Глава 
1

Тит.1  с толкованием

1
Павел, раб Божий, Апостол же Иисус Христов, по вере избранных Божиих и разуму истины, яже по благочестию,

Тит.1:1  с толкованием

2
о уповании жизни вечныя, юже обетова неложный Бог прежде лет вечных,

Тит.1:2  с толкованием

3
яви же во времена своя слово Свое проповеданием, еже мне поручено бысть по повелению Спасителя нашего Бога:

Тит.1:3  с толкованием

4
Титу, присному чаду по общей вере: благодать, милость, мир от Бога Отца и Господа Иисуса Христа Спаса нашего.

Тит.1:4  с толкованием

5
Сего ради оставих тя в Крите, да недокончанная исправиши и устроиши по всем градом пресвитеры, якоже тебе аз повелех:

Тит.1:5  с толкованием

6
аще кто есть непорочен, единыя жены муж, чада имый верна, не во укорении блуда, или непокорива.

Тит.1:6  с толкованием

7
Подобает бо епископу без порока быти, якоже Божию строителю: не себе угождающу, (не дерзу, не напрасливу,) не гневливу, не пиянице, не биице, не скверностяжательну,

Тит.1:7  с толкованием

8
но страннолюбиву, благолюбцу, целомудренну, праведну, преподобну, воздержателну,

Тит.1:8  с толкованием

9
держащемуся вернаго словесе по учению, да силен будет и утешати во здравем учении, и противящыяся обличати.

Тит.1:9  с толкованием

10
Суть бо мнози непокориви, суесловцы и умом прельщени, наипаче же сущии от обрезания,

Тит.1:10  с толкованием

11
ихже подобает уста заграждати: иже вся домы развращают, учаще яже не подобает, сквернаго ради прибытка.

Тит.1:11  с толкованием

12
Рече же некто от них, свой им пророк: Критяне присно лживи, злии зверие, утробы праздныя.

Тит.1:12  с толкованием

13
Свидетельство сие истинно есть. Еяже ради вины обличай их нещадно, да здрави будут в вере,

Тит.1:13  с толкованием

14
не внимающе Иудейским баснем, ни заповедем человек отвращающихся от истины.

Тит.1:14  с толкованием

15
Вся убо чиста чистым: оскверненым же и неверным ничтоже чисто, но осквернися их и ум и совесть.

Тит.1:15  с толкованием

16
Бога исповедуют ведети, а делы отмещутся Его, мерзцы суще и непокориви и на всякое дело благое неискусни.

Тит.1:16  с толкованием

Глава 
2

Тит.2  с толкованием

1
Ты же глаголи, яже подобает здравому учению:

Тит.2:1  с толкованием

2
старцем трезвенным быти, честным, целомудренным, здравствующым верою, любовию, терпением:

Тит.2:2  с толкованием

3
старицам такожде во украшении святолепным, не клеветивым, не вину многу порабощенным, доброучителным,

Тит.2:3  с толкованием

4
да уцеломудрят юныя, мужелюбицам быти, чадолюбицам,

Тит.2:4  с толкованием

5
целомудренным, чистым, домы добре правящым, благим, покаряющымся своим мужем, да не слово Божие хулится:

Тит.2:5  с толкованием

6
юношы такожде моли целомудрствовати.

Тит.2:6  с толкованием

7
О всем (же) сам себе подавая образ добрых дел, во учении независтное, честность, нетление,

Тит.2:7  с толкованием

8
слово здравое, незазорное. Да противный посрамится, ничтоже имея глаголати о нас укорно.

Тит.2:8  с толкованием

9
Рабы, своим господем повиноватися, во всем благоугодным быти, не прекословным,

Тит.2:9  с толкованием

10
не крадущым, но веру всяку являющым благу. Да учение Спасителя нашего Бога украшают во всем.

Тит.2:10  с толкованием

11
Явися бо благодать Божия спасителная всем человеком,

Тит.2:11  с толкованием

12
наказующи нас, да отвергшеся нечестия и мирских похотей, целомудренно и праведно и благочестно поживем в нынешнем веце,

Тит.2:12  с толкованием

13
ждуще блаженнаго упования и явления славы великаго Бога и Спаса нашего Иисуса Христа,

Тит.2:13  с толкованием

14
Иже дал есть Себе за ны, да избавит ны от всякаго беззакония и очистит Себе люди избранны, ревнители добрым делом.

Тит.2:14  с толкованием

15
Сия глаголи, и моли, и обличай со всяким повелением. Да никтоже тя преобидит.

Тит.2:15  с толкованием

Глава 
3

Тит.3  с толкованием

1
Воспоминай тем началствующым и владеющым повиноватися и покарятися, и ко всякому делу благу готовым быти:

Тит.3:1  с толкованием

2
ни единаго хулити, не сварливым быти, но тихим, всяку являющым кротость ко всем человеком.

Тит.3:2  с толкованием

3
Бехом бо иногда и мы несмысленни, и непокориви, и прельщени, работающе похотем и сластем различным, в злобе и зависти живуще, мерзцы (суще и) ненавидяще друг друга.

Тит.3:3  с толкованием

4
Егда же благодать и человеколюбие явися Спаса нашего Бога,

Тит.3:4  с толкованием

5
не от дел праведных, ихже сотворихом мы, но по Своей Его милости, спасе нас банею пакибытия и обновления Духа Святаго,

Тит.3:5  с толкованием

6
Егоже излия на нас обилно Иисус Христом, Спасителем нашим,

Тит.3:6  с толкованием

7
да оправдившеся благодатию Его, наследницы будем по упованию жизни вечныя.

Тит.3:7  с толкованием

8
(Чадо Тите,) верно слово, и о сих хощу тя извещати, да пекутся добрым делом прилежати веровавшии Богу: сия суть полезна человеком и добра.

Тит.3:8  с толкованием

9
Буих же стязаний и родословий и рвений и сваров законных отступай: суть бо неполезны и суетны.

Тит.3:9  с толкованием

10
Еретика человека по первом и вторем наказании отрицайся,

Тит.3:10  с толкованием

11
ведый, яко развратися таковый, и согрешает, и есть самоосужден.

Тит.3:11  с толкованием

12
Егда послю Артему к тебе или Тихика, потщися приити ко мне в Никополь: тамо бо судих озимети.

Тит.3:12  с толкованием

13
Зину законника и Аполлоса скоро предпосли, и да ничтоже им скудно будет.

Тит.3:13  с толкованием

14
Да учатся же и наши добрым делом прилежати в нужная требования, да не будут безплодни.

Тит.3:14  с толкованием

15
Целуют тя со мною сущии вси. Целуй любящыя ны в вере. Благодать со всеми вами. Аминь.

Тит.3:15  с толкованием