Псалом 
26

Пс.26  с толкованием

1
Господь просвещение мое и спаситель мой, кого убоюся? Господь защититель живота моего, от кого устрашуся?

Пс.26:1  с толкованием

2
Внегда приближатися на мя злобующым, еже снести плоти моя, оскорбляющии мя и врази мои, тии изнемогоша и падоша.

Пс.26:2  с толкованием

3
Аще ополчится на мя полк, не убоится сердце мое: аще востанет на мя брань, на него аз уповаю.

Пс.26:3  с толкованием

4
Едино просих от Господа, то взыщу: еже жити ми в дому Господни вся дни живота моего, зрети ми красоту Господню и посещати храм Святый Его.

Пс.26:4  с толкованием

5
Яко скры мя в селении Своем в день зол моих, покры мя в тайне селения Своего, на камень вознесе мя.

Пс.26:5  с толкованием

6
И ныне се, вознесе главу мою на враги моя: обыдох и пожрох в селении Его жертву хваления и воскликновения: пою и воспою Господеви.

Пс.26:6  с толкованием

7
Услыши, Господи, глас мой, имже воззвах, помилуй мя и услыши мя.

Пс.26:7  с толкованием

8
Тебе рече сердце мое: Господа взыщу, взыска Тебе лице мое, лица Твоего, Господи, взыщу.

Пс.26:8  с толкованием

9
Не отврати лица Твоего от мене и не уклонися гневом от раба Твоего: помощник мой буди, не отрини мене и не остави мене, Боже, Спасителю мой.

Пс.26:9  с толкованием

10
Яко отец мой и мати моя остависта мя, Господь же восприят мя.

Пс.26:10  с толкованием

11
Законоположи ми, Господи, в пути Твоем, и настави мя на стезю правую враг моих ради.

Пс.26:11  с толкованием

12
Не предаждь мене в душы стужающих ми: яко восташа на мя свидетеле неправеднии, и солга неправда себе.

Пс.26:12  с толкованием

13
Верую видети благая Господня на земли живых.

Пс.26:13  с толкованием

14
Потерпи Господа, мужайся, и да крепится сердце твое, и потерпи Господа.

Пс.26:14  с толкованием

Псалом 
27

Пс.27  с толкованием

1
К Тебе, Господи, воззову, Боже мой: да не премолчиши от мене: да не когда премолчиши от мене, и уподоблюся низходящым в ров.

Пс.27:1  с толкованием

2
Услыши, Господи, глас моления моего, внегда молитимися к Тебе, внегда воздети ми руце мои ко храму святому Твоему.

Пс.27:2  с толкованием

3
Не привлецы мене со грешники, и с делающими неправду не погуби мене, глаголющими мир с ближними своими, злая же в сердцах своих.

Пс.27:3  с толкованием

4
Даждь им, Господи, по делом их и по лукавству начинаний их, по делом руку их даждь им, воздаждь воздаяние их им.

Пс.27:4  с толкованием

5
Яко не разумеша в дела Господня и в дела руку Его: разориши я и не созиждеши я.

Пс.27:5  с толкованием

6
Благословен Господь, яко услыша глас моления моего.

Пс.27:6  с толкованием

7
Господь помощник мой и защититель мой: на Него упова сердце мое, и поможе ми, и процвете плоть моя: и волею моею исповемся Ему.

Пс.27:7  с толкованием

8
Господь утверждение людий Своих и защититель спасений Христа Своего есть.

Пс.27:8  с толкованием

9
Спаси люди Твоя, и благослови достояние Твое, и упаси я, и возми я до века.

Пс.27:9  с толкованием

Псалом 
28

Пс.28  с толкованием

1
Принесите Господеви, сынове Божии, принесите Господеви сыны овни, принесите Господеви славу и честь:

Пс.28:1  с толкованием

2
принесите Господеви славу имени Его: поклонитеся Господеви во дворе святем Его.

Пс.28:2  с толкованием

3
Глас Господень на водах, Бог славы возгреме, Господь на водах многих.

Пс.28:3  с толкованием

4
Глас Господень в крепости, глас Господень в великолепии.

Пс.28:4  с толкованием

5
Глас Господа, сокрушающаго кедры: и стрыет Господь кедры Ливанския,

Пс.28:5  с толкованием

6
и истнит я яко телца Ливанска: и возлюбленный яко сын единорожь.

Пс.28:6  с толкованием

7
Глас Господа, пресецающаго пламень огня.

Пс.28:7  с толкованием

8
Глас Господа, стрясающаго пустыню: и стрясет Господь пустыню Каддийскую.

Пс.28:8  с толкованием

9
Глас Господень, свершающий елени, и открыет дубравы: и в храме Его всякий глаголет славу.

Пс.28:9  с толкованием

10
Господь потоп населяет, и сядет Господь царь в век.

Пс.28:10  с толкованием

11
Господь крепость людем Своим даст, Господь благословит люди Своя миром.

Пс.28:11  с толкованием

Псалом 
29

Пс.29  с толкованием

1
Псалом песни обновления дому Давидова.

Пс.29:1  с толкованием

2
Вознесу Тя, Господи, яко подъял мя еси, и не возвеселил еси врагов моих о мне.

Пс.29:2  с толкованием

3
Господи Боже мой, воззвах к Тебе, и изцелил мя еси.

Пс.29:3  с толкованием

4
Господи, возвел еси от ада душу мою, спасл мя еси от низходящих в ров.

Пс.29:4  с толкованием

5
Пойте Господеви, преподобнии Его, и исповедайте память святыни Его:

Пс.29:5  с толкованием

6
яко гнев в ярости Его, и живот в воли Его: вечер водворится плачь, и заутра радость.

Пс.29:6  с толкованием

7
Аз же рех во обилии моем: не подвижуся во век.

Пс.29:7  с толкованием

8
Господи, волею Твоею подаждь доброте моей силу: отвратил же еси лице Твое, и бых смущен.

Пс.29:8  с толкованием

9
К Тебе, Господи, воззову, и к Богу моему помолюся.

Пс.29:9  с толкованием

10
Кая польза в крови моей, внегда сходити ми во истление? Еда исповестся Тебе персть? Или возвестит истину Твою?

Пс.29:10  с толкованием

11
Слыша Господь и помилова мя: Господь бысть помощник мой.

Пс.29:11  с толкованием

12
Обратил еси плачь мой в радость мне, растерзал еси вретище мое и препоясал мя еси веселием,

Пс.29:12  с толкованием

13
яко да воспоет Тебе слава моя, и не умилюся. Господи Боже мой, во век исповемся Тебе.

Пс.29:13  с толкованием

Псалом 
30

Пс.30  с толкованием

1
В конец, псалом Давиду, изступления.

Пс.30:1  с толкованием

2
На Тя, Господи, уповах, да не постыжуся во век: правдою Твоею избави мя и изми мя.

Пс.30:2  с толкованием

3
Приклони ко мне ухо Твое, ускори изъяти мя: буди ми в Бога защитителя и в дом прибежища, еже спасти мя.

Пс.30:3  с толкованием

4
Яко держава моя и прибежище мое еси Ты: и имене Твоего ради наставиши мя и препитаеши мя.

Пс.30:4  с толкованием

5
Изведеши мя от сети сея, юже скрыша ми: яко Ты еси защититель мой, Господи.

Пс.30:5  с толкованием

6
В руце Твои предложу дух мой: избавил мя еси, Господи Боже истины.

Пс.30:6  с толкованием

7
Возненавидел еси хранящыя суеты вотще: аз же на Господа уповах.

Пс.30:7  с толкованием

8
Возрадуюся и возвеселюся о милости Твоей, яко призрел еси на смирение мое, спасл еси от нужд душу мою

Пс.30:8  с толкованием

9
и неси мене затворил в руках вражиих, поставил еси на пространне нозе мои.

Пс.30:9  с толкованием

10
Помилуй мя, Господи, яко скорблю: смятеся яростию око мое, душа моя и утроба моя.

Пс.30:10  с толкованием

11
Яко изчезе в болезни живот мой, и лета моя в воздыханиих: изнеможе нищетою крепость моя, и кости моя смятошася.

Пс.30:11  с толкованием

12
От всех враг моих бых поношение, и соседом моим зело, и страх знаемым моим: видящии мя вон бежаша от мене.

Пс.30:12  с толкованием

13
Забвен бых яко мертв от сердца: бых яко сосуд погублен.

Пс.30:13  с толкованием

14
Яко слышах гаждение многих живущих окрест: внегда собратися им вкупе на мя, прияти душу мою совещаша.

Пс.30:14  с толкованием

15
Аз же на Тя, Господи, уповах, рех: Ты еси Бог мой.

Пс.30:15  с толкованием

16
В руку Твоею жребии мои: избави мя из руки враг моих и от гонящих мя.

Пс.30:16  с толкованием

17
Просвети лице Твое на раба Твоего: спаси мя милостию Твоею.

Пс.30:17  с толкованием

18
Господи, да не постыжуся, яко призвах Тя: да постыдятся нечестивии, и снидут во ад.

Пс.30:18  с толкованием

19
Немы да будут устны льстивыя, глаголющыя на праведнаго беззаконие, гордынею и уничижением.

Пс.30:19  с толкованием

20
Коль многое множество благости Твоея, Господи, юже скрыл еси боящымся Тебе, соделал еси уповающым на Тя, пред сыны человеческими:

Пс.30:20  с толкованием

21
скрыеши их в тайне лица Твоего от мятежа человеческа, покрыеши их в крове от пререкания язык.

Пс.30:21  с толкованием

22
Благословен Господь, яко удиви милость Свою во граде ограждения.

Пс.30:22  с толкованием

23
Аз же рех во изступлении моем: отвержен есмь от лица очию Твоею: сего ради услышал еси глас молитвы моея, внегда воззвах к Тебе.

Пс.30:23  с толкованием

24
Возлюбите Господа, вси преподобнии Его: яко истины взыскает Господь и воздает излише творящым гордыню.

Пс.30:24  с толкованием

25
Мужайтеся, и да крепится сердце ваше, вси уповающии на Господа.

Пс.30:25  с толкованием