Глава 
1

Втор.1  с толкованием

1
Сия словеса, яже глагола Моисей всему Израилю об ону страну Иордана, в пустыни на запады, близ Чермнаго моря, между Фараном и Тофолом, и Ловоном и Авлоном и златыми рудами:

Втор.1:1  с толкованием

2
единонадесяти дний от Хорива путь чрез гору Сиир даже до Кадис-Варни.

Втор.1:2  с толкованием

3
И бысть в четыредесятое лето, в первыйнадесять месяц, в первый день месяца глагола Моисей ко всем сыном Израилевым, по всему елико заповеда ему Господь к ним,

Втор.1:3  с толкованием

4
по убиении Сиона царя Аморрейска, жившаго во Есевоне, и Ога царя Васанска, жившаго во Астарофе и во Едраине,

Втор.1:4  с толкованием

5
об ону страну Иордана в земли Моавли, нача Моисей изясняти закон сей, глаголя:

Втор.1:5  с толкованием

6
Господь Бог наш глагола нам в Хориве, глаголя: да довлеет вам жити в горе сей:

Втор.1:6  с толкованием

7
обратитеся и воздвигнитеся вы, и внидите в гору Аморрейску, и ко всем населником Аравы, в гору и поле, и к югу и в приморскую землю Ханааню, и во Антиливан, даже до реки великия, реки Евфрата:

Втор.1:7  с толкованием

8
видите, предах пред вами землю, вшедше наследите землю, еюже клятся Господь отцем вашым, Аврааму и Исааку и Иакову, дати ю им и семени их по них.

Втор.1:8  с толкованием

9
И рекох к вам во время оно глаголя: не возмогу един водити вас:

Втор.1:9  с толкованием

10
Господь Бог ваш умножил вы есть, и се, есте днесь яко звезды небесныя множеством:

Втор.1:10  с толкованием

11
Господь Бог отец ваших да приложит вам, яко да будете тысящами сугубо, и да благословит вас, яко же глагола вам:

Втор.1:11  с толкованием

12
како возмогу един носити труды вашя и тяжести вашя и пререкания ваша?

Втор.1:12  с толкованием

13
Изберите себе мужы мудры и уметелны и смысленны в племенех ваших, и поставлю их над вами старейшины вам.

Втор.1:13  с толкованием

14
И отвещасте ми и рекосте: добро слово, еже глаголал еси сотворити.

Втор.1:14  с толкованием

15
И взях от вас мужы мудры и уметелны и смысленны, и поставих их владети над вами тысященачалники и стоначалники, и пятьдесятоначалники и десятоначалники, и писмовводители судиям вашым.

Втор.1:15  с толкованием

16
И заповедах судиям вашым во время оно, глаголя: разслушайте посреде братий ваших, и судите праведно посреде мужа и посреде брата его и посреде пришелца его:

Втор.1:16  с толкованием

17
да не познаете лица в суде, малому и великому судиши, и не устыдишися лица человеча, яко суд Божий есть: и речь, яже аще жестока будет у вас, донесете ю ко мне, и услышу ю.

Втор.1:17  с толкованием

18
И заповедах вам во время оно вся словеса, яже сотворите.

Втор.1:18  с толкованием

19
И воздвигшеся от Хорива, проидохом всю пустыню великую и страшную ону, юже видесте, путь горы Аморрейски, якоже заповеда нам Господь Бог наш: и приидохом до Кадис-Варни.

Втор.1:19  с толкованием

20
И рекох вам: приидосте до горы Аморрейски, юже Господь Бог наш дает вам:

Втор.1:20  с толкованием

21
видите, предаде Господь Бог ваш пред лицем вашим землю: вшедше наследите, якоже глагола Господь Бог отец ваших вам: небойтеся, ни ужасайтеся.

Втор.1:21  с толкованием

22
И приидосте ко мне вси и рекосте: да послем мужы пред нами, и да соглядают нам землю, и да поведят нам ответ, путь, имже дойдем ея, и грады, в няже внидем.

Втор.1:22  с толкованием

23
И угодно бысть слово предо мною, и поях от вас дванадесять мужей, мужа единаго от коегождо племене.

Втор.1:23  с толкованием

24
И обратившеся взыдоша на гору, и приидоша до дебри Грезновныя, и соглядаша ю:

Втор.1:24  с толкованием

25
и взяша в руце свои от плода земли и принесоша к нам, и глаголаху: блага земля, юже Господь Бог наш дает нам.

Втор.1:25  с толкованием

26
И не восхотесте взыти, но преслушасте глаголгол Господа Бога вашего:

Втор.1:26  с толкованием

27
и возроптасте в кущах своих и рекосте: ненависти ради изведе ны Господь из земли Египетския предати нас в руки Аморрейския, потребити нас:

Втор.1:27  с толкованием

28
камо мы взыдем? Братия же вашя отвратиша сердца ваша, глаголюще: язык велик и мног и крепчае нас, и грады велицы и ограждени даже до небесе, но и сыны Исполинов видехом тамо.

Втор.1:28  с толкованием

29
И глаголах к вам: не ужасайтеся, ниже убойтеся от них:

Втор.1:29  с толкованием

30
Господь Бог ваш предходяй пред лицем вашим, Той повоюет их с вами, по всему елико сотвори вам в земли Египетстей пред очима вашима,

Втор.1:30  с толкованием

31
и в пустыни сей, юже видесте: яко воспита тебе Господь Бог твой, якоже некий человек питает сына своего, по всему пути в оньже ходисте, дондеже приидосте на место сие.

Втор.1:31  с толкованием

32
И в словеси сем не веровасте Господеви Богу вашему,

Втор.1:32  с толкованием

33
иже предходит пред вами в путь избрати вам место, путеводя вас огнем нощию, показуя вам путь, имже ити по нем, и облаком во дни.

Втор.1:33  с толкованием

34
И услыша Господь (Бог) глас словес ваших, и разгневався клятся, глаголя:

Втор.1:34  с толкованием

35
аще узрит кто от мужей сих землю благую сию, еюже Аз кляхся отцем их,

Втор.1:35  с толкованием

36
разве Халев сын Иефонниин, сей узрит ю, и сему дам землю, на нюже взыде, и сыном его, понеже прилежит Господеви.

Втор.1:36  с толкованием

37
И на мя разгневася Господь вас ради, глаголя: ниже ты внидеши тамо:

Втор.1:37  с толкованием

38
Иисус сын Навин, иже стоит пред тобою, сей внидет тамо: сего укрепи, яко сей даст ю в наследие Израилю:

Втор.1:38  с толкованием

39
и отрочата ваша, о нихже глаголасте, яко в пленении имут быти, и всяко отроча младо, еже не весть днесь добра или зла, сии внидут тамо, и сим дам ю, и сии наследят ю:

Втор.1:39  с толкованием

40
и вы обратившеся ополчистеся в пустыню, путем к Чермному морю.

Втор.1:40  с толкованием

41
И отвещасте и рекосте мне: согрешихом пред Господем Богом нашим: мы шедше повоюем, по всему елико заповеда Господь Бог наш нам. И вземше кийждо орудия ратная своя и собравшеся взыдосте на гору.

Втор.1:41  с толкованием

42
И рече Господь ко мне: рцы им: не восходите, ниже ратуйте, несмь бо с вами, и да не будете сотрени пред враги вашими.

Втор.1:42  с толкованием

43
И глаголах к вам, и не послушасте мене: и преступисте слово Господне, и понудившеся взыдосте на гору.

Втор.1:43  с толкованием

44
И изыде Аморрей живущий на горе той противу вам, и прогна вас, аки бы пчелы творили, и уязвляху вас от Сиира даже до Ермы.

Втор.1:44  с толкованием

45
(И возвратистеся,) и седше плакасте пред Господем, и не послуша Господь гласа вашего, ниже внят вам:

Втор.1:45  с толкованием

46
и седесте в Кадисе дни многи, елики дни тогда седесте.

Втор.1:46  с толкованием

Глава 
2

Втор.2  с толкованием

1
И возвратившеся воздвигохомся в пустыню, путем моря Чермнаго, якоже глагола Господь ко мне: и обходихом гору Сиир дни многи.

Втор.2:1  с толкованием

2
И рече Господь ко мне:

Втор.2:2  с толкованием

3
довлеет вам обхождати гору сию: возвратитеся убо к северу:

Втор.2:3  с толкованием

4
и людем заповеждь, глаголя: вы пройдите сквозе пределы братии вашея, сынов Исавовых, живущих в Сиире, и убоятся вас и ужаснутся зело:

Втор.2:4  с толкованием

5
не сотворите с ними рати: не дах бо вам от земли их ниже стопы ноги, яко во жребий дах сыном Исавовым гору Сиир:

Втор.2:5  с толкованием

6
сребром пищу купите себе у них и ядите, и воду в меру возмите от них на цене и пийте:

Втор.2:6  с толкованием

7
ибо Господь Бог твой благослови тебе во всяком деле руку твоею: разумей, како прошел еси пустыню великую и страшную сию: се, четыредесять лет Господь Бог твой с тобою, и не востребовал еси словесе.

Втор.2:7  с толкованием

8
И минухом братию свою сыны Исавли, живущыя в Сиире, у пути Аравскаго от Елона и от Гесион-Гавера, и возвратившеся преидохом путь в пустыню Моавлю.

Втор.2:8  с толкованием

9
И рече Господь ко мне: не совраждуйтеся Моавитом и не сотворите с ними рати: не дах бо вам от земли их во жребий, сыном бо Лотовым дах Ароир наследити.

Втор.2:9  с толкованием

10
Оммины прежде седяху на ней, народ велик и мног и крепок якоже Енакими:

Втор.2:10  с толкованием

11
Рафаины глаголются и сии, якоже и Енакими: и Моавити прозывают я Оммины.

Втор.2:11  с толкованием

12
И в Сиире седяше Хорреи прежде, но сынове Исавовы потребиша я и искорениша я от лица своего: и вселишася вместо их, имже образом сотвори Израиль земли наследия своего, юже даде Господь им.

Втор.2:12  с толкованием

13
Ныне убо вы востаните и воздвигнитеся, и пройдите дебрь Заретову.

Втор.2:13  с толкованием

14
И дни, в няже отидохом от Кадис-Варни дондеже преидохом дебрь Заретову, тридесять и осмь лет, дондеже паде весь род мужей воинских от полка, якоже клятся им Господь Бог.

Втор.2:14  с толкованием

15
И рука Божия бяше на них, погубити я от полка, дондеже падоша.

Втор.2:15  с толкованием

16
И бысть внегда падоша вси мужи воинстии умирающе от среды людий,

Втор.2:16  с толкованием

17
и рече Господь ко мне, глаголя:

Втор.2:17  с толкованием

18
ты прейдеши днесь пределы Моавлими Ароир:

Втор.2:18  с толкованием

19
и пришедше близ сынов Амманих, не совраждуйтеся им и не сотворите с ними рати: не дам бо тебе от земли сынов Амманих во жребий, яко сыном Лотовым дах ю во жребий.

Втор.2:19  с толкованием

20
Земля Рафаинска возименуются: Рафаини бо на ней прежде живяху: Амманитяне же прозывают их Зоммин:

Втор.2:20  с толкованием

21
язык велик и мног и крепок, якоже и Енакими: и погуби я Господь от лица их, и прияша наследие и вселишася вместо их даже до сего дне:

Втор.2:21  с толкованием

22
якоже сотвориша сыном Исавовым живущым в Сиире, имже образом потребиша Хорреа от лица своего и наследиша их, и вселишася вместо их даже до сего дне:

Втор.2:22  с толкованием

23
и Евее живущии во Асирофе даже до Газы, и Каппадоки изшедшии из Каппадокии потребиша я, и вселишася вместо их.

Втор.2:23  с толкованием

24
Ныне убо востаните и воздвигнитеся, и прейдите вы дебрь Арноню: се, предах в руце твои Сиона царя Есевоня Аморрейска и землю его: начни наследовати, сотвори с ним рать днешний день:

Втор.2:24  с толкованием

25
начинай даяти трепет твой и страх твой пред лицем всех языков сущих под небесем, иже слышавше имя твое возмятутся, и болезнь приимут от лица твоего.

Втор.2:25  с толкованием

26
И послах послы от пустыни Кедамоф к Сиону царю Есевоню словесы мирными, глаголя:

Втор.2:26  с толкованием

27
да пройду сквозе землю твою: по пути пройду, не совращуся ни на десно, ни на лево:

Втор.2:27  с толкованием

28
пищу на цене даси ми, и ям: и воду на цене даси ми, и пию: точию ногама моима да прейду:

Втор.2:28  с толкованием

29
якоже сотвориша ми сынове Исавли живущии в Сиире и Моавити живущии во Ароире, дондеже прейду Иордан на землю, юже Господь Бог наш дает нам.

Втор.2:29  с толкованием

30
И не восхоте Сион цар Есевонь, да пройдем сквозе его, яко ожесточи Господь Бог наш дух его и укрепи сердце его, да предастся в руце твои якоже во днешний день.

Втор.2:30  с толкованием

31
И рече Господь ко мне: се, начах предаяти пред лицем твоим Сиона царе Есевоня Аморрейска и землю его, и начинай наследити землю его.

Втор.2:31  с толкованием

32
И изыде Сион царь Есевонь противу нам сам и вси людие его на брань во Иассу:

Втор.2:32  с толкованием

33
и предаде его Господь Бог наш пред лицем нашим в руце наши: и убихом его, и сыны его и вся люди его:

Втор.2:33  с толкованием

34
и одержихом вся грады его во оно время, и разорихом всяк град, ктому и жены их и дети их не оставихом живы:

Втор.2:34  с толкованием

35
токмо скот пленихом себе, и корысти градов взяхом.

Втор.2:35  с толкованием

36
Из Ароира, иже есть при устии водотечи Ариони, и град иже есть в дебри, и даже до горы Галаадовы, не бысть град уцелевый от нас: вся предаде Господь Бог наш в руце наши:

Втор.2:36  с толкованием

37
токмо в земли сынов Амманих не приступахом ко всем прилежащым к водотечи Иавокове и ко градом иже в горах, якоже повеле нам Господь Бог наш.

Втор.2:37  с толкованием

Глава 
3

Втор.3  с толкованием

1
И обратившеся взыдохом путем иже к Васану: и изыде Ог царь Васанский противу нам, сам и вси людие его с ним на брань во Едраим.

Втор.3:1  с толкованием

2
И рече Господь ко мне: не убойся его, яко в руце твои предах его, и вся люди его, и всю землю его: и сотвориши ему, якоже сотворил еси Сиону царю Аморрейску, иже живяше во Есевоне.

Втор.3:2  с толкованием

3
И предаде его Господь Бог наш в руце наши, и Ога царя Васанска, и вся люди его: и избихом его, дондеже не остася от него семя:

Втор.3:3  с толкованием

4
и одержахом вся грады его во время оно, не бысть града, егоже не взяхом от них: шестьдесят градов, вся пределы Аргова царя Ога в Васане,

Втор.3:4  с толкованием

5
вся грады тверды, стены высоки, врата и вереи, кроме градов ферезейских многих зело:

Втор.3:5  с толкованием

6
потребихом их, якоже сотворихом Сиону царю Есевоню, и потребихом вся грады, вкупе и жены их и чада:

Втор.3:6  с толкованием

7
и вся скоты, и корысти градныя пленихом себе,

Втор.3:7  с толкованием

8
и взяхом в то время землю от рук двух царей Аморрейских, иже быша об оны пол Иордана, от водотечи Арнони, даже и до горы Аермона.

Втор.3:8  с толкованием

9
Финикиане прозывают Аермон Саниором, Аморрей же прозва его Саниром.

Втор.3:9  с толкованием

10
Вси грады мисоровы, и весь Галаад, и весь Васан даже до Елхи и Едраима, грады царствия Огова в Васане:

Втор.3:10  с толкованием

11
яко точию Ог царь Васанский остася от Рафаинов: се, одр его одр железен, се, той есть в Краеградии сынов Аммановых: девять лакот долгота его и четыри лакти широта его лактем мужеским.

Втор.3:11  с толкованием

12
И землю ту наследихом во оно время от Ароира, иже есть у устия водотечи Ариони, и пол горы Галаадовы: и грады его дах Рувиму и Гаду:

Втор.3:12  с толкованием

13
и оставшее Галаадово, и все Васанское царство Огово дах полуплемени Манассиину, и весь предел Аргова, весь Васан оный, земля Рафаиня вменится.

Втор.3:13  с толкованием

14
И Иаир сын Манассиин взя вся пределы Аргова, даже до предел Гаргасинских и Махафинских: прозва я по имени своему Васан Авоф Иаир, даже до сего дне:

Втор.3:14  с толкованием

15
и Махиру дах Галаад,

Втор.3:15  с толкованием

16
и Рувиму и Гадови дах от Галаада даже до водотечи Арнони, среди водотечи предел, и даже до Иавока: водотеча предел сынов Амманих:

Втор.3:16  с толкованием

17
и арава и Иордан предел от Махенерефа и даже до моря Аравскаго, моря Сланаго, под асидофом Фазги от востока.

Втор.3:17  с толкованием

18
И повелех вам во время оно, глаголя: Господь Бог ваш даде вам землю сию во жребий: вооружени поидите пред лицем братии вашея сынов Израилевых, всяк сильный:

Втор.3:18  с толкованием

19
точию жены вашя и дети вашя и скоти вашя, вем, яко скот мног есть вам, да пребудут во градех ваших, яже дах вам:

Втор.3:19  с толкованием

20
дондеже упокоит Господь Бог наш братию вашу, якоже и вас, и наследят и сии землю, юже Господь Бог ваш дает им об ону страну Иордана: и возвратитеся кийждо в наследие свое иже дах вам.

Втор.3:20  с толкованием

21
И Иисусу заповедах во время оно, глаголя: очи ваши видеша вся, елика сотвори Господь Бог наш обоим царем сим, тако сотворит Господь Бог наш всем царством, ихже сквозе ты пройдеши тамо:

Втор.3:21  с толкованием

22
не убойтеся от них, яко Господь Бог наш Сам поборет по вас.

Втор.3:22  с толкованием

23
И молихся Господви во оно время, глаголя:

Втор.3:23  с толкованием

24
Господи Боже, Ты начал еси показовати Твоему рабу крепость Твою и силу Твою, и руку крепкую и мышцу высокую: кто бо есть бог на небеси или на земли, иже сотворит, якоже сотворил еси Ты, и по крепости Твоей?

Втор.3:24  с толкованием

25
Прешед убо увижду землю благую сию, яже об ону страну Иордана, гору сию благу и Антиливан.

Втор.3:25  с толкованием

26
И презре мя Господь вас ради, и не послуша мене, и рече Господь ко Мне: довлеет ти, не приложи к сему глаголати словесе сего:

Втор.3:26  с толкованием

27
взыди на верх горы Изсеченыя и воззри очима твоима к морю и северу, и югу и на востоки, и виждь очима твоима, яко не прейдеши Иордана сего:

Втор.3:27  с толкованием

28
и заповеждь Иисусу, и укрепи его, и утеши его: яко сей прейдет пред лицем людий сих, и сей разделит им в наследие всю землю, юже еси видел.

Втор.3:28  с толкованием

29
И пребыхом во юдоли близ дому Фогорова.

Втор.3:29  с толкованием

Глава 
4

Втор.4  с толкованием

1
И ныне, Израилю, послушай оправданий и судов, елика аз учу вас днесь делати, да поживете и умножитеся, и вшедше наследите землю, юже Господь Бог отец ваших дает вам в наследие:

Втор.4:1  с толкованием

2
да не приложите к словеси, еже аз заповедаю вам, ниже да отимете от него: сохраните заповеди Господа Бога нашего, елика аз заповедаю вам днесь.

Втор.4:2  с толкованием

3
Очи ваши видеша вся, елика сотвори Господь Бог наш Веельфегору: яко всяк человек иже иде вслед Веельфегора, потреби его Господь Бог наш от вас:

Втор.4:3  с толкованием

4
вы же, прилежащии Господеви Богу вашему, живете вси до днесь:

Втор.4:4  с толкованием

5
видите, показах вам оправдания и суды, якоже заповеда мне Господь Бог мой сотворити сице на земли, в нюже вы идете тамо, наследити ю:

Втор.4:5  с толкованием

6
и сохраните, и сотворите, яко сия премудрость ваша и смышление пред всеми языки, елицы аще услышат вся оправдания сия и рекут: се, людие премудрии и уметелны: язык великий сей.

Втор.4:6  с толкованием

7
Кий бо язык тако велий, емуже есть бог, приближаяйся ему, яко Господь Бог наш во всех, в нихже аще призовем Его?

Втор.4:7  с толкованием

8
И кий язык велик, емуже суть оправдания и суды правы по всему закону сему, егоже аз даю пред вами днесь?

Втор.4:8  с толкованием

9
Вонми себе и снабди душу твою зело, и не забуди всех словес, яже видеста очи твои, и да не отступят от сердца твоего вся дни живота твоего: и да наставиши сыны твоя и сыны сынов твоих,

Втор.4:9  с толкованием

10
в день в оньже стоясте пред Господем Богом вашим в Хориве в день собрания, егда рече Господь ко мне: собери ко Мне люди, и да слышат словеса Моя, да научатся боятися Мене вся дни, в няже сии живут на земли, и сыны своя да научат.

Втор.4:10  с толкованием

11
И приидосте, и стасте под горою: и гора горяше огнем даже до небесе, тма, мрак, и вихр.

Втор.4:11  с толкованием

12
И глагола Господь к вам на горе из среды огня: глас словес Его вы слышасте, и образа не видесте, токмо глас:

Втор.4:12  с толкованием

13
и возвести вам завет Свой, егоже заповеда вам творити, десять словес, и написа я на двоих скрижалех каменных:

Втор.4:13  с толкованием

14
и мне заповеда Господь во время оно, научити вас оправданием и судам, творити вам я на земли, в нюже вы входите тамо наследити ю.

Втор.4:14  с толкованием

15
И снабдите душы своя зело, яко не видесте всякаго подобия в день, в оньже глагола Господь к вам в горе Хориве из среды огня:

Втор.4:15  с толкованием

16
не беззаконнуйте, и не сотворите себе самим подобия ваянна, всякаго образа подобия мужеска пола или женска:

Втор.4:16  с толкованием

17
и подобия всякаго скота, иже есть на земли, подобия всякия птицы пернатыя, под небесем парящия:

Втор.4:17  с толкованием

18
подобия всякаго гада, иже плежет по земли: подобия всякия рыбы, елики суть в водах под землею:

Втор.4:18  с толкованием

19
да не когда воззрев на небо и видев солнце и луну и звезды, и всю красоту небесную, прельстився поклонишися им и послужиши им, яже раздели Господь Бог твой всем языком, иже под небесем.

Втор.4:19  с толкованием

20
Вас же взя Господь Бог и изведе вас от пещи железны из Египта, да будете Ему людие в жребий, якоже в днешний день.

Втор.4:20  с толкованием

21
И Господь Бог разгневася на мя о словесех ваших, и клятся, да не прейду Иордана сего и да не вниду в землю, юже Господь Бог твой дает тебе в наследие:

Втор.4:21  с толкованием

22
аз бо умру в сей земли, и не прейду Иордана сего, вы же прейдете и наследите землю благую сию.

Втор.4:22  с толкованием

23
Вонмите вы, да не когда забудете завета Господа Бога вашего, егоже завеща к вам, и да не сотворите сами себе изваянна подобия всех, яже заповеда тебе Господь Бог твой,

Втор.4:23  с толкованием

24
яко Господь Бог твой огнь потребляяй есть, Бог ревнитель.

Втор.4:24  с толкованием

25
Аще же родиши сыны и сыны сынов твоих, и умедлите на земли, и возбеззаконнуете, и сотворите изваянно подобие всякаго, и сотворите злое пред Господем Богом, вашим, еже раздражити Его,

Втор.4:25  с толкованием

26
засвидетелствую вам днесь небесем и землею, яко пагубою погибнете от земли, на нюже вы преходите чрез Иордан тамо наследити ю: не пребудете много дний на ней, но потреблением потребитеся:

Втор.4:26  с толкованием

27
и разсыплет вы Господь во всех языцех, и останетеся мали числом во языцех, в няже введет вы Господь тамо,

Втор.4:27  с толкованием

28
и послужите тамо богом иным, делом рук человеческих, древу и камению, иже не узрят и не услышат, ни ядят, ни обоняют:

Втор.4:28  с толкованием

29
и взыщете тамо Господа Бога вашего, и обрящете Его, егда взыщете Его от всего вашего сердца и от всея души вашея в скорби вашей.

Втор.4:29  с толкованием

30
И постигнут тя вся сия словеса в последняя дни, и обратишися к Господеви Богу твоему, и услышиши глас Его,

Втор.4:30  с толкованием

31
яко Бог щедр и милосерд Господь Бог твой, не оставит тебе, ниже потребит тебе, не забудет завета отец твоих, имже клятся им.

Втор.4:31  с толкованием

32
Вопросите дний первых, бывших прежде вас, от дне в оньже сотвори Бог человека на земли, и от края небесе даже до края небесе, аще бысть по словеси великому сему, аще слышано бысть сицево:

Втор.4:32  с толкованием

33
аще (кий) язык слыша глас Бога живаго глаголюща от среды огня, имже образом слышал еси ты, и жив был еси:

Втор.4:33  с толкованием

34
аще искуси бог вшед взяти себе язык от среды языка искушением, и знамении и чудесы, и бранию и рукою сильною, и мышцею высокою и видении великими, по всему елико сотвори Господь Бог наш во Египте пред тобою зрящим,

Втор.4:34  с толкованием

35
яко да разумееши ты, яко Господь Бог твой сей Бог есть, и несть разве Его.

Втор.4:35  с толкованием

36
От небесе слышан сотвори тебе глас Свой, еже научити тя, и на земли показа тебе огнь Свой великий, и глаголголы Его слышал еси из среды огня:

Втор.4:36  с толкованием

37
занеже возлюби отцы твоя, избра семя их по них вас, и изведе тя Сам силою Своею великою из Египта

Втор.4:37  с толкованием

38
потребити языки великия и крепчайшыя тебе пред лицем твоим, ввести тя, дати тебе землю их в наследие, якоже имаши днесь.

Втор.4:38  с толкованием

39
И увеси днесь, и обратишися умом, яко Господь Бог твой Сей Бог на небеси горе и на земли долу, и несть разве Его,

Втор.4:39  с толкованием

40
и да сохраниши заповеди Его и оправдания Его, елика аз заповедаю тебе днесь, да благо тебе будет и сыном твоим по тебе, яко да будете долголетни на земли, юже Господь Бог твой дает тебе вся дни.

Втор.4:40  с толкованием

41
Тогда отдели Моисей три грады об ону страну Иордана на восток солнца,

Втор.4:41  с толкованием

42
еже убегати тамо убийце, иже аще убиет ближняго не ведый, и сей не ненавидя его прежде вчера и третияго дне, и да вбегнет во един град от сих и жив будет:

Втор.4:42  с толкованием

43
Восор в пустыни в земли селней Рувиму, и Раммоф в Галааде Гадду, и Гавлон в Васане Манассии.

Втор.4:43  с толкованием

44
Сей закон, егоже предложи Моисей пред сыны Израилтескими:

Втор.4:44  с толкованием

45
сия свидения и оправдания и суды, елика глагола Моисей сыном Израилевым в пустыни, изшедшым им из земли Египетския,

Втор.4:45  с толкованием

46
об он пол Иордана, в дебри, близ дому Фогорова, в земли Сиона царя Аморрейска, иже живяше во Есевоне, егоже изби Моисей и сынове Израилевы, изшедшым им из земли Египетския.

Втор.4:46  с толкованием

47
И наследиша землю его и землю Ога царя Васанска, дву царей Аморрейских, иже бяху об он пол Иордана на восток солнца,

Втор.4:47  с толкованием

48
от Ароира, иже есть во устии водотечи Арнони и у горы Сиона, яже есть Аермон,

Втор.4:48  с толкованием

49
всю араву об ону страну Иордана, на восток солнца под асидофом Тесаным.

Втор.4:49  с толкованием

Глава 
5

Втор.5  с толкованием

1
И призва Моисей всего Израиля и рече к ним: слыши, Израилю, оправдания и суды, елика аз глаголю во ушы ваши во днешний день, и научитеся их, и сохраните творити я.

Втор.5:1  с толкованием

2
Господь Бог ваш завеща вам завет в Хориве:

Втор.5:2  с толкованием

3
не отцем вашым завеща Господь завет сей, но токмо вам: вы же зде вси живи днесь.

Втор.5:3  с толкованием

4
Лицем к лицу глагола Господь к вам на горе из среды огня,

Втор.5:4  с толкованием

5
и аз стоях между Господем и вами во время оно возвестити вам глаголголы Господня, яко убоястеся от лица огня и не взыдосте на гору, глаголя:

Втор.5:5  с толкованием

6
Аз есмь Господь Бог твой, изведый тя из земли Египетския, от дому работы:

Втор.5:6  с толкованием

7
да не будут тебе бози инии пред лицем Моим.

Втор.5:7  с толкованием

8
Да не сотвориши себе кумира, ни всякаго подобия, елика на небеси горе, и елика на земли низу, и елика в водах под землею,

Втор.5:8  с толкованием

9
да не поклонишися им, ниже послужиши им: яко Аз есмь Господь Бог твой, Бог ревнив, отдаяй грехи отцев на чада до третияго и четвертаго рода ненавидящым Мене,

Втор.5:9  с толкованием

10
и творяй милость в тысящах любящым Мене и хранящым повеления Моя.

Втор.5:10  с толкованием

11
Да не приимеши имене Господа Бога твоего всуе: не очистит бо Господь Бог твой приемлющаго имя Его всуе.

Втор.5:11  с толкованием

12
Снабди день субботный святити его, якоже заповеда тебе Господь Бог твой:

Втор.5:12  с толкованием

13
шесть дний делай, и да сотвориши вся дела твоя,

Втор.5:13  с толкованием

14
в день же седмый суббота Господу Богу твоему: да не сотвориши в онь всякаго дела, ты и сын твой и дщерь твоя, раб твой и раба твоя, вол твой и осел твой и всяк скот твой, и пришлец обитаяй у тебе, да почиет раб твой и раба твоя, и осел твой, якоже и ты:

Втор.5:14  с толкованием

15
и да помянеши, яко (и ты) раб был еси в земли Египетстей и изведе тя Господь Бог твой оттуду рукою крепкою и мышцею высокою: сего ради повеле тебе Господь Бог твой, еже хранити день субботный и святити его.

Втор.5:15  с толкованием

16
Чти отца твоего и матерь твою, якоже заповеда тебе Господь Бог твой, да благо ти будет и да долголетен будеши на земли, юже Господь Бог твой дает тебе.

Втор.5:16  с толкованием

17
Не убий.

Втор.5:17  с толкованием

18
Не прелюбодействуй.

Втор.5:18  с толкованием

19
Не укради.

Втор.5:19  с толкованием

20
Не послушествуй на ближняго твоего свидетелства ложна.

Втор.5:20  с толкованием

21
Не пожелай жены ближняго твоего, не пожелай дому ближняго твоего, ни села его, ни раба его, ни рабыни его, ни вола его, ни осляте его, ни всякаго скота его, ниже всех, елика ближняго твоего суть.

Втор.5:21  с толкованием

22
Сия словеса глагола Господь ко всему сонму вашему на горе из среды огня: тма, мрак, буря, глас велик, и не приложи: и написа я на двоих скрижалех каменных, и даде мне.

Втор.5:22  с толкованием

23
И бысть яко услышасте глас из среды огня, и гора горяше огнем, и приидосте ко мне вси началницы племен ваших и старейшины ваши,

Втор.5:23  с толкованием

24
и ресте: се, показа нам Господь Бог наш славу Свою, и глас Его слышахом из среды огня: во днешний день видехом, яко возглаголет Бог человеку, и жив будет:

Втор.5:24  с толкованием

25
и ныне да не измрем, яко потребит нас огнь великий сей, аще приложим мы слышати глас Господа Бога нашего ктому, и умрем:

Втор.5:25  с толкованием

26
кая бо плоть, яже слыша глас Бога жива, глаголюща из среды огня, якоже мы, и жива будет?

Втор.5:26  с толкованием

27
Приступи ты, и послушай вся, елика к тебе речет Господь Бог наш, и ты речеши к нам вся, елика речет Господь Бог наш к тебе, и услышим, и сотворим.

Втор.5:27  с толкованием

28
И услыша Господь глас словес ваших, глаголющым вам ко мне, и рече Господь ко мне: слышах глас словес людий сих, елика глаголаша к тебе: право вся, елика глаголаша:

Втор.5:28  с толкованием

29
кто даст еже быти тако сердцу их в них, яко боятися Мене и хранити заповеди Моя во вся дни, да благо будет им и сыном их во веки?

Втор.5:29  с толкованием

30
Гряди, рцы им: возвратитеся в в домы своя:

Втор.5:30  с толкованием

31
ты же зде стани со Мною, и возглаголю к тебе вся заповеди и оправдания и суды, еликим научиши их: и да сотворят сице в земли, юже Аз даю им в жребий:

Втор.5:31  с толкованием

32
и сохраните творити, якоже заповеда тебе Господь Бог твой: не совратитеся ни на десно, ни на лево,

Втор.5:32  с толкованием

33
по всему пути, егоже заповеда тебе Господь Бог твой ходити в нем, да тя упокоит, и благо тебе будет: и многи дни будете на земли, юже наследите.

Втор.5:33  с толкованием