Псалом 
31

Пс.31  с толкованием

1
Блажени, ихже оставишася беззакония, и ихже прикрышася греси.

Пс.31:1  с толкованием

2
Блажен муж, емуже не вменит Господь греха, ниже есть во устех его лесть.

Пс.31:2  с толкованием

3
Яко умолчах, обетшаша кости моя, от еже звати ми весь день,

Пс.31:3  с толкованием

4
яко день и нощь отяготе на мне рука Твоя: возвратихся на страсть, егда унзе ми терн.

Пс.31:4  с толкованием

5
Беззаконие мое познах и греха моего не покрых, рех: исповем на мя беззаконие мое Господеви: и Ты оставил еси нечестие сердца моего.

Пс.31:5  с толкованием

6
За то помолится к Тебе всяк преподобный во время благопотребно: обаче в потопе вод многих к нему не приближатся.

Пс.31:6  с толкованием

7
Ты еси прибежище мое от скорби обдержащия мя: радосте моя, избави мя от обышедших мя.

Пс.31:7  с толкованием

8
Вразумлю тя, и наставлю тя на путь сей, в оньже пойдеши: утвержу на тя очи Мои.

Пс.31:8  с толкованием

9
Не будите яко конь и меск, имже несть разума: броздами и уздою челюсти их востягнеши, не приближающихся к тебе.

Пс.31:9  с толкованием

10
Многи раны грешному: уповающаго же на Господа милость обыдет.

Пс.31:10  с толкованием

11
Веселитеся о Господе и радуйтеся праведнии, и хвалитеся, вси правии сердцем.

Пс.31:11  с толкованием

Псалом 
32

Пс.32  с толкованием

1
Радуйтеся, праведнии, о Господе: правым подобает похвала.

Пс.32:1  с толкованием

2
Исповедайтеся Господеви в гуслех, во псалтири десятоструннем пойте Ему:

Пс.32:2  с толкованием

3
воспойте Ему песнь нову, добре пойте Ему со восклицанием:

Пс.32:3  с толкованием

4
яко право слово Господне, и вся дела Его в вере.

Пс.32:4  с толкованием

5
Любит милостыню и суд Господь, милости Господни исполнь земля.

Пс.32:5  с толкованием

6
Словом Господним небеса утвердишася, и духом уст Его вся сила их:

Пс.32:6  с толкованием

7
собираяй яко мех воды морския, полагаяй в сокровищих бездны.

Пс.32:7  с толкованием

8
Да убоится Господа вся земля, от Негоже да подвижутся вси живущии по вселенней:

Пс.32:8  с толкованием

9
яко Той рече, и быша: Той повеле, и создашася.

Пс.32:9  с толкованием

10
Господь разоряет советы языков, отметает же мысли людий и отметает советы князей.

Пс.32:10  с толкованием

11
Совет же Господень во век пребывает, помышления сердца Его в род и род.

Пс.32:11  с толкованием

12
Блажен язык, емуже есть Господь Бог Его, людие, яже избра в наследие Себе.

Пс.32:12  с толкованием

13
С небесе призре Господь, виде вся сыны человеческия:

Пс.32:13  с толкованием

14
от готоваго жилища Своего призре на вся живущыя на земли:

Пс.32:14  с толкованием

15
создавый на едине сердца их, разумеваяй на вся дела их.

Пс.32:15  с толкованием

16
Не спасается царь многою силою, и исполин не спасется множеством крепости своея.

Пс.32:16  с толкованием

17
Ложь конь во спасение, во множестве же силы своея не спасется.

Пс.32:17  с толкованием

18
Се, очи Господни на боящыяся Его, уповающыя на милость Его:

Пс.32:18  с толкованием

19
избавити от смерти душы их, и препитати я в глад.

Пс.32:19  с толкованием

20
Душа же наша чает Господа, яко помощник и защититель наш есть:

Пс.32:20  с толкованием

21
яко о Нем возвеселится сердце наше, и во имя святое Его уповахом.

Пс.32:21  с толкованием

22
Буди, Господи, милость Твоя на нас, якоже уповахом на Тя.

Пс.32:22  с толкованием

Псалом 
33

Пс.33  с толкованием

1
Псалом Давиду, внегда измени лице свое пред Авимелехом: и отпусти его, и отиде.

Пс.33:1  с толкованием

2
Благословлю Господа на всякое время, выну хвала Его во устех моих.

Пс.33:2  с толкованием

3
О Господе похвалится душа моя: да услышат кротцыи и возвеселятся.

Пс.33:3  с толкованием

4
Возвеличите Господа со мною, и вознесем имя Его вкупе.

Пс.33:4  с толкованием

5
Взысках Господа, и услыша мя и от всех скорбей моих избави мя.

Пс.33:5  с толкованием

6
Приступите к Нему и просветитеся, и лица ваша не постыдятся.

Пс.33:6  с толкованием

7
Сей нищий воззва, и Господь услыша и, и от всех скорбей его спасе и.

Пс.33:7  с толкованием

8
Ополчится Ангел Господень окрест боящихся Его и избавит их.

Пс.33:8  с толкованием

9
Вкусите и видите, яко благ Господь: блажен муж, иже уповает Нань.

Пс.33:9  с толкованием

10
Бойтеся Господа, вси святии Его, яко несть лишения боящымся Его.

Пс.33:10  с толкованием

11
Богатии обнищаша и взалкаша: взыскающии же Господа не лишатся всякаго блага.

Пс.33:11  с толкованием

12
Приидите, чада, послушайте мене, страху Господню научу вас.

Пс.33:12  с толкованием

13
Кто есть человек хотяй живот, любяй дни видети благи?

Пс.33:13  с толкованием

14
Удержи язык твой от зла и устне твои, еже не глаголати льсти.

Пс.33:14  с толкованием

15
Уклонися от зла и сотвори благо: взыщи мира и пожени и.

Пс.33:15  с толкованием

16
Очи Господни на праведныя, и уши Его в молитву их.

Пс.33:16  с толкованием

17
Лице же Господне на творящыя злая, еже потребити от земли память их.

Пс.33:17  с толкованием

18
Воззваша праведнии, и Господь услыша их и от всех скорбей их избави их.

Пс.33:18  с толкованием

19
Близ Господь сокрушенных сердцем, и смиренныя духом спасет.

Пс.33:19  с толкованием

20
Многи скорби праведным, и от всех их избавит я Господь.

Пс.33:20  с толкованием

21
Хранит Господь вся кости их, ни едина от них сокрушится.

Пс.33:21  с толкованием

22
Смерть грешников люта, и ненавидящии праведнаго прегрешат.

Пс.33:22  с толкованием

23
Избавит Господь душы раб Своих, и не прегрешат вси уповающии на Него.

Пс.33:23  с толкованием

Псалом 
34

Пс.34  с толкованием

1
Суди, Господи, обидящыя мя, побори борющыя мя.

Пс.34:1  с толкованием

2
Приими оружие и щит и востани в помощь мою:

Пс.34:2  с толкованием

3
изсуни мечь и заключи сопротив гонящих мя: рцы души моей: спасение твое есмь Аз.

Пс.34:3  с толкованием

4
Да постыдятся и посрамятся ищущии душу мою, да возвратятся вспять и постыдятся мыслящии ми злая.

Пс.34:4  с толкованием

5
Да будут яко прах пред лицем ветра, и Ангел Господень оскорбляя их:

Пс.34:5  с толкованием

6
да будет путь их тма и ползок, и Ангел Господень погоняяй их:

Пс.34:6  с толкованием

7
яко туне скрыша ми пагубу сети своея, всуе поносиша души моей.

Пс.34:7  с толкованием

8
Да приидет ему сеть, юже не весть, и ловитва, юже скры, да обымет и, и в сеть да впадет в ню.

Пс.34:8  с толкованием

9
Душа же моя возрадуется о Господе, возвеселится о спасении Его.

Пс.34:9  с толкованием

10
Вся кости моя рекут: Господи, Господи, кто подобен Тебе? Избавляяй нища из руки крепльших его, и нища, и убога от расхищающих его.

Пс.34:10  с толкованием

11
Воставше на мя свидетеле неправеднии, яже не ведях, вопрошаху мя.

Пс.34:11  с толкованием

12
Воздаша ми лукавая воз благая, и безчадие души моей.

Пс.34:12  с толкованием

13
Аз же, внегда они стужаху ми, облачахся во вретище и смирях постом душу мою, и молитва моя в недро мое возвратится.

Пс.34:13  с толкованием

14
Яко ближнему, яко брату нашему, тако угождах: яко плачя и сетуя, тако смиряхся.

Пс.34:14  с толкованием

15
И на мя возвеселишася и собрашася: собрашася на мя раны, и не познах: разделишася, и не умилишася.

Пс.34:15  с толкованием

16
Искусиша мя, подражниша мя подражнением, поскрежеташа на мя зубы своими.

Пс.34:16  с толкованием

17
Господи, когда узриши? Устрой душу мою от злодейства их, от лев единородную мою.

Пс.34:17  с толкованием

18
Исповемся Тебе в церкви мнозе, в людех тяжцех восхвалю Тя.

Пс.34:18  с толкованием

19
Да не возрадуются о мне враждующии ми неправедно, ненавидящии мя туне и помизающии очима:

Пс.34:19  с толкованием

20
яко мне убо мирная глаголаху, и на гнев лести помышляху.

Пс.34:20  с толкованием

21
Разшириша на мя уста своя, реша: благоже, благоже, видеша очи наши.

Пс.34:21  с толкованием

22
Видел еси, Господи, да не премолчиши: Господи, не отступи от мене.

Пс.34:22  с толкованием

23
Востани, Господи, и вонми суду моему, Боже мой и Господи мой, на прю мою.

Пс.34:23  с толкованием

24
Суди ми, Господи, по правде Твоей, Господи Боже мой, и да не возрадуются о мне.

Пс.34:24  с толкованием

25
Да не рекут в сердцах своих: благоже, благоже души нашей: ниже да рекут: пожрохом его.

Пс.34:25  с толкованием

26
Да постыдятся и посрамятся вкупе радующиися злом моим: да облекутся в студ и срам велеречующии на мя.

Пс.34:26  с толкованием

27
Да возрадуются и возвеселятся хотящии правды моея: и да рекут выну, да возвеличится Господь, хотящии мира рабу Его.

Пс.34:27  с толкованием

28
И язык мой поучится правде Твоей, весь день хвале Твоей.

Пс.34:28  с толкованием

Псалом 
35

Пс.35  с толкованием

1
В конец, отроку Господню Давиду.

Пс.35:1  с толкованием

2
Глаголет пребеззаконный согрешати в себе: несть страха Божия пред очима его:

Пс.35:2  с толкованием

3
яко ульсти пред ним обрести беззаконие свое, и возненавидети.

Пс.35:3  с толкованием

4
Глаголы уст его беззаконие и лесть: не восхоте разумети еже ублажити.

Пс.35:4  с толкованием

5
Беззаконие помысли на ложи своем: предста всякому пути неблагу, о злобе же не негодова.

Пс.35:5  с толкованием

6
Господи, на небеси милость Твоя, и истина Твоя до облак:

Пс.35:6  с толкованием

7
правда Твоя яко горы Божия, судбы Твоя бездна многа: человеки и скоты спасеши, Господи.

Пс.35:7  с толкованием

8
Яко умножил еси милость Твою, Боже: сынове же человечестии в крове крилу Твоею надеятися имут.

Пс.35:8  с толкованием

9
Упиются от тука дому Твоего, и потоком сладости Твоея напоиши я.

Пс.35:9  с толкованием

10
Яко у Тебе источник живота, во свете Твоем узрим свет.

Пс.35:10  с толкованием

11
Пробави милость Твою ведущым Тя и правду Твою правым сердцем.

Пс.35:11  с толкованием

12
Да не приидет мне нога гордыни, и рука грешнича да не подвижит мене.

Пс.35:12  с толкованием

13
Тамо падоша вси делающии беззаконие: изриновени быша, и не возмогут стати.

Пс.35:13  с толкованием