Псалом 
61

Пс.61  с толкованием

1
В конец, о Идифуме, псалом Давиду.

Пс.61:1  с толкованием

2
Не Богу ли повинется душа моя? От Того бо спасение мое.

Пс.61:2  с толкованием

3
Ибо Той Бог мой и спас мой, заступник мой: не подвижуся наипаче.

Пс.61:3  с толкованием

4
Доколе належите на человека? Убиваете вси вы, яко стене преклонене и оплоту возриновену.

Пс.61:4  с толкованием

5
Обаче цену мою совещаша отринути, текоша в жажди: усты своими благословляху, и сердцем своим кленяху.

Пс.61:5  с толкованием

6
Обаче Богови повинися, душе моя: яко от Того терпение мое.

Пс.61:6  с толкованием

7
Ибо Той Бог мой и спас мой, заступник мой: не преселюся.

Пс.61:7  с толкованием

8
О Бозе спасение мое и слава моя: Бог помощи моея, и упование мое на Бога.

Пс.61:8  с толкованием

9
Уповайте на Него, весь сонм людий: излияйте пред Ним сердца ваша, яко Бог помощник наш.

Пс.61:9  с толкованием

10
Обаче суетни сынове человечестии, лживи сынове человечестии в мерилех еже неправдовати: тии от суеты вкупе.

Пс.61:10  с толкованием

11
Не уповайте на неправду, и на восхищение не желайте: богатство аще течет, не прилагайте сердца.

Пс.61:11  с толкованием

12
Единою глагола Бог, двоя сия слышах, зане держава Божия,

Пс.61:12  с толкованием

13
и Твоя, Господи, милость: яко Ты воздаси комуждо по делом его.

Пс.61:13  с толкованием

Псалом 
62

Пс.62  с толкованием

1
Псалом Давиду, внегда быти ему в пустыни Иудейстей.

Пс.62:1  с толкованием

2
Боже, Боже мой, к Тебе утренюю: возжада Тебе душа моя, коль множицею Тебе плоть моя, в земли пусте и непроходне и безводне.

Пс.62:2  с толкованием

3
Тако во святем явихся Тебе, видети силу Твою и славу Твою.

Пс.62:3  с толкованием

4
Яко лучши милость Твоя паче живот: устне мои похвалите Тя.

Пс.62:4  с толкованием

5
Тако благословлю Тя в животе моем и о имени Твоем воздежу руце мои.

Пс.62:5  с толкованием

6
Яко от тука и масти да исполнится душа моя, и устнама радости восхвалят Тя уста моя.

Пс.62:6  с толкованием

7
Аще поминах Тя на постели моей, на утренних поучахся в Тя:

Пс.62:7  с толкованием

8
яко был еси помощник мой, и в крове крилу Твоею возрадуюся.

Пс.62:8  с толкованием

9
Прильпе душа моя по Тебе: мене же прият десница Твоя.

Пс.62:9  с толкованием

10
Тии же всуе искаша душу мою: внидут в преисподняя земли:

Пс.62:10  с толкованием

11
предадятся в руки оружия, части лисовом будут.

Пс.62:11  с толкованием

12
Царь же возвеселится о Бозе: похвалится всяк кленыйся Им, яко заградишася уста глаголющих неправедная.

Пс.62:12  с толкованием

Псалом 
63

Пс.63  с толкованием

1
В конец, псалом Давиду.

Пс.63:1  с толкованием

2
Услыши, Боже, глас мой, внегда молитимися к тебе: от страха вражия изми душу мою.

Пс.63:2  с толкованием

3
Покрый мя от сонма лукавнующих, от множества делающих неправду:

Пс.63:3  с толкованием

4
иже изостриша яко мечь языки своя, напрягоша лук свой, вещь горьку,

Пс.63:4  с толкованием

5
состреляти в тайных непорочна: внезапу состреляют его, и не убоятся.

Пс.63:5  с толкованием

6
Утвердиша себе слово лукавое: поведаша скрыти сеть, реша: кто узрит их?

Пс.63:6  с толкованием

7
Испыташа беззаконие: изчезоша испытающии испытания: приступит человек, и сердце глубоко.

Пс.63:7  с толкованием

8
И вознесется Бог: стрелы младенец быша язвы их,

Пс.63:8  с толкованием

9
и изнемогоша на ня языцы их: смутишася вси видящии их.

Пс.63:9  с толкованием

10
И убояся всяк человек: и возвестиша дела Божия, и творения Его разумеша.

Пс.63:10  с толкованием

11
Возвеселится праведник о Господе и уповает на Него: и похвалятся вси правии сердцем.

Пс.63:11  с толкованием

Псалом 
64

Пс.64  с толкованием

1
В конец, псалом песни Давиду, песнь Иеремиева и иезекиилева, людий преселения, егда хотяху исходити.

Пс.64:1  с толкованием

2
Тебе подобает песнь, Боже, в Сионе, и Тебе воздастся молитва во Иерусалиме.

Пс.64:2  с толкованием

3
Услыши молитву мою: к Тебе всяка плоть приидет.

Пс.64:3  с толкованием

4
Словеса беззаконник премогоша нас: и нечестия наша Ты очестиши.

Пс.64:4  с толкованием

5
Блажен, егоже избрал еси и приял, вселится во дворех Твоих. Исполнимся во благих дому Твоего: свят храм Твой.

Пс.64:5  с толкованием

6
Дивен в правде, услыши ны, Боже, Спасителю наш, упование всех концей земли и сущих в мори далече:

Пс.64:6  с толкованием

7
уготовляяй горы крепостию Своею, препоясан силою:

Пс.64:7  с толкованием

8
смущаяй глубину морскую, шуму волн его кто постоит? Смятутся языцы,

Пс.64:8  с толкованием

9
и убоятся живущии в концах от знамений Твоих: исходы утра и вечера украсиши.

Пс.64:9  с толкованием

10
Посетил еси землю и упоил еси ю, умножил еси обогатити ю: река Божия наполнися вод: уготовал еси пищу им, яко тако (есть) уготование.

Пс.64:10  с толкованием

11
Бразды ея упой, умножи жита ея: в каплях ея возвеселится возсияющи.

Пс.64:11  с толкованием

12
Благословиши венец лета благости Твоея, и поля Твоя исполнятся тука:

Пс.64:12  с толкованием

13
разботеют красная пустыни, и радостию холми препояшутся.

Пс.64:13  с толкованием

14
Одеяшася овни овчии, и удолия умножат пшеницу: воззовут, ибо воспоют.

Пс.64:14  с толкованием

Псалом 
65

Пс.65  с толкованием

1
В конец, песнь псалма воскресения.

Пс.65:1  с толкованием

2
Воскликните Господеви вся земля, пойте же имени Его, дадите славу хвале Его.

Пс.65:2  с толкованием

3
Рцыте Богу: коль страшна дела Твоя? Во множестве силы Твоея солжут Тебе врази Твои.

Пс.65:3  с толкованием

4
Вся земля да поклонится Тебе и поет Тебе, да поет же имени Твоему, Вышний.

Пс.65:4  с толкованием

5
Приидите и видите дела Божия, коль страшен в советех паче сынов человеческих.

Пс.65:5  с толкованием

6
Обращаяй море в сушу, в реце пройдут ногами: тамо возвеселимся о Нем,

Пс.65:6  с толкованием

7
владычествующем силою Своею веком: очи Его на языки призираете: преогорчевающии да не возносятся в себе.

Пс.65:7  с толкованием

8
Благословите, языцы, Бога нашего, и услышан сотворите глас хвалы Его,

Пс.65:8  с толкованием

9
положшаго душу мою в живот, и не давшаго во смятение ног моих.

Пс.65:9  с толкованием

10
Яко искусил ны еси, Боже, разжегл ны еси, якоже разжизается сребро.

Пс.65:10  с толкованием

11
Ввел ны еси в сеть, положил еси скорби на хребте нашем.

Пс.65:11  с толкованием

12
Возвел еси человеки на главы нашя: проидохом сквозе огнь и воду, и извел еси ны в покой.

Пс.65:12  с толкованием

13
Вниду в дом Твой со всесожжением, воздам Тебе молитвы моя,

Пс.65:13  с толкованием

14
яже изрекосте устне мои, и глаголаша уста моя в скорби моей.

Пс.65:14  с толкованием

15
Всесожжения тучна вознесу Тебе с кадилом, и овны, вознесу Тебе волы с козлы.

Пс.65:15  с толкованием

16
Приидите, услышите, и повем вам, вси боящиися Бога, елика сотвори души моей.

Пс.65:16  с толкованием

17
К Нему усты моими воззвах, и вознесох под языком моим.

Пс.65:17  с толкованием

18
Неправду аще узрех в сердцы моем, да не услышит мене Господь.

Пс.65:18  с толкованием

19
Сего ради услыша мя Бог, внят гласу моления моего.

Пс.65:19  с толкованием

20
Благословен Бог, Иже не отстави молитву мою и милость Свою от мене.

Пс.65:20  с толкованием