Бога нашего взысках благая тебе.

Пс.121:9  с толкованием

Псалом 
122

Пс.122  с толкованием

1
К Тебе возведох очи мои, Живущему на небеси.

Пс.122:1  с толкованием

2
Се, яко очи раб в руку господий своих, яко очи рабыни в руку госпожи своея: тако очи наши ко Господу Богу нашему, дондеже ущедрит ны.

Пс.122:2  с толкованием

3
Помилуй нас, Господи, помилуй нас, яко помногу исполнихомся уничижения:

Пс.122:3  с толкованием

4
наипаче наполнися душа наша поношения гобзующих и уничижения гордых.

Пс.122:4  с толкованием

Псалом 
123

Пс.123  с толкованием

1
Яко аще не Господь бы был в нас, да речет убо Израиль:

Пс.123:1  с толкованием

2
яко аще не Господь бы был в нас, внегда востати человеком на ны, убо живых пожерли быша нас:

Пс.123:2  с толкованием

3
внегда прогневатися ярости их на ны, убо вода потопила бы нас.

Пс.123:3  с толкованием

4
Поток прейде душа наша:

Пс.123:4  с толкованием

5
убо прейде душа наша воду непостоянную.

Пс.123:5  с толкованием

6
Благословен Господь, иже не даде нас в ловитву зубом их.

Пс.123:6  с толкованием

7
Душа наша яко птица избавися от сети ловящих: сеть сокрушися, и мы избавлени быхом.

Пс.123:7  с толкованием

8
Помощь наша во имя Господа, сотворшаго небо и землю.

Пс.123:8  с толкованием

Псалом 
124

Пс.124  с толкованием

1
Надеющиися на Господа, яко гора Сион: не подвижится в век живый во Иерусалиме.

Пс.124:1  с толкованием

2
Горы окрест его, и Господь окрест людий Своих, отныне и до века.

Пс.124:2  с толкованием

3
Яко не оставит Господь жезла грешных на жребий праведных, яко да не прострут праведнии в беззакония рук своих.

Пс.124:3  с толкованием

4
Ублажи, Господи, благия и правыя сердцем.

Пс.124:4  с толкованием

5
Уклоняющыяся же в развращения отведет Господь с делающими беззаконие: мир на Израиля.

Пс.124:5  с толкованием

Псалом 
125

Пс.125  с толкованием

1
Внегда возвратити Господу плен Сионь, быхом яко утешени.

Пс.125:1  с толкованием

2
Тогда исполнишася радости уста наша, и язык наш веселия: тогда рекут во языцех: возвеличил есть Господь сотворити с ними.

Пс.125:2  с толкованием

3
Возвеличил есть Господь сотворити с нами: быхом веселящеся.

Пс.125:3  с толкованием

4
Возврати, Господи, пленение наше, яко потоки югом.

Пс.125:4  с толкованием

5
Сеющии слезами, радостию пожнут.

Пс.125:5  с толкованием

6
Ходящии хождаху и плакахуся, метающе семена своя: грядуще же приидут радостию, вземлюще рукояти своя.

Пс.125:6  с толкованием