показать остальные стихи главы...
1
Сия книга повелений Божиих и закон сый во век: вси держащиися ея в живот (внидут), оставившии же ю умрут.
9
Виде бо нашедший вам гнев от Бога и рече: слышите, приселницы Сиони, наведе бо ми Господь сетование велико,
12
Никтоже да радуется о мне вдовице и оставленней от многих, опустех за грехи чад моих, понеже уклонишася от закона Божия,
13
и оправданий Его не познаша, и не ходиша в путех заповедий Божиих, ниже стезьми наказания в правде Его ступаша.
14
Да приидут окрестнии Сиони, и помяните пленение сынов моих и дщерей, еже наведе им Вечный:
16
понеже не усрамишася старца, ни помиловаша отрочате, и отведоша любезных вдовичих, и от дщерей едину опустошиша.
20
совлекохся ризы мирныя, облекохся же во вретище моления моего: возопию к Вечному во дни моя.
22
Аз бо (исперва) надеяхся на Вечнаго о спасении вашем: и прииде ми радость от Святаго в помиловании, еже приидет вам вскоре от Вечнаго Спаса нашего.
24
Якоже бо ныне видеша приселницы Сиони ваше пленение (от Бога), такожде узрят вскоре спасение ваше от Бога, еже приидет вам со славою великою и со освещением Вечнаго.
25
Чада, долготерпите иже от Бога нашедший вам гнев, гонил бо тя враг твой, и узриши пагубу его вскоре и на выю его наступиши.
28
Якоже бо бысть ум ваш заблудити вам от Бога, тако ныне десятижды усугубите обратившеся взыскати Его:
показать остальные стихи главы...
33
Якоже бо порадовася о твоем падении и возвеселися о разорении твоем, такожде опечалится о своем запустении.
37
Се, грядут сынове твои, ихже испустил еси, грядут собрани от восток даже до запад словом Святаго, радующеся о славе Божией.