Псалом 
36

Пс.36  с толкованием

1
Не ревнуй лукавнующым, ниже завиди творящым беззаконие.

Пс.36:1  с толкованием

2
Зане яко трава скоро изсшут, и яко зелие злака скоро отпадут.

Пс.36:2  с толкованием

3
Уповай на Господа и твори благостыню: и насели землю, и упасешися в богатстве ея.

Пс.36:3  с толкованием

4
Насладися Господеви, и даст ти прошения сердца твоего.

Пс.36:4  с толкованием

5
Открый ко Господу путь твой и уповай на Него, и Той сотворит.

Пс.36:5  с толкованием

6
И изведет яко свет правду твою и судбу твою яко полудне.

Пс.36:6  с толкованием

7
Повинися Господеви и умоли Его. Не ревнуй спеющему в пути своем, человеку творящему законопреступление.

Пс.36:7  с толкованием

8
Престани от гнева и остави ярость: не ревнуй, еже лукавновати,

Пс.36:8  с толкованием

9
зане лукавнующии потребятся, терпящии же Господа, тии наследят землю.

Пс.36:9  с толкованием

10
И еще мало, и не будет грешника: и взыщеши место его и не обрящеши.

Пс.36:10  с толкованием

11
Кротцыи же наследят землю и насладятся о множестве мира.

Пс.36:11  с толкованием

12
Назирает грешный праведнаго и поскрежещет нань зубы своими:

Пс.36:12  с толкованием

13
Господь же посмеется ему, зане прозирает, яко приидет день его.

Пс.36:13  с толкованием

14
Мечь извлекоша грешницы, напрягоша лук свой, низложити убога и нища, заклати правыя сердцем.

Пс.36:14  с толкованием

15
Мечь их да внидет в сердца их, и луцы их да сокрушатся.

Пс.36:15  с толкованием

16
Лучше малое праведнику, паче богатства грешных многа.

Пс.36:16  с толкованием

17
Зане мышцы грешных сокрушатся, утверждает же праведныя Господь.

Пс.36:17  с толкованием

18
Весть Господь пути непорочных, и достояние их в век будет.

Пс.36:18  с толкованием

19
Не постыдятся во время лютое и во днех глада насытятся, яко грешницы погибнут.

Пс.36:19  с толкованием

20
Врази же Господни, купно прославитися им и вознестися, изчезающе яко дым изчезоша.

Пс.36:20  с толкованием

21
Заемлет грешный и не возвратит: праведный же щедрит и дает.

Пс.36:21  с толкованием

22
Яко благословящии Его наследят землю, кленущии же Его потребятся.

Пс.36:22  с толкованием

23
От Господа стопы человеку исправляются, и пути Его восхощет зело.

Пс.36:23  с толкованием

24
Егда падет, не разбиется, яко Господь подкрепляет руку его.

Пс.36:24  с толкованием

25
Юнейший бых, ибо состарехся, и не видех праведника оставлена, ниже семене его просяща хлебы.

Пс.36:25  с толкованием

26
Весь день милует и взаим дает праведный, и семя его во благословение будет.

Пс.36:26  с толкованием

27
Уклонися от зла и сотвори благо, и вселися в век века.

Пс.36:27  с толкованием

28
Яко Господь любит суд и не оставит преподобных Своих: во век сохранятся: беззаконницы же изженутся, и семя нечестивых потребится.

Пс.36:28  с толкованием

29
Праведницы же наследят землю и вселятся в век века на ней.

Пс.36:29  с толкованием

30
Уста праведнаго поучатся премудрости, и язык его возглаголет суд.

Пс.36:30  с толкованием

31
Закон Бога его сердцы его, и не запнутся стопы его.

Пс.36:31  с толкованием

32
Сматряет грешный праведнаго и ищет еже умертвити его:

Пс.36:32  с толкованием

33
Господь же не оставит его в руку его, ниже осудит его, егда судит ему.

Пс.36:33  с толкованием

34
Потерпи Господа и сохрани путь Его, и вознесет тя еже наследити землю: внегда потреблятися грешником, узриши.

Пс.36:34  с толкованием

35
Видех нечестиваго превозносящася и высящася яко кедры Ливанския:

Пс.36:35  с толкованием

36
и мимо идох, и се, не бе, и взысках его, и не обретеся место его.

Пс.36:36  с толкованием

37
Храни незлобие и виждь правоту, яко есть останок человеку мирну.

Пс.36:37  с толкованием

38
Беззаконницы же потребятся вкупе: останцы же нечестивых потребятся.

Пс.36:38  с толкованием

39
Спасение же праведных от Господа, и защититель их есть во время скорби:

Пс.36:39  с толкованием

40
и поможет им Господь и избавит их, и измет их от грешник и спасет их, яко уповаша на Него.

Пс.36:40  с толкованием

Псалом 
37

Пс.37  с толкованием

1
Псалом Давиду, в воспоминание о субботе.

Пс.37:1  с толкованием

2
Господи, да не яростию Твоею обличиши мене, ниже гневом Твоим накажеши мене:

Пс.37:2  с толкованием

3
яко стрелы Твоя унзоша во мне, и утвердил еси на мне руку Твою.

Пс.37:3  с толкованием

4
Несть изцеления в плоти моей от лица гнева Твоего, несть мира в костех моих от лица грех моих.

Пс.37:4  с толкованием

5
Яко беззакония моя превзыдоша главу мою, яко бремя тяжкое отяготеша на мне.

Пс.37:5  с толкованием

6
Возсмердеша и согниша раны моя, от лица безумия моего.

Пс.37:6  с толкованием

7
Пострадах и слякохся до конца, весь день сетуя хождах:

Пс.37:7  с толкованием

8
яко лядвия моя наполнишася поруганий, и несть изцеления в плоти моей.

Пс.37:8  с толкованием

9
Озлоблен бых и смирихся до зела, рыках от воздыхания сердца моего.

Пс.37:9  с толкованием

10
Господи, пред Тобою все желание мое, и воздыхание мое от Тебе не утаися.

Пс.37:10  с толкованием

11
Сердце мое смятеся, остави мя сила моя, и свет очию моею, и той несть со мною.

Пс.37:11  с толкованием

12
Друзи мои и искреннии мои прямо мне приближишася и сташа.

Пс.37:12  с толкованием

13
И ближнии мои отдалече мене сташа, и нуждахуся ищущии душу мою: и ищущии злая мне глаголаху суетная, и льстивным весь день поучахуся.

Пс.37:13  с толкованием

14
Аз же яко глух не слышах, и яко нем не отверзаяй уст своих:

Пс.37:14  с толкованием

15
и бых яко человек не слышай и не имый во устех своих обличения.

Пс.37:15  с толкованием

16
Яко на Тя, Господи, уповах, Ты услышиши, Господи Боже мой.

Пс.37:16  с толкованием

17
Яко рех: да не когда порадуютмися врази мои: и внегда подвижатися ногам моим, на мя велеречеваша.

Пс.37:17  с толкованием

18
Яко аз на раны готов, и болезнь моя предо мною есть выну.

Пс.37:18  с толкованием

19
Яко беззаконие мое аз возвещу и попекуся о гресе моем.

Пс.37:19  с толкованием

20
Врази же мои живут и укрепишася паче мене, и умножишася ненавидящии мя без правды:

Пс.37:20  с толкованием

21
воздающии ми злая воз благая оболгаху мя, зане гонях благостыню.

Пс.37:21  с толкованием

22
Не остави мене, Господи Боже мой, не отступи от мене:

Пс.37:22  с толкованием

23
вонми в помощь мою, Господи спасения моего.

Пс.37:23  с толкованием

Псалом 
38

Пс.38  с толкованием

1
В конец, Идифуму, песнь Давиду.

Пс.38:1  с толкованием

2
Рех: сохраню пути моя, еже не согрешати ми языком моим: положих устом моим хранило, внегда востати грешному предо мною.

Пс.38:2  с толкованием

3
Онемех и смирихся, и умолчах от благ, и болезнь моя обновися.

Пс.38:3  с толкованием

4
Согреяся сердце мое во мне, и в поучении моем разгорится огнь: глаголах языком моим:

Пс.38:4  с толкованием

5
скажи ми, Господи, кончину мою и число дний моих, кое есть, да разумею, что лишаюся аз.

Пс.38:5  с толкованием

6
Се, пяди положил еси дни моя, и состав мой яко ничтоже пред Тобою: обаче всяческая суета всяк человек живый.

Пс.38:6  с толкованием

7
Убо образом ходит человек, обаче всуе мятется: сокровищствует, и не весть, кому соберет я.

Пс.38:7  с толкованием

8
И ныне кто терпение мое? Не Господь ли? И состав мой от Тебе есть.

Пс.38:8  с толкованием

9
От всех беззаконий моих избави мя: поношение безумному дал мя еси.

Пс.38:9  с толкованием

10
Онемех и не отверзох уст моих, яко Ты сотворил еси.

Пс.38:10  с толкованием

11
Отстави от мене раны Твоя: от крепости бо руки Твоея аз изчезох.

Пс.38:11  с толкованием

12
Во обличениих о беззаконии наказал еси человека, и истаял еси яко паучину душу его: обаче всуе всяк человек.

Пс.38:12  с толкованием

13
Услыши молитву мою, Господи, и моление мое внуши, слез моих не премолчи: яко преселник аз есмь у Тебе и пришлец, якоже вси отцы мои.

Пс.38:13  с толкованием

14
Ослаби ми, да почию, прежде даже не отиду, и ктому не буду.

Пс.38:14  с толкованием

Псалом 
39

Пс.39  с толкованием

1
В конец, псалом Давиду.

Пс.39:1  с толкованием

2
Терпя потерпех Господа, и внят ми и услыша молитву мою:

Пс.39:2  с толкованием

3
и возведе мя от рова страстей и от брения тины, и постави на камени нозе мои и исправи стопы моя:

Пс.39:3  с толкованием

4
и вложи во уста моя песнь нову, пение Богу нашему. Узрят мнози и убоятся, и уповают на Господа.

Пс.39:4  с толкованием

5
Блажен муж, емуже есть имя Господне упование его, и не призре в суеты и неистовления ложная.

Пс.39:5  с толкованием

6
Многа сотворил еси Ты, Господи Боже мой, чудеса Твоя, и помышлением Твоим несть кто уподобится Тебе: возвестих и глаголах: умножишася паче числа.

Пс.39:6  с толкованием

7
Жертвы и приношения не восхотел еси, тело же свершил ми еси: всесожжений и о гресе не взыскал еси.

Пс.39:7  с толкованием

8
Тогда рех: се, прииду: в главизне книжне писано есть о мне:

Пс.39:8  с толкованием

9
еже сотворити волю Твою, Боже мой, восхотех, и закон Твой посреде чрева моего.

Пс.39:9  с толкованием

10
Благовестих правду в церкви велицей, се, устнам моим не возбраню: Господи, Ты разумел еси.

Пс.39:10  с толкованием

11
Правду Твою не скрых в сердцы моем, истину Твою и спасение Твое рех, не скрых милость Твою и истину Твою от сонма многа.

Пс.39:11  с толкованием

12
Ты же, Господи, не удали щедрот Твоих от мене: милость Твоя и истина Твоя выну да заступите мя.

Пс.39:12  с толкованием

13
Яко одержаша мя злая, имже несть числа: постигоша мя беззакония моя, и не возмогох зрети: умножишася паче влас главы моея, и сердце мое остави мя.

Пс.39:13  с толкованием

14
Благоволи, Господи, избавити мя: Господи, во еже помощи ми, вонми.

Пс.39:14  с толкованием

15
Да постыдятся и посрамятся вкупе ищущии душу мою, изъяти ю: да возвратятся вспять и постыдятся хотящии ми злая.

Пс.39:15  с толкованием

16
Да приимут абие студ свой глаголющии ми: благоже, благоже.

Пс.39:16  с толкованием

17
Да возрадуются и возвеселятся о Тебе вси ищущии Тебе, Господи, и да рекут выну, да возвеличится Господь, любящии спасение Твое.

Пс.39:17  с толкованием

18
Аз же нищь есмь и убог, Господь попечется о мне: помощник мой и защититель мой еси ты, Боже мой, не закосни.

Пс.39:18  с толкованием

Псалом 
40

Пс.40  с толкованием

1
В конец, псалом Давиду.

Пс.40:1  с толкованием

2
Блажен разумеваяй на нища и убога, в день лют избавит его Господь.

Пс.40:2  с толкованием

3
Господь да сохранит его и живит его, и да ублажит его на земли и да не предаст его в руки врагов его.

Пс.40:3  с толкованием

4
Господь да поможет ему на одре болезни его: все ложе его обратил еси в болезни его.

Пс.40:4  с толкованием

5
Аз рех: Господи, помилуй мя, изцели душу мою, яко согреших Ти.

Пс.40:5  с толкованием

6
Врази мои реша мне злая: когда умрет, и погибнет имя его?

Пс.40:6  с толкованием

7
И вхождаше видети, всуе глаголаше сердце его: собра беззаконие себе, исхождаше вон и глаголаше вкупе.

Пс.40:7  с толкованием

8
На мя шептаху вси врази мои, на мя помышляху злая мне.

Пс.40:8  с толкованием

9
Слово законопреступное возложиша на мя: еда спяй не приложит воскреснути?

Пс.40:9  с толкованием

10
Ибо человек мира моего, на негоже уповах, ядый хлебы моя, возвеличи на мя запинание.

Пс.40:10  с толкованием

11
Ты же, Господи, помилуй мя и возстави мя, и воздам им.

Пс.40:11  с толкованием

12
В сем познах, яко восхотел мя еси, яко не возрадуется враг мой о мне.

Пс.40:12  с толкованием

13
Мене же за незлобие приял, и утвердил мя еси пред Тобою в век.

Пс.40:13  с толкованием

14
Благословен Господь Бог Израилев от века и до века: буди, буди.

Пс.40:14  с толкованием