Псалом 
66

Пс.66  с толкованием

1
В конец, в песнех, псалом песни Давиду.

Пс.66:1  с толкованием

2
Боже, ущедри ны и благослови ны, просвети лице Твое на ны и помилуй ны:

Пс.66:2  с толкованием

3
познати на земли путь Твой, во всех языцех спасение Твое.

Пс.66:3  с толкованием

4
Да исповедятся Тебе людие, Боже, да исповедятся Тебе людие вси.

Пс.66:4  с толкованием

5
Да возвеселятся и да возрадуются языцы: яко судиши людем правотою, и языки на земли наставиши.

Пс.66:5  с толкованием

6
Да исповедятся Тебе людие, Боже, да исповедятся Тебе людие вси.

Пс.66:6  с толкованием

7
Земля даде плод свой: благослови ны, Боже, Боже наш,

Пс.66:7  с толкованием

8
благослови ны, Боже: и да убоятся Его вси концы земли.

Пс.66:8  с толкованием

Псалом 
67

Пс.67  с толкованием

1
В конец, псалом песни Давиду.

Пс.67:1  с толкованием

2
Да воскреснет Бог, и расточатся врази Его, и да бежат от лица Его ненавидящии Его.

Пс.67:2  с толкованием

3
Яко изчезает дым, да изчезнут: яко тает воск от лица огня, тако да погибнут грешницы от лица Божия:

Пс.67:3  с толкованием

4
а праведницы да возвеселятся, да возрадуются пред Богом, да насладятся в веселии.

Пс.67:4  с толкованием

5
Воспойте Богу, пойте имени Его: путесотворите Возшедшему на запады, Господь имя Ему: и радуйтеся пред Ним.

Пс.67:5  с толкованием

6
Да смятутся от лица Его, Отца сирых и судии вдовиц: Бог в месте святем Своем.

Пс.67:6  с толкованием

7
Бог вселяет единомысленныя в дом, изводя окованныя мужеством, такожде преогорчевающыя живущыя во гробех.

Пс.67:7  с толкованием

8
Боже, внегда исходити Тебе пред людьми Твоими, внегда мимоходити Тебе в пустыни,

Пс.67:8  с толкованием

9
земля потрясеся, ибо небеса кануша от лица Бога Синаина, от лица Бога Израилева.

Пс.67:9  с толкованием

10
Дождь волен отлучиши, Боже, достоянию Твоему, и изнеможе, Ты же совершил еси е.

Пс.67:10  с толкованием

11
Животная Твоя живут на ней: уготовал еси благостию Твоею нищему, Боже.

Пс.67:11  с толкованием

12
Господь даст глагол благовествующым силою многою:

Пс.67:12  с толкованием

13
царь сил возлюбленнаго, красотою дому разделити корысти.

Пс.67:13  с толкованием

14
Аще поспите посреде предел, криле голубине посребрене, и междорамия ея в блещании злата:

Пс.67:14  с толкованием

15
внегда разнствит Небесный цари на ней, оснежатся в Селмоне.

Пс.67:15  с толкованием

16
Гора Божия, гора тучная, гора усыренная, гора тучная.

Пс.67:16  с толкованием

17
Вскую непщуете, горы усыренныя? Гора, юже благоволи Бог жити в ней: ибо Господь вселится до конца.

Пс.67:17  с толкованием

18
Колесница Божия тмами тем, тысяща гобзующих: Господь в них в Синаи во святем.

Пс.67:18  с толкованием

19
Возшел еси на высоту, пленил еси плен: приял еси даяния в человецех, ибо непокаряющыяся, еже вселитися.

Пс.67:19  с толкованием

20
Господь Бог благословен, благословен Господь день дне: поспешит нам Бог спасений наших.

Пс.67:20  с толкованием

21
Бог наш Бог еже спасати: и Господня, Господня исходища смертная.

Пс.67:21  с толкованием

22
Обаче Бог сокрушит главы врагов Своих, верх влас преходящих в прегрешениих своих.

Пс.67:22  с толкованием

23
Рече Господь: от Васана обращу, обращу во глубинах морских:

Пс.67:23  с толкованием

24
яко да омочится нога твоя в крови, язык пес твоих от враг от него.

Пс.67:24  с толкованием

25
Видена быша шествия Твоя, Боже, шествия Бога моего Царя, иже во святем.

Пс.67:25  с толкованием

26
Предвариша князи близ поющих, посреде дев тимпанниц.

Пс.67:26  с толкованием

27
В церквах благословите Бога, Господа от источник Израилевых.

Пс.67:27  с толкованием

28
Тамо Вениамин юнейший во ужасе, князи Иудовы владыки их, князи Завулони, князи Неффалимли.

Пс.67:28  с толкованием

29
Заповеждь, Боже, силою Твоею: укрепи, Боже, сие, еже соделал еси в нас.

Пс.67:29  с толкованием

30
От храма Твоего во Иерусалим Тебе принесут царие дары.

Пс.67:30  с толкованием

31
Запрети зверем тростным: сонм юнец в юницах людских, еже затворити искушенныя сребром: расточи языки хотящыя бранем.

Пс.67:31  с толкованием

32
Приидут молитвенницы от Египта: Ефиопиа предварит руку свою к Богу.

Пс.67:32  с толкованием

33
Царства земная, пойте Богу, воспойте Господеви,

Пс.67:33  с толкованием

34
возшедшему на небо небесе на востоки: се, даст гласу Своему глас силы.

Пс.67:34  с толкованием

35
Дадите славу Богови: на Израили велелепота Его, и сила Его на облацех.

Пс.67:35  с толкованием

36
Дивен Бог во святых Своих: Бог Израилев, Той даст силу и державу людем Своим. Благословен Бог.

Пс.67:36  с толкованием

Псалом 
68

Пс.68  с толкованием

1
В конец, о изменшихся, псалом Давиду.

Пс.68:1  с толкованием

2
Спаси мя, Боже, яко внидоша воды до души моея.

Пс.68:2  с толкованием

3
Углебох в тимении глубины, и несть постояния: приидох во глубины морския, и буря потопи мя.

Пс.68:3  с толкованием

4
Утрудихся зовый, измолче гортань мой: изчезосте очи мои, от еже уповати ми на Бога моего.

Пс.68:4  с толкованием

5
Умножишася паче влас главы моея ненавидящии мя туне: укрепишася врази мои, изгонящии мя неправедно: яже не восхищах, тогда воздаях.

Пс.68:5  с толкованием

6
Боже, Ты уведел еси безумие мое, и прегрешения моя от Тебе не утаишася.

Пс.68:6  с толкованием

7
Да не постыдятся о мне терпящии Тебе, Господи, Господи сил: ниже да посрамятся о мне ищущии Тебе, Боже Израилев.

Пс.68:7  с толкованием

8
Яко Тебе ради претерпех поношение, покры срамота лице мое.

Пс.68:8  с толкованием

9
Чуждь бых братии моей и странен сыновом матере моея:

Пс.68:9  с толкованием

10
яко ревность дому Твоего снеде мя, и поношения поносящих Ти нападоша на мя.

Пс.68:10  с толкованием

11
И покрых постом душу мою, и бысть в поношение мне:

Пс.68:11  с толкованием

12
и положих одеяние мое вретище, и бых им в притчу.

Пс.68:12  с толкованием

13
О мне глумляхуся седящии во вратех, и о мне пояху пиющии вино.

Пс.68:13  с толкованием

14
Аз же молитвою моею к Тебе, Боже: время благоволения, Боже: во множестве милости Твоея услыши мя, во истине спасения Твоего.

Пс.68:14  с толкованием

15
Спаси мя от брения, да не углебну: да избавлюся от ненавидящих мя и от глубоких вод.

Пс.68:15  с толкованием

16
Да не потопит мене буря водная, ниже да пожрет мене глубина, ниже сведет о мне ровенник уст своих.

Пс.68:16  с толкованием

17
Услыши мя, Господи, яко блага милость Твоя: по множеству щедрот Твоих призри на мя.

Пс.68:17  с толкованием

18
Не отврати лица Твоего от отрока Твоего, яко скорблю: скоро услыши мя.

Пс.68:18  с толкованием

19
Вонми души моей и избави ю: враг моих ради избави мя.

Пс.68:19  с толкованием

20
Ты бо веси поношение мое, и студ мой, и срамоту мою: пред Тобою вси оскорбляющии мя.

Пс.68:20  с толкованием

21
Поношение чаяше душа моя и страсть: и ждах соскорбящаго, и не бе, и утешающих, и не обретох.

Пс.68:21  с толкованием

22
И даша в снедь мою желчь, и в жажду мою напоиша мя оцта.

Пс.68:22  с толкованием

23
Да будет трапеза их пред ними в сеть и в воздаяние и в соблазн.

Пс.68:23  с толкованием

24
Да помрачатся очи их, еже не видети, и хребет их выну сляцы.

Пс.68:24  с толкованием

25
Пролий на ня гнев Твой, и ярость гнева Твоего да постигнет их.

Пс.68:25  с толкованием

26
Да будет двор их пуст, и в жилищих их да не будет живый.

Пс.68:26  с толкованием

27
Зане егоже Ты поразил еси, тии погнаша, и к болезни язв моих приложиша.

Пс.68:27  с толкованием

28
Приложи беззаконие к беззаконию их, и да не внидут в правду Твою.

Пс.68:28  с толкованием

29
Да потребятся от книги живых, и с праведными да не напишутся.

Пс.68:29  с толкованием

30
Нищь и боляй есмь аз: спасение Твое, Боже, да приимет мя.

Пс.68:30  с толкованием

31
Восхвалю имя Бога моего с песнию, возвеличу Его во хвалении:

Пс.68:31  с толкованием

32
и угодно будет Богу паче телца юна, роги износяща и пазнокти.

Пс.68:32  с толкованием

33
Да узрят нищии и возвеселятся: взыщите Бога, и жива будет душа ваша.

Пс.68:33  с толкованием

34
Яко услыша убогия Господь, и окованныя Своя не уничижи.

Пс.68:34  с толкованием

35
Да восхвалят Его небеса и земля, море и вся живущая в нем.

Пс.68:35  с толкованием

36
Яко Бог спасет Сиона, и созиждутся гради Иудейстии, и вселятся тамо и наследят и:

Пс.68:36  с толкованием

37
и семя рабов Твоих удержит и, и любящии имя Твое вселятся в нем.

Пс.68:37  с толкованием

Псалом 
69

Пс.69  с толкованием

1
В конец Давиду, в воспоминание, во еже спасти мя Господу.

Пс.69:1  с толкованием

2
Боже, в помощь мою вонми: Господи, помощи ми потщися.

Пс.69:2  с толкованием

3
Да постыдятся и посрамятся ищущии душу мою. Да возвратятся вспять и постыдятся хотящии ми злая:

Пс.69:3  с толкованием

4
да возвратятся абие стыдящеся глаголющии ми: благоже, благоже.

Пс.69:4  с толкованием

5
Да возрадуются и возвеселятся о Тебе вси ищущии Тебе, Боже: и да глаголют выну, да возвеличится Господь, любящии спасение Твое.

Пс.69:5  с толкованием

6
Аз же нищь есмь и убог, Боже, помози ми: помощник мой и Избавитель мой еси Ты, Господи, не закосни.

Пс.69:6  с толкованием

Псалом 
70

Пс.70  с толкованием

1
На Тя, Господи, уповах, да не постыжуся в век.

Пс.70:1  с толкованием

2
Правдою Твоею избави мя и изми мя: приклони ко мне ухо Твое и спаси мя.

Пс.70:2  с толкованием

3
Буди ми в Бога защитителя и в место крепко спасти мя: яко утверждение мое и прибежище мое еси Ты.

Пс.70:3  с толкованием

4
Боже мой, избави мя из руки грешнаго, из руки законопреступнаго и обидящаго:

Пс.70:4  с толкованием

5
яко Ты еси терпение мое, Господи, Господи, упование мое от юности моея.

Пс.70:5  с толкованием

6
В Тебе утвердихся от утробы, от чрева матере моея Ты еси мой покровитель: о Тебе пение мое выну.

Пс.70:6  с толкованием

7
Яко чудо бых многим: и Ты помощник мой крепок.

Пс.70:7  с толкованием

8
Да исполнятся уста моя хваления, яко да воспою славу Твою, весь день великолепие Твое.

Пс.70:8  с толкованием

9
Не отвержи мене во время старости: внегда оскудевати крепости моей, не остави мене.

Пс.70:9  с толкованием

10
Яко реша врази мои мне, и стрегущии душу мою совещаша вкупе,

Пс.70:10  с толкованием

11
глаголюще: Бог оставил есть его, пожените и имите его, яко несть избавляяй.

Пс.70:11  с толкованием

12
Боже мой, не удалися от мене: Боже мой, в помощь мою вонми.

Пс.70:12  с толкованием

13
Да постыдятся и изчезнут оклеветающии душу мою, да облекутся в студ и срам ищущии злая мне.

Пс.70:13  с толкованием

14
Аз же всегда возуповаю на Тя, и приложу на всяку похвалу Твою.

Пс.70:14  с толкованием

15
Уста моя возвестят правду Твою, весь день спасение Твое, яко не познах книжная.

Пс.70:15  с толкованием

16
Вниду в силе Господни: Господи, помяну правду Тебе единаго.

Пс.70:16  с толкованием

17
Боже мой, имже научил мя еси от юности моея, и доныне возвещу чудеса Твоя.

Пс.70:17  с толкованием

18
И даже до старости и престарения, Боже мой, не остави мене, дондеже возвещу мышцу Твою роду всему грядущему,

Пс.70:18  с толкованием

19
силу Твою и правду Твою, Боже, даже до вышних, яже сотворил ми еси величия: Боже, кто подобен Тебе?

Пс.70:19  с толкованием

20
Елики явил ми еси скорби многи и злы? И обращься оживотворил мя еси и от бездн земли возвел мя еси.

Пс.70:20  с толкованием

21
Умножил еси на мне величествие твое, и обращься утешил мя еси, и от бездн земли паки возвел мя еси.

Пс.70:21  с толкованием

22
Ибо аз исповемся Тебе в людех, Господи, в сосудех псаломских истину Твою, Боже: воспою Тебе в гуслех, Святый Израилев.

Пс.70:22  с толкованием

23
Возрадуетеся устне мои, егда воспою Тебе, и душа моя, юже еси избавил:

Пс.70:23  с толкованием

24
еще же и язык мой весь день поучится правде Твоей, егда постыдятся и посрамятся ищущии злая мне.

Пс.70:24  с толкованием