Глава 
6

Суд.6  с толкованием

1
И сотвориша сынове Израилевы злое пред Господем, и предаде их Господь в руку Мадиамлю седмь лет.

Суд.6:1  с толкованием

2
И укрепися рука Мадиамля на Израиля: и сотвориша себе сынове Израилевы от лица Мадиамля ограды в горах и в пещерах и в твердынех.

Суд.6:2  с толкованием

3
И бысть егда сеяше муж Израилев, и восхождаше Мадиам и Амалик и сынове восточнии, и восхождаху на него,

Суд.6:3  с толкованием

4
и ополчахуся на них, и разоряху плоды земныя, дондеже внити в Газу: и не оставляху бытия жизненнаго во Израили, и стад и телца и осла:

Суд.6:4  с толкованием

5
яко сами и скоти их восхождаху, и кущы их преношаху, и прихождаху яко прузи множеством, и самем и велблюдом их не бяше числа: и прихождаху на землю Израилеву разорити ю.

Суд.6:5  с толкованием

6
И обнища Израиль зело от лица Мадиамля.

Суд.6:6  с толкованием

7
И возопиша сынове Израилевы ко Господу: и бысть егда возопиша сынове Израилевы ко Господу Мадиама ради,

Суд.6:7  с толкованием

8
и посла Господь мужа пророка к сыном Израилевым, и рече им: сия глаголет Господь Бог Израилев: Аз есмь изведый вас из Египта, и изведох вас из дому работы:

Суд.6:8  с толкованием

9
и избавих вас от руки Египетския и от руки всех стужающих вам: и изгнах я от лица вашего, и дах вам землю их,

Суд.6:9  с толкованием

10
и рекох вам: Аз есмь Господь Бог ваш, не убойтеся богов Аморрейских, в нихже вы живете в земли их: и не послушасте гласа Моего.

Суд.6:10  с толкованием

11
И прииде Ангел Господень, и седе под дубом, иже есть во Ефрафе, иже бысть Иоаса отца Езри. И Гедеон сын его млачаше пшеницу на гумне его, бежати от лица Мадиамля.

Суд.6:11  с толкованием

12
И явися ему Ангел Господень и рече к нему: Господь с тобою, сильный крепостию.

Суд.6:12  с толкованием

13
И рече к нему Гедеон: во мне, Господи мой: и аще есть Господь с нами, и вскую обретоша ны вся злая сия? И где суть вся чудеса Его, елика поведаша нам отцы наши, глаголюще: не из Египта ли изведе нас Господь? И ныне отверже нас Господь и предаде нас в руку Мадиамлю.

Суд.6:13  с толкованием

14
И воззре на него Ангел Господень и рече ему: иди в крепости твоей сей, и спасеши Израиля от руки Мадиамли: и се, послах тя.

Суд.6:14  с толкованием

15
И рече к нему Гедеон: во мне, Господи, в чесом спасу Израиля? Се, тысяща моя хуждша в Манассии, и аз есмь мний в дому отца моего.

Суд.6:15  с толкованием

16
И рече к нему Господь: понеже Аз буду с тобою, и избиеши Мадиама яко мужа единаго.

Суд.6:16  с толкованием

17
И рече к Нему Гедеон: и аще обретох благодать пред очима Твоима, и да сотвориши мне днесь знамение, яко Ты глаголеши со мною:

Суд.6:17  с толкованием

18
не отиди отсюду, дондеже приити мне к Тебе, и принесу жертву мою, и пожру пред Тобою. И рече: Аз есмь, премедлю, дондеже обратишися ты.

Суд.6:18  с толкованием

19
И Гедеон вниде, и сотвори козлище от коз, и четверть ифи муки опресноков, и мяса вложи в кошницу, и юху влия в горнец: и изнесе к Нему под дуб, и поклонися.

Суд.6:19  с толкованием

20
И рече к нему Ангел Господень: возми мяса и хлебы пресныя, и положи у камене онаго, и юху близ излий. И сотвори тако.

Суд.6:20  с толкованием

21
И простре Ангел Господень конец жезла, иже в руце его, и прикоснуся мясом и хлебом пресным: и возгореся огнь из камене, и пояде мяса и опресноки: и Ангел Господень отиде от очей его.

Суд.6:21  с толкованием

22
И виде Гедеон, яко Ангел есть Господень, и рече Гедеон: увы мне, Господи, Господи, яко видех Ангела Господня лицем к лицу.

Суд.6:22  с толкованием

23
И рече ему Господь: мир тебе, и не бойся, не умреши.

Суд.6:23  с толкованием

24
И созда тамо Гедеон жертвенник Господу, и назва его Мир Господень, даже до дне сего, еще сущу ему во Ефрафе отца Езри.

Суд.6:24  с толкованием

25
И бысть в ту нощь, и рече ему Господь: возми телца упитаннаго (от скотов) отца твоего, и телца втораго седми лет, и разориши олтарь Ваалов, иже есть отца твоего, и дубраву, яже у него, да посечеши:

Суд.6:25  с толкованием

26
и да соградиши олтарь Господеви Богу твоему явившемуся тебе на верху (горы) маози во предчинии: и да поймеши телца втораго и вознесеши всесожжения на древех дубравы, юже посечеши.

Суд.6:26  с толкованием

27
И поя Гедеон десять мужей от рабов своих, и сотвори, якоже заповеда ему Господь. И бысть яко убояся дому отца своего и мужей града, еже сотворити во дни, и сотвори нощию.

Суд.6:27  с толкованием

28
И обутреневаша мужие градстии заутра: и се, раскопан олтарь Ваалов, и дубрава яже у него посечена, и видеша телца втораго вознесена на всесожжение на олтарь новосогражденный.

Суд.6:28  с толкованием

29
И рече муж к ближнему своему: кто сотвори вещь сию? И вопрошаху и искаху, и познаша, яко Гедеон сын Иоасов сотвори вещь сию.

Суд.6:29  с толкованием

30
И рекоша мужие градстии ко Иоасу: изведи сына твоего, и да умрет, яко раскопа олтарь Ваалов и яко посече дубраву яже над ним.

Суд.6:30  с толкованием

31
И рече Иоас к мужем воставшым на него: еда вы ныне суд глаголете о Ваале? Или вы его спасете? Иже аще кто сотвори обиду, да умрет до заутрия: аще Бог есть, да мстит себе, яко раскопа олтарь его.

Суд.6:31  с толкованием

32
И прозва его в той день Иероваалом, глаголя: да отмстит на нем Ваал, яко раскопа олтарь его.

Суд.6:32  с толкованием

33
И весь Мадиам и Амалик и сынове востоков снидошася вкупе, и преидоша (реку), и ополчишася в долине Иезраель.

Суд.6:33  с толкованием

34
И Дух Божий укрепи Гедеона, и воструби рогом, и возопи Авиезер вслед его.

Суд.6:34  с толкованием

35
И посла послы ко всему Манассию, и созвася и сей вслед его. Посем посла послы во Асир и в Завулон и в Неффалим, и взыдоша во сретение им.

Суд.6:35  с толкованием

36
И рече Гедеон к Богу: аще Ты спасаеши рукою моею Израиля, якоже глаголал еси,

Суд.6:36  с толкованием

37
се, аз положу руно овчее на гумне: и аще будет роса на руне точию, и по всей земли суша, уразумею, яко спасеши рукою моею Израиля, якоже глаголал еси.

Суд.6:37  с толкованием

38
И бысть тако: и урани Гедеон наутрие, и исцеди руно, и истече роса из руна, исполнен окрин воды.

Суд.6:38  с толкованием

39
И рече Гедеон к Богу: да не разгневается ярость Твоя на мя, и возглаголю еще единою, и искушу еще единою руном: да будет суша на руне токмо, и по всей земли да будет роса.

Суд.6:39  с толкованием

40
И сотвори Бог тако в нощи той: и бысть суша на руне токмо, и по всей земли бысть роса.

Суд.6:40  с толкованием

Глава 
7

Суд.7  с толкованием

1
И обутренева Иероваал, сей есть Гедеон, и вси людие иже с ним, и ополчишася у источника Арад: и полк Мадиамль и Амаликов бяше ему с севера на холме Мосе Гавааф-Аморе в долине.

Суд.7:1  с толкованием

2
И рече Господь к Гедеону: мнози людие иже с тобою, сего ради не предам Мадиама в руку их, да не когда похвалится Израиль на Мя, глаголя: рука моя спасе мя:

Суд.7:2  с толкованием

3
и ныне рцы во ушы людем, глаголя: кто боязлив и ужастив, да возвратится и да отидет от горы Галаадовы. И возвратишася от людий двадесять две тысящы, и десять тысящ осташася.

Суд.7:3  с толкованием

4
И рече Господь к Гедеону: еще людие мнози суть: сведи я на воду, и искушу тебе их тамо: и будет егоже аще реку тебе, сей да идет с тобою, той да пойдет с тобою: и всяк егоже аще реку тебе, сей да не пойдет с тобою, той да не пойдет с тобою.

Суд.7:4  с толкованием

5
И сведе люди на воду, и рече Господь к Гедеону: всяк иже полочет языком своим от воды, якоже лочет пес, да поставиши его особь: и всяк иже на колену падет пити, отлучи его особь.

Суд.7:5  с толкованием

6
И бысть число в горстех локавших языком триста мужей: и вси оставшии людие преклонишася на колена своя пити воду.

Суд.7:6  с толкованием

7
И рече Господь к Гедеону: треми сты мужей локавшими воду спасу вас, и предам Мадиама в руку твою: и вси людие да пойдут, кийждо на место свое.

Суд.7:7  с толкованием

8
И взяша себе брашно от людий в руку свою и роги своя: и всякаго мужа Израилтеска отпусти коегождо в кущу свою, а триста мужей удержа: полк же Мадиамль бяше ниже его в долине.

Суд.7:8  с толкованием

9
И бысть в ту нощь, и рече к нему Господь: востав сниди отсюду скоро в полк, яко предах их в руку твою:

Суд.7:9  с толкованием

10
и аще боишися ты снити, сниди ты и Фара раб твой в полк,

Суд.7:10  с толкованием

11
и услышиши, что возглаголют: и по сем укрепятся руце твои, и снидеши в полк. И сниде сам и Фара раб его в часть пятьдесятников, иже быша в полце.

Суд.7:11  с толкованием

12
И Мадиам и Амалик и вси сынове востоков стояху в долине яко прузи множеством, и велблюдом их не бяше числа, но бяху яко песок на краи морстем множеством.

Суд.7:12  с толкованием

13
И вниде Гедеон, и се, муж поведаше сон подругу своему, и рече: сей сон егоже видех, и се, тесто хлеба ячна валяющееся в полце Мадиамли, и привалися к кущи Мадиамли, и поби ю, и преврати ю, и паде куща.

Суд.7:13  с толкованием

14
И отвеща подруг его и рече: несть (сие тесто), но мечь Гедеона сына Иоасова мужа Израилева: предаде Бог в руку его Мадиама и весь полк.

Суд.7:14  с толкованием

15
И бысть яко услыша Гедеон поведание сна и разсуждение его, и поклонися Господеви, и возвратися в полк Израилев и рече: востаните, яко предаде Господь в руки нашя полк Мадиамль.

Суд.7:15  с толкованием

16
И раздели триста мужей на три началства, и вдаде роги в руце всем, и водоносы тщы, и свещы среде водоносов,

Суд.7:16  с толкованием

17
и рече им: мене смотрите, и такожде творите: и се, аз вниду в часть полка, и будет якоже сотворю, такожде сотворите:

Суд.7:17  с толкованием

18
и аз вострублю рогом, и вси иже со мною, да вострубите и вы в роги окрест всего полка, и да речете: (мечь) Богу и Гедеону.

Суд.7:18  с толкованием

19
И вниде Гедеон и сто мужей иже с ним в часть полка в начале стражи средния: и убужением возбудиша стрегущих, и вострубиша в роги, и сразиша водоносы иже в руках их.

Суд.7:19  с толкованием

20
И вострубиша три началства в роги и сокрушиша водоносы, и удержаша в левых руках своих свещы, и в десных руках их роги, в няже трубити: и возопиша: мечь Господеви и Гедеону.

Суд.7:20  с толкованием

21
И сташа кийждо о себе окрест полка: и смятеся весь полк, и возопиша, и побегоша.

Суд.7:21  с толкованием

22
И вострубиша в триста рогов: и положи Господь мечь мужа на подруга его во всем полце, и пробеже полк до Вифасетта, и собрася до страны Авелмаула и к Тавафу.

Суд.7:22  с толкованием

23
И возопиша мужие Израилтестии от Неффалима и от Асира и от всего Манассии, и погнаша вслед Мадиама.

Суд.7:23  с толкованием

24
И посла послы Гедеон во всю гору Ефремлю, глаголя: снидите во сретение Мадиаму и удержите им воду до Вефира и Иордана. И воззва всяк муж Ефремль, и предотяша воду до Вефира и Иордана,

Суд.7:24  с толкованием

25
и яша два князя Мадиамля, Орива и Зива: и убиша Орива в Суре, и Зива убиша во Иакефзиве: и погнаша Мадиама, и главу Орива и Зива принесоша к Гедеону от оноя страны Иордана.

Суд.7:25  с толкованием

Глава 
8

Суд.8  с толкованием

1
И рекоша к Гедеону мужие Ефремли: что сие сотворил еси нам, яко не позвал еси нас, егда ходил воевати на Мадиама? И пряхуся с ним сильно.

Суд.8:1  с толкованием

2
И рече к ним (Гедеон): что сотворих ныне якоже вы? Не лучше ли гроздец Ефремль, нежели обрание винограда Авиезерова?

Суд.8:2  с толкованием

3
В руку вашу предаде Господь князи Мадиамли, Орива и Зива: и что возмогох сотворити якоже вы? Тогда утолися дух их от него, егда глагола им слово сие.

Суд.8:3  с толкованием

4
И прииде Гедеон ко Иордану, и прейде сам и иже с ним триста мужей, алчни и утруждени гоняще.

Суд.8:4  с толкованием

5
И рече мужем Сокхофским: дадите хлебы на пищу мужем сим иже со мною, яко алчни суть: аз же гоню вслед Зевеа и Салмана, царей Мадиамских.

Суд.8:5  с толкованием

6
И рекоша князи Сокхофстии: еда рука Зевеа и Салмана ныне в руце твоей, яко дадим воем твоим хлебы?

Суд.8:6  с толкованием

7
И рече Гедеон: не тако: но егда предаст Господь Зевеа и Салмана в руку мою, аз сотру плоти вашя тернием пустынным и волчцами.

Суд.8:7  с толкованием

8
И взыде оттуду во Фануил и глагола к ним такожде. И отвещаша ему мужие Фануили, якоже отвещаша ему мужие Сокхофстии.

Суд.8:8  с толкованием

9
И рече Гедеон мужем Фануилским, глаголя: егда возвращуся с миром, раскопаю столп сей.

Суд.8:9  с толкованием

10
И Зевей и Салман быша в Каркаре, и полк их с ними до пятьнадесяти тысящ (мужей) оставшихся от всего полка сынов восточных: и умерших бяше сто и двадесять тысящ мужей держащих оружие.

Суд.8:10  с толкованием

11
И взыде Гедеон путем живущих в кущах от востоков прямо Навы и Иегевала: и изби полк, полк же бяше надежен.

Суд.8:11  с толкованием

12
И побегоста Зевей и Салман: и гна вслед их, и поима оба царя Мадиамля, Зевеа и Салмана, и весь полк их смяте.

Суд.8:12  с толкованием

13
И возвратися Гедеон сын Иоасов от рати прежде восхода солнца,

Суд.8:13  с толкованием

14
и ят отрочища от мужей Сокхофских и вопроси его: и вписа от него имена князей Сокхофских и старейшин их, седмидесяти и седми мужей.

Суд.8:14  с толкованием

15
И прииде Гедеон ко князем Сокхофским и рече им: се, Зевей и Салман, ихже ради укористе мя, глаголюще: еда рука Зевеа и Салмана ныне в руце твоей, яко дадим мужем твоим утруждшымся хлебы?

Суд.8:15  с толкованием

16
И поя князи и старейшины града, и терние от пустыни и волчцы, и сотре ими мужы Сокхофски:

Суд.8:16  с толкованием

17
и столп Фануилев раскопа, и изби мужы градския.

Суд.8:17  с толкованием

18
И рече к Зевею и Салману: какови мужие, ихже избисте в Фаворе? И реша: якоже ты, тако они, подобен ты еси им, яко подобие сынов царевых.

Суд.8:18  с толкованием

19
И рече Гедеон: братия моя и сынове матере моея суть: жив Господь, аще бысте живили их, не убил бых вас.

Суд.8:19  с толкованием

20
И рече Иеферу первенцу своему: востав убий их. И не извлече отрочищь меча своего: зане убояся, яко млад бяше.

Суд.8:20  с толкованием

21
И рече Зевей и Салман: востани убо ты, и сопротивися нам: зане яко муж сила его. И воста Гедеон, и уби Зевеа и Салмана: и взя украшения, яже на выях велблюдов их.

Суд.8:21  с толкованием

22
И рекоша мужие Израилстии ко Гедеону: владей нами и ты, и сынове твои, и сынове сынов твоих, яко ты спасл еси нас от руки Мадиамли.

Суд.8:22  с толкованием

23
И рече к ним Гедеон: не возобладаю аз вами, и не возобладает сын мой вами: Господь да владеет вами.

Суд.8:23  с толкованием

24
И рече к ним Гедеон: попрошу у вас прошения, и да даст мне всяк муж усерязь от плена своего: яко усерязи златы (мнози) и бяху им, зане Исмаилтяне бяху.

Суд.8:24  с толкованием

25
И рекоша: дающе дадим. И простре ризу, и ввергоша ту мужие по и усерязю от плена своего.

Суд.8:25  с толкованием

26
И бысть вес усерязь златых, ихже испроси, тысяща и седмь сот сикль злата, кроме плениц и монист (енфофовых), и риз багряных, яже на царех Мадиамлих, и кроме чепей златых, яже на выях велблюдов их.

Суд.8:26  с толкованием

27
И сотвори от них Гедеон ефуд, и постави его во граде своем во Ефрафе. И соблуди весь Израиль по нем тамо: и бысть Гедеону и всему его дому в соблазн.

Суд.8:27  с толкованием

28
И смирися Мадиам пред сыны Израилевыми, и не приложиша воздвигнути главы своея. И бысть в покои земля четыредесять лет, во дни Гедеоновы.

Суд.8:28  с толкованием

29
И иде Иероваал сын Иоасов, и седе в дому своем.

Суд.8:29  с толкованием

30
И Гедеону быша седмьдесят сынов, изшедшии от чресл его, яко жены бяху многи ему.

Суд.8:30  с толкованием

31
И подложница его яже в Сикиме и сия роди ему сына, и нарече имя ему Авимелех.

Суд.8:31  с толкованием

32
И умре Гедеон сын Иоасов в старости блазе, и погребеся во гробе Иоаса отца своего, во Ефрафе, отца Езриева.

Суд.8:32  с толкованием

33
И бысть егда умре Гедеон, и совратишася сынове Израилевы и соблудиша вслед Ваалима, и сотвориша себе со Ваалверифом завет, да им будет бог:

Суд.8:33  с толкованием

34
и не воспомянуша сынове Израилевы Господа Бога своего, избавльшаго их из руки всех враг их окрестных:

Суд.8:34  с толкованием

35
и не сотвориша милости с домом Иеровааловым, сей есть Гедеон, по всей благостыни его, юже сотвори со Израилем.

Суд.8:35  с толкованием

Глава 
9

Суд.9  с толкованием

1
И пойде Авимелех сын Иероваалов в Сихем ко братии матере своея и глагола к ним и ко всему сродству дому отца матере своея, глаголя:

Суд.9:1  с толкованием

2
глаголите во ушы всех мужей Сихемских: что лучше вам, еже владети вами седмидесяти мужем всем сыном Иеровааловым, или владети вами мужу единому? И помяните, яко кость ваша и плоть ваша есмь аз.

Суд.9:2  с толкованием

3
И глаголаша братия матере его о нем во ушы всех мужей Сихемских вся словеса сия. И уклонися сердце их вслед Авимелеха, рекоша бо: брат наш есть.

Суд.9:3  с толкованием

4
И даша ему седмьдесят сребреник от дому Ваалверифа: и ная ими Авимелех мужей праздных и скитающихся, и поидоша вслед его.

Суд.9:4  с толкованием

5
И вниде в дом отца своего во Ефрафу, и изби братию свою, сыны Иеровааловы, седмьдесят мужей, на камени единем, и остася Иоафам сын Иеровааль юнейший, зане скрыся.

Суд.9:5  с толкованием

6
И собрашася вси мужие Сихемстии и весь дом Маалов, и поидоша, и поставиша Авимелеха царем у дуба стана, иже в Сихемех.

Суд.9:6  с толкованием

7
И поведаша Иоафаму, и пойде, и ста на версе горы Гаризин: и воздвиже глас свой, и воззва, и рече им: послушайте мене, мужие Сихемстии, и да услышит вас Бог.

Суд.9:7  с толкованием

8
Идуще идоша древа помазати себе царя и реша масличине: буди нам царь.

Суд.9:8  с толкованием

9
И рече им масличина: еда оставивши тучность мою, юже во мне прослави бог и человецы, пойду владети древами?

Суд.9:9  с толкованием

10
И рекоша древа смоковнице: прииди, царствуй над нами.

Суд.9:10  с толкованием

11
И рече им смоковница: еда оставивши мою сладость и плод мой благий, пойду владети древами?

Суд.9:11  с толкованием

12
И рекоша древа к лозе виноградней: прииди, буди нам царь.

Суд.9:12  с толкованием

13
И рече им лоза виноградная: еда оставивши вино мое, веселящее бога и человеки, пойду владети древами?

Суд.9:13  с толкованием

14
И рекоша вся древа тернию: прииди, буди нам царь.

Суд.9:14  с толкованием

15
И рече терние ко древам: аще по истине помазуете себе царя мене над вами, приидите и внидите под сень мою: аще ли же ни, да изыдет огнь из терния и пояст кедры Ливанския.

Суд.9:15  с толкованием

16
И ныне аще по истине и по совершенству сотвористе, и постависте Авимелеха царем, и аще благо сотвористе со Иероваалом и с домом его, и аще по воздаянию руки его сотвористе ему,

Суд.9:16  с толкованием

17
якоже воева отец мой по вас, и поверже душу свою в страну, и избави вас от руки Мадиамли:

Суд.9:17  с толкованием

18
и вы востасте на дом отца моего днесь и избисте сыны его, седмьдесят мужей, на единем камени, и постависте царем Авимелеха сына рабыни его над мужи Сикимскими, яко брат ваш есть:

Суд.9:18  с толкованием

19
и аще по истине и по совершенству сотвористе со Иероваалом и домом его днесь, благословени вы будите, и возвеселитеся о Авимелесе, и той о вас да возвеселится:

Суд.9:19  с толкованием

20
аще же ни, да изыдет огнь от Авимелеха и пояст мужы Сикимски и дом Мааллонь: и да изыдет огнь от мужей Сикимских и от дому Мааллоня и да пояст Авимелеха.

Суд.9:20  с толкованием

21
И избеже Иоафам, и побеже, и пойде в Виру, и вселися тамо от лица Авимелеха брата своего.

Суд.9:21  с толкованием

22
И облада Авимелех во Израили три лета.

Суд.9:22  с толкованием

23
И посла Бог дух зол между Авимелехом и между мужи Сикимскими: и возгнушашася мужие Сикимстии домом Авимелеховым,

Суд.9:23  с толкованием

24
еже навести неправду седмидесяти сынов Иероваалих и крови их возложити на Авимелеха брата их, иже уби их, и на мужы Сикимски, яко укрепиша руце его избити братию свою:

Суд.9:24  с толкованием

25
и поставиша нань мужие Сикимстии подсады на версех гор, и разграбляху всех идущих к ним на пути. И возвестися сие Авимелеху.

Суд.9:25  с толкованием

26
И прииде Гаал сын Аведов и братия его, и преидоша в Сикиму, и уповаша на него мужие Сикимстии:

Суд.9:26  с толкованием

27
и изыдоша на село, и обраша винограды своя, и изгнетоша, и сотвориша лики: и ходиша во храм богов своих, и ядоша и пиша, кленуще Авимелеха.

Суд.9:27  с толкованием

28
И рече Гаал сын Аведов: кто есть Авимелех, и кто есть сын Сихемль, яко да поработаем ему? Не сын ли Иеровааль, и Зевул страж его раб его с мужи Еммора отца Сихемля? И почто имамы работати ему?

Суд.9:28  с толкованием

29
И кто даст люди сия в руку мою? И преставлю Авимелеха, и реку ко Авимелеху: умножи силу твою, и изыди.

Суд.9:29  с толкованием

30
И услыша Зевул князь града словеса Гаала сына Аведова, и разгневася яростию:

Суд.9:30  с толкованием

31
и посла послы ко Авимелеху отай, глаголя: се, Гаал сын Аведов и братия его приидоша в Сихему, и се, сии обседят на тя град:

Суд.9:31  с толкованием

32
и ныне востани нощию ты и людие иже с тобою, и засяди до заутрия на селе:

Суд.9:32  с толкованием

33
и будет рано, егда взыдет солнце, обутрееши и протягнешися ко граду: и се, той и людие иже с ним изыдут к тебе, и сотвориши ему, елико возможет рука твоя.

Суд.9:33  с толкованием

34
И воста Авимелех и вси людие, иже с ним, нощию, и заседоша на Сихем на четыри части.

Суд.9:34  с толкованием

35
И бысть заутра, и изыде Гаал сын Аведов и ста пред дверию врат градских. И воста Авимелех и людие, иже с ним, от засады.

Суд.9:35  с толкованием

36
И виде Гаал сын Аведов люди и рече к Зевулу: се, народ людий исходит с верхов гор. И рече к нему Зевул: стень гор ты видиши яко мужы.

Суд.9:36  с толкованием

37
И приложи еще Гаал глаголати и рече: се, людие исходят при мори от высоты земли, и полк един идет путем дубравы Маоненим.

Суд.9:37  с толкованием

38
И рече к нему Зевул: и где суть ныне уста твоя глаголющая: кто есть Авимелех, яко поработаем ему? Не сии ли суть людие, яже ты уничтожил еси? Изыди убо ныне, и ополчися противу их.

Суд.9:38  с толкованием

39
И изыде Гаал пред мужы Сихемски, и ополчися противу Авимелеху:

Суд.9:39  с толкованием

40
и погна его Авимелех, и побеже от лица его: и падоша язвеннии мнози даже до врат градских.

Суд.9:40  с толкованием

41
И вниде Авимелех во Ариму: и Зевул изгна Гаала и братию его, да не живут в Сихеме.

Суд.9:41  с толкованием

42
И бысть наутрие, и изыдоша и людие на поле, и поведаша Авимелеху:

Суд.9:42  с толкованием

43
и взя людий, и раздели их на три части, и засяде на селе: и виде, и се, людие изыдоша из града, и воста на ня, и изби их.

Суд.9:43  с толкованием

44
И Авимелех и началницы, иже с ним, протягошася и сташа у дверий врат градских: и две части пролияшася на вся, яже на селе, и избиша я.

Суд.9:44  с толкованием

45
Авимелех же добываше града весь день той, и взя град, и люди иже в нем изби, и разори град, и посея в нем соль.

Суд.9:45  с толкованием

46
И услышаша сие вси мужие столпа Сихемля и внидоша в твердь дому (бога) Вефилвериф.

Суд.9:46  с толкованием

47
И возвестися Авимелеху, яко собрашася вси мужие столпа Сихемска.

Суд.9:47  с толкованием

48
И взыде Авимелех на гору Селмон сам и вси людие, иже с ним: и взя Авимелех секиру в руку свою, и усече ветвь от древа, и воздвиже ю, и возложи на раму свою: и рече людем иже с ним: еже видесте мя творяща, сотворите скоро якоже и аз.

Суд.9:48  с толкованием

49
И усекоша вси людие ветвия и взяша, и поидоша вслед Авимелеха, и возложиша на твердыню, и запалиша на них твердыню огнем: и изомроша вси людие столпа Сихемска до тысящи мужей и жен.

Суд.9:49  с толкованием

50
И иде Авимелех в Фивис и обсяде его, и взя его:

Суд.9:50  с толкованием

51
и столп бе тверд среде града, и вбегоша ту вси мужие и жены и вси старейшины града, и заключишася и взыдоша на кров столпа:

Суд.9:51  с толкованием

52
и прииде Авимелех до столпа, и супротивишася ему: и приступи Авимелех ко вратом столпа, еже запалити его огнем:

Суд.9:52  с толкованием

53
и сверже жена едина уломок жерновный на главу Авимелеха, и сокруши ему темя:

Суд.9:53  с толкованием

54
и возопи скоро Авимелех ко отроку носящему сосуды его и рече ему: извлецы мечь твой и убий мя, да не рекут, яко жена уби его. И прободе его отрок его, и умре.

Суд.9:54  с толкованием

55
И видеша мужие Израилстии, яко умре Авимелех: и отидоша кийждо на свое место.

Суд.9:55  с толкованием

56
И воздаде Бог зло Авимелеху, еже сотвори отцу своему, убив седмьдесят братий своих:

Суд.9:56  с толкованием

57
и всяку злобу мужей Сихемлих обрати Бог на главы их: и взыде на ня клятва Иоафама сына Иеровааля.

Суд.9:57  с толкованием

Глава 
10

Суд.10  с толкованием

1
И воста по Авимелесе спасти Израиля Фола сын Фуи, сын брата отца его, муж от Иссахара: и сей живяше в Самире в горе Ефремове,

Суд.10:1  с толкованием

2
и суди Израиля лет двадесять три, и умре, и погребен быти в Самире.

Суд.10:2  с толкованием

3
И воста по нем Иаир Галаадитин, и суди Израиля лет двадесять два:

Суд.10:3  с толкованием

4
и быша ему сынове тридесять два ездящии на тридесяти двух ослех: и грады им тридесять два: и прозываху их грады Иаировы, даже до днесь, иже суть в земли Галаадове:

Суд.10:4  с толкованием

5
и умре Иаир, и погребен бысть в Камоне.

Суд.10:5  с толкованием

6
И приложиша сынове Израилевы творити злое пред Господем и послужиша Ваалимам и Астарофам и богом Сирским и богом Сидонским и богом Моавлским и богом сынов Аммоних и богом иноплеменников: и оставиша Господа и не работаша Ему.

Суд.10:6  с толкованием

7
И разгневася Господь яростию на Израиля и предаде их в руку Филистимску и в руку сынов Аммоних.

Суд.10:7  с толкованием

8
И озлобиша, и сокрушиша сынов Израилевых в то время осмьнадесять лет, всех сынов Израилевых, иже об ону страну Иордана в земли Аморреа иже в Галааде.

Суд.10:8  с толкованием

9
И преидоша сынове Аммони Иордан воевати на Иуду и Вениамина и на дом Ефремов: и оскорблени быша сынове Израилевы зело.

Суд.10:9  с толкованием

10
И возопиша сынове Израилевы ко Господу, глаголюще: согрешихом Тебе, яко оставихом Бога нашего и работахом Ваалиму.

Суд.10:10  с толкованием

11
И рече Господь к сыном Израилевым: не от Египта ли и от Аморреа и от сынов Аммоних и от Филистима

Суд.10:11  с толкованием

12
и от Сидонян и от Амалика и от Мадиама, иже стужиша вам, и возописте ко Мне, и спасох вы от руки их?

Суд.10:12  с толкованием

13
Вы же остависте Мене и работасте богом иным: сего ради не приложу спасти вас:

Суд.10:13  с толкованием

14
идите и возопийте к богом, ихже избрасте себе, и тии да спасут вы во время скорби вашея.

Суд.10:14  с толкованием

15
И реша сынове Израилевы ко Господу: согрешихом, сотвори ты нам по всему, елико угодно пред очима Твоима: точию избави нас в сей день.

Суд.10:15  с толкованием

16
И извергоша боги чуждыя от среды себе и послужиша Господеви единому: и сжалеся душа Его о утруждении Израилеве.

Суд.10:16  с толкованием

17
И взыдоша сынове Аммони, и ополчишася в Галааде: и собрашася и сынове Израилевы, и ополчишася в Массифе.

Суд.10:17  с толкованием

18
И реша людие князи Галаадстии кийждо ко ближнему своему: муж, иже начнет битися с сынми Аммоновыми, той будет князь всем живущым в Галааде.

Суд.10:18  с толкованием